لوشي دي ويكاب قصب بلدات منو ؟؟

Post: #1
Title: لوشي دي ويكاب قصب بلدات منو ؟؟
Author: د احمد حمدان
Date: 12-06-2017, 09:54 PM
Parent: #0

08:54 PM December, 06 2017
سودانيز اون لاين
د احمد حمدان-Sudan
مكتبتى
رابط مختصر
؟؟

Post: #2
Title: Re: لوشي دي ويكاب قصب بلدات منو ؟؟
Author: د احمد حمدان
Date: 12-06-2017, 09:55 PM

فنانة ؟ ولا دفعت منو في جامعة الخرطوم ؟

Post: #3
Title: Re: لوشي دي ويكاب قصب بلدات منو ؟؟
Author: د احمد حمدان
Date: 12-06-2017, 09:59 PM

الواحد قاعد ليهو في كورنة من السودان ما جايب خبر .. قوقلتها قوقل قال يبقى لي بشلل اطفال ما عرفتها .. دخلت ويكي ناس ويكي قالو شوفو ناس ميكي

مشيت مواقع الاخبار مافي تب خبر
قالو يبقى ليهم بحادث مركب وقطر

Post: #4
Title: Re: لوشي دي ويكاب قصب بلدات منو ؟؟
Author: Asim Ali
Date: 12-06-2017, 10:10 PM
Parent: #3

لوشى - تسابيح - شاش - ندى - ومونيكا ولندن و ......
كلها من صناعه نظام اراد ان يدور الناس فى دوائر مفرغه بعيدا بؤره الحقيقه والمعاناه
يقال انها ضمن جماعه الاعلام ولكن كل هذا الضجيج ليس لرجاحه عقل او ثقافه وانما لرسم اضاع عقول الشباب حتى صنع لها كل هذه الهاله الوهميه

Post: #6
Title: Re: لوشي دي ويكاب قصب بلدات منو ؟؟
Author: د احمد حمدان
Date: 12-06-2017, 10:15 PM
Parent: #4

اهاااا

حباب ود على شكرا ليك سكنت لي راسي يعني لوشي دي اعلامية درست اعلام وانضمت للكوكبه بتاعت الاعلاميين كلام سمح الخازوق تكون ما قرت اعلام ذاتو ساعتها .. الواحد يكون معذور بانه جاهل بيها .. شايفها عاملة ضجة

Post: #5
Title: Re: لوشي دي ويكاب قصب بلدات منو ؟؟
Author: د احمد حمدان
Date: 12-06-2017, 10:12 PM

انا عارف نفسي في المشاهر الجدد زيرو كبير .. زي ناس لوشي والهوت دوق

قصتي مع الهوت دوق لا تصدق .. كنت غاطس في منطقة تموت من البعوض تيرانها سمعت انو البشير قال الشعب السوداني في عهد الانقاذ عرف الهوت دوق وانا والله والله ماكنت عارفو .. المهم افتكرت الهوت دوق ده موقع زي الفيس او برنامج زي الواتس وبقيت قافل على كده مرت السنين وجيت الخرطوم بالصدفة لقيت دفعتي اصر علي نمشي ناكل مشينا مطعم بتاع المطعم جاب لينا الورقة ديك مكتوب فيها الوجبات من ضمنها الهوت دوق قلت ليهو بسم الله هو الشي ده اكل ؟ قال لي اي ا اللخو قلت ليهو بياكلو بملاح شنو قال لي قروض

Post: #7
Title: Re: لوشي دي ويكاب قصب بلدات منو ؟؟
Author: د احمد حمدان
Date: 12-06-2017, 10:20 PM

بجد البت دي ما سمعت بيها كلو كلو رغما عن شهرتها التي اقتربت من تاسيس حزب بمريديها .. ذكرتني جهل بنت دفعتي بوردي عليه رحمة الله لما الشباب بتكلمو وردي وردي قاطعتهم بسؤال وردي ده الدفعه الكم مفتكراهو طالب فغضب منها الشباب .. ف ما يقومو عشاق لوشي يزعلو مني كمان طالما هي مشهورة وانا معذور بجهلي

Post: #8
Title: Re: لوشي دي ويكاب قصب بلدات منو ؟؟
Author: د احمد حمدان
Date: 12-06-2017, 10:26 PM

Quote: لوشى - تسابيح - شاش - ندى - ومونيكا ولندن و ....

تسابيح ندى مونيكا لندن عرفتهم لكن شاش دي وقفت لي ما سمعت ليها ولا اغنية قبل كدي يمكن لاني ما متابع اغاني واغاني لكن بعد الشبكة تتصلح بباصر ليها قوقل او ادرع اليوتيوب اشوف خبر Gauze دي شنو الواحد لازم يتثقف ضروري عشان يصوت على بينة