يا حفيظ سلامات عشان بعدين يجو يقولوا نحنا دربناكم على غسيل الأيدي و إنتو ما إلتزمتو فالأمراض بسببكم و نحنا براءة عاوزين ( يتحللوا من المسئولية ) و كمان فيها تشكيل لجان و لجان فرعية و الباقي تمو براك
07-03-2017, 07:09 AM
الصادق عبدالله الحسن
الصادق عبدالله الحسن
تاريخ التسجيل: 02-26-2013
مجموع المشاركات: 3244
ها هو رئيسنا يا حفيظ الذي اعتاد أن يغسل يديه إلى المرفقين ويمسحها على الحجر الأسود قبل "الأكل" وبعد اللهط:
المحزن يا حفيظ أنه ومهما تدربت أيادي رئيسنا، ومهما كررت الطواف بالبيت الحرام ومهما مُسحت من جنابتها عشرات المرات بالحجر الأسود فإن هذه اليد التي أمامنا والملوثة بالحرام تبقى هي الأكثر قذارة والأشد نجاسة وتبقى الأكثر تسبباً في نشر الفقر والسرطان والبؤس والموت والكوليرا.
ولأن شر البلية وشر المُفارَقة ما يُضحك، فإنه لو بقي الفيلسوف (جان بول سارتر) حياً لأهدى الرئيس وجماعته من أصحاب "الأيادي الطاهرة والمتوضئة" مسرحيته (الأيدي القذرة).
تحياتي لك وضيفك ... .. .
07-03-2017, 07:10 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
اطالب بي لجنة لي قطع الجمار وقالوا التبرز و30% مننا فقط من يستعملون المراحيض داير لجنة لي الخروج للخلاء عشان تكون متوافقة مع التراث كدة بكون فضلنا لينا شنو ايواتليك لجنة لل الاستحمام تتفرع منها لجنة فرعية لي
غسل الجنابة
07-03-2017, 07:20 AM
علي دفع الله
علي دفع الله
تاريخ التسجيل: 08-31-2012
مجموع المشاركات: 4740
ده مشروع اعادة تأهيل للمواطن ياحفيظو الناس ديل جو لقونا وسخانين وعراريقنا مكرفسة من الوسخ لابنصلي ولابنعرف الوضوء زاتو خليك من غسل اليدين بعد نطلع من المستراحات الحفر دحين خليهم يكسبوا فينا اجر ويجنبونا الكوليرا دي قبل تقرضنا ومايلقوا زول يحكموه الجماعة ديل في حالة وضوء دائم حتى كان فسو وضوهم مابخرب من شدة ورعهم ونظافتهم. احيي فيهم هذه النخوة الوطنية وياريت يعلمونا كمان كيف نلف العمة ونتكك السروال وكيف نتسوك والنوم بإتجاه القبلة
07-03-2017, 08:14 AM
ANWAR SAYED IBRAHIM
ANWAR SAYED IBRAHIM
تاريخ التسجيل: 12-02-2014
مجموع المشاركات: 900
هسة يا علي دي تقراها من يمين للشمال ولا ماتعرف زاتو غسل اليدين داير اقرار ولجان في نفيير دايرين نعمل ورش عمل للناس عشان توعي اهلها نجحنا مع بعض المعاكسات ما تقولو كوليرا بعضهم قال ما بتعامل معانا الا نجيب تسجيل رسمي كهيئة ولا منظمة معتمدة ياخ لو سكينا التسجيل خلي اي شي بالزمن البناخدو والاجراءات الناس بكونو انقرضو
07-03-2017, 08:21 AM
Deng
Deng
تاريخ التسجيل: 11-28-2002
مجموع المشاركات: 52561
