كل مشاهد هبوط أول إنسان على سطح القمر مزورة،

05:34 PM Dec, 13 2015

سودانيز اون لاين
عرفات حسين-لندن
مكتبتى
رابط مختصر

كشف المخرج الأمريكي الكبير ستينلي كوبريك أن كل مشاهد هبوط أول إنسان على سطح القمر مزورة، معلنا أنه هو الذي كان يصورها.

وقال المخرج في حديث أدلى به قبل وفاته ونُشر مؤخرا، أن "كل عمليات الهبوط على القمر كانت مزورة، فأنا كنت ذلك الشخص الذي صور ذلك".

ويشرح كوبريك في حديثه بشكل مفصل وشامل كيفية اختلاق وكالة "ناسا" الأمريكية للفضاء كافة عمليات الهبوط على القمر، وكيف أنه كان يصور
على الأرض جميع مشاهدات البعثات الأمريكية المزعومة إلى القمر.

بهذا الشكل تم وضع نقطة كبيرة ونهائية في القطاع الفضائي الأمريكي "غير المسبوق" من قبل مايسترو المخرج في هوليود الذي يتمتع باعتراف عالمي.

 ونُشر هذا الحديث المتضمن اعترافا صارخا لموضوع قد أثار الكثير من التساؤلات والشكوك لأعوام كثيرة، بعد وفاة المخرج بـ16 عاما، وبات الأخير
له حيث صوره المخرج باتريك ميوريي قبل ثلاثة أيام من وفاته في مارس/آذار من عام 1999.

وأجبر ميوريي قبل تسجيل الحوار على التوقيع على اتفاق من 88 صفحة يلزمه بعدم نشر أو الإعلان عن فحواه خلال 15 عاما من يوم وفاة كوبريك.

وقد أثار اللقاء ضجة عالمية في الأيام الأخيرة بكل أنحاء العالم وكشف أخيرا زيف أكبر كذبة أمريكية كانت قد أثارت سابقا الشكوك والتساؤلات،
على الأقل لعدم تكرار مثل هذه الرحلات الفضائية إلى القمر مرة أخرى مع أن التقنيات صارت متطورة وحديثة أكثر. هذا فضلا عن تساؤلات
أخرى مثل سبب رفرفة العلم الأمريكي فوق القمر الخالي من الهواء.

https://www.youtube.com/watch؟v=9imVp8tlecYhttps://www.youtube.com/watch؟v=9imVp8tlecY

تحياتي عرفات ...

كُنت بصدد فتح بوست بهذا الأمر .. ولكنني تريثت وبحثت أولاً عسى أن أجد من سبقني فوجدتك قد فتحت هذا البوست ...


تسلم ...

الأخ / عرفات حسين
تحية طيبة
المسأة خاض فيها زميلنا في المنبر هنا الأخ / حاتم ابراهيم، وعلي ما اذكر جاب ادلة علمية تؤكد عدم قدرة ناسا علي انزال انسان علي سطح القمر في عام 69 ، وقد تعرض الأخ / حاتم لمداخلات معترضة كثيرة...
افتكر انو يجب الاشادة بموقف الأخ/ حاتم العلمي.
ولكم تحياتي

شئ يحير ما كنا نعتقد أن المسائل العلمية البحتة قابلة للتزوير والغش

أعتقد أنه أفضل شئ يساعدنا المهندس بكري لألحاق بوست الزميل حاتم الشهير بالمنبر في عام 2016

والذي أستمات فيه حاتم بكل ما يملك من معلومات ومصادر

نأمل ذلك حتى يثري النقاش من جديد

مشكور يا عرفات مرة أخرى على سخونة مواضيعك وأهميتها

يا شباب تتكلموا كيف؟

ثلاثة رجال فضاء كلهم كانوا احياء الى وقت قريب، ودعاهم كلنتون في البيت الأبيض لتكريمهم.. ومئات علماء ناسا الذين صمموا المركبة، ومئات الذين
ودعوا المركبة ومن فيها حين اطلاقها في قاعدة الإطلاق.. والذين كانوا يراقبونها.. والإتحاد السوفييتى الذى سبق الامريكان في تقنية الفضاء الخارجى، والروس بعد
نهاية الاتحاد السوفييتى وصاروا أعداء لأمريكا.. والصين.. كل هذه الأمم كانت مغشوشة.. وكذلك الان وبعد تطور التكنولوجيا، الصور عالية التعريف HD
التي تم التقاطها لموقع هبوط ابوللو 11 وصور بعض القطع التي خلفتها وصور اثار الفضائيين.. هذه أيضا مغشوشة، بدليل مخرج قال انه هو الذى
صور كل ذلك واشترط عدم نشر حديثه إلا بعد وفاته (ههههه).

يا أبو الريش ممكن تدّينا تفسير للمُقتبس أدناه:-

Quote: هذا فضلا عن تساؤلات أخرى مثل سبب رفرفة العلم الأمريكي فوق القمر الخالي من الهواء.

مكرر

الاخوه الافاضل

صبري طه

جمال المنصوري

درديري كباشي

حاتم العلمي.

Abureesh


الموضوع هو عملية الغش الممنهج للامريكان.....
ففي البوست عن هتلر ,وجدت بان الذي صنع هتلر
هم الامريكان …. والذين دمرو اوربا بالحروب هم الامريكان …
والذين يديرون الحروب اليوم هم الامريكان ….
وان ال بوش هم الذين مولو هتلر وهذا سبب شهرتهم واموالهم …
فنحن نعيش في وسط غش وكذب الامريكان !!!!!

أممممك!!!
نوّدي وشّنا وين تاني من حاتم ابراهيم :)
حد يصحّي تيم ناسا

مثل هذه الاشياء لا مزاح و لا خداع فيها. لقد وصل الى القمر الروس و الصينيون، كما انه هبط اكثر من رائد فضاء امريكي على سطح القمر بعد نل ارمسترونق و الدرين. لقد هبط مسبار امريكي على المريخ و الآن ناسا تطرح على العالم رحلة باتجاه واحد للمريخ، و قد تجاوز عدد المتبرعين الالفين.

هناك إلتباس بين
وصول رواد الفضاء للقمر وعملية تصوير وصول الوصول ،، قرأت قبل سنوات أن الصورة التقطت في صحراء نيفادا ـأو أريزونا ـ ولكن هذا لم ينفي وصول الرواد للقمر ، بل تعامل معه كمعطي وحقيقة
* مسألة إنكار وصول الأمريكان للقمر ـ الغريب أن الروس الذين سبقوا الأمريكان للفضاء الخارجي لم ينكروا وصول هولاء للقمر!
لم أطلع علي دفع من جهة علمية أو مؤسسة علمية تنفي هذه المعطي، فبركة هذا الكشف العلمي يعني الإطاحة ـ بناسا ويدين ويجرم الحكومات الأمريكية والمؤسسات العلمية
* السؤال لمن ينفون وصول الرواد للقمر في آواخر الستينات :- متي وصل أو إنسان للقمر إم أن الإنسان لم يصل بعد للقمر؟ ولم تزور مركباته الفضاء الخارجي وكواكب المجموعة الشمسية؟؟

الاخ

صبري طه

لك الشكر

وارجو المواصله

الأخ صبرى طه..تكرر السؤال:**هذا فضلا عن تساؤلات أخرى مثل سبب رفرفة العلم الأمريكي فوق القمر الخالي من الهواء.**العلم الأمريكي لم يرفرف فوق القمر.. ولأن ناسا تعرف انه لا يوجد هواء على القمر قامت بتثبيت سيخة متعامدة مع عمود العلم فصارت زاوية قائمة، وإلافإن العلم لا يرفرف وسيكون متدليا و رأسياً وقد لا يظهر كعلم.. هذه السيخة (لاحظ الصورة) جعلت العلم مثل ستارة الشباك، وقد عمدت ناسا ان تجعل نقاط على السيخة بحيث (يتكرفس) العلمفي بعض أجزائه ويظهر تأثير نظرى بأنه يرفرف.. هذه اخر مداخلة لى مع الإعتذار.. ما ممكن نناقش كروية الأرض من عدمها..

كلمة نسيتها حول المخرج الذى أوصى ان حديثه لا ينشر إلا بعد وفاته..
طبعا وجود مخرج يعنى وجود جيش من المصورين وكتاب السيناريو ومهندسين فيديو.. الخ.. فهل ديل كلهم توفوا الى رحمة الله واوصوا أم هم عايشين
معانا لسـه وما فيهم زول داير يقول حاجة.. من سذاجة النظرية أنها قالت ان المخرج قال انه هو الذى صور.. شفتو ليكم مخرج يصــور؟

Quote: يا شباب تتكلموا كيف؟ ثلاثة رجال فضاء كلهم كانوا احياء الى وقت قريب، ودعاهم كلنتون في البيت الأبيض لتكريمهم.. ومئات علماء ناسا الذين صمموا المركبة، ومئات الذين ودعوا المركبة ومن فيها حين اطلاقها في قاعدة الإطلاق.. والذين كانوا يراقبونها.. والإتحاد السوفييتى الذى سبق الامريكان في تقنية الفضاء الخارجى، والروس بعد نهاية الاتحاد السوفييتى وصاروا أعداء لأمريكا.. والصين.. كل هذه الأمم كانت مغشوشة.. وكذلك الان وبعد تطور التكنولوجيا، الصور عالية التعريف HD التي تم التقاطها لموقع هبوط ابوللو 11 وصور بعض القطع التي خلفتها وصور اثار الفضائيين.. هذه أيضا مغشوشة، بدليل مخرج قال انه هو الذى صور كل ذلك واشترط عدم نشر حديثه إلا بعد وفاته (ههههه).

انت البتفهم كيف؟

مع أن موضوع الاعترافات دا لا يهمني شخصياً فأنا لي أسلوب مختلف اعتقد أسهبت فيه هنا الجزء الأول http://sudaneseonline.com/board/470/msg/%D8%AE%D8%A8%D8%A7%D9%8A%D8%A7-%D9%85%D8%B4%D8%B1%D9%88%D8%B9-%D8%A3%D8%A8%D9%88%D9%84%D9%88-%D9%88%...8%B1-1407955920.html الجزء الثاني http://sudaneseonline.com/board/480/msg/%D8%AE%D8%A8%D8%A7%D9%8A%D8%A7-%D9%85%D8%B4%D8%B1%D9%88%D8%B9-%D8%A3%D8%A8%D9%88%D9%84%D9%88-%D9%88%...A1-2-1418222545.html يا أبوريش، مع إني ما فاضي الشهر دا لكن ياريت ترجع للعنوان مكتوب (مشاهد هبوط)، ستانلي كوبريك مسؤول عن تلفيق لقطات الهبوط، مش انطلاق الصاروخ. الصاروخ ساتيرن وكل ما يتعلق بالرحلة المدارية حول الأرض حقيقة، السفر للقمر، الدوران حوله والهبوط عليه والعودة منه دا كله مزور ومصور في مركز لانغلي، كم مرة أنا أشرح ليك؟ الفيديو الفوق دا احتمال يكون في استوديو لكن أغلب الظن في مركز لانغلي، الحاجة الوقعت دي حامل بتاع كشافات (projector truss)، ومسموع صوت المخرج بيقول نعيد اللقطة تاني. أنا ما جبت الفيديو للإثبات، لأن الطرق التحليلية أثبتت استحالة الهبوط على القمر، لكن عشان ننتهي من قصتك دي. الفيلم الفوق دا شغل ستانلي كوبريك، الغرض منه التدريب، يعني أرمسترونغ تم تدريبه على كل صغيرة وكبيرة، وفي النهاية تم بث اللقطات على أنها حقيقية، القرار دا كان في العام 1967 بعد توصل ناسا لاستحالة تنفيذ المهمة. عندي احساس إن في ناس حتظل مصدقة الكذبة دي حتى لو الرئيس الأمريكي أعلن أنها كانت خدعة. ما تخاف على الجواز الأمريكي. ____ دعوة كلنتون لتكريم الرواد برضها حقيقية.

التحية لحاتم إبراهيم سيد الشىء ذاتو .

يا باشمهندس حاتم،

ردى لم يكن على طرحك.. لى جيت طالع بنمرة أربعة كدا؟

معقول ياعرفات كذبة زي دي تمشي فيك انت!

راجع الموضوع ده تاني وبهدوء! الفيديو المزعوم هو المزور والتفاصيل موجودة وقوقل موجودة!

والفيديو اللى جبتو أعلاه يا حاتم.. انت لم تقرأ تعليق صاحب الفيديو زاتو..

شوف تعليقو (داخل الفيديو لما عمل المونتاج)

ترجمـة: هل انت جعان لفيديوهات مضحكة أخرى؟ إذا قم بزيارة القناة "نكات قذرة"

Quote: يا باشمهندس حاتم، ردى لم يكن على طرحك.. لى جيت طالع بنمرة أربعة كدا؟ +++ معقول ياعرفات كذبة زي دي تمشي فيك انت! راجع الموضوع ده تاني وبهدوء! الفيديو المزعوم هو المزور والتفاصيل موجودة وقوقل موجودة!

ومال نحن بنفكر ليه؟

أي استهبال سواء من أشخاص أو مؤسسات مالم تتم مواجهته بالحقائق وتبصير الناس بالتفاصيل حيتحول لأساطير والبشر حيكونوا أصنام تعبد، عشان كدة بتلقاني في الصف الأول جانب الحقائق والمنطق، ولا يهمني. المضحك (funny) يا أبوريش هو الملابسات في الفيديو، أخطاء الاستعجال، كل أعمال ناسا فيما يتعلق بمشروع أبولو مضحكة في الواقع ابتداء من هذا الفيديو وحتى فيديو لعب الغولف على سطح القمر، أرجو إنك ما تكون فهمت التعليق عكس ذلك. +++ الأخ محمد عثمان الحاج، أعرف أنك ردك لعرفات، لكن لعلك ترغب في الاطلاع على التفاصيل في البوستين أعلاه. الخبر شكله جديد، وحتسمع بعد فترة عن أشخاص مجانين وفيديوهات مضادة، لكن لن تسمع لأي تعليق من ناسا، احتمال بعد ثلاثة أو ستة أشهر يطلع تعليق مقتضب من موظف رسمي في ناسا، وبعده مباشرة حتلاقي معلومات إضافية في موقع غير رسمي (debunker) يحاول تفنيد فيديو اعتراف ستانلي كوبريك. هذا هبوط ناعم سينتهي عام 2025 ____ لم يصعد بشر لسطح القمر أو يعود منه، ولن يحدث هذا قبل عام 2030 على أفضل التوقعات.

**
معقول ياعرفات كذبة زي دي تمشي فيك انت!
راجع الموضوع ده تاني وبهدوء! الفيديو المزعوم هو المزور والتفاصيل موجودة وقوقل موجودة! **

يا حاتم يا اخى استهدى بالله.. الكلام الفوق دا لم أقله انا..

يا حليلنا نحن ........ ساهرنا قدام التلفزيون عشان نشوف ارمسترونغ بيمشي في القمر

بعد العمر ده، تجو تقولوا كنا بنكضب عليكم ودي الكاميرا الخفية؟

راجعو كلامكم تاني

كان اثار ضجة عالمية ما عارف ههههههههه
يا عرفات كدي بحبت شوية يمكن تلقى بابكر عوض الله مشترك في موضوع التزوير ده.

شكراً عرفات على البوست ..

Quote: كشف المخرج الأمريكي الكبير ستينلي كوبريك أن كل مشاهد هبوط أول إنسان على سطح القمر مزورة

من أول لحظة واضح جداً إنو ده ما صوت ستانلي كيوبرك ، كالعادة أصحاب نظرية المؤامرة بيجتهدوا شديد في التلفيق ولكن يظل العلماء هم من نثق في كلامهم .

الجميل في الأمر أنه سيتم حسم هذا الامر تماماً خلال عامين بإذن الله .. شركة قوقل أطلقت منافسة عالمية للهبوط على سطح القمر عام 2007 وحددت المرحلة الاخيرة منها عام 2017
من شروط المنافسة إنو يتم تمويل البرنامج عبر مصادر خاصة وكذلك بعد الهبوط على سطح القمر يجب أن يتحرك الروفر القمري مسافة 500 متر ويصور HD ويتم بث الفيديو Live
ومن الحاجات الفيها جوائز قيمة (خلافاً لل30 مليون دولار) تصوير أماكن هبوط مركبات أبوللو والمعدات وحتى آثار أقدام رواد الفضاء وآثار عجلات المركبة القمرية وكل ما تم تركه على سطح القمر

Quote: In addition, several bonus prizes are available for further technical and scientific achievements, such as surviving the lunar night or visiting an Apollo landing site.

الفرق المشاركة من عدة دول (التي نجحت في الوصول للمرحلة الحالية) : الولايات المتحدة والهند وإيطاليا وإسرائيل وماليزيا والهند واليابان والمانيا وكندا وكم دولة تانية وفي كم تيم انترناشونال
في المرحلة السابقة تم توزيع 6 مليون دولار على الفرق الحققت شروط محددة .. الفديو التالي يوضح التفاصيل :


حسب المعلومة العندي أول فريق عمل الكونتراكت بتاع الإطلاق هو الفريق الإسرائيلي ، شكلهم جاهزين موية ونور
المهم .. ناسا أصدرت ملف خاص فيهو شروط لإستكشاف مواقع هبوط أبوللو من ضمن الشروط عدم المساس بآثار أبوللو بإعتبارها آثار تاريخية
تتحمل قوقل والجهات المنظمة مسئولية كبيرة جداً في حال حدوث خرق لهذه الشروط والمعاهدات والتي يجب أن تلتزم بها الفرق المشاركة
الملف يحتوي على أرقام دقيقة جداً وإحداثيات لكل شئ ، ثم يأتي من يحدثك عن أن الهبوط على سطح القمر تم في إستديو :)
الموقع الإلكتروني لجائزة قوقل :
http://lunar.xprize.org/

المهم كلها سنتين إن شاء الله والناس تشوف المنافسة Live والتصوير HD بعد داك ممكن ناس نظرية المؤامرة يفهموا شنوا يعني الثقة في العلم والعلماء
شخصياً أثق جداً في كلام العلماء خاصة حينما يكون هنالك إجماع على مسألة ما .. ولا يوجد عالم واحد حتى الآن يقول بأن الهبوط على سطح القمر كان تمثيلية
ياريت محمد قرشي عباس يجينا بي جاي رغم مشغولياتو الشديدة عشان ينورنا في المسألة دي أكتر

ده وثائقي جميل جداً للمتخصصين من المهندسين والفنيين والناس الفي التخصصات الأخرى لكن عندهم هوى في الهندسة وكده ..
الوثائقي ده ما شغال كتير بي رواد الفضاء ولا النواحي التاريخية العامة لكن مهتم بالنواحي الهندسية وكيف تم تصميم وصنع الآلات التي أوصلت الإنسان الى القمر

الجزء الأول : يتحدث عن صناعة الصواريخ التي أوصلت الإنسان الى القمر

الجزء الثاني : يتحدث عن الكبسولة ومركبة الخدمة

الجزء الثالث : يتحدث عن الكمبيوتر ونظام الملاحة ..

الجزء الرابع : يتحدث عن المركبة القمرية ..

الجزء السادس : يتحدث عن العربة القمرية - من أجمل الحلقات في هذه السلسلة الوثائقية

NASA releases moon landing guidelines for Google Lunar X Prize

Quote: (CBS) The teams competing for Google's Lunar X Prize have agreed that if they reach the moon, they will abide by NASA's guidelines to protect historic sites on the lunar surface - like the sites of the Apollo moon landings. The Lunar X Prize is a $30 million competition sponsored by Google that calls for a privately-funded landing of a robot rover on the moon by the end of 2015. Twenty-six teams are vying for the prize. The guidelines, according to NASA, were put together with the cooperation of the X Prize Foundation, which is overseeing the competition, along with the teams. "NASA and the next generation of lunar explorers," the NASA press release says, "share a common interest in preserving humanity's first steps on another celestial body and protecting ongoing science from the potentially damaging effects of nearby landers." The guidelines protect artifacts from the Apollo moon landings and unmanned lunar landing sites, as well as "indicators of U.S. human, human-robotic lunar presence, including footprints, rover tracks, etc." Portions of the Lunar X Prize will be awarded based on various accomplishments, including, fittingly, photographing the protected sites: "Additional bonus prizes," the X prize Foundation says, "will be awarded for photographing a Lunar Heritage, Apollo or Surveyor spacecraft site." Last week SpaceX, a privately-funded space exploration venture, successfully launched a capsule delivering supplies to the International Space Station.

ده الـGuideline بتاع ناسا .. Pdf لمن أراد أن يتعمق في التفاصيل :
go.nasa.gov/JDYo9v

أخيراً .. من وجهة نظر مخرج ومنتج أفلام محترف ممكن نعرف الحقيقة ، ده أصدق زول بيقول الحقيقة بتجرد تام



فتناكم بي عافية ..

Quote: ناسا أصدرت ملف خاص فيهو شروط لإستكشاف مواقع هبوط أبوللو من ضمن الشروط عدم المساس بآثار أبوللو بإعتبارها آثار تاريخية +++ تحدث عن صناعة الصواريخ التي أوصلت الإنسان الى القمر

كيفك يا باشمهندس، الكلام عن بشر بيمشوا في القمر

طبعاً آثار تاريخية مكتسبة مافي شك. للأسف أنا بسرق الزمن عشان أرد، شغال في برنامجين مفروض أعلن عنهم الشهر دا. لكن متابع، سؤال: الفترة الكلية لمشروع أبولو من الإعلان حتى بداية التنفيذ كانت كم سنة؟ يعني من يوم بداية تصنيع الصاروخ ساتيرن (أو قول وعد كينيدي) وحتى الهبوط المزعوم حسب ناسا.

موضوع علمي جميل وشيق جدا....ومنكم نتعلم دائما في هذا
المنبر الاسفيرى الرائع كروعتكم....بس لسع ما اقتنعنا ميه في الميه
بان الامريكان غشو العالم طوال هذه السنين....
وبعد ما كنا خلاص قربنا نقتنع بكلام عرفات وحاتم جانا ابو الريش
وزعزع هذا الاقتناع وخلانا نتشكك ان الامريكان ربما كانوا صادقين
وما غشونا..
بس في حاجة واحدة حتخلينا نصدق ان الامريكان ديل غشاشين
وبتاعين فهلوة وخدع سينمائية وانهم لم يروا القمر ابدا...وهو
انو الروس يجوا وياكدوا الكلام ده....لان الروس هم اول من بداوا
رحلات الفضاء بالكلبة لايكا...والروس من زمان اعداء الامريكان
واذا اتاكدوا ان الامريكان غشاشين فما حيتاخروا في اعلان ذلك..
والسؤال الهام هو: هل الروس انزلوا رجل على سطح القمر؟
اذا كانت الاجابة بنعم....فان الامريكان صادقين واذا كانت الاجابة
بلا...فان الامريكان كاذبين ولم ينزلوا على سطح القمر وان علمهم
هذا يرفرف الان في صحراء نيفادا..
ودمتم بالف خير..
بسمات

Quote: كيفك يا باشمهندس، الكلام عن بشر بيمشوا في القمر طبعاً آثار تاريخية مكتسبة مافي شك. للأسف أنا بسرق الزمن عشان أرد، شغال في برنامجين مفروض أعلن عنهم الشهر دا. لكن متابع، سؤال: الفترة الكلية لمشروع أبولو من الإعلان حتى بداية التنفيذ كانت كم سنة؟ يعني من يوم بداية تصنيع الصاروخ ساتيرن (أو قول وعد كينيدي) وحتى الهبوط المزعوم حسب ناسا.

مرحب باشمهندس حاتم وموفق في برامجك بإذن الله.
المعلومة المتاكد منها إنو الأمريكان إستفادو من العبقري الالماني فون براون مخترع صاروخ V2 في الحرب العالمية الثانية ، بالتأكيد الفضل الاكبر بيعود ليهو لأنو هو نفسو مطور صواريخ Saturn-V التي تم إستخدامها في برنامج أبوللو .. من وعد كينيدي لغاية أول هبوط على سطح القمر قرابة العشر سنوات العمل فيها كان متواصل وكان في ضغط شديد على كل المشاركين في البرنامج والميزانيات كانت مفتوحة.
ناسا ركزت في ما يتعلق بالصواريخ ، كل التكنلوجيا الباقية كانت من إنتاج شركات أو معاهد بحثية تعاقدت مع ناسا بعد أن فازت بالعطاءات المطروحة ، بالطبع ناسا كانت تتابع وتصحح وتفرض شروطها
وعد كينيدي عام 1962 لم يكن بداية لبرنامج الفضاء الامريكي ، ناسا تأسست عام 1958 ولها إنجازات جيدة في هذا المجال قبل حديث كيندي بسنوات
جائزة قوقل سيتم فيها تصوير آثار أقدام رواد الفضاء (أبوللو 11 - 17) وكذلك العربة القمرية (أبوللو 15 - 17) ..

تحياتي

Quote: ولا يوجد عالم واحد حتى الآن يقول بأن الهبوط على سطح القمر كان تمثيلية

المهم تعريف "العالم" أول

https://wikispooks.com/wiki/Moon_landings_conspiracy_theories#Major_Moon_sceptics _____ وضع شروط من بينها (المحافظ على آثار) لم يثبتها أحد لا يبدو خطوة موفقة من الممول.

Quote: أخيراً .. من وجهة نظر مخرج ومنتج أفلام محترف ممكن نعرف الحقيقة ، ده أصدق زول بيقول الحقيقة بتجرد تام

على فكرة، آسف للتوصيف لكن انت عاطفي جداً

فمن ناحية اعطيت الراجل حجم لا يستحقه ثم بسهولة أسبغت عليه صفة الصدق. وبالتالي فإن ما يقوله هو الحقيقة بتجرد تام. مع أنه يتحدث عن التاريخ وليس الأمور العلمية. دا كله في سطر واحد لشخص واحد في مشروع بهذا الحجم. أنا قلت ليك (I am a banana) ولا لسة؟ طالما بتحب الفيديوهات كدي أديني تبرير للمواقف العاطفية دي ______ بنية مليانة لكن.

Quote: فمن ناحية اعطيت الراجل حجم لا يستحقه ثم بسهولة أسبغت عليه صفة الصدق. وبالتالي فإن ما يقوله هو الحقيقة بتجرد تام. مع أنه يتحدث عن التاريخ وليس الأمور العلمية.

يا حاتم رجاء أبعد من الحوار الشخصي وركز في الموضوع ما غالبني أوصفك فاشنو ركز في الموضوع أحسن
صفة الصدق دي أسبغتها عليهو لأنو كلامو صحيح ، لو في حاجة غلط في كلامو ممكن تتفضل وتورينا الغلط شنو في كلامو
حديثو علمي تماماً وفي تخصصو كمخرج ومنتج أفلام الكلام ما تاريخي فقط ، الراجل اتكلم عن التكنلوجيا بتاعة التصوير بمهنية عالية

Quote: طالما بتحب الفيديوهات كدي أديني تبرير للمواقف العاطفية دي

الصحفيين ديل ما عندهم علاقة بالعلم .. زول شايل انجيل وساكي ارمسترونج عايزو يحلف ليهو بي إنو مشى على سطح القمر! طيب افرض كان حلف يعني خلاص ناس نظرية المؤامرة كان حيصدقوا حليفتو؟ ده موضوع علمي والصحافيين ديل مع احترامي ليهم يركزوا في مجالهم أو يرجعوا لي علماء متخصصين ويسألوهم

ما لم تتم رحلة أخرى للقمر والتأكد 100% من آثار الزيارة الأولى
ستظل الحقيقة العلمية (العلمية عشان ما في زول يجي ناطي جوز)
والتى تدرس في برامج الفضاء أن ارمسترونغ هبط على القمر.


طيب بعد دا من حق أي زول يقول نظريته ومن حق المسلمين
يقولوا إنه ارمسترونغ سمع صوت الآذان
ومن حق الجماعات المعادية للحكومة الفدرالية في امريكا
نسج نظريات وفرضياتز
ومن حق حاتم ابراهيم نسج نظريته الخاصة بذلك.

لكن سيظل كله كلام في الهواء ما لم تتم زيارة موقع الهبوط مرة أخرى
والتأكد من عدم وجود آثار للهبوط الأول.

جفت الأقلام ورفعت الصحف
لحين وصول ذلك الإثبات

الباقي كله غلاط - زي ما قلت - بتاع هلال مريخ
لن يصل لنتيجة تشفى غليل
المؤيدين او المعارضين


قوموا إلى باقي بوستاتكم يرحمكم الله.

تعامل الصحفي مع ارمسترونغ مستفز جداً ، واسلوب عرض الأموال أكثر استفزازاً
طبيعي أن أي شخص مكان أرمسترونغ سيرفض الحلف ،

وحتى أعضاء المنبر هنا ما اعتقد في زول ح يقيف كدا ويحلف لاي زول في المصحف ! حتى لو كان صادق في الموضوع

ولا رايكم شنو ؟

Quote: المعلومة المتاكد منها إنو الأمريكان إستفادو من العبقري الالماني فون براون مخترع صاروخ V2 في الحرب العالمية الثانية ، بالتأكيد الفضل الاكبر بيعود ليهو لأنو هو نفسو مطور صواريخ Saturn-V التي تم إستخدامها في برنامج أبوللو .. من وعد كينيدي لغاية أول هبوط على سطح القمر قرابة العشر سنوات العمل فيها كان متواصل وكان في ضغط شديد على كل المشاركين في البرنامج والميزانيات كانت مفتوحة. ناسا ركزت في ما يتعلق بالصواريخ ، كل التكنلوجيا الباقية كانت من إنتاج شركات أو معاهد بحثية تعاقدت مع ناسا بعد أن فازت بالعطاءات المطروحة ، بالطبع ناسا كانت تتابع وتصحح وتفرض شروطها وعد كينيدي عام 1962 لم يكن بداية لبرنامج الفضاء الامريكي ، ناسا تأسست عام 1958 ولها إنجازات جيدة في هذا المجال قبل حديث كيندي بسنوات

فون براون مهندس مجتهد، غير مخترع

الفون فيرنر براون (الفون لقب) دا أكبر دجال في تاريخ الهندسة، إذا فضيت للبوست دا مع التاني بتاع الدليباتية حأجي أشرح مساهماتو هنا. المهم أسير الحرب دا كان عندو فرصة يجرب ألعاب نارية معروفة من أيام الإمبراطورية الصينية، يعني الصاروخ ما اختراع يخصو هو تحديداً. بالنظر للفيديو الفوق دا (Saturn V rocket) 1- تفتكر 8 سنوات كافية لعمل صاروخ طوله 110 متر ووزنه 3،000 طن مع الوقود للأبحاث والتجارب، ثم بدء الأبحاث والتجارب للوصول للقمر؟ 2- تتذكر صور الصادق إسماعيل بتاعة القمر الياباني (ساليني)، يا ترى ليه ما صوروا الآثار التاريخية دي؟ والقمر الهندي ليه ما صورها؟ ______ ناسا كان اسمها (NACA) والأمريكان عندهم حلم بقواعد عسكرية منذ 1950.

Quote: الفون فيرنر براون (الفون لقب) دا أكبر دجال في تاريخ الهندسة

فون براون نازي الماني ومجرم حرب لكن هذا لا يعني أنه مهندس عبقري وليس دجال في الهندسة كما تقول أنت ، أمريكا لا تأتي بأنصاف متعلمين أو دجالين ليعملوا في الجيش الامريكي بل ويكونوا رؤساء على الأمريكان أنفسهم .. الأمريكان ما بلعبوا في الحاجات دي

Quote: Wernher Magnus Maximilian, Freiherr von Braun (March 23, 1912 – June 16, 1977) was a German (and later American) aerospace engineer[2] and space architect credited with inventing the V-2 rocket for Nazi Germany and the Saturn V for the United States.[3][4] He was one of the leading figures in the development of rocket technology in Nazi Germany, where he was a member of the Nazi Party and the SS. Following World War II he, as well as about 1500 other scientists, technicians, and engineers, were moved to the United States as part of Operation Paperclip, where he developed the rockets that launched America's first space satellite and first series of moon missions.

Quote: تفتكر 8 سنوات كافية لعمل صاروخ طوله 110 متر ووزنه 3،000 طن مع الوقود للأبحاث والتجارب، ثم بدء الأبحاث والتجارب للوصول للقمر؟

في الاوضاع السياسية الذكرتها أعتقد المسألة معقولة جداً .. ضغوط إدارية كبيرة .. علماء ومهندسين على أعلى مستوى .. ميزانيات مفتوحة .. برنامج الفضاء الأمريكي شارك فيه أكثر من 400 الف مهندس وفني ..
الروس نفسهم عملوا صاروخ N1 طولوا 105 متر برضو عشان موضوع القمر ده وفي نفس الفترة ديك ، فرق 5 متر فقط من الـSaturn V الأمريكي يبقى المشكلة وين؟؟

دي مقارنة توضيحية بين الصاروخين الامريكي والروسي

Quote: صفة الصدق دي أسبغتها عليهو لأنو كلامو صحيح +++ حديثو علمي تماماً وفي تخصصو كمخرج ومنتج أفلام الكلام ما تاريخي فقط +++ الصحفيين ديل ما عندهم علاقة بالعلم .. زول شايل انجيل وساكي ارمسترونج عايزو يحلف ليهو بي إنو مشى على سطح القمر! طيب افرض كان حلف يعني خلاص ناس نظرية المؤامرة كان حيصدقوا حليفتو؟ ده موضوع علمي والصحافيين ديل مع احترامي ليهم يركزوا في مجالهم أو يرجعوا لي علماء متخصصين ويسألوهم

مافي شخصنة ولا حاجة، بس قراراتك فعلاً عاطفية

إذا كلامو صحيح دا بيعني إنك بتعرف أحسن منو. وإذا حديثه علمي دا بيعني إنك بتفهم أكتر منو في الإخراج بعدين بارت سيبريل (Bart Sibrel, Bartholomew Winfield Sibrel (b. 1965) American filmmaker) برضو مخرج أفلام اشمعنى ما يكون صادق خاصة وإنو مؤمن وشايل الانجيل، ولا شنو؟ مش الانجيل بس، لا ، معاهو خمسة ألف دولار يستلمها أرمسترونغ كاش في الحال إن شاء الله يشتري بيها إندومي. تفتكر المانعو شنو يدق الإنجيل ورقة ورقة؟ أنا بقول تراجع سيرة أرمسترونغ الذاتية قبل ما تعلق. ______ أنا حاقيف هنا اسبوعين تلاتة، خلي بالك من أبوريش ما يفز.

Quote: بعدين بارت سيبريل (Bart Sibrel, Bartholomew Winfield Sibrel (b. 1965) American filmmaker) برضو مخرج أفلام اشمعنى ما يكون صادق خاصة وإنو مؤمن وشايل الانجيل، ولا شنو؟ مش الانجيل بس، لا ، معاهو خمسة ألف دولار يستلمها أرمسترونغ كاش في الحال إن شاء الله يشتري بيها إندومي. تفتكر المانعو شنو يدق الإنجيل ورقة ورقة؟

الفرق كبير يا حاتم بين زول عاصر التكنلوجيا بتاعة التصوير زمن أبولو وبين زول زي Bart Sibrel سنة 1969 كان طفل عمرو خمسة سنوات .. أعتقد الخبرة هنا حتوريك انو في فرق شاسع بين الإتنين .. بعدين الراجل كلامو علمي بيتكلم عن تفاصيل تقنية ما زي Bart شايل ليهو انجيل وخمسة الف دولار عايز يثبت بيهم أو ينفي بيهم قصة الهبوط على سطح القمر. دي شنو السطحية دي..!! بعدين أرمسترونج شنو البيشيل من زول متهمو بإنو كذاب 5 الف دولار !! نكون واقعيين شوية الراجل عندو مكانتو مش في أمريكا بس بل في العالم كلو ، تاريخياً هو أول رجل يسير على سطح القمر

Quote: إذا كلامو صحيح دا بيعني إنك بتعرف أحسن منو. وإذا حديثه علمي دا بيعني إنك بتفهم أكتر منو في الإخراج

أبداً .. لمن نقول فلان كلامو صحيح يبقى القصة ميزان عقل ما لأننا بنفهم أكتر منو
في الواقع نحنا شغالين Media Production بالتالي بنفهم المصطلحات الإتكلم عنها مع إنو ما إتعمق شديد لكن كلامو مقنع جداً ..
زي ما قلت ليك لو عندك حاجة في كلامو غلط ورينا نستفيد منك.
مسألة الإخراج ما عندي فيها فهم يخليني أناقش وما أظن الراجل كان بيتكلم عن الإخراج ..
الراجل كلامو كان مركز على الكاميرات والتصوير والمونتاج والتكنلوجيا القديمة والحديثة في هذا المجال.


تحياتي

Quote: ما لم تتم رحلة أخرى للقمر والتأكد 100% من آثار الزيارة الأولى ستظل الحقيقة العلمية (العلمية عشان ما في زول يجي ناطي جوز) والتى تدرس في برامج الفضاء أن ارمسترونغ هبط على القمر.

دي الزبدة يا الصادق وأعتقد إنو مبادرة قوقل فرصة كويسة لحسم الموضوع ده.

تحياتي

Quote: ما لم تتم رحلة أخرى للقمر والتأكد 100% من آثار الزيارة الأولى ستظل الحقيقة العلمية (العلمية عشان ما في زول يجي ناطي جوز) والتى تدرس في برامج الفضاء أن ارمسترونغ هبط على القمر.

دى ياالصادق جبتها مقلوبة زى عبارة البراءة مدانة حتى يثبت إتهامها :)

.

يا منير ما جبتها مقلوبة
جبتها عديل كدا.

زول قال ليك أنا وصلت القمر ومشيت هناك

إنت اعترضت على الموضوع
هو عرض صاروخه وعرض صوره وعرض شهادات الناس الاشتغلوا في المشروع
قلت ليهو العلم بيرفرف ليه اداك تبريره، قلت ليه الصخور دا ما من القمر اداك تبريره
قلت ليهو حزام فان الين ما ممكن المرور عبره جاب تبريره
قلت ليهو انعكاس الضو والضل بيوضح انه دي صحراء نيفادا
اداك تبريره الخ الخ.

يبقى بعد دا الفيصل شنو في الغلاط دا يا منير؟

ما في طرف مقتنع، وأي طرف بيفند حجج الطرف الآخر بتبريرات ممكن تكون مقبولة من ناحية منطقية.

لكن في أدلة موجودة على سطح القمر حسب ناسا، دي من وجهة نظري هي التبثبت صدق ناسا او كذبها

أها ناسا ما محايدة في الموضوع دا
يعني ناسا نفسها لو مشت تاني القمر وختت الأدلة دي وصورتها بيقى مشكوك فيها.


يبقى المشكك في الكلام يحسموا بإعادة التجربة.



هسع لو أنا قلت كلام نيوتن ماصاح هلى بيقع عبء الاثبات على نيوتن ولا على انا.

هسع ناسا قالت إنها مشت القمر ووضعت المعلومات دي على النت
انت قلتا إنها ما مشت القمر واصل لحدي ما تجيب أدلة ما فيها غلاط
وبالتالي الناس كلها حتمشي مع كلامك.

Quote: عام 1967 لعبو غولف في سطح القمر

الأخ نبيل من الفيس عام 1967 أصلاً مافي زول نزل في القمر ، لعلك تقصد أبوللو 14 ودي كانت في 1971
الحاجة العملها آلان شبرد تسلية بعد الفراغ من المهام الرسمية ودي في حد ذاتها تعتبر تجربة ، الآن الرواد في المحطة الفضائية الدولية القريبة من الأرض دي بيتسلوا بالحركات البهلوانية وبيلعبوا كورة في وقت فراغهم ومسجلين فيديوهات ورافعنها في يوتيوب لكن أخي نبيل المشكلة في التكلفة .. خليك من القمر البعيد داك .. المحطة الفضائية الدولية القريبة دي متاح ليك إنك تمشي كسائح مع الروس ، لكن لازم تكون لائق طبياً وفاضي لمدة سنتين (التدريب لمدة سنتين حتى تكون مؤهل للذهاب الى الفضاء) وفوق ده كلو تدفع عشرين مليون دولار ..



التكاليف العالية تسببت في إيقاف برنامج أبوللو وتحديداً لثلاث رحلات كان معلن عنها في الأساس (أبوللو 18 - 19 - 20)
وتسببت في توقف السوفييت عن برنامج الهبوط على سطح القمر مع إنهم الأسبق ليهو .. أول ناس نزلو روفر في القمر هم الروس
هسي جديد التكاليف العالية ذاتها تسببت في إيقاف الأمريكيين لأحد أعظم إنجازاتهم الهندسية - مكوك الفضاء Space Shuttle

Quote: بس في حاجة واحدة حتخلينا نصدق ان الامريكان ديل غشاشين وبتاعين فهلوة وخدع سينمائية وانهم لم يروا القمر ابدا...وهو انو الروس يجوا وياكدوا الكلام ده....لان الروس هم اول من بداوا رحلات الفضاء بالكلبة لايكا...والروس من زمان اعداء الامريكان واذا اتاكدوا ان الامريكان غشاشين فما حيتاخروا في اعلان ذلك..

كلام سليم يا بسمات والروس (خاصة القائمين على برنامج الفضاء الروسي) لم يحدث قط أن صرحوا بأن هبوط الامريكان على القمر كان مجرد خدع سينمائية بل الشاهد أنهم كانوا يتابعون كل مركبات أبوللو عبر التلسكوبات المتطورة والرادارات خاصتهم وكانت لهم مساهمة جميلة في متابعة أبوللو 13 بعد ما حدثت الكارثة بتاعة إنفجار خزان الاوكسجين

يا بسمات الاف المهندسين ديل ما كان فيهم جمهورى واحد، عشان يسقطوا كندى؟ او زول واحد يحب الشهرة، والامريكى ممكن يكتل زول عشان يظهر في التلفزيون..

أنا غايتو البوستات اللى زى دى اعتبرها entertainment

يا شباب سلامات..عشان غلاتكم دا ناسـا جابت النجيضــة صـور جديدة عاليـة الدقـة لموقع ابوللو والعلم الأمريكي لأول مرة.. شكرا لتطور التقنية..

زوروا موقع ناسا لبقيـة الصـور لاحظوا اتر اللساتك بتوعين المركبة القمرية..

وقطعت جهينـة قول كل خطيب

تحياتى لصاحب البوست واحييك اخى حاتم على شجاعتك ومثابرتك ودفوعاتك العلمية الرصينة فى انكار وصول الانسان الى القمر ..
I greet you strongly

ناسا لم ترسل احدا الى القمر بل صنعت هذا فى استديوهات التلفزيون ولم يكن من السهولة انجاز تلك تلك المهمة لان التكنولوجيا المتطورة
لم تكن متوافرة فى تلك الزمان حسب هذا المقطع :

أخونا علاءهذه صورة حديثة اخذتها ناسا قبل أيام فقطرأيك فيها شنو؟ أخدوها برضو من صحراء لانجلى؟
(ناس واشنطون يمتنعون عن التعليق على صحراء لانجلى)..

شوف اتر العربة ورجال الفضاء على تراب القمر.

هناك إلتباس
وصول رواد الفضاء للقمر وعملية تصوير وصول الوصول
،، قرأت قبل سنوات أن الصورة التقطت في صحراء نيفادا ـأو أريزونا ـ ولكن هذا لم ينفي وصول الرواد للقمر ، بل تعامل معه كمعطي وحقيقة
* مسألة إنكار وصول الأمريكان للقمر ـ الغريب أن الروس الذين سبقوا الأمريكان للفضاء الخارجي لم ينكروا وصول هولاء للقمر!
لم أطلع علي دفع من جهة علمية أو مؤسسة علمية تنفي هذه المعطي، فبركة هذا الكشف العلمي يعني الإطاحة ـ بناسا ويدين ويجرم الحكومات الأمريكية والمؤسسات العلمية
* السؤال لمن ينفون وصول الرواد للقمر في آواخر الستينات :- متي وصل أو إنسان للقمر إم أن الإنسان لم يصل بعد للقمر؟ ولم تزور مركباته الفضاء الخارجي وكواكب المجموعة الشمسية؟؟

كمال لا تحرق اعصابك.. مغالطات الحقائق صارت لها أصول وقواعد وتقنيات وربما مؤسسات رسمية.. هناك من يؤمن ان هتلر ما زال حياً وعندهم (ادلة)استمتع بالحوار وارمى.. أهو ناسا الان أتت بصور جديدة عالية التحديد HD لموقع ابوللو بفضل التقنية الجديدة التي جعلت التقاط صور حصحاص ودراب كواكب نبتون وبلوتو ممكنة.

*** السؤال لمن ينفون وصول الرواد للقمر في آواخر الستينات :- متي وصل أو إنسان للقمر إم أن الإنسان لم يصل بعد للقمر؟ **

أخونا حاتم قال بعد سنة 2030

الناس البقولوا الامريكان ما مشوا القمر تاني ليه. ادعوهم لقراية كيف تصنع الميزانية في امريكا
و كيف تخصص المبالغ المالية للمشروعات المختلفة و كيف تجاز اوجه الصرف.
ممكن تبدأ هنا في الـCongressional Budget Office
https://www.cbo.gov/
بعدين ممكن تشوف ده
http://www.fhwa.dot.gov/federalaid/projects.pdf
اقناع الكونجرس بتخصيص مبالغ لمشروع معين مسألة غاية في الصعوبة و تتحكم فيها عشرات العوامل
و تتقاطع فيها مئات المصالح و تتنافس عليها مئات الاولويات. كل زول في واشنطن بكون فاتح خشمو
و مستني يدوهو حاجة و اصلا ما ممكن تتخطى الاهم للأقل اهمية. العجز الهائل في الموازنة لا يترك
اي فرصة لأي ادارة انها تصرف قروش بمبررات واهية زي اقناع الناس بالقدرة على الوصول للقمر.

الموضوع انتهى يا دكتور سيف،

ناسا جابت النجيضة ونشرت الصور لمكان هبوط المركبة ابوللو ومعاها اثار الفضائيين على الأرض.. الصور التقطت HD قبل أيام فقط بأستعمال تقنية (اليوم)

Quote: وتكون ثقفتنا ثقافة لا تقل عن انو الناس ما وصلو القمر +++ وطالما انك تنكر وصول الانسان الى القمر فما غريب عليك

دا موصلي بتاع أفريقيا جنوب الصحراء ما بتاع الرافدين داك

مهارات أخرى ينتظرها هذا البوست، فترغبوه.

Quote: ------- دا رأي منير في بوست الدليب: ------- فعلاً حاتم من ما ظهر رمى ليهو- دليبة - كبيرة بتاعة الطلوع للقمر جهجه ليك باكات الملكيين أكتر من الملك زاتو ... :) ------ ودا رأي منير قبل بوست الدليب ------- أها يا تبارك نوع التسليم العلي عماهو ده هو الما بنقدر نتجادل فيهو .. وأنا أصلاً زي ما ذكرت سابقاً إنو إهتمامي في البوست ده هو التأمل في منهجية البني آدم في تصديق الأشياء أو تكذيبها .. يعني مثلاً إنت مصدق يقيناً أنه تمت الإختبارات الكافية لوقاية الإنسان من الإشعاع ووو بدون أي حجة ملموسة غير تصديقك الأعمي لأقوال ناسا - أسوي شنو أنا ؟؟.. ولا حاجة .. لو كسرت رقبتي ما حأقدر أغير ليك قناعتك وعقيدتك دي .. خلاس .. الله معاك - لكين برضو علي الأقل كان تجتهد وتخلي عندك شوية شك [الشك هو أو خطوة في الطريق لليقين] ..علي الأقل كان مفروض تكون لاحظت للرسم التوضيحي الجابو حاتم لأنواع الإشعاعات ودرجة إختراقها للمواد .. ولازم تعرف أنك عشان تحمي نفسك من أشعة قاما مثلاَ مفروض تكون لابس حيطة سمكها متر علي الأقل.. هههه ..فكونه بدلة الرواد الطلعوا بيها القمر ديك كانت كافية للحماية من الإشعاع ومن البرودة لدرجة يقعدوا ينططوا بيها ويلعبوا بيها غولف وسط الإشعاع كانت تكون إختراع إنساني رهيب يستخدمه ناس فوكوشيما وشرينوبل يلبسوه ويخوضوا في المفاعلات ليوقفوا التسريب الإشعاعي .. مش كده برضو؟؟ Re: خبايا مشروع أبولو وخدعة الوصول للقمرRe: خبايا مشروع أبولو وخدعة الوصول للقمر ------ ودا برضو رأي منير قبل بوست الدليب ------- غايتو يا حاتم - بدون ألقاب أحسن - البوست بتاعك ده بيكون مرصود .. ويبدو لي إنو حسابات الجرعة الإشعاعية أول خبطة قوية تختلف عن المحاججات التقليدية - ده لو ما حصل زول تاني سبقك عليها - أكيد حيكون في روسي أو صيني أو أي زول عفريت من أحد بقاع الأرض عمل التضريبات دي .. لكنها ستكون مثل صرخة في وادي الصمت لو لم تثار إعلامياً .. فالظلام الإعلامي دامس .. وناس فوكس نيوز - سيف النصر قال هم الذين أحيوا الهوكس - ممكن يشتغلوا في صالح الخدعة بالتعتيم بما يشبه التنوير (زي المدح بما يشبه الذم) .. ياخي ديل أيام غزو العراق كانوا قاعدين يدردشوا أثناء معارك البصرة ديك ويضحكوا ويقولوا إنو جنود صدام حسين حيلبسوا زي الجيش الأمريكي ويقتلوا المدنيين العراقيين عشان الناس تقول أن الأمريكان يقتلون المدنيين .. يعني كانوا يجهزون الرأي العام لقتل المدنيين ويرموا باللائمة علي الجيش العراقي المتنكر بالزي الأمريكي !!.. شفت المكر ده كيف؟؟ فعلاً فوكس نيوز .!!.. غلوتية .. ياخي لاحظ أنا عشان أحكي الغلوتية دي ساي اتلخبطت وفقدت راس الخيط .. المهم زي ما قلت ليك إن ظلت الشواهد المضادة للهبوط خلف الكواليس وفي الإنترنت الصامتة ، فستكون مثل التجارة البكماء .. ويكون تأثيرها محدوداً خاصة في وجود المدافعين الملكيين أكتر من الملك زي ناس ناسا الإنتلحوك في البوست ده .. يخيل لي نقطة حزام الإشعاع ده ممكن نقول إتحسمت بحساب الجرعة .. ممكن لو أمكن حاتم ينورنا عن الإشعاع والحرارة والإضاءة ولعب الغولف علي سطح القمر شخصياً .. عشان كمان بعد ده نتابع قصة اللمبات والسورص كود وباقي الألعاب النارية .. يعني علي الأقل محمدعبدالله مختار ينورنا عن السوفتوير والهاردوير بتاع كمبيوتر الMIT العامل زي الجمرة الخبيثة ده .. Re: خبايا مشروع أبولو وخدعة الوصول للقمرRe: خبايا مشروع أبولو وخدعة الوصول للقمر

انتو السنة دي كبيسة ولا شنو؟

يعني حاتم كان صادق وانت ساندتو ودافعت عن رؤيته، لكن لما جات في الدليب الأفريقي الموضوع اختلف، مو كدي؟؟ واضح أن رأيك (قناعاتك العلمية) مثل بوصلة تتأرجح في كل الاتجاهات ضمن مجال مغنطيسي أفريقي شديد التأثير قرباً وبعداً. يعني تأييدك مضمون إذا سمعوك إنو الأوليمبس أخو البَرْكَلَس دليبين ضماهم غرام اتنين دنياهم سلام؟ ولا حكوا ليك إنو كريمة سموها على الأكريموليس؟ كدي باصر لي واحد من أقوالك الفوق ديل واثبت عليهو، عشان نكبعك مع الجماعة ديل، في الحالتين. ________ عيب ياخي.

النفرين الفوق ديل VIP

أعضاء مرموقين في حلف الفضول. منير دا قديم لكن غير رأيو والعياذ بالله موصلي دا جديد دخل في الزمرة موجوع من موضوع الجماعة ديل عصرنا عليهم في بكان لين، عصر الملاين حار ما بندار، كان ما كدي ما بيجوكم هنا، ناس دليب ساااي غنوا لهم يا إخوتي ولتحيا ذكرى المصدقين إن شاء الله حيوهم بطلع القمر علينا

Quote: وقطعت جهينـة قول كل خطيب

غايتو جهيزة بت أبوريش دي مسكينة وقنوعة

إذا جهازها ما فيهو غير (صورة) وبعد دا اقتنعت بيهو. هياااا أباريش، أتاريك بتاع صور!

الحبيب/ حاتم إبراهيم تحياتي




يا أخي قدم (معلوماتك) بالراحة!

سبحان الله، تقول القمر ده ضاحية من ضواحي حلّتكم!




"من حق المرء أن يخطئ في آرائه وليس من حقه الخطأ في معلوماته"



عارف ليه؟ لأن المعلومات ليست ملكه.




أها مسؤول من الخير:
مايكل جاكسون مشى على القمر ولا داك تمثيل في الدبة النايرة؟

Quote: يا أخي قدم (معلوماتك) بالراحة! سبحان الله، تقول القمر ده ضاحية من ضواحي حلّتكم! +++ مايكل جاكسون مشى على القمر ولا داك تمثيل في الدبة النايرة؟

لا والله ما ضاحية، لكن القمر بضوي في حلتنا وبنشوفو

مشكلتي ما مع القمر يا أخ صيام. مشكلتي مع الناس القالوا لعبوا الغولف على القمر، أولاً ومع الناس الصدقت إنو "الناس الفوق" لعبوا الغولف على القمر، ثانياً ومع الناس البين هذا وذاك حسب الظروف، يعني يوم كدا ويومين كِداك، ديل ثالثاً. المعلومات قدمناها وبسطناها وكاتلنا وراء وجهة نظرنا، الحال في حالو بعدين ياهو أسلوبي، بيني وبينك أنا جيت محروم لي شهر، والغلة اتردمت. مكوفر عديييل. ودي تسخينة. _________ هسع في ذمتك يا أخ صيام، في زول بتكفيه صورة واحدة للتصديق؟ نحن المأخرنا شنو غير دا؟ __________ مايكل ما طلع القمر، الله يطراه بالخير، والله دا الفنان "الكافر" الوحيد الحزنت لموته، حس بمشاكل القارة في الوقت الفيهو عندنا ناس بيتهربوا منها بشهادات مزخرفة وموثقة والله العظيم. لكن منير بيكون مشى في البتاعة "النايرا" دي. ما بعيد.

تاااااني نظرية المؤامرة رجعت !!
الموضوع دا ناقشناهو قبل كدا وتم قصف الجبهة بنجاح 😂😂😂
الانسان هبط على سطح القمر منذ رحلات ابولو والادلة المادية متوفرة وحقيقية
الفيديو المذكور هو فيديو مزور

Quote: الموضوع دا ناقشناهو قبل كدا وتم قصف الجبهة بنجاح الانسان هبط على سطح القمر منذ رحلات ابولو والادلة المادية متوفرة وحقيقية الفيديو المذكور هو فيديو مزور

قصفتوها بنيازك من عصور سحيقة؟

هو انت قلت شيء ذي بال؟ العضو أب رويس دا هسع أقوم أداوسك. ياخي تقريرك الجبتو لروحك ما قريتو وما عارف الفرق بين 6 أمتار ومترين و42 سنتي دا إذا كان حفروا هناك أصلاً، في زول بيشير لوثيقة قبال ما يقراها؟ والحالة كاتبين ليكم الرقم في أول ورقة. على فكرة أنا كتبت للمطرطش بتاع صفحة الويكيبيديا الاتخارجت بيها ديك وطلبت منو يصلح الخطأ بخطأ تاني، لأنو العمق 6 أمتار دا خيال منكم الاتنين، 2.42 سم برضها خطأ لأنها ما حصلت، زي تقديرات أخونا مختار القال المركبة عملت حفرة (قدم تقريباً)، شفت كيف. هسع في زول نصيح بيعتمد على معلومة من صفحة ويكيبيديا في موضوع حساس؟ وصفحة عربية كمان؟ لكن لعلك تقصد أن الفيديو المذكور (مصور) واخطأت في حرف الصاد. _________ بشوف القلب.

ابوالريش وسيف النصر الادله تبعكم للاسف خجوله شديد
يعني يا ابو الريش نعتبر ده اخرك!!!

Quote: أهو ناسا الان أتت بصور جديدة عالية التحديد

ويا دكتور

Quote: ادعوهم لقراية كيف تصنع الميزانية في امريكا

تفتكر منطقك ده مقنع لإثبات وصول الامريكان القمر!!!؟؟؟؟

شاهدت فيلم توثيقي عن الموضوع قبل 15 سنة تقريبا و حسب ما فهمت في ذلك الوقت كالاتي:
النزول في القمر تم و لا شك في ذلك
و لكن كان الرئيس الامريكي في ذلك الوقت اصر ان تكون لحظة الهبوط مصورة (لايف) . ذلك كان من حساسية السباق مع روسيا.
المهندسين القائمين علي الامر قالو ليهو صراحة ليس ممكنا حست التكنولوجيا المتوفرة.
مع اصرارة نصحة البعص باستشارة ناس هوليوود و قامو بتصوير الفيديو في استديوهات هوليوود من هذا الكوكب طبعا و عرضها تزامنا مع نزول المركبة علي سطح القمر’
في البدء كات التكتم و لكن بعد 25 سنة او المدة الزمنية المسموح بها
To Release XFiles
اصبحت هذه المعلومات متاحة للجميع

**تفتكر منطقك ده مقنع لإثبات وصول الامريكان القمر!!!؟؟؟؟**

أبو القاسم،

يا زول القال ليك انا ساعى لإقناع الناس منو؟ أقول وجهة نظرى فقط.. اما الإقتناع فيعتمد على أشياء كتيرة منها ما هو خارج نطاق ادلتى.

وأيوة.. ناسا جابت صور عالية الدقـة.. المزعلك شنو ياخ. جابت صور لأثار رواد ابولو لأن القمر لا هواء فيه لذلك الاثار لم تمحى.. رأيك شنو؟

Quote: الحاجة العملها آلان شبرد تسلية بعد الفراغ من المهام الرسمية ودي في حد ذاتها تعتبر تجربة

نرجع لموضوعنا، الغولف دا لا كان تسلية ولا حاجة

طيب يا محمد مختار، يعني زول رسلوهوا القمر يشيل معاهو طقم هواياته؟ كويس إنو ما كان بيهوي العزف على البيانو. الغولف دا عملوهوا شغل زيادة خير ضمن باقة الأوائل (أول هبوط، أول مشي، أول سباحة فضاء، أول سيارة، أول غولف) وصمموا ليهو مضرب مخصوص، فالراجل ما مسك ليهو قناية مجدوعة وكورة شراب وقال نتسلى شوية لحد ما مواعيد القيام بتاعتنا تجي. أها، نجي للمصحف بتاع المسيحيين. أرمسترونغ رجل من الريف، بسيط، وهو ديني ملتزم ومن الموحدين (deist) أو ربوبي، لا يؤمن بالثالوث أو ألوهية المسيح لكنه يضع تقدير عظيم لكل ما يتعلق بالدين عموماً، هو لم يكن ملحداً، التوجه دا كان أثناء حياته العملية بعدها تحول ليكون مسيحي ملتزم بكل أفكار المسيح والكتاب المقدس يعني (devoted Christ follower) وزار الحرم القدسي في (Temple Mount) في القدس. فأنا لما نصحتك تراجع سيرته الذاتية قصدت تطلع على السبب الحقيقي البيخلي سيبريل يعتمد على الكتاب المقدس في إحراجه،. في الفيديو فوق، أول رد فعل ليهو كان جفلة من الكتاب وبعدها طوالي ميكانزم الدفاع بتاعو اشتغل وقال (شن عرفني دا الكتاب المقدس) بالإنجليزي طبعاً قالها، لمن ياها السودنة بتاعة كلامو. بعدها قعد يتجارى شمال ويمين ما داير الكتاب المقدس يقرب منو ذاتو. ألدرين مسيحي ملتزم لكنه من مواليد نيوجيرسي، منطقة حضرية شرق الولايات المتحدة جنب نيويورك، يعني ود قلبا بكلام ناس الخرتوم، فطبيعي يلاكم، مع إنو يتبع لطائفة (Presbyterian Church) وديل تبع البروتستانت. الخلاصة شنو؟ مشروع أبولو لازمته تعبئة دينية وإعلامية وسياسية، بارت سيبريل استغل الجانب الديني دا وتحدى أهم الأفراد في فريق أبولو 11 ورد فعلهم دا في رأيي يحسب لصالحه لأن الانسان في عمر فوق السبعين يكون في أشد حالات الالتزام الديني فالوضع الطبيعي أن يواجهوا التحدي وهم أهدأ ما يكون، ولو صحت مزاعم المشي على سطح القمر فمن السهل عليهم أن يقسموا على الكتاب المقدس مرة ومرتين. _____ أما كولنز داك فزول معايش ساكت، مافي زول شغال بيهو ذاتو.

Quote: كلام سليم يا بسمات والروس (خاصة القائمين على برنامج الفضاء الروسي) لم يحدث قط أن صرحوا بأن هبوط الامريكان على القمر كان مجرد خدع سينمائية بل الشاهد أنهم كانوا يتابعون كل مركبات أبوللو عبر التلسكوبات المتطورة والرادارات خاصتهم وكانت لهم مساهمة جميلة في متابعة أبوللو 13 بعد ما حدثت الكارثة بتاعة إنفجار خزان الاوكسجين

هههههه، شنو يعني "مساهمة جميلة"؟

تعرف يا محمد مختار انت زول كويس بس مشكلتك بتخلط الأمور العلمية بالعاطفة. مسألة هبوط البشر على كوكب تاني دي أشبه بتربيزة القمار، عارفك ما جربتها، لكن نوريك، ما ممكن تقعد في التربيزة وأول ما تخرت الباقين تقول أها ودعتكم الله أنا ماشي، ما بخلوك. دلوقتي الروس لما ادعوا إنو عندهم مركبة اسمها لونا، دي العاملة زي التركتر ديل متذكرها؟ ياهو الخيال بتاعهم يعني أي زول عاضي اصبع التاني وقانص ليهو، تزيد بنزيد، تفك بنفك. أها ديك برضها خدعة، مافي زول عارفها نزلت كيف ولافي زول شرح للناس رجعت كيف، صور ساكت. أها في الزحمة دي قوموا يا الصينيين اتعابطوا وادعوا انكم كمان نزلتوا مركبة مشت على القمر، زول اشتغل بيهم مافي. أو بالأحرى زول حاول يكذبهم مافي، ليه؟ لأنها دولة قوية وعندها إمكانات، دول زي دي بترفع معنويات شعبها بأي شيء، وما خايفة من الإحراج لأنهم قعدوا في تربيزة بحقهم. اليابان، مجرد فكرة الهبوط على القمر بمركبة لاقت ممانعة من أمريكا، الحاجة الوحيدة القدرت عليها إنها تقيف في الحياد، آآآي يا الأمريكان انتو عندكم عربات في القمر لكن نحنا والله يخربنا ما شفناها: الفوق دي صور الصادق المشهورة تتذكرها؟ الجزء في اليمين دا صورة قمرهم الصناعي سيليني (Selene) والفي الشمال صور ناسا السمحة والواضحة، يعني الكاميرا اليابانية لو بس لوشوها عشرة درجات شمال كان شفنا العربية المزعومة دي، لكن رقبة الكاميرا انمشطت يا حليلا. اليابانيين ما عبطا، رامين قدام. _____ فياخي، وسع مداركك وعاين للصورة الكبيرة.

Quote: سبحان الله، تقول القمر ده ضاحية من ضواحي حلّتكم!

اذا كان بيعتصر ليقدم معرفة حقيقية دون (ID)

وساكن برج بابل وبضرب شاي لبن بالقصعة

البحمي القمر يكون ضاحية من ضواحي حلتم شنو

Quote: تميزت رحلة أبولو 15 بتطوير وتحسينات متعددة لمركبة الفضاء و العربة القمرية حتى أن الرواد وكل العاملين في ناسا قلقين على نجاح الرحلة. فأشار الباز إليهم بأن يأخذوا معهم سورة الفاتحة لتحميهم ويكون الله معهم ، وكانوا متعلقين بالحصول على أي شيء يستبشرون به ويطمئنهم على أداء رحلتهم والعودة بسلام إلى الأرض. وفعلا قام فاروق الباز بطبع سورة الفاتحة على ورقة في بيته ، وقام هو وبناته بتسجيل أسمائهم على الورقة أيضا https://ar.wikipedia.org/wiki/%D9%81%D8%A7%D8%B1%D9%88%D9%82_%D8%A7%D9%84%D8%A8%D8%A7%D8%B2#.D8.B3.D9.88.D8.B1.D8.A9_.D8.A7.D9.84.D9.81.D8.A...D9.88.D9.84.D9.88_15

الخلاصة شنو؟ مشروع أبولو لازمته تعبئة دينية وإعلامية وسياسية

ودي نفس الخلاصة الممكن تستقيها مباشرة من أخينا الباز وهو "عمّال" يصرح: الرواد حملوا معهم سورة الفاتحة لكي تمنحهم الطمأنينة. شوفوا ليكم جنس دغمسة، طيب نصوص الكتاب المقدس ما بتقضي الغرض؟ فلما توقع باسمك على صفحة فيها نص ديني دي تكون شنو غير تعويذة أو حجاب؟ دا الدور المرسوم والموجه للشرق الأوسط، أهل السلسلة والتعاويذ والخذعبلات والإيمان بالنيس. ____ يعني هم مهروا الورقة بتوقيعهم رسالة إلى من يهمه الأمر؟ ولا كيف؟ أنا ما فهمت دي.

لاحولا!! .. جيت مارى بالبوست ده لقيت حاتم ابراهيم جايب كمية من الكوتات عن كلامى فى بوست الطلوع للقمر وبوست الدليب بإعتبار أنى وافقته فى بوست القمر وكذبته فى بوست الدليب .. وذلك بناءً على عبارة الكوّتها :

Quote: ------- دا رأي منير في بوست الدليب: ------- فعلاً حاتم من ما ظهر رمى ليهو- دليبة - كبيرة بتاعة الطلوع للقمر جهجه ليك باكات الملكيين أكتر من الملك زاتو ... :)

والله ياحاتم أنا كنت قايلك لمّاح .. ياخ بالغت .. معقول فاتت عليك إنو البوست عنوانه كلمة دليب؟ وأنا استعرت الكلمة وقرنتها بالبوست بتاعك الذى اعتبره الناس زى الدليبة حسب تعابيرنا الدارجة ..
لمن ترمى ليك كلمة أو معلومة يستنكرها الآخرون يقولوا ليك الزوول ده رمى لينا قنبلة أو صاقعة أو دليبة أو أو .. يعنى معقول أنا موضوع متفق معاك فيهو طوال ١٩صفحة ، أقوم أجى أقول ده كلام كضب؟؟ معقول؟؟
كلمة دليبة القلتها ممكن تستبدلها بقنبلة ، بصاعقة إلخ ..
ما كنت أظنك ستحوجنى لهذا الشرح الشاق .. فاللبيب بالإشارة يفهم ..

طبعاً أنا قريت بداية الكوتات وما تميت باقى المداخلة .. لكين هسه رجعت تمّيتها ..
غيرت رأيى عن طلوع القمر عشان إختلفت معاك فى إنو الدليب من غرب أفريقيا ؟؟ بالغت يازول بالغت والله ..
هسه فى البوست ده ما شفت ردى للصادق ؟؟ ..

Quote: لمن ترمى ليك كلمة أو معلومة يستنكرها الآخرون يقولوا ليك الزوول ده رمى لينا قنبلة أو صاقعة أو دليبة أو أو .. يعنى معقول أنا موضوع متفق معاك فيهو طوال ١٩صفحة ، أقوم أجى أقول ده كلام كضب؟؟ معقول؟؟

الفيرشن العندي إن الدليبة بتتقال للزول البيبالغ في إيراد المعلومة، يعني تلطيف لوصف "كذاب"

عموماً أنا ذاتي قلت منير ما بيكون شاف تعليقي دا، حتى لو شافوا بيكون محتاج وقت للتبرير. المعذرة إذا، يبدو لي نسختكم من "دليبة" تختلف مدلولاتها من "دليبتنا"، غايتو الدنيا بتعلم. ________ وأهو الحمد لله دليبتي سليمة. So far

ياحاتم أنا ماشفت كلامك ده إلاّ قبل لحظات من كتابة الرد، وحتى الرد كتبته قبل ما أتم قراية المداخلة لأنى مارجعت للبوست تانى .... وما احتجت لزمن عشان أبرر.. فالشئ ماكنت أظن محتاج تبرير ..
وزى ماقلت ليك أنا استعرت عبارة دليبة نسبة لإسم البوست، على سبيل البلاغة الواضحة :) .. بعدين مفروض تقرن العبارة بالجزء الأخير من المقتبس عن جهجهة باكات الملكيين أكتر من الملك ..
وحتى لو كان المعنى هو الفهم بتاعك فبرضو الإستعارة لكلمة دليب ستكون سليمة بقرينة أنى كنت متفق معاك هناك .. يعنى بإختصار إنحيازى لحجتك فى بوست القمر مفروض يكون سبب لحسن الظن ولا يكون متكأ لسوء الظن بسبب الخلاف فى بوست الدليب ..

دي قال وصلت القمر وخمت تراب وجزء منها انقلع طار رجع تاني

____ والله في محل بنشر ما تنفع.

Quote: اذا كان بيعتصر ليقدم معرفة حقيقية دون (ID) وساكن برج بابل وبضرب شاي لبن بالقصعة البحمي القمر يكون ضاحية من ضواحي حلتم شنو

ياخوي أرمي بياضك

شايت وين انت؟ ومنو انت ال (ID) بتاعك شنو؟ ولا ساكت؟ باقي مكوفرين. ____ للرزع.

Quote: ياخوي أرمي بياضك شايت وين انت؟ ومنو انت ال (ID) بتاعك شنو؟ ولا ساكت؟ باقي مكوفرين. ____ للرزع.

شايت هنا

//sudaneseonline.com/msg/board/490/msg/1449779023/rn/26.html

Quote: شايت هنا

خير، انت كلامك شنو؟

البوست فاتح لكن الزبون رايح، عندك أي كلام شايفو مهم تمشي تقوله هناك. ____ متابع أنا.

دقسة عدوك

هسع الكربة (أم شبتو) دي وزنها خمسة طن تقريباً، هي قول بقت طن واحد في القمر، لمن نزلت على الفرناغة بتاعة القمر البيغطس فيها البوت دي، معقولة الهواء بتاع المحرك الصاروخي ما طير التراب والسفاية أقل شي 100 متر تحتو؟ شنو هو، طبق طائر؟ العجاجة وين يا أبوريش؟ الصورة الكاملة الكبيرة هنا http://nssdc.gsfc.nasa.gov/planetary/image/ap11_lm_as11_40_5927.jpg ____ بالله شوفوا ليكم جنس سولوتيب وكباسين وبراشيم وجلاد كراسات وورق لف هدايا، خيمة لاجئين ولا شجرة عيد الميلاد.

الروص كان قاموا كعبين

نديكم التحليل الفني: يقوموا يا سيدي ليك يجيبوا تمانية صحانة نيكل، يلحموهن كل اتنين قصاد بعض، بطن دا قصاد بطن دا ويربطوهن في كريعات لونا، لونا دا اسم البنشر الفوق دا. صينية الشاي المديانا ضهرا دي ومخرمة داير ما يدور بهناك ليها في شنو الله أعلم، الكراضم والكور الكبار التحت ديل مليانات غاز بدون شك أما البليات التلاتة البلمعن فالله أعلم. على اليمين شديد في كباية شُب (الناس الجداد الما عارفين كباية الشُب دي كباية سعة نص لتر من الحليب طويلة كدة وعندها شليخات من راصها لكرعيها والقزاز حقها كشامشا أظنها كانت صناعة محلية)، أها، الكباية دي بيغرفوا بيها التراب من القمرة وعندها زي قصبة طويلة كدة في طرفها حاجة زي ميزان العجلة بتاعة السبق، أظن بعد الغرف بيقوموا يكشحوها جوة في البستلة الفي راص لونا، بستلة جديييييدة وبتلمع. الكورة المربوطة فوق راص البستلة ما فرزتها، لكن شكلها جلة عاصرين بيها الغطاية ما تطير في الرجعة عشان التراب ما ينكفت. يا كافي البلا يا أبوريش لا كاميرات، لا ميكانيزم يحرك كباية الشب، لا عجلات يحركن البنشر، هسع لو نزل بالغلط في صخرة الكباية دي تغرف شنو؟ وكيف؟ ____ بعدين في تلاتة مسامير نمرة 14 بتحت في القعرية صواميلهن ما مقرضات وفي واحد صامولتو مافي عديل كدة واقف براصو على الخرم ساي.

أها نرجع لأيام التدريب

جماعة أبولو ما خلوا حاجة، أي شيء اتدربوا عليهو ____ نأسف اللغة بطالة، طبعاً التعليق مدبلج

حليل السبعينات

أيام الدنيا بخير والسفر للقمر هين، السفر بالبيوت والكلام بالخيوت. وفرانسوا كان عشرة أمتار تامات، قبال ما يتقاصر ويصفى على "متران" بس، يا حليلو. كانوا بنزلوا المركبة براااحة على الكوكب، يخمشوا ترابهم والعندو لعب يلعب ويجوا راجعين في أمان الله. هسع بالله المركبة الفاضية بقوا يرموها من فوق، بس العصيدة في الصحن في بيت العزومة، بِبْ، ويخلوها تتدردق لمن تقيف براها، فيها تطرشق وفيها تصل بسلامتها. الفيديو لمارس روفر على المريخ (محاكاة). ____ الدنيا أم قدود، الفضاء زادوهوا موية، والعلم اتدهور.

نرجع لموضوعنا

تربيزة القمار القاعدين فيها التلاتة الكبار عمرانة ما شاء الله، معتمدين على مسكنة الخلق الغمرانة. حنشوف مقارنة بين المركبات بتاعة أمريكا والروص والصينيين، والتكاتيك بتاعة الجاكات العملوها، طبعاً التلاتة ديل كلهم بيدعوا إنهم نزلوا مركبات على القمر (soft landing)، التحت دي بتاعة الروص، اسمها (لونخود) ________ هسع يا أبوريش، دا منو الطلب باسطة هناك عشان يرسلوا ليهو عربية كاملة؟

Quote: طيب يا محمد مختار، يعني زول رسلوهوا القمر يشيل معاهو طقم هواياته؟ كويس إنو ما كان بيهوي العزف على البيانو. الغولف دا عملوهوا شغل زيادة خير ضمن باقة الأوائل (أول هبوط، أول مشي، أول سباحة فضاء، أول سيارة، أول غولف) وصمموا ليهو مضرب مخصوص، فالراجل ما مسك ليهو قناية مجدوعة وكورة شراب وقال نتسلى شوية لحد ما مواعيد القيام بتاعتنا تجي.

نرجع للموضوع .. ما اي زول رسلوهو القمر بيشيل طقم هواياته! لكن آلان شبرد قرر إنو يعمل لنفسو تاريخ مميز وفي الحاجة الهو بيهواها .. بإختصار شديد شبرد أخفى المضرب وكرات القولف من الإدارة في ناسا واقرأ إن شئت :
The first American astronaut in space was named commander of Apollo 14 and wanted to do something special while on the moon. So he contacted a local club pro in Houston, who connected the head of a six-iron to the shaft of a piece of rock collecting equipment. Shepard then covered the club with a sock so it wouldn't be discovered before launch.
Only a handful of people in NASA knew of Shepard's plan when, after an extended excursion on the lunar surface, he pulled out the club, dropped two balls on the moon and proceeded to do this:
Shepard shanked the first ball, but estimated his second shot traveled more than 200 yards. Even though it seemed like a stunt at the time, Shepard admitted there was some science involved. With little atmosphere and much lower gravity, golf balls on the moon should travel much farther than on the earth.

Quote: هههههه، شنو يعني "مساهمة جميلة"؟ تعرف يا محمد مختار انت زول كويس بس مشكلتك بتخلط الأمور العلمية بالعاطفة

مساهمة جميلة لما يكون ناس زي الروس وهم أعداء للأمريكان وفي وقت تحتدم فيه الحرب الباردة .. رغم كل المعطيات السابقة إلا انه كانت لهم مساهمة بل مساهمات (جميلة) وذلك برصد مركبة أبوللو 13 وتقديم معلومات إضافية لناسا هذا فضلاً عن إرسال مقترحات بشأن إنقاذ فريق ناسا بإرسال مركبة (سويوز) في حال وصول الطاقم للمدار والكبسولة متضررة. لمن طرف يمد يد العون لي طرف تاني بيعتبرو عدو ليهو دي عندي حاجة أكتر من جميلة.
عارف يا حاتم إنت زاتك زول كويس وبعد أخلص ردي عليك بإذن الله في موضوع المركبات الروسية حا تعرف منو فينا البيخلط العلم بالعاطفة.

Quote: أو بالأحرى زول حاول يكذبهم مافي، ليه؟ لأنها دولة قوية وعندها إمكانات، دول زي دي بترفع معنويات شعبها بأي شيء، وما خايفة من الإحراج لأنهم قعدوا في تربيزة بحقهم

ده كلام بيكذبوا الواقع .. بريطانيا العظمى دولة عندها وزنها وسيادتها على مستوى العالم وحليف أول لأمريكا ما سمعتهم يوم بيدعوا إنهم مشوا القمر. لعبة هي؟

Quote: اليابان، مجرد فكرة الهبوط على القمر بمركبة لاقت ممانعة من أمريكا

أنا منتظرك تجي تثبت لينا إنو اليابانيين قالوا ماشين القمر والأمريكان حموهم !!


_______
يتبع بإذن الله ..

دي الصورة وبعديها تعليقك :

Quote: الفوق دي صور الصادق المشهورة تتذكرها؟ الجزء في اليمين دا صورة قمرهم الصناعي سيليني (Selene) والفي الشمال صور ناسا السمحة والواضحة، يعني الكاميرا اليابانية لو بس لوشوها عشرة درجات شمال كان شفنا العربية المزعومة دي، لكن رقبة الكاميرا انمشطت يا حليلا.

علي أي أساس (علمي) يعتمد قولك بأن الجزء الأيمن هو صورة تم التقاطها بكاميرا يمكن (تلويشها) ولها (رقبة)؟؟ من أين أتيت يا باشمهندس بأن القمر الصناعي بإستطاعته التصوير من هذه الزاوية وهذه المسافة القريبة جداً؟ أرجو إفادتنا!ما أعرفه أن هذه ليست صورة ملتقطة بواسطة كاميرا بل هي عملية نمذجة ثلاثية الأبعاد وإعادة بناء Reconstruction لعدد من الصور التي يتم التقاطها بواسطة كاميرا متخصصة في تصوير التضاريس الجغرافية Terrain Camera وملحق معها بروجكتور ثلاثي الأبعاد ، تقوم برامج حاسوب متطورة بتقديم مشهد ثلاثي الأبعاد للمنطقة التي يتم تحديدها بواسطة المختصين .. الصورة التالية التقطها نفس المسبار وواضح جداً الفرق بينها وبين التي يتحدث عنها حاتم :________يتبع بإذن الله ..

Quote: نديكم التحليل الفني: يقوموا يا سيدي ليك يجيبوا تمانية صحانة نيكل، يلحموهن كل اتنين قصاد بعض، بطن دا قصاد بطن دا ويربطوهن في كريعات لونا، لونا دا اسم البنشر الفوق دا.

مشكلتك يا حاتم بتعتمد مبدأ التحليل بالنظر ، أي حاجة شكلها ما يعجبك معناتا ما شغالة ودي ياها زاتا قصة خلط العاطفة بالعلم الإتكلمت إنت عنها .. المركبات والمسابير الفضائية لها أهداف منوطة بها ولا يهم على الإطلاق مظهرها لأنه سيضيف الكثير من الوزن .. وهو أكبر هاجس يؤرق علماء الفضاء. كمثال في الفيديو التالي يمكنك أن تشاهد (أم شبتو) بتاعة ناس ناسا في الإختبارات الأرضية وهي إختبارات أولية ، كمركبة لا يمكن لأحد أن يقتنع أن بإستطاعتها التحليق ولكن الفيديو التالي يثبت لك عكس ذلك :



هذا فضلاً على أن تحليلك يؤكد عدم معرفتك ببرنامج الفضاء الروسي مع قناعتك التامة بفشل المركبات الروسية التي تتحدث عنها وهو تناقض صريح وسأثبت هذا في المداخلة التالية إن شاء الله.

واصل متابعك أنا، أثبت على راحتك

كنت بقزقز لحد ما يجيني زول فاهم زيك كدة، هسع الملحومات في كريعات البنشر ديل ما صحانة نيكل في ذمتك؟ عندي ميزين واحد شغال هسع والتاني مع بروف "زايغمان" بدكتورتين وماجسترتين، قرب يتكنصل. ____ لكن الحمد لله جيت انت.

Quote: كنت بقزقز لحد ما يجيني زول فاهم زيك كدة، هسع الملحومات في كريعات البنشر ديل ما صحانة نيكل في ذمتك؟

ما هي دي مشكلتك الأساسية ، حكمت على مركبة لونا 16 بالفشل بمجرد صورة!! ويا ريتها كانت صورة حقيقية ، الفي صورتك دي يا حاتم ليست لونا 16 بل هذا Model يفتقر للكثير جداً من التفاصيل. هسي المشكلة ما في كريعات البنشر المشكلة في إنك ما بتعرف حاجة (مطلقاً) عن لونا 16 الا إسمها وبعد ده عامل ليها ميز وبتسخر من العلماء الصنعوها .. فاشنو يا مان خليك قريب ، أمس الكهرباء للأسف ضيعت علي مداخلة شافية كافية لكن خيرها في غيرها إن شاء الله

Quote: يا كافي البلا يا أبوريش لا كاميرات، لا ميكانيزم يحرك كباية الشب، لا عجلات يحركن البنشر، هسع لو نزل بالغلط في صخرة الكباية دي تغرف شنو؟ وكيف؟

حسب كلام حاتم :
- لا توجد كاميرات في لونا 16.
- لا يوجد ميكانيزم لتحريك كباية الشوب
- لا توجد عجلات بالتالي لو نزلت في صخرة الكباية دي تغرف شنو؟

النقطة الأولى فقط تكفي للتوضيح بأن حاتم يتحدث بعاطفة نظرية المؤامرة ولا يعتمد على أي أسس علمية هذا إضافة لعدم معرفته ببرنامج الفضاء الروسي لكن سنتبحر قليلاً ونشوف كباية الشوب الحاتم شايل حس الروس بيها ..

خلونا نشوف الحاجات الكان بيتكلم عنها حاتم أو بيسخر منها حاتم بالأصح ونقارنها بما هو موضح أدناه عشان نتعرف على لونا 16 بصورة أفضل :



لو مشينا لي نمرة 4 حا نلقى إنها كاميرات ، ودي الحاتم كان قال عليها عاملة زي ميزان العجلة ، المهم الكاميرات موجودة لكن حاتم بعيد كل البعد عن برنامج الفضاء الروسي ومعرفته تعتمد فقط على صور من قوقل
يا باشمهندس ميزان العجلة ده عبارة عن كاميرات (اتنين بدل واحدة) بيسموها Cycloramic Cameras بتصور بانوراما و مواصفاتها كالآتي :
4 Strokes/second
FEU-96 photomultiplier tube
Resolution was 300×6000

دي صورة حقيقية للكاميرات في لونا :


صورة للواحدة منهم :


ده التشريح بتاع الكاميرا :


على الترتيب ..
80 × 205 mm housing
Mounting flange
Electrical connector
Cap
Thin dacron window
Pressure equalization valve
Thermal insulation cover
Support pipe
Objective lens and diaphram
FEU-54 photomultiplier tube
Scanner motor
Scanning mirror
Shaped pushing-mirror cam
Motor control electronics
Electrical connection brushes
Photomultiplier power supply
Logarithmic pentode amplifier

- على أي أسس (علمية) قمت يا حاتم بنفي وجود كاميرات في لونا ؟
- كيف تقوم بإنتقاد تكنولوجيا انت لا تعرف عنها شيئاَ ؟
- كيف تحكم على فشل برنامج ضخم مثل برنامج الفضاء الروسي وأنت لا تعرف عنه أبجدياته ؟؟
- ماذا يمكن أن نسمي ما تقوم أنت به سوى العاطفة البحتة التي لا يسندها أي سند علمي !!

Quote: على اليمين شديد في كباية شُب (الناس الجداد الما عارفين كباية الشُب دي كباية سعة نص لتر من الحليب طويلة كدة وعندها شليخات من راصها لكرعيها والقزاز حقها كشامشا أظنها كانت صناعة محلية)، أها، الكباية دي بيغرفوا بيها التراب من القمرة

Quote: كباية الشب، لا عجلات يحركن البنشر، هسع لو نزل بالغلط في صخرة الكباية دي تغرف شنو؟ وكيف؟

طيب يا جماعة دي كباية الشب البيسخر منها حاتم :


ودي صورة لي كباية الشب من جوه ..


قلت لي يا حاتم لو البنشر ده نزل بالغلط في صخرة الكباية دي تغرف شنو؟ انت قايلها كوز المونيوم ولا شنو؟ ده Drill يا مان وليس مجرد كباية شب وده الـDrill Base عاين للصورة الأولى حتشوفو


وتتواصل الأسئلة .. كيف يمكن لمن يجهل الحقائق (البسيطة) أعلاه أن يحكم بفشل برنامج الفضاء الروسي ؟؟ اليست هي العاطفة ؟



_______________
قليلاً من الإحترام للعلماء والمهندسين الذين صنعوا هذه الإنجازات العظيمية لا يضر ..

Quote: ناسا جابت النجيضة ونشرت الصور لمكان هبوط المركبة ابوللو ومعاها اثار الفضائيين على الأرض.. الصور التقطت HD قبل أيام فقط بأستعمال تقنية (اليوم)

هسي يا ابو الريش انت بتصدق الصورة دي ؟؟؟


و هل تفاصيل اثار المركبات بتظهر بالوضوح ده من على بعد الاف الكيلومترات

و كيف تظهر الاثار بلون مختلف عن الارضية ؟؟

اولا هناك عدم تناسق في الصورة و يبدو عليها التعديل ظاااهر

الصور كتيرة جداً لكن نجيب ليك واحدة كبيرة وواضحة وورينا وين التعديل المقصود؟



بالنسبة للمسبار البيصور ده Lunar Reconnaissance Orbiter LRO عندو موقع الكتروني خاص بيهو : lroc.sese.asu.edu
وظيفتو الأساسية عمل خارطة ثلاثية الأبعاد للقمر للتهيئة المستقبلية لبرنامج العودة الى القمر بعد إجازة الميزانية المقترحة ووجود أهداف جديدة ومقنعة
الصور البيرسلها بصورة دورية بيدرسوها علماء الفلك والمختصين مش في أمريكا فقط بل حول العالم ، يعني قصة تشكيك دي ما واردة
لكن على العموم بعد أقل من سنتين حتشوف بإذن الله صور وفيديوهات HD من القمر وحيكون في تركيز على آثار رحلات أبوللو من جهات لا علاقة لها بناسا

Quote: و هل تفاصيل اثار المركبات بتظهر بالوضوح ده من على بعد الاف الكيلومترات

الكلام ده غير صحيح .. المسبار ده [LRO] اطلقوهو في 2009 و بيدور حول القمر بالتالي المسافة ما ممكن تكون آلاف الكيلومترات .. أرجو التحقق

أكد باشمهندس حاتم لأبو الريش على أن صاروخ ساتيرن والإطلاق والوصول للمدار حقيقة!

Quote: الصاروخ ساتيرن وكل ما يتعلق بالرحلة المدارية حول الأرض حقيقة

عاد بعدها ليشكك في الأمور وكأنما الذي ذكر الكلام السابق شخص آخر !!

Quote: تفتكر 8 سنوات كافية لعمل صاروخ طوله 110 متر ووزنه 3،000 طن مع الوقود للأبحاث والتجارب

إطلاق أبوللو 11 .. لا مكان للخيال هنا

Quote: أكد باشمهندس حاتم لأبو الريش

يا محمد مختار أكرمني عليك الله

ياريت تكتب اسمي (حاتم) بدون أي ألقاب. أنا ما مهندس. المهم تواصل بطريقة مرتبة وتبين نقاطك بوضوح علمي. _____ الأسئلة الموجهة لشخص بعينه مقصودة بمحتواها.

جداً يا حاتم .. كلنا نبتعد عن الألقاب .. أنا أيضاً أفضل هذا
بالنسبة للمقتبس أدناه :

Quote: التحت دي بتاعة الروص، اسمها (لونخود) ________ هسع يا أبوريش، دا منو الطلب باسطة هناك عشان يرسلوا ليهو عربية كاملة؟

لم أفهم ما هي العيوب في عربية الباسطة -لونخود- على حد تعبيرك ..
عايزك توريني من ناحية (علمية) لونخود دي مالها .. مشكلتها شنو ؟؟

بالنسبة للروفر بتاع المريخ .. جبت ليك الفيديو ده بدل بتاع البالونات قلت يمكن تكون ما شفتو ..! المعلومة العندي انو دي الطريقة النزلو بيها الروفر في المريخ

Quote: الكورة المربوطة فوق راص البستلة ما فرزتها، لكن شكلها جلة عاصرين بيها الغطاية ما تطير في الرجعة عشان التراب ما ينكفت.

كلام غير صحيح وغير علمي .. الكورة دي عبارة عن الكبسولة البترجع للأرض وفيها عينات التربة من القمر ومحاطة بعازل حراري يتحمل حتى 9000 درجة مئوية لحماية الكبسولة عند دخولها الى الغلاف الجوي Re-Entry بسرعة 8 كيلومتر في الثانية ..
دي صورة لكبسولة Luna بعد الرجوع الى الأرض ..



صورة لكبسولة Venera وهي في هيئتها الأولى .. نفس الفكرة ..

http://vsm.host.ru/photos/ven8b.jpghttp://vsm.host.ru/photos/ven8b.jpg

صورة لكبسولة Venera وهي في هيئتها الأولى .. نفس الفكرة ..

Quote: هسع في ذمتك يا أخ صيام، في زول بتكفيه صورة واحدة للتصديق؟ نحن المأخرنا شنو غير دا؟

هسي يا حاتم انت ما مشيت جبت ليك صورة واحدة من قوقل (مودل لي لونا 16) ويا ريتها صورة المركبة الحقيقية ورغم إنك ما بتعرف أي حاجة في برنامج الفضاء الروسي حكمت عليهو بالفشل .. فعلاً ده الشئ المأخرنا ، ناس ينجزوا ونحنا نجي نخت راسنا بي راسهم ونحكم عليهم بالفشل بي صورة واحدة!

Quote: الفيديو الفوق دا احتمال يكون في استوديو لكن أغلب الظن في مركز لانغلي، الحاجة الوقعت دي حامل بتاع كشافات (projector truss)، ومسموع صوت المخرج بيقول نعيد اللقطة تاني. أنا ما جبت الفيديو للإثبات، لأن الطرق التحليلية أثبتت استحالة الهبوط على القمر، لكن عشان ننتهي من قصتك دي. الفيلم الفوق دا شغل ستانلي كوبريك، الغرض منه التدريب، يعني أرمسترونغ تم تدريبه على كل صغيرة وكبيرة، وفي النهاية تم بث اللقطات على أنها حقيقية، القرار دا كان في العام 1967 بعد توصل ناسا لاستحالة تنفيذ المهمة.

ياخي دي لقطات اتعملت 2015 مخصوص لى فيلم كوميدي اسمو Moonwalkers



يااااا خلف الله عذبتنا ...





... المهم ....

أظن نبدأ بعد دا

كلامي الهزلي دا كلو خليهو، أنا عندي منو غرد. دلوقتي، ممكن تشرح لينا بدون فيديو وبدون صور كيف ممكن نرسل مركبة تصل كوكب مجاور (أو تابع زي ما انت بتفضل تسميهو) وتجي راجعة من هناك، أو يجي جزء منها راجع من هناك؟ بعدين نجي نشوف مشاهد الهبوط، الموضوع الأصلي. ___ آدم صيام ما عندو معانا نفقة هنا، بكشكش فيهو ساكت.

تجربة ممكن تتعمل في مدارسنا، لكن الأساتذة ذاتم الله يعينهم

عشان نتفك شوية من الصور "المقنعة دي"، عموماً، ياريتك تستعين بالتجارب دي عشان تشرح لي إمكانيات السفر والهبوط والعودة. الراجل دا ما تصدق كلامو عن أبولو، فكر في الواقع البتدعيها ناسا والروس وغيرهم لاحظ أنا ما بتكلم عن وضع قذيفة في مدار. ________ بالتوفيق

Quote: كلامي الهزلي دا كلو خليهو، أنا عندي منو غرد.

كلامك الهزلي ده أخليهو كيف وإنت بتستخدمو كمحور لبناء نظرية المؤامرة وكمعول لهدم حقائق علمية تدرس في أرفع الجامعات على مستوى العالم؟ إنت يا حاتم إتكلمت من زاوية هندسية وإعتبرت إنو الروس ديل ناس دراويش ساي مشو جابو ليهم (صحانة طلس) وشوية صواميل وكم برشام كده وعملو فيها منقطنها!! مش ده كلامك؟ طيب السؤال القائم الآن بعد ما أثبتنا ليك إنك حقيقي ما بتعرف شئ عن برنامج الفضاء الروسي : كيف بتنتقد الروس من ناحية هندسية وانت ما عارف أساسيات برنامج الفضاء الروسي شنو؟

Quote: دلوقتي، ممكن تشرح لينا بدون فيديو وبدون صور كيف ممكن نرسل مركبة تصل كوكب مجاور (أو تابع زي ما انت بتفضل تسميهو) وتجي راجعة من هناك، أو يجي جزء منها راجع من هناك؟ بعدين نجي نشوف مشاهد الهبوط، الموضوع الأصلي.

يا حاتم في كم نقطة أنا رديت عليك فيها ، أتمنى شاكراً تجي تورينا رايك النهائي فيها عشان نشوف موضوع تاني ، ما ممكن نتخطى النقاط دي ونمشي لي حاجة تانية ونحنا ما حسمناها ..

Quote: كلامك الهزلي ده أخليهو كيف وإنت بتستخدمو كمحور لبناء نظرية المؤامرة وكمعول لهدم حقائق علمية تدرس في أرفع الجامعات على مستوى العالم؟ إنت يا حاتم إتكلمت من زاوية هندسية وإعتبرت إنو الروس ديل ناس دراويش ساي مشو جابو ليهم (صحانة طلس) وشوية صواميل وكم برشام كده وعملو فيها منقطنها!! مش ده كلامك؟ طيب السؤال القائم الآن بعد ما أثبتنا ليك إنك حقيقي ما بتعرف شئ عن برنامج الفضاء الروسي

أول حاجة أنا قلت صحانة نيكل ما طلس، انت زول قديم معناها من أيام الطليس، وكبير في السن

انت جادي؟ يعني لقيتها فرصة تمسك في حاتم وكمان تطلعوا ما بيعرف شيء عن برنامج الفضاء الروصي؟ ____ زمان كنت بتجيب وراك تبارك بيكي داك، هسع بقا يجبيك؟

Quote: أول حاجة أنا قلت صحانة نيكل ما طلس، انت زول قديم معناها من أيام الطليس، وكبير في السن انت جادي؟ يعني لقيتها فرصة تمسك في حاتم وكمان تطلعوا ما بيعرف شيء عن برنامج الفضاء الروصي؟ ____ زمان كنت بتجيب وراك تبارك بيكي داك، هسع بقا يجبيك؟

أنا زول قديم جداً من زمن صحانة الطلس وكبير في السن
آي أنا جادي .. إنت ما بتعرف شئ عن برنامج الفضاء الروسي وراجع كلامك عن لونا والرد موجود ..
يعني كمثال فقط إنت قلت لونا (يا كافي البلاء) كاميرا ما فيها وجبنا ليك غنو فيها كاميرتين بدل كاميرا وبيشتغلو بانوراما في الزمن داك!
يبقى وين معرفتك؟؟ ، موضوع الكاميرا في لونا ده حاجة أساسية ومعلومة بسيطة بيعرفها حتى الزول العندو معلومات عامة
خليك واقعي وما فيها حاجة لو ما عارف المشكلة لمن الزول يصر إنو عارف وهو ما عارف
لا زلنا في إنتظارك تجي ترد لينا بصورة (علمية) على النقاط الأثرتها إنت وتم الرد عليها خاصة موضوع القمر الصناعي بتاع اليابان القلت فيهو كاميرا بيلوشوها

Quote: آي أنا جادي .. إنت ما بتعرف شئ عن برنامج الفضاء الروسي وراجع كلامك عن لونا والرد موجود ..

آآي خلاس معليش، أنا ما عارف حاجة

ياخي، قبل سنة لمن طرحت موضوع مشابه مدخلي والأساس الأنا اعتمدت عليهو ما اشتمل على صور ولا فيديوهات. ببساطة فرية النزول على القمر وخم التراب دي ما بتحتاج للجدل في الصور، أنا أخشى تكون لسة عندك أركان وزوايا ما حصلت ليها إنارة في علوم الفضاء والفلك، الموضوع حسابات من نماذج في معارض وشوية صور بتدعي كل جهة صحتها. أنا هنا بشكك في الموضوع من أساسو للتعقيد العملي والنظري لإرسال مركبات والعودة منها، بقول مركبات مطلقاً يعني مأهولة وغير مأهولة، مافي حاجة وصلت هناك ورجعت، وللآن مافي حاجة بتصل هناك وترجع يا أخ محمد، ناهيك عن فترة الستينات. موضوع الهبوط على كوكب ما بسهولة شيلوا الزوادة والغيارات وأرحكم نلعب غولف في القمر ونجي راجعين، الليلة مركبات صغير (لعب) بتتطلب تاكتيكات ومراحل انت شفتها في الفيديو بتاعك، وعملوها كدة لزيادة فرص نجاح الهبوط (المفترض يكون عادي جداً وساهل قبل 45 سنة) دي بعضها بيفشل وكلها ما بترجع، ولا واحدة منها. فانت بكل الأحوال ما ممكن تقنع شخص بأنك قبل 45 سنة رسلت بعثات للقمر حفرت هناك وجابت 300 كيلو حجار من 12 موقع مختلف، وتجي سنة 2014 ترسل قمر صناعي عشان يفحص الغبار في المدار القمري، يعني أنا شايل في ضهري شوال كعاكيل أرميهو وأرجع أطير تاني عشان أكوس شمومة؟ http://www.space.com/25354-nasa-ladee-spacecraft-moon-crash.html _______ طيب عيناتك الجبتها ما كافية جيولوجياً؟

Quote: ببساطة فرية النزول على القمر وخم التراب دي ما بتحتاج للجدل في الصور، أنا أخشى تكون لسة عندك أركان وزوايا ما حصلت ليها إنارة في علوم الفضاء والفلك، الموضوع حسابات من نماذج في معارض وشوية صور بتدعي كل جهة صحتها.

يا حاتم أنا بالفعل عندي أركان وزوايا ما حصلت ليها إنارة في علوم الفضاء والفلك ، مش بالزاوية الإنت قاصدها لكن الواقع بقول أنا وانت عندنا مجرد معلومات عامة عن الـAstronomy صحيح عندنا إهتمام شديد بالعلم ده لكن نحن مجرد هواة وأرجو أن تتقبل ذلك بصدر رحب. بالتالي يا حاتم أنا بطلب منك التأني فقط والإستمرار إن أردت فربما يوماً ما تصبح عالماً في هذا المجال حينها فقط يمكنك أن تقرر إن كان موضوه الهبوط على سطح القمر حقيقة أم خيال ..

Quote: أنا هنا بشكك في الموضوع من أساسو للتعقيد العملي والنظري لإرسال مركبات والعودة منها، بقول مركبات مطلقاً يعني مأهولة وغير مأهولة، مافي حاجة وصلت هناك ورجعت، وللآن مافي حاجة بتصل هناك وترجع يا أخ محمد، ناهيك عن فترة الستينات.

أسمح لي يا حاتم أقول ليك لا إنت ولا أنا عندنا المعرفة البتخلينا ننقض كلام العلماء .. ما ممكن عالم زي ستيفن هوكينج وهو من هو في الفيزياء النظرية وعندو نظرياتو الخاصة في الثقوب السوداء ما ممكن زول عندو العلم ده كلو يقول ليك الأمريكان هبطوا على سطح القمر تجي إنت -مع إحترامي التام ليك- تقول ليهو إنت غلط والجماعة ديل غشوك بي صور مفبركة!!

Quote: فانت بكل الأحوال ما ممكن تقنع شخص بأنك قبل 45 سنة رسلت بعثات للقمر حفرت هناك وجابت 300 كيلو حجار من 12 موقع مختلف، وتجي سنة 2014 ترسل قمر صناعي عشان يفحص الغبار في المدار القمري، يعني أنا شايل في ضهري شوال كعاكيل أرميهو وأرجع أطير تاني عشان أكوس شمومة؟

ما هو عشان كلامك ده قلت ليك ما تتعجل وأقعد أدرس الموضوع ده برواقة ، يا حاتم المحيطات في الأرض بدأت الدراسات فيها منذ قرون ولا زالت ناشيونال جيوغرافيك -على سبيل المثال تمول الابحاث والناس كلو مرة بيوصلوا لي نتائج جديدة .. ما ممكن بالبساطة دي تجي تحكم على الموضوع على الاقل شوف الاهداف المعلنة من إرسال المسبار بعدين منو القال ليك تراب القمر ياهو ذاتو الغبار الحوالين القمر؟ بعدين الأغرب من كده يا حاتم إنت بتحاكم ناسا بالعلم الهي ورتك ليهو .. يعني يجي وزل يقول ليك العلم مفترض ما يرفرف في القمر لأنو مافي غلاف جوي! كلام جميل لكن انت عرفت من وين إنو مافي غلاف جوي في القمر؟؟ انت مثلاً بتقول حزام فان آلن .. فان آلن زاتو لو ما المسابير بتاعة ناسا ما بيوصل للنتائج الحققها إضافة لي إنو الراجل بي نفسو علق على موضوع إنو مستحيل الإنسان يخترق الحزام ووصف الكلام ده بي إنو ترهات إن صح التعبير ..

حاجة أخيرة .. لسه بقول ليك إنت إدعيت إنو لونا ما فيها كاميرا وطلعت فيها كاميرات على أي أساس علمي بتنقض برنامج الفضاء الروسي وإنت لا تمتلك حتى (معلومة عامة)؟
قلت القمر الصناعي اليابانب عندو كاميرا وهم قصدو ما يلوشوها عشان ما تجيب المنطقة الفيها الروفر أثبتنا ليك إنو ده كلام ما صحيح ويفتقر لأي سند علمي!
قبل فترة في بوست إدعيت إنو ناسا ما عندهم غير الكوريق والطورية وأثبتنا ليك إنو عندهم دريل وجبنا ليك الصور ودي برضو معلومة عامة إنت ما عارفها!!
وحاجات كتيرة لو قعدت حسبتها حا تلقى إنك عندك قصور حتى في المعلومات العامة وعشان ما تتحسس أنا زاتي والله كلو يوم بعرف حاجة جديدة .. ما فيها حاجة القصة دي
يبقى يا حاتم إستهدى بالله وشوف المنهج الصحيح للبحوث العلمية ولمن توصل مرحلة كويسة بعد داك ممكن تقرر ، لكن مسألة تحليل الصور دي صدقني بتنتقص منك كتير كباحث أولاً وكمهندس ثانياً ..



تحياتي

Quote: يا حاتم أنا بالفعل عندي أركان وزوايا ما حصلت ليها إنارة في علوم الفضاء والفلك ، مش بالزاوية الإنت قاصدها لكن الواقع بقول أنا وانت عندنا مجرد معلومات عامة +++ يبقى يا حاتم إستهدى بالله وشوف المنهج الصحيح للبحوث العلمية ولمن توصل مرحلة كويسة بعد داك ممكن تقرر ، لكن مسألة تحليل الصور دي صدقني بتنتقص منك كتير

سمح البخليك متأكد شنو يا محمد عبد الله مختار؟

أهي المشكلة هنا، ستيفن هوكنغ ما بقى عالم لأنو قاعد في الكرسي أبوعجلات أو مخو شغال زي المحرك النفاث، زي دا بيعتمد هو ذاتو على المعلومات البتجيهو من ناسا هو ومعاهو التاني كارل سيغان القال نفجر قنبلة نووية على القمر عشان الروس يخافوا، فما تتوقع منهم يحرجوا ناسا بأي حال. ياخي صور لونا "البنشر ولونخود "عربية الباسطة" دي أنا ما شفتها الأسبوع الفات عشان تحاججني بيها، أنا اتكلمت عنها السنة الفاتت في أول صفحة من بوست أبولو، فلما تجي تمسك كلماتي وتعمل لي محكمة بأني ما عارف شيء دا يبقى كلام ما معقول، أنا ذكرت ليك بكل وضوح إنو دا كلام هزلي وعندي فيهو غرد. هو الموضوع حساب ولا حاجة تانية؟ مركبة فضائية بتتداخل في مدار القمر وتدور حولة بسرعة مدارية أقلها واحد كيلومتر في الثانية دا إذا كانت على ارتفاع 4600 كيلومتر من مركز القمر وكل ما تقرب من القمر بتحتاج تزيد السرعة وحتبقى 1.6 كيلومتر في الثانية عشان بس تحافظ على مدارك حول القمر وما تنجذب مباشرة وتتحطم، دلوقتي مركبة أبولو (أم شبتو) تقدر تشرح لي خففوا سرعتها كيف لحد ما نزلت بالطريقة الأمريكية دي؟ ودا طبعاً إذا نجحت في الدخول في مدار وما طشت فالمسألة ذاتا حظوظ، أرجع بيك للقمر لادي (LADEE) ودا الرسلوهو يشم الغبار شمومة ساكت، ناسا بتقول إنو اصطدم بسطح القمر بسرعة قدرها 1.6 كيلومتر في الثانية وتبخر فعلياً (الرصاصة سرعتها 460 متر في الثانية)، العايز أنبهك ليهو هنا إنها "قدرت" زمن الاصدام تقدير في مدي ساعة كاملة بين 04:30 و 05:22، زمان أيام أبولو قبال 45 سنة كانت تقديراتهم بالثانية لمركبة قدر الأوضة وفيها ناس وبآلة السدس والشوف بالعين. ____ أما الرجوع فدي جكة تانية.

شايف التجارب بتاعة البلي الفوق دي؟

أنا جبتها ليك عشان شوية تعيد النظر في فكرتك عن المدارات والجاذبية، فانت ليك أكتر من 20 سنة متخيل إنو مافي جاذبية في الفضاء، دي الحقيقة وراء تصديقك لكل مشروع أبولو، يعني انت كنت بتتخيل إنو القمر دا مفروض المركبة تطاردو وتلحقو وتنزل فيهو براحة لأنو جاذبيتو سدس جاذبية الأرض، دي فكرتك القديمة. الجديدة وخليني أبصرك بيها، من هنا لحد ما تقرب من القمر عليك تحسب مسارك بالثانية ومسارك مفروض يتعارض مع القمر ويصطدم بيهو وتزوغ من قدامو وبسبب جاذبيتو يجرك وراهو يعني زي الشفع البتشعبطو في الكارو بوراء وتظل محافظ على مسافة كافية من سطح القمر بالدوران حوله بسرعة أقلها واحد كيلومتر في الثانية مدارية. دلوقتي قول نزلت في أمان الله، حفرت التراب ولقطت حجارك واتغديت ولعبت الغولف وعملت تلفون لكينيدي قلت ليهو جايينكم قريب، اتشطفت وغيرت هدومك واتوكلت على الرجعة، أها محتاج ترجع لنفس السرعة القبييييل خففتها، ببساطة نفس الطاقة الأهدرتها عشان تصل لسرعة صفرية وتهبط محتاج ليها تاني عشان تقلع وتدخل في المدار القبيييل فارقتو وبالثانية وبنفس الميلان (inclination) والسرعة والارتفاع، عشان تلاقي عمك كولنز الكان لافي حول القمر منتظرك، شفت الفيلم الكاوبوي دا؟ وما تجليهو يعني لازم المركبتين يتلاقوا في مدار القمر من أول محاولة وبنجاح، خلاف ذلك مافي أي فرصة اتلاقو تاني، وقود كافي مافي دا إذا الأكسجين ما قصر والعشاء قسمتوهوا نصين لفطور بكرة. أها الدراما العلمية دي الليلة بكمبيوترانا الكبار ديل ما بتحصل خليك من أيام التلفزيون أبيض وأسود والتلفون وزنه تلاتة كيلو، عرفت ليه اللعبات ديل بصمموهن عشان يموتن هناك؟

دلوقتي التفاصيل

اهتمامك بالصور وعرض التفاصيل، دي كاميرا وداك موتور وديك بطارية وداك جهاز كشف الإشعاع وديلك عجلات والصحانة طلس ما نيكل دا كلو حاجة كويسة، بس في رأيي أقرب لاهتمامك بالفنان وبحنة العروس بدل ما تهتم بالعروس ذاتا بذاتا وكيف توصلا البيت. ____ حاول تشوف اليوتو (Yutu) الأرنب بتاع الصينيين وتتعرف على كيفيات التلفيق.

أول حاجة انت مفروض تكون محروج من موضوع "بيكي" خالس ..

1- قلنا ليك كلام الصادق اسماعيل ... إنو جهة محايدة تمشي تتأكد انو في آثار لى أبولو ولّ مافي ...

2- قعدت تفنجط وقلت الصينيين والهنود الجابوا صور زاتهم كانو بايتين في امريكا وطبخوها بالليل مع خالتو "ناسا" الله يرحمها ...

3- قلنا ليك "طيب نجيب ليك منظار تشوف بى عينك"

4- جريت لى "بيكي" وقالت ليك - ما اطنها اقنعتك - انو مافي منظار بشوف تفاصيل زي دي من هنا ...

5- جيت تهنقز بى إيميلات "بيكي"

طيب يا العشا اب لبن ... اقرا السطر نمرة واحد ... مش كلمناك من الأول؟

تاني تجي تقول "تبارك بيكي" وكلام فارغ بديك على راسك طوالي ... ياخي ارحم نفسك ... بيكي شنو الفاضي ليها انا






... المهم ....

Quote: الفيديو الفوق دا احتمال يكون في استوديو لكن أغلب الظن في مركز لانغلي، الحاجة الوقعت دي حامل بتاع كشافات (projector truss)، ومسموع صوت المخرج بيقول نعيد اللقطة تاني.أنا ما جبت الفيديو للإثبات، لأن الطرق التحليلية أثبتت استحالة الهبوط على القمر، لكن عشان ننتهي من قصتك دي.الفيلم الفوق دا شغل ستانلي كوبريك، الغرض منه التدريب، يعني أرمسترونغ تم تدريبه على كل صغيرة وكبيرة، وفي النهاية تم بث اللقطات على أنها حقيقية، القرار دا كان في العام 1967 بعد توصل ناسا لاستحالة تنفيذ المهمة.

ياخي دي لقطات اتعملت 2015 مخصوص لى فيلم كوميدي اسمو Moonwalkers



يااااا خلف الله عذبتنا ...





... المهم ....

Quote: تاني تجي تقول "تبارك بيكي"

كويس إنك جيت!

ياخي شايف البوست دا http://sudaneseonline.com/board/490/msg/-%D8%A7%D9%84%D8%AD%D8%A7%D9%82%D8%AF-%3a-%D8%AD%D8%A7%D8%AA%D9%85-%D8%A7%D8%A8%D8%B1%D8%A7%D9%87%D9...%B1--1455447761.html سيدو "الشريف عرفات" نفس سيد البوست دا، العجيبة. مع إنو البوست باسمي لكن طابلو ومفرملو بواحدة من آياتو كاتبها في ورقة مبروزة كدة في النهاية. داير منك خدمة خاسة، تمشي هناك وتقول ليهو قولاً ليناً (أو البتشوفو مناسب)، أنا يهمني الإجابة على تلاتة أسئلة. معليش، انت عدو قديم لكن أنا ما بنسى العشرة، وقالوا كوم الرماد ليهو حوجة. ____ بعدين فيها شنو ندلعك شوية يعني؟ ما بيكيه مسمنو بيكيه شاكيرا، انت أحسن منو؟

ما تدخلني بى حمد وتمرقني بى خوجلي ...

زول عندو شهادة انو عباسي وانو سيد بلد ...

العباس بلدو مولود في مكة ومدفون في البقيع في المدينة ... مالنا ومالو

خلينا في كفوة أبولو دي






... المهم ....

Quote: سمح البخليك متأكد شنو يا محمد عبد الله مختار؟

وإنت البيخليك شنو متأكد إنو في أقمار صناعية شغالة ومحطة فضائية دولية وبقية القصص دي؟ عن نفسي البيخليني متأكد يا حاتم إبراهيم هو إجماع العلماء على صحة موضوع الهبوط على سطح القمر ، يعني ممكن نظرياً ناسا تغشنا نحنا ديل لأننا ناس أهالي ساي لكن مستحيل تغش كل العلماء في العالم! يا حاتم ما ممكن العلماء يجوا يعلنوا عن فك شفرة الجينيوم البشري ويجي زول عادي زيي وزيك كده يغالطهم ويعمل فيها أفهم منهم !! هسي إنت شفت قصة فك شفرة الجينيوم دي بي عينك عشان تصدق ولا ياها الثقة في العلماء ديل؟

مسألة الهبوط على سطح القمر ما نظرية بل حقيقة علمية لا تقبل الجدل. لا زلت أردد إنو كلام العلماء ما بيقع واطة ، والسنة الجاية القريبة دي حتشوف صور وفيديو HD من القمر كان ربنا مدا في الأعمار بعد داك حتتأكد ليه ثقتي في إجماع العلماء لا تحدها حدود. أما نظرية المؤامرة فهي مبنية على عواطف ومعلومات مغلوطة وونسة وخليني أديك مثال بيك إنت زاتك ..
إنت قلت العبارة المقتبسة أدناه :

Quote: اليابان، مجرد فكرة الهبوط على القمر بمركبة لاقت ممانعة من أمريكا

يا راجل !! هسي ده كلام عقل؟ تعال أثبت لينا صحة الكلام ده عشان يكون كلامك موثق وعندو مصادر صحيحة ، برضو هنا في سؤال : الأمريكان منعو اليابانيين في نفس الوقت خلو الصينيين ينزلوا مركبتهم!! ليه ؟؟؟

Quote: ياخي صور لونا "البنشر ولونخود "عربية الباسطة" دي أنا ما شفتها الأسبوع الفات عشان تحاججني بيها، أنا اتكلمت عنها السنة الفاتت في أول صفحة من بوست أبولو، فلما تجي تمسك كلماتي وتعمل لي محكمة بأني ما عارف شيء دا يبقى كلام ما معقول، أنا ذكرت ليك بكل وضوح إنو دا كلام هزلي وعندي فيهو غرد.

معليش يا حاتم كونك شفت الصور دي من زمان ما معناتو إنك بتعرف كل التفاصيل ، إنت قلت إنو ما فيها كاميرا وأثبتنا ليك إنو فيها كاميرات يبقى كلامك بتاع إنو ده كان مجرد هزل ما صحيح ، دي خليها مش إنت قلت ناس ناسا ما عندهم أداة للحفر غير الكوريق والطورية؟ أثبتنا ليك إنو عندهم دريل ، ما ليك سنين بتشوف في صور ناسا لكن في النهاية فاتت عليك المعلومة دي!

طيب دي خليها ما إنت جبت صورة وقلت صورها القمر الصناعي الياباني ولو كانوا لوشو الكاميرا شوية كان ظهر مكان الروفر وأثبتنا ليك إنو دي ما صورة ، هل برضو كلامك هنا كان هزل؟

Quote: شايف التجارب بتاعة البلي الفوق دي؟ أنا جبتها ليك عشان شوية تعيد النظر في فكرتك عن المدارات والجاذبية، فانت ليك أكتر من 20 سنة متخيل إنو مافي جاذبية في الفضاء

تجارب البلي دي أنا ناقشتك بيها زمان (بدون بلي) لمن قلت ليك مفهومك للجاذبية غلط ، وشرحت ليك موضوع نسبية آينشتاين وإنت ماسك في قوانين نيوتن قوي وعايز تطبقها في الفضاء! ما متذكر سخريتك من عبارة (النسيج الكوني)؟ الحمد لله على بلوغك هذه المرحلة.

Quote: أها الدراما العلمية دي الليلة بكمبيوترانا الكبار ديل ما بتحصل خليك من أيام التلفزيون أبيض وأسود والتلفون وزنه تلاتة كيلو

في فترة (الدراما العلمية) دي كانت الأقمار الصناعية والصواريخ الباليستية والغواصات النووية والطائرات الخارقة لحاجز الصوت موجودة ملء السمع والبصر ولكنك لن تراها ما دمت تضع أمام عينيك عدسات نظرية المؤامرة.

Quote: هو الموضوع حساب ولا حاجة تانية؟ بتحتاج تزيد السرعة وحتبقى 1.6 كيلومتر في الثانية عشان بس تحافظ على مدارك حول القمر

الموضوع فعلاً حساب لكن قبل ما تحسب تعال ورينا عرفت من وين إنو محتاجين 1.6 كيلومتر في الثانية عشان نحافظ على مدارنا حول القمر؟! ، لو مصدرك ناسا يبقى أكسب زمنك وما تاخد حسابات من ناس كضابين يبقى إنت شخص متناقض وعندك خيار وفقوس. ولو من غيرهم تعال ورينا ديل منو المشو القمر وعملوا الحسابات دي وعملوها كيف زاتو بعد داك ممكن نتناقش في التفاصيل.

Quote: الفيديو الفوق دا احتمال يكون في استوديو لكن أغلب الظن في مركز لانغلي، الحاجة الوقعت دي حامل بتاع كشافات (projector truss)، ومسموع صوت المخرج بيقول نعيد اللقطة تاني. أنا ما جبت الفيديو للإثبات، لأن الطرق التحليلية أثبتت استحالة الهبوط على القمر، لكن عشان ننتهي من قصتك دي. الفيلم الفوق دا شغل ستانلي كوبريك، الغرض منه التدريب، يعني أرمسترونغ تم تدريبه على كل صغيرة وكبيرة، وفي النهاية تم بث اللقطات على أنها حقيقية، القرار دا كان في العام 1967 بعد توصل ناسا لاستحالة تنفيذ المهمة.

شكراً تبارك على إنك ذكرتني موضوع الفيديو الجابو حاتم ومعلق عليهو التعليق الغريب ده لا وبكل ثقة بيأكد ليك إنو ده ارمسترونج ولمن حامل الكشافات وقع المخرج قعد يكورك: نعيد اللقطة تاني :)
بس للتصحيح اللقطة دي من إخراج آدم ستيوارت وإنتاج شركة فيرال فاكتوري ومعروفة بإسم Moontruth ، الكلام ده في 2002

دي صفحة الشركة في ويكيبيديا : en.wikipedia.org/wiki/The_Viral_Factory

Quote: Another collaboration with Adam Stewart; Moontruth [2] aided in establishing the viral as a tool for public and media notoriety.

Quote: الأمريكان منعو اليابانيين في نفس الوقت خلو الصينيين ينزلوا مركبتهم!! ليه ؟؟؟ +++ إنت قلت إنو ما فيها كاميرا وأثبتنا ليك إنو فيها كاميرات يبقى كلامك بتاع إنو ده كان مجرد هزل ما صحيح +++ طيب دي خليها ما إنت جبت صورة وقلت صورها القمر الصناعي الياباني ولو كانوا لوشو الكاميرا شوية كان ظهر مكان الروفر وأثبتنا ليك إنو دي ما صورة ، هل برضو كلامك هنا كان هزل؟ +++ تجارب البلي دي أنا ناقشتك بيها زمان (بدون بلي) لمن قلت ليك مفهومك للجاذبية غلط +++ كانت الأقمار الصناعية والصواريخ الباليستية والغواصات النووية والطائرات الخارقة لحاجز الصوت +++ عرفت من وين إنو محتاجين 1.6 كيلومتر في الثانية عشان نحافظ على مدارنا حول القمر؟! ، لو مصدرك ناسا يبقى أكسب زمنك وما تاخد حسابات من ناس كضابين يبقى إنت شخص متناقض وعندك خيار وفقوس. ولو من غيرهم تعال ورينا ديل منو المشو القمر وعملوا الحسابات دي

سلام

اليابان تحت الوصاية الأمريكية من سنة 1945، حادثة منعهم من الوصول للقمر بجيبها ليك +++ خير! نفترض صحة اتهامك، البنشر دا هل أنا كنت متصور إنو حيصل القمر ويحفر ويجي راجع على عماهو يعني؟ حفارات ناسا وعرباتها وكل الورشة الصناعية القالوا نقلوها للقمر دا كلام فارغ منهم، أنا هنا ممكن ألفق ليك تقارير زيها. +++ لا ما هزل طبعاً، تعريفك العلمي شنو للصورة؟ +++ صاح، أنا كنت فاهم إنو "في الفضاء تنعدم الجاذبية"، فما ناقشنا شيء أصلاً +++ أسلحة برية وبحرية وجوية، لكن ما بالضرورة تعرض حجار أو صور دليل على أنك مشيت على سطح القمر، قبل أسبوع رصدو موجات جاذبية ناتجة قبل ملايين السنين بدون ما يتحركوا من أمريكا +++ حسابات يا محمد (حسابات)، يعني هسع لو قلت إني مصدق ناسا في حساب قطر الشمس وبعدها من الأرض ودرجة حراراتها حتسألني المشى هناك وحسبها منو؟، السرعات دي محسوبة من أيام كيبلر يا باشمهندس، أذكرك تاني دلوقتي بيحسبوها طلبة الثانوي لأنها في المقرر بتاعهم.

Quote: شكراً تبارك على إنك ذكرتني موضوع الفيديو الجابو حاتم ومعلق عليهو التعليق الغريب ده لا وبكل ثقة بيأكد ليك إنو ده ارمسترونج ولمن حامل الكشافات وقع المخرج قعد يكورك: نعيد اللقطة تاني :)

صحيح، أبوريش نبهني بكدة قبلك

إذن الموضوع ما كان بيحتاج أكتر من صاروخ وشوية عربات وكاميرا وعلم. وحملة إعلامية وعلاقات عامة. مش دي نفسها اللقطات الاقنعتك؟ أها لفقوها ليك تاني أبيض وأسود عشان تتأكد. _____ ميكي دا ما تباريهو، بطششك هههه.

سلامات أخ محمد عبدالله مختار .. عاوز أعلِّق هنا فقط على منهجية التصديق عندك ، وأراها مختلة خلل كبير .. هسه ستيف منو كده القالوا عبقرى الفيزياء ده مش ياهو زاتو القال الله مافى واللّا زولاً تانى ؟؟ أها لو جاء قال ليك لا إله ومافى بعث موقفك معاهو شنو؟؟ ..

الزول حر يعتقد زى ما داير، لكين مامفروض الواحد ياخد أى شئ على عماهو .. لأن المنهج ده بيدخل المرء فى محكّات ضيقة ..

Quote: سلامات أخ محمد عبدالله مختار .. عاوز أعلِّق هنا فقط على منهجية التصديق عندك ، وأراها مختلة خلل كبير .. هسه ستيف منو كده القالوا عبقرى الفيزياء ده مش ياهو زاتو القال الله مافى واللّا زولاً تانى ؟؟ أها لو جاء قال ليك لا إله ومافى بعث موقفك معاهو شنو؟؟ ..

حياك الله أخ منير ، الرجل فعلاً ملحد لكن أنا ما قاعد الخبط الكيمان ..
أولاً الهداية من الله عز وجل ، وموضوع الهداية ده ما مرتبط أبداً بي معرفة الإنسان وخبرتو في حاجة من أمور الدنيا ، ده فضل من الله عز وجل يؤتيه من يشاء.
(مَن يَهْدِ اللَّهُ فَهُوَ الْمُهْتَدِ ۖ وَمَن يُضْلِلْ فَلَن تَجِدَ لَهُ وَلِيًّا مُّرْشِدًا)
بالنسبة للفيزياء هو عالم وخبير في هذا المجال دي ما فيها شك وبيشهد ليهو كل علماء الفيزياء قاطبة ، بعدين هل الإسلام ومعرفة الله عز وجل بيجعلك عالم في الفيزياء؟
ممكن تلقى عالم كمبيوتر عبقري في مجاله ولكنه ملحد ، قصة إنو ملحد دي ما بتنفي إنو الزول ده عبقري في مجاله.
وممكن تلقى مسلم لا يعرف أبسط قوانين الفيزياء ولكنه يعرف الله عز وجل حق المعرفة ودرجته عند الله عظيمة.
ستيف جوبز مؤسس شركة أبل عبقري في مجالو مافي شك الزول ده بوذي وبيعبد الأصنام عياذاً بالله ، هل ده بيخليني أقول إنو زول ما بفهم في مجالو لأنو وثني؟
والامثلة كثيرة جداً ولكن صدقني يا منير معرفة الله عز وجل لا علاقة لها بالعبقرية هي بالفطرة موجودة في الإنسان منذ مولده وهي أولاً وأخيراً مشيئة الله وفضله :
(إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ) ولكن كما قال (ص) : فأبواه يهودانه أو ينصرانه أو يمجسانه ..
ويعلم الله يا منير كراهيتي للملحدين لا توصف ولكنني أأخذ بقوله عز وجل :
(وَلَا يَجْرِمَنَّكُمْ شَنَآنُ قَوْمٍ عَلَى أَلَّا تَعْدِلُوا اعْدِلُوا هُوَ أَقْرَبُ لِلتَّقْوَى) .. صدق الله العظيم

يا محمد عبدالله مختار .. أنا إشارتى للرجل جاءت من باب منهجية التصديق .. وليس بسبب إلحاد زيد أو عبيد ..
وبرضو نخت فى بالنا إنو العلماء ليسوا أنبياء صادقين .. بل إنه أحياناً الأمان الشخصى للعالم أو السياسى أو أى زوول أغبش ساى ممكن تخليهو يكذب و يخارج روحه من مطب فى موقف أخلاقى ..
يعنى مثلاً إذا المخابرات الأمريكية أجبرت مجموعة من العلماء على تلفيق أى كذبة من أجل الوطن يبقى خلاص عليهم السمع والطاعة وإلاّ ستتم تصفيتهم حماية للأمن القومى .. يعنى يقولوا ليهم لفقوا الهبوط على القمر لإرهاب السوفيت يلفقوا كراعهم فوق رقبتهم .. وبعدما يتورطوا فيها تانى لو واحد حاول يزوغ أو يكشف الخدعة مصيره الموت ..
الإرهاب الأمنى ممكن يحصل فى بلادنا التعبانة دى، فما بالك بأمريكا التى كانت تصارع الإتحاد السوفيتى الخصم الآيدلوجى العسكرى الشرس ؟؟ ..

إذاً أنا تعليقى كان عن الإنقياد الأعمى لمقولة : العلماء قالوا والعلماء أثبتوا .. علماء شنو ياخوى ؟؟..

أما ناس بيل قيتس وستيف جوبز ديل ما علماء ــ بزنس والبزنس ضرب وتصادف إنه بزنس فى مجال تكنولوجى مؤثر .. مطاعم مكدونالد وكوكاكولا برضو عباقرة فى مجالهم لكين فاتت عليهم صفة علماء :) ..
و أهو برضو حظوظ الدنيا التى تتقسم لهذا وتمتنع عن ذاك ..

Quote: ويعلم الله يا منير كراهيتي للملحدين

مشكلة

لو انت متدين فعلاً يفترض ما تكره.

Quote: يا محمد عبدالله مختار .. أنا إشارتى للرجل جاءت من باب منهجية التصديق .. وليس بسبب إلحاد زيد أو عبيد ..

المنهجية في التصديق يا منير لمن تكون متعلقة بأصل المسألة يبقى كلامك صاح ، إنت بتشكك في مصداقية هوكينج في الفيزياء لأنو ملحد وكلامك ده ما ممكن أبداً يكون صحيح ،الكثير من العلماء في كافة المجالات في الغرب هم في الواقع ملاحدة أو نصارى أو حتى يهود ولكنهم خبراء في مجالهم.
الرسول صلى الله عليه وسلم إستعان بعبدالله بن أريقط في الهجرة ولم يكن مسلماً بل كان على دين قومه ولكن الرجل خبير في مجاله ولا حرج في ذلك أبداً.

Quote: يعنى مثلاً إذا المخابرات الأمريكية أجبرت مجموعة من العلماء على تلفيق أى كذبة من أجل الوطن يبقى خلاص عليهم السمع والطاعة وإلاّ ستتم تصفيتهم حماية للأمن القومى .. يعنى يقولوا ليهم لفقوا الهبوط على القمر لإرهاب السوفيت يلفقوا كراعهم فوق رقبتهم .. وبعدما يتورطوا فيها تانى لو واحد حاول يزوغ أو يكشف الخدعة مصيره الموت ..

كلام غير صحيح ، اولاً العلماء ديل ما قاعدين في بلد واحد عشان تحصل القصة القلتها إنت دي ، حاجة تانية تعال أدينا نموذج واحد فقط لي حاجة مجمع عليها إنها حقيقة علمية وليست نظرية وهذه الحقيقة تدرس في الجامعات والمدارس في كل العالم .. جيب لي نموذج لي حاجة زي دي وأثبت لي إنها مجرد قصة وهمية لمجموعة من العلماء لموهم في غرفة وههددوهم ... الخ

Quote: إذاً أنا تعليقى كان عن الإنقياد الأعمى لمقولة : العلماء قالوا والعلماء أثبتوا .. علماء شنو ياخوى ؟؟..

تاني بقول ليك يا منير لمن العلماء في كل أركان الارض (وليس في أمريكا فقط) يتفقوا على إنو في شئ محدد هو حقيقة علمية يبقى ده موضوع محسوم ، بعد ده العايز يصدق يصدق والما عايز هو حر في نفسو ..

Quote: أما ناس بيل قيتس وستيف جوبز ديل ما علماء ــ بزنس والبزنس ضرب وتصادف إنه بزنس فى مجال تكنولوجى مؤثر .. مطاعم مكدونالد وكوكاكولا برضو عباقرة فى مجالهم لكين فاتت عليهم صفة علماء :) .. و أهو برضو حظوظ الدنيا التى تتقسم لهذا وتمتنع عن ذاك ..

أنا ما قلت بل قيتس وستيف جوبز علماء قلت عباقرة لكن إن شئت خذ عني أن بل قيتس عالم في أنظمة التشغيل لو عندك راي في القصة دي تعال ورينا ، اهو حاتم قال فون براون زول عنقالي ساي وما عندو علاقة بالهندسة والصواريخ والحاجات دي .. المافي شنو؟
بعدين قصة إنو أبل ومايكروسوفت كانت مجرد فرص بيزنس وضربت معا أصحابها فمعليش يا منير دي ونسة ساي ، زمان قالوا لا تحسب المجد تمراً أنت آكله :)

Quote: مشكلة لو انت متدين فعلاً يفترض ما تكره.

مافي مشكلة ولا حاجة كا دام كراهيتي دي ما بتخليني أظلم الزول البكرهو يبقى أبداً مافي مشكلة ، برجع ليك يا حاتم بإذن الله بخصوص مداخلتك الأخيرة

تحياتي

يامحمد مختار .. أظنى ما حأقدر أوصِّل كلامى ليك بدون إسهاب .. ولأتجنب ذلك أحيلك لبوست قديم ممكن يوضح ليك المفاهيم بتاعتى .. وهو عن يقينية العلوم والعلماء .. وقصدى فى مداخلاتى دى أنى ألفت نظرك لأن لا تاخد الكلام على عماهو ..

البوست هو ..
http://sudaneseonline.com/board/490/msg/%D8%AE%D9%88%D8%A7%D8%B7%D8%B1-..-%D8%AA%D8%A7%D9%86%D9%8A-%21%21%21-..-1449692399.html

شكراً منير على البوست ، بقراهو وبرجع ليك بإذن الله ..

Quote: ‡ كل مشاهد هبوط أول إنسان على سطح القمر مزوره ..

!!!!!!!!!!!!!!!

محن سودانيه !!!

........

كسره :

( البوش ! )

مع موية

الجبنه

و ( حبة ! )

الزيت !

و الشمار !

لم إقوموا بالزول

بخلوهو

عندو

شويه...

هضربه

و ( زوالات ! )

.......

غايتو البركه فى

NASA

الغزت الفضاء

و جابت

الإنترنت ...

و خلّت

الناس

إتفاصحو !!!

فعلاً

محن !

...

عبدالماجد

أخطر حاجه !

لما تختلط

خزعبلات بقايا

الشيوعيه

بهوس

الأسلمه !

و الشموليه

و الدكتاتوريه !

ALL

ARE

VERY

DEADLY

LETHAL

FOR THE

HUMAN

BRAIN

CELLS

and

THEIR

CAPACITY

OF

INTERACTING

and

THINKING

...........

عبدالماجد

Quote: خزعبلات بقايا الشيوعيه بهوس الأسلمه ! و الشموليه و الدكتاتوريه !

غايتو أنا ده بكون أصولية راديكالية همايونية version 3.50

شيخنا، كل الكلام عن ناسا وأبولو ابتدروهوا الأمريكان (البيض) ومن أول شهر للهبوط المفترض 1969. انت قاعد وين الزمن دا كلو؟ ___ لكن كلامك دا صحيح في سيد البوست.

Quote: محن سودانيه !!! ........ كسره : ( البوش ! ) مع موية الجبنه و ( حبة ! ) الزيت ! و الشمار ! لم إقوموا بالزول بخلوهو عندو شويه... هضربه و ( زوالات ! ) ....... غايتو البركه فى NASA الغزت الفضاء و جابت الإنترنت ... و خلّت الناس إتفاصحو !!! فعلاً محن ! ... عبدالماجد

أها وانت شايت وين؟ ولا عندك مشكلة خاصة مع الشريف عرفات سيد البوست؟

دا يا سيدي المؤتمر الصحفي الاتعمل في نفس السنة يوم 16 سبتمبر 1969 لسة ما ارتاحوا من تعب السفر، هم سافروا مرتين طبعاً الأولى للقمر حسب كلامهم والتاني حول العالم 30 دولة، ياخدوا في الدولة يوم والتاني طوالي ينطوا للبعدها، من أمريكا وعبر الشرق الأوسط لحدي طوكيو، هنا ما جونا هههههه، ولا في أي دولة عربية ذاتوا. ويجونا ليه؟ ما في واحد اسمو فاروق الباز اتكفل بالمهمة على حساب وزارة الخارجية الأمريكية. دا الرابط: https://www.hq.nasa.gov/alsj/a11/a11PostFlightPressConf.html هسه دا مؤتمر ولا محكمة؟ دا شكل زول خفج فرناغة القمر؟ المؤتمر كله هنا، ساعة وربع. أول تشكيك جاء من الأمريكان نفسهم وفي نفس السنة، للسهولة الفائقة التي أتمت بها ناسا المهمة، ستة مرات وفيها لعب غولف وشحن عربات وكرور وعيييك، ههههههه، عارف، مشكلة ناسا إنها كترت المحلبية، جدعوا حديد في القمر يعمل مركز صيانة راصو عديل. ________ ما تصدق ساكت، شغل مخك.

شايت على وين !!!

شايت على جيهة لما كانت وكالة !

( تاس ! )

و صحيفة

( البرافدا ! )

الناطقتان

باسم

المكتب

السياسى

للحزب

( الشيوعى ! )

( السوفيتى ! )

الهالك

منذ أكثر من ربع قرن

بلما كانوا برددوا

نفس

الإسطوانه

المشروخه

و الكضب

ال ( لينينى ! )

من صوت راديو

( هنا موسكو ! )

و لمده 25 سنه سابقه

قبل الهلاك السوفيتى فى 1991 ...

يعنى إنتو تميتوها

كضبه ( خمسين سنه ! )

أى أحييتم عظام موسكو و هى رميم !!!!

............

we in 2016

.....

فعلاً

محن سودانيه

زى ما بقول

الأستاذ شوقى بدرى ...

.............

وقع ليكم كلامى يا حاتم إبراهيم و جماعتو !!!!!!!!

.............

كسره :

( معمر القذافى ! )

برضو كان بردد نفس ( الهدرسه ! ) !!!

و كذلك ( صدام حسين ! )

يعنى ( الحchi ! )

oooops

أقصد ( الحكى ! ) مو شى !

و ما جديد !

منذ زمن أهل البلاعه ( صدام ! )

و أهل الخور و الماسوره ( قذافى ! )

و قديييمه ( بالسودانى ! )

........

عبدالماجد

إضافه :

يعنى بالسودانى

برضو ( حجوه ! ) قديييمه !

.............

ترددات راديو موسكو

زمان !

كان أقوى

من إذاعة

أم درمان ....

هههى

و بالموجه

المحليه

كمان !!!

........

إنها الدعايه

السوفيتيه المقبورة

التى عفا

عنها

الدهر

و شرب

........

عبدالماجد

Quote: شايت على جيهة لما كانت وكالة ! ( تاس ! ) و صحيفة ( البرافدا ! ) الناطقتان باسم المكتب السياسى للحزب ( الشيوعى ! ) ( السوفيتى ! ) الهالك منذ أكثر من ربع قرن بلما كانوا برددوا نفس الإسطوانه المشروخه و الكضب

أهل الكهف، باين عليك صدوق هههه

فوق بتقول ناسا غزت الفضاء، fine! وهسع بتقول البرافدا كضبت الخبر، يعني برضو صدقت المصدر القال ليك البرافدا كضبت الهبوط؟ طيب انت ما كويس، إذا بتصدق في الاتجاهين، ماشي وجاي. أها، إيه رأيك "البرافدا" دي بالذات أوردت الخبر بتاع الهبوط في صفحاتها الداخلية كخبر! رأيك شنو؟ ولو عايز تمشي في الاتجاه دا، حدك قريب، نوريك الأرشيف بتاع البرافدا من سنة 1919 يعني قبال صدام والقذافي والهترشات الطلعت في راصك أول أمس دي، تخش الأرشيف وتورينا كلامك "العمودي" دا نجرته من وين. بعدين انت هنا ما جيبت معلومة، معروف إنو الدولتين كانوا في سباق عسكري، وأي طرف بيبخس منجزات التاني، يلا يا شيخنا نحن هنا مش بنتبنى وجهة نظر موسكو، لا، بناخذ من آراء وتفنيدات الأمريكان وبنشغل مخنا شوية، وناس موسكو ذاتم تشيناهم في الخزعبلات بتاعتهم، انت ما قاعد تقرأ ولا شنو؟ نحن لينا سنة وشهرين في الموضوع دا. وأها النزيدك، فيدل كاسترو وبتاع كوريا الشمالية برضهم مكذبين الخبر، ناس كوبا بيدرسوا أطفالهم إنو مافي زول مشى على القمر، ودا نهج سليم. فياخي بطل الهوس السياسي دا لأنو حدك هنا، تاني حتقول شنو؟ شويعي، وكالة، حزب، سياسي، هالك، صدام، قذافي، لينين، مقبورة، مشروخة، الدهر أكل وشرب ورمى العظام رميم، كلمنا علمي شوية. ________ يا محمد مختار، الزول دا تبعك؟

حدك إنت القريب ...

يا ود الناس ...

و وين أنا هنا

أنا صدقت

كضب الشيوعيين

و ( تاس ! )

و

( ( البرافدا ! )

و معاهم وهم

الإسلاميين ...

...

شايفك أفلست

لما جيتك

من ( اللاخر ! )

....

عبدالماجد

Quote: و وين أنا هنا أنا صدقت كضب الشيوعيين و ( تاس ! ) و ( ( البرافدا ! )

ياخي الله يرضى عليك

آي أنا عارفك جيت من الآخر، فالموضوع علمي لكن الظاهر كنانتك مافيها غير الجانب السياسي منو. شوف، هنا لما الواحد يتطرق لمعلومة بكون متأكد إنها وردت وعارف مصدرها، انت ذكرت إنو تكذيبنا للهبوط جاء محاباة للسوفييت، وقعدت تستدل بالدكتاتوريات ولينين وغيرهم بدون نظرة واضحة، واستشهدت بأنو تاس والبرافدا كذبوا الهبوط ودا كلام غلط، البرافدا أوردت "خبر" مقتضب عن الهبوط في نفس اليوم في صفحة داخلية وفي مكان بالكاد تنتبه ليهو، يبقى كلامك غير دقيق ومعلومتك في الجانب دا ناقصة، وغالباً ما شفت البرافدا البتقول عليها "كضبت" دي، يعني قوالة ساكت. ليه أنا بقول عليك صدوق للطرفين؟ لما تقول (ناسا هبطت على القمر) دا تصديق، ولما تقول (البرافدا كضبت الخبر) دا برضو تصديق لأنهم الاتنين معلومتين تقريريتين، فعليك دلوقتي تبين وضعك شنو لأنو غالباً ناس معسكر ناسا بيستشهدوا إيجابياً بأن إيراد الخبر في البرافدا تأكيد للهبوط، دلوقتي انت بتستشهد بيهو سلبياً، بل بتدعي إنهم كذبوا خبر الهبوط. فيا إما انت ما عارف واقف مع منو، أو عارف لكن ما قادر تتعاطى الموضوع بمهنية علمية، لأنو إيراد تقرير أو خبر تكذيبي في البرافدا أو الازفستيا دا أكبر جائزة "لمعسكرنا" نحن المكذبين للهبوط، بالله وين دا حصل؟ ياتو جريدة وياتو عدد، ما تقول ما لقيتو، عندنا الأرشيف من سنة 1919، أها. ____ بعدين انت حقو تستفيد من كضب الشيوعيين، بطريقة إيجابية.

ناسا هبطوا

و ليس

( هبطت ! )

و البرافد

( كضبت !!!

Quote: ناسا هبطوا و ليس ( هبطت ! ) و البرافد ( كضبت !!!

يا ريت تكتب على قدر الموضوع وتكون في مستواه

البرافدا "كَضَّبت" الهبوط دا ادعاءك انت، وعليك تبرهن عليهو. ما عندك، باقي "الأعمدة" بتاعتك دي كلها تبقى بدون قيمة في البوست دا. ____ عشان ما تتكلم ساي.

الى حين ميسرة ..

تحياتي

Quote: الى حين ميسرة ..

فيدوهات نضيفة وسمحة

الأول دا الجديد فيهو شنو؟ غايتو أنا لأول مرة أسمع صوت المحرك الصاروخي شغال، طبعاً في الفيدوهات الأولى ما كان في أي صوت لمحرك، تسمع كلام الناس وااااضح كأنهم قاعدين يتونسوا في صالون ما محشورين في كشك وجنبهم محرك صاروخي شغال، ما تقول لي القمر ما فيهو هواء عشان كدة صوت المحرك ما بنسمع هههه. أها، هل في محرك صاروخي ممكن تتحكم في قدرة خرجه إلى 10 في المية يا محمد مختار؟ أنا بتكلم عن الفيديو الأول، مكتوب في الدقيقة 1:42 النص (Eagle's main engine will run at 10% thrust for 20 seconds) أها دي سووها كيف سنة 1969؟ مكنة الصاروخ العندها أبنص دي، تزيدها وتنقصها زي ما داير، (man rated engine) يا حلاتا، لأنو حسب علمنا المتواضع مكنة الصاروخ ليومنا دا يا تشتغل (full thrust) يا تسكت كلو كلو، هو كان ما الصعوبة دي كان ركبوها للعجلات، يعني ما عندك الرفاهية بتاعة النسب المئوية الصعيرونة دي، غايتو ناس اسبيس إكس عندهم لحد 75 في المية، نورنا بالله. +++ أها نجي للفيديو التاني، داير يقول شنو نيل أب إيداً قوية دا؟ إذا عايز يقارن صور غوغول بالصور بتاعتهم سنة 1969 ويطلع بحقيقة عصماء بأنهم فعلاً وصلوا القمر وغوغول شاهد، دا يبقى عبط، ناسا وغير ناسا كانت عندهم آلاف الصور الفوتوغرافية للقمر أخدوها من مراصد عادية من الخمسينات من الواطة دي، ولصقوها مع بعض وعملوا منها لوحات كبيييرة، بانوراما يعني، صور عالية النقاء، دي الأدوها للمهترش الباز عشان يحدد ليهم ينزلوا وين ههههه، بعد ما يصلوا المرحلة دي يقوموا يجيبوا واحد من الشرق الأوسط غير متخصص في القمر وعديم تجربة وانجليزيهو ضعيف، شفت المحن! فصور غوغول تثبت شنو يعني؟ القمر ياهو القمر بدون غلاف جوي فلو صوروهوا بعد 100 سنة تانية نفس الملامح حتظهر، الملخص: صور الخمسينات والستينات والألفينات طبيعي تكون متطابقة. بالله شفت المهووس الفوق دا شبكني ليك لينين ورميم وتروتسكي كيف؟ داير يثبت أمريكانيتو ولا شنو دا؟ ____ الله يرحم نيل

Quote: لأنو حسب علمنا المتواضع مكنة الصاروخ ليومنا دا يا تشتغل (full thrust) يا تسكت كلو كلو

كلام غير علمي وغير صحيح أبداً ، ممكن الكمبيوتر يتحكم في الـThrusters ، الفيديو أدناه لشركة Space-X مستخدمين نفس التكنلوجيا بتاعة محرك الهبوط الخاص بالـLunar Module ، أهو قدامك صاروخ كامل بيرتفع لي 1000 متر وبعد داك بينزل في الأرض ولاحظ هنا في غلاف جوي يعني حسابات مقاومة الرياح براها قصة ، فتش في الإنترنت عن الـPintle injector والباقي بتعرفو براك

حاجة تانية ، محرك الهبوط في الـLunar Module تم تطويره بواسطة Space Technology Laboratories والـLunar Module في رقبتو دي تم تنفيذو بواسطة Grumman Aircraft ، يعني كلها تعاقدات خارجية يبقى قصة إنو ناسا قاطعة الحاجاة دي من راسها ما صاح أبداً

مضغوط جداً في الشغل لكن بجيك راجع للرد على جميع النقاط إن شاء الله.

تحياتي

Quote: كلام غير علمي وغير صحيح أبداً ، ممكن الكمبيوتر يتحكم في الـThrusters ، الفيديو أدناه لشركة Space-X مستخدمين نفس التكنلوجيا بتاعة محرك الهبوط الخاص بالـLunar Module ، أهو قدامك صاروخ كامل بيرتفع لي 1000 متر وبعد داك بينزل في الأرض ولاحظ هنا في غلاف جوي يعني حسابات مقاومة الرياح براها قصة

يا باشمهندس، في حاجة اسمها منطق

تقنية وصلت بيها القمر ستة مرات في قبل 45 سنة. بتجي سنة 2010 عشان يادوب تجربها؟ وتختبر نجاحها من عدمه؟ شفتو الصهريج الطائر بتاع اسبيس إكس دا، أظني جبت سيرته في الصفحة الأولى من بوست أبولو الأول. بعدين (Pintle Injector) دي مش حدها 35% throttle level ____ انت ما ملاحظ إنك بتفتش لمخارجات بدل ما تقدم إجابات مقنعة؟

Quote: تقنية وصلت بيها القمر ستة مرات في قبل 45 سنة. بتجي سنة 2010 عشان يادوب تجربها؟ وتختبر نجاحها من عدمه؟

أولاً .. التقنية دي نزلوا بيها في القمر (ناسا) وليس (اسبيس أكس) .

ثانياً .. ما حصل تاريخياً إنو تم إطلاق صاروخ والهبوط به في كوكب به غلاف جوي يبقى دي حاجة جديدة تماماً

ثالثاً .. في حاجات زمان متطورة أكتر من حاجات هسي ، يعني مثلاً طائرة الكونكورد أول طيران ليها كان سنة 1969 نفس السنة الهبطو فيها الامريكان على سطح القمر ، سرعتها ضعفي سرعة الصوت وطياراتنا بتاعة سنة 2016 بالنسبة ليها متخلفة جداً من ناحية التصميم والسرعة ..

دي الكونكورد ، أناقة وجمال وسرعة ، ملكة الأجواء بلا منازع ..

ودي طيارتنا سنة 2016 .. عاملة زي البطيخة :)

Quote: بعدين (Pintle Injector) دي مش حدها 35% throttle level

هل أعتبر ده إعتراف منك بإنو في إمكانية للتحكم في دفع المحركات الصاروخية؟ إذا قلت آي ممكن أتناقش معاك بعد داك في موضوع النسبة وغيرو

Quote: انت ما ملاحظ إنك بتفتش لمخارجات بدل ما تقدم إجابات مقنعة؟

على العكس تماماً .. كلامي (علمي) وجبت ليك الحاجات بالأدلة من مصادرها ، انت حتى الآن جيت بي معلومات غير صحيحة وفيديوهات (مفبركة) وحتى الآن بتكابر بدل الإعتراف بإنو كلامك (غير علمي).

Quote: حاجة تانية ، محرك الهبوط في الـLunar Module تم تطويره بواسطة Space Technology Laboratories والـLunar Module في رقبتو دي تم تنفيذو بواسطة Grumman Aircraft ، يعني كلها تعاقدات خارجية يبقى قصة إنو ناسا قاطعة الحاجاة دي من راسها ما صاح أبداً

دي أصلو ما نكرناها ولا بتأكد حاجة

أها النزيدك، وجسم الصاروخ ساتيرن اتعمل في شركة في مسيسبي، والمحركات بعضها من غرومان والوقود من شركة تالتة وإدارة البوفيه وقعت لشركة رابعة والأمن والحراسة للاستخبارات. يلا، دا كلو ما بيعني إنك مشيت على القمر، بنيت صاروخ، نعم، الصاروخ طار، نعم، المركبة استقرت في مدار، أجل، دا كلو معروف ومبرهن قبال أبولو. كلامنا يا باشمهندس عن القمر، الهبوط عليهو والعودة منه، فلما تتعاقد مع شركة عشان تعمل ليك محرك، وتكتب ليك في المواصفات إنو دا ممكن تعمل ليهو (throttle) وينزلك على القمر، دا ما بيضيف ليك أي مصداقية إذا ادعيت نزولك على القمر، خاصة إنو التقنية دي لسبب غريب ما انتشرت في برامج الصواريخ طالما هي ناجحة من الزمن داك. هسع بعض طرازات الفيراري فيها ماكنات طيارات، شفت واحدة طايرة قبل كدة؟ ماهم لسة بيتكلوا عن العواكس العملتها شركة فرنسية، وين العواكس دي؟ حتقول لي شعاع الليزر بينعكس منها دا معناه موجودة؟ أبداً، الليزر بينعكس من التراب الواحد دا، تراب القمر لا مرايا لا صفيحة.

يا باشمهندس

ياخي انت ما تهيج، أنا عارف نفسي بعصر عليك والموضوع بكلفك قراية، لكن ياهو حال الدنيا.

شوف، لما أقول ليك المحركات المتحكم فيها ما كانت متوفرة فأنا بتكلم عن أيام أبولو.

ولما أقول ليك ليومنا دا مافي محركات (throttable) فدا ببساطة مش لأنها منعدمة، ياخي أنا عارف انها كبحوث ونظريات تجريبية

متوفرة من الخمسينات، لكن دلوقتي وين التطبيق العملي ليها؟

نفس سوء الفهم دا انت كررته معي في فيديو الصهريج الطائر قبل سنة وشهرين، أنا بتكلم عن تطبيقات مش تجارب وبحوث يا محمد مختار

لأننا بنناقش موضوع تاريخي مش بحثي نظري.

أنا بتكلم عن ادعاء استخدامها في سنة 1969 وبتحكم في حدود 10% ودي نسبة الله أعلم تخليها شغالة، في راس الصفحة قلت ليك

حاول تفسر عملية الوصول للقمر والدوران حوله والهبوط عليه ثم الانطلاق والدوران حوله والعودة للأرض، ما بالسهولة بتاعة ناسا دي.

بعدين يا باشا، الهندسة مش مسابقة على الابتكار، لا، هي عمل موازنة بين تلاتة عوامل مهمة (performance+efficiency+cost)

فانت مش بتجمل الماكينة أو تجعلها أسرع عشان تثبت براعة هندسية، الكونكورد تكلفة تشغيلها أعلى من دخلها، دي هنا ما هندسة،

المهندس اقتصادي بالدرجة الأولى يا باشا، ببساطة مقارنة غير مجدية، يعني نحن ماشين لوراء؟ ولا أدواتنا التصميمية الزمان (المسطرة وجداول اللوغريثمات)

كانت أسرع وأدق من الكمبيوترات بتاعة الليلة؟

نرجع لموضوعنا، دلوقتي أنا رجعت لمحركات اسبيس إكس، لقيت أقل واحدة 39% فما عارف هل التقنية بتاعة 1969 قدرت تنزل

بمعدل النفث 10% قبل 45 سنة؟

وهل التقنية دي سرية لدرجة إنو ناسا داساها عن شركة حليفة تستخدمها ناسا ذاتها لتزويد المحطة الفضائية بالتموينات؟

بعدين ما شفت لي موضوع صوت المحرك الفجأة ظهر في الفيديوهات الحديثة دا، يكونوا نضفوا الهيد بالبنزين؟

ياجماعة صلاتكم علي النبي

القصة منطق

والاخوان الوردوا الكلام دا اوردوا نقاط علمية

اي صاحب رد يلتزم بالمبدا العلمي في الرد علي الكلام وليس صاحب الكلام

ناقل الكفر ليس بكافر

بعدين الناس اختلفت في رب الكون خلي القمر

عادي من شاء فليؤمن ومن شاء....

من وجهة نظري انا غايتو

القصة عاوزة ليها زول متجرد ونظرة غير متحيزة

والمبدأ العلمي عند الغرب بقول ليك انك ماتؤمن الا بالذي

تراه وتتحسسه وتقتنع به اما الماورائيات دي عندها ناسا ههههههه

جات بالصدفة.

المهم هاكم كلام اولاد قلبا ناس ناسا

الادعاءات والمُغالطات الثمانية حول الهبوط على القمر والرد عليها

 التاريخ: 21-07-2015

 عدد المشاهدت: 11,582

 التصنيف: الكواكب ونظامنا الشمسي

 وقت القراءة: 6 دقيقة, 43 ثانية

الادعاءات والمُغالطات الثمانية حول الهبوط على القمر والرد عليها

الادعاء الأول: تموج العلم؟

تموج العلم

تموج العلم

40عاماً مضت على هبوط نيل ارمسترونغ على سطح القمر، والذي خلّد اسمه كأول إنسان يُحقق إنجازاً كهذا في تاريخ البشرية. لكن على الرغم من هذا الإنجاز، لا تزال العديد من نظريات المؤامرة تحوم في الأجواء، ويُصر مُروجوها على أن هُبوط بِعثة أبولو 11 على سطح القمر لم يكن سوى خِدعةً مُتقنة. لذا، ندعوك عزيزي القارئ إلى الاطلاع بنفسك على الأدلة المُصوّرة لتتعرف على الأسباب التي دفعت الخبراء للقول بأن الكثير من هذه الادعاءات التي تنفي هبوط الانسان على القمر هي في الواقع ضعيفة جداً وغير صحيحة؟

يُمكنك أن تعرف أن أبولو كانت مجرد خدعة لأن العَلَم الأمريكي يظهر مُرفرفاً وكأنه تُوجد نسمات هواء في الفيديوهات والصور، علماً بأن سطح القمر خالٍ من الهواء.

تفنيد الادعاء: الحقيقة أنه وحسب ما يقول مُؤرخ رحلات الفضاء، روجر لاونيوس Roger Launius، من مُتحف الطيران والفضاء الوطني التابع لمؤسسة "سميثسونيان" Smithsonian's National Air and Space Museum في العاصمة الأمريكية، واشنطن: "أن السبب الكامن وراء مُشاهدتك للعَلَم وهو يُرفرف يُعزى إلى أحد مبادئ الفيزياء المعروفة وهو مبدأ (العَطالة أو القُصور الذاتي) (inertia). في هذه الصورة، اكتسب العَلَم عَطالة أو قُصوراً ذاتياً في اللحظة التي غرز فيها رائد الفضاء ذلك العَلَم بأرض القمر. عملية غرز العَلم تلك أدت إلى استمرار العلم بالرفرفة بسبب القوة الحركية التي منحته إياها ظاهرة العَطالة أو القُصور الذاتي".

كذلك، قام رُواد الفضاء بحني القُضبان الأفقية التي توجد داخل العَلم نفسه بضع مرات عن طريق الخطأ، ما جعلها تبدو وكأنها تتموّج، وبالتالي ظهر العَلَم وكأنه مُتموج بِفعل رياحٍ ما في تلك الصور.

الادعاء الثاني: لا وجود لمُصورين؟

لا وجود لمُصورين

لا وجود لمُصورين

يظهر في هذه الصورة انعكاسٌ لكُل من نيل ارمسترونغ ومركبة الهبوط القمرية النسر Eagle على قناع آلدرين في واحدة من أكثر الصور شُهرةً والتي تم التقاطها خلال الهبوط القمري في يوليو 1969.

يُمكنك أن تعرف بأن أبولو كانت مجرد خدعة أيضاً بسبب هذه الصورة. المعروف أن رائدي فضاء اثنين فقط هما من هبطا على سطح القمر، لكن في هذه الصورة يظهر الاثنان معاً ولا توجد أي كاميرا ظاهرة فيها، إذا يبقى السؤال هنا، من الذي التقط تلك الصورة؟

تفنيد الادعاء: حقيقة الأمر أن الكاميرات التي استُخدمت أثناء سير الرواد على سطح القمر كانت مُثبتةً على صدور رُواد الفضاء أنفسهم حسب ما يقوله عالم الفلك، فيل بليت Phil Plait، مؤلف المدونة الحائزة على جوائز والتي تحمل اسم "علم الفلك السيء" Bad Astronomy ورئيس مؤسسة جيمس راندي التعليمية James Randi Educational Foundation.

يُعلّق بليت على الصورة المُرفقة أعلاه قائلاً: "يُمكنك أن ترى أذرع نيل مُوجهةً نوعاً ما باتجاه صدره، لأن ذلك هو مكان الكاميرا، إذ لم تكن موجودةً عند قناعه".

الادعاء الثالث: النجوم غير ظاهرة في الصور؟

النجوم غير ظاهرة في الصور

النجوم غير ظاهرة في الصور

"يا إلهي، إنه مليءٌ بالنجوم"، هكذا صرخ ديف بومان Dave Bowman الشخصية الشهيرة في مؤلفات آرثر سي. كلارك Arthur C. Clarke لعام 2001 وذلك عندما نظر إلى اتساع الفضاء أمامه.

يمكنك القول أن أبولو كانت مجرد خدعة لأن رواد الفضاء لم يصرخوا كما صرخ ديف عندما كانوا على سطح القمر، كما أن الخلفية السوداء في صورهم تخلو من أي نجوم، وهو أمر يُثير تساؤلات حول مصداقية تلك الصور.

تفنيد الادعاء: في الواقع، سطح القمر يمتاز بقدرة كبيرة على عكس ضوء الشمس، وهذه الميزة تعني أن التوهج الناتج عن انعكاس ضوء الشمس عن سطح القمر سوف يؤدي إلى طمس النجوم من صفحة السماء، ما سيجعل من رؤيتها أمراً صعباً. أيضاً، عندما قام رواد الفضاء بتصوير مغامراتهم على سطح القمر اعتمدوا على إعدادات تعريض سريعة في الكاميرات ما أدى إلى تقليل كمية الضوء القادم من الخلفية، وبالتالي لم تظهر النجوم.

يقول بليت: "كان الرواد يلتقطون الصور بفترات تعريض تبلغ 1/150 أو 1/250 جزءاً من الثانية، وخلال هذا الوقت القصير لن تظهر النجوم أبداً في الصور".

الادعاء الرابع: لا وجود لفوهة ناتجة عن هبوط المركبة؟

لا وجود لفوهة ناتجة عن هبوط المركبة؟

لا وجود لفوهة ناتجة عن هبوط المركبة؟

صورة تظهر فيها مركبة الهبوط القمرية، المعروفة بالنسر Eagle، وهي تجلس بأمان على سطح القمر. التُقطت هذه الصورة بعد ساعات قليلة من هبوط المركبة على سطح القمر في 20 يوليو 1969.

الدليل الآخر على أن أبولو كانت خدعة هو أن مركبة الهبوط القمرية تظهر في هذه الصورة وهي مُستقرة على سطح القمر فوق تُربة غير مُضطربة ومُسطحة تقريباً. ووفقاً للمُشككين، لو كان الهبوط حقيقياً لتسببت المركبة بظهور سحابة غبارية كبيرة نتيجة عملية الهبوط، ولتشكلت فُوهة واضحة في مكان هُبوطها.

تفنيد الادعاء: يقول السيد لاونيوس من مؤسسة سميثسونيان أن رواد الفضاء قاموا بتخفيف سرعة عمل محركات المركبة قبل الهبوط، لهذا فهي لم تقم بالتحليق لفترة كافية فوق أرض القمر لكي تتسبب بتشكّل فُوهة تحتها أو تُحرّك أي غُبار.

كما يُضيف لاونيوس: "في أفلام الخيال العلمي تظهر مركبات الفضاء وهي تُخرج ناراً أثناء هبوطها. لكن لم تكن هذه هي الطريقة التي هبطت بها المركبة القمرية. لم تكن تلك هي الطريقة التي قاموا بها في تلك الرحلة ولن تكون هي الطريقة التي سيستخدمها رواد الفضاء في أي من رحلاتهم المستقبلية".

الادعاء الخامس: تغيّر الإضاءة؟

تغيّر الإضاءة ؟

تغيّر الإضاءة ؟

صورة للهبوط القمري يظهر فيها رائد الفضاء باز ألدرين Buzz Aldrin وهو يقف على طرف قاعدة ساق مركبة النسر. وتُشير الوضعية المُنحنية لركبتيه إلى أنه كان على وشك القفز إلى الدرجة التالية على سُلّم المركبة.

يظهر ألدرين بشكل واضح تماماً في هذه الصورة على الرغم من وقوفه في ظِل المركبة. ويقول مُؤيدو هذه الادعاءات أن الكثير من الظلال تبدو غريبة في صور رحلة أبولو، حيث تظهر بعض الظلال دون أن تكون متوازيةً مع بعضها البعض، وبعض الأجسام في الظل تبدو مُضاءةً بشكلٍ جيد، ما يُشير إلى أن الضوء قادم من مصادر متعددة –أي أنهم يشكّون بوجود معدات تصوير كتلك المستخدمة في الاستوديوهات.

تفنيد الادعاء: يقول لاونيوس تعليقاً على هذه الصورة: "كان هناك العديد من مصادر الضوء المختلفة على سطح القمر". ويضيف: "كانت هناك الشمس، والضوء المنعكس عن الأرض، والضوء المنعكس عن مركبة الهبوط القمرية، إلى جانب البدلات الفضائية وأيضاً سطح القمر".

من المهم أيضاً ملاحظة أن سطح القمر ليس مسطحاً. يقول لاونيوس: "إذا كان لديك جسم يقع في منطقة منخفضة فإنك ستحصل على ظِلال مختلفةٍ مقارنةً بجسم موجود على سطح مستوٍ".

الادعاء السادس: آثار الأقدام واضحة جداً؟

آثار الأقدام واضحة جداً؟

آثار الأقدام واضحة جداً؟

في هذه الصورة تظهر خطوط ذات تباين عالٍ لأثر القدم خلال قيام باز ألدرين برفع قدمه من أجل التقاط صورة لدراسة خواص تربة القمر. تُظهر صور أبولو الكثير من آثار الأقدام الواضحة التي خلفها رواد الفضاء ورائهم خلال تجوالهم على سطح القمر.

تقول الادعاءات أن آثار رواد الفضاء كانت واضحة جداً وهذا الأمر ليس منطقياً نظراً لأن تربة القمر جافةٌ تماماً. تظهر آثار الأقدام بشكل واضح فقط إذا كانت فوق تربة أو رمال رطبة.

تفنيد الادعاء: "حقيقة الأمر أن هذا الكلام فارغ"، يقول السيد بليت مُعلقاً على هذا الادعاء. ويضيف قائلاً: "يُشبه الغبار القمري، أو الثرى، بُودرة مطحونة بشكل ناعم، وعندما تنظر إليها باستخدام المجهر فإنها ستظهر كرمادٍ بركاني. لذلك، عندما تخطو فوقها فإنها ستنضغط بسهولة كبيرة، وبالتالي تأخذ شكل الحذاء الذي يسير فوقها".

ويُمكن لتلك الآثار أن تبقى كما هي لوقتٍ طويل، والفضل في ذلك يعود إلى حقيقة خلو القمر من أي هواء.

الادعاء السابع: لا وجود لبقايا على سطح القمر؟

لا وجود لبقايا على سطح القمر؟

لا وجود لبقايا على سطح القمر؟

عندما غادر ارمسترونغ والدرين سطح القمر في يوليو عام 1969، تركوا ورائهم جزءاً من مركبة النسر، والعلم الأمريكي، وبضعة أجهزة أخرى وعدداً من التذكارات، من بينها مِقياس الزلازل الذي يظهر ألدرين وهو يقوم بتركيبه على سطح القمر في الصورة المُرفقة.

يقول المُدّعون أن ناسا تملك الكثير من الأدوات الفلكية المتقدمة القادرة على رؤية أعماق الكون، مثل تلسكوب هابل الفضائي Hubble Space Telescop، وأنهم قادرون على استخدامها لرؤية وتصوير الأجسام المختلفة التي لازالت موجودة على سطح القمر، مع ذلك لا وجود لأي صور لهذه الأجسام التي تركها الرواد وراءهم.

تفنيد الادعاء: حقيقة الأمر أنه لا يوجد أي تلسكوب على الأرض أو في الفضاء قادر على تصوير الأجسام بتلك الدقة الكبيرة. ويُعلق بليت على هذا قائلاً: "يُمكنك حساب هذا بنفسك. حتى مع أكبر التلسكوبات الموجودة على الأرض، لا يمكنك أن ترى أي جسم على سطح القمر إلا إذا كان حجمه على الأقل بحجم منزل".

الادعاء الثامن: أضواء غريبة ؟

أضواء غريبة ؟

أضواء غريبة ؟

في هذه الصورة تظهر بعض الأنماط الضوئية الغريبة وهي تحجِب الجزء العلوي الأيسر من الصورة التي يظهر فيها رائد الفضاء باز ألدرين وهو يُمسك بصفيحة معدنية في محاولة منه لجمع الجسيمات الشمسية بالقرب من مركبة النسر.

يمكنك القول أن أبولو كانت مجرد خدعة لأن هذه الانعكاسات الغامضة غالباً ما نراها في استديوهات التصوير هنا على الأرض، فكيف ظهرت هناك.

تفنيد الادعاء: يقول بليت أنه من غير المرجح أبداً أن ترتكب ناسا مثل هذا الخطأ القاتل في حال كانت قد أنفقت ملايين الدولارات من أجل تنفيذ خدعة الهبوط القمري.

ويُضيف بليت: "حسناً، دعونا نتوقف هنا للحظة. هل تصدقون حقاً أن ناسا ستقوم بنشر صورة تظهر فيها أضواء استديو؟ هل يُعقل هذا! هذا الضوء الغريب الموجود في الصورة هو ببساطة توهج عدسات التصوير"، ويقول أيضاً: "هناك شكل كبير خُماسي الأضلاع ظاهر في منتصف الصورة وهو ناتج عن فَتحة الكاميرا نفسها".

حقوق الصور: وكالة الطيران والفضاء الأمريكية، ناسا

في حياتي ما لاقاني فيديو يشهد على تزوير ناسا قدر دا

الفيديو الفوق، في حياتي ما لاقاني فيديو يشهد على تزوير ناسا قدر دا

الدقيقة 25، أول المشاكل تسرب الوقود لقمرة الرواد في المركبة القمرية. الدقيقة 25:40 المشكلة التانية، فمن أول تجربة للمركبة القمرية باختبار الضغط المنخفض قزاز الشباك اتشتت وطار لبرة، يعني الشركة العملت المركبة ما أنجزت الاختبار دا، مع ملاحظة إنو دا مكون أساسي لا إلكتروني ولا كهربائي معقد، قزاز شباك ساي! الدقيقة 27:30 ما عرفوا المشكلة ، لكن أظنهم زادوا قزاز الشباك تخانة واكتشفوا مشاكل تانية، والوكت ضايق ناسا الدقيقة 12:45 المعلق يقول بوضوح (Finally, in the Spring of 1965 NASA, worried design changes would never stop, imposed a freeze) فلما تكون مستعجل في سباق عادة ما بتهمك سلامة الوسائل بقدر تحقيق الانتصار بالسبق ذاته، ناسا تعلم تماماً أن المركبة القمرية لن تصل للقمر وغايتها الدوران حول الأرض. ____ عشان كدة كلفتوها

جيد أنك عدت أدراجك للتركيز على برنامج الفضاء الأمريكي بعد أن وضحت للناس ضحالة معلوماتك بخصوص برنامج الفضاء الروسي.
لغاية ما أجي أناقش الكلام الضعيف الأوردتو في مداخلتك الأخيرة لازم نحسم حاجة مهمة جداً ..
بخصوص كلامك أدناه :

Quote: الفيلم الفوق دا شغل ستانلي كوبريك، الغرض منه التدريب، يعني أرمسترونغ تم تدريبه على كل صغيرة وكبيرة، وفي النهاية تم بث اللقطات على أنها حقيقية، القرار دا كان في العام 1967 بعد توصل ناسا لاستحالة تنفيذ المهمة.

أثبتنا ليك إنو الفيديو مفبرك والزول الفي الفيديو ده لا أرمسترونج ولا يحزنون ، يبقى حاجة من اتنين ، يا اما انت جبت الفيديو المفبرك ده هنا عمداً لتضليل الناس وغشهم وخداعهم دعماً لقناعاتك الشخصية -غير العلمية- (أو) انت زاتك كنت مغشوش واتضحك عليك بالفيديو ده
يبقى يا باشمهندس الأمانة بتقتضي منك الإعتذار للأعضاء وزوار البوست إذا كنت عارف إنو الفيديو مفبرك واستخدمتو لتضليل الناس ..
أو يبقى الخيار التاني إنك -وحتى تاريخ هذا البوست- ممكن عادي يغشوك بي فيديو بسيط مدتو كم ثانية كده
في الحالة التانية دي بنعفيك من الإعتذار لكن ما بنعفيك من الإعتراف ..



______________
مطلوب منك ما تتوتر وتحاول تتماسك ، الغريق قدام

Quote: ممكن عادي يغشوك بي فيديو بسيط مدتو كم ثانية كده

ودا الحاصل

لي زمن مغشوش بفيديو هبوط على القمر قبل ما أفهم إنو الفضاء فيهو جاذبية.

يا ما تحت الامريكان

دواهي

!!!!!!!!

Quote: الفيديو الفوق، في حياتي ما لاقاني فيديو يشهد على تزوير ناسا قدر دا

على العكس تماماً .. الفيديو ده بيوريك مصداقية ناسا قدر شنو ، ناس بيوروك بالتفاصيل المشاكل والصعوبات ، الأخطاء التي تم إصلاحها ، ما قالوا ليك نحنا مشينا القمر طوالي بدون ما نمر بأي مشاكل ، التزوير وين يا باشمهندس ؟؟ ما هو مفهومك لكلمة (تزوير)؟؟
لا يوجد تزوير في هذا البوست إلا تزوير أصحاب نظرية المؤامرة لفيديو ستانلي في أول البوست والتزوير التاني والفبركة في الفيديو الجبتو انت ولغاية الآن ما عايز تعتذر عن رفدك للبوست بفيديوهات مفبركة.

Quote: الدقيقة 25، أول المشاكل تسرب الوقود لقمرة الرواد في المركبة القمرية.

أنت يا باشمهندس بتجيب الكلام ده من وين ؟؟ التعليق بالنص كما يلي :
there are few leaks everywhere in the system
بس ما يكون فهمت few leaks على انها fuel leaks .. صحي الما بدورك بحدر ليك في الضلام :)

Quote: الدقيقة 25:40 المشكلة التانية، فمن أول تجربة للمركبة القمرية باختبار الضغط المنخفض قزاز الشباك اتشتت وطار لبرة، يعني الشركة العملت المركبة ما أنجزت الاختبار دا، مع ملاحظة إنو دا مكون أساسي لا إلكتروني ولا كهربائي معقد، قزاز شباك ساي!

أنا ما فاهم المشكلة وين؟ الشركة العملت المركبة القمرية حصل منها خطأ فني ، ناسا عملت إختبار ولقت إنو في مشكلة وأخطرت الشركة .. الشركة قامت بإصلاح الخطأ .. هل ده بيقدح في مصداقية ناسا ؟؟ هل ده بيمنع السفر للفضاء ؟؟
قبل الكلام ده بي كم سنة سافر العديد من الرواد الى الفضاء بي كبسولات فيها شباك بي قزاز .. من غير أي مشاكل ، كمثال فقط رحلة آلان شبرد أول رائد فضاء أمريكي.
السنة الفاتت القريبة دي تويوتا أعلنت عن سحب أكثر من ستة ملايين سيارة من الأسواق بسبب خطأ فني ممكن يعرض السيارة للإحتراق ، تويوتا يا باشمهندس بتبيع السيارات من سنة 1947 ..

باقي المداخلة كلها مجرد كلام إنشائي ، لا توجد مسألة علمية يمكن التحدث عنها أو نقطة يمكن الرد عليها ..

Quote: يلا، دا كلو ما بيعني إنك مشيت على القمر، بنيت صاروخ، نعم، الصاروخ طار، نعم، المركبة استقرت في مدار، أجل، دا كلو معروف ومبرهن قبال أبولو.

بي إعترافك يا حاتم المركبة استقرت في مدار قبل برنامج أبولو ما يبدا .. يبقى ما تملا البوست حشو ساي بي حاجات انت تعلم يقينا انو ناسا اتخطتها زمان زي موضوع القزاز بتاع المركبة القمرية ، ما تحاول تظهر للناس إنو الناس ديل عاجزين عن إنجاز حاجات أساسية وبسيطة في حين انهم حققوا انجازات تعتبر معجزات بالنسبة للناس..

Quote: حتقول لي شعاع الليزر بينعكس منها دا معناه موجودة؟ أبداً، الليزر بينعكس من التراب الواحد دا، تراب القمر لا مرايا لا صفيحة.

هههههههه والله الراجل ده بيقول كلام زي الفل .. لا تعليق

Quote: ولما أقول ليك ليومنا دا مافي محركات (throttable) فدا ببساطة مش لأنها منعدمة، ياخي أنا عارف انها كبحوث ونظريات تجريبية متوفرة من الخمسينات، لكن دلوقتي وين التطبيق العملي ليها؟

جبنا ليك فيديو فيهو تطبيق عملي لي موضوعك ده وبعد ده انت ما عايز تقتنع .. مادام انت بتقول انها ما منعدمة معناتا موجودة!!

Quote: الكونكورد تكلفة تشغيلها أعلى من دخلها، دي هنا ما هندسة، المهندس اقتصادي بالدرجة الأولى يا باشا

الكونكورد اشتغلت عشرات السنوات ، ما سنة ولا اتنين ، أثبت لينا انو تكلفة تشغيها كانت أعلى من دخلها .. مصدرك شنو يا باشمهندس وقاعد تجيب الكلام ده من وين ؟؟ لسه على كلامي إنو في حاجات زمان متطورة أكتر من حاجات موجودة اليوم .. مكوك الفضاء الأمريكي دخلوهو المتحف منذ سنوات ولا زال حتى تاريخ كتابة هذه المداخلة ، لا زال المركبة الفضائية الأعقد والأكثر تطوراً من أي مركبة أخرى موجودة في 2016 .. ما اتوقف بسبب عيوب فنية ولا حاجة إنما بسبب أن الميزانية لدى الأمريكان لم تعد تحتمل صرف بلايين الدولارات على برنامج مكوك الفضاء .. ده بالضبط الحصل لي برنامج أبوللو وكان السبب لي إيقاف الرحلات أبوللو 18 - 19 - 20 الكان معلن عنهم مسبقاً ، مع العلم أن المنصرفات في برنامج أبوللو تعتبر أضعاف أضعاف المنصرفات في برنامج مكوك الفضاء ..

Quote: اليابان، مجرد فكرة الهبوط على القمر بمركبة لاقت ممانعة من أمريكا

يا باشمهندس حتى الآن أنا في إنتظارك تجي تثبت لينا بالمصدر إنو اليابانيين كانوا عايزين يهبطوا على سطح القمر والامريكان حموهم

Quote: حتقول لي شعاع الليزر بينعكس منها دا معناه موجودة؟ أبداً، الليزر بينعكس من التراب الواحد دا، تراب القمر لا مرايا لا صفيحة. +++ هههههههه والله الراجل ده بيقول كلام زي الفل .. لا تعليق

ما هي دي مشكلتك

عارف ليه؟ لأنك صدّيق، انت بتصدق الحاجة أول وتؤمن بيها وبعد داك حتان تفتش لطريقة لاثباتها. كدي أنا حأبداً معاك من هنا، مين عارف يمكن لسة عندك نفس الوهمة الخلتك تعتقد في انعدام الجاذبية في الفضاء. طيب انت ما مصدق إنو الليزر بينعكس من الأسطح الطبيعية، صاح؟ طيب ياخي، لما توجه شعاع ليزر من بطارية صغيرة النوع البيتباع في الطبالي داك، يعني ليزر أشباه الموصلات وتوجهو على شجرة أو حيطة مش بتشوف النقطة هناك محل صوبت البطارية؟ أها النقطة دي شفتها كيف؟ مش لأنها انعكست وجات راجعة لعينك؟ دي ما عايزة قراية ونظريات وشغل أمريكي. من سنة 1960 وفي حاجة اسمها ليدار (Lidar) دي الغرض الاساسي منها قياس المسافات عن بعد وحالياً بيرسموا بيها الخرائط الطوبوغرافية، ومن زماااان مستخدمة في المدفعية لتحديد المدى، أها الدبابات دي إلا يختوا ليها مرايات في أهدافها ولا كيف يا محمد مختار يا مهندس؟. يا أخينا، الليدار دا بيوجهوهو على أي جسم انت ممكن تتخيلو بتردد محدد (جزء من الطيف الترددي مش؟) وبيستقبلوا الراجع المنعكس منه بكل بساطة وبيحسبو فرق الترددات ومنها المسافة بالسنتمتر. أها، التقنية دي معروفة من الستينات، بداية الستينات، وحالياً مستخدمة في قياس أقرب جرم سماوي لينا (القمر) يعني لا عواكس لا يحزنون، كل المطلوب ليزر قوي وتستقبل المنعكس من تراب القمر الواحد دا، فلما ناسا تقول ليك نحن ختينا مراية في القمر تأكد إنهم صنفوك بدري لمعسكر الأغبياء. كدي شطب لي دي وباقي كلامك أظني رديت عليهو قبال سنة، أيامك الكنت فيها من المجاذيب ديك. أمسك هاك https://en.wikipedia.org/wiki/Lidar https://www.technologyreview.com/s/410217/mapping-the-planets/ http://planetearth.nerc.ac.uk/features/story.aspx؟id=678andcookieConsent=A https://upload.wikimedia.org/wikipedia/commons/transcoded/4/4e/Collecting_LIDAR_data_over_the_Ganges_and_Brahmaputra_River_Basin.ogg/Collect..._Basin.ogg.480p.webm _____ وما تجيني راجع إلا بعد تتأكد إنك فهمت موضوع القياس بالليزر عشان أبخس ليك باقي كلامك دا، الناس حقو تقرأ

Quote: الكونكورد اشتغلت عشرات السنوات ، ما سنة ولا اتنين ، أثبت لينا انو تكلفة تشغيها كانت أعلى من دخلها .. مصدرك شنو يا باشمهندس وقاعد تجيب الكلام ده من وين ؟؟

هاك أها، عشرة سنة دي ذاتا إثبات

وهي الوقفها شنو غير التكاليف العالية؟ http://news.bbc.co.uk/2/hi/business/875735.stm http://www.telegraph.co.uk/luxury/travel/98151/concorde-40-fascinating-facts.html http://www.nytimes.com/2003/10/24/nyregion/24CND-AIR.html _____ الناس حقو تقرأ

Quote: أنا ما فاهم المشكلة وين؟ الشركة العملت المركبة القمرية حصل منها خطأ فني ، ناسا عملت إختبار ولقت إنو في مشكلة وأخطرت الشركة .. الشركة قامت بإصلاح الخطأ .. هل ده بيقدح في مصداقية ناسا ؟؟ هل ده بيمنع السفر للفضاء ؟؟ +++ بي إعترافك يا حاتم المركبة استقرت في مدار قبل برنامج أبولو ما يبدا .. يبقى ما تملا البوست حشو ساي بي حاجات انت تعلم يقينا انو ناسا اتخطتها زمان زي موضوع القزاز بتاع المركبة القمرية ، ما تحاول تظهر للناس إنو الناس ديل عاجزين عن إنجاز حاجات أساسية وبسيطة في حين انهم حققوا انجازات تعتبر معجزات بالنسبة للناس..

ودي دايرة اعتراف؟

أنا ما عارف ليه انت ما قادر تفرق بين وضع مركبة في مدار وبين السفر إلى كوكب تاني؟ ياخي، أي حجر أو طلقة مدفعية لو أطلقتها بزاوية معينة وسرعة محددة ممكن تنتظم في مدار حول كوكب عنده جاذبية، فما عارف ليه انت بتعمم فكرة المدار على إنها إثبات للوصول للقمر؟ +++ بخصوص المشكلات الفنية، تركيزي على نقطة الكلفتة وأظنها واضحة، نعم في مشكلات هندسية بعضها اتحل وبعضها ناسا ما انتظرت يحلوهو ذاتو، دا يعني زي شنو يا مهندس، النديك مثال: مشيت جبدت بنطلونك الجديد من الترزي وقلت ليهو السوستة والكمر ما مهمات، طبعاً حتكون ماسكو بيدينك الاتنين (akimbo) شفت كيف، أها لو قابلت الجكس بتاعك واضطريت تسلم عليها وتصلح نضارتك في نفس الوكت، أهااااااااا _____ أهو دا بقى وضع المركبة القمرية، طالما ما حتصل القمر ما مهم لا التصميم ولا معالجة المشاكل، وقع ليك؟

Quote: ولما أقول ليك ليومنا دا مافي محركات (throttable) فدا ببساطة مش لأنها منعدمة، ياخي أنا عارف انها كبحوث ونظريات تجريبية متوفرة من الخمسينات، لكن دلوقتي وين التطبيق العملي ليها؟ جبنا ليك فيديو فيهو تطبيق عملي لي موضوعك ده وبعد ده انت ما عايز تقتنع .. مادام انت بتقول انها ما منعدمة معناتا موجودة!!

دي المرة التالتة تجيب سيرة الموضوع دا

ياخي أنا رديت عليهو قبل سنة في المداخلة دي هنا (نمرة 11) Re: خبايا مشروع أبولو وخدعة الوصول للقمرRe: خبايا مشروع أبولو وخدعة الوصول للقمر لكن المنولوج في الفقرة نمرة (13) وتاني في نفس الصفحة دي فوق شوية. تقوم تااااالت تجيبو؟ قايلني نساي ولا شنو؟ _____ انت يا زول داير معاي شنو؟

Quote: على العكس تماماً .. الفيديو ده بيوريك مصداقية ناسا قدر شنو ، ناس بيوروك بالتفاصيل المشاكل والصعوبات ، الأخطاء التي تم إصلاحها ، ما قالوا ليك نحنا مشينا القمر طوالي بدون ما نمر بأي مشاكل ، التزوير وين يا باشمهندس ؟؟ ما هو مفهومك لكلمة (تزوير)؟؟

صااااح وشدة ما السفر ساهل قالوا مشينا ستة مرات

ورفعنا عدة وعربات وكرور ولعبنا غولف، شفت كيف، ومن ديك وعيك. تزوير أكتر من كدة؟ يميناً بالله مفروض أنا حاتم دا هسع يكون عندي أوضه بالإيجار في بحر السكينة، وانت دا كشك بتاع لعب أطفال ودرداقة هناك في محيط الزوابع، ديل في القمر، كان أصلو الحكاية كشامشا قدر دا. أها لكن في دراما صغيرة عشان كمان الموضوع يبقى طاعم ومقبول شوية، قاموا عملوا تمثيلية أبولو 13، بالله رجعوها من هناك وهي نصها معطل، بعد ما لفوا صينية حول القمر. _____ مااااا بالسمنة وكدة

Quote: من سنة 1960 وفي حاجة اسمها ليدار (Lidar)

يا راجل !! بسم الله ما شاء الله بقيت بتعرف الليدار ..
حقيقة نقلة كبيرة جداً من الحقائق الوهمية الكنت عامل ليها ويب سايت وحذفتو لمن ناس الجمعية الفلكية السورية مسحو بيك الواطة
ناس العلم بيرفرف والزول لو نزل لي سطح القمر -الجزء المضئ- بيصاب بالعمى طوالي والحجارة بتاعة القمر (حمصوها) في أفران وبقية الخطرفات الحامضة دي.
تقدر تنكر الكلام ده ؟؟ سبحان مغير الاحوال تطور كبير والله
بالله ده انت ذاتك صاحب المداخلة الفي الصفحة الأولى ولا زول تاني ؟؟ ده كابشر عشان ما تمشي تعدل المداخلة ولا تحذفها :

يا باشمهندس انت في البوست الحاضر ده ما كنت بتعرف الـterrain camera وكنت مفتكر الحاجة العلى اليمين دي صورة ماخوده بي كاميرا عادية وبيلوشوها كمان
ورفضوا تلويشها عشان الروفر ما يظهر والأمريكان يتفضحو .. يا للسطحية ، ثم جاء يحدثنا عن الليدار ..
الليدار ده يا ولدنا واحد من مشاريعنا الشغالين عليها الآن فما تفتكر انك جايي تخلعني بي مصطلح لمن اقراهو حا انطط عيوني واقعد أكورك : يا للهول !!
ثم خليني أجيك بي رواقة وأوريك انك زول عاطفي جداً .. لا وكمان عايز الليزر ينعكس ويجيك من حد القمر وانت قاعد في كوكب الأرض ده ..
عشان تعرف أنا كنت بضحك ليه .. وليه بالضبط كتبت : لا تعليق!

Quote: حقيقة نقلة كبيرة جداً من الحقائق الوهمية الكنت عامل ليها ويب سايت وحذفتو لمن ناس الجمعية الفلكية السورية مسحو بيك الواطة +++ الليدار ده يا ولدنا واحد من مشاريعنا الشغالين عليها الآن فما تفتكر انك جايي تخلعني بي مصطلح لمن اقراهو حا انطط عيوني واقعد أكورك : يا للهول +++ لا وكمان عايز الليزر ينعكس ويجيك من حد القمر وانت قاعد في كوكب الأرض ده ..

تاااااني "مشاريعنا"

ما متذكر جمعية سورية مسحت بي الواطا، لكن متذكر موقع مترجم بدون تدخل مني، عشان الناس البتحب الصور والفيديوهات، نورنا تاني، لو عايز ترجع حركة وراء. +++ أخلعك شنو قول بسم الله، هو الواحد أصلو ما يذكر معلومة؟ ما تخليك (self centered) كدة، أي حاجة تتهم الناس إنهم ما عارفينها بينما انت شغال فيها "مشيريع". +++ أيوة، عايز أوجه الليزر للقمر وأحسب المسافه ليهو، وإيه يمنع استخدام الليدر في قياس المسافة من القمر بدون عواكس ذاتو؟ ذاتو بذاتو حقو تعلق على فيديوهاتك، مافي زول عندو زمن يستمع ليها كلها، بعدين أنا ذاتي ما بعرف روسي. _____ أمشي قول لي مشغول "بمشروعنا"

Quote: يا باشمهندس انت في البوست الحاضر ده ما كنت بتعرف الـterrain camera وكنت مفتكر الحاجة العلى اليمين دي صورة ماخوده بي كاميرا عادية وبيلوشوها كمان ورفضوا تلويشها عشان الروفر ما يظهر والأمريكان يتفضحو .. يا للسطحية ، ثم جاء يحدثنا عن الليدار ..

مشكلتك بتحب التسميع

إذا كان الكلام بتاعك دا مكتوب تحت الصورة فكيف انت وصلت لحقيقة إنو حاتم ما سمع بالكاميرا الانت سميتها دي؟ حقو الناس ما تتوتر لكن صحي ليه الكاميرا دي جابت الحجار وما جابت الروفر؟ الليزر ما بينعكس من الحديد ولا رافضين يلوشوها؟ _____ لسة الغريق قدام؟

رحمه فضل المولى كيفك

بخصوص الفيديو الفوق دا الكلام بتاع العلاقات العامة دا أنا ذكرتو هنا Re: خبايا مشروع أبولو وخدعة الوصول للقمرRe: خبايا مشروع أبولو وخدعة الوصول للقمر لماذا لم تشمل جولة رواد أبولو 11 الدول العربية؟ حسناً، حملة العلاقات العامة كانت مدروسة بحيث يتم التصنيف بحسب ثقافة الشعوب في المناطق: جدولوا زيارات للعلماء من كل أنحاء العالم المتحضر لزيارة مراكز الإطلاق في كييب كينيفرال ومقرات التحكم في هوستن ومصانع تجهيز أجزاء الصواريخ في ميسيسبي وغيرها من الولايات وفعلاً المناظر كانت مبهرة أن تنظر لصاروخ بطول مئة متر أو ما يعادل ثلاثة مآذن فوق بعضها زمحركات الواحد بحجم السيارة. بالنسبة للحالمين الأقل ذكاءاً، أشاعوا أن رواد أبولو صادفوا ظواهر غريبة وأطباق طائرة وأضواء ومشاهدات وإشارات لاسلكية غامضة ونشروا المعلومة وتركوهم للتخبط في التفسيرات والنقاش الذي لم ينتهي حتى الآن. بالنسبة للشعوب في الشرق الأوسط، أطلقوا عليهم ما يناسب ثقافتهم، بعثت وزارة الخارجية الأمريكية بفاروق الباز إلى عدد من الدول العربية والآسيوية، فانتشرت بعدها خرافات أن الرائد الفلاني أسلم بعد أن سمع الآذان في القمر، وأن ناسا اثبتت انشقاق القمر وأن الرواد حملوا معهم سورة الفاتحة وغيرها. _____ الله يستر ما يجونا جوكية الدين يكلمونا عن الأطباق

Quote: الليدار ده يا ولدنا واحد من مشاريعنا الشغالين عليها الآن

ولدكم جاااااهز

غايتو لو "مشروعكم" دا عن GIS ياكا الانطقيت مجدداً في 2016 دي. _____ وللمرة التالتة على التوالي، هاتريك

Quote: ما متذكر جمعية سورية مسحت بي الواطا، لكن متذكر موقع مترجم بدون تدخل مني

الشينة منكورة المرة الفاتت لمن سألتك من (علي ماهر) شايفك عملت رايح .. عموماً فعلاً مسألة صعبة لمن أذكرك بي تاريخك المهبب ده ، أما قصة الموقع انت ترجمتو (بدون تدخل منك) دي ما فهمتها ، المتأكد منو الترجمة ترجمتك والموقع حقك kalmasoft.com ، أما لو قصدك المحتوى ما مسئوليتك طيب كنت حايم بيهو في المنتديات ليه وبتحاول تقنع الناس إنو دي (حقائق)؟

Quote: أيوة، عايز أوجه الليزر للقمر وأحسب المسافه ليهو، وإيه يمنع استخدام الليدر في قياس المسافة من القمر بدون عواكس ذاتو؟

ههههههه ، للمرة التانية الراجل ده بيقول كلام زي الفل طيب نبسط ليك الفهم يمكن تقدر تستوعب أنا كنت بضحك ليه ..لما حضرتك تشيل بطارية عادية وتقيف مسافة 5 متر من الحيطة بتشوف الضوء مركز في بقعة محددة وقوي ، لو مشيت مسافة 10 متر حا تلاحظ إنو الضوء بقا أضعف وبقعة الضوء بقت أكبر .. نفس الكلام ده بيحصل في الليزر بس ما بالصورة الممكن تكون ملحوظة في مسافة قريبة ، ما تكون شايف النقطة الحمراء دي مشت مسافة بعيدة ومفتكر انو الليزر ده ممكن يمشي القمر ويجي راجع بالطريقة دي!بعدين يا باشمهندس ما سألت نفسك الـPower بتاع بطارية الطبلية ده كم؟ ولا القصة دي ما مهمة ؟؟الحياة ما بي بساطة (التحليل بالنظر) زي ما بتعمل انت لما تجيب صورة من النت وتقعد تنظر وكده.الليزر أثناء ذهابو للقمر بيضعف جداً بسبب الغلاف الجوي والحزمة الضوئية المحتوية الفوتونات بتبقا أعرض ..سطح القمر بيعكس فقط 7% من الضوء البيسقط عليهو ، خليك من كمية الضوء الخيالية الجاية من الشمس قصة إنك داير ترسل ليزر للقمر ويجيك راجع بدون عواكس صدقني حا تصنفك درويش عديل كده خاصة لو عايز تستخدم الليزر بتاع الطبالي :)في المداخلة الجاية إن شاء الله نشرح بالتفاصيل عسى إنك تصحا من الوهمة دي وتعيش واقعك وترجع تركز في مشاريعك الضخمة زي مشروع السوفتوير بتاع الكافتيريا العملت ليهو بوست داك ..يتبع ...

Quote: أيوة، عايز أوجه الليزر للقمر وأحسب المسافه ليهو

أولاً .. سؤال جادي والله من أنت ؟؟
قصدي هل انت بي عبارة (عايز أوجه ليزر للقمر) بتقصد بطارية الليزر بتاعة الطبالي أبو مللي وات ده؟ كان قصدك كده عفيتك لوجه الله لأنو الدروشة زاتها كتيره فيك
ولو قصدك إنك تابع لي جهة عندها جهاز ليزر وتلسكوب بالحجم بتاع ناس أبوللو تعال ورينا الجهة دي منو وامكانياتها شنو عشان ما تبقى الشغلة ونسة شباب بيحلقو تحت ضل نيمة في الحلة!
يا (ولدنا) ، جهاز الليزر بتاع ناس أبوللو ده بيرسل في كلة نبضة 100 كوادريليون فوتون ، بالأرقام كده :
100,000,000,000,000,000 فوتون
في كل ثانية في 20 نبضة ، في ال20 نبضة دي بتكون الأمور زابطة لو تم إستقبال ما بين 1 لي 10 فوتونات من الرقم الخرافي المكتوب فوق ده.
النبضة دي يا باشمهندس بعرض 3 أمتار ونص .. الـ3 أمتار ونص دي بتبقا 2 كيلومتر لمن الليزر يوصل سطح القمر ، لأنو الغلاف الجوي بيتسبب في إتساع حزمة الليزر.
صحيح إتساع حزمة الليزر ما زي الضوء الطالع من بطارية عادية لكن مثبت علمياً إنو الليزر بيتعرض لإتساع الحزمة خاصة لمن يمر في الغلاف الجوي ، في الفراغ الموضوع مختلف.
حزمة الليزر دي بيحصل ليها إتساع وتوهين في الغلاف الجوي نتيجة إصطدام الفوتونات بالغازات والغبار الجوي عشان كده انت ممكن تشوف حزمة الليزر ، القصة ما محتاجة حيطة يا باشمهندس يا كبير.
من ملايين الفوتونات البتوصل القمر دي ما بين 1 لي عشرة ممكن تصطدم بالعاكس الموجود على سطح القمر.
العواكس مصنوعة بطريقة هندسية تسمح للضوء بالإرتداد للمصدار بغض النظر عن الزاوية ، يعني القصة ما زي المرايا البتجي تقيف قدامها لمن تجي تحلق شنبك :)
الليزر عشان يوصل القمر ويرجع عايز قريب ثانيتين ونص .. ما تفتكر القمر ده قريب شديد ، شوف سرعة الضوء كم عشان تفهم إنو القصة ما بالبساطة دي.
الفوتونات البسيطة الراجعة دي بتصطدم بي مرايا عرضها 3 أمتار ونص حتى بعد ده أجهزة الكمبيوتر بتحسب وتوريك في الشاشة إنو العملية تمت بنجاح ..
مدفع الليزر بتاع ناس أبوللو ده لمن يوجهوهو لي سطح القمر في المناطق الخالية من العواكس ما قاعد يكون في أي ريسبونس .. فاشنو ارحم نفسك من البتعمل فيهو ده

إحدى التجارب التي يتم إجراؤها دورياً ..


العاكس الذي تم وضعه على سطح القمر في رحلة أبوللو 15 ..


ده فيديو مختصر عشان قلت ما عندك زمن ..

شكراً يا رحمه على الفيديو .. واسمح لي أجيب الجزء الثاني وفيهو شهادة ثاني أشهر رائد فضاء روسي بعد قاقارين ، بخصوص هبوط الأمريكان على سطح القمر ..
أليكسي ليونوف ، أول رائد فضاء في التاريخ يخرج من الكبسولة الفضائية في الرحلة Voskhod 2 عام 1965
الفيديو باللغة العربية ..

Quote: لكن صحي ليه الكاميرا دي جابت الحجار وما جابت الروفر؟ الليزر ما بينعكس من الحديد ولا رافضين يلوشوها؟

هههههه قلت لي الـTerrain Camera شغالة بتصور بالليزر .. قسماً بالله انت زول تحفة ، الله ما يحرمنا من إبداعاتك
دي خرائط ثلاثية الأبعاد معمولة بالـTerrain Camera بالتالي ممكن عادي الواحد يجيب الخارطة بي أي زاوية وياخد اللقطة العايزها ، يعني الصورة الشايفها إنت دي ما مصورة بالليدار ولا عندها علاقة بيهو
ده فيديو يمكن يقرب ليك الفهم .. عزبتنا ياخي

Quote: يميناً بالله مفروض أنا حاتم دا هسع يكون عندي أوضه بالإيجار في بحر السكينة، وانت دا كشك بتاع لعب أطفال ودرداقة هناك في محيط الزوابع، ديل في القمر، كان أصلو الحكاية كشامشا قدر دا.

بي نفس الفهم السطحي ده مفترض الآن أنا يكون عندي أوضه وبرنده في المحطة الفضائية الدولية ..
يا باشمهندس خليك من القمر العايز 3 يوم عشان الواحد يوصل ليهو .. المحطة الفضائية الدولية اللافة حول كوكب الارض السفر ليها (الآن) للسياح متاحة
فقط عليك أن تدفع عشرين مليون دولار أمريكي لا غير مع التدريب لمدة سنتين تكون فيهم متفرغ تماماً ..
عدد 7 سياح حتى الآن مشوا رحلات سياحية الى الفضاء ، أكتر زول دافع 40 مليون دولار وأقل زول دافع 20 مليون دولار ، قعدوا ما بين 8 يوم لي 15 يوم ..
لو ما مصدق خش الصفحة دي :
en.wikipedia.org/wiki/Space_tourism
بالمناسبة كلهم مشوا عن طريق الروس يعني حنك إتهام للأمريكان هنا ما بجيب حقو ..
يبقى يا باشمهندس منطقك ده سطحي جداً وما عندو علاقة بالواقع لأنو الواقع بيقول برامج الفضاء دي مكلفة فوق التصور .. دونك أن Saturn V بيستهلك 20 طن من الوقود في الثانية .. نعم في الثانية !!
أحسب الوقود ساي وشوف التكلفة كم .. مع العلم إنو الوقود يعتبر ذو تكلفة منخفضة مقارنة بالصاروخ نفسه والكبسولة والتشغيل فترة الذهاب الى العودة ..
يبقى الواحد لمن يتكلم يوزن الكلام ما يطربق ساي خاصة لو كان باشمهندس ومتعلم .. مع العلم إنو الموضوع ده لا محتاجة هندسة ولا يحزنون .. تربال مواكب للواقع حا يكون متفهم القصة دي

Quote: الشينة منكورة المرة الفاتت لمن سألتك من (علي ماهر) شايفك عملت رايح .. عموماً فعلاً مسألة صعبة لمن أذكرك بي تاريخك المهبب ده +++ يبقى الواحد لمن يتكلم يوزن الكلام ما يطربق ساي خاصة لو كان باشمهندس ومتعلم +++ دي خرائط ثلاثية الأبعاد معمولة بالـTerrain Camera بالتالي ممكن عادي الواحد يجيب الخارطة بي أي زاوية وياخد اللقطة العايزها +++ مدفع الليزر بتاع ناس أبوللو ده لمن يوجهوهو لي سطح القمر في المناطق الخالية من العواكس ما قاعد يكون في أي ريسبونس

أوووو، قاتل الجاذبية قشة ما تعتر ليك

كدي اشرح لينا هنا الحاصل شنو بخصوص الجمعية السورية عشان نشوف مسحان الواطا دا ذاتو كيفنو؟ +++ هي نان طريقة أكتر من إعدام الجاذبية يا مهندس عشماوي +++ بس السؤال: ليه الكاميرا دي اتجنبت موقع الروفر؟ بطل طربقة وأدينا إجابة +++ الكلام دا جبتو من راصك؟ ولا من طربقة المرة الشغالة في المرصد؟ كل المطلوب اكتشاف انعكاس عدد بسيط جداً من الفوتونات. يا باشا، انعكاس الضوء الأبيض من سطح القمر كافي عشان تقرأ بيهو جريدة في الواطة دي. ____ باقي كلامك حشو مكرر، أبقى الصموض

رجعنالك

فما ممكن يا محمد مختار تصور لي تضاريس القمر على إنها إثبات لوجود العربية الروفر، أي صورة حتتاخد لنفس الموقع بأي تقنية تصوير حينتج عنها نفس المشهد، فالمفارقة في الصورة بتاعة القمر الياباني سيليني إنها جابت التضاريس غير المختلف عليها أصلاً والكاميرا عملت نايمة من المطلوب إثباته، ودا بيعني واحد من اتنين: 1- مافي روفر أصلاً في البقعة المحددة وبالتالي مافي أي روفرات تانية وبالتالي مافي زول دق كراعو في تراب القمر. 2- تقنية التصوير متخلفة بحيث من الصعب إيراد التفاصيل بحجم الروفر نمرة اتنين الفوق دي ما صعب تفنيدها، قول لي ليه؟ في الصورة الفوق دي، كانوا حريصين على إظهار آثار المشي أكتر من أي حاجة تانية، بالله تقدر تعد الخطوات المتشابهة جداً لو كبرت الصورة ومظهرين حتى الضل بتاعة أثر القدم، يعني عمك أرمسترونغ لما عفص التراب رجلو غطست قول تلاتة سنتي، أها الحفرة الصغيرة الحيطان بتاعتها أمات تلاتة سنتي ديل عملن الضل الأسود الظاهر من فوق. دلوقتي تعال نشوف، الكاميرا الجابت أثر قدم طولها حوالي تلاتين سنتي بوضوح وبضلها ليه غلبها تجيب كراع المركبة "الصحن" المساحتها تقريباً 50×50 سنتمتر مربع؟ والمعمولة بالخشب والسولوتيب دي. المركبة (الباقي منها حسب ناسا) دي بحجم كشك، تقوم تجيب لينا درب الناس واضح وتخت لينا محل المركبة نقطة بيضاء؟ ____ انتو قايلننا جايين من وين

تلاحق الشكوك الولايات المتحدة في كل شيء، فهي متهمة بأنها خلّقت فيروس الإيدز وأوبئة أخرى، وأنها تقف وراء كل الشرور،
بل وحامت الشبهات حتى حول وصول روادها إلى سطح القمر.
ويمكن القول إن بعض منتقدي الولايات المتحدة يرتابون في كل ما يصدر عنها. وهم ربما لتراكمات تاريخية عميقة ومشروعة،
لا يثقون فيما أنجزت إلا في أنها كانت السباقة في استعمال القنابل النووية في هيروشيما ونجازاكي!
أما "نظرية المؤامرة" التي تقول إن واشنطن حاكت للعالم خدعة كبرى، وأنها زورت أدلتها بشأن وصولها إلى القمر،
بعد أن صورته على الأرض وفي منطقة بألاسكا كما تذهب إحدى الروايات أو في المنطقة 51 الشهيرة بنيفادا بحسب أخرى،
فقد انتشرت بمرور الزمن بشكل واسع.
إلا أن اللافت أن الشكوك في إمكانية وصول الأمريكيين إلى القمر ست مرات بين عامي 1969 – 1972 انطلقت شراراتها الأولى
من الولايات المتحدة ذاتها وبعد وقت قصير من أول رحلة لهذه السلسلة التي توقفت تماما منذ عام 1976.
بدأ ذلك بشكل واسع منذ عام 1970 بصدور كتاب لعالم الرياضيات الأمريكي جيمس كريني بعنوان "هل هبط الإنسان على القمر؟"،
ثم تكاملت تلك الشكوك الرافضة للروايات الرسمية عن الرحلات الفضائية الأمريكية المأهولة للقمر بكتاب آخر يحمل عنوان
"نحن لم نذهب بتاتا إلى القمر"، صدر عام 1976، وجنى صاحبه بيل كيسينغ من ورائه أموالا طائلة.
وعكف الكثيرون ومنهم بعض المختصين في تفحص ورصد صور ناسا الثابتة والمتحركة عن تلك الرحلات، ليخرجوا ببراهين تدحض
صدقية الولايات المتحدة، وتظهر ما يصفونه تفننها في التزييف وصناعة الكذب، لتحقق لنفسها انتصارا ساحقا في فترة السباق الفضائي
المحموم مع الاتحاد السوفييتي، فمن العلم الذي يرفرف على سطح لا ريح ولا نسائم فيه، وقفزات الرواد الواهنة على سطحه التي لا تتوافق
مع جاذبية القمر الأقل 6 مرات من مثيلتها على الأرض، وظهور ظلال في اتجاهات مختلفة، إلى غير ذلك من التفاصيل الصغيرة والكبيرة.
وتصل شكوك البعض إلى الدفع نهائيا بعدم إمكانية القيام برحلات مأهولة في ذلك الوقت لعدم كفاية التقنيات الضرورية، مرورا باستحالة
عبور رواد الفضاء بحزام الأشعة القاتلة حول القمر، وبتفاصيل علمية أخرى يصعب على غير الخبراء فهمها.
ويطالب بعض المتحمسين لنظرية المؤامرة الأمريكية القمرية بأن يتم توجيه المناظير الفلكية نحو أماكن هبوط الرحلات الأمريكية المأهولة
وخاصة الرحلة الأولى التي تنصب الشكوك عليها أكثر من غيرها لكشف المستور، إلا أن قوة هذه المناظير لا تسمح حتى الآن بتحقيق مثل هذا الهدف.
ولسوء حظ هؤلاء بالمقابل، ظهرت عام 2009 أدلة تؤكد وصول الأمريكيين إلى سطح القمر، إذ رصدت صور مستكشف القمر المداري
"LRO" آثارا للرحلات الأمريكية المأهولة، بل ولآثار الرواد وعربة استعملوها في التنقل على سطحه.
وأعلن براكاش تشوهان، وهو خبير بارز في وكالة الفضاء الهندية، أن مركبة "تشاندرايان- 1" تمكنت من استقبال صور تظهر آثار
رحلات أبولو الأمريكية المأهولة، وهو الأمر ذاته الذي أكده مسؤولون فضائيون صينيون عام 2012 استنادا إلى معلومات المسبار "تشاني – 2".
يؤكد عدد من علماء الفضاء والرواد الروس أن الروايات القائلة بأن الأمريكيين لفقوا رحلات أبولو المأهولة لا يعتد بها. وأشار
أحدهم وهو رائد الفضاء ألكسي ليونوف في ذات الوقت إلى أن بعض مشاهد الهبوط على القمر صُورت بالفعل في استوديوهات
بهدف ربطها بالأشرطة الأصلية لإعطاء صورة متكاملة لتلك الرحلات.
ويشارك رائد الفضاء الروسي غيورغي غريتشكو زميله في هذا الرأي، وهو يصف نظرية المؤامرة بأنها مثيرة للسخرية،
قائلا إن تلك الرحلات حصلت بالفعل، مضيفا: "نحن نعلم ذلك بشكل دقيق تماما".
ويمكن أن نقول إن الخبر اليقين بشأن هذه القضية المزمنة قد أتى به العالم السوفييتي الروسي قسطنطين فيوكتيستوف، وهو رائد فضاء
بارز ومصمم مركبات فضائية. جاء ذلك في كتابه "مسار الحياة بين الأمس والغد" من خلال العبارات التالية: "التقطت أجهزة استقبالنا
الإشارات من مدار القمر من المركبة أبولو 11، والمكالمات، ومشاهد الخروج إلى سطح القمر. ولعل تلفيق مثل هذه الخدع لا يقل صعوبة
من تنفيذ رحلة حقيقية، إذ كان يتوجب مسبقا إنزال معدات الإرسال التلفزيوني على سطح القمر، واختبار عملها من الأرض. وكان
يتعين في أيام الرحلة الافتراضية إيصال معدات بث لإشارات الراديو إلى القمر لمحاكاة عملية الاتصالات بين أبولو والأرض
على طول مسار الرحلة إلى القمر، وهذا معقد جدا ومضحك".
ربما لن يرضى البعض عن هذه النتيجة، وسيصر على الاحتفاظ بشكوكه وتغذيتها أكثر فأكثر بمزيد من المبررات والحجج، والأمريكيون
ذاتهم لا يمانعون في ذلك، فقد أعلنت وكالة فضائهم عام 2009 أن التسجيلات المصورة الأصلية للهبوط الأول على القمر، وتضم 45 فيلما قد ضاعت.
ومن المحتمل أن يكون الغموض مفيدا للمسؤولين الأمريكيين بشكل ما، ولعله يمدهم بإحساس أكبر بالراحة والرضى. ومن يدري قد تكون لديهم حكمة من تغذية مثل هذه الشكوك.

سيدي كيفك

أعتقد معظم الدفوعات في مداخلتك تم التطرق له منذ عام تقريباً. _____ المهم تعرف إنو أمريكا كذبت، ودا ما بيضر زول ولا حتى أمريكا ذاتا، إذا اعترفت ناسا.

Quote: أعتقد معظم الدفوعات في مداخلتك تم التطرق له منذ عام تقريباً.

« البركة فيك »

يا حاتم المراوغة والزوغان ما بحلوك ، هنا في أسئلة مباشرة لازم تجاوب عليها ، سألتك ليها كذا مرة وانت عامل فيها حميل ..

السؤال الأول :

Quote: إنت إدعيت إنو لونا ما فيها كاميرا وطلعت فيها كاميرات على أي أساس علمي بتنقض برنامج الفضاء الروسي وإنت لا تمتلك حتى (معلومة عامة)؟

السؤال الثاني .. بناء على المقتبس أدناه بخصوص الفيديو (المفبرك) الذي أحضرته أنت يا (باشمهندس) ، عايزين اجابة واضحة .. 1 ولا 2 ؟؟

Quote: أثبتنا ليك إنو الفيديو مفبرك والزول الفي الفيديو ده لا أرمسترونج ولا يحزنون ، يبقى حاجة من اتنين ، يا اما انت جبت الفيديو المفبرك ده هنا عمداً لتضليل الناس وغشهم وخداعهم دعماً لقناعاتك الشخصية -غير العلمية- (أو) انت زاتك كنت مغشوش واتضحك عليك بالفيديو ده يبقى يا باشمهندس الأمانة بتقتضي منك الإعتذار للأعضاء وزوار البوست إذا كنت عارف إنو الفيديو مفبرك واستخدمتو لتضليل الناس .. أو يبقى الخيار التاني إنك -وحتى تاريخ هذا البوست- ممكن عادي يغشوك بي فيديو بسيط مدتو كم ثانية كده في الحالة التانية دي بنعفيك من الإعتذار لكن ما بنعفيك من الإعتراف ..

إذا نمرة 1 لازم تعتذر للناس الحاولت تضللها دي .. وإذا نمرة 2 خليك شجاع واعترف ياخي ، صحيح الموضوع بيحرجك شديد لكن أسوي ليك شنو؟ عشان تاني ما تمشي تتشالق وتعلف من النت ساي ، نحنا هنا بالمرصاد لأي خطرفات وخزعبلات وفبركات .. لا مجال للمجاملة ، دي مسائل (علمية) زي ما بتقول حضرتك

Quote: اليابان، مجرد فكرة الهبوط على القمر بمركبة لاقت ممانعة من أمريكا

يا باشمهندس سألتك زي عشرين مرة الكلام ده جبتو من وين والمصدر بتاعو شنو وانت عامل رايح كلو كلو .. صعب السؤال ده ؟؟ معليش يا (ولدنا) قصة انك تجي تونس الناس بي كلام ما علمي وما عندو مصدر صحيح دي ما بنفوتها ليك ، ولو جبت المصدر أنا بعتذر ليك على جهلي بالنقطة دي واذا ما جبتو تعال اعترف بإنك شغال نجر أخدر وتونس في خلق الله بالحق والباطل عشان تثبت انك زول علمون وكده

Quote: أيوة، عايز أوجه الليزر للقمر وأحسب المسافه ليهو

هههههههه يلا تعال بعد ما شرحنا ليك انو خيالك واسع تعال اشرح لينا كيف عايز توجه ليزر للقمر وتحسب المسافة .. أكرر ليك تاني هل عايز توجه ليزر بتاع الطبلية داك ولا انت تابع لي جهة زي ناسا عندها الإمكانية دي .. وضحنا للناس هنا استحالة انو يقوموا افراد (زيك كده) بالعملية دي لأنها ببساطة عايزة إمكانيات مادية هائلة (ملايين الدولارات) وإمكانات علمية من جهات متخصصة زي (ناسا) وشرحنا انو الدروشة زاتا بسيطة في الزول العايز يرسل (ليزر الطبلية) للقمر ويقيس المسافة ، فاشنو شوف ليك أي خرمجة حاول تخم بيها الناس المتابعاك دي ، وبعد ما تجيب الوهمة بتاعتك بتلاقاني في وشك زي القدر

________
إن بقا للحول ما بنخليك .. غمض عيونك وابلع ريقك و جاوب ساي
عندي مشروع أسلمو يوم الخميس إن شاء الله وأجي للبوست ده بي رواقة للرد على بقية النقاط في المداخلات الأخيرة

نسيت اكتب السؤال الثالث والرابع .. الاقتباسات موجودة لأربعة أسئلة جاوب لينا عليها (بوضوح) وبدون (لف ودوران) ، ما تعتبرها سؤالين وتعمل رايح من الباقين

Quote: الفيلم الفوق دا شغل ستانلي كوبريك، الغرض منه التدريب، يعني أرمسترونغ تم تدريبه على كل صغيرة وكبيرة، وفي النهاية تم بث اللقطات على أنها حقيقية، القرار دا كان في العام 1967 بعد توصل ناسا لاستحالة تنفيذ المهمة.

أبو الدجل زاتو

Quote: الفون فيرنر براون (الفون لقب) دا أكبر دجال في تاريخ الهندسة

يا زول ما تملانا فقر ساي ، منتظرنك تجي تثبت لينا إنو د. فون براون زول دجال وما عندو علاقة بالهندسة وكان زول اتيحت ليهو فرصة انو يلهو بالألعاب النارية ساي على حد وصفك ..

للناس الما بعرفوا حاجة عن الراجل ده .. دي سيرتو المختصرة بالعربي :
فيرنر فون براون (بالألمانية: Wernher von Braun) (ولد في 23 مارس 1912 - توفي في 16 يونيو 1977)، هو فيزيائي صواريخ ومهندس طيران وفضاء ألماني.
كان براون من أول المساعدين على تطور التقنية الصاروخية في ألمانيا والولايات المتحدة.
قاد براون برنامج ألمانيا الصاروخي في-2 V 2 قبل وخلال الحرب العالمية الثانية حيث قتلت صواريخ هذا البرنامج 7000 شخص في بريطانيا عامي 1944 و1945. بعد الحرب العالمية الثانية لم يعاقب براون من قبل الحلفاء بل تم غض الطرف عن نشاطاته السابقة وأخذ إلى أمريكا.
مُنح َ الجنسية الأمريكية، وعمل ضمن برنامج ICBM الأمريكي قبل أنضمامه إلى وكالة ناسا للفضاء، حيث عُيّن مديرا ًلمركز تشريفات الطيران الجوي، والمهندس الرئيسي لمركبة استكشاف زحل الخامسة.
براون هو أكثر من دفع العمل الفضائي الأمريكي نحو وصول الولايات المتحدة إلى القمر. لذا يعتبر براون "أب" البرنامج الفضائي الأمريكي.

ده كلام بسيط عن فون براون بالإنجليزي :
Wernher Magnus Maximilian Freiherr von Braun (March 23, 1912 – June 16, 1977) was a German, later American, aerospace engineer[2] and space architect credited with inventing the V-2 rocket for Nazi Germany and the Saturn V for the United States.[3][4] He was one of the leading figures in the development of rocket technology in Nazi Germany, where he was a member of the Nazi Party and the SS. Following World War II, he was moved to the United States, along with about 1,500 other scientists, technicians, and engineers, as part of Operation Paperclip, where he developed the rockets that launched the United States' first space satellite Explorer 1, and the Apollo program manned lunar landings.

التفاصيل في الويكيبيديا : en.wikipedia.org/wiki/Wernher_von_Braun

هنالك عشرات الأفلام الوثائقية عن فون براون .. من أراد المشاهدة فليبحث في يوتيوب عن Wernher von Braun .. ده فيديو مختصر :



تخيلوا الراجل البيتكلم في الفيديو ده -من الدقيقة الثانية- (الباشمهندز حاتم) طلعو قاعد ساي و زول دجال وبتاع العاب نارية وما ناقش حاجة

محمد مختار كل عام وأنتم بخير

أتمنى أن تتحقق كل أمانيك ويعود عليك بالخير والنماء. طيب، أنا متابع بوست الشريف عرفات دا، وشايف المداخلات بتاعتك، بس أمنحني فرصة لأني عندي هيعة موسيقية والصيد ثمين، انت دا أصبر لأنك مضمون. _____ بالمناسبة، دي أول مرة أجامل وأعيد على عضو هنا، دا معناها معزتك خاصة.

Quote: يا حاتم المراوغة والزوغان ما بحلوك ، هنا في أسئلة مباشرة لازم تجاوب عليها ، سألتك ليها كذا مرة وانت عامل فيها حميل ..

يا محمد مختار أنا ما بتاع مراوغة

وإذا أنا غلطت فأنا أول زول يبادر بالاعتراف والاعتذار وانت واحد من ضمن الناس الأنا وجهت ليك اعتراف مباشر، فالمسألة عندي فيها شرف الاعتراف أفضل من ذل الكسب الرخيص، شوف هنا: في الفوق دي انت صاح، العجيبة! Re: خبايا مشروع أبولو وخدعة الوصول للقمر - الجRe: خبايا مشروع أبولو وخدعة الوصول للقمر - الج عمومن، أنا عايز اعتذر هنا عن "الحركة" الطفشتكم بيها دي. (بوست الدليب) http://sudaneseonline.com/msg/board/490/msg/1449678787/rn/378.html لكن انت هنا صاح، وأنا غلط Re: تكاتيكRe: تكاتيك دي طريقتي في الاعتذار، واضحة وبدون مواربة، وحاجة أنا ما بعرفها ما بتكلم فيها من أساسو. _____ أسلوبي يمكن ما يعجبك بس ياهو أسلوبي

Quote: يا محمد مختار أنا ما بتاع مراوغة وإذا أنا غلطت فأنا أول زول يبادر بالاعتراف والاعتذار

كضاب وأكبر كضاب .. والله بقيت ملطشة كل مرة تتعاور وتعمل إنك عالم زمانك ويقوم الجماعة يدوك شلوت على مؤخرتك في أي بوست تدخله ( من الدليب لبوست الأحباش لبوست القمر .... الخ) ولمن تتعصر تتحجج بأنك مشغول وعندك بزنس .. هههههه بزنس بتاع فنيلتك .. أمرق مرق جلدك تعال جاوب على الأسئلة الفوق دي ..يا صاحب البوست الزول الجهلول الإسمو حاتم إتعصر لمن كب الزيت وعيونو طلعت برة وبقت زي عيون الضفدع .. دحين ما تخليهو من حقك تسأله وتتحقق من مصادره طالما تداخل وأورد معلومات للجميع هنا في البوست .. ولزاما عليه أن يجيب .
الزوغة العملتها في بوست الدليب بتاع الأستاذ الموصلي ما بتحلك هنا ..
كسرة : شايف أعداءك كترو يا شوبيرمان (حاتم) والكل بيملطش فيك .. هل الناس دي كلها غلط وانت الصاح .. لابد لك من جلسة محاسبة لنفسك ..
كرهتنا المنبر ده ياأأأأخ .. مرض الله يمرضك ...
خش وبلاش تتلايق وتتعاور كعادتك وأنس مداخلتي دي وجاوب على الأسئلة ..
يا ود مختار أصله ما تخليهو يا يجاوب ويثبت الدراب بتاعه ده أو يتراجع عنه ويعتذر ...
أظن الجهلول ده قايل المنبر ده عمود النور البجتمع فيهو بالليل مع أولاد حلتهم ...
تاني تجي المولد ..

فوووووق هام السحب

Quote: كضاب وأكبر كضاب +++ أمرق مرق جلدك تعال جاوب على الأسئلة الفوق دي +++ الزوغة العملتها في بوست الدليب بتاع الأستاذ الموصلي ما بتحلك هنا +++ كسرة : شايف أعداءك كترو يا شوبيرمان (حاتم) والكل بيملطش فيك .. هل الناس دي كلها غلط وانت الصاح .. لابد لك من جلسة محاسبة لنفسك .. كرهتنا المنبر ده ياأأأأخ .. مرض الله يمرضك ...

كضاب شنو ، أنا جايب أمثلة، ما بتشوف؟

بالحيل، بجاوب على كل الأسئلة. +++ والله ما زغت أنا قاااعد في بوست الدليب لكن أهلو الظاهر غيروا المهنة، وقلبوهو تم تم، بعدين يوسف ذاتو اتضح إنو بيلجق ساكت، يعني انت مصدق إنو الدليب جاء من أثينا؟ أو دخل مع الإسلام، أو إنو حاتم ما بيعرف موسيقى بعدين الزوغة المخجلة انت ما شفتها في بوست (حسم حاتم)، عليك أمان الله أنا رجعتوا مرتين جرى قال الروب وحذفوا، أظنك كنت في نصهم الزوغة البعرفها أنا زي الزوغة المخجلة بتاعتك دي http://sudaneseonline.com/board/490/msg/1458649943.html Quote: رأيكم شنو ؟؟ سؤالي ده في محلو ولا خارج التغطية كسرة :لماذا يصورنا الغرب أننا ارهابيون ؟؟ طلبت راينا وسألناك: والله رأينا بنوريك ليهو بعد ما نعرفك انت لابس غترة وعقال ولا جبة وسروال؟ هسع الصورك إرهابي منو يا سوداني؟ بتداعى بالسهر والحمي وتقع بقدومك قبال ما يشتكي العضو ذاتو يا الشغيل +++ والله إذا بتعتبر الشتيمة وقلة الأدب "ملطشة" فأنا افتخر بأنو أعدائي لم يبق لهم سوى ذلك، بعد تجريدهم من كل دعواهم الفارغة، بما في ذلك التشبث بالإرهاب إن كان فيه شيء من غترة وعقال غض الطرف عن ما يجره من وبال. طبيعي تكره المنبر، هو أنت نفسك كرهتها. محمد مختار دا ما تتكل عليهو، بنجيب العدة هسع وحيقول (مشغول)، لكن أنا فااااضي. ____ يا إرهابي، تبع الكفيل

Quote: : كضاب وأكبر كضاب +++ أمرق مرق جلدك تعال جاوب على الأسئلة الفوق دي +++ الزوغة العملتها في بوست الدليب بتاع الأستاذ الموصلي ما بتحلك هنا +++ كسرة : شايف أعداءك كترو يا شوبيرمان (حاتم) والكل بيملطش فيك .. هل الناس دي كلها غلط وانت الصاح .. لابد لك من جلسة محاسبة لنفسك .. كرهتنا المنبر ده ياأأأأخ .. مرض الله يمرضك ... كضاب شنو ، أنا جايب أمثلة، ما بتشوف؟ بالحيل، بجاوب على كل الأسئلة. +++ والله ما زغت أنا قاااعد في بوست الدليب لكن أهلو الظاهر غيروا المهنة، وقلبوهو تم تم، بعدين يوسف ذاتو اتضح إنو بيلجق ساكت، يعني انت مصدق إنو الدليب جاء من أثينا؟ أو دخل مع الإسلام، أو إنو حاتم ما بيعرف موسيقى بعدين الزوغة المخجلة انت ما شفتها في بوست (حسم حاتم)، عليك أمان الله أنا رجعتوا مرتين جرى قال الروب وحذفوا، أظنك كنت في نصهم الزوغة البعرفها أنا زي الزوغة المخجلة بتاعتك دي http://sudaneseonline.com/board/490/msg/1458649943.html Quote: رأيكم شنو ؟؟ سؤالي ده في محلو ولا خارج التغطية كسرة :لماذا يصورنا الغرب أننا ارهابيون ؟؟ طلبت راينا وسألناك: والله رأينا بنوريك ليهو بعد ما نعرفك انت لابس غترة وعقال ولا جبة وسروال؟ هسع الصورك إرهابي منو يا سوداني؟ بتداعى بالسهر والحمي وتقع بقدومك قبال ما يشتكي العضو ذاتو يا الشغيل +++ والله إذا بتعتبر الشتيمة وقلة الأدب "ملطشة" فأنا افتخر بأنو أعدائي لم يبق لهم سوى ذلك، بعد تجريدهم من كل دعواهم الفارغة، بما في ذلك التشبث بالإرهاب إن كان فيه شيء من غترة وعقال غض الطرف عن ما يجره من وبال. طبيعي تكره المنبر، هو أنت نفسك كرهتها. محمد مختار دا ما تتكل عليهو، بنجيب العدة هسع وحيقول (مشغول)، لكن أنا فااااضي. ____ يا إرهابي، تبع الكفيل

Ignore and pay no attention
لا تحرف مسار البوست وجاوب على الأسئلة وده كله ما بيحلك ...
تاني بتجي المولد ههههههه

Quote: لا تحرف مسار البوست وجاوب على الأسئلة وده كله ما بيحلك ...

يا لبؤسك وتناقضك ياخ

لما جيت بتكتب عن الموسيقى في بوست تجارة البشر في زول قال ليك ما تحرف مسار البوست؟ Re: الأحباش يمارسون تجارة البشر بالخرطومRe: الأحباش يمارسون تجارة البشر بالخرطوم Re: الأحباش يمارسون تجارة البشر بالخرطومRe: الأحباش يمارسون تجارة البشر بالخرطوم بعدين عملية يوسف دي خوف ساكت من الحرج، الراجل قبال ما نسألو بيتراجف ويهدد بالحذف ____ الواحد حقو يعمل لنفسو شخسية

Quote: دي خليها مش إنت قلت ناس ناسا ما عندهم أداة للحفر غير الكوريق والطورية؟ أثبتنا ليك إنو عندهم دريل ، ما ليك سنين بتشوف في صور ناسا لكن في النهاية فاتت عليك المعلومة دي! +++ طيب دي خليها ما إنت جبت صورة وقلت صورها القمر الصناعي الياباني ولو كانوا لوشو الكاميرا شوية كان ظهر مكان الروفر وأثبتنا ليك إنو دي ما صورة +++ تجارب البلي دي أنا ناقشتك بيها زمان (بدون بلي) لمن قلت ليك مفهومك للجاذبية غلط +++ طيب نبسط ليك الفهم يمكن تقدر تستوعب أنا كنت بضحك ليه ..لما حضرتك تشيل بطارية عادية وتقيف مسافة 5 متر من الحيطة بتشوف الضوء مركز في بقعة محددة وقوي ، لو مشيت مسافة 10 متر حا تلاحظ إنو الضوء بقا أضعف وبقعة الضوء بقت أكبر .. نفس الكلام ده بيحصل في الليزر بس ما بالصورة الممكن تكون ملحوظة في مسافة قريبة ، ما تكون شايف النقطة الحمراء دي مشت مسافة بعيدة ومفتكر انو الليزر ده ممكن يمشي القمر ويجي راجع بالطريقة دي! بعدين يا باشمهندس ما سألت نفسك الـPower بتاع بطارية الطبلية ده كم؟ +++ خليك من كمية الضوء الخيالية الجاية من الشمس قصة إنك داير ترسل ليزر للقمر ويجيك راجع بدون عواكس صدقني حا تصنفك درويش عديل كده +++ قصدي هل انت بي عبارة (عايز أوجه ليزر للقمر) بتقصد بطارية الليزر بتاعة الطبالي أبو مللي وات ده؟ كان قصدك كده عفيتك لوجه الله لأنو الدروشة زاتها كتيره فيك +++ هههههه قلت لي الـTerrain Camera شغالة بتصور بالليزر .. قسماً بالله انت زول تحفة ، الله ما يحرمنا من إبداعاتك دي خرائط ثلاثية الأبعاد معمولة بالـTerrain Camera بالتالي ممكن عادي الواحد يجيب الخارطة بي أي زاوية وياخد اللقطة العايزها ، يعني الصورة الشايفها إنت دي ما مصورة بالليدار ولا عندها علاقة بيهو +++ دونك أن Saturn V بيستهلك 20 طن من الوقود في الثانية .. نعم في الثانية !! أحسب الوقود ساي وشوف التكلفة كم .. مع العلم إنو الوقود يعتبر ذو تكلفة منخفضة مقارنة بالصاروخ نفسه والكبسولة والتشغيل فترة الذهاب الى العودة .. يبقى الواحد لمن يتكلم يوزن الكلام ما يطربق ساي خاصة لو كان باشمهندس ومتعلم +++ إنت إدعيت إنو لونا ما فيها كاميرا وطلعت فيها كاميرات على أي أساس علمي بتنقض برنامج الفضاء الروسي وإنت لا تمتلك حتى (معلومة عامة)؟ +++ السؤال الثاني .. بناء على المقتبس أدناه بخصوص الفيديو (المفبرك) الذي أحضرته أنت يا (باشمهندس) ، عايزين اجابة واضحة .. 1 ولا 2 ؟؟ إذا نمرة 1 لازم تعتذر للناس الحاولت تضللها دي .. وإذا نمرة 2 خليك شجاع واعترف ياخي ، +++ صحيح الموضوع بيحرجك شديد لكن أسوي ليك شنو؟ عشان تاني ما تمشي تتشالق وتعلف من النت ساي ، نحنا هنا بالمرصاد لأي خطرفات وخزعبلات وفبركات .. لا مجال للمجاملة ، دي مسائل (علمية) زي ما بتقول حضرتك +++ يا باشمهندس سألتك زي عشرين مرة الكلام ده جبتو من وين والمصدر بتاعو شنو وانت عامل رايح كلو كلو .. صعب السؤال ده ؟؟ معليش يا (ولدنا) قصة انك تجي تونس الناس بي كلام ما علمي وما عندو مصدر صحيح دي ما بنفوتها ليك ، ولو جبت المصدر أنا بعتذر ليك على جهلي بالنقطة دي واذا ما جبتو تعال اعترف بإنك شغال نجر أخدر وتونس في خلق الله بالحق والباطل عشان تثبت انك زول علمون وكده +++ وإمكانات علمية من جهات متخصصة زي (ناسا) وشرحنا انو الدروشة زاتا بسيطة في الزول العايز يرسل (ليزر الطبلية) للقمر ويقيس المسافة ، فاشنو شوف ليك أي خرمجة حاول تخم بيها الناس المتابعاك دي ، وبعد ما تجيب الوهمة بتاعتك بتلاقاني في وشك زي القدر +++ يا زول ما تملانا فقر ساي ، منتظرنك تجي تثبت لينا إنو د. فون براون زول دجال وما عندو علاقة بالهندسة وكان زول اتيحت ليهو فرصة انو يلهو بالألعاب النارية ساي على حد وصفك ..

انت بقيت مزعج يا محمد مختار رغم رأفتي بيك في الفترة الأخيرة

بقيت تجتر القديم، وأنا ما عايز أرجع لأيام المنولوجات يا محمد مختار، ولا انت عايزها تاني؟ ناسا عندها أي حاجة ممكن تبهر بيها ضعاف العقول، ممكن ببساطة تعمل مركبة قمرية وممكن تعمل روفر وممكن تصور ليك الدريل أثناء التدريبات وممكن تصور ليك مضرب الغولف وفي النهاية تعرض ليك فيلم عشان تصدق إنو دا كلو في القمر، يلا الفرق بين الناس بيجي في مين بشغل مخو. ممكن انت بكل بساطة تمشي تعمل بحث عن نوع المعدن بتاع مضرب الغولف وتجي تهلل هنا وتقول (المعلومة دي فاتت عليك) ممكن جداً، فأنا تركيزي على المبدأ نفسه وعلى نفي الحدث من أساسة مش المعارك الطرفية في التفاصيل يا محمد مختار. +++ ولسة عند موقفي، ليه الكاميرا ما جابت الروفر، وهي صورة سواء كانت فوتوغرافية أو بالليزر أو حرارية، أهو دا البيسموهو غلاط، انت عايزني أسميها شنو مثلاً، خريطة رقمية؟ +++ والله ما عارف أقول ليك شنو، لكن الشيء المتأكد منو إنك لغاية نهاية سنة 2014 كنت فاهم إنو للجاذبية حدود معينة فوق الغلاف الجوي للأرض وبعدها (بتنعدم) وبناء على (الفهم) دا انت كنت مصدق كل ترهات مشروع أبولو، مش دي الحقيقة؟ أنا ما عايز أجيب الجداول وأحاصرك وأقول ليك اعتذر قدام الناس، سبق وأثبت ليك فوق إني إذا اخطأت ما بحتاج لشخص يقول لي اعتذر. Re: خبايا مشروع أبولو وخدعة الوصول للقمرRe: خبايا مشروع أبولو وخدعة الوصول للقمر +++ انت ما ملاحظ يا محمد مختار إنك بتتمسك حرفياً بكلماتي وبتحملها أكتر من الشيء المفهوم بالضرورة؟ دلوقتي انت بتنطلق من كلامك بأنو حاتم فاهم الليزر المقصود هو بتاع الطبلية أبو خمسة جنيه مش كدة؟ لو دا فرضك أكد لي عشان أجيك راجع، وناسا بتعرف دراويشها. +++ أعتقد أني ذكرت جملة (ليزر قوي) وممكن جداً يرجع ليك جزء منو كافي للقياس، أما ناسا بتنفي الكلام دا فطبيعي لمجرد إنها بتدعي وجود عواكس هناك، جملتك (الدروشة زاتها كتيره فيك) شينة واعتقد ما مناسبة بس عشان ما نرجع للأسلوب الصادم بتاعي البتعرفو داك، عندك رغبة نرجع ليهو؟ +++ طيب، دلوقتي انت بتاخد الاسم (Terrain Camera) وبكل بساطة بتجادل في إنو التصوير بيها ما صورة، طيب ياخي انت فهمت إنها مجرد كاميرا ما بتشتغل بالليدار حسب وصفهم هنا https://en.wikipedia.org/wiki/SELENE وما موضحين طبيعة عمل الكاميرا وتقنيتها. بس أنا من الصورة وشكلها فهمت إنها بتشتغل بالليدار بناء على إنو الكاميرات البتصور التضاريس عادة بتكون بالليدار، لأنو المطلوب بيانات في الأبعاد التلاتة يمكن إعادة بنائها بالمحاكاة (simulation)، الكلام دا مبين هنا وكلها أوراق علمية وبحوث: http://diydrones.com/forum/topics/lidar-for-terrain-mapping http://www.isprs.org/proceedings/xxxvi/8-w2/hug.pdf http://proceedings.spiedigitallibrary.org/proceeding.aspx؟articleid=778349 http://link.springer.com/chapter/10.1007/978-3-642-32217-4_3 فما عارف الجوطة بتاعتك دي في شنو؟ +++ اعتقد الكلام الكتير والتفاصيل دي أنا عرضتها في أول صفحة من بوست أبولو الجزء الأول، فما عارف انت بتعيدها علي هنا لأي غرض؟ ممكن أعرف سبب الإعادة شنو؟ +++ فعلاً كتبت كلام ساخر وبأنو لونا مافيها كاميرا، بس شعبطتك في كلامي هنا ما بتختلف عنها في ليزر الطبلية، هل بتفترض إنو حاتم فهم إرسال مركبة لكوكب بدون ممكنة بدون كاميرات؟ إذا كنت بجادل لفترة يومين عن كاميرات أبولو هنا Re: خبايا مشروع أبولو وخدعة الوصول للقمرRe: خبايا مشروع أبولو وخدعة الوصول للقمر فياخي، حاول تشوف الحقائق وتفصلها عن المسخرة، لو الموضوع انتصارات اعتقد إني حققت عليك مافيه الكفاية بلا فخر وفي مسائل غاية في البساطة هنا على الأرض، تحب نرفع بوست الدرون أبو بنادق وبوست الربوت الفطير؟ ولا مافي داعي يا محمد مختار؟ +++ الفيديو فعلاً يتبع لفيلم حديث وفعلاً أنا أوردته ومعاهو الاقتباس دا Quote: الفيديو الفوق دا احتمال يكون في استوديو لكن أغلب الظن في مركز لانغلي، الحاجة الوقعت دي حامل بتاع كشافات (projector truss)، ومسموع صوت المخرج بيقول نعيد اللقطة تاني. أنا ما جبت الفيديو للإثبات +++ الفيلم الفوق دا شغل ستانلي كوبريك، لاحظ أنا قلت (احتمال) وجا صححني أبوريش هنا Re: كل مشاهد هبوط أول إنسان على سطح القمر مزورRe: كل مشاهد هبوط أول إنسان على سطح القمر مزور وأيدو عوض الشيخ هنا Re: كل مشاهد هبوط أول إنسان على سطح القمر مزورRe: كل مشاهد هبوط أول إنسان على سطح القمر مزور وقلت دا شغل ستانلي كوبريك، ودي الحقيقة، كل الخطوات والأعمال البتدعيها ناسا فوق القمر تم التدريب عليها وعمل فيديوهات لغرض التدريب فإذا تم نشر فيديوهات موثقة للفترة ديك فهي نقد مباشر لناسا غض النظر إن جاءت في أعمال حديثة أو كانت تسريبات، وبعدها بكل بساطة ذكرت الجملة دي: Quote: االمضحك (funny) يا أبوريش هو الملابسات في الفيديو، أخطاء الاستعجال، كل أعمال ناسا فيما يتعلق بمشروع أبولو مضحكة في الواقع ابتداء من هذا الفيديو وحتى فيديو لعب الغولف على سطح القمر، أرجو إنك ما تكون فهمت التعليق عكس ذلك. فما عارف ليه انت مصر تحسبو انتصار لنفسك وتجي تخاطبني بالطريقة الانفعالية دي؟ لو عايز أسلوب الحملات دا أنا عندي استعداد خلال نص ساعة من المداخلة دي أنزل ليك بوستين عن درون البنادق والروبوت الفطير، مستعد لكدا انت ولا ما داير؟ وحتى كلامي عند عدم وجود كاميرات كان موجه لأبوريش بأسلوب ساخر، لكن شكلك متربص بأي كلمة جادة أو هزلية عشان تعمل منها قصة، حقو تفرق بين الجدية والكلام العلمي وعباراتي الساخرة عشان ما تتعب نفسك. وبالمناسبة، هوليود بتسخر من ناسا في أكتر من فيديو، ومن الطبيعي جداً يعيدوا المهزلة بشكل نقدي فني دلالة على عدم تصديقهم، هوليوود هي صوت أمريكا الحقيقي، انت عايز تصدق دا شأن الدراويش. +++ والله لا حرج لا حاجة بدليل الرد المطول دا، لكن أنا بعرف الحرج البيخليك تمسح بوست كامل موجه لي شخصياً، هل نعيد ذكرى الروبوت الفطير وباقي الفبركات والخزعبلات؟ ولا مافي داعي؟ لاحظ يا محمد مختار اسئلتي المنتهية بجملة (ولا مافي داعي) بتتطلب ردك عليها. +++ لا أبداً، دي المرة الرابعة، نسيت والله، إن شاء الله أفتش الموضوع وأجيبو ليك، اليابان مستعمرة أمريكية وعليك تفكر ابتداء من الزاوية دي. مرة تانية يستحسن تبعد من الإساءة الشخصية، فأنا أقدر عليها جداً ولا ما كدة. +++ تقدم شرح سوء فهم (ليزر الطبلية) +++ فعلاً أنا قلت إن فون براون دجال، لكن هل في زول طلب منك تجيب سيرتو الذاتية عشان تثبت إنو ما دجال؟ هل سألتني أنا أطلقت عليهو دجال لأي سبب؟ طيب، أولاً يا محمد مختار الصواريخ زي ما أنا أوضحت ما علم جديد أو اكتشفها فون براون، دي معروفة من أيام الحضارة الصينية كألعاب نارية، وكل العملو فون براون هو تصميم واحد كبير يعني عمل (scaling) وحل المشاكل الفرعية المتعلقة بعملية التصميم الواسع دا إيروداينمكس وحرارة واتزان وغيرها، يعني بدل اللعب هو قرر إن يعتبر الصاروخ حامل لشحنة متفجرات، ببساطة (delivery system). انت اطلع وثقف نفسك في الجانب دا قبل ما تنبهر بالأسماء وتجي تشحن المكان بسلسلة تعريفات كان الأجدي تضع الرابط بتاعها فقط. https://en.wikipedia.org/wiki/Fireworks وتعال بعدها اسألني، أنا أطلقت صفة دجال على فون براون ليه. ____ معليش، أنا اتأخرت في الرد عليك لأني ما شايف أي جديد في كلامك.

سلامات يا ناس ابولو
قالوا ناسا فكت كل السورس كودس بتاعت ابولو و انو المبرمجين مدينها اهتمام كبير
في زول منكم شافها يجي يشرح لينا القصة ؟
http://www.ibiblio.org/apollo/links.htmlhttp://www.ibiblio.org/apollo/links.html

هسي دي إجاباتك على أسئلتي يا باشمهندس يا متعلم ؟؟
أنا بديك فرصة أخيرة لي بكرة إن شاء الله تصلح مداخلتك الأخيرة وتجاوب على أسئلتي بوضوح وإلا فعينيك ما تشوف إلا النور ..





______________
أعصابك يا مان ما يطق فيك عرق

Quote: أيوة، عايز أوجه الليزر للقمر وأحسب المسافه ليهو

من أنتم؟

Quote: هسي دي إجاباتك على أسئلتي يا باشمهندس يا متعلم ؟؟ أنا بديك فرصة أخيرة لي بكرة إن شاء الله تصلح مداخلتك الأخيرة وتجاوب على أسئلتي بوضوح وإلا فعينيك ما تشوف إلا النور .. +++ أعصابك يا مان ما يطق فيك عرق

مالا إجاباتي! أشكلها ليك؟ خوفتني لكن، بس لغاية بكرة ليه؟

عندك قراية ولا تحضيرات؟ +++ ههههه، دا كلام زماااان داك، أيام الطق بالكوم هوي ها، والله أقبل عليك هسع تقول أنا "مشغول شديد" وعندي مشروع. هات ما عندك خلينا ندوسك أصلو الحسنة في المشغول زي المدرسة للجهلول. ______ بعدين أنا ما متعلم ياخ، مطلع ساااااكت .