Post: #1
Title: ضربة قاصمة للبشير و زوما: قاضي يمنع إنسحاب جنوب أفريقيا من الجنائية
Author: Mohamed Suleiman
Date: 02-23-2017, 02:38 AM
01:38 AM February, 23 2017 سودانيز اون لاين
Mohamed Suleiman-California, USA
مكتبتى
رابط مختصر
لأن الإنسحاب غير دستوري و غير قانوني ....
لذلك حكم قاض المحكمة العليا بجنوب أفريقيا أن طلب حكومة زوما بالإنسحاب من المحكمة الجنائية الدولية ... غير دستوري بدون موافقة البرلمان.
و طبعا غامبيا بعد تولي الرئيس الجديد .. أخطرت الأمم المتحدة بإلغاء قرار الرئيس السابق بالإنسحاب من الجنائية .. فتلقت تهنئة و تشجيع من الأمم المتحدة ...
و يظل البشير ملاحق و مطارد بتهم جرائم الإبادة الجماعية و جرائم حرب و جرائم ضد الإنسانية في دارفور :
|
Post: #3
Title: Re: ضربة قاصمة للبشير و زوما: قاضي يمنع إنسحا
Author: ود الباوقة
Date: 02-23-2017, 05:17 AM
Parent: #2
محمد سليمان
انت ماسك ليك في شطر ميت
الموضوع دا نحن انتهينا منو زمان
وحاليا التجهيزات تجري على قدم وساق لزيارة الاسد النتر
الى روسيا
ومنها الى امريكا باذن الله
سلم لي على ترامب بالله
والخالة كونداليزا رايس
وصلاح ود الحاجة
وشكرا
|
Post: #4
Title: Re: ضربة قاصمة للبشير و زوما: قاضي يمنع إنسحا
Author: Mohamed Suleiman
Date: 02-23-2017, 10:49 PM
Parent: #3
ود الباوقة ... وصّي سيدك يلبس تقيل كان ناوي يعتب علي أوروبا ... الجو هناك بارد .. ما زي جو أبوجا أو جوهانسبيرج ... حيث تعوّد أن يعرّد و هو almost ما لابس شئ :
|
Post: #5
Title: Re: ضربة قاصمة للبشير و زوما: قاضي يمنع إنسحا
Author: فرح الطاهر ابو روضة
Date: 02-23-2017, 11:03 PM
Parent: #4
ههههههههههه
بعرد ميطي
|
Post: #7
Title: Re: ضربة قاصمة للبشير و زوما: قاضي يمنع إنسحا
Author: Mohamed Suleiman
Date: 02-24-2017, 04:05 PM
Parent: #5
سلام يا فرح الطاهر:
رئيس ود الباوقة وصّي إبراهيم أحمد عمر يجيب معاه بمناسبة رفع العقوبات الأمريكية ... جزمة ماركة جوردان ... لأنّو ( رئيس ود الباوقة) فتر من حكاية مخلّي فردة في كل مطار في كل (عرّيدة):
|
Post: #6
Title: Re: ضربة قاصمة للبشير و زوما: قاضي يمنع إنسحا
Author: aosman
Date: 02-24-2017, 02:30 PM
Parent: #1
يا جماعة إنتو لي هسي مصدقين قصة المحكمة الجنائية الدولية دي؟ حسبي الله ونعم الوكيل,,, ده كلام فارغ شوفو ليكم موضوع حي, زي ما قال ود الباوقة ما تمسك ليك شطر ميت.
|
Post: #8
Title: Re: ضربة قاصمة للبشير و زوما: قاضي يمنع إنسحا
Author: Mohamed Suleiman
Date: 02-24-2017, 04:16 PM
Parent: #6
aosman
Quote:
يا جماعة إنتو لي هسي مصدقين قصة المحكمة الجنائية الدولية دي؟ حسبي الله ونعم الوكيل,,, ده كلام فارغ شوفو ليكم موضوع حي, زي ما قال ود الباوقة ما تمسك ليك شطر ميت.
|
قبلما تسألنا السؤال ده .... أقنع أولاً البشير زاتو ... و قول ليهو ياخ حكاية الجنائية دي كلام فارغ و شطر ميت و ضنب كوكو ... و ممكن الليلة دي تسافر لأي حتة .. و أبدأ بجنوب أفريقيا و أغشي معاك غامبيا .. الفي أفريقيا ( خليك من اوروبا و أمريكا).
( البشير هو حقيقة الآن في سجن و تعذيب و ذلّة و عزلة ... و .. كتلوك و لا كل مرّة جوك جوك جوك).
|
Post: #9
Title: Re: ضربة قاصمة للبشير و زوما: قاضي يمنع إنسحا
Author: aosman
Date: 02-24-2017, 08:22 PM
Parent: #1
يا محمد سليمان, إنتو كمعارضة عشان تغيروا النظام ده, أحسن تقنعوا الشعب السوداني البسيط ده فهو لو إقتنع بيكم النظام ده أسبوع ما بقعد, لكن الإعتماد على المحكمة الجنائية الدولية وأمريكا وأوربا ده كلام فارغ ساي.
لو نظرتو للموضوع بنظرة عقلانية وضع البشير الآن أفضل بكثير من الأعوام السابقة وأموره ماشة العكس تماما المعارضة وضعها ماشي في الإتجاه العكسي. المعارضة لو ما راجعت نفسها وتعاملت بواقعية أبدا ما حتعمل شيئ. المهم دي وجهة نظري الشخصي.
|
Post: #10
Title: Re: ضربة قاصمة للبشير و زوما: قاضي يمنع إنسحا
Author: Mohamed Suleiman
Date: 02-25-2017, 00:06 AM
Parent: #9
aosman:
Quote:
يا محمد سليمان, إنتو كمعارضة عشان تغيروا النظام ده, أحسن تقنعوا الشعب السوداني البسيط ده فهو لو إقتنع بيكم النظام ده أسبوع ما بقعد, لكن الإعتماد على المحكمة الجنائية الدولية وأمريكا وأوربا ده كلام فارغ ساي. لو نظرتو للموضوع بنظرة عقلانية وضع البشير الآن أفضل بكثير من الأعوام السابقة وأموره ماشة العكس تماما المعارضة وضعها ماشي في الإتجاه العكسي. المعارضة لو ما راجعت نفسها وتعاملت بواقعية أبدا ما حتعمل شيئ. المهم دي وجهة نظري الشخصي.
|
الخطأ الفادح في موقفك أنك تقيس الأوضاع من منطلق حكومة و معارضة ...
المحك هنا ليس وضع البشير ... بل ما هو وضع السودان اليوم كقطر و حال أهل السودان كشعب .
البشير من قولة تيت أتي لتحسين وضعه المادي .. له و لعشيرته و جماعته ... لكنه خسر كل شئ .... و سيتذكره التاريخ بمدي الدمار اللذي الحقه بالناس في السودان.
من المؤسف جدّاً ... و من مداخلاتك اللتي تواري فيها حقيقة تحيزك ضد الحقيقة و العدالة ... أنك لا تحمل إي إحساس بالعدالة ... You have NO sense of JUSTICE
و لذلك تسيطر في نخيلتك عقدة من يحكم السودان ؟ .. بدلاً من تكليف نفسك في البحث عن كيف يُحكم السودان و بصورة تجعل المواطن في كل أركانه ينعم بالعدالة و الحرية و المساواة ... لأن هناك مؤسسات .. لا أفراد ... تحفظ له كل حقوقه الأساسية.
هنا المحك ...
ليس الحل أبداً في الحكومة الحالية .. و لا المعارضة اللتي ورثت حكم البلاد من الإنجليز و تصر في كل مرّة تفرّط فيها في أمانة الحكم الديموقراطي .. علي إضاعة فرصة العمل من أجل الشعب اللذي وفّر له الإمتيازات منذ المهد.
ما فعله البشير في السودان و شعبه من شروخ عظيمة في نسيجه الإجتماعي ... سيصعب علي أي نظام آخر أن يرتق تلك الشروخ ... دون الإعتراف أولاً بمسببات جذور المشكل السياسي ... و اللتي يعمل مثلك جاهداً في الهروب من مواجهتها.
|
Post: #11
Title: Re: ضربة قاصمة للبشير و زوما: قاضي يمنع إنسحا
Author: خالد حاكم
Date: 02-25-2017, 01:32 AM
Parent: #10
( ما فعله البشير في السودان و شعبه من شروخ عظيمة في نسيجه الإجتماعي ... سيصعب علي أي نظام آخر أن يرتق تلك الشروخ ... دون الإعتراف أولاً بمسببات جذور المشكل السياسي ... و اللتي يعمل مثلك جاهداً في الهروب من مواجهتها. )
شكرا اخ محمد مع تحياتى
|
Post: #12
Title: Re: ضربة قاصمة للبشير و زوما: قاضي يمنع إنسحا
Author: Mohamed Suleiman
Date: 02-25-2017, 08:26 AM
Parent: #11
الأخ الفاضل خالد حاكم
لك التحية و الإحترام
و شكراً لمرورك النبيل.
زوما بسبب البشير يواجه مشكلات عاصفة في بلاده :
و أطراف في جنوب أفريقيا تنادي بتقديمه هو الي الجنائية:
|
|