الاخ ابوسن وضيوفه - سلامات *داير اضيف للفائده بعيدا عن بدع الكيزان الهايفه .* منذ عام 2008 قرررت الجمعيه العامه للامم المتحده الاحتفال باليوم العالمى لغسل اليدين (Global Hand washing Day-GHD) فى 15 اكتوبر.على ان يتم الاحتفال بالتركيزعلى شريحه طلاب المدارس فى حوالى 70 دوله. فى غالبيتها دول من العالم الثالث حيث ظروف كثيره مرتبطه بصحه البيئه وعدم توفر الامداد المائى المستديم فى القرى بشكل اساسى. * طبعا هنا القصه مامحتاجه لجنه وقومه وقعده وانما توجيه عبر وزاه التربيه تكون الحصه الاولى فى اليوم داك عن الموضوع اوالنظافه عموما وصحه البيئه. اول مره اغرف عن اليوم دا ...كان فى تلفزيون تشاد ضمن الاخبار وزياره مسئول لمدرسه بخصوص الاحتفال باليوم دامن هيلمانه ...بس شرح لاهميه النظافه وغسل الايدى لصحه سليمه ...من باب الوقايه خير من العلاج. وشكرا
اياهو يا حيدر سمعت قالوا في ناس عندهم دكتوراة في الوضوء غايتو لو صحت يكونو ليهم حق غسل اليدين داير لجنة ومادة في القانون لتجريم من لم يغسل يده قبل الاكل
07-03-2017, 09:22 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
آي عاصم اليوم العالمي لغسيل الايادي وشفتو في الفيس بس فعلا ما بكلفهم لجان حصص كل اسبوع حصة واحدة بس والتلفزيون بدل دعايات الكريم نشرات متكررة عن غسل الايادي والجوامع يوم الجمعة
07-03-2017, 01:49 PM
ANWAR SAYED IBRAHIM
ANWAR SAYED IBRAHIM
تاريخ التسجيل: 12-02-2014
مجموع المشاركات: 900
لا والله يا حفيظ ... اليصرفو الدايرنو في مسألة التوعية بي مضافة الأيدي Hand hygiene لأنها ذات أهمية مطلقه في البيت والشارع والمستشفى ... في مقابل الصرف على الأجهزة الامنية .. على شرط الفاعلية وعدم الفساد...
هذه مسألة لها أهمية قصوى.. الميزانيات المرصودة ليها في الدول الجاده تصل لأرقام كبيرة جدا
07-04-2017, 05:36 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
هههه انا افصل كلونيا تلات خمسات الكلونيا زاتا بنكب فيها مسك مسحون منها ريحة ومطهر يا مشرف يا صاحبي مافي خلاف والموضوع دة بي دراسة جدوي عديل ما بكلف كتير حملة في الاعلام منظمة الفيديوهات علي قفا من يشيل راقدة هبطرش امر لائمة الجوامع وممكن يدوهم خطب مكتوبة اصلهم متعودين يقروا امر للمدارس بجعل الحصة الاولي نضافة هم متعودين علي الصرف البذخي غير المثمر ليالي الذكر والذاكرين الهجرة الي الله والمحصلة شنو مزيدا من الفساد اصلا ما بنديهم كارت بلانش يصرفو علي كيفهم ولا يصرفو ما يجب الموضوع بسيط يرخصو ادوات النضافة يرفعو كراعهم من جمارك الشحوم لتصنيع الصابون يلمو ناسهم المكشحين في الشوارع للرسوم ويقولو ليهم ما تشيلو رسوم من الصابون انا بشتري كرتونة صابون فنيك شندي بي 190 ج لتوزيعها علي مركز الحجز وصابون غسيل وديتول جزء محترم من ميزانية نفير الماسكها انا بتمشي منظقات الموضوع بسيط مشرف لا داير لجنة ولا غيرو لا اسخر من النظافة بل اسخر من قتل ذبابة بدبابة
07-04-2017, 11:11 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
شنو يا قبه ياخ الرد ظاهر يا قلقو الاباريق دي موضوعها براهو هل يجوز الابريق المستورد ولا الصناعة المحلية لازمن يكون عندك ماجستير في كيفية مسك الابريق صابا وماليا ودكتوراة في الكب جيب ورقك وانا بباصر ليك الموضوع وخليك لماح
07-05-2017, 12:16 PM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة