لوشى - تسابيح - شاش - ندى - ومونيكا ولندن و ...... كلها من صناعه نظام اراد ان يدور الناس فى دوائر مفرغه بعيدا بؤره الحقيقه والمعاناه يقال انها ضمن جماعه الاعلام ولكن كل هذا الضجيج ليس لرجاحه عقل او ثقافه وانما لرسم اضاع عقول الشباب حتى صنع لها كل هذه الهاله الوهميه
12-06-2017, 10:15 PM
د احمد حمدان د احمد حمدان
تاريخ التسجيل: 12-02-2016
مجموع المشاركات: 121
حباب ود على شكرا ليك سكنت لي راسي يعني لوشي دي اعلامية درست اعلام وانضمت للكوكبه بتاعت الاعلاميين كلام سمح الخازوق تكون ما قرت اعلام ذاتو ساعتها .. الواحد يكون معذور بانه جاهل بيها .. شايفها عاملة ضجة
12-06-2017, 10:12 PM
د احمد حمدان د احمد حمدان
تاريخ التسجيل: 12-02-2016
مجموع المشاركات: 121
انا عارف نفسي في المشاهر الجدد زيرو كبير .. زي ناس لوشي والهوت دوق
قصتي مع الهوت دوق لا تصدق .. كنت غاطس في منطقة تموت من البعوض تيرانها سمعت انو البشير قال الشعب السوداني في عهد الانقاذ عرف الهوت دوق وانا والله والله ماكنت عارفو .. المهم افتكرت الهوت دوق ده موقع زي الفيس او برنامج زي الواتس وبقيت قافل على كده مرت السنين وجيت الخرطوم بالصدفة لقيت دفعتي اصر علي نمشي ناكل مشينا مطعم بتاع المطعم جاب لينا الورقة ديك مكتوب فيها الوجبات من ضمنها الهوت دوق قلت ليهو بسم الله هو الشي ده اكل ؟ قال لي اي ا اللخو قلت ليهو بياكلو بملاح شنو قال لي قروض
12-06-2017, 10:20 PM
د احمد حمدان د احمد حمدان
تاريخ التسجيل: 12-02-2016
مجموع المشاركات: 121
بجد البت دي ما سمعت بيها كلو كلو رغما عن شهرتها التي اقتربت من تاسيس حزب بمريديها .. ذكرتني جهل بنت دفعتي بوردي عليه رحمة الله لما الشباب بتكلمو وردي وردي قاطعتهم بسؤال وردي ده الدفعه الكم مفتكراهو طالب فغضب منها الشباب .. ف ما يقومو عشاق لوشي يزعلو مني كمان طالما هي مشهورة وانا معذور بجهلي
12-06-2017, 10:26 PM
د احمد حمدان د احمد حمدان
تاريخ التسجيل: 12-02-2016
مجموع المشاركات: 121
تسابيح ندى مونيكا لندن عرفتهم لكن شاش دي وقفت لي ما سمعت ليها ولا اغنية قبل كدي يمكن لاني ما متابع اغاني واغاني لكن بعد الشبكة تتصلح بباصر ليها قوقل او ادرع اليوتيوب اشوف خبر Gauze دي شنو الواحد لازم يتثقف ضروري عشان يصوت على بينة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د احمد حمدان
Asim Ali
فيس بوك
تويتر
انستقرام
يوتيوب
بنتيريست