الموصلي صديق وأستاذ لي أيضا.من أعذب النقاشات الجانبية ،كانت نقاشاتي مع الموصلي حول الموسيقى، وأغلبها تمت في سيارته.من "أدسم" الكبسولات الموسيقية التي قالها لي، كانت حين سألته:لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟فأجاب في هدوء: "أصواتهم جبلية، وأصواتنا صحراوية".في أمسيتنا المشتركة في دار الحزب الشيوعي السوداني، تطرّق أستاذنا الموصلي إلى أن ،إيقاع "الدليب " مشترك بين السودان،واليونان.وحكى قصة حدثت له أثناء دراسته للماجستير في الموسيقى في أمريكا عن ذلك، وحلو الكلام من خشم سيدو، فالموصلي مونِّس بارع، يوصّل ليك المعلومة على "قدر شوقك" للعلم والمعرفة.هل المثال أدناه ، يمكن أن يكون مثالا جيدا للدليب الأغريقي؟؟؟الميكرفون الآن، لصديقنا وأستاذنا الموصلي.
Quote: إيقاع الدليب أصله غرب أفريقيا من مناطق الكاميرون السينيغال وبوركينا فاسو، وهو إيقاع طحن الأرز (دق الرز) عند قبائل الفولاني ويستخدم مع آلة الطمبور (Tambour) والغيتا (Ghaita) نسميها كيتا، لاحظ أن الدليب والطمبور يترافقان أيضاً في شمال السودان.
رسالة الى زميل البورد حاتمدعني أقر بانك انسان تتميز بالاجتهاد والمعرفةلكن الموضوع الفوق القلتو ده ما صاح وما بتلقاهوأنا فتشت واسامه فتش ومنير فتش والصادق فتش عشان نساعدك لكن فشلناووالله لو شيييخنا قوقل ده بتكلم لادانا نهرةمن كتر قليبوف عليك الله انسى الموضوع بتاع الفولاني وما اليه وواصل الحوارتقبل تحياتي
Post: #6 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 11-30-2015, 08:49 AM Parent: #1
Quote: هل المثال أدناه ، يمكن أن يكون مثالا جيدا للدليب الأغريقي؟؟؟
إن سمحت لي، لا علاقة مطلقاً بين إيقاع الدليب وأوروبا
يانِّي خريسوماليس متخصص في الموسيقى الكلاسيكية أصلاً تأليفاً وأداء.اتجه في الثمانينات لجنرة مختلفة تماماً (Contemporary Instrumental) بمعنى تحديث الآلات التقليدية.ياني يجمع في فرقة واحدة العديد من الآلات التقليدية لمناطق مختلفة مع التركيز على آلة بعينها قد تكون الشارانغو (جيتار صغير) أو الدودوك (ناي أوراسي) أو الدادجريدو (آلة تشبه وازا في استاليا) فيما يشبه فرقة أممية. بخلاف الآلات ياني يجمع في ألحانه كل الإيقاعات العالمية من أمريكا اللاتينية مروراً بالشرق الأوسط حتى الأوشانيا.بالعودة للإيقاع، الموسيقى اليونانية إيقاعاتها مختلفة تماماً ولا تشبه من قريب أو بعيد موسيقى أفريقيا جنوب الصحراء، إيقاع الدليب المعروف في شمال السودان جاء في الأغنية التي عرضتها ثلاث مرات ضمن هذا التعريف للونية التي تميزت بها موسيقى ياني وليس لأن الموسيقى اليونانية فيها إيقاع "الدليب"، لا أعرف ما المقصد من هذا التلميح، استطيع أن أسرد لك جملة أعمال من الثمانينات لياني فيها إيقاعات آسيوية ولاتينية فهل هذا يسترعي الانتباه لدرجة القول بأن اليونان تجمع كل هذا؟إيقاع الدليب أصله غرب أفريقيا من مناطق الكاميرون السينيغال وبوركينا فاسو، وهو إيقاع طحن الأرز (دق الرز) عند قبائل الفولاني ويستخدم مع آلة الطمبور (Tambour) والغيتا (Ghaita) نسميها كيتا، لاحظ أن الدليب والطمبور يترافقان أيضاً في شمال السودان.يمكنك الاستماع للنموذجين أدناه1- Flutes Foulbé Et Tambours Ghaita Drums)4- Tambours Des Bouchers (Drum Duet)من هذا الموقع، هما بالضبط إيقاع الدليبhttp://www.rhapsody.com/artist/various-artists/album/fulani-music-and-rhythms-cameroon---camerounأو الاستماع من هذا الموقع للمقطوعات أدناه
أرجو أن أكون أوضحت بدون حرج، أعرف أن السؤال موجه للموصلي، لكني أرى أن صداقته لا تستلزم إعادة تعريف إيقاع أفريقي محض ليصير أوروبياً.____لو حبيت تتعمق أكاديمياً مافي مشكلة.
حبيبنا اسامه الضرب الايقاعي ده ٧/٨ موجود في العالم من قديم الزمان خصوصا في الحضارات القديمهوطبعا على رآسها اليونانالفرق هنا بينه والشوايقه هو التفاصيل الداخليهوحآحكي ليك شكللتي مع استاذي اليوناني بجامعة ايوا الذي جاء في مهمة لمدة سنهشكله انتهت نهايه سعيده ضحكنا فيها الاتنينهذا الايقاع معروف في اليونان منذ آمد بعيد جدا يفوق الالف عام وبجيك راجع
ولا أريد أن أقطع استرسالك في الحديث بشواهد عن "الدليب" اغريقيا ان صح تعبيري.
فقط قلت أرحب بالاستاذ حاتم ابراهيم.و اتمنى ان نقرأ حوارا ممتعا.
طبعا من الواضح ان بوستي استفهامي ، فالعبدلله لا يملك ولو مقدار خردلة في علم الموسيقى.
وياريت كنت أملك ولو قليلا من معرفة ادوارد سعيد بالموسيقى، والتي وظف واحدا من مصطلحاتها في دراساته.
أدناه الناقد مقداد مسعود في دراسته المنشورة في "الحوار المتمدن" ، الموسومة ب"ادوارد سعيد من خلال قصيدة طباق للشاعر محمود درويش"، يوضح بعضا من ذلك ، وكيف وظف درويش ذلك المصطلح في رثائه لادوارد سعيد:
Quote: الشاعر الكبير درويش وهو يدخل دائرة إدوارد سعيد، لم يطوف خارج الدائرة، ولم يسير على قطرها أونصف قطرها..
درويش مظلي شجاع هبط في نقطة مركز الدائرة،ونقطة المركز هو مصطلح(كونترا بونتال)الذي ينتسب لفضاء الموسيقى،ويعني(ألإستعمال المتزامن للحنين أو أكثرلإنتاج المعنى،بما يسمح بالقول عن أحد ألألحان أنه النقطة المضادة للحن آلآخر/ صلاح فضل)..
والطباق قريب من ذلك، لأنه يعني التضاد الدلالي بين الكلمات أو المعاني:أبيض/ أسود..قصير/ طويل...الخومصطلح(كونتر بونتال) هوبحق ألأهمية المفتاحية لكل ما أنتهجه المفكر الكبير إدوارد سعيد..أعني مفهوم القراءة الطباقية تعني تفعيل إتصاليات التضاد وتوظيفاتها في كتابته *ألإستشراق *الثقافة وألأمبريالية *صور المثقف *العالم والنص والناقد *تغطية ألأسلام.. *تأملات في المنفى
أدناه نص درويش الشعري "طباق" في رثاء محمود درويش:
Post: #14 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 11-30-2015, 10:53 AM Parent: #1
بالمنطق بتاعك دا، من الفيديو الأول ممكن أجيب فيديو مطابق لموسيقى لاتينية ونطلع الدليب مكسيكي.ومن الفيديو التاني ممكن برضو أجيب ليك مقطوعة للكلزيمر وهي موسيقى اليهود الشرقيين نفس الإيقاع ونفس الرقصات ونطلع الدليب إسرائيلي والشايقية يهود أو رومان.ونفس الفيديو التالت نمشي مناطق السافنا الغنية وناخد جملة من المقاطع ونطلع الدليب من زيمبابوى.مافي أي صعوبة.الحضارة اليونانية قديمة بدون شك والموسيقى أضحت عالمية والكل عايز يجدد بالغريب، تصادف تشابه الإيقاع لا يعني "الاندغام" بالكامل في ثقافة مختلفة كماً ونوعاً.لكن كمان شيء من العقلانية، فالثقافة لا تتجزأ بهذه الطريقة المفضوحة يا موصلي الله يرضى عليك، وين الآلات الإغريقية في شمال السودان؟وين الاستايل الموسيقى المتنوع لموسيقى الأغاريق في أغاني الطمبور؟وين اللحن أساساً؟لا يمكن بكل بساطة (مع ذكر مصطلحين تلاتة واسم خواجة) تفترض أن الدليب إغريقي والسلام.كلمنا علمي.أنا تداخلي هنا للاستغراب ليه الناس بتخجل من ثقافتها الأفريقية؟يعني الآلة موجودة والناس بنفس السلوك والمظهر والمخبر حتى هذا اليومنقوم نجري على الأغاريق؟
اهلا مرة أخرى بالاستاذ حاتم ابراهيملا اريد التدخل في النقاش الدائر بينك وبين استاذنا الموصلي.بس رايك شنو في كلام الموصلي الآتي:
Quote: الضرب الايقاعي ده ٧/٨ موجود في العالم من قديم الزمان خصوصا في الحضارات القديمهوطبعا على رآسها اليونانالفرق هنا بينه والشوايقه هو التفاصيل الداخليه
الفهمتو منو انو هنالك ضرب ايقاعي موجود في حضارات كتيرة تشترك فيه، مع وجود "فروقات في التفاصيل الداخلية".مع خالص التقدير والامتنان.
ياحاتم كده روق المنقه خليني اتم كلامي الكلام العلمي جاييك هذا الضرب الايقاعي اقدم من قبايلنا في الشمال بازمان بعيده وموجود قديما ليس في اليونان فحسب بل في شرق اوروبا وتركيا والهند بجيك الكلام العلمي شيل الصبر ----------------- كدي اسمع النموذج الاخير وشوف وضوح الالات الشعبيه وتعقيدات هذا الضرب الايقاعي -------------------------- عزيزي اسامه كلامي في الموضوع ده ما لعب وما يخرش "الميه"وزي مابقولو المصريين "الميه تكضب الغطلس!!!!!"
الاساذ الاغريقي الزائر كان يدرسنا علم الOrchestration آو التوزيع الاوركسترالي لتسهيل الفهم وكان بدينا واجبات كثيره تنفذها انواع من الاوركسترامنها اوركسترا الحجره والاثلاثي والرباعي الوتري واحيانا الاوركسترا السيمفونيوكانت القطع صغيره بيث يمكن تنفيذ اعمال الطلاب في ساعتين دراسيتين هذا فيديو اكورديون مع ايقاعات يوضح فيه مناطق الضروب الايقاعيه في اوربا خصوصا الشعبية المقدونية - الأكورديون، الإطار طبل، الدف ومنها طبعا ٧/٨
طلب منا البروفيسور آن يولف كل واحد منا قطعه يعزفها الرباعي الوتري كمان فيولا تشيلو كنترباصوقد قمت بتاليف قطعه علي الاضرب الايقاعي ٧/٨وبعد تنفيذعا صفق الاستاذ اعجاب وقال لي من اين لكم بهذا الضرب الايقاعيفقلت له انه ضرب مشهور لاحدى قبائل الشمال السوداني "الشايقيه"فضحك وقال لي ان هذا الضرب يوناني وشرق اوروبي ونواصل مثال لالتي اكورديون الشاب الصغيير بعزف الضرب الايقاعي والراجل بعزف اللحن الاساسي
Post: #18 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 11-30-2015, 11:28 AM Parent: #1
Quote: الفهمتو منو انو هنالك ضرب ايقاعي موجود في حضارات كتيرة تشترك فيه، مع وجود "فروقات في التفاصيل الداخلية".هذا الضرب الايقاعي اقدم من قبايلنا في الشمالوموجود قديما ليس في اليونان فحسب بل في شرق اوروبا وتركيا والهند
دا واقع الموسيقى في العالم كله
1- أنا فهمت من سؤالك محاولة الربط الثقافي وربما الاجتماعي بين مكونين في شمال السودان وجنوب أوروبا، اليونان تحديداً.2- فهمت من مداخلات الموصلي تأكيده على هذه العلاقة.*** الملخص: إيقاع الدليب يوناني إغريقي ***فإذا كان هذا هو المقصود، فمرحب بالنقاش في هذه الجزئية وبطريقة علمية حتى لا يتحول البوست لمهرجان موسيقى.أما إذا كانت هذه مجرد ملاحظات فوارد جداً أن تتشابه الموسيقى على امتداد القارات، صادفت بوست منذ فترة يؤكد على تشابه الموسيقى السودانية مع الصينية، بجامع (السلم الخماسي) بكل فخر كما بدأ من صاحب البوست.____أسلوب المقارنة بالفيديوهات يقودنا إلى أن موسيقى الوازا في النيل الأزرق أصلها استرالي.أو ربما العكس.
Post: #20 Title: Re: الدليــب اليوناني؟ سؤال لأستاذنا المبدع: Author: الأمين عبد الرحمن عيسى Date: 11-30-2015, 11:53 AM Parent: #18
تحياتي الأخ أسامة وضيوفك الكرام..عمل آخر لياني على إيقاع الدليب..والذي عرفه ياني بأنه على الإيقاع 7-8، يلاحظ في اللحن تمايل العازفين طربا . تماما كما هم أهلنا الشايقية .. هناك عمل ثالث لياني على إيقاع الدليب سأحاول البحث عنه.. و في نهاية هذا المقطوعة .. اللحن الذي جاء في برنامج نجوم الغد، مع تحياتي للجميع..
العزيز حاتم انا فهمت من سوال الاصديق اسامهانو مستغرب من وين ياني جاب ضرب الايقاع ال ٧/٨ الذي نطلق عليه "الدليب" هناوعليه حاولت افهامه بان هذا الايقاع اصوله ليست في السودانفهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيدوحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارااتفق معك في آن العالم ضيق وان الناس لم يكتشفوا خبايا التراث الفلكلوري ولكن نحن هنا نتحدث عن الضرب الايقاعي ٧/٨انت ياحاتم قلت آن هذا الايقاعي افريقي وضربت بمثل بدوله من غرب افريقيا وجبت صور لايقاعات وعازفين ولكنك لم تآت لنا بعمل مسموع آو مرآياليكم هذا النموذجThe Mystery of Bulgarian Voicesوهو واضح لمن يفهم آنه اداء فلكلوري بحت ولكنه يتميز بهارمونيه تلقائيه طبيعيه
Quote: الضرب الايقاعي ده ٧/٨ موجود في العالم من قديم الزمان خصوصا في الحضارات القديمه وطبعا على رآسها اليونان+++هذا فيديو اكورديون مع ايقاعات يوضح فيه مناطق الضروب الايقاعيه في اوربا خصوصا الشعبية المقدونية - الأكورديون، الإطار طبل، الدف ومنها طبعا ٧/٨+++ قمت بتاليف قطعه علي الاضرب الايقاعي ٧/٨وبعد تنفيذعا صفق الاستاذ اعجاب وقال لي من اين لكم بهذا الضرب+++عمل آخر لياني على إيقاع الدليب..والذي عرفه ياني بأنه على الإيقاع 7-8،
سبعة تمنية دا شكلوا حيستلم مكان "سلمنا خماسي"
يا أخوانا الموصلي والأمين عبد الرحمن، الله يرضى عليكم كلمونا علمي، ملخص كلام الأستاذ أسامة بالدوغري إنو:***إيقاع الدليب يوناني إغريقي ****أنا ما عندي مشكلة إنو سبعة من تمانية أو غيرو لكن أتمنى تتكلموا بطريقة علمية أكتر، كلامكك دا ما بيختلف عن مقولة "سلمنا خماسي، زي الموسيقى الصينية"، أيوة خماسي لكن لا يقود لأي نتيجة صينية، بنفس المبدأ، تشابه الإيقاعين لا يعني بالضرورة أن موسيقى الدليب يونانية إغريقية.فلو كان هذا الملخص هو غرضكم خلونا نمشي عليهو عديل ونناقش بحجج أكاديمية بدل إيراد الفيديوهات.
Quote: وعليه حاولت افهامه بان هذا الايقاع اصوله ليست في السودانفهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيدوحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا+++انت ياحاتم قلت آن هذا الايقاعي افريقي وضربت بمثل بدوله من غرب افريقيا وجبت صور لايقاعات وعازفين ولكنك لم تآت لنا بعمل مسموع آو مرآي
طبعاً أصوله من خارج السودان، لكن مش من اليونان تحديداً يا موصلي
ودا كلام جديد ولخبطة يا موصلي بتعرفها براك، الراجل بقول اليونان ودلوقتي انت بتشيل الإيقاع بترسلوا الصحراء وبتجيب معاهو أصول عربية وتدخلوا السودان، الغرض شنو؟ياريت تضع نقاط واضحة عشان أعرف بالضبط انت عايز تناقش شنو وتصل لشنو، سبعة تمانية ما مشكلتنا.أنا متفق معاك إنو الإيقاع دخيل، لكن مصر إنو الدليب في شمال السودان هو ذاته الوافد من غرب أفريقيا، أقرب أثينا ومكة ولا داكار؟That is the point.بالنسبة للعمل المسموع:أنا في أول مداخلة جايب خمسة نماذج، أيوة نعم ما فيها فيديو لأنو التركيز على الإيقاع، يعني الصوت، مش كدة ولا أنا غلطان؟____مرحب بيك.
Quote: عمل آخر لياني على إيقاع الدليب..والذي عرفه ياني بأنه على الإيقاع 7-8، يلاحظ في اللحن تمايل العازفين طربا . تماما كما هم أهلنا الشايقية
مشكلتنا كبيرة هنا يا أخ الأمين
إذا بتعرف عمل موسيقي لياني على أنه "على إيقاع الدليب".أنا سعيد بأنو لدينا مصطلحات موسيقية محلية لكن في ذات الوقت استغرب أن يكون المرجع العالمي هو ما تقول به."تماما" دي وراها شنو بالضبط؟الاشتراك في التمايل والطرب؟_____ترى أنني أحاول أن أجمع فكرة واضحة لما تبدو أنها نظرية خجولة هنا.
Quote: سبعة تمنية دا شكلوا حيستلم مكان "سلمنا خماسي"يا أخوانا الموصلي والأمين عبد الرحمن، الله يرضى عليكم كلمونا علمي، ملخص كلام الأستاذ أسامة بالدوغري إنو:***إيقاع الدليب يوناني إغريقي ****أنا ما عندي مشكلة إنو سبعة من تمانية أو غيرو لكن أتمنى تتكلموا بطريقة علمية أكتر، كلامكك دا ما بيختلف عن مقولة "سلمنا خماسي، زي الموسيقى الصينية"، أيوة خماسي لكن لا يقود لأي نتيجة صينية، بنفس المبدأ، تشابه الإيقاعين لا يعني بالضرورة أن موسيقى الدليب يونانية إغريقية.فلو كان هذا الملخص هو غرضكم خلونا نمشي عليهو عديل ونناقش بحجج أكاديمية بدل إيراد الفيديوهات.
