** واحدة من ثمار القرارات السعودية بالنسبة لنا كسودانيين **

06:36 AM July, 26 2017

سودانيز اون لاين
ابوحراز-
مكتبتى
رابط مختصر

أحد الأصدقاء 12 سنة غربة ..
المدهش أنه تزوج ومن ثم اتى للسعودية ..
مشاكل مع الكفيل ..
زعزعة وعدم استقرار في العمل ..
مشاكل عائلية بالسودان ..
لأنه لايسافر الا بعد اربع سنوات ..
لم يذهب الى موطنه سوى مرتين لاغير خلال كل هذه الفترة ..
المدام لم تنجب طيلة الأثنا عشر عاما ..
مرة حردانة هي وتمشي بيت ناس ابوها ..
مرة حردان هو ..
مرة التهابات
أخيرا .. وقبل 37 يوما حزم حقائبه ..
ولملم أطرافه وسافر نهائيا للسودان ..
الآن المدام حاااااااااامل !!!!!!
قال عودة طوعية قال !!!!!

التحية لك اخي الفاضل ابوحراز ..

ونسأل الله الكريم الرحيم ان يكرمكم ويجعل
رجوع كل الاخوة السودانين خير عليهم .

وبمناسبة كلامك دا اخي :
أخيرا .. وقبل 37 يوما حزم حقائبه ..
ولملم أطرافه وسافر نهائيا للسودان .. الآن
المدام حاااااااااامل !!!!!! قال عودة طوعية قال !!!!!
مبروك عليها وربنا يتم ليها علي الف خير ......
يا ابوحراز المشكلة الكبيرة الحاتلاقي المغتربين
هي كترة الانجاب ! لو كان انجبوا بصورة محدودة
كان الوضع بكون شوية مختلف المعاناة لكن الشئ
المعروف كترة الانجاب هي البتكون من ضمن ..
المشاكل البتعاني منها الاسرة لو في السودان او
في الدول العربية الآخري . لانه الحياة صعبت جدآ
والوضع اختلف ونحن كسودانيين التكافل الاجتماعي
من واجبنا الاسري والتربوي ودي برضو من ضمن
الاعباءة والمشاكل الحا تواجهنا مستقبلآ . ومن هنا
بناشد الاخوة في الدول العربية ان يحددوا النسل شوية
عشان ما يكون سبب التعاسة ليهم وللقادمون الجدد
من اطفال ! معذرة لو ادخلت في شئون خاصة لكن
الاطفال ما عندهم ذنب للعيش الضنك العايشين فيهم
معظم اناس العالم ..

ولك التحية اخي الكريم حراز .

تحياتي الأخت الفاضلة منى عمسيب
وشكرا للمداخلة الكاملة الدسم والخالية من الكلسترول

Quote: مبروك عليها وربنا يتم ليها علي الف خير ...... يا ابوحراز المشكلة الكبيرة الحاتلاقي المغتربين هي كترة الانجاب ! لو كان انجبوا بصورة محدودة كان الوضع بكون شوية مختلف المعاناة لكن الشئ المعروف كترة الانجاب هي البتكون من ضمن .. المشاكل البتعاني منها الاسرة لو في السودان او في الدول العربية الآخري . لانه الحياة صعبت جدآ والوضع اختلف ونحن كسودانيين التكافل الاجتماعي من واجبنا الاسري والتربوي ودي برضو من ضمن الاعباءة والمشاكل الحا تواجهنا مستقبلآ . ومن هنا بناشد الاخوة في الدول العربية ان يحددوا النسل شوية عشان ما يكون سبب التعاسة ليهم وللقادمون الجدد من اطفال ! معذرة لو ادخلت في شئون خاصة لكن الاطفال ما عندهم ذنب للعيش الضنك العايشين فيهم معظم اناس العالم .. ولك التحية اخي الكريم حراز .

انتي عارفة معظم المغتربين ابناؤهم قليلين جدا
خاصة اولئك الذين يعيشون بمفردهم
ونسوانهم بالسودان
يعني 90% منهم ما بين الطفلين الى خمسة أطفال
وكل ذلك بسبب ظروف الغربة
والحرمان من الحياة الزوجية
ونسال الله ان يعين نسوان المغتربين
اقسم بالله الواحدة تلقاها من الشقاوة ناشفة زي الحطب
ولكن تبدأ في الاخضرار بمجرد حضور زوجها

بالنسبة لتنظيم النسل اصبح أمر طبيعي في السودان
ولايحتاج الى أي موانع
فالراجل ياتي منهك من العمل وزحمة المواصلات وغلاء الأسعار هذا جانب
الجانب الآخر اطفال هذا الزمن لايمنحوك الفرصة لانجاب طفل آخر
يعني نحن زمان من تتعشى وتشرب اللبن
تاني ماتصحى الا الصباح
الآن ماشاء الله
لو عطست بس تلقى الشفع كلهن صحوا من النوم
يعني لو انجبت الطفل الأول
الثاني لاياتي الا بالغفلة !!!

أبو حراز إزيك

تصدق الثمار كثيرة ، بس الغفلة يا صاحب

دمت،،

مشكلتنا في السودان ما بنشتغل !!

لانو بنلقى الونسات وقعاد الضللة والقهاوي والكورة والبرامج اللذيذة ...

Quote: أخيرا .. وقبل 37 يوما حزم حقائبه .. ولملم أطرافه وسافر نهائيا للسودان .. الآن المدام حاااااااااامل !!!!!! قال عودة طوعية قال !!!!!

دا الكلام؛
تشكر ابوحراز اذ اسعدتنا؛
...........................
عارف يا ابوحراز زي ما قال واحد صاحبي:انو القرارات
دي اتخذت لينا القرار الما قادرين عليهو؛
عليك الله هي الجرجرة دي لمتين؟
خلاص لقد هرمنا؛
نرتب امورنا بهدوء ونشتت بهدوء؛
واولاد الهواء الطلق؛
والحوش الفسيح دا قراب
بالله بارك لصاحبك؛
وقول ليهو خلاص مهمتك انتهت ؛ انجزت يا رجل!!!
فامشي وكابس ولا تتمسكن؛
واسعي في تلقيط القريشات للقادم الجميل؛

..................
الاطفال اجمل حاجة في الدنيا يا صاحبي؛

تحياتي واشواقي اخي عبد المنعم الطيب

Quote: دا الكلام؛ تشكر ابوحراز اذ اسعدتنا؛ ........................... عارف يا ابوحراز زي ما قال واحد صاحبي:انو القرارات دي اتخذت لينا القرار الما قادرين عليهو؛ عليك الله هي الجرجرة دي لمتين؟ خلاص لقد هرمنا؛ نرتب امورنا بهدوء ونشتت بهدوء؛ واولاد الهواء الطلق؛ والحوش الفسيح دا قراب بالله بارك لصاحبك؛ وقول ليهو خلاص مهمتك انتهت ؛ انجزت يا رجل!!! فامشي وكابس ولا تتمسكن؛ واسعي في تلقيط القريشات للقادم الجميل؛ .................. الاطفال اجمل حاجة في الدنيا يا صاحبي؛

وكأنك تحرض بركان الذكريات الخامد لأن يشتعل مرة أخرى
ويثور ليرمي بكل حممه في شوارع قلوبنا المنهكة
الحوش الفسيح
ذلك الذي كنا نرمي فيه العنقريب او السرير في ركن قصي من اركانه
والملاية { تهبهب }
وامامك تربيزة امك الصغيرة التي اشتراها لها ابوك في يوم زفافها
والقمر الجميل الذي يذكرك بوجه الحبيبة
واذاعة ام درمان العجيبة فهي الجسر الوحيد الذي كان يربطنا بالعالم وقتها
تبث اليك في ليل رائع الطير المهاجر
تراهم جميعا امامك
وردي وصلاح أحمد ابراهيم
والنيل ومحمدية وبرعي
والحبيبة والمنديل
في ايام كان الحب فيها صافيا وجميلا وبريئا
ليس كما اليوم حيث اصبحت المشاعر والأحاسيس اشبه بالدجاج المجمد !!!

هجمة مرتدة
اخبرني مغترب قريبي امس
بانه لأول مرة يسمع صرخة طفل أحد مواليده !!!!!

تحياتي أخي صبري طه
ياخي البروفايل جميل جدا وممتع
لوحة معبرة بكل المقاييس
وفيها شيء من انفاس الوطن !!!!

Quote: مشكلتنا في السودان ما بنشتغل !! لانو بنلقى الونسات وقعاد الضللة والقهاوي والكورة والبرامج اللذيذة ...

صراحة هذه معضلة كبيرة جداً
عاداتنا جميلة لاشك في ذلك لكنها تحتاج الى وزنة واعادة صياغة
ونحن في أمس الحاجة الى ترسيخ ثقافة الانتاج
لتحل محل ثقافة الاستهلاك المرهقة لكل العوائل
وهناك بوادر امل تضيء في طريقة العتمة ومنها قروب خاص بالزراعيين
واصحاب الخبرات والمواهب والمنتجين العاديين
وهو قروب الزراعة المنزلية
وهذا القرور فيه تجارب ثرة وناجحة
حيث يقتطع الكثيرون مساحات من بيوتهم لزراعتها بالخضروات
حتى الفراولة بدأ انتاجها من المنازل
اضافة الى منتجات الألبان
مثل هذه القروبات في نظري المتواضع هي ذات فائدة كبيرة جدا
يعني ياريت نتجه لنا
ونترك قروبات تكبير الأفخاذ
كمان قال شنو { قروب نفخ الخدود } !!!
ماعارف نافخهن لي منو
زمان الواحدة لو قالوا ليها أم جضوم سنتين تاني ما تتكلم معاك

تحياتي أخي وليد وشكرا للمرور الكريم

Quote: أبو حراز إزيك تصدق الثمار كثيرة ، بس الغفلة يا صاحب دمت،،

والله وبعيدا عن العاطفة
ورغم ان هذه القرارات شخصيا لاتخصني
ولكن جاء الوقت الذي نستمتع فيه بباقي اعمارنا ان كان في العمر بقية
يحتاج الانسان ليلبس العراقي والسروال
ويقعد مع اهله بعيدا عن الرسميات والعمل
نحتاج لنشارك الآخرين معنويا في افراحهم وأحزانهم
مثلما شاركونا وحملوا مرضانا على اكتافهم
ياريت لو نرد ولو القليل من هذه الايقونة المدهشة التي رسموها على شفاهنا

والله وبعيدا عن العاطفة
ورغم ان هذه القرارات شخصيا لاتخصني
ولكن جاء الوقت الذي نستمتع فيه بباقي اعمارنا ان كان في العمر بقية
يحتاج الانسان ليلبس العراقي والسروال
ويقعد مع اهله بعيدا عن الرسميات والعمل
نحتاج لنشارك الآخرين معنويا في افراحهم وأحزانهم
مثلما شاركونا وحملوا مرضانا على اكتافهم
ياريت لو نرد ولو القليل من هذه الايقونة المدهشة التي رسموها على شفاهنا


يا سلام كلام معبر تمام
تسلم ابو حراز

تحياتي أخي متوكل حسن

Quote: يا سلام كلام معبر تمام تسلم ابو حراز

ياخي شكرا جزيلا على رفع المعنويات
الواحد مرات يتعطش للكلام الجميل
حتى حكوماتنا الرشيدة { اعني وزارات الداخلية } اصبح مدحهم لأبوالقدح بالقطارة
ولا ادري ما الذي اصابنا
يعني قبل خمسة ستة سنوات كنا نسمع كلمات من على شاكلة ياحبيب يارائع ياملهم
ياحياتي يا املي
عليك امان الله هسي شابكننا الحاج الحاج الحاج !!!

حباب ابو حراز ..

في رجوعه خير له .. فتلك هي المنح من قلب المحن والنعم من قلب النقم ..

وربنا كريم واجواد ..

ذكرتني قصتك هذه قصة لطيفة حدثت في قطر في الثمانينيات شبيهة :

كان هنالك سوداني يعمل بالجيش ويذهب كل سنة في اجازة قصيرة ..

تنقضي ما بين واجب وزيارات للاهل ومشغوليات..

وفي مرة من المرات جلس 6 اشهر مرة واحدة متواصلة .. ضاربا عرض الحائط بانتهاء اجازته وغاب فيها عن العمل ..

وبطبيعة القانون العسكري عدت حالته هروب عن العمل وعمم على اسمه بالمنافذ والمطار ..

ثم انه بعد 6 اشهر رجع للدوحة ومن المطار خمشوهو الجماعة بتاعين الشرطة العسكرية واودعوه السجن الحربي..

ثم بعد يوم او يومين عرضوهو على قائد الجيش في محكمة عسكرية وكان القائد اظن ان اسمه الشيخ محمد بن عبد الرحمن آل ثاني ..

وكان رجلا صارما شديدا وعسكري رفيع الطراز ..

أها الرجل العسكري المسجون جاء مخفورا لمكتب القائد وفي حراسته عسكريين .. ثم وقف انتباه ووراءه الحرس ..

فوجد القائد متحفزا ومعه رائد يقرا لائحة الاتهام بصوت عال : غياب بدون عذر لمدة 6 شهور ..

هنا انتفض القائد وضرب الطاولة في غضب : يا عسكري كيف تتغيب 6 اشهر .. ؟

اجاب العسكري : يا سيادتك انا غيبني عذر قوي ..

القائد بغصب : عذرك شنو ..؟..اتكلم

العسكري : يا سعادتك انا ما بقدر اتكلم قدام العساكر ديل ..
القائد بغضب : حرس انصراف .. فعمل الحرس خلف دور وخرجوا من المكتب ..

القائد بغضب : ها .. ايش عذرك يا عسكري؟

العسكري : والله يا سعادتك برضو ما بقدر اتكلم الا معاك انت فقط ؟؟

الرائد بغضب : انضبط يا عسكري .. تبغيني اطلع انا بعد ؟

القائد يهديء من الرائد : خلاص يا ابوفلان .. لو سمحت خلنا نشوف ايش سالفة هذا الزول .. تكفى خلنا بروحنا نشوف اخرته..
الرائد يخرج بغضب الى الخارج ..


وبعد ان اصبح القائد والعسكري السوداني لوحدهما شبك القائد اصابعه وانحنى للامام على مكتبه الضخم "ناهرا" العسكري : تكلم ..ايشعندك؟ ايش غيبك 6 شهور ؟

العسكري خائفا : والله يا سيادتك انا زول متزوج لي 5 سنوات .. وكل مرة تدوني اجازة شهر امشي تضيع كلها والمرة ما تحمل ..

اجي راجع أهلي و زملائي اضحكوا علي وكلهم بي اولادهم ..

أها المرة دي قلت والله لو ما حملتها واتأكدت ما ارجع للدوحة ..

القائد ضاحكا : اها ان شاء الله حملتها وتاكدت ؟

العسكري : الحمد لله ..

يحكي لي من اخبرني بالقصة أن القائد الصارم هذا ضحك حتى نزلت دموعه ثم نادى على الرائد الذي دخل مسرعا مندهشا ثم اخد منه الملف وكتب قراره :

يطلق سراحه فورا ويحسب له الغياب اجازة بدون راتب

اها يا عزيزي ابوحراز نعمة الذرية لا تعادلها نعمة الريالات ..

