لو كان شفتها اول ما كان استعجلت كتبت البوست بتاع المرح اللهو انعكاس لعكات المنبر
Post: #2 Title: Re: دي غلبني افوتها Author: عبدالحفيظ ابوسن Date: 07-03-2017, 06:38 AM Parent: #1
اقوال الصحف اليوم اجتماع حكومي يقر خطة لتدريب المواطنين على غسل الأيدي قبل الأكل
Post: #3 Title: Re: دي غلبني افوتها Author: kamal omer Date: 07-03-2017, 06:55 AM Parent: #2
يا حفيظ سلامات عشان بعدين يجو يقولوا نحنا دربناكم على غسيل الأيدي و إنتو ما إلتزمتو فالأمراض بسببكم و نحنا براءة عاوزين ( يتحللوا من المسئولية ) و كمان فيها تشكيل لجان و لجان فرعية و الباقي تمو براك
Post: #4 Title: Re: دي غلبني افوتها Author: الصادق عبدالله الحسن Date: 07-03-2017, 07:09 AM Parent: #3
=
ها هو رئيسنا يا حفيظ الذي اعتاد أن يغسل يديه إلى المرفقين ويمسحها على الحجر الأسود قبل "الأكل" وبعد اللهط:
المحزن يا حفيظ أنه ومهما تدربت أيادي رئيسنا، ومهما كررت الطواف بالبيت الحرام ومهما مُسحت من جنابتها عشرات المرات بالحجر الأسود فإن هذه اليد التي أمامنا والملوثة بالحرام تبقى هي الأكثر قذارة والأشد نجاسة وتبقى الأكثر تسبباً في نشر الفقر والسرطان والبؤس والموت والكوليرا.
ولأن شر البلية وشر المُفارَقة ما يُضحك، فإنه لو بقي الفيلسوف (جان بول سارتر) حياً لأهدى الرئيس وجماعته من أصحاب "الأيادي الطاهرة والمتوضئة" مسرحيته (الأيدي القذرة).
تحياتي لك وضيفك ... .. .
Post: #5 Title: Re: دي غلبني افوتها Author: عبدالحفيظ ابوسن Date: 07-03-2017, 07:10 AM Parent: #3
هسة يا كمال دي نكتة ولا خبر لجنة قال ليك
Post: #6 Title: Re: دي غلبني افوتها Author: عبدالحفيظ ابوسن Date: 07-03-2017, 07:13 AM Parent: #5
اطالب بي لجنة لي قطع الجمار وقالوا التبرز و30% مننا فقط من يستعملون المراحيض داير لجنة لي الخروج للخلاء عشان تكون متوافقة مع التراث كدة بكون فضلنا لينا شنو ايواتليك لجنة لل الاستحمام تتفرع منها لجنة فرعية لي
غسل الجنابة
Post: #7 Title: Re: دي غلبني افوتها Author: علي دفع الله Date: 07-03-2017, 07:20 AM Parent: #6
الشغلة دي فيها ورش وسمنارات ولجان منبقة من لجان وعييييييك اكتر حاجة ممكن نصنفها كوميدياء تافهة تصريحات هؤلاء السفلة ..