ياحاتم اخوي انت بتنضم ساكت شنو يعني بتقصد بي اكاديميهما قادر اعرف انت بترمي لي شنو!!!!الفيديوهات دي انت لو شفتها كويس ما اظنك تتحاجج تاني ساكت آما الشيئ الغريب فان الامثله واللينكات الجبتها كلهامن مالي آو غيرها الفولان ولا غير الفولان انا سمعتها كلها ولا يوجد فيها مثال واحد للدليب آو ٧/٨ لذا فان حجتك من الاول واقعة ارضا ولا سند لها من الاساسحبيت تخمنا ساكت ويبدو آنك نسيت آن السؤال موجه لزول لو انت ما عارف انوتخصص سنتين في تحليل الاغنيه الفلوكلوريه وتدوينها مع {بروفيسور مارقريت توت المجريه" وهي تلميذه بيلا بارتوك مبتدع النظرية نفسه مع التحيه
نجيك شويه علك تفهم شنو الفرق بين الضرب الايقاعي والمقام والسلمالضرب الايقاعي هو ترتيب لضربات ايقاعيه بطريقة محددة محصوره في ميزان محدد بحيث ان الثيمة الايقاعيه تنحصر في حقل واحد متكرر والحقل هو ما نطلق عليه مازوره وهذا الضرب قد تقوم به اله واحده آو عدة الات ايقاعيهففي السودان قد تقوم به الة الطبله والشتم او يضاف لهما البنقز واحيانا الدلوكه "الاله"اما في الغرب فان كل مكونات ال درم ست داخله في الموضوع اهما البيز درم والاسنير والهيهات والتومبااما المقام فهو اصل السلمفالسلم هو الدرجات الخاصة بالمقام صعودا وهبوطااما المقاهم فهو اصوات السلم في حالة علاقة لحنيه احاديه او متشابكه سواء آن كانت متضادة كاونتربوينتيه آو هارمونيه لذا فاري الا نخلط بين الضرب الايقاعي ذو الميزان ٧/٨ وبين السلم آو المقاموهنا لا دخل لمقام خماسي ولا سباعي ولا رباعي ولا مقام اوكتافين ولا ثمانية عشري ولا "لا مقاميه" ولا تعددها ولا دودي كافونيةبما يطلق عليه الضرب الايقاعياها جاك الكلام الاكاديمي ان شاء الله يكون وقع ليك
Post: #30 Title: Re: الدليــب اليوناني؟ سؤال لأستاذنا المبدع: Author: عمر عثمان Date: 11-30-2015, 05:00 PM Parent: #26
بوست جميل ممتعنحن قوم نحب الموسيقىونطرب لها الاستاذين الموصليو حاتم نقاشكما جميلومفيد لنا نحن عشاقالجمال
Quote: الفيديوهات دي انت لو شفتها كويس ما اظنك تتحاجج تاني ساكت آما الشيئ الغريب فان الامثله واللينكات الجبتها كلهامن مالي آو غيرها الفولان ولا غير الفولان انا سمعتها كلها ولا يوجد فيها مثال واحد للدليب آو ٧/٨ لذا فان حجتك من الاول واقعة ارضا ولا سند لها من الاساسحبيت تخمنا ساكت ويبدو آنك نسيت آن السؤال موجه لزول لو انت ما عارف انوتخصص سنتين في تحليل الاغنيه الفلوكلوريه وتدوينها مع {بروفيسور مارقريت توت المجريه" وهي تلميذه بيلا بارتوك مبتدع النظرية نفسه
أهو دا بقى الأنا اتوقعتو
يا موصلي كلامي واضح، انت حتقعد تكلمني عن نفسك وأنا عايز رؤية واضحة تقول فيها:*** إيقاع الدليب أصلو يوناني إغريقي. ***حجتي لسة ما بديتها لأنو أصلاً البوست قائم على تخمينجيت انت لمحت لافتراض بدون أساس واضحالوضع الطبيعي الصحيح أكاديمياً1- ضع صياغة واضحة لنظريتك أو اي اسم تراه مناسب.2- أخد كل النماذج المشابهة وأعقد مقارنات بحيدة أكاديمية بدل النظر شمالاً وشرقاً فقط، عيب ياخي.3- بعدها تأسس لكلام أخونا اسامة بطريقة علمية واضحة مش بالمقارنة بالمثال وإنو انت قريت مع بروفيسور فلان الفلاني، برضو عيب هنا.4- بعدها أنا ولا غيري حيجي يفند كلامك، غض النظر عن المستوى أو الشهادة التي تطمح لهاخلاف ذلك دا يبقى مجرد مهرجان أمنيات._____صعبة دي
اهلا يا حاتمممكن نقول "الدليب" الشايقي او السوداني ، الدليب الهندي مثلا لو كان في دليب ، واليوناني،فليس القصد كما هو واضح من "النعت" والمنعوت، نجيكم باللغة المكتوبة، هو "الأصل".وانما هو نعت لا يوضح اصله، وانما كونه تمظهرا واحدا من تمظهرات عديدة لجوهر مشترك.وقع ليك كلامي؟؟مع تحياتي
Quote: نجيك شويه علك تفهم شنو الفرق بين الضرب الايقاعي والمقام والسلمالضرب الايقاعي هو ترتيب لضربات ايقاعيه بطريقة محددة محصوره في ميزان محدد بحيث ان الثيمة الايقاعيهتنحصر في حقل واحد متكرر والحقل هو ما نطلق عليه مازوره وهذا الضرب قد تقوم به اله واحده آو عدة الات ايقاعيهففي السودان قد تقوم به الة الطبله والشتم او يضاف لهما البنقز واحيانا الدلوكه "الاله"اما في الغرب فان كل مكونات ال درم ست داخله في الموضوع اهما البيز درم والاسنير والهيهات والتومبااما المقام فهو اصل السلمفالسلم هو الدرجات الخاصة بالمقام صعودا وهبوطااما المقاهم فهو اصوات السلم في حالة علاقة لحنيه احاديه او متشابكه سواء آن كانت متضادة كاونتربوينتيه آو هارمونيهلذا فاري الا نخلط بين الضرب الايقاعي ذو الميزان ٧/٨ وبين السلم آو المقاموهنا لا دخل لمقام خماسي ولا سباعي ولا رباعي ولا مقام اوكتافين ولا ثمانية عشري ولا "لا مقاميه" ولا تعددها ولا دودي كافونيةبما يطلق عليه الضرب الايقاعياها جاك الكلام الاكاديمي ان شاء الله يكون وقع ليك
أساسيات وخارم بارم ولا يدعم نظريتك بأي حجة مقبولة
شوف: (أنا هنا بفترض إنك صاحب نظرية الدليب إغريقي) فصوبني إن اخطأت.إذا كنت حتفترض إني ما بفهم في الصولفيج فانت بتكرر نفسك للمرة التانية هنا، صحيح معظم الموسيقيين عندهم مشكلة في التناول الأكاديمي للنوتة الموسيقية، بس دي يا موصلي أبحديات بيعرفوها الأطفال من عمر عشرة سنوات مكان انت قاعد حالياً دا.دلوقتي انت بتشرح في أبجديات كأنو حاتم ما سمع بيها، دا ما موضوعنا، كلامك دا قولو لزول عايز يتعلم، أو يتمنى يكون من آل كرياكوس، ان تدلوقتي بتقع في نفس الخطأ بتاع الراجل الجا هنا بيسأل كيف أهلنا القدماء بعد ما نحتوا الأعمدة الرومانية رجعوا تانية للساقية والتور، عرفتو دا ياتو، قام سأل (هل يعقل ان يكون نفس البشر الذين بنوا تلك الحضارة السامقة هل حقا نحن احفادهم؟؟)، أهو هناhttp://sudaneseonline.com/board/480/msg/%D9%82%D8%A8%D9%84-%D8%A7%D8%AB%D9%86%D8%AA%D9%89-%D8%B9%D8%B4%D8%B1%D8%A9-%D9%82%D8%B1%D9%86-%D8%A3...86!--1430666437.htmlيا موصلي، الزمن فات على الأساليب الطفولية دي وانت راجل داخل على دكتوراة، كلمني علمي تاني شنو في رأيك يخليك تعتقد أن إيقاع الدليب أصله إغريقي غير تشابه الإيقاع؟سلم ومازورة وهايهات دي أنا عارفها والله العظيم، انت حجتك العلمية شنو على إنو إيقاع الدليب طلع من أثينا ومشى الجزيرة العربية ودخل تاني لشمال السودان. وبالمناسبة، أنا حأرجع لكلامك بالمفردة الواحدة، وحأكد ليك إنو مجرد حشو ما ليهو علاقة بالموضوع، ما عارف ليه انت بتصر إنو الطرف التاني ممكن يخاف من المصطلحات._____الراجل كل مرة يقول لي كاونتربويت ودوديكافوني
Quote: ممكن نقول "الدليب" الشايقي او السوداني ، الدليب الهندي مثلا لو كان في دليب ، واليوناني،فليس القصد كما هو واضح من "النعت" والمنعوت، نجيكم باللغة المكتوبة، هو "الأصل".وانما هو نعت لا يوضح اصله، وانما كونه تمظهرا واحدا من تمظهرات عديدة لجوهر مشترك.وقع ليك كلامي؟؟
أبشر والله مافي أي مشكلة يا أخ أسامة
وأنا ذاتي مشاركة مني فرحة ساكت كدة أها أقول ليكم كلمة دليب دي ذاتا حقتنا بصفتي متخصص لغات____________________بيكتبوها الإنجليز ديل كدة (Ad lib)وبنطقوها كدة (/ædˈlɪbɨtəm/)وأصلها عند الأغاريق أجدادنا كدة (Ad libitum)وبقروها أهلنا ناس ياني ديل كدة (الدليبتوم)-------------------------------------ما ياهو دليبنا الواحد دا؟شفت الأمور سهلة كيف؟نتبادل الأنخاب بعد دا ونولع الشموع.تعرف، أنا كرهتي في الدنيا الخرمجة والعمل الفوضوي والتنطع بالأبجديات واستهبال الناس، أنا جيت هنا عشان أشوف نظرية مكتملة بمقدمات ونتائج مش عرض فيديو وفصل لدراسة الموسيقى للكبار.____بس تبقى مسخرة إذا كان أكبر متخصص عندنا بيناقش بأسلوب (هل تعلم).
Quote: فان الامثله واللينكات الجبتها كلهامن مالي آو غيرها الفولان ولا غير الفولان انا سمعتها كلها ولا يوجد فيها مثال واحد للدليب+++بوست جميل ممتعنحن قوم نحب الموسيقىونطرب لهاالاستاذين الموصليو حاتم نقاشكما جميلومفيد لنا نحن عشاقالجمال
كلنا بنحب الجمال، بس بنظام
يعني ما ممكن يتم طرح رؤية نظرية نقوم بكل بساطة نتشنج أول ما تلفت نظرنا حقائق نكرهها، مالهم الفولان؟ ما ياهو نفس الإيقاع (مع اختلافات داخلية) ولا هنا مختلف كلو كلو؟أنا صريح جداً، مافي شيء يخليني أقطع البحر المتوسط ولا الأحمر ولا آخد لفة كبيرة بتركيا والشام والحجاز عشان أجيب لي طبلة أفريقية مجلدة ومزينة بالسكسك.سألت ببساطة وين باقي مفردات الثقافة الدخيلة دي؟وين آلاتها؟ وين ألحانها؟يعني ما وصلنا غير الإيقاع؟ واخترعنا ليهو طبلة محلية يعني؟مافي إجابات، كدة بس زندية، سرد للأبجديات وأنا قريت مع فلان وفلانة، دا كلام؟أنا عايز أمسك في عضم النظرية عشان أهزك وأرزك يا موصلي، بتهوش وتجدع مصطلحات ساكت، واتهامات انت عارف وانت ما عارف، دا ما معرض مؤهلات، لو عندك معلومة صحيحة قولها مشكور، أما لو عايز تناقش فضع فرضيتك أولاً وقول أنا مسؤول منها ودي حججي ومقدماتي والنتيجة كذا._________أي نظرية ليها ما يدعمها، فبالله خلينا نستعدل البوست دا بدل هترشاتك دي.
Quote: مافي إجابات، كدة بس زندية، سرد للأبجديات وأنا قريت مع فلان وفلانة، دا كلام؟أنا عايز أمسك في عضم النظرية عشان أهزك وأرزك يا موصلي، بتهوش وتجدع مصطلحات ساكت، واتهامات انت عارف وانت ما عارف، دا ما معرض مؤهلات، لو عندك معلومة صحيحة قولها مشكور، أما لو عايز تناقش فضع فرضيتك أولاً وقول أنا مسؤول منها ودي حججي ومقدماتي والنتيجة كذا._________أي نظرية ليها ما يدعمها، فبالله خلينا نستعدل البوست دا بدل هترشاتك دي.
يا جماعة الخير، أوصي نفسي وإياكم، بأن نناقش الأفكار لا الأشخاص.بدل "انت ماعارف"، خلونا نقول مثلا "لا أتفق مع "الفكرة س" التي طرحتها بسبب......وبدل "خارم بارم" و"هترشات" ، خلونا نبين أن ما قيل هو "خارم بارم" بطريقة دحض ما قيل، وليس إطلاق نعوت سيئة عليه.كونا بخير.وتحياتي لمن مر من الضيوف "بدون فرز".
Quote: ويبدو آنك نسيت آن السؤال موجه لزول لو انت ما عارف انوتخصص سنتين في تحليل الاغنيه الفلوكلوريه وتدوينها مع {بروفيسور مارقريت توت المجريه" وهي تلميذه بيلا بارتوك مبتدع النظرية نفسه
لا ما نسيت، وقلتها في أول مداخلة، ركز عليك الله، شفت يا موصلي، نمشي ونجي راجعين للتدوين حق المبتدئين كل مرة
لكن برضك كويس، هنا في راس خيطأها مارقريت وبيلا بارتوك ديل نظريتهم بتقول شنو حول الموضوع دا؟- يعني ياتو فيهم عرض لإيقاع الدليب وقال بنظرية أصوله الإغريقية؟- أو حتى قال بالعكس، أن إيقاعات اليونان أتت من شمال السودان؟- أو حتى مجرد قول بأن إيقاع الدليب انتقل من أوروبا عبر الشام إلى الجزيرة العربية إلى شمال السودان؟- أو نفى جملة وتفصيلاً علاقة الإيقاع دا بقبائل الفولان في غرب أفريقيا؟بعد ما تشير للمراجع وملخصاتك، نجي نشوف التدوين مع بعض عشان نقعد نتطاقع بالمصطلحات (مازورة وسنير ودا كابو وغيرها)في النهاية نستمع للفيديوهات._____دا كدة اسمو نقاش شبه أكاديمي،أما سيرتك الذاتية فربما أكون حريص لقراءة ملخصها هنا مستقبلاً،إذا كانت تقود لإثبات شيء ما في هذا الموضوع.
Post: #37 Title: Re: الدليــب اليوناني؟ سؤال لأستاذنا المبدع: Author: الأمين عبد الرحمن عيسى Date: 11-30-2015, 07:29 PM Parent: #34
Quote: يا أخوانا الموصلي والأمين عبد الرحمن، الله يرضى عليكم كلمونا علمي
وأنت برضو يا أخ حاتم إتكلم كلام علمي و ورينا شنو الما علمي في كلامي أنا قلت الآتي
Quote: عمل آخر لياني على إيقاع الدليب..والذي عرفه ياني بأنه على الإيقاع 7-8، يلاحظ في اللحن تمايل العازفين طربا . تماما كما هم أهلنا الشايقية ..
في أي شيئ غير علمي فيما قلت؟؟؟
Quote: مشكلتنا كبيرة هنا يا أخ الأمين
لم تفصح لنا عن المشكلة....سعادتك بوجود مصطلحات موسيقية محلية تبدو و كأنها استنكار لوجودها.. ولم لا توجد إن كان هناك العديد من الإيقاعات فلا بد أن تكون لها أسماء..
Quote: "تماما" دي وراها شنو بالضبط؟الاشتراك في التمايل والطرب؟
نعم .. وإليكم هذا العمل الآخر لياني وهو أيضا على إيقاع الدليب..أرجو أن تسمعه برواقة..
Quote: يا جماعة الخير، أوصي نفسي وإياكم، بأن نناقش الأفكار لا الأشخاص.بدل "انت ماعارف"، خلونا نقول مثلا "لا أتفق مع "الفكرة س" التي طرحتها بسبب......وبدل "خارم بارم" و"هترشات" ، خلونا نبين أن ما قيل هو "خارم بارم" بطريقة دحض ما قيل، وليس إطلاق نعوت سيئة عليه.
الله يرضى عليك
شوف:أي كلام غير مؤسس أو سرد لأبجديات غير مطلوبة في النقاش دي بسموها تهويش وخارم بارم وهترشات، لما تسأل متخصص موسيقى ويقعد يكلمك عن المازورة فدا بعيد جداً من الأكاديميات أو اتعلم الموسيقى على كبر، مازورة ودرم سيت وهايهات دي يا أخ أسامة ألفباء الموسيقى وآلاتها.مع احترامي لموصلي وتاريخو لكن ياهو أسلوبه، لا يمكن يناقش موضوع بحيدة إلا ويبدأ ليك بمصطلح "التدوين" والهارموني والكاونتربوينت والدوديكافوني، دا طقم ثابت.بعدها ملخص لسيرتو الذاتية وشوية أسماء خواجات، على الطرف التاني التسليم بعدها والاقتناع.I am a bananaأعتقد مطروحة هنا نظرية غير واضحة المعالم بتقول (إيقاع الدليب إغريقي الأصل) دي الفرضية يبدأ لينا بيها ويقول أنا مسؤول من كلامي دا.- يعرض لتاريخ الإيقاع في المنطقة المستهدفة وغيرها ومن أفريقيا بالذات، مش هنا السودان؟- يطرح مقدماته بما فيها الفيديوهات المرضي عنها دي- يفند ليه أبعد غرب أفريقيا القريب دا من رؤيتو الأحادية- يجيب مراجعو الموثوقة المكتوبة مش يشير لنفسو- يبين كيف توصل للنتيجة هنا بدل يقول للناس تعالوا أعلمكم أنا قريت شنوأي نعم البداية صعبة عليهو بعد قيودي دي لكن أنا ما مستعجل.
هههههههههيا خي حاتم دا الذّ زول في المنبربيعمل النظرية براه، وبعد داك يطالبك بتفنيدهايا خي اسامة الخواض قال كلام محدد جداً
Quote: في أمسيتنا المشتركة في دار الحزب الشيوعي السوداني، تطرّق أستاذنا الموصلي إلى أن ،إيقاع "الدليب " مشترك بين السودان،واليونان.
مشترك مشترك مُشْتَرَكْ والأخيرة بالتشكيليبقى نشوف الإشتراك وين بين ايقاع الدليب عند الشوايقة وعند الاغريقبعد داك قصة أصل ايقاع الدليب دي بتكون قصة تانيةممكن يكون اصله من غرب افريقيا ومشى لليونانوجاء للشوايقةأو أي مسار آخر ما مهم.المهم هو السؤال المفتاحي بتاع اسامة الخواض؟إنه يوسف الموصلي قال إنه الإيقاع دا مشتركدا الأنا فهمته، ولو الموصلي قال إنه (ايقاع الدليب اصله اغريقي)في البوست دا أو في حتة تانيةفنرجو منه أنه يفتح بوست خاص بالموضوع داوهنا يناقش لينا موضوع البوست(أن ،إيقاع "الدليب " مشترك بين السودان،واليونان).وحاتم ممكن يتناقش في البوست الآخر حول أصل الدليبوهنا ممكن يضيف لينا اشتراك الدليب وظهوره في القارة الإفريقيةواشتراكنا مع الأفارقة في الموسيقى وايقاع الدليب.وأنا بفتكر إنه الموسيقى بدت في افريقيا بإيقاعاتها المختلفة وانتقلت لباقى العالممع الهجرة الافريقية العظيمة التى اسست العالم الذي نعرفه الآن.
Quote: الضرب الايقاعي هو ترتيب لضربات ايقاعيه بطريقة محددة محصوره في ميزان محدد بحيث ان الثيمة الايقاعيهتنحصر في حقل واحد متكرر والحقل هو ما نطلق عليه مازوره وهذا الضرب قد تقوم به اله واحده آو عدة الات ايقاعيه
دي لا علاقة لها بالموضوع، مجرد أساسيات
أيوة يا موصلي المازورة (measure) والله بعرفها مش ياها هناRe: ساكسRe: ساكسانتهينا من دي؟نشوف غيرها
Quote: اما المقاهم فهو اصوات السلم في حالة علاقة لحنيه احاديه او متشابكه سواء آن كانت متضادة كاونتربوينتيه آو هارمونيه
دي برضها لا علاقة لها بالموضوع، مجرد أساسيات
أيوة يا موصلي بعرف العلاقة الأفقية والرأسية لمكونات اللحن، والكاونتربوينت عمرو ما كان لحن مضاد. شنو يعني لحن مضاد يا موصلي؟الكلمة دي (counter) في مفهومك معناها (مضاد أو عكس) أبداً يا موصلي ، المصطلح من اللاتيني (The term originates from the Latin punctus contra punctum meaning "point against point".) إطلاقاً ما بيعني (مضاد) بل مقابل.ترجمتها المناسبة (لحن مقابل)، اتعودت تقول مضاد دي مشكلتك، بس مضاد يعني شنو في الموسيقى؟انتهينا من دي؟نشوف غيرها
Quote: لذا فاري الا نخلط بين الضرب الايقاعي ذو الميزان ٧/٨ وبين السلم آو المقاموهنا لا دخل لمقام خماسي ولا سباعي ولا رباعي ولا مقام اوكتافين ولا ثمانية عشري ولا "لا مقاميه" ولا تعددها ولا دودي كافونية
دي برضها لا علاقة لها بالموضوع
لما ضربت مثال للأخ الأمين عبد الرحمن فوق بأنو جملة (سبعة من تمنية) شكلها حتمسك محل (سلمنا خماسي) فأنا بالضرورة بقارن بين عبارة بيلوكوها الموسيقيين هنا "سلمنا خماسي" ودلوقتي نفس التكرار حصل هنا "إيقاع سبعة من تمنية" تكررت خمسة مرات وكأن الإيقاع بالنمط دا حق الدليب السوداني ملك وناس اليونان كتر خيرهم جابوهو لينا، لا فولاني لا غرب أفريقيا ما سمعوا بيهو.ما عندي مشكلة في مسألة التوزيع الزمني للإيقاع بحساب النوتات في كل "مازورة" زي ما اتعودت تسميها بس خلينا نمشي لقدام.فشوف انت السردية الفوق دي بتسميها شنو غير تسميع؟التسميع دا بقى أنا شايفو أسلوب غير أكاديمي في النقاش.____يلا كلامك دا كلو دخله بموضوع البوست شنو؟وأضاف شنو لفرضية الأصل الإغريقي لإيقاع الدليب؟
Quote: لا ما نسيت، وقلتها في أول مداخلة، ركز عليك الله، شفت يا موصلي، نمشي ونجي راجعين للتدوين حق المبتدئين كل مرة لكن برضك كويس، هنا في راس خيطأها مارقريت وبيلا بارتوك ديل نظريتهم بتقول شنو حول الموضوع دا؟- يعني ياتو فيهم عرض لإيقاع الدليب وقال بنظرية أصوله الإغريقية؟- أو حتى قال بالعكس، أن إيقاعات اليونان أتت من شمال السودان؟
ياحاتم ليس مثلك من يقود ساقية جحاانا قاعد اضييع وقتي معاك والله
Quote: [دي برضها لا علاقة لها بالموضوع، مجرد أساسياتأيوة يا موصلي بعرف العلاقة الأفقية والرأسية لمكونات اللحن، والكاونتربوينت عمرو ما كان لحن مضاد. شنو يعني لحن مضاد يا موصلي؟الكلمة دي (counter) في مفهومك معناها (مضاد أو عكس) أبداً يا موصلي ، المصطلح من اللاتيني (The term originates from the Latin punctus contra punctum meaning "point against point".) إطلاقاً ما بيعني (مضاد) بل مقابل.ترجمتها المناسبة (لحن مقابل)، اتعودت تقول مضاد دي مشكلتك، بس مضاد يعني شنو في الموسيقى؟
يعني نفهم من تفسيرك ده انو الCounter attack معناهو الهجوم المقابل هههههههه ياخوي حاتم تاني بكرر ليك ما تحاول تغالط في اشاء معروفه فسرتها كل الاكاديميات في العالم لو مشيت قريت اي كتاب لنظرية الكاونتربوينت اقصد المقدمه لان فهمك لهذه النظريه سيكون صعب جداتلقي الشرح A Manual of Sixteenth-century Contrapuntal StyleCharlotte Smith - 1989 - MusicMelody. Writing. Preliminary Observations The writing of counterpoint has been greatly ... i.e., "note against note," or correspondingly, melody against melody. ولمنفعة معلوماتك فان الكاونتربوينت يمكن آن يكون متقاطع مع اللحن الاساسي ويمكن ان يكون في حركة عكسيه صاعده ويمكن آن يكون في حركة عكسيه هابطه ويمكن آن آن يكون في حركه عكسيه تقهقريه ويمكن آن يكون في حركه مقلوبه ويمكن آن يكون في حركه متوازيه ويمكن آن يكون في حركه مقلوبه تقهقريه اها شفت التسميع كيف!!!! اها فسر لي كيف تكون الحركة العكسيه التقهقريه في علم الكاونتربوينت؟؟؟؟ وعندي الصبر ارجاك اطول زمن ممكن
Quote: عمل آخر لياني على إيقاع الدليب..والذي عرفه ياني بأنه على الإيقاع 7-8، يلاحظ في اللحن تمايل العازفين طربا . تماما كما هم أهلنا الشايقية +++مشكلتنا كبيرة هنا يا أخ الأمين+++سعادتك بوجود مصطلحات موسيقية محلية تبدو و كأنها استنكار لوجودها.. ولم لا توجد إن كان هناك العديد من الإيقاعات فلا بد أن تكون لها أسماء..+++نعم .. وإليكم هذا العمل الآخر لياني وهو أيضا على إيقاع الدليب..أرجو أن تسمعه برواقة..
كلو غير علمي
1- وصفك للإيقاع وتسميتك المباشرة ليهو بأنه (دليب) وتجاوز للوصف العالمي المتعارف عليه2- تقول عرفه ياني، ياني لم يتطرق بالاسم لإيقاع اسمه (دليب) كما تلمح، ياني يشير إلى (time signature)3- بتقول يلاحظ في اللحن تمايل العازفين، العازفين يا أخوي رقصوا عديل في مقطوعة (niki nana) ودا الوضع الطبيعي لأي متذوق للموسيقى4- بتقول (تماماً كما أهلنا الشايقية)، عيب ياخي، كلنا بنطرب للموسيقى زي (أهلك الشايقية)مشكلتنا الكبيرة إذا حنقعد نلوك في الأبجديات ونقعد نقول (هي سبعة من تمنية دا ياهو ذااااتو حق أهلنا الشايقية، بس جانا من هناك)، أها دي ما زي كلامك بتاع السلم الخماسي وكيف ربط بين هترشاتنا الموسيقية دي والموسيقى الصينية؟ مشكلة ولا مشكلة إذا المهتمين بالموسيقى قابضين في الأبجديات؟مافي مانع تعال نسمي إيقاع الدليب (Dalibisim) وأنا بكرة حأضع تعريف ونختو في الموقع دا في بوست منفصل، ونكلم كم واحد يعمل ليهو هاشتاق وشوية منظراتية يحشروه في ورقات علمية عن الموسيقى، وانت قايل المصطلحات بتتولد كيف؟بس كمان الناس حيسألوك، مش التعريف بتاعك دا عندو مسمى علمي واضح؟ حتقول شنو؟ أهلي الشايقية بيتمايلو بيهو.يا أبوي ياني خريسوماليس أنا بكتب ليهو ناهيك عن الاستماع من سنة 1990، بس لما نجي نناقش هنا يكون في هدف________need I say more؟
Quote: يا خي حاتم دا الذّ زول في المنبر بيعمل النظرية براه، وبعد داك يطالبك بتفنيدها+++يبقى نشوف الإشتراك وين بين ايقاع الدليب عند الشوايقة وعند الاغريق+++دا الأنا فهمته، ولو الموصلي قال إنه (ايقاع الدليب اصله اغريقي) في البوست دا أو في حتة تانية+++وأنا بفتكر إنه الموسيقى بدت في افريقيا بإيقاعاتها المختلفة وانتقلت لباقى العالممع الهجرة الافريقية العظيمة التى اسست العالم الذي نعرفه الآن.
الصادق كيفك، اسكت انت ما عارف حاجة هههههه
حاتم ما عمل نظرية، حاتم شايف بذرة نظرية وطالب بتأكيدها وإظهارها عشان يكتلها بحثاً بالطريقة الصحيحة.ياخوي الاشتراك في (time signature) ودا بتلاقيهو من أمريكا اللاتينية لحد أوكيناوا، يعني زي الحروف العربية في الشرق الأوسط، النار قامت لما جبت سيرة الفولاني وصورة الطبلة والناس البيشبهونا ديل، شفت كيف. النصيحة ياني وجيه، وبشبهنا برضو.الموصلي ما قال ولا داير يقول ولا بيقدر يقول، حيقعد يكلمنا عن دراستو والتدوين والهارموني والكاونتربوينت، اقنع ساكت. أنا العايزو يقول بوضوح.أها شفت زي (أنا بفتكر) دي كلنا بنقدر عليها يا الصادق أخوي، هسع شوف أنا بتلاتة سطور أثبت إنو كلمة الدليب دي ذاتا جات من عندينا، حقتنا._____ديل بيدلبوا ساكت.
تحياتي للجميع "بدون فرز"وتحية خاصة للصديق الصادق الذي قال صادقا:
Quote: يا خي اسامة الخواض قال كلام محدد جداًQuote: في أمسيتنا المشتركة في دار الحزب الشيوعي السوداني، تطرّق أستاذنا الموصلي إلى أن ،إيقاع "الدليب " مشترك بين السودان،واليونان.مشترك مشترك مُشْتَرَكْ والأخيرة بالتشكيليبقى نشوف الإشتراك وين بين ايقاع الدليب عند الشوايقة وعند الاغريق
وهذا يتفق مع كلام الموصلي في ابتداء الخيط:
Quote: الضرب الايقاعي ده ٧/٨ موجود في العالم من قديم الزمان خصوصا في الحضارات القديمهوطبعا على رآسها اليونانالفرق هنا بينه والشوايقه هو التفاصيل الداخليه
فيا استاذ حاتم ،الله يرضى عليك، ما في زول قال انو الدليب اصلو اغريقي او يوناني.عايزين نشوف المشترك بين السوداني والاغريقي\اليوناني شنو؟وكذلك اختلافهم في بعض "التفاصيل الداخلية".فعليك الله يا موصلي ورينا زي ما كرر الصادق:المشترك، المشترك، المشترك، المشتركوأيضا "التفاصيل الداخلية" التي يختلف فيها "الدليب السوداني"، عن "الدليب الاغريقي\اليوناني.أرقدوا عافية.
كدي خليني اتم ليك قصة البروفيسور اليونانياها كل طالب ماجستير جاب العمل بتاعووانا زي ما قلت جبت العمل على ايقاع الدليبففوجئ البروفيسور بالايقاع الخاص بالمؤلف بفتح الهمزهفقال لي من اين اتيتم بهذا الضرب الايقاعية قلت له انه أصيل من تراثنا الشعبي لدى قبيله سودانيه"تسمى بالشايقيه" فاجابني بان هذا الايقاع معلوم منذ قرون عديدة من صميم الفلكلور اليوناني بالاضافة الى العديد من الدول الاوربية خصوصا شرق أوروبا ثم اردف قائلا هات لي تسجيل من تراثكم فقلت حسنا سافعل بشرط أن تأتي بتسجيل من التراث اليوناني فقال حسنا سافعلا احضرت معي تسجيل للنعام آدم واحضر هو تسجيلين من التراث اليونانيفاستمعنا جميعا ومعنا بقية الطلاب ثم انفجرنا ضاحكين وقال البروفيسور بالانجليزية "انه عالم صغير" -------------------------- نحن الطلاب والبروفيسور نعلم أن لكثير من مؤلفي الموسيقى "الخاصة" وهذه نعني بها الذين يستخدمون اسلوب الموسيقى الغربية العالميةخصوصا الذين يستخدمون قالب التنويعات للموسيقى الشعبية يستعيرون كثير من الثيمات في الموسيقى الشعبية ومنها ايقاع أو ضرب الدليب كما نسميه نحن واشهر هؤلاء "ايجور سترافنسكي" أعظم مؤلفي موسيقى القرن العشرين
Quote: فيا استاذ حاتم ،الله يرضى عليك،ما في زول قال انو الدليب اصلو اغريقي او يوناني.+++هذا الايقاع اصوله ليست في السودان فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا+++ آما الشيئ الغريب فان الامثله واللينكات الجبتها كلهامن مالي آو غيرها الفولان ولا غير الفولان انا سمعتها كلها ولا يوجد فيها مثال واحد للدليب آو ٧/٨
دي نظرية موصلي الشرق أوسطية
واضحة، بيقول إنو الإيقاع (الدليب) أشار له بجملة "هذا الايقاع" جاء من الجزيرة العربية المتاثرة أصلاً بإيقاعات الإمبراطوريات التي غزت تلك المنطقة. من ناحية تانية بينكر إنو (الدليب) موجود في غرب أفريقيا ولو باختلافات بسيطة. Two edged sword. A double kick. مع ذلك، أنا مستمع جيد، نسمع المشتركات، ونشوف حيقول شنو عن نظريتو، والمية تكذب الغطاس.________need I say more؟
Quote: واضحة، بيقول إنو الإيقاع (الدليب) أشار له بجملة "هذا الايقاع" جاء من الجزيرة العربية المتاثرة أصلاً بإيقاعات الإمبراطوريات التي غزت تلك المنطقة.من ناحية تانية بينكر إنو (الدليب) موجود في غرب أفريقيا ولو باختلافات بسيطة.Two edged sword.A double kick.مع ذلك، أنا مستمع جيد، نسمع المشتركات، ونشوف حيقول شنو عن نظريتو، والمية تكذب الغطاس.
يارااااااجل كما يقول الاستاذ محمد سليمان--------------------اها انت مالك ما جبت الدليب بتاع ناس مالي والجماعه ديلانا قلت ليك كل اللينكات بتاعتك سمعناها وما فيها التكتح يلا انت جيب لينا وتكون ثقفتنا ثقافة لا تقل عن انو الناس ما وصلو القمر
Quote: مع ذلك، أنا مستمع جيد، نسمع المشتركات، ونشوف حيقول شنو عن نظريتو، والمية تكذب الغطاس.
مية المية يا حاتمونخلي الموصلي يواصل وبعد داك نشوف أصل الدليب (أنا ما حأندهش لو اتلقت كل اصولالموسيقى جاية من افريقيا ليس تعصب بل دراسة وحفريات وغيرها تثبت ابتداء الحضارات من افريقيا)
Quote: يقول حاتم :[ إن سمحت لي، لا علاقة مطلقاً بين إيقاع الدليب وأوروبا .]الآن المطلوب أن يثبت الموصلي الخطأ ..
الصامت التحت
مع إنو الموسيقى (عندكم) حرام خليني أوضح ليك مشكلة التسمية "دليب" هنا:المصطلح (دليب) هنا يعني إيقاع أغاني الشايقية في شمال السودان، وبالتأكيد الموسيقى المصاحبة، في الواقع حتى الموسيقى ذاتها هناك هي أغلبها ريثم وتميل للكوردز أكثر من اللحن الواضح المنفرد.القصد: تمييز (time signature) بمصطلح محلي القصد منه في الواقع إبراز الأصل الإغريقي لموسيقى شمال السودان وهذا ما يحاول موصلي جاهداً إثباته، ولو بالمرور غصباً عبر أراضيكم التي تحرمون فيها المعازف.____comprendes؟
سلام للجميع .. بما أني ما متخصص في الموسيقي لكني أقارن إيقاع الدليب والريذم حسب تخيلي بأن أجيب كورس بتاع شايقية وأزج به في وسط الإيقاع وأشوف إن كان إيقاعهم سيزبط في التايم مع الإيقاع الذي تحت الإختبار .. بالنسبة للفيديوهات واللنكات أعتقد أن الفيديوهات الجابها الأستاذ أسامة الخواض تتوافق مع إيقاع الدليب .. وفيديوهات الأستاذ الموصلي بالكاد تحس فيها بريذم الدليب . . واللنكات الجابها استاذ حاتم بعيدة من إيقاع الدليب .. ومعليش علي الفيديو المزعج الجبتو ليكم ، لكني من فترة طويلة وأثناء سماعي للموسيقي الشعبية الآسيوية وجدت أن إيقاعات قبائل البشتون في أفغانستان قريبة جداً من إيقاع الدليب سوي أن الرقص الرجالي المصاحب له فوضوي قليلاً..عموماًَ حسب إحساسي فإن دقات الدليب هي كالآتي: تلاتة دقات .. دق دق دق .. دق دق دق .. دق دق دق بمسافات زمنية متساوية وبين كل تلاتة دقات وتلاتة دقات في مسافة زمنية أطول شوية - ختيت ليكم محلها نقطتين .. وعندما تشيل المسافة الزمنية بين الدقة الأولي والتانية وتقوم ترص الدقات إتنين إتنين مفصولات بمسافة زمنية يقوم الإيقاع يختلف ويصبح سريعاًَ ويتحول ل جابودي - إسمه الجابودي - ويمكن تمثيله ب: دقدق .. دقدق .. دقدق .. المهم ، ده كلام زول جربندي ساي لكنه شايقي وله مهارة في عزف الدليب والطمبور والصفقة والغناء - في السر - :) ..
Quote: الصامت التحتمع إنو الموسيقى (عندكم) حرام خليني أوضح ليك مشكلة التسمية "دليب" هنا:المصطلح (دليب) هنا يعني إيقاع أغاني الشايقية في شمال السودان، وبالتأكيد الموسيقى المصاحبة، في الواقع حتى الموسيقى ذاتها هناك هي أغلبها ريثم وتميل للكوردز أكثر من اللحن الواضح المنفرد.القصد: تمييز (time signature) بمصطلح محلي القصد منه في الواقع إبراز الأصل الإغريقي لموسيقى شمال السودان وهذا ما يحاول موصلي جاهداً إثباته، ولو بالمرور غصباً عبر أراضيكم التي تحرمون فيها المعازف.____
قمة الجهل والسذاجه المعرفيه في الموسيقيوطالما انك تنكر وصول الانسان الى القمر فما غريب عليكآن تدعي معرفة الموسيقى ياراجل شوف ليك شغله تانيه وبطل الخارم بارم بتاعك ده--------------هسع بجيب ليك البوست الشردت منو وكنت بتتفاصح فيهوواخليهم يتفرجو عليك
Quote: اها انت مالك ما جبت الدليب بتاع ناس مالي والجماعه ديلانا قلت ليك كل اللينكات بتاعتك سمعناها وما فيها التكتح يلا انت جيب لينا وتكون ثقفتنا ثقافة لا تقل عن انو الناس ما وصلو القمر
who blinks first!
هههههههههما قلت ليك يا الصادق أخوي، الراجل ما عندو غير كاونتربوينت وهارموني ودوديكافوني ومستر فلان درسنا وربت على ضهري.هسع نظريتو ذاتا نط خلاها، عييييك.____أنا ما موسيقار، زمبار سااااكت.
حاتمالنقاش عن يقاع الدليبالموصلي هنا (حسب فهمي) بيقول ليك الموسيقى الماليةالإنتا جبتها (ما فيها اتكتح) من ايقاع الدليب.وإجابة زي دي أنا بفهم منها إنه (الكلام خاص بالإيقاعات الإنتا جبتها مش على اطلاقها.لكن المهم استعدال النقاش.بنطالب الموصلي إنه يعيد لينا تعريفالمقصودد (بإيقاع الدليب شنو؟) أيوة حتى قصة (سبعة على تمنية) دي ما مفهومة للقاريء العادي (الزي منير دا هههه)وبالتالي نفرز المواضيع ويبقى النقاش عن كيف (اشتراك ايقاع الدليب اليوناني مع الشايقي)وزي ما وضحه (الشايقي منير هههه) .
Quote: بالنسبة للفيديوهات واللنكات أعتقد أن الفيديوهات الجابها الأستاذ أسامة الخواض تتوافق مع إيقاع الدليب .. وفيديوهات الأستاذ الموصلي بالكاد تحس فيها بريذم الدليب . . واللنكات الجابها استاذ حاتم بعيدة من إيقاع الدليب ..
بالضبط يا منيروحتى بتاع البشتون (ناقصاه الصفقة بس هههه)دا برضه احساسي أو على الأقل (أضاني)يعني الفديو الأول بتاع (ياني) ايقاع دليب مية المية ما فيهو شكبتاعات الموصلى دايرات تركيز عشان تطلع الدليبايقاعات حاتم المالية جاتني خصوصاً في القطعة الأولىأقرب لإيقاعات الرائعة حنان بلو بلو في (حمادة دا) ويمكن اكون غلطان بس دا احساسيلقيت التسجيل دا بالحبشي
Quote: حتى قصة (سبعة على تمنية) دي ما مفهومة للقاريء العادي (الزي منير دا هههه)
تحياتي يا الصادق يا ذِويِّق :) عشان تعقيدات السبعات والتمانيات دي جبت التمثيل بالدق:) .. حسب ملاحظتي أن إيقاع الدليب البعرفه أنا هو التلات دقات الوصفتها فوق - الإيقاع الأصلي هو البتكون فيهو المسافات الزمنية متساويةuniform - أها تطويل وتقصير المسافات الزمنية دي هو ما يحدد قرب الإيقاع من الأصل الstem أو بعده منه .. فيديوهات ياني-Yanni- واضحة لأنه شغال بالأصل شخصياً ..(لاحظ حشر بعض الكلمات الإنجليزية يعطي كلامي طابع علمي، مع إنو أنا زول قريعتي رايحة ساي) الجابودي مثلاً يشحور ليك الزمن فيقوم جاري ليك بالإيقاع - لأنك شلت منه مسافة زمنية - مما يضطر الكورس للجري وراهو ويتغير إحساس المستمعين حينما يتم التغيير في نص الأغنية .. ولذلك عندما يرجع الإيقاع من الجابودي تحس بالبطء الشديد في الأغنية ويحتاج المستمع لبرهة طويلة حتي يستعيد الصعود للتراك بتاع الدليب مرة أخري ...
ينصر دينك يا منيررجعت سمعت لي جابودي لقيتو زي كلامك بالضبط يا منيرواتخيل مشكلتنا في السودان ومعهد الموسيقى بتاعنا ما اهتم بالموسيقى السودانيةيعني الخريج بيكون عارف ليك (بيتهوفن كان لابس شنو لمن عزف السيموفنية العشرمية)لكن ما بيكون سمع ولا ربع الإيقاعات السودانية.يا ريت لو الناس تهتم بالإيقاعات السودانيةيا خي النيل الأزرق دا فيهو ايقاعات بتاعة الجاز الواحد دا بصورة مذهلةلكن برضو برجع واقول إنه كلو بسبب (ارتباك هويتنا) لو حسمناها لصالح السودانيكان عادي الايقاعات دي حنسمعها كل يوم لحدي ما ترسخ في ذهننا.
يا موصليتحياتي مرة اخرى"فايت مروِّح وين؟؟؟ ما لسة الزمن بدري" هههههههههههههههدايرني اضرب ليك "حرام" اسفيري؟؟؟ههههههههههههالاستاذ حاتم قال انو "مستمع جيد"، وحيستمع لي إفاداتك الموسيقية المعرفية حتى النهاية. نحن تلاميذك في هذا البوست،فلا تخذلنا.في انتظارك.
Post: #58 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 12-01-2015, 06:30 AM Parent: #1
Quote: قمة الجهل والسذاجه المعرفيه في الموسيقيوطالما انك تنكر وصول الانسان الى القمر فما غريب عليكآن تدعي معرفة الموسيقىياراجل شوف ليك شغله تانيه وبطل الخارم بارم بتاعك ده--------------هسع بجيب ليك البوست الشردت منو وكنت بتتفاصح فيهوواخليهم يتفرجو عليكملء السنابل تنحني بتواضع و الفارغاتُ رؤوسُهن شوامخُ
خير أستاذي موصلي
يبدو أن العاطفة تسوقك بعيداً عن مدارج البحث العلمي القويم والتفكير السليم.على العموم أتمنى أن تنحو في اتجاه يختلف قليلاً عن الشتيمة وإعادة تعريف ذاتك كل مرة.- كلمنا عن نظريتك في الأصل الإغريقي لإيقاع "الدليب"- وأشرح للناس هنا الأبجديات حتى يكونوا على دراية بما تتحدث عنه، الإيقاعات تحديداً وتصنيفاتها- حدد خصائص إيقاع "الدليب" حسب ما درسته- لا تكتفي بالقول بأن نماذج حاتم مختلفة أو أنه لا يعرف الموسيقى، بل قدم ما عندك للمتابعين- جيب برضو البوست الذي وعدت بهأعتذر عن سخونة كلماتي التي أثارتك، لكن هذا قدري وربما قدرك، أنني لا أجامل في الحقائق.سأغيب ربما يومين أو ثلاثة، تهدأ خلالها، وأعود بمداخلة طويلة ونماذج كلها من غرب أفريقيا لإيقاع الدليب الأفريقي.
Post: #60 Title: Re: الدليــب اليوناني؟ سؤال لأستاذنا المبدع: Author: الأمين عبد الرحمن عيسى Date: 12-01-2015, 07:01 AM Parent: #58
Quote: كلو غير علمي
بالعكس كلامي كله علمي، غير أنك تقول بالعكس لكنك لا تبرز أي دليل على أنه غير علمي
Quote: 1- وصفك للإيقاع وتسميتك المباشرة ليهو بأنه (دليب) وتجاوز للوصف العالمي المتعارف عليه
أنا هنا أسمي الإيقاع باسمه المتعارف عليه في السودان وأبرز دليلا على استخدام ياني له فكيف لك أن تصف ذلك بعدم العلمية و تفترض ضرورة عدم تجاوز الوصف العالمي المتعارف عليه؟؟
Quote: تقول عرفه ياني، ياني لم يتطرق بالاسم لإيقاع اسمه (دليب) كما تلمح، ياني يشير إلى (time signature)
هذا التايم سقنتشر هل هو شيء آخر غير الإيقاع؟؟
Quote: 3- بتقول يلاحظ في اللحن تمايل العازفين، العازفين يا أخوي رقصوا عديل في مقطوعة (niki nana) ودا الوضع الطبيعي لأي متذوق للموسيقى.
طيب ما يرقصوا في مقطوعة niki nana ، حتى الجمهور رقص معاهم هذا شيء طبيعي، لكن أنا قلت تمايلوا طربا مثل أهلنا الشايقية أي على نفس النمط الذي يمارسه الشايقية حينما يطربون للحن، و هذا يعني نوعا معينا من التفاعل ناتج من تأثير إيقاع معين.
عيب عليك إنت أنا قلت يتمايل و تلك خاصية إختص به الشايقية وحدهم أما الطرب فيمكن أن تدرج نفسك فيه معهم. أنا لم أقل أهلي الشايقية بل قلت أهلنا الشايقية والفرق واضح بين أهلنا و أهلي - ميز قليلا..
Quote: مشكلتنا الكبيرة إذا حنقعد نلوك في الأبجديات ونقعد نقول (هي سبعة من تمنية دا ياهو ذااااتو حق أهلنا الشايقية، بس جانا من هناك)، أها دي ما زي كلامك بتاع السلم الخماسي وكيف ربط بين هترشاتنا الموسيقية دي والموسيقى الصينية؟ مشكلة ولا مشكلة إذا المهتمين بالموسيقى قابضين في الأبجديات؟
لا داعي لخلط الحوارات أنت تعلم تماما أنني غير المقصود في هذا الحوار والبوست موجود ممكن يرجعوا ليهو كل القراء ويقروا أنا كتبت شنو وأنت وغيرك كتبتوا شنو؟؟ خليك صادق شوية في إفاداتك.
Quote: مافي مانع تعال نسمي إيقاع الدليب (Dalibisim) وأنا بكرة حأضع تعريف ونختو في الموقع دا في بوست منفصل، ونكلم كم واحد يعمل ليهو هاشتاق وشوية منظراتية يحشروه في ورقات علمية عن الموسيقى، وانت قايل المصطلحات بتتولد كيف؟بس كمان الناس حيسألوك، مش التعريف بتاعك دا عندو مسمى علمي واضح؟ حتقول شنو؟ أهلي الشايقية بيتمايلو بيهو.
لا داعي للسخرية.. فالسخرية الكثيرة تقلل من قيمة الفرد. وكلما ازداد المرء علما كلما زاد تواضعا بينما أنت تسير في الإتجاه المعاكس، وكما قلت لك أنفا فقد ذكرت أهلنا الشايقية ولم أقل أهلي الشايقية، لك أن تدرك أنني لا أنتمي للشايقية وإنما أقصد الشايقية أهل جميع السودانيين..
Quote: يا أبوي ياني خريسوماليس أنا بكتب ليهو ناهيك عن الاستماع من سنة 1990، بس لما نجي نناقش هنا يكون في هدف
من العام 1990 بتستمع لياني، هذا يعني أن رصيدك من التذوق والذوق لا شك أكبر ممن عرفوا ياني مؤخرا، وتلك ميزة لك، والموسيقى ترتقي بالذوق كثيرا !! وقلت أنك فوق ذلك كنت تكتب ليهو !! هل تعني أنك كنت تكتب له أم تكتب عنه؟؟
Post: #59 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 12-01-2015, 06:54 AM Parent: #1
Quote: وإجابة زي دي أنا بفهم منها إنه (الكلام خاص بالإيقاعات الإنتا جبتها مش على اطلاقها.حتى قصة (سبعة على تمنية) دي ما مفهومة للقاريء العادي (الزي منير دا هههه)وبالتالي نفرز المواضيع ويبقى النقاش عن كيف (اشتراك ايقاع الدليب اليوناني مع الشايقي)
كيفك الصادق، لا تحسبن الشحم فيمن شحمه ورم
الموصلي بتكلم مدفوع بالعاطفة أكثر من أي شيء تاني، ما عندو استعداد لأي حاجة تقرن الدليب بغرب أفريقيا حتى لو يقفز فوق كل الحقائق ويستورد طبلة دليب من أثينا عبر الجزيرة العربية، ويتجاهل بتاعة داكار القريبة منو دي.هسع شوف الصورة في مداخلتي الأولى (الفيها تلاتة أنفار) الفوق دي لو ما قلت ليكم سينيغال ما ياها طبلة الدليب ودا شكل بيوتنا في العاصمة؟قصة سبعة على تمانية دي أنا حأفرمل هنا، لأنو كلامي حار، أخليهو يشرحها ليكم هي وغيرها إن أمكن.وبجي بعد داك بستعدل الشاسية وأنضف الرايش.النقاش يا الصادق مش عن اشتراك الإيقاعين، لا أنا لا هو مختلفين عن اشتراك الإيقاعات، هو بيقول عالمي، وأنا بقول من أمريكا اللاتينية لأوكيناوا، وأهو منير الواحد دا طلع ليك الدليب حق ناس القاعدة والبشتون.الموضوع دلوقتي من وين أصل إيقاع (الدليب) لاحظ المشكلة هنا اصطلاحية واحتمال كلنا بنقول في نفس الشيء بدون ما ننتبه.أنا أفضل استخدام المصطلح العالمي لتعريف الإيقاع عند الحديث والتعريف، نشوف موصلي حيسميهو شنو.لما نقول (دليب) يكون القصد تحديداً إيقاع الشايقية في شمال السودان.علي ذلك مافي داعي الناس تقول (الدليب الإغريقي) أو (الدليب الأفغاني) أو (الدليب المالي) دي تسميات عشوائية ومضللة ومنحازة بتصف صنف موسيقي انطلاقاً من رؤية محلية، عشان كدة من البداية أنا بطالب إنو الكلام يكون بأسلوب علمي، عشان بكرة ما ينط واحد في التلفزيون ولا الإذاعة ويقول:(طبعاً الدليب يوناني إغريقي زي ما عارفين، بتكونوا سمعتوا ياني).لاحظ الرسالة المبطنة في الجملة الفوق دي.______حاجة أخيرة، ما تأخذ أي كلام بيقولو أي زول على إطلاقه بما في ذلك كلامي، أعمل الهوم ويرك بتاعك.
Post: #61 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 12-01-2015, 07:19 AM Parent: #1
Quote: بالعكس كلامي كله علمي، غير أنك تقول بالعكس لكنك لا تبرز أي دليل على أنه غير علمي
سلام أخ الأمين
أنا اطلعت على كلامك بسرعة وحأرد في وقت لاحق، لا تضايق من أسلوبي، حأغيب يومين تلاتة، أجهز مواد بطريقة منظمة أنا بعرفها.البوست المعني أظنه هناشوية موسيقـى - تغييـر ما بطالشوية موسيقـى - تغييـر ما بطال_____يمكنك الاقتباس منه لدعم كلامك.
اولا التحية لك استاذنا الخواض على فتح هذا البوست حتى نستفيد نحن منه لمعرفة اشياء غائبة علينا والتحية عبرك للاستاذ الموسيقار الموصلي والتحية عبرك للاستاذ حاتم والاستاذ منير والاستاذ الصادق ولكن اسمحو لي ان اطلب منكم طلب وهو ان تحاولو تقديم معلومه نستفيد نحن منها وترك التعصب والمغالطات جانبا حتى لا يفقد البوست هدفه وفائدته والقه ورونقه لاننا نحن هنا في هذا المنبر نستزيد من شخصيات مثلكم ونستفيد من كل نقاش علمي او ثقافي او .... الخ لذا لا تحرمونا من هذه الفائدة اذا سمحتم فكلكم قامات سامقة ولا نرد نحن الصغار ان نضيع تحت الرجلين كما يقولون وهذا طلبي ورجاء سادني الاجلاء ولكم حرية التصرف ... تحياتي : ياسر العيلفون ....
Quote: حأغيب يومين تلاتة، أجهز مواد بطريقة منظمة أنا بعرفها.
تصحبك السلامة أستاذ حاتم،وفي انتظارك حالما يفرغ استاذنا الموصلي من مداخلاته القيمة.الميكرفون الآن لك يا موصلي.متأكد انك ما "حتحرج" و لا "حتحرم" مستمعيك ، وهم كثر. أرقدوا عافية،وتصبحون على خير بتوقيت الساحل الغربي الامريكي.
أجمل ما في هذا البوست هو: جهل الأستاذ أسامة الخواض بالموسيقى!يا موصلي، حاتم العكليتة دا، ما عندك معاهو طريقة غير تكتب الداير تقولو في مداخلة واحدة كبيرة!انسحابك ما بحلكنحن نتابع ومستمتعين بالشكلة دي ولحدي هسع بنشجع فيك، لكن ما تضمنا لو انسحبت بنصفق لحتومة.
Quote: أجمل ما في هذا البوست هو: جهل الأستاذ أسامة الخواض بالموسيقى!يا موصلي، حاتم العكليتة دا، ما عندك معاهو طريقة غير تكتب الداير تقولو في مداخلة واحدة كبيرة!انسحابك ما بحلكنحن نتابع ومستمتعين بالشكلة دي ولحدي هسع بنشجع فيك، لكن ما تضمنا لو انسحبت بنصفق لحتومة.
سيدنا ابوبكر لك التحيه ياخوي انا ود اشلاق البوليس الغربي اتربيت فيهو وخايف على روحي من عكلته اولاد الاشلاق العملتها زمان مع الاساتذه العلماء العاقب محمد حسن وجمعه جابر لهما الرحمة والمغفره على سبيل المثال لا الحصر و عييييييك
ايــــــــــقاع الدليــــــــبمُساهمة من طرف نادر محمد عوض الكريم في الخميس 13 مايو - 20:30إيقاع الدليب واحدٌ من الإيقاعات السودانية الأصيلة والمعروفة والمنتسبة منذ قديم الزمان إلى منطقة مروي في شمال السودان . وقد إرتبط هذا الايقاع بقبيلة الشايقية فارتبطت به ثقافتها وفنونهاالغنائية مصحوباً بآلة الطنبور الشعبية وامتد تأثيره إلى المجموعات القبلية المجاورة كالبديرية والدناقلة والمحس شمالاً، والمناصير والرباطاب جنوباً .وإيقاع الدليب إيقاع "مركّب" من وحدتين (وحدة مستقرة – أربعة ضربات + وحدة غير مستقرة – ثلاث ضربات) ويرجع ذلك ، حسب الأستاذ/علاء الدين سنهوري في دراسته "التفكيرالموسيقي في السودان" ، إلى وجود إيقاع الدليب في منطقة تداخل مناخي ما بين مناخ الصحراء في أقصى الشمال "إيقاع رباعي" ، وبين مناخ شبه الصحراء في الشمال الاوسط"إيقاع ثلاثي" . وفيالموسيقى يحسب هذا الإيقاع بالميزان الموسيقى 8/7 والملاحظ أن الرقم 7 هو حاصل جمع الضربات الأربع زائد الضربات الثلاث .ومنذ عقدي الخمسينات والستينات من القرن الماضي ، انتشر إيقاع الدليب المصحوب بالغناء بالطنبور، في نواحي السودان المختلفة واصبح جزءاً أصيلاً من الايقاعات الغنائية السودانية العامة.صاحب هذا الإنتشار السريع بعضٌ من الظواهر السالبة المؤثرة تأثيراً مباشراً على روح وحركة هذا الايقاع ، أهمها وأخطرها تغيير تشكيلات الإيقاع الأساسية بتشكيلة أقل ثراءً وهو تكوين واحد يتمتكراره من بعض المتعاملين به ومعه ، إما لعدم المعرفة بسبب إنعدام الإرتباط المكاني والإنتماء الوجداني لمنطقة هذا الإيقاع ، أو لقصورٍ في الإتقان والمهارة الفنية على الضرب على أدواته ، مما أدىإلى أن يفقد هذا الإيقاع أهم خصوصياته وخصائصه ولونيته المميزة ، الشئ الذي يشكل تشويهاً فعلياً له وقد يؤدي ـ إن إستمر الحال على ما أصبح عليه ـ إلى إندثاره وإندثار الغناء المرتبط به تماماً ،كما إندثر قبل ذلك أو كاد ، إيقاع الرترتو (الجابودي) ،وبعض الإيقاعات الثانوية الأخرى .
Quote: وإيقاع الدليب إيقاع "مركّب" من وحدتين (وحدة مستقرة – أربعة ضربات + وحدة غير مستقرة – ثلاث ضربات) ويرجع ذلك ، حسب الأستاذ/علاء الدين سنهوري في دراسته "التفكيرالموسيقي في السودان" ، إلى وجود إيقاع الدليب في منطقة تداخل مناخي ما بين مناخ الصحراء في أقصى الشمال "إيقاع رباعي" ، وبين مناخ شبه الصحراء في الشمال الاوسط"إيقاع ثلاثي" . وفي
بناء على طلب اسامه والكلام اللطيف من حاتم اعودويا حاتم يمكنك الاختلاف معي كيفما شئت ولكن دون محاولات استفزاز واستهزاء على الاقل انا قدر ابوك فخلينا نختلف بلطف وانا خفت من روحي لاني فعلا بديت ارمي شوية دراب ما حلو وبجيك راجع براحهنجي للاقتباس الفوقيبدو أن اخونا نادر أخذ معلومه خطأ من المبدع علاء سنهوريفالثلاث ضربات التي ذكرها الضربها ايضا مستثره ولكن الغير مستقر أو الشاذ هو حاصل جمع الثلاثة مع الاربعة المكون للميزان 7/8
Quote: حاجة أخيرة، ما تأخذ أي كلام بيقولو أي زول على إطلاقه بما في ذلك كلامي، أعمل الهوم ويرك بتاعك.
حاتم تحيايتأنا لأنه بعمل الهومويرك بتاعي عشان كدا مشيت وشوف الكلام الفي بداية البوستوالكلام تحديداً عن (الأشتراك)، وليس عن (الأصل)على الأقل دا الموضوع الفتحه اسامة الخواض.ومنير نفسه تكلم عن (تشابه) مع البشتون.أما كون أن الدليب من غرب افريقيا أو من شمال المتوسط أو سفوح افغانستانفدا بصراحة ما أظنه موضوع البوست دا. كونك داير تناقشه وتبقيه موضوع البوستفانت حر ولك كامل الحرية أن تكتب ما تشاء.وكونك خايف إنه زول يجي يقول الدليب إغريقي وداير تحميهفبرضه لك مطلق الحرية .لكن الموضوع الطرحه اسامة الخواض واضح لا لبس فيه ولا (خم)
Quote: ي أمسيتنا المشتركة في دار الحزب الشيوعي السوداني، تطرّق أستاذنا الموصلي إلى أن ،إيقاع "الدليب " مشترك بين السودان،واليونان.
يا هوندا الكلام يا حاتم واضح وضوح الشمس وما أظنه بيحتاج لشرحفاطمئن الهومويرك بتاعنا مجودينه ومنتظرين ناخد فيه العلامة الكاملة
سلام للجميع هناكدى قولو بسم اللهو نبدا من اولالدليب كاّلة ايقاعيةاصله من جزع شدرة الحرازقطعتين واحدة كبيرة و التانية صغيرةو بفرغ اللحا و يشد بالجلدماعز ضان بقر كيفما اتفق الخالو ده شكل الدليب عند الشايقيةو يا ريت ناخد فى الاعتبار تنوع ايقاعات الدليب عند الشايقيةفبرغم النوع المعروف لكل السودانيين برضو بنلقا الخلفايا دىو الصفقة الثنائيةاما ايقاع الفردة .. ده عالم تانىفأشهر اغنية كانت للاستاذ عبد الرحمى بلاص و فيها بقول لقيت الناس حزينة و جوها و قلتا تحية ما ردوهاوده الشايقية بيتناولوهو براهمما عليناخلونا نبتدى من هناالتنوع فى ايقاع الدليب عند الشايقية و مضاهاته عند بعض الشعوب
سلام فوراول بدون فرزوتحية للأستاذ جلالدوناويا موصلي الدكتور مسح المداخلة، والعبدلله قراها كلها، وآثر عدم التعليق.فخلّونا نبتعد عن "روح الجيتو" الاسفيري.وهي روح انغلاقية انعزالية. و لا ترى في "البوستات"،سوى المتداخلين الافتراضيين. وتتجاهل القارئات المتابعات،وما أبرئ نفسي، لكنا نحاول.الاعتراف بالخطأ فضيلة، وكذلك الإقرار بالجهل.وخلّونا نمشي لي قدَّام،بالتركيز على ما ينفع الناس.أرقدوا عافية.
ألاحظ أن هذا الإيقاع البشتوني كما قلت قريب من إيقاع الدليب، لكنه أعرج - مشيته عرجاء وهناك تأخير بسيط بين الخطوات أو الدقات - ولا يتطابق معه مية في المية ..
من "الفيسبوك" صفحة "مصعب المهدي" في يوم 10 يونيو 2012:
Quote: Musab E. MahdiJune 10, 2012 ·ايقاع 7/8 اللي هو الدليب .. والناس فرحانة بيهو وايقاعات بلدنا طلع انو اغريقي يا جدعانوالسيد Yanni ما سرقو من السودان... يعني ما تفكوها فينا ده تراث اغريقياحتمال كبير اخوانا الشوايقة جذورهم اغريقية او انو الاغريق طلعو شوايقة.. حلوها انتو
Quote: MUSICAL TRADITIONSOdd Meters, 7/8 Anyone؟By Stewart Hendrickson Recently some Irish musicians have been composing tunes in odd meters such as 7/8 One example of this is the "Road To Barga" by Cillian Vallely of the Irish band Lunasa*
Quote: دا واقع الموسيقى في العالم كله1- أنا فهمت من سؤالك محاولة الربط الثقافي وربما الاجتماعي بين مكونين في شمال السودان وجنوب أوروبا، اليونان تحديداً.2- فهمت من مداخلات الموصلي تأكيده على هذه العلاقة.*** الملخص: إيقاع الدليب يوناني إغريقي ***فإذا كان هذا هو المقصود، فمرحب بالنقاش في هذه الجزئية وبطريقة علمية حتى لا يتحول البوست لمهرجان موسيقى.أما إذا كانت هذه مجرد ملاحظات فوارد جداً أن تتشابه الموسيقى على امتداد القارات، صادفت بوست منذ فترة يؤكد على تشابه الموسيقى السودانية مع الصينية، بجامع (السلم الخماسي) بكل فخر كما بدأ من صاحب البوست.____أسلوب المقارنة بالفيديوهات يقودنا إلى أن موسيقى الوازا في النيل الأزرق أصلها استرالي.أو ربما العكس.
كدي يا حاتم ورينا واشرح ليناالطريقه العلميه ومنكم نستفيد
Quote: The Greeks have been playing music in 7/8 and other odd meters for hundreds (even thousands) of years, as have Middle Eastern, Eastern European and Balkan musicians.
لم يتم ذكر افريقيا في المقطع أعلاه،وهذا يخالف ما قال به الاستاذ حاتم ابراهيم،وفي المقابل، يؤكد تحليل الاستاذ الموصلي حول أن ذلك الإيقاع أتى إلى السودان من الشرق الأوسط..*المرجع:http://www.stolaf.edu/people/hend/VictoryMusic/OddMeters.htmlhttp://www.stolaf.edu/people/hend/VictoryMusic/OddMeters.html
Quote: العزيز قرشي انا جاييك بي محلين1- ايقاع الدليب أو 7/8 في السودان( لاحظ في السودان دي) شايقيولو الشوايقه نوبيين يبقى الايقاع نوبي "شايقي"طيب الايقاع منتشر في العالم1- استخدمه مؤلفو شرق وغرب أوروبا منذ القرن السابع عشرايجور سترافنسكي مثالاهو متأصل في الاغنية الشعبية الاغريقيةاستخدمه منها ياني مثالا-----في جامعة ايوا كان الاستاذ الزائر اغريقيوأثناء تدريسنا ادانا واجب كتابة مؤلف للرباعي الوتريكونتراباض / تشيلو / فيولا / كمانفكتبت مؤلف على ايقاع الدليب حأجيبو ليك في البوست ده ان شاء اللهالاستاذ نظر الى شخصي باستغراب وسألني من أين لك هذا الضرب الايقاعيفرددت عليه بان هذا "من إندنا" منطقة الشايقية فقال لي لا هذا إغريقيواستمر الجدل وقررنا أن يأتي كل منا في اليوم التالي بما يثبت أحقيتهفاحضرت شريط للنعام وأحضر هو أغنية شعبية اغريقية وضحكنا جميعا وعرفنا بان هذا العالم ضيقكل الود موصلي
مداخلة الاستاذ الموصلى منقولة من بوست للزميل قرشى محمد عبدون يا إخوانا إيقاع الدليب نوبى ولا شايقى..الشوايقة نوبين ولا العكس ؟يا إخوانا إيقاع الدليب نوبى ولا شايقى..الشوايقة نوبين ولا العكس ؟فى العام 2012الموصلى يقول ... الايقاع معروف عىد الاغاريق من القرن السابع عشريبقى بى عمر التاريخ الايقاع جديد عليهمبى حكم ان الطار و الدف و الدليب كاّلات اتوجدت قبل دلك التاريخ بكثير ....المنطقة الجغرافية و التى يقع فى اطارها الشايقية منطقة حراك و كر و فر منذ قديم الازلالمسيحية اتت الى السودان عن طريق النهر و كذلك الاسلامو المستشرقون و المستكشفون و كل حملات الغزوو بحسف قولك ان الايقاع عرف عند الاغاريق منذ القرن السابع عشر الميلادى اميل الى فرضية نقله من منطقته الام بحكم حركة التاريخو ما اظن فى شايقى مشى اليونان الزمن داك عشان يجيب الايقاع منهم_______شكرا كتير يا خواض على الترحيب
Quote: Aiman Awadوالله يا جماعة انا حاسس انو الزول الاسمه حاتم ابراهيم دا هو المهدى المنتظر ربنا يحميه من العين وحقد العاملين فيها متعلمين والخوف كل الخوف انه يزهج ويكسح ويقعدوا لينا ناس الموصلى وحمور وياسين فوق راسنا لحدى نمش قبرنا انا لله ياخى
ههه .. ضحكتنى عبارة المهدى المنتظر دى .. :)فعلاً حاتم من ما ظهر رمى ليهو- دليبة - كبيرة بتاعة الطلوع للقمر جهجه ليك باكات الملكيين أكتر من الملك زاتو ... :)
منير شكرا لمساهماتك كلهاوده شرح عام لميزان ٧/٨ دوما الايقاعات تتكون من نبر قوي ونبر ضعيف القصه مادليب بتاع اهلنا الشايقيه السموهو كده وهو عندهم متميز بان تفاصيله الداخليه غنيه عما سمعته في الحضارات الاخرى عموما الناس المحتجين في الوصف ٧/٨ نقول ليهم ده الوصف العلمي وهنالك نوعين منه ٣+٤ آو ٤+٣ او ١،١،١+١،١،١،١ والعكس هو١،١،١،١،+١،١،١ ويوجد ايصا ١،١+١،١،١،+١١،١ اي ٢+٣+٢ ونزيد في الشرح فعدد وحدة الاربعه ضربات تتكون من٢+٢ ونسمع كل الضربتين تم ادخالهما في ضربة واحدة ولكنهت حسابيا =ضربتين ------------------------------------------- وبذا يكون التكوين النهائي للضرب اما ١،١،١،+٢،٢آو ٢،٢،+١،١،١ والاتنين في كل قسم من الاربعه بيتم عزفهما في ضربه واحده مدغومه تساوي ضربتين كما اسلفت ارجو الا آكون قد عقدت لكم الموضوع وساحاول ان اتي لكم بتسجيلين فيديو للتوضيح ونرجو من الاخ منير والجميع مساعدتي في البحث عن صولو ايقاعيه للدليب الشايقي لنرى كيف يتميز اهلنا في تنويعه -----------------------
Quote: والكلام تحديداً عن (الأشتراك)، وليس عن (الأصل)على الأقل دا الموضوع الفتحه اسامة الخواض.+++كدي يا حاتم ورينا واشرح ليناالطريقه العلميه ومنكم نستفيد +++قصة البروفيسور اليونانياها كل طالب ماجستير جاب العمل بتاعووانا زي ما قلت جبت العمل على ايقاع الدليبففوجئ البروفيسور بالايقاع الخاص بالمؤلف+++لم يتم ذكر افريقيا في المقطع أعلاه،وهذا يخالف ما قال به الاستاذ حاتم ابراهيم
أها يا الصادق كلامي جاك؟ إنو في نظرية خجولة هنا
للسبب دا أنا من البداية بطالب صاحب البوست والأستاذ موصلي يكونوا صريحين ويحددوا الغرض ويقولوا:*** إيقاع الدليب يوناني إغريقي ***+++على أي حال يا أستاذ موصلي أنا بجهز في رد من أربعة أجزاء كبيرة وكنت أتمنى تركز في الموضوع، فانت هنا بتتأرجح بين نظريتك المتعجلة ثم التوتر وذكر أبولو ثم إعادة سرد الأساسيات ثم العودة والاستعطاف ثم الاعتماد على فيديوهات المتداخلين ثم الآن تسألني أشرح ليك الطريقة العلمية مع أني ذكرتها بالخطوات ثلاثة مرات، مرتين وجهت الكلام ليك شخصياً والتالتة ضمن رد على صاحب البوست، أظنها واضحة فوق، لاحظ أنك أنت المتخصص هنا يا "موصلي" لكنك لا تبدو مختلفاً عن المتداخلين، بل تبدو ضائع ومشتت تماماً، فخليني دلوقت افترض أنك موافق على الملخص التالي (إيقاع الدليب في منطقة الشايقية أصله يوناني أغريقي) حتى لا تكون ردودي قائمة على تخمين لا يحاسب عليه أحد، فهل أنت موافق؟+++الأستاذ أسامة الخواض، مداخلتك الأخيرة هي السبب في عودتي السريعة هذه لإيقاف مثل ما تفضلت به، لاحظ أنني من أول مداخلة أطالب بالطريقة العلمية الصحيحة للتناول، لو فقط راجعت مداخلة موصلي التي اقتبست منها حديثه عن البروفيسور ستعرف أن النتيجة التي توصلت لها أنت (لم يتم ذكر افريقيا) لا قيمة لها بل يمكنك في الواقع أن تورد المئات من الفقرات التي لن تشمل كلمة أفريقيا والإيقاع المعني، فأنت حريص على أن لا توجد علاقة أصلا كما بدأ يظهر الآن، لهذا خاطبتكم بضرورة التناول (العلمي) وليس العاطفي، ياخي إذا كان البروفيسور بتاع موصلي ما سمع بإيقاع مشابه اسمه الدليب طول عمرو انت حتجيب فقرة من صفحة لواحد متخصص (كيمياء) أفريقيا كلها خارج دائرة اهتماماته إما تغافلاً أو جهلاً، وعايز ترجع ليها كإثبات؟ Oh, Please عموماً ياريت تقلل من الطريقة غير السليمة دي لأنها حتجرفك وتدخلنا في مغالطات بائسة فالأصح أن تبحث عن المواضيع الخاصة بأفريقيا بحيدة لنفي وجود الإيقاع (وبرضو غلط لأنك مندفع بالغرض لكن عشان أسهل ليك مهمتك) وليس بإبراز المواضيع التي لم تتطرق للقارة أصلاً للإثبات، عشان لما أضع ردي يكون شامل للمداخلات الموجودة حتى الآن (updated) بس في إمكانكم توحدوا آرائكم حول الأصل الإغريقي لإيقاع "الدليب" بكل وضوح وتحشدوا ليهو المراجع العلمية بإيجابية، مش فيديوهات، أو مقتطفات لا تناقش موسيقى القارة أساساً.أنا عامل مقدمة كبيرة لشرح الإيقاعات لأنو الظاهر موصلي مصر يحتفظ بالأساسيات لنفسو للمستقبل، وجايب في ردي نماذج للدليب من غرب أفريقيا (بدون صور مراعاة للمشاعر)، أما مداخلات الإخوة الأمين ومنير والسوداني الصامت تحت فحصرت ملخص ردي عليها في الباب الرابع، "نضافة الرايش"._____كونوا بخير وتركيز حتى عودتي.
ياحاتم إنت لو مصر تقوِّل الناس كلام ماقالوه وعاوز تبنى عليهو ردك المطوَّل بعد يومين فأخير ياخوى توفّر جهدك .. فلا الموصلى قال الإيقاع أصله يونانى ولا أنا قلت أنه حق البشتون .. وثم ثانياً إنت عاوز تقنعنى إنو اللنكات الجبتها دى إيقاع دليب كسر رقبة ساىِ؟؟ ياخوى أنا إيقاع الدليب ده شاربه شراب وموزون عندى مع دقات القلب .. أى زوغة من الوزنة الشاربها أنا بحسها طَّوالى .. وشوف ملاحظتى عن العرجة فى إيقاع البشتون ــ أها العرجة دى ما بيحسها إلاّ زوول ناقش تفاصيل الإيقاع .. ويمكن الأخ الموصلى يفلفلها علمياً ـ أنا زوول سِمِّيع بس .. ثم ياخى ياريت تنأى بنفسك عن أسلوب الإستهزاء و الإستعداء ـ فالموصلى لم يستعطفك بل ظل يستلطفك ويحاول يخت الكورة واطة معاك فلماذا الإستفزاز فى كل مداخلة؟؟ !!
Quote: عموماً ياريت تقلل من الطريقة غير السليمة دي لأنها حتجرفك وتدخلنا في مغالطات بائسة فالأصح أن تبحث عن المواضيع الخاصة بأفريقيا بحيدة لنفي وجود الإيقاع (وبرضو غلط لأنك مندفع بالغرض لكن عشان أسهل ليك مهمتك) وليس بإبراز المواضيع التي لم تتطرق للقارة أصلاً للإثبات، عشان لما أضع ردي يكون شامل للمداخلات الموجودة حتى الآن (updated) بس في إمكانكم توحدوا آرائكم حول الأصل الإغريقي لإيقاع "الدليب" بكل وضوح وتحشدوا ليهو المراجع العلمية بإيجابية، مش فيديوهات، أو مقتطفات لا تناقش موسيقى القارة أساساً.
زي ما قال ليك الاستاذ منير وزي ما قال العبدلله قبل ذلك ، خلونا ننتقد الأفكار لا الأشخاص،ونتجنب ذكر اسمائهم، قول مثلا الفكرة الفلانية ما صحيحة او ما بتفق معاها عشان واحد اتنين تلاثة إلخ.شخصنة النقاش، لا تقود إلا إلى طريق واحد:"الجحيم" المجازي.وبعدين مرة أخرى زي ما قالوا ناس كتيرين هنا ، لم يقل أحد أبدا ان اصل الدليب هو بلاد اليونان او الاغريق،و انما قلنا انه ايقاع مشترك في مناطق مختلفة من العالم.فارجو في ردك ألا تحاول نقد مسألة لم يقل بها أحد إطلاقا.ومرحبا بك مرة أخرى.ارقد عافية.
Quote: ها يا الصادق كلامي جاك؟ إنو في نظرية خجولة هنا
حاتم تحياتيأنا واحد من الناس ما قاعد أقرأ النوايا بتاعة الناسعلى بالحقائق.وأسامة هنا قال بوضوح إنه الموصلي ذكر إنه ايقاع الدليب (مشترك)يعني الموصلي حسب نقل اسامة عنه نهائي ما قال إنه الدليب اصله اغريقيفأنا شايف إنك تفتح بوست تاني عن أصل الدليب كإيقاع ودا حيكون مفيد جداًمن زول عنده مقدرات بحثية زيك.لكن النقاش الهنا دا دائري، وحقيقة بيشوش على فكرة البوست الأساسيةبتاعة اشتراك ايقاع الدليب بين الاغريق والشايقية، من غير الإشارة لأصله.وزي ما قلت ليك في بوست النوبييين، الموضوع ممكن يكون بنفس طريقة (الأعمدة الرومانية)والتأثر المتبادل بين الحضارات ممكن.فهسع خلينا في قصة اشتراك الدليب بين الاتنين.وبعد ما ننتهي منها ممكن نفتح قصة اصل الدليب ونشوف رأيك ورأي الموصليورأي منير نفسه.وحقيقة أنا رجعت وسمعت ايقاع (البشتون) وملاحظة منير صحيحة مية بالميةوأنا سمعته أول مرة وما نقشتها، لكن زول زي منير دا ايقاع فعلاً بيكونرضعه من صغير.
Quote: وحقيقة أنا رجعت وسمعت ايقاع (البشتون) وملاحظة منير صحيحة مية بالميةوأنا سمعته أول مرة وما نقشتها، لكن زول زي منير دا ايقاع فعلاً بيكونرضعه من صغير.
الصادق اخوي صح قولكانا كلامي كلو انو 7/8 أو مانسميه الدليب منتشر زي النار في الهشيم والعالم ده ضيق هسع ممكن اجيب ليك من مؤلفي القرن العشرين الاصلو ما شافو بلاد الشايقيه ويمكن ما بيعرفو هذا القبيله الراقيه جات سيرة اليونان لاني ذكرت قصة استاذي اليوناني في جامعة ايواوهذا لا يعني أن منبع الايقاع في اليونان فانا لم اصل الى هذه المعلومة بعد ولست متيقنانا اي البلاد هي الاسبق في هذا الضرب الايقاعي فالعالم ده قديم ومليئ بالثقافات الشعبية
عزيزي منيرشكرا يازميل البورد من زماننحن عايزين حاتم يركز في الموضوع "ما يوسف الموصلي"الموصلي تطير عيشتو ياخانا هسغ سالت حاتم عن اشياء مثل1- يجيب لينا الايقاع الميزانو 7/8 في غرب افريقيا وما جابووده ما بيعني انو غرب افريقيا فقيره في الايقاعات بل هي الاغنى2- قعد يتكلم فب الكاونتربيونت ولو انو بره الموضوع الايقاعي البنتكلم فيهو فقلنا ليهو اشرح ليناالحركة العكسية التقهقريه فما اشتغل بيناوظل يداور في المسائل وما مشكلهنحن نحترمه ونرجو ان يعود الى وعي الحوار ولا يركز على شخصية الموصلي
سلام يا الصادق،مداخلتي المسحوبة كانت موجهة ليك.شايفك متمسك بحرفية مراد البوست!!طيب نسألك: صاحب البوست والموصلي دايرين يصلوا لشنو بتحديد الشبه بين الدليب الشايقي وبعض ايقاعات اليونان؟!الكويس انو البوست وصل إلى انو لا توجد علاقة خاصة بين الدليب الشايقي واليونان وهذا التشابه الذي روج له الموصلي في ونساته موجود بين الدليب الشايقي وايقاعات كثيرة جدا من مناطق كثيرة في العالم، ولا توجد خصوصية بينه واليونان، والكلام دا ونسة ساكت جابتها تعليق إغريقي بالصدفة.تستطيع يا الصادق، أن تتمسك بحرفية سؤال البوست، لكنك في نفس الوقت بتحكم باعدام البوست وقفله
Quote: سلام يا الصادق،مداخلتي المسحوبة كانت موجهة ليك.شايفك متمسك بحرفية مراد البوست!!طيب نسألك: صاحب البوست والموصلي دايرين يصلوا لشنو بتحديد الشبه بين الدليب الشايقي وبعض ايقاعات اليونان؟!الكويس انو البوست وصل إلى انو لا توجد علاقة خاصة بين الدليب الشايقي واليونان وهذا التشابه الذي روج له الموصلي في ونساته موجود بين الدليب الشايقي وايقاعات كثيرة جدا من مناطق كثيرة في العالم، ولا توجد خصوصية بينه واليونان، والكلام دا ونسة ساكت جابتها تعليق إغريقي بالصدفة.
من الذي قال لك أنه لاتوجد علاقة يا ابوبكرأهم علاقة بينهما أن كلاهما ميزانه7/8لو عرفنا أهمية الميزان في الموسيقى
Post: #117 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-04-2015, 06:16 AM Parent: #101
تحايا خاصة لكل الذين امتعوني بمداخلاتهم الجميلة بهذا البوست الرّائع و الشكر لاستاذنا اسامة الخواض و استاذنا الموصلي علي هذا البوست الجميل .أوافق تمامًا علي الرأي القائل بأن الحضارات القديمة كانت متداخلة مع بعضها البعض و قد أثّر ذلك التداخل في ثقافة و تفكير و فنون انسان تلك العصور و يبدو ذلك واضحًا حين نأخذ الفن كعينة عشوائية لفحص ذلك الرأي . و قد لاحظت أنّ الرّقص المصاحب لموسيقي زوربا اليونانية يشبه كثيرًا الدّبكة اللبنانية أو الدّبكة عند الشوام بصورة عامّة ، و قد يعود ذلك الي علاقة الشوام بالرّوم و بالامبراطورية الرومانية الشرقية بالتحديد و التي كانت بعض دول الشام جزء منها قبل الفتوحات الاسلامية و لكن تبقي العلاقة الاستعمارية محدودة التأثير علي ثقافات الشعوب و الدليل أمامنا و يمكن الوصول اليه من خلال فحص الموسيقي و الغناء في دول غرب افريقيا و مقارنة موسيقاها بموسيقي المستعمر الفرنسي الذي أثّر كثيرًا في تفكير انسان تلك البلاد و لكن عند النظر الي الموسيقي و الفنون نجد أنّ تأثير المستعمر الفرنسي يتراجع أمام الثقافات المحلية و الغناء الافريقي بسلّمه الخماسي المميز و بانغامه الصاخبة و اعتماده علي الطبيعة في انتقاء آلاته الموسيقية التي تعتمد الاخشاب و الدفوف و الجلود و قصب المزامير كمكوّن اساسي لأدوات و آلات الطّرب و الموسيقي و الغناء تتخلله همهمات و صيحات آدميّة تُجاري الموسيقي و اللحن .النموذج الثاني لتماذج الحضارات القديمة هو أنموذج الرقص التركي و علاقته بالرّقص العربي و حتي الايقاعات نجد فيها تشابه لدرجة الاندماج و يمكنني هنا أن أعطي مثال بالراقصة التركية ديدام و التي حين أشاهد فيديوهات رقصها احس و كأنّي أمام راقصة مصرية أو سورية أو احدي راقصات الشام ، فالتشابه يتجاوز الحركات الشرقية في الرّقص ليصل الي اللحن و الموسيقي و صيحات و تصفيق الجماهير . مرّة ثانية أذكر بأن العلاقة الاستعمارية ليست وحدها مبرر لهذا التشابه لأنّ تركيا استعمرت السودان و أجزاء من ارتريا كما استعمرت دول أوروبية و مع ذلك نجد أنّ التشابه بين الرّقص فيها و الرّقص في البلاد العربية جاء استثناء لكل الدول الأخري التي استعمرتها تركيا . و لو أردنا أن نجعل القارة الاسيوية اساس لذلك التشابه فسنجد أنّ ذلك الشرط لا ينطبق علي مصر لأنّها تقع في افريقيا و لا علاقة لها بالقارة الاسيوية و مع ذلك تشبه تركيا في بعض فنونها ، كما أنّ الهند و الصين و كوريا - دول تشارك تركيا في القارة الاسيوية و مع ذلك فإن تراثها الغنائي يختلف تمامًا عن الذي يحمله الشعب التركي أو حتي بعض الدول الآسيوية الأخري .المثال الثالث الذي يمكنني إدراجه لشرح وجهة نظري هو وجود أنغام ما يسمّيه السودانيون ( غناء الجرّاري ) في دول أفريقية غير السودان ، و يحضرني في هذا المقام بوست جميل اطّلعت عليه في منبر سودانيز أون لاين تناول فيه صاحب البوست ( أو صاحبته إن لم أكن مخطئ ) تناولت فيه أنموذج للحن جرّاري لشباب من دولة شرق افريقية و قد كان مشابهاً لدرجة كبيرة لما يعرفه الشعب السوداني من تراث أنغام الجرّاري ، و إن كان هناك فرق فهو في اللغة و معاني الكلمات لا غير .و تبقي النقطة الرابعة و الأخيرة و هي أنّ ما جاء بهذا البوست مِن عرض مفصّل لانغام الدليب اليوناني لهو وحده كافي لتدعيم فكرة أنّ الثقافة في الحضارات القديمة كانت متداخلة و قد كانت هناك انواع تواصل حضاري أدّت الي ذلك التأثير المتبادل بين الحضارات و يبدو أنّ فكرتنا العامّة عن الحضارات القديمة و عزلتها عن بعضها البعض لهي فكرة بحاجة الي مراجعة و هذا البوست يشير بوضوح إلي أنّ التأثير الثقافي كان له دوره الواضح في المزج بين بعض عناصر و مكوّنات الثقافة عند تلك الحضارات . هذه اشارة موجزة احببت أن أضعها علي صفحات هذا البوست الجميل رغم معرفتي بأنّي سأعجز عن تدعيمها بالفيديوهات المطلوبة و السبب يعود إلي أنّي غبت عن المنبر لفترة طويلة و عند عودتي وجدت الكثير من الايقونات قد تغيّر وضعها ، حتي صرت أعاني في رفع فيديو علي صفحات المنبر ، و عليه سأقوم بوضع بعض الروابط علي أمل أن يقوم أحد زملاء أو زميلات المنبر بإدراجها بالشكل الصحيح الذي يلائم عمق و اصالة الحوار الذي يقدّمه هذا البوست ..اشكر كم جميعًا و اعتذر عن عدم مواكبتي لتحديثات المنبر و التي بسببها انتقصت مداخلتي للكثير من المعاني التي كان واجبي أن أقدّمها طالما أنّي دخلت الي ساحة الحوار . رابط لموسيقي زوربا اليونانية https://www.youtube.com/watch؟v=u12f_1Ievm0https://www.youtube.com/watch؟v=u12f_1Ievm0https://www.youtube.com/watch؟v=u12f_1Ievm0https://www.youtube.com/watch؟v=u12f_1Ievm0 رابط لرقصات دبكة لبنانية https://www.youtube.com/watch؟v=yPYR1wkdOTIhttps://www.youtube.com/watch؟v=yPYR1wkdOTIأمّاhttps://www.youtube.com/watch؟v=yPYR1wkdOTIhttps://www.youtube.com/watch؟v=yPYR1wkdOTIأمّا أتغام الجرّاري بشرق افريقيا فلم أجد لها رابط كما المَحت الي ذلك من قبل .