ولو استقبل كثير من المغتربين ما استدبروا من امرهم لما اغتربوا اصلا ..

احتراماتي

تحياتي الأخ عادل ابراهيم أحمد
وشكرا من يمين القلب الى شماله على هذه المداخلة الرائعة
والتي تطابقت انسجتها تماما مع فصيلة دم هذا البوست
قصة رائعة بكل معنى الكلمة

Quote: حباب ابو حراز .. في رجوعه خير له .. فتلك هي المنح من قلب المحن والنعم من قلب النقم .. وربنا كريم واجواد .. ذكرتني قصتك هذه قصة لطيفة حدثت في قطر في الثمانينيات شبيهة : كان هنالك سوداني يعمل بالجيش ويذهب كل سنة في اجازة قصيرة .. تنقضي ما بين واجب وزيارات للاهل ومشغوليات.. وفي مرة من المرات جلس 6 اشهر مرة واحدة متواصلة .. ضاربا عرض الحائط بانتهاء اجازته وغاب فيها عن العمل .. وبطبيعة القانون العسكري عدت حالته هروب عن العمل وعمم على اسمه بالمنافذ والمطار .. ثم انه بعد 6 اشهر رجع للدوحة ومن المطار خمشوهو الجماعة بتاعين الشرطة العسكرية واودعوه السجن الحربي.. ثم بعد يوم او يومين عرضوهو على قائد الجيش في محكمة عسكرية وكان القائد اظن ان اسمه الشيخ محمد بن عبد الرحمن آل ثاني .. وكان رجلا صارما شديدا وعسكري رفيع الطراز .. أها الرجل العسكري المسجون جاء مخفورا لمكتب القائد وفي حراسته عسكريين .. ثم وقف انتباه ووراءه الحرس .. فوجد القائد متحفزا ومعه رائد يقرا لائحة الاتهام بصوت عال : غياب بدون عذر لمدة 6 شهور .. هنا انتفض القائد وضرب الطاولة في غضب : يا عسكري كيف تتغيب 6 اشهر .. ؟ اجاب العسكري : يا سيادتك انا غيبني عذر قوي .. القائد بغصب : عذرك شنو ..؟..اتكلم العسكري : يا سعادتك انا ما بقدر اتكلم قدام العساكر ديل .. القائد بغضب : حرس انصراف .. فعمل الحرس خلف دور وخرجوا من المكتب .. القائد بغضب : ها .. ايش عذرك يا عسكري؟ العسكري : والله يا سعادتك برضو ما بقدر اتكلم الا معاك انت فقط ؟؟ الرائد بغضب : انضبط يا عسكري .. تبغيني اطلع انا بعد ؟ القائد يهديء من الرائد : خلاص يا ابوفلان .. لو سمحت خلنا نشوف ايش سالفة هذا الزول .. تكفى خلنا بروحنا نشوف اخرته.. الرائد يخرج بغضب الى الخارج .. وبعد ان اصبح القائد والعسكري السوداني لوحدهما شبك القائد اصابعه وانحنى للامام على مكتبه الضخم "ناهرا" العسكري : تكلم ..ايشعندك؟ ايش غيبك 6 شهور ؟ العسكري خائفا : والله يا سيادتك انا زول متزوج لي 5 سنوات .. وكل مرة تدوني اجازة شهر امشي تضيع كلها والمرة ما تحمل .. اجي راجع أهلي و زملائي اضحكوا علي وكلهم بي اولادهم .. أها المرة دي قلت والله لو ما حملتها واتأكدت ما ارجع للدوحة .. القائد ضاحكا : اها ان شاء الله حملتها وتاكدت ؟ العسكري : الحمد لله .. يحكي لي من اخبرني بالقصة أن القائد الصارم هذا ضحك حتى نزلت دموعه ثم نادى على الرائد الذي دخل مسرعا مندهشا ثم اخد منه الملف وكتب قراره : يطلق سراحه فورا ويحسب له الغياب اجازة بدون راتب اها يا عزيزي ابوحراز نعمة الذرية لا تعادلها نعمة الريالات .. ولو استقبل كثير من المغتربين ما استدبروا من امرهم لما اغتربوا اصلا .. احتراماتي

ذكرتني طرفة قريبة في احد اجازاتي للسودان
لدينا جار { أضانو تقيلة جدا}
يعني اطرش الا ربع
والجماعة في الديوان قالوا لي بارك لجارك دا لأنه اتزوج قبل شهرين
وحكي لي اخي ان جارنا لديه قطعة ارض خطة اسكانية
وقال لي هو الآن طالع من معمعة العرس وبيكون مفلس جدا
وانت قلت عاوز ليك ارض كدي حاول معاهو يمكن يبيعها ليك بسعر رخيص

اها طبعا بصوت عالي لامن غنم الفريق قامن جاريات
وقلت ليهو { اها القطعة بتاعت بري بتبيعها }
آآآآآآآآآآآآآآآآآآآآآآآآآآآآآآآآآآ
قلت شنو ؟؟
قلت ليك القطعة بتاعت بري عاوز اشتريها
آآآآآآآآآآآآآآآآآآآآآآآآآآآآآآآآآآآآآ 00 ما سمعتك قلت شنو
ياخي القطعة الفي بري عاوز اشتريها منك ؟؟
فكان رده
والله لسه { ما حملت قالوا عندها التهابات } !!!!!!
غايتو من داك اليوم حلفت ما اشتري أي قطعة
وليكن مايكون !!!