Post: #8 Title: Re: دي غلبني افوتها Author: عبدالحفيظ ابوسن Date: 07-03-2017, 07:22 AM Parent: #6
والله حيرونا يا الصادق ورحم الله سيدنا عمر ورضي عنه لعلك كنت ورحم الله حميد الدين ماهو البروة
Post: #9 Title: Re: دي غلبني افوتها Author: حيدر حسن ميرغني Date: 07-03-2017, 07:49 AM Parent: #8
ده مشروع اعادة تأهيل للمواطن ياحفيظو الناس ديل جو لقونا وسخانين وعراريقنا مكرفسة من الوسخ لابنصلي ولابنعرف الوضوء زاتو خليك من غسل اليدين بعد نطلع من المستراحات الحفر دحين خليهم يكسبوا فينا اجر ويجنبونا الكوليرا دي قبل تقرضنا ومايلقوا زول يحكموه الجماعة ديل في حالة وضوء دائم حتى كان فسو وضوهم مابخرب من شدة ورعهم ونظافتهم. احيي فيهم هذه النخوة الوطنية وياريت يعلمونا كمان كيف نلف العمة ونتكك السروال وكيف نتسوك والنوم بإتجاه القبلة
Post: #10 Title: Re: دي غلبني افوتها Author: ANWAR SAYED IBRAHIM Date: 07-03-2017, 08:14 AM Parent: #9
الاخ الحبيب عبد الحفيظ
سلام وتقدير واحترامات
كل سنة والاسرة والجميع بخير
حبيت اسالك عن الوالى - هل كوّن حكومة النيل الابيض ام لا ؟؟
تحياتى
Post: #11 Title: Re: دي غلبني افوتها Author: عبدالحفيظ ابوسن Date: 07-03-2017, 08:18 AM Parent: #10
هسة يا علي دي تقراها من يمين للشمال ولا ماتعرف زاتو غسل اليدين داير اقرار ولجان في نفيير دايرين نعمل ورش عمل للناس عشان توعي اهلها نجحنا مع بعض المعاكسات ما تقولو كوليرا بعضهم قال ما بتعامل معانا الا نجيب تسجيل رسمي كهيئة ولا منظمة معتمدة ياخ لو سكينا التسجيل خلي اي شي بالزمن البناخدو والاجراءات الناس بكونو انقرضو
Post: #12 Title: Re: دي غلبني افوتها Author: Deng Date: 07-03-2017, 08:21 AM Parent: #11
سلامات يا ابوسن.
طيب وين وزارة الصحة وأقسامها المختلفة؟
هل تتزكرون زمان كان في حاجة أسمها الزائرة الصحية؟
Post: #13 Title: Re: دي غلبني افوتها Author: Asim Ali Date: 07-03-2017, 09:08 AM Parent: #12
الاخ ابوسن وضيوفه - سلامات *داير اضيف للفائده بعيدا عن بدع الكيزان الهايفه .* منذ عام 2008 قرررت الجمعيه العامه للامم المتحده الاحتفال باليوم العالمى لغسل اليدين (Global Hand washing Day-GHD) فى 15 اكتوبر.على ان يتم الاحتفال بالتركيزعلى شريحه طلاب المدارس فى حوالى 70 دوله. فى غالبيتها دول من العالم الثالث حيث ظروف كثيره مرتبطه بصحه البيئه وعدم توفر الامداد المائى المستديم فى القرى بشكل اساسى. * طبعا هنا القصه مامحتاجه لجنه وقومه وقعده وانما توجيه عبر وزاه التربيه تكون الحصه الاولى فى اليوم داك عن الموضوع اوالنظافه عموما وصحه البيئه. اول مره اغرف عن اليوم دا ...كان فى تلفزيون تشاد ضمن الاخبار وزياره مسئول لمدرسه بخصوص الاحتفال باليوم دامن هيلمانه ...بس شرح لاهميه النظافه وغسل الايدى لصحه سليمه ...من باب الوقايه خير من العلاج. وشكرا