Quote: فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيدوحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا+++وبعدين مرة أخرى زي ما قالوا ناس كتيرين هنا ، لم يقل أحد أبدا ان اصل الدليب هو بلاد اليونان او الاغريق،+++فلا الموصلى قال الإيقاع أصله يونانى
فكرة النظرية دي عندي ليها بوست تاني في السنة الجديدة، فما تقلقوا مافي لخبطة
طيب، مداخلتي الفوق دي واضح أنها جات قبل ما أستاذ موصلي يبدأ في التناول الأكاديمي والتفصيل للإيقاع، لذلك اعتبروا المداخلة دي للتوضيح فقط ولتركيز الحقائق.======== بخصوص أصل إيقاع الدليب ======== الفكرة أعلاه نظرية غير مكتملة، وبسبب التعديل أنا بقيت مضطر أحفظ البوست مع كل مداخلة نسخة جديدة، صاحب الفكرة يقول بوضوح الدليب بتاع الشايقية جاء من المنطقة التي قامت فيها إمبراطوريات (الإغريقية تحديداً فالإشارة لياني) ومع الغزوات عبر الجزيرة العربية، كونه ما عايز يعترف بنظريته رسمياً دي مشكلتو هو، فيا ريت تبطلوا تفكروا إنابة عنه، دا ما موضوع نقاشنا هنا الأنا بحاول أثبت البوست عليهو، وهو يستطيع الدفاع عن أطروحاته في المستقبل.تاني أشرح، النظرية أعلاه فقط لتثبيت الحق في تفنيدها لاحقاً:1- الشايقية قبيلة أصولها عربية ومن روافد الأصل العربي في السودان2- ذكر سيرة الإسلام ودخوله الجزيرة العربية، بدون علاقة واضحة بالإيقاع، وقال زمن دخوله ليس بعيد3- ذكر أن الإسلام دخل للسودان من الجزيرة العربية المتأثرة بإيقاعات الإمبراطوريات التي غزتها4- ملخص كلامه: إيقاع الدليب بتاع الشايقية دخل مع الغزوات بتاعة الإمبراطوريات إلى الجزيرة العربية ومنها مع انتشار الإسلام إلى منطقته الحالية شمال السودان (الدليل تشابه إيقاع الدليب مع أعمال ياني المعاصرة، ياني خريسوماليس يوناني إغريقي)5- يعني: إيقاع الدليب بتاع الشايقية مساره من مركز الإمبراطورية الإغريقية (أثينا) عبر الشام ثم الحجاز ثم شمال السودان، جاء عبر البحر الأحمر أو النيل دي يفصل فيها هو براحته مستقبلا.الإيقاع وصل كيف؟ وبأي آلة وما نوع بقية الآلات الإغريقية التي توظنت محلياً، ومصدر الطبلة الحالية وكانت شغالة شنو قبل استيراد الايقاع دا؟ دا ما شغلي أنا، احتمال كانت مركونة أو بيدقوا عليها إيقاع تاني يورينا ليهو الموصلي لقدام في بوست تاني.======== بخصوص اشتراك إيقاع الدليب ======== مسألة اشتراك الإيقاع دا أنا ذكرتو في تاني مداخلة أهي فوق، وقلت بطلوا التناول العاطفي بإيراد الفيديوهات، وأمن على الاشتراك موصلي، وجا تاني أكد وقال (القصه مادليب بتاع اهلنا الشايقيه السموهو كده) بعد ما أنا ضغطت في اتجاه إنو النقاش يكون أكاديمي وأهو الحمد لله ماشي في الاتجاه الصحيح وأنا ملزم بمداخلات في النحو دا، اطمئنوا.دلوقتي الموضوع ببساطة بحث في الإيقاع دا مشترك تاني وين في أفريقيا، دا جانبي، الباقين عايزين فقط يشوفوانماذج من أوروبا والجزيرة العربية عبر النافذة الشمالية والشرقية أو ناكرين وجود نفس الإيقاع في أفريقيا فلهم أن يحلموا بذلك إلى حين وضع ردودي المطولة.____مع خالص محبتي.
Quote: وهذا التشابه الذي روج له الموصلي في ونساته موجود بين الدليب الشايقي وايقاعات كثيرة جدا من مناطق كثيرة في العالم، ولا توجد خصوصية بينه واليونان، والكلام دا ونسة ساكت جابتها تعليق إغريقي بالصدفة.
تصحيح:الموصلي قال الكلام دا في أمسيتنا المشتركة في دار الحزب الشيوعي السوداني.كلام الونسة هو الإعجاب المتبادل بين السودانيين والاثيوبيين.
Quote: إيقاع الدليب أصله غرب أفريقيا من مناطق الكاميرون السينيغال وبوركينا فاسو، وهو إيقاع طحن الأرز (دق الرز) عند قبائل الفولاني ويستخدم مع آلة الطمبور (Tambour) والغيتا (Ghaita) نسميها كيتا، لاحظ أن الدليب والطمبور يترافقان أيضاً في شمال السودان
ياحاتم انت حاولت تثبت نظريتك بالكلام الفوق ده وفلنا ليك هات دليلك وحتى الان أراك مغلول اليد عاجز اللسانإيقاع الدليب أصله غرب أفريقيا من مناطق الكاميرون السينيغال وبوركينا فاسو، وهو إيقاع طحن الأرز (دق الرز) عند قبائل الفولاني نظرية لا تدليل ولا دليل لها يلا هاتثم قلت
Quote: أيوة يا موصلي بعرف العلاقة الأفقية والرأسية لمكونات اللحن، والكاونتربوينت عمرو ما كان لحن مضاد. شنو يعني لحن مضاد يا موصلي؟الكلمة دي (counter) في مفهومك معناها (مضاد أو عكس) أبداً يا موصلي ، المصطلح من اللاتيني (The term originates from the Latin punctus contra punctum meaning "point against point".) إطلاقاً ما بيعني (مضاد) بل مقابل.ترجمتها المناسبة (لحن مقابل)، اتعودت تقول مضاد دي مشكلتك، بس مضاد يعني شنو في الموسيقى؟
وقلنا مادام حاتم عارف الموضوع ده يقوم يشرح ليناالحركة العكسية التقهقريةفعمل نايم وما اشتغل بينا
Quote: دلوقتي الموضوع ببساطة بحث في الإيقاع دا مشترك تاني وين في أفريقيا، دا جانبي، الباقين عايزين فقط يشوفوانماذج من أوروبا والجزيرة العربية عبر النافذة الشمالية والشرقية أو ناكرين وجود نفس الإيقاع في أفريقيا فلهم أن يحلموا بذلك إلى حين وضع ردودي المطولة
كل الذي نحتاجه منك الاجابة على الطلبين الانمع تمنياتي بالتوفيق
Post: #157 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-06-2015, 09:49 AM Parent: #97
Quote: لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟فأجاب في هدوء:"أصواتهم جبلية، وأصواتنا صحراوية".
يعني يا موصلي الزول كان ممكن يقبل مقابل الأصوات المغاير للاصوات الجبلية تعبير أصوات سهليّة!يعني الناس العايشين في المناطق المرتفعة أصواتم في العموم بتختلف عن الناس العايشين في المناطق العادية، بانو كلامم فيهو هنات سببها طريقة التنفس المرتبطة بنقص الاكسجين، لكن صحراوي دي شنو؟
Quote: قعد يتكلم فب الكاونتربيونت ولو انو بره الموضوع الايقاعي البنتكلم فيهو فقلنا ليهو اشرح لينا الحركة العكسية التقهقريه
عيب يا موصلي، كان من الأول تكفي نفسك شر (هل تعلم) دي
رجائي أن لا تتوتر، ولو من البداية التزمت بنصيحتي ما كنت احتجت تصل المرحلة الانت فيها دي، لكن الحمد لله انتهت فكرة ربط الدليب بأثينا، دلوقتي انت بترمي علي كل اخفاقاتك في البوست دا ورجعت لقديمك لإثبات أن حاتم لا يعرف (الحركة العكسية التقهقريه).بتقول حاتم قعد يتكلم، أبداً يا موصلي حاتم طلب من الجميع ومنك الحديث بعقلانية وفي إطار أكاديمي.المازورة والكاونتربوينت دي بضاعتك انت المعتاد عليها، بديت بيها هنا يا موصليRe: الدليــب اليوناني؟ سؤال لأستاذنا المبدع: Re: الدليــب اليوناني؟ سؤال لأستاذنا المبدع: حاتم فقط علق على تناولك غير المنطقي المكرر للأساسيات وعلق على أسلوب (هل تعلم) الذي عدت له كالعادة وأنا له.وحاتم أيضاً حريص على عرض وجه نظره وإثباتها، فأتمنى عدم رمي الاتهامات حتى لا نعود للمربع الأول.أنا آسف إذا اعترضت حلم التواصل مع الحضارة اليونانية، بس من الصعب علي تقبل التخمينات أو التلميحات بهذه البساطة.دلوقتي، هل تكرمني بإيقاف تعديلاتك المتكررة لمداخلاتك حتى لا أضطر لإعادة قراءة البوست كل مرة لغاية ما أضع ردودي؟.____بعدين انت راجل قدر أبوي زي ما قلت، أسلوب الانتقام دا حيجهدك بالقراية، صدقني.
حاتمعشان مانكرر روحناجيب دليلك بتاع جنوب الصحراء فيما يختص بالضرب الايقاعيوكمان ينوبك خير ما دام علمك غزير في الكوانتربيونت ورينا شنويعنيالحركة العكسية التقهقرية
كدى نجدع الحلقة دى مع النصرى وعبدالمنعم العوض العازف والملحن الذى يعطى إيقاع الدليب نكهة متميزة ومتفرِّدة .. طبعاً الحلقة كاملة لكين الأغنية الأخيرة بعد الدقيقة ٣٠ بديعة (لا راق ولا دنه بيروق) وخصوصاً الدقيقة ٣٢ .. لا تقول لى يونان لا بلقان لا بشتون لا كاميرون .. ياربي حاتم أو أى زوول ممكن يخطر على باله إنو نحن حاجتنا القاطعين فيها عرق جبيننا ممكن نجى نقول دى ما حقتنا دى حقة ناس تانين؟؟ منو الأحمق الممكن يوهب فنه للآخرين ويقعد أباطه والنجم؟؟ !!!.. أنا عاوز أذكِّر بأنو إيقاع الدليب متلازم مع قولة شايقية ولكنه طبعاً منتشر فى كل قبائل منحنى النيل من ديار المناصير لغاية ديار الدناقلة .. وهو قاسم مشترك أعظم بين كل هذه القبائل ورابط ثقافى متين بينها .. فمثلاً تجد كثير من أشهر فنانى الدليب ليسوا شوايقة زى العملاق أبشنب - الله يرحمه ـ النعام آدم .. والمنصورى عيسى برّوى وغيرهما .. أعتذر للأخ أسامة الخواض على إغراق البوست والخروج بره الخط العام .. ـ لكين قلنا التنويع برضو ما بيضر ..:)
الأخ العزيز الأستاذ الخلوق الموصلى .. الشكر ليك إنت ياخ .. وشايفك بديت تقعِّد الكلام وتشرح السبعات والتمانيات العقّدت صاحبي الصادق ده :) .. طبعاً إنت لاحظت إنى قعدت أطمبج وحاولت أشرِّع ساى ، وأكون ضرستك بالدق دق دق ..ـ لكين أسوى شنو .. كل زوول يسوي قدر قدرته .. ـ شلاقة ساكت ـ:)والواحد غايتو ما أُتيحت ليهو فرصة حياتية يتعلم الموسيقى ـ كان نفسى أقدر أكتب بالحروف الموسيقية لكين ما فى النصيب .. شرحك بالأرقام وترتيبها أدى البوست عمق ثالث ، وياريت كمان حاتم يدلى بدلوه فى نفس الإتجاه بدون ما القارى يحس بأن هناك تضاد شخصى بيناتكم ـ لا سمح الله ـ
طبعاً أيها السادة هناك ميزة بديعة تميز الدليب السودانى ألا وهى عبقرية الصفقة المصاحبة للإيقاع فى غناء الدليب .. والصفقة دى ما بتلقاها بصورتها دى لا فى يونان ولا بلقان ولا بشتون ولا كاميرون .. فالصفقة تملأ الفراغات الزمنية بين الدقات ـ وطبعاً نغمة التصفيق تختلف من نغمة الطبل، ولذلك فإن الصفقة تزيد درجة التطريب أضعافاً مضاعفة .. وطبعاً الصفقة زاتها تطورت شديد مقارنة بصفقة زمان حيث كانت ثلاثة صفقات متكررة بوتيرة واحدة ـ monotonic ـ حتي عزف الطمبور زاتو كان monotonic .. لكين صفقة اليوم أصبحت مكملة لدقات الدليب وأصبحت فيها قطعات مع كوبليهات الأغنية يتفنن فيها الكورس ..
Quote: شرحك بالأرقام وترتيبها أدى البوست عمق ثالث ، وياريت كمان حاتم يدلى بدلوه فى نفس الإتجاه بدون ما القارى يحس بأن هناك تضاد شخصى بيناتكم ـ لا سمح الله ـ
العزيز منيرانا ما حيكون عندي اي حاجه شخصيه صد حاتم المطلوب آن يدلي بدلوه ولا استنثنى نفسي في اطار النقاشكلن بنخطئ وانا شخصيا ما كان يجب على آن استجيب لاي محاولات استثاره واثارهلاني والحمد لله امتلك كل مواعين هذا الحوارولكنه لو كان في الطب آو الهدسه اعجبني الحوار لدخلت وحييت المتناقشين وقعدت آستفيدالجميل في الموسيقى آنها تتحمل دخول الذواقه والهواه والمحترفين في موقع عام كمثل هذاتحياتي
Post: #108 Title: Re: الدليــب اليوناني؟ سؤال لأستاذنا المبدع: Author: عبد الصمد محمد Date: 12-04-2015, 01:25 AM Parent: #106
Quote: نعم يا موصلي في بحثي المتواضع ،لم أجد حتى الآن مثالا لإيقاع 8\7 ،وحنواصل البحث.
والله انت زول عكلبت خلاص غيرك كان اشطر انا ذاتي فتشت والله وبفتش معاك لانني متآكد ان افريقيا بشكل عام وغرب افريقيا بشكل خاص مليانه للطيش ايقاغات بس ٧/٨ ده لابد ومتدسي في حته
Post: #118 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-04-2015, 06:20 AM Parent: #116
Quote: بس من الصعب علي تقبل التخمينات أو التلميحات بهذه البساطة.حاتم
Quote: الذي قال لك أنه لاتوجد علاقة يا ابوبكرأهم علاقة بينهما أن كلاهما ميزانه7/8
سلام يا موصلي، أنا قلت: لا توجد علاقة خاصة، وأقصد؛علاقة حصرية فقط مع اليونان، ودي النقطة المنطلق منها حاتم وهي نقطة مهمة جدا، تقف بين العاطفي والعلمي. إذا قرينا سؤال الخواض خارج التلميح المُصر عليها حاتم؛ ببقى البوست ما عندو معنى زي الزول لمان يقول: الهلال بلعب زي برشلونة 4-2-4!!
Quote: [سلام يا موصلي،أنا قلت: لا توجد علاقة خاصة، وأقصد؛علاقة حصرية فقط مع اليونان، ودي النقطة المنطلق منها حاتم وهي نقطة مهمة جدا، تقف بين العاطفي والعلمي.إذا قرينا سؤال الخواض خارج التلميح المُصر عليها حاتم؛ ببقى البوست ما عندو معنى زي الزول لمان يقول: الهلال بلعب زي برشلونة 4-2-4!!
عزيزي ابوبكرارجو آن تعيد قرءة كل مداخلاتي فهنالك فعلا علاقة خاصة بالضرب الايقاعي ٧/٨ في كل انحاء العالم والعلاقة هنا هي الاطار الاساسي الخارجي لهذا الايقاع الذي يسميه السودانيون الدليب واليونان آحد الدول العريقة في هذا الضرب الايقاعي اما الدليب فخاصيته التفاصيل الداخليه فالسوداني آٌغني في تفاصيله وتنويعاته ولكن الاهم هنا هو الاطار الاساسي لا ادري كيف اشرح لك هذا الموضوع عمليا غايتو الا اقعد في تربيزه وادقدق ليك هههه عموما ارجع اسمع غير السوداني واسمع السوداني وفكر في كلامي ، اما عن الاخ الزميل حاتم فاعتقد بانه يستمتع دوما بالاتيان برآي مخالف لرآيي وهذا يسعده جدالدرجة انو يغالطني في الكاونتربوينت تخصصي ووالله الكاونتربيونت ده ما في زول شربو وهضمو في تاريخ بلادنا زي شخصي الضعيف دي فيها حبة غرور شويه لكني مضطر لقول الحقيقة الجارحه بس آنا مؤمن جدا انو حوة السودان والده وبتجي اجيال تفوتني بي غادي خالص اما الان فنهي نهي نهي نهيعلى قول الهنود وتقبل محبتي واحترامي لك وللاخ آو الابن حاتم
Quote: سلام يا الصادق،مداخلتي المسحوبة كانت موجهة ليك.شايفك متمسك بحرفية مراد البوست!!طيب نسألك: صاحب البوست والموصلي دايرين يصلوا لشنو بتحديد الشبه بين الدليب الشايقي وبعض ايقاعات اليونان؟!الكويس انو البوست وصل إلى انو لا توجد علاقة خاصة بين الدليب الشايقي واليونان وهذا التشابه الذي روج له الموصلي في ونساته موجود بين الدليب الشايقي وايقاعات كثيرة جدا من مناطق كثيرة في العالم، ولا توجد خصوصية بينه واليونان، والكلام دا ونسة ساكت جابتها تعليق إغريقي بالصدفة.تستطيع يا الصادق، أن تتمسك بحرفية سؤال البوست، لكنك في نفس الوقت بتحكم باعدام البوست وقفله
ابو بكر سلامأنا مش متمسك بحرفية البوستأنا حاولت استعدال البوست لأنه اسامة اتكلم عن الاشتراكحاتم جا وقوّل البوست ما لم يقله ومشى في الإتجاه بتاع أن أصل الدليب اغريقيأنا رجعت قريت البوست كله وما لقيت الكلام دا.والبوست بدا يمشي في اتجاه (مناقرة)، قلنا نستعدل البوست ونستفيد لينا معلومة موسيقية.أما أصل الدليب في حد ذاته، فقلت لحاتم يفتح ليه بوست تانيأو ممكن يستمر في البوست نفسه ويكتب بشكل موازي (عن أصل الدليب)لكن النقاش بالطريقة الكان ماشي بيها عبارة عن حوار طرشان.اسامة قال (اشتراك الدليب بين الشوايقة والاغاريق)حاتم فهم إنه (الدليب اصله اغريقي) فالقصة فك اشتباك وليس قفل البوستننتهي من قصة (الاشتراك) ونشوف بعد داك قصة (الأصل)
Quote: Ùا أخ Øات٠بنكتب كيبورد مع كيبورد مع علم من أعلام الفن السوداني ذي الموصليوالله دي حاجة أنا مشرفاني جداً
عزيزي عبد الصمدياخي أنما فخور جدا أنا بتكاتب معاكموبالعكس بتعلم كتير دي مدرسة في الجامعات مافيالمدرسة الشعبيةوانا بكتب في سودانيس اونلاين من عام 2002وبعامل الناس باحترام وبعاملوني بي أحسن منهلكن أول مرة يحصل معاي كلام زي دهبس المسامح كريم خلينا كلنا مسامحين ومتسامحينيديك العافيه
اه هاكم البيانو شغال 7/8 زي الحلاوة خلو بالكم للأيد الشمالJazz-influenced solo pianist. Eidsvoog has also released an album of relaxation music.Published on Sep 15, 2014This is my piano arrangement of Khachaturian's "Sabre Dane". But there's a twist...it's in 7/8 time. That means there are seven eighth notes in each bar of music instead of the usual 8 eighth notes in 4/4 time. A half beat has been carefully removed from every measure. If you want to count it, you must count to 7 جون ايدسفوك
بس لكين ياأسامة غايتو الواحد عرف إنو ال٨٧ دى أتاريها فيها تباديل وتوافيق متعددة ـ حسب شرح الخواجة ده، و قبليهو من الرصة الرقمية بتاعة الموصلى ... والظاهر أنو الدليب السودانى هو واحد من ١٠٠ من تلك التباديل ..
Post: #127 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-05-2015, 03:30 AM Parent: #126
غايتو يا منير، الزول يشكرك إنك فهمتنا الإيقاع دا في مداخلاتك الاولي.يا موصلي، أنا ما مشكلتي كيف أفهم الإيقاع دا، وجودي في البوست دا زي وجود الصادق، وجود مهموم بفنيات الحوار ولا زلت أرى أن لحاتم نقطة مهمة.
قبيل أنا قلت إنو أيقاع الدليب لم يحتكره الشايقية فقط بل أصبح قاسم مشترك بين كل مجموعات منحنى النيل وذكرت من رواد هذا الفن المقترن بغناء الطمبور من غير الشايقية المرحوم النعام آدم والمنصورى عيسى بروى ـ كمان المناصير ديل ساعة يقومو لجنهم خطرين فى الطمبور ؛ وعندك عيسى بروى ده من خش الساحة زوّد سرعة الإيقاع وأصبح غناء الطمبور سريع جداً ـ ما زى أغانى الفنانين القدامى مثلاً ـ ومن فنانى الدليب غير الشايقية برضو الفنان المرحوم إدريس إبراهيم ، وهو كان رغم أنه ماشايقي إلاّ أن الفرقة بتاعته التى رافقته وسجلت معه أغانيه فى الإذاعة شوايقة .. وأنا ملاحظ يا الموصلي أن وزنة طمبور إدريس إبراهيم فيها ميلان من السلم الخماسىى المألوف ـ كأنما السلم فيهو العتبة الرابعة مايلة .. والعتبة المايلة دى بتدى الأغنية نبرة حنينة كده .. وأنا كنت لمن أدور أجيب الوزنة الحنينة أقوم أرخى سلكاية السبابة رخية بسيطة ، وبعد داك تقوم تعزف وتاخد ليك بكية ..:)وأديك المثال الآتى لأغنية أدريس إبراهيم ـ حبيبى الشادن العاجباهو روحو ـ :-
كدى ياموصلى أفتى لينا فى السلم المايل ده :)
Post: #129 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-05-2015, 03:39 AM Parent: #128
هو يا منير، النعام آدم ما هو شايقي؟!يا اخي، دي معلومة مفرحةطيب فصاحتكم القبل محمد النصري يظهر في الصورة لزومها شنو؟!
وهنا نفس الأغنية من موقع التوثيق الشامل ـ طمبور بس ـ لاحظ وزنة الطمبور ذات الإمالة الحنينة .. كمِّل الرابط براك .. أنا ماعارف بشتنة الروابط دى لزومها شنو؟ !!tawtheeg.info/tawtheeg/shamel/salahalrashid/edrees5.mp3
بالله يابكرى إنت ما بتعرف غير النصرى؟؟ حالتك متأخرة ياخ :).. تعرف .. ياخى نحن طبعاً عشان ماعندنا عصبية كل فنانى الطمبور الما شوايقة تلقى الكورس بتاعهم شوايقة حتى إدريس إبراهيم ـالله يرحمه ـ كان غناء الرطانة زاتو بيغنوه معاهو .. ده غايتو حسب سماعى لإحدى أغانيه بالرطانة المسجلة فى الإذاعة ـ غايتو سمع أضانى النجيضة دى الكورس البشيل بالرطانة قطع شك شوايقة ـ
Quote: غايتو يا منير، الزول يشكرك إنك فهمتنا الإيقاع دا في مداخلاتك الاولي.
يعنى شرحى البلدى داك كان واضح ليك؟ طمنتنى ..:)
Post: #134 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-05-2015, 04:38 AM Parent: #133
شنو يا منير، السبب الخلى صعاليك أم درمان بتاعين الحقيبة يتبنوا غناء الطمبارة ويطورهو وقدامن كان في فن الطمبور الراقي دا؟!موش ما بعرف غير النصريأقصد انو الساحة ما جابت زول بمقام النعام إلا هسع مع ظهور الخطير محمد النصري
Quote: يتو يا أسامة زولك ده لو جاء ففى حفلة دليب ؤقعد يسوي فى جنس صفقته دى إلاٌ العكاكيز تقع فوقه ربرب :).. شوف الشغل ده ..
حبيبنا منيرالزول ده ما قاعد يصف "للشو" لكنو بصفق للتدريس وبي بطء شديد لكن بآكد ليك انو ممكن من بتاعين الدرمز الخطرينعشان كده براحه عليهو ههههه
Post: #136 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 12-05-2015, 07:46 AM Parent: #1
Quote:
يا أخ حاتم انت قمة في الصفاقة وقلة الأدب
ياخ عليك الله مش فخر لينا إننا بنكتب كيبورد مع كيبورد مع علم من أعلام الفن السوداني ذي الموصلي والله دي حاجة أنا مشرفاني جداً
يكفي الموصلي تاريخه ومواقفه الوطنية وتواضعه
تطير النظريات والتنظير والمنظراتية لسما زمن الأسافير الوضيع البخلي اللداحة تبقى محجة
حقيقة إسلوبك دا ما بعبر عن زول حقاني ذي ما بتشكر نفسك وشكار نفسه إبليس
بل بتعبر عن زول لديح وبتاع شوفوني وذي ما حاول البعض يوصفة بشيئ من اللباقة عكليت
وكونه عمل دراسات عليا في الموسيقى في مؤسسات أكبر دولة في العالم برضو ما بتغالطوا فيها اتنين
لكن لما ينظرح موضوع بتاع إجتهاد أمسك كويس في كلمة إجتهاد دي من الطبيعي أن تتباين وجهات النظر
لكن أن تسفه الآخرين لا سيما من هم عمراً وتاريخاً وإنجازاً يقوقونك بمراحل فدي جريمة
الأخ الخواض وجه سؤال للموصلي ما ليك انت وجاوب الموصلي بطريقة إرتاح لها السائل وكثيرون غيره
كان يمكنك بإسلوب هادي ومؤدب تضيف تعقيب أو حتى وجهة نظر مخالفة
أنا شخصياُ حسيت بيك ذي الفتوة البيبرز في عضلاته بل أنيابه في وليمة تثاقفية
العتب على الجو
أوووووه عبد الصمد (ولو إني ما بعرفك) لكن بركة الجيت، أكيد انت واحد من الناس الكانوا حيسافروا اليونان صحبة راكب، مفروض ردي عليك دا يكون ضمن الجزء الرابع (نضافة الرايش) لكن آثرت أخارجك قبل ما ينهالوا علي بقية الناقمين ويتسمم البوست، ترى أنني لست سوى موظف أرصاد ببرج المراقبة رأيت أن الجو غير ملائم للرحلة عبر المتوسط.
وانت قمة في الأدب والفهم يا راقي وتتقبل الحقائق، رأيك لا يهمني وشتيمتك لن تغير من أسلوبي في النقاش هنا.
هذا ما أقوله دائماً، أننا إن لم نجد الأصنام نصنعها، بما تيسر، يمكنك أن تفخر بأي شخص شئت، هذا شيء نسبي، لكن يترتب عليه الحكم بمستواك وذوقك الفني العام، برضو يشرفني أفخر بموصلي إذا أقر الحق هنا منذ البداية وليس تحت الضغط الخفيف جداً.
أيهما أكثر وطنية؟ هاوي يحافظ على إرث أفريقيا أم "موصلي" يقدمه بالمجان لأسلاف كونتو ميخائيلوس؟
أي نظرية؟ إن كنت تقصد (نظرية غسيل الدليب) فهي قد "طارت" فعلاً، لو كنت بعيد النظر لشكرتني أنت وصاحبها، هذه مسخرة لا تختلف عن (اللوتري اتعمل عشان السودانيين) و(الخرطوم تاني جامعة في العالم)، هل يشرفك أن يضحك الأجانب في رموزنا الفنية الوطنية المتواضعة؟
إن كانت سوءة إبليس هي شكره لنفسه فأتشرف أن أكون كبير الأبالسة على أن أصير بشراً يعجز عن الفهم، يهيج ويشتم.
لا أكون لديحاً بل نشطاً فقط وفقط إذا شعرت بالاستهبال، لا ضير من الشوف، فالكذب أضر وأنكى من العكلتة، انت قمحان ساي!
انت مسكين إذن، لمجرد افتراض أن الكليات تنتج أفذاذاً، ياني لم "يعمل دراسات عليا"، ولا نناقش هنا أعمال موصلي "العالمية" علمت أنه حافظ وشارب لكن العبرة بالمخرجات.
وأنا هنا نموذج للتباين، هل صيرتني إبليساً لوجهة نظري؟ لم نسمع منك أي وجهة نظر، قرأنا شتيمة، مشفوعة بإحباط من فاته قطار كريمة-أثينا السريع جداً في رحلة يتيمة لن تتكرر، أبداً.
لم أطلب من الأخ يوسف عثمان سوى احترام عقولنا والتناول الأكاديمي لموضوع البوست، لم أجد غيره هنا للتواصل منهم الخمسة، أبو النظرية، صاحب الخردلة، موزون القلب، العازف، المحسن المتبرع بالبلح، ورجل الراية، وسادسهم أنت، مداخلاته التي عدلها واعتذاره اللاحق عنها تبين من الذي يسفه الآخرين، يبدو أنك حضرت متأخراً، أو ربما أزعجتك مآلات البوست، أو كنت تمني النفس برحلة سعيدة خالية من المطبات.
السائل صاحب البوست وضع سؤال إيحائي في منبر عام، هما أصدقاء كما ذكر، فلو كان يطلب إجابة لسأله مباشرة، نأسف أن أقلقنا "راحتك"، نعم أنا قفزت على الهودج المعد له، لكن لتصحيح البوصلة للمصلحة العامة، ربما عليك الإطلاع أكثر حتى تتيقن من أن "الدليب" إيقاع أفريقي فيرتاح الجميع هنا.
وجهة نظري بدأت مخالفة نأسف إن كنت لا تحتمل ذلك، وأسلوبي مؤدب جداً في الواقع، كما أنه يفيد بالدلك لعدة مواضع معاً، لن تجد شتيمة، بل حقائق، ستجد سخرية مستحقة في موضعها، فالعنوان مسخرة، كل مداخلاتي حوت ألفاظ طلب لطيفة (إن سمحت، أرجو، مرحب بالنقاش، الله يرضى، ياريت، أنا سعيد، أبشر، بالله خلينا، مع احترامي)، لكن "النظرة" اعتبرت هنا منقصة و"استعداء" للأسف، وهذه مشكلة على المسافرين مواجهتها.
هذا إحساس العاجز عن الرد، وصدقت، هي فعلاً وليمة تثاقفية، نصحت فيها بالتسمية أولاً ثم استخدام الشوكة والسكين بدلاً عن النهش والخمش بالأصابع كل مما يلي الآخر.
مرحب بمشاركتك بما يفيد سياق البوست، سبقتك بضاعتك وتأخر عنك التهذيب.وبقى الدليب أفريقياً بانتظار النماذج فقط.فهل تسمح لي وتتوقف عن التشويش، حتى يطيب للجميع الجلوس هنا.____بعدين أنا ما عدوك، انت عدو نفسك.
Post: #137 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-05-2015, 09:00 AM Parent: #136
يا قباني، صعاليك دي علي وزن الشعراء الصعاليكوهي تاخد صفة شكر أكتر منها شتيمة يا تعبان
Quote: أقصد انو الساحة ما جابت زول بمقام النعام إلا هسع مع ظهور الخطير محمد النصري
يابكرى الحاصل مفروض تربط الموضوع باالظهور فى الإذاعة .. فالنعام ومعاهو الفرقة الشايقيةة هم من قدموا الطمبور للإذاعة .. ده المقصود بيهو بكلمة ريادة ــ لكين المنطقة هناك ظلت دائماً بليلتهاا فايرة بفن الدليب .. النصرى ده ما ظهر إلاّ فى السنين القليلة الماضية ـــ وأنا بالمناسبة عاوز أعرف السر شنو فى إنتشار النصرى بالذات ... فعلى حسب ذوقى الشخصى فأن القامة صديق أحمد يفوق النصرى بفراسخ ــ رأيى الخاص ــ أداء وتكتيك وصوت وinnovation ... مالاقانى فنان طمبور عنده غناء ببصمة متفرّدة زى صديق أحمد ــ ما تقول لى يونان ولا بلقان لا بشتون ولا كاميرون ..:)
Post: #139 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-05-2015, 11:17 AM Parent: #138
سنة ألفين وعشرة مشيت لي لأصحاب شوايقة ساكنين جبرة، إتعشيت معاهم وزي إتناشر بالليل عندهم ولدم عمر زي تمنتاشر سنة كدا جا داخل البيت بالفنلّة الداخلية وبنطلون الجينز وعيونو حُمّر!!ما أخدني شك انو الولد طاشم طاشم؟؟؟أمو قالت ليهو: تاني يعني يا حمادة؟!ردّ ليها وهو داخل الأوضة: إتّوا ناس وهم، معقولة النصري بالمسرح وإتوا قاعدين هنا؟!غيّر ولبس ليهو قميص وجا سلّم عليلاحظت انو واعي وبالرغم من العيون الحمر لكنو سعيد سعادة شديدةقلت ليهو: النصري دا منو؟قال لي: إتّا جاي من وين؟قبل أرد قال لي: دا ملك ملوك الغناء في الحتة الاسمها السودان ديحكي لينا بعد داك عن روعة الحفلة وكيف هو أصحابو جوا كداري من الموردة لجبرة، وكيف قطعوا قمصانم ومسحوا بيها دموعم ورموها في البحر كعهد للنصري، واحدة من البنات غمرت!!من اليوم داك بقيت أشوف النصري دا بإحساس حمادة وتذكرت كم كنا مفتونين بمندلين صديق سرحان في التمانيناتوصدق المثل:إتّا زمانك فات وغنايك مات، وأخبره بما فعل المشيب.
Quote: شنو يا منير، السبب الخلى صعاليك أم درمان بتاعين الحقيبة يتبنوا غناء الطمبارة ويطورهو وقدامن كان في فن الطمبور الراقي دا؟!
عزيزي ابوبكر هناك فرق بين الطمباره والطنابره الطممباره ناس الحقيبة ما اخدو منهم شئ يقولو عليهم لكنهم اخدو من الطنباره اي الذين يستخدمون اسلوب الطنبره الحلقيه او ممكن تسميها الطمبره الحلقيه وهذا يختلف ده خليهو موضوع نفتحوا بعد نشوف جماعة حاتم في غرب افريقيا عندهم ال ٧/٨ او ما نسميه نحن في السودان الدليب ولا لاتحياتي
Quote: بس لكين ياأسامة غايتو الواحد عرف إنو ال٨٧ دى أتاريها فيها تباديل وتوافيق متعددة ـ حسب شرح الخواجة ده، و قبليهو من الرصة الرقمية بتاعة الموصلى ... والظاهر أنو الدليب السودانى هو واحد من ١٠٠ من تلك التباديل ..
هو ده يامنيرتباديل حقتك علميا الموسيقيون يسمونهاVariationوبالعربيه يسمونهاتنويعات
Quote: [سلام موصلي،التباديل لا تعني التنويعات علميا حتى لو كانت بالموسيقى!والتنويعات هي نتاج التباديل الرياضية بتاعت 7/8 التي يقصدها منير
لعلمك عزيزي ابوبكر ان التنويعات هي تتمتع بالرياضيات والحساب والموسيقى في معظم جوانبها النظريه حساب عديل يبدو انك ما قادر تفهم كلامي فكلامي ينطبق تماما على ماقاله منيربالمناسبه فيثاغورث من المساهمين في نظرية سلسلة الاصوات التوافقيه والهارموني" آرقد عافيه زي مابقول زميلنا اسامه" كنت عايز رايك في ردي ليك بخصوص الطمباره
سلامات يا موسيقار ...ابوبكر معقول يعترف انو ما فاهم الفرق بين الطمبارة و الطنابرة ...و انو في الحقيقة ( الصعاليك ) القال عليهم ه أساسا بدو مع الطنابره ... و ما ليهم أي علاقة مع الطمباره ...صاحبك بحب المغالطة بس ... حسي يجيب ليك كلام لا في الطير لا في الباقير ...
Quote: [ابوبكر معقول يعترف انو ما فاهم الفرق بين الطمبارة و الطنابرة ...و انو في الحقيقة ( الصعاليك ) القال عليهم ه أساسا بدو مع الطنباره ... و ما ليهم أي علاقة مع الطمباره ...صاحبك بحب المغالطة بس ... حسي يجيب ليك كلام لا في الطير لا في الباقير ...
زى ما قلت ليك يابكرى ، أنا مندهش من هذه الشعبية لمحمد النصرى وسط الشباب ـــ وترى أنى فى كلامى عن الفيديو الجبتو أشرت للأغنية فى الآخر وذكرت الدقيقة ٣٢ حيث ظهرت فيها المذيعة منسجمة إنسجام عجيب ..!! فأنا استغربت كيف شابة تبدو عاصمية بحتة تندمج فى أغنية طمبور لدرجة إنها تكاد تبكى ... ؟؟ !!غايتو البلد بورانا اتغيرت .. :)
صوت "صحراوي"؟؟صوت "جبلي"؟؟في بداية البوست قال العبد الفقير لله تعالى الآتي:
Quote: من "أدسم" الكبسولات الموسيقية التي قالها لي، كانت حين سألته:لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟فأجاب في هدوء:"أصواتهم جبلية، وأصواتنا صحراوية".
هل يمكننا أن نأمل في "فيد باك"،من الأستاذ والصديق:المبدع يوسف الموصلي ؟؟أرقدوا عافية.
Quote: خلاس موضوع الدليب كمل يا اسامه ؟؟؟؟خليهو لي بوست براهو مع الطمبار والطنباره ههههه
أستاذنا الموصلي وانت سيد العارفين تعلم ان المعرفة بلا سواحل.لكن دا ايضا موضوع مهم. ويمكن يثير مواضيع مهمة مثل "الهوية"، و"الهوية المركبة"،وضرورة ان "نتأفرق"موسيقياً وغنائياً، على الأقل.في انتظارك.
Quote: Quote: ههههههههه اضحكت صباحي يا يحىاسف جدا يا خواض ما حييتك و لا سلمت عليك ...لكن حبيبنا ابوبكر عباس ضرسني بي كلامه خلاني ما شايف أي شي ..عموما يا سيدي بوست جميل ... رغم المساككات ...
دا كان تعليق لأستاذنا الموصلي.ليس مشكلة يا سيدي، فأحيانا "العلالة" و"العطرابة" القايمة ليها تأثير هههههههههههههههوشكرا على الإشادة بهذا البوست "الجماعي".أرقد عافية.
اديبنا ود الخواضالقصة وما فيها انو عندما كنت في القاهره وكان الفنان العزيز الصديق الراحل الاثيوبي هناككنا نتحادث كثيرا ونتناول الحب المتبادل بين شعبي بلادنامره سالته لماذا نحن نحب أصواتكم بينما أنتم تحبون اصواتنافقال لي نحن نحب اصواتكم لأنها من النوع الأجشةذات ذبذبات فيها رائحة الصحراءثم سألني قائلا لماذا أنتم تحبون اصواتنا؟؟؟فقلت له لأن فيها صدى بفعل طبيعتكم الجبليهزضحكنا اقتناعا بأن الانسان أحيانا يتعشق الأشياء التيلا يملكها
يا ريت لو حاتميفتح بوست أو يواصل هنا في طرح نظريتهحول أصل الدليب بمشاركة الموصلي ومنيرأكيد حنستفيد كلنا زي ما أنا شخصياً استفدت من البوستدا في معرفة الدليب بصورة عامة.
يا ريت لو حاتميفتح بوست أو يواصل هنا في طرح نظريتهحول أصل الدليب الافريقي بمشاركة الموصلي ومنيرأكيد حنستفيد كلنا زي ما أنا شخصياً استفدت من البوستدا في معرفة الدليب بصورة عامة.--------------------------------------تمينا ليك الكلمة الناقصة يا صديقي
Quote: يابكرى الحاصل مفروض تربط الموضوع باالظهور فى الإذاعة .. فالنعام ومعاهو الفرقة الشايقيةة هم من قدموا الطمبور للإذاعة .. ده المقصود بيهو بكلمة ريادة ــ لكين المنطقة هناك ظلت دائماً بليلتهاا فايرة بفن الدليب .. النصرى ده ما ظهر إلاّ فى السنين القليلة الماضية ـــ وأنا بالمناسبة عاوز أعرف السر شنو فى إنتشار النصرى بالذات ... فعلى حسب ذوقى الشخصى فأن القامة صديق أحمد يفوق النصرى بفراسخ ــ رأيى الخاص ــ أداء وتكتيك وصوت وinnovation ... مالاقانى فنان طمبور عنده غناء ببصمة متفرّدة زى صديق أحمد ــ ما تقول لى يونان ولا بلقان لا بشتون ولا كاميرون ..:)
وكمان غالبية معجبين محمد النصري من خارج منطقة منحني النيل بوست ممتع حقيقة أستفدنا الكثير من النقاش الدائريا منير أحكي لينا شوية عن بنده بعد أذن صاحب البوست
Post: #164 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 12-08-2015, 04:33 AM Parent: #1
Quote: يا ريت لو حاتميفتح بوست أو يواصل هنا في طرح نظريتهحول أصل الدليب الافريقي بمشاركة الموصلي ومنير
حنواصل هنا، متابع البوست، ومستمتع بالوجهات الجديدة المتعددة وغير المحددة للبوست، نتيجة متوقعة لبداية عاطفية غير مدروسة
ضحكت كتير للاجتهاد العظيم بإيراد فيديوهات مفروض أنها إثبات (لعدم وجود إيقاع الدليب في أفريقيا)، وتمنيت أن لا أكون في موقف مشابه اضطر فيه لأن أبحث عن شيء لا أتمنى وجوده أبداً، وضع غريب فعلاً، فحتى لو ظهر أمامي لن أراه وسأنشط في البحث عن غيره.التعجل غير مطلوب، وأظنني تحدثت عن مداخلات كبيرة في أربعة أجزاء وبطريقة أكاديمية، أرجو تفهم ذلك، أعرف أنني من يقود القطار الآن، أحضر مداخلاتي بطريقة تضمن أن لا يكون من بين المسافرين ناقمين على تحويل الوجهة من أثينا إلى بوجمبورا (في أفريقيا)، وهم كثر، تهمني راحة المسافرين قبل الرحلة وأثناءها، كما تهمني راحتي الشخصية بعدها.مع أن السودان في أفريقيا، أيضاً.دُمتم بخير_____منير دا منو؟
Post: #165 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-08-2015, 04:58 AM Parent: #164
سلام الخواض،يا أخي، ليش حذفت مداخلتي العلمية المعترضة علي تقسيماتكم للأصوات بالجبلية والصحراوية؟وتتحديدي العلمي لسبب الهنّة في الكلام والغناء الحبشي.ــــــــــــــــــــــلو المداخلة قاعدة مدسية وأنا ما شفتها؛ بعتذرولو حذفتها، هذا فراق بيني وبينك وشوف ليك زول تاني يثري بوستاتك التعبانة
Post: #166 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 12-08-2015, 05:20 AM Parent: #1
Quote: يا أخي، ليش حذفت مداخلتي العلمية المعترضة علي تقسيماتكم للأصوات بالجبلية والصحراوية؟
في شنو؟ المرة دي بقوا قايمين أثينا عبر جبال أطلس؟
أبوبكر كيفك، ياتو مداخلة؟ أنا شايف دي بسRe: الدليــب اليوناني؟ سؤال لأستاذنا المبدع: Re: الدليــب اليوناني؟ سؤال لأستاذنا المبدع: لو في واحدة غيرها اتحذفت تبقى فاتتني.أنا بدخل البوست دا مرة واحدة في اليوم واختزلت مداخلاتي لأدني حد فالناس لسة نفسها قايم فوق وتحت، لكن أديني مداخلتك في الخاص حأضعها هنا وأشوف رد الفعل.
Post: #167 Title: Re: الدليــب اليوناني؟ سؤال لأستاذنا المبدع: Author: أبوبكر عباس Date: 12-08-2015, 06:09 AM Parent: #166
يا ها دي يا حاتم، لكن الظاهر الواحد نظرو بقى تعبانونعتذر اعتذار كبير للأستاذ الخواض.