بوست يفتح النفس..

(وفي السماء رزقكم....)..إلى آخر الاية الكريمة

فالرزق ليس المال فقط..

ابوحراز الجميل

دائما بوستاتك طاقة ايجابية


تحياتي يا مللك

تحياتي وتقديري أخي حاتم



Quote: ابوحراز الجميل

دائما بوستاتك طاقة ايجابية


تحياتي يا مللك


شكرا على اطراءك الذي جعلني في قمة النشوة وحضيض التواضع
خلاص رسلوا لينا { البياض } طالما منحناكم طاقة ايجابية

تحياتي اخي ياسر منصور

Quote: بوست يفتح النفس.. (وفي السماء رزقكم....)..إلى آخر الاية الكريمة فالرزق ليس المال فقط.

شكرا على الاطراء
واتمنى ان يكون البوست فاتحا للشهية والنفس
وان يخرجنا ولو قليلا من الأجواء الملغمة في كل مكان
الرزق فعلا ليس المال فحسب
انما الأبناء وحب الناس والقبول
وهذه القرارات قد جعلت الكثيرين يعيدون النظر في حياتهم
ويخططون لغد آفضل
صحيح التخطيط اتى متاخرا
ولكن ان تاتي متاخرا كما يقولون خير من ان لا تاتي

لا اعرفها ..
ولكن وصلتني على أنها وزيرة الصحة الهولندية
ياليتهم يسلفونا ليها لتكون مدير عام الجمارك
أو أمين لجهاز المغتربين
ان شاء الله لمدة اسبوع
وبعديها على كيفها ترجع لاهاي او امستردام

رغم المعاناة وشظف العيش والفوضي في السودان
انت في بلدك ومافي زول يقول ليك تلت التلاتة كم

وهو كذلك يا خالد..

لايك

ابو حراز
لك التحيه
قريبنا كمال يوسف التقيته في واحده من اجازاتي
وكان يحمل طفل على كتفه فقلت ليهو ما شاء الله يا كمال دا اخر العنقود
قال لي لا دا في بعدو واحد وكمان في واحد في الطريق انتو اجمعو الريالات واحنا بنجمع الوليدات
المهم
الفوائد كثيره
زميلنا مغترب 15 سنة ولا يملك منزل بعد صدور القرارات مباشره اول تفكير له كان البيت
وفعلا نزل اجازة اشترى ارض وبداء بنيان والان منزله في التشطيبات
وبعد بداء التنفيذ لقرارات المقابل المادي قال لي انا لو المقابل المادي دا كان الضحك شرطني
القرارات الاخيره جعلت الكثيرين يفكروا في ان لهذه الغربه نهايه لابد ان يستعدوا لها بعد ان كانوا تاركين الحبل على القارب
ومحل ما يرسى يرسى

الجميل ابو حراز .... ازيك يا راجل من زمن جميل وانت دايما اجمل .... عجبني موضع البوست شديد لانو فيه الجانب المليان من الكوب .... الخوف من المجهول وحده البيمنعنا من اتخاذ القرار في التغير .... بس لو الواحد مننا أتذكر كيف كانت احاسيسه قبل الاغتراب .... يبقي ما في جديد غير انك تسعي جاهد للاحسن بالرغم من كل شي والا ايه .... مودتي واحتراماتي

الحاجة ودوها اولاده السعودية٠ ٠٠٠ فى عرفات، تعبت ٠٠٠ قالت لى اولاده:
"هسه المقعداكم حارسين الحجّار دى شنى! ومضيعين على البنوت [زوجاتهم] بٌطَانِن."
...
تحياتى للجميع

Quote: الحاجة ودوها اولاده السعودية٠ ٠٠٠ فى عرفات، تعبت ٠٠٠ قالت لى اولاده: "هسه المقعداكم حارسين الحجّار دى شنى! ومضيعين على البنوت [زوجاتهم] بٌطَانِن." ... تحياتى للجميع

كلام الحاجة صحيح وعميق جدا
بالمناسبة آلاف المغتربين لم يستفيدوا من حياتهم الزوجية
لم يستمتعوا بها
ولم يتذوقوا الطعم الحقيقي لسنوات الزواج الأولى
ياخي والله شيء مؤسف ان تكون الريالات مقابل السعادة

Quote: الجميل ابو حراز .... ازيك يا راجل من زمن جميل وانت دايما اجمل .... عجبني موضع البوست شديد لانو فيه الجانب المليان من الكوب .... الخوف من المجهول وحده البيمنعنا من اتخاذ القرار في التغير .... بس لو الواحد مننا أتذكر كيف كانت احاسيسه قبل الاغتراب .... يبقي ما في جديد غير انك تسعي جاهد للاحسن بالرغم من كل شي والا ايه .... مودتي واحتراماتي

تحياتي واشواقي أندريا
ياخي انت من زمن الجمال
اذا كان القلم فقد بدا ينضب بسبب شح الذاكرة
اما الجمال الثاني حدث ولا حرج
دخلنا الى سودانيز اون لاين بكامل وسامتنا
لكن هسي ما شاء الله
ترهل وكرش
واوجاع في المفاصل
وشوية زهايمر
كل شيء ننساه الا يوم الماهية .. هذا فقط ما تبقى لنا من ذاكرة خضراء
أما على المستوى الاجتماعي
فقد تحولنا بقدرة قادر من توأم روحي وحبيب قلبي وحياتي الى الحااااااج
وحينما تذهب لزيارة ابنك في الجامعة
تكاوي المدام قائلا لها ان زيارة الجامعة هذه ربما تفتح ابوابا عدية لإمراة ثانية
فتصدم حينما تقابلك كل الطالبات { عمو عمو عمو } !!!!
ياخي الغربة دي تاخذ الكثير منك
وتجعل المسافات كبيرة وشاسعة بينك والوطن والجمال والذكريات العتيقة
احمد الله أن { متلازمة فوبيا العودة } ليس لها اي مكان عندي
واتعطش كأودية الجفاف المشتاقة للعودة للوطن
الوطن بكل ما فيه من تناقضات

تحياتي وتقديري أخونا علي محمد الفكي

Quote: ابو حراز لك التحيه قريبنا كمال يوسف التقيته في واحده من اجازاتي وكان يحمل طفل على كتفه فقلت ليهو ما شاء الله يا كمال دا اخر العنقود قال لي لا دا في بعدو واحد وكمان في واحد في الطريق انتو اجمعو الريالات واحنا بنجمع الوليدات المهم الفوائد كثيره زميلنا مغترب 15 سنة ولا يملك منزل بعد صدور القرارات مباشره اول تفكير له كان البيت وفعلا نزل اجازة اشترى ارض وبداء بنيان والان منزله في التشطيبات وبعد بداء التنفيذ لقرارات المقابل المادي قال لي انا لو المقابل المادي دا كان الضحك شرطني القرارات الاخيره جعلت الكثيرين يفكروا في ان لهذه الغربه نهايه لابد ان يستعدوا لها بعد ان كانوا تاركين الحبل على القارب ومحل ما يرسى يرسى

كلامك صحيح 100%
يعني مقابل الريالات والدولارات والدراهم يفقد المغترب اشياء كثيرة جدا
ويشهد الله انها لن تعوض بسهولة
وتظل في النفس الكثير من الأشياء الممزقة
والتي يحتاج { رتقها } الى سنين عددا

سافر معي احدهم بالباخرة وتشاء الظروف ان نكون بغرفة واحدة
اغترب منذ العام 1976م
وتزوج العام 1978 وفي نفس العام تزوج معه صاحبه { من غرب السودان }
سبق وان اعطاه حواشته بالنص كما يقولون بالجزيرة
في العام 2016 صاحبنا بتاع الباخرة كانت ثروته من الأبناء ولد وبنت
درسوا في السودان وتخرجوا وعملوا بالسودان
التشريك في الحواشة في 2016 كان معه 11 من ولد لبنت ماشاء الله

قلت لصاحبي خلاص يا اخي استقر عسى ولعل ربنا يزيدك من الأبناء
فقال لي هذا صعب
اول شيء لن اتزوج مرة ثانية
لأن ماحدث كله كان بسبب غيابي

طيب مرتك الموجودة معاك دي ياخي ممكن ربنا يرزقك
فقال ضاحكا
ياعمك انا بصوم رمضان 30 يوم
ومرتي بتصوم 30 يوم برضو !!!!!

تحية وتقدير اخي Khalid Elsayed

Quote: رغم المعاناة وشظف العيش والفوضي في السودان انت في بلدك ومافي زول يقول ليك تلت التلاتة كم

بالتأكيد رغم ما ذكرت
فإنك تشعر براحة لامثيل لها
الحرية تجدها في كل مكان
في الشارع
في السوق
في الجامع
في ازقتنا الضيقة والجميلة
في جمالنا وبساطتنا 00 في كل شيء

يا سلام،، وعسى أن تكرهوا شيئا وهو خير لكم

تحياتي لك باش مهندس أبو حراز

حباب أبو حراز ..
بوست جميل ... بس الإغتراب كان أسوء الخيارات الموجودة لكل زول إختار السكة دي

سلام أبو حراز وزوار البوست

القرار دا زي حكاية زول عندو أبو الشهيق يقولوا ليك أخلعو ابو الشهيق بروح منو

نحن كان عندنا ابو الشهيق مضايقنا لكن ما قادرين نتخلص منو أهو الخلعة جاتنا
إذا ذهبت السكرة وحضرت الفكرة
بدينا نفكر بجدية لتحقيق هدف ظللنا نسعى له منذ غيابنا عن السودان الحلو

بوست كامل الدسم.....

تحياتي لأبو حراز والمتداخلين.....

Quote: يا سلام،، وعسى أن تكرهوا شيئا وهو خير لكم تحياتي لك باش مهندس أبو حراز

تحياتي الأخ محمد فاروق عبد الله
بالفعل احيانا نخاف من شيء ما
فنجده من نبحث عنه ونحلم به طيلة حياتنا
كيف العقارات في السودان
شكرا كثير لجهودك
واوصيك على المغتربين فهم والله يعانون كثيرا
وانت كنت بالسعودية
الريال هنا صعب جدا
والحصول عليه اشبه بالمعجزة
كثير من المغتربين يحتاج الى التنوير في حال شراء ارض
او شراء بيت جاهز
وصدقني كلما كان الانسان صادقا في تعامله كلما كسب زبائن أكثر

نرجع بلدنا
نزرع نتيرب نحقق أملنا *

غصباً عن عين حكومة الضرائب والجبايات

تحياتي صاحب البوست وجميع المتداخلين

*:نهيييي خرطوم

سلام يا أبو حراز والجميع
وشكرا على البوست وتمنياتنا لجميع السودانيين بالخير والعافية والسلامة من كل شر.

قرأت البارحة هذا الخبر ومعه هذه الصورة المرفقة في الراكوبة.

ـــــــــــــ

وصول "50" ألف سوداني من السعودية عبر ميناء بورتسودان



07-25-2017 07:42 AM
الخرطوم: الراكوبة أعلن مدير جهاز تنظيم شؤون السودانيين العاملين بالخارج بولاية البحر الأحمر فقيري حسن عثمان، وصول "50" ألفاً من السودانيين العائدين إلى البلاد من المملكة العربية السعودية عبر ميناء عثمان دقنة في سواكن بولاية البحر الأحمر.
وقال عثمان في تصريح صحفي، إن عودة المغتربين جاءت في إطار برنامج المملكة "وطن بلا مخالف" الخاص باستبعاد المخالفين لشروط الهجرة، وأشار إلى أن سجلات ميناء عثمان دقنة أكدت وصول "50" ألف عائد حتى يوم أمس من المملكة العربية السعودية.
وأوضح أن استقبال العائدين يتم بصورة منتظمة، لافتاً إلى التسهيلات المقدمة لهم بالتنسيق مع الجهات ذات الصلة، بالإضافة إلى عمليات حصر وتصنيف العائدين عن طريق الاستمارات، الخاصة بذلك لدمجهم في المجتمع وضمان استقرارهم، هذا إلى جانب توفيق أوضاع أبنائهم في مؤسسات التعليم المختلفة.
وطالب فقيري العائدين بضرورة شحن العفش في حاويات لتسهيل إجراءات تسلُّمه في الميناء.
ــــــــــــــــــــــــــــ

السؤال: هل هذا العدد رجع بسبب القرارات السعودية الجديدة؟؟

ديل يا ياسر في الغالب المستفيدين من حملة وطن بلا مخالف
التي اطلقتها السلطات السعودية ..

صباح المحبة علي الاحبة ...

يا حرار انا بقصد ليك الموجودين في السعودية .
انتي عارفة معظم المغتربين ابناؤهم قليلين جدا
خاصة اولئك الذين يعيشون بمفردهم ونسوانهم بالسودان
وبحكي ليك قصة حصلت لي سوداني من الكرماء الجوا هنا
قبال فترة سائق معاهو علي ما اظن تمانية اطفال السودانيين
اريتهم في يمينك وقفوا معاهم وقفة رجل واحد لما اخد الاقامة
في فترة وجيزة عشان الاطفال , اها لما بقوا علي السكن ..
لقوا صعوبة لانهم هنا السكن الا يكون مريح للاطفال بالذات
بمعني اي طفل مفروض يكون في غرفة خاصة بيهو لانه
خصوصيات الطفل بعتبروها من اولويات التربية والنشاة
السليمة .. وعدد زي دا تمانية اطفال والام والاب ديل هنا
محسوبين بين تلاتة واربعة اسرة حسب عدد الاسر الهولندية
تصدق اضطروا يقعدوهم كتير في المعسكر بما انه مريح جدآ
وعبارة عن احياء مغلقة . خلوهم لما لقوا ليهم شقتين كبار
لصق بعض باعتبارهم بيت واحد بعد داك رحلوهم .. بما انه
حاولت منظمة السكن تشوف ليهم فيلا لكن الفلل برضو ...
ما بتشيل العدد دا تبارك الله . عشان كدا بنقول تحديد النسل
من اهم مقومات راحة البال بذات في زمنا دا .

ولكم الشكر وربنا يفرج هم الجميع ..

ومشكور يا حراز علي موضوع الساعة الخمسة وعشرين .

تعطلت اقلامنا
وتجمد مدادها .. للخبر المحزن والفاجعة
اسودت صفحات المنبر
وفاضت قلوبنا بالحزن
جادات الذي رحل عن دنيانا فجاة
دون ان يخبرنا انه راحل
لكنه سيظل يتسكع في كل طرقات قلوبنا
ويتكيء على زوايا الاوردة والشرايين
صلاح ماركة مسجلة لسودانيز اون لاين
وايقونة محفورة في نتوءات الرووح
رحمك الله
والتعازي لكل قبيلة سودانيز
ولمحبيه ومعجبيه في كل العالم

حاج أبوحراز سلامات ،،

كيف لو لقينا ليك أرض سيدها عضنينوا كويسات :)

المشكلة يا صديقي نحن السودانيين اصلوا ما بنعاين لي بكرة!!
المغترب ما بتخيل بانه حيرجع قريب، والمهاجر ما بتخيل بأنه حيستقر
في بلده الجديد وفي الحالتين ضايعين ..

أب حراز يا منقة
تحياتي لك للمتداخلين الكرام
يا أخي زي ما قال شاعر حلمنتيش
عيشه تقول ضنيب أم سيسي عروض وطول
أها دي تشبع منو والله الإثنين في تلتله خليهم الخمسة والستة أطفال. السودانيين في سوادهم الأعظم يدردقوك ، في البداية يقولو ليك ما داير تعرس يا أخي ما تكمل نص دينك ، أها يفضلوا ينقوا فيك لغاية ما توش تعرس وفي الليلة ديك ، شويتين يبدأ النضم أها ما بقيتو تلاته ، توش تبصر بي بت ولا ولد يدوها صنه ويعيدو الشريط أها الوليد ما جبت ليهو أخت توووووش تجي البت ومرات المرا ترمي زي زولين زيادة توأم أها في الحته دي يقعدوا يتكلموا فيك ما يتكلموا معاك والله مسكين محمول وطبعاً لو إشتغلت في المحمولة جواً بعد كده ما في طريقة مخارجة ليك. قالوا ليك في الحته دي إبليس زاتو إتحير.
مشاكل أغلب السودانيين في بلاد المهجر بكونو زي شجر العشر يتنفخوا ويتمقوا ويتنفشوا وفي أول عاصفة تلقاهم إتحتو وإتبربحوا وتبربح في أمصار أهل العوض تعني حت عديل أي لم تعد لديه أغصان و أوراق والغريب نجد ذات الكلمة عند الفلسطينيين تعني الإستحمام ، يقول ليك أنا حاسس إني معفن ورايح إتبربح. وبعيداً عن العفن أياً كان لونه أن العودة للسودان غير طوعية البته ، وحتي أولئك الذين يتم ترحيلهم الأن هم في صدمة لن تزول إلا بزول المؤثر والذي سيبقي لسنوات طوال يعيش فيها المغترب بعد العودة حالة شرود عظيمة.
طالعتنا الأخبار في الأيام الماضية بخبر أحد السودانيين الذين تعرضوا للسجن في دولة ماليزيا فجأه مسئول من السفارة – ودي حالات نادرة – ليقدم له العون وعرض عليه إخراجه من السجن وتسفيره علي السودان ، فما كان من صاحبنا إلا أن ركب مكنة سيدنا يوسف عليه السلام وقال (السجن أحب إلي مما تدعونني إليه).
وما قصة العم موسي بشير صاحب السبعين عاماً والذي قامت الملشيات العراقية بإحراق شعر رأسه ولحيته بولاعات السجاير ومارست في حقه أقسي أنواع التعذيب النفسي والبدني ، قال في حوار أجراه معه الهضيبي يس من صحيفة الصيحة عندما سأله الصحفي هل تنوي العودة للسودان ؟
فأجاب العم موسي بدون تردد: لا يزال الوقت مبكر لهذه العودة.
المؤسف أن مسئولاً بحجم السفير الدكتور كرار التهامي المسئول الأول عن المغتربين يقول في تصريحات صحفية صادمة:
الحكومة ليست منظمة خيرية ، أها زول بهذا الفكر راجيين منو شنو العائدين. يا أخوان على مدي أطثر من أربعة عقود لم يقدم جهاز شئون العاملين بالخارج أي خدمة لمغترب أغبش ساكت خالي من الواسطات والولاءات الحزبية.
غايتو في ناس قرايبنا في ذلكم المهجر شالوا عيالهم وعددهم كبير وودوهم تركيا وقعدوا سنجل يرسلو حوالي 500 دولار أمريكي ليهم تعيش هذا الثلة الكبيرة في مهجر جديد لا فيهو كتاحة لا ميم واو يعني مزيداً من الشتات يا حكومتنا.
تخريمة:
قبل سنوات وعلى الهواء مباشرة في تلفزيون مهورية السودان وفي برنامج يقدمه الطيب عبد الماجد إتصل أحد المتداخلين وبعد السلام والمطايبة قال لمقدم البرنامج وحينها كان في الشارقة على ما أظن ، أها ما تكون رجعت نهائي.

تحياتي وتقديري لكل المشاركين
وكامل اعتذاري لتاخير الرد على مداخلاتكم الثرة والجميلة
وكل عام وانتم بخير
ظروف السفر
وعن طريق الباخرة كالعادة لرحلة الافراج المستمرة
وعيد الاضحى
وشراء الخروف
كل ذلك ادى لعدم استقرار النت
اضافة الى المناسبات المتكررة
واغلبها اعراس حيث لاحظت كثرة محلات تاجير فساتين الزفاف
كنت اريد ان اكتب لكم عن الحالة الاقتصادية في السودان
ولكن احد الشحادين المشهورين لخص الحالة تماما
حيث اقابله منذ اكثر من عشر سنوات
ويطلب فقط ( خمسملئة حديدة )
الان حينما قابلته طلب مني ( جنيه حديدة )
طبعا هو يقولها بهذا النص