Post: #14 Title: Re: دي غلبني افوتها Author: عبدالحفيظ ابوسن Date: 07-03-2017, 09:18 AM Parent: #13
اياهو يا حيدر سمعت قالوا في ناس عندهم دكتوراة في الوضوء غايتو لو صحت يكونو ليهم حق غسل اليدين داير لجنة ومادة في القانون لتجريم من لم يغسل يده قبل الاكل
Post: #15 Title: Re: دي غلبني افوتها Author: عبدالحفيظ ابوسن Date: 07-03-2017, 09:22 AM Parent: #14
لسة يا انور مافي اي تشكيل لحكومة كدة كويس زاتو تقليل صرف ولا يكونو بصرفو برضو 😀😀😀
Post: #16 Title: Re: دي غلبني افوتها Author: عبدالحفيظ ابوسن Date: 07-03-2017, 09:24 AM Parent: #15
حبابك دينق في زائرة صحية ودار رعاية وعمال صحة بي ملاحظ بلفو البيوت بيت رغم انو الادبخانات كانت جرادل والحال افضل
Post: #17 Title: Re: دي غلبني افوتها Author: عبدالحفيظ ابوسن Date: 07-03-2017, 11:00 AM Parent: #16
آي عاصم اليوم العالمي لغسيل الايادي وشفتو في الفيس بس فعلا ما بكلفهم لجان حصص كل اسبوع حصة واحدة بس والتلفزيون بدل دعايات الكريم نشرات متكررة عن غسل الايادي والجوامع يوم الجمعة
Post: #18 Title: Re: دي غلبني افوتها Author: ANWAR SAYED IBRAHIM Date: 07-03-2017, 01:49 PM Parent: #17
يا ود المشرف مافي زول بيابا النضافة لكن كمان ما تقول لي بنيت لي فصل مدرسة بي عشرة مليار اقول ليك ليه تقول لي فصل مدرسة ولا انت ضد التعليم
Post: #23 Title: Re: دي غلبني افوتها Author: محمد حيدر المشرف Date: 07-03-2017, 05:18 PM Parent: #1
لا والله يا حفيظ ... اليصرفو الدايرنو في مسألة التوعية بي مضافة الأيدي Hand hygiene لأنها ذات أهمية مطلقه في البيت والشارع والمستشفى ... في مقابل الصرف على الأجهزة الامنية .. على شرط الفاعلية وعدم الفساد...
هذه مسألة لها أهمية قصوى.. الميزانيات المرصودة ليها في الدول الجاده تصل لأرقام كبيرة جدا
Post: #24 Title: Re: دي غلبني افوتها - زجاجة عطر لكل مواطن Author: يحي قباني Date: 07-04-2017, 05:36 AM Parent: #23
يا حفيظ ...
من هموم الحكومه انها ( تريح ) المواطن ...
و حيث ان العطور بها نسبة كحول ... و الكحول مطهر للجراثيم ...
انا من رأيي الحكومة توزع زجاجة عطر لكل مواطن عايش داخل السودان ...
يعملوا استبيان بالأول يشوفوا كل مواطن عطره المفضل شنو ...
و بعد داك تتعمل لجان فرعية منبثقة من اللجان الرئيسية ( العملت الاستبيان ) ..
و تكون مهمتها توصيل زجاجة العطر الى كل شبر من الفضل في ارض الوطن ...
اهو منها تطهير و منها تكون الحكومة ( ريّحت ) المواطن ...
و اصلو المواطن ما باقي ليهو شي ... و جميع المسائل تمام التمام على قولة الفاجومي ...
و العربيات حتمون بدل البنزين بارفان ...
فاليري جيسكار ديستان والست بتاعه كمان حيجيب الديب من ديله ويشبع كل جعان يا سلاملم يا جدعان ع الناس الجنتلمان داحنا حنتمنجة واصل وحتبقى العيشة جنان التليفزيون حيلون والجمعيات تتكون والعربيات حتمون بدل البنزين بارفان
Post: #25 Title: Re: دي غلبني افوتها - زجاجة عطر لكل مواطن Author: عبدالحفيظ ابوسن Date: 07-04-2017, 05:55 AM Parent: #24
هههه انا افصل كلونيا تلات خمسات الكلونيا زاتا بنكب فيها مسك مسحون منها ريحة ومطهر يا مشرف يا صاحبي مافي خلاف والموضوع دة بي دراسة جدوي عديل ما بكلف كتير حملة في الاعلام منظمة الفيديوهات علي قفا من يشيل راقدة هبطرش امر لائمة الجوامع وممكن يدوهم خطب مكتوبة اصلهم متعودين يقروا امر للمدارس بجعل الحصة الاولي نضافة هم متعودين علي الصرف البذخي غير المثمر ليالي الذكر والذاكرين الهجرة الي الله والمحصلة شنو مزيدا من الفساد اصلا ما بنديهم كارت بلانش يصرفو علي كيفهم ولا يصرفو ما يجب الموضوع بسيط يرخصو ادوات النضافة يرفعو كراعهم من جمارك الشحوم لتصنيع الصابون يلمو ناسهم المكشحين في الشوارع للرسوم ويقولو ليهم ما تشيلو رسوم من الصابون انا بشتري كرتونة صابون فنيك شندي بي 190 ج لتوزيعها علي مركز الحجز وصابون غسيل وديتول جزء محترم من ميزانية نفير الماسكها انا بتمشي منظقات الموضوع بسيط مشرف لا داير لجنة ولا غيرو لا اسخر من النظافة بل اسخر من قتل ذبابة بدبابة
Post: #26 Title: Re: دي غلبني افوتها - زجاجة عطر لكل مواطن Author: يحي قباني Date: 07-04-2017, 11:11 AM Parent: #25
الرد ده لي و لا ود المشرف ؟
Post: #27 Title: Re: دي غلبني افوتها - زجاجة عطر لكل مواطن Author: قلقو Date: 07-04-2017, 06:48 PM Parent: #26
ياشباب مساهمة منى فى انجاح المشروع الوطنى ده انا حأساهم بتوفير ابريق مجانا لكل مواطن .
Post: #28 Title: Re: دي غلبني افوتها - زجاجة عطر لكل مواطن Author: عبدالحفيظ ابوسن Date: 07-05-2017, 08:44 AM
شنو يا قبه ياخ الرد ظاهر يا قلقو الاباريق دي موضوعها براهو هل يجوز الابريق المستورد ولا الصناعة المحلية لازمن يكون عندك ماجستير في كيفية مسك الابريق صابا وماليا ودكتوراة في الكب جيب ورقك وانا بباصر ليك الموضوع وخليك لماح
Post: #29 Title: Re: دي غلبني افوتها - زجاجة عطر لكل مواطن Author: أحمد الشايقي Date: 07-05-2017, 12:16 PM Parent: #28
شكرا أخ ود ابســن
تحياتي لك
بالضبط فأنا مثلك قرأت الدعوة لأعمال اللجان الحكومية لمبادرة غسيل الايدي ووقفت عندها كثيراً
بالطبع لا جدال في أهمية غسل الايدي من الناحية الصحية ولكن قراءة الأمور من ناحية الأولويات
تجعله نكتة كبيرة
الذين يهتمون ويدعون إلى أعمال ولجان وهي بنود صرف جديدة عن موضوع غسيل الايدي كان
يمكنهم أن يعترفوا أولا بوجود وباء مستشري بدأ في النيل الأبيض ومر بها (محطـة ... محطــة)
ومدينـة... مدينـة إلى أن وصل جبل أولياء والخرطوم ويجب أن يعترفوا بان مياه الشرب التي تسري
في الشبكة غير مطابقة للمواصفات وغير مناسبة للاستخدام الأدمي ويجب أن يعترفوا بأن الصرف
الصحي لا يتوفر في المدن الكبيرة والعواصم ولا سبيل لمنع اختلاطه بالمياه الجوفية ولا تدابير في
هذا الشأن ويجب أن يعترفوا بأن اصحاح البيئة يجب أن يرجع مركزياً ويدار بالقانون ويجب أن
يعترفوا بأن فوضى الأسواق وتلوث المطاعم والمحال والنفايات سببه الأساسي هو إدارة المحليات
لأمور هذه المرافق بقصـد الجباية لا باتجاه اللوائح والقوانين ولذلك تسمح المحليات بوسائل ومحلات
بيع ووسائل نقل ومناولة وتواجد للباعة مخالفة مقابل دفع مخالفات مع بقاء واستمرار المخالفـة
الخرق أوسع مما يعتقد هؤلاء أو يحاولون صــرف الأنظار عنه ...