Quote: لم أطلب من الأخ يوسف عثمان سوى احترام عقولنا والتناول الأكاديمي لموضوع البوست، لم أجد غيره هنا للتواصل منهم الخمسة، أبو النظرية، صاحب الخردلة، موزون القلب، العازف، المحسن المتبرع بالبلح، ورجل الراية، وسادسهم أنت،
Quote: نادر تلميذي الله يرحمه لم يكن يغني بطربقتهم ولكنه بعد فترةقرر تحبيش طريقته في الاداءصوته جميلولكنه لا يحمل السمات الجبلية الاثيوبية
عجبني مصطلح "تحبيش" الأداء.شكرا موصلي على الرد ،ويبدو أن ذائقة العبدلله الموسيقية ما بطّالة هههههههههههأها يا موصلي ،هل يمكن "خلجنة " الغناء السوداني كما في حالة "معتز صباحي"؟؟والله أنا غلطان؟؟؟أرقد عافية.
يا الصادقاهلا ومرحباًقبل كدا أورد العبد الفقير لله تعالى، نماذج للايقاعات والرقصات في غرب افريقيا.وحتى ما اوردته انت الآن، ليس فيه ايقاع 8\7،الذي ينتمي اليه "دليب" الشايقية.ارجو ان يصحِّحني استاذنا الموصلي،لو أخطأت.أرقد عافية.
اسامة دي فديوهات لقيتها اثناء القراية عن موضوع الايقاعاتوفيها 7/8 وغيرها.الموضوع ممتع في البحث والقرايةأنا طبعاً من انصار غنه الايقاعات دي اغلبها طلعت من أفريقياومتمني فعلاً إنه حاتم يجينا بالنجيضة، خصوصاً إنه بيفلفل الحاجاتوعقليته نقدية ومفيدة (رغم الاستفزازية في اسلوبه).
Post: #179 Title: Re: في andquot;تحبيشandquot; الغناء السوداني ، وandquot;� Author: Ahmed Yassin Date: 12-08-2015, 08:35 PM Parent: #178
كيف استوطن الدليب النيل الشمالي؟ وبقى قاعدة ضرب ايقاعي مثله مثل الكمبا في قبائل الزانديفي المقام الموسيقى الخماسي ..وردي هو اول من ادخل ايقاع الدليب في صميم الاوركستراللعلم ان مقامنا الخماسي ممكن يتساير ويتماـى مع العشرة بلدي المصري او السباعيلكن السباعي يستحيل يتماشى مع الدليب
Quote: أنا طبعاً من انصار غنه الايقاعات دي اغلبها طلعت من أفريقيا
العبدلله تابع النموذج القصير اللي جبتوا وفيهو فعلا ايقاع الدليب 8\7،لكن يبدو لي انه نموذج من "موسيقى الكترونية"،والله أعلم.قصة الايقاعات اصلها افريقي،هل تستند إلى رواية "نظرية داروين في النشوء والارتقاء"؟؟باعتبار ان أصل الإنسان اي هوموسابيناس Homo sapiens هو افريقيا كما ترى تلك النظرية التطورية؟؟كن بخير.
Post: #183 Title: Re: في andquot;تحبيشandquot; الغناء السوداني ، وandquot;� Author: Elmosley Date: 12-09-2015, 06:32 AM Parent: #179
Quote: للعلم ان مقامنا الخماسي ممكن يتساير ويتماـى مع العشرة بلدي المصري او السباعيلكن السباعي يستحيل يتماشى مع الدليب
نرحب بك عزيزنا احمدلادخل للمقامات مع الضروب الايقاعيهارجع اسمع عمك ياني سباعي ودليبهام البلقان وما خماسيوده من شرق اوربامقام خليط من الخماسي حقنا الخالي من نص التونPentatonicوالخماسي الاسيوي حامل نص النونPentachordبالاضافه للسباعي والسداسي كلو داخل في المقطوعه ديمع التحيه
Post: #182 Title: Re: في andquot;تحبيشandquot; الغناء السوداني ، وandquot;� Author: Elmosley Date: 12-09-2015, 05:59 AM Parent: #177
Quote: الموضوع ممتع في البحث والقرايةأنا طبعاً من انصار غنه الايقاعات دي اغلبها طلعت من أفريقياومتمني فعلاً إنه حاتم يجينا بالنجيضة، خصوصاً إنه بيفلفل الحاجاتوعقليته نقدية ومفيدة (رغم الاستفزازية في اسلوبه).
الحبيب الصادقشكرا للفيديوهات الكتيرهومافيها ٧/٨ الا بتاع البيانوقطعا افريقيا غنيه بالايقاعات لكن افريقيتنا ما تعمينا عن الحضارات الاخرىعموما ٧/٨ مؤكد في السودان هههههولعل حاتم يستجيب لي طلبك ويجيب ليك النجيضه------------------------------اها انا ختيت كراع في كراع ومنتظر معاكمع اني كنت داير اقول ليكم يا اخوانا حاتم ده ما تعذبوه بي كتر السؤال عن ٧/٨ في الحتات التي تطرق لبيها يعني ما تحكوها
عوافى يا قومده كلام سمح و الله و مفيد و يسمن و يغنى كتير جدالكين غايتو كان دايرين فهمى اناامسكو فى كلام اخونا الصادق اسماعيل القالو ده وابدو منه تانىفى اول مشاركة ليهلانه فعلا بيؤسس بصورة كويسه تانى لسؤال الخواض الأساسىالموضوع فعلا ثر و غنى و سمح
Post: #185 Title: Re: في andquot;تحبيشandquot; الغناء السوداني ، وandquot;� Author: osama elkhawad Date: 12-09-2015, 07:02 AM Parent: #182
والله كلنا في انتظار الاستاذ حاتم،والاجواء قد راقت، و عم الصفاء والهدوء "ربوع" البوست.طيب يا موصلي ، شنو رايك في الطعم "الخليجي" لغناء معتز صباحي؟؟؟
معتز صباحي يا اسامهمولود في السعوديه واتربى فيها واتعلم عزف الاورغ هناكوزمان في احدى زياراتي هناك ابوه كان جابو لي عشان اسمع عزفو ووقتها لقيتو شاطر لكن ما سمعتو بغنيلذا فان البيئه الطبيعيه والبيئة السمعيه والجو الذي تربى فيهاسهمت في تكوين صوته بالطريقه التي نسمعها به الان
شكرا موصلي على الرد في ما تعلق ب"خليجية" أداء المبدع معتز صباحي.أدناه مقال عن ثراء الإبداع النوبي، من خلال آراء للشاعر الكبير، والباحث في التراث النوبي الأستاذ\ ميرغني ديشاب، وتطرق الحديث إلى الدليب الذي يبدو ان اصله "نوبي" باعتبار ان الشايقية هم نوبة استعربوا:الخرطوم ـ «القدس العربي»: يقول الباحث في التراث النوبي ميرغني ديشاب إن اعتراف اليونسكو باللغات الموجودة في بلاد النوبة بالسودان فتح المجال واسعا للعديد من الدراسات . وأصبحت هناك لغتان: «نوبين» ويتحدث بها أربعة عناصر هي «المحس، السكوت، بطن الحجر والفريجّا»، و»أوشكرين» وهي لغة أهل دنقلا والكنوز في أقصى شمال النوبة. ويمتد النوبة في مناطق عديدة في شمال السودان وجنوب مصر، ويطلق عليهم اسم النوبة النيليين، الأمر الذي يعني وجود نوبة آخرين في غرب السودان، في المنطقة التي تعرف بجبال النوبة، وفي بعض مناطق دارفور، ويتميز نوبة الشمال بإيقاعات عديدة.ويرى ديشاب أن التقسيمات اللغوية في تلك المناطق نتجت عن وجود فروق صوتية، وبالتالي تعددت الإيقاعات حتى داخل المنطقة الواحدة، وعلى هذا الأساس يقول إن للكنوز ثلاثة إيقاعات، وفي تقديره أنّ الكنوز هم الأصل في الغناء النوبي. ويمتد الكنوز في مصر من قرية دبود إلى كرسكو وإيقاعهم الرئيس هو أُولِّلي وتعني الصفقة ويسمى نقشبندي، ويعتمد على الصفقة والطار، أو الدف النوبي وهو قريب من الدبكة اللبنانية. ويقول إنّ باحثا من سلطنة عمان وصل إلى وادي حلفا ليبحث عن هذا الإيقاع، ضمن رسالة ماجستير يقوم بإعدادها، لكنه لم يجده فذهب إلى حلفا الجديدة وهي المنطقة التي تم تهجير النوبيين إليها، فوجد هذا الإيقاع في منطقة الجبل وهي تضم عناصر من جبال النوبة!الإيقاع الثاني للكنوز هو «فشّي» وهو أسرع من سابقه واشتهر بأنه «رقصة الحلفاويين». ويقول ديشاب إنّ هذا الإيقاع تم اعتماده في دائرة الفنون الشعبية في سبعينيات القرن الماضي، باعتباره رقصة رئيسية للنوبيين، رغم أنه لا يعبّر عن كل النوبيين.وهنالك إيقاع «شري» وهو إيقاع سريع جدا يدور فيه الراقصون عكس بعضهم بعضا ويضيف ديشاب إيقاعات أغاني البحر للكنوز، ويقول إن الكنوز يختلفون عن كل النوبيين بارتباطهم الشديد بالنيل الذي يطلق عليه «البحر» في اللغة المحلية.الفريجا ليست قبيلة، كما يقول الباحث ميرغني ديشاب، بل هم مجموعة من البشر موجودة في مصر والسودان. يمتدون في السودان من دغيم وحتى فرس على الحدود المصرية، ويمتد الجزء المصري منهم حتى كرسكو، ومن أشهر أغانيهم أغنية «أسمر اللونا» وهي طويلة جدا تبدأ من الصباح وعندما يتعب المغنون يرتاحون، ويواصلون في اليوم التالي.والغناء النوبي عبارة عن مطولات وعدد مغنيي الفريجا «162» مغنيا يتبادلون في «13» أغنية فقط. ومن إيقاعاتهم النقشبندي ولديه تعريفات كثيرة، وهو إيقاع عشرة بلدي المصري المعروف، واستفاد منه الموسيقار السوداني حمزة علاء الدين وأخذ منه «17» إيقاعا غزا بها أمريكا وأوروبا، ووصل حتى اليابان وصارت هذه الموسيقى تدرّس هناك، إضافة «للفيجّا»، وهو إيقاع طاغ جدا وكل الذين هاجروا إلى حلفا الجديدة يرقصون علي إيقاع الفيجّا ويعرف برقصة الحلفاويين. ولديهم أيضا إيقاع «شرّي» الموجود عند الكنوز. ويصل بنا ديشاب في تقسيمه لإيقاعات النوبيين إلى منطقة «بطن الحجر» ويصفها بأنها «منطقة لغوية» وأسس عليها عالم اللغات هيرمان بيل رسالة الدكتوراه بعنوان «أسماء الأماكن في منطقة بطن الحجر» ومن إيقاعاتها «أوللي»ويختلف عن إيقاع الكنوز وهو إيقاع منغم يعتمد على التصفيق بالأيدي والضرب على الأرض حيث ترقص النساء في شكل جماعي .وعلى إيقاع أوللّي أنشئت أغنية القمر بوبا الشهيرة ويقول ميرغني ديشاب إنها نبعت من أربعة شعراء ويفسر ذلك بأن غناء النوبة في الأصل مطوّلات، حيث ينشئ الشاعر الأغنية بلحنها وكلامها ويزيد عليها الآخرون. إضافة لذلك، تتميز منطقة بطن الحجر بإيقاعات نقلوت، جابودي و»كري أو كرير» الذي يسمى هناك «همبي»، ويقول ديشاب إن الفنان عبد القادر سالم أشار في رسالة دكتوراه عن أغنيات غرب السودان إلى أن هذا الإيقاع يرجع إلى شمال السودان، وقد وصفه الكاتب حسن نجيلة بأنه عبارة عن تصفيق وضرب بالأرض وتنغيم حلقي اشتهر ما قبل غناء «الحقيبة»، وكان يفعله النوبيون قبل أن يستعربوا، وهنالك إيقاع الدليب ومنه أغنيات الريلة المعروفة. أما السكوت فيقول ديشاب إنهم يزيدون على إيقاعات بطن الحجر بإيقاع «كليكية» وقد استخدمه الفنان محمد وردي عام 2002، في أغنية رثاء للفنان خليل فرح واعتمد- وردي – هذه الأغنية كمقدمة لأغنيته الكبيرة رسالة إلى صواردة. وذات إيقاعات السكوت موجودة عند المحس، ويقول إن المحس كانوا أهل دين، حيث أقاموا أوائل الخلاوي لتدريس القرآن في القرن العاشر الميلادي، وبذلك لم يكونوا أهل غناء بالمرة، وظهر الغناء عندهم متأخرا في عام 1981 من خلال مطربهم قطبي هرون.وفي منطقة دنقلا يوجد إيقاع «كرّي» ويسميه الباحثون «كرير» وهو إيقاع فيه إظهار للرجولة وكلمة كرّي مأخوذة من كلمة نوبية تعني زئير الأسد، وهو إيقاع الجرّاري نفسه الموجود في غرب السودان. ومن إيقاعات دنقلا، «جابوتا» و»الدليب» و»تم» وهو التمتم المعروف، إضافة لأغاني السيرة وهي دلوكة الجعليين المعروفة.ويرى الباحث في التراث النوبي ميرغني ديشاب أن هنالك مجالات أخرى لم يتطرق إليها مثل، الأغاني الطقوسية في حالات «الزواج، الختان والأغاني الدينية». ويقول إنّ إيقاعات النوبيين تبدو متشابهة، لكن هنالك أخذ وتداخل في الإيقاعات النوبية ويحتاج هذا الأمر لدراسات علمية.صلاح الدين مصطفى
أين الموسيقار والصديق أحمد ساطور؟؟؟سبق أن طرح في عام 2012 في هذا المنبر سؤال عن "منشأ" الدليب:هل هو "شايقي" أم "نوبي"؟؟؟فأجاب الموسيقار "أحمد ساطور " الإجابة التالية:
Quote: في البداية لازم نوضح إنو الشايقية نوبة مستعربة ، أما بخصوص الدليب مع احترامي لرأي الصديق مكي ، وبحكم الاوزان الموسيقية والتي تصنف ب مثال 2 من اربعة ، 3من اربعة 4 من أربعة ،إلا ان ايقاع الدليب تصنيفه يقع مع الايقاع الشايقي واللي يعتبر من أندر الايقاعات ويعتبر ايقاع غريب من نوعه وطبعا شوايقة ونوبة كجيران والاتنين بيستعملوا الطمنبور فمن الطبيعي أن يتسرب هذا الايقاع شمالا.
Quote: واتخيل مشكلتنا في السودان ومعهد الموسيقى بتاعنا ما اهتم بالموسيقى السودانيةيعني الخريج بيكون عارف ليك (بيتهوفن كان لابس شنو لمن عزف السيموفنية العشرمية)
معذرة .. فاتني أن أثني على البوست وأعترفبأنه بوست مفيد للغاية على الرغم من الشوشرةالتي كادت أن تودي به ....كنت أتمنى أن يتطور البوست ويمتد تكملة لنفسالموضوع بتناول كافة الجوانب المتعلقة به .. علىسبيل المثال لا الحصر .. ما هي العلاقة بين آلةالطمبور وإيقاع الدليب؟ من أين جاءت تسمية دليبووو .. إلخ
يا موصلي خُتْ في بطنك بطيخة "شتوي" ،بفضل "الهند سة الوراثية".ربما أن الأستاذ حاتم في حاجة لبعض الوقت.وقد جاء في الأثر:"التمسْ لأخيك سبعين عذراً".وأيضاً قال ابن سيرين : " إذا بلغك عن أخيك شيء فالتمس له عذراً، فإن لم تجد له عذراً فقل لعلَّ له عذراً ".وحتى عودته، وحتى نركزِّ على الجزء المليان من "الكوب" الاسفيري،كدي يا موصلي لو سمحت ،قدِّمْ لينا "إضاءة" حول علاقة "الدور الهندي" بتاع الموشحات لو لم أكن مخطئا، ب"الدليب"؟؟؟
Post: #196 Title: Re: في andquot;تحبيشandquot; الغناء السوداني ، وandquot;� Author: Elmosley Date: 12-13-2015, 02:27 AM Parent: #195
Quote: كدي يا موصلي لو سمحت ،قدِّمْ لينا "إضاءة" حول علاقة "الدور الهندي" بتاع الموشحات لو لم أكن مخطئا، ب"الدليب"؟؟؟
Post: #197 Title: Re: في andquot;تحبيشandquot; الغناء السوداني ، وandquot;� Author: osama elkhawad Date: 12-13-2015, 07:55 AM Parent: #196
شكرا عزيزي الموصلي على سرعة الاستجابة.سؤالي هو حول علاقة الدور الهندي ب"الدليب".أدناه مثال عن "الدور الهندي":
Post: #198 Title: Re: في andquot;تحبيشandquot; الغناء السوداني ، وandquot;� Author: حيدر حسن ميرغني Date: 12-13-2015, 08:02 AM Parent: #197
بوست مليانكمطالع استفدت من تعليقات وافادات الموصلي اللي كنت بعشم يقدم لينا اكثر من كده خلال تواجده في المنبرشكرا ليكم كلكموحاتم برضو ليهو الف تحية لان نقاشه مهما اختلفنا حوله افادنا جدا
لا حول ولا قوة إلا بالله، بالله بس الحلة الجابو ليها خبر.يا ربي على تأخر السواق ولا الخوف من بضاعة السواق؟لأول مرة أشوف الدروع المخفية تحت الملابس.معقولة أفريقيا "مخيفة" للدرجة دي؟____عندي شوية بيزنس خاص، أشغلوا نفسكم بكلام علمي، أستاذ يوسف كلامك مكرر زي طالب الموسيقى.
Quote: يا ربي على تأخر السواق ولا الخوف من بضاعة السواق؟لأول مرة أشوف الدروع المخفية تحت الملابس.معقولة أفريقيا "مخيفة" للدرجة دي؟
طبعاً أي زول بيفتكر إنه ما أفريقي والسودان دا ما افريقيحيكون الموضوع (مخيف بالنسبة ليه).جزء كبير من الناس في مناطق انتشار الدليب بينسبوانفسهم للقارة الآسيوية.فلو جا حاتم واثبت ليهم إنه ايقاعاتهم دي ما عندها علاقة (بآسيا) وبالعربالموضوع دا حيعمل ليهم مشاكل انتماء وهوية وغيرو.وفي الجانب الآخر دا دعم كبير جداً للقائلين بأفريقيةكل المجموعات السودانية والواقفين ضد ما يسمونه بهيمنة الثقافة العروبواسلامية علىالمشهد الثقافي، وفرضها كثقافة قومية على حساب الثقافات الافريقية الأخرى.الموضوع اذن ما بالسهولة دي يا حاتموفي انتظارك والخوف على تأخرك وما تخافما في أي دروع ولا حاجة، قوي قلبك وتعال.
Quote: فلو جا حاتم واثبت ليهم إنه ايقاعاتهم دي ما عندها علاقة (بآسيا) وبالعرب
يا صديقنا الصادق،لو "حصلت "فلو جا ............إلخدا هو المطلوب.لأنو ممكن يجي واحد تاني ،بدون إثبات، يقول انو الدليب أصلا من امريكا اللاتنينة وليهو علاقة بالرقصة الفلانية والأيقاع "العلاني"......إلخ .....وما رشح حتى الآن من خلال كلام حاتم، لا يؤكد إطلاقا تلك الفرضية.فهو يحتاج إلى أدلة أخرى، ودا بالطبع لن يكون في شكل رسالة دكتوراة ............
"ياني" اليوناني،على وزن "زوربا " اليوناني،الذي أثار كل هذا الجدل، و التشنج، وأنهار المعرفة،وكل تلك الموسيقى التي غمرت شلالاتها من كل بقاع العالم هذا الفضاء الاسفيري،يستحق أن نستمع إليه في عقد إبداعه المختار الفريد:
هل صحيح ما يُقال عن أن المطرب الفنان خليل اسماعيل هو "مطرب المطربين"؟؟؟و ماالفرق بين "مطرب المطربين" و"مطرب الجماهير" مثلا؟؟هل يمكننا الحديث عن "شاعر الشعراء"،و "موسيقار الموسيقيين"، و"روائي الروائيين"، وهلمجرا..........؟؟؟؟؟؟؟؟؟؟؟؟؟؟؟؟أرقد عافية عزيزي .
Quote: نعم هناك فنانين يتحدث عنهما الزملاء بإعجابفي اسلوبهما الادائيخليل اسماعيلوعثمان مصطفى
هل يمكن يا أستاذ الموصلي أن تسهب قليلا باسلوب "مجلة الإذاعة والتلفزيون "* في الحديث عن الطبقات الصوتية لكل من خليل اسماعيل وعثمان مصطفى،وما هو السر وراء إعجاب زملائكم بهما؟؟مع خالص التقدير *كتب الأستاذ الموصلي مقالات موسيقية نقدية مشتركة عن بعض الأغنيات السودانية اتسمت بروح النقد العلمي المبسَّط،وكانت تلك المساهمات النقدية شيئا جديدا يخالف ما ساد من "نقد" انطباعي.
ربما أجد العذر لحاتم لمحاولة ربطه لايقاع الدليب بالفولاني في غرب افريقيا حسب الزعم الذي درج البعض على ترديده بأن أصول البديرية في شمال السودان تعود لقبائل الفولاني لذلك قد نجد الربط حسب زعم حاتم له أرضية يتكئ عليها ولم يات هكذا اعتباطاً أو من فراغ وهل الدليب كايقاع مرتبط بالطنبور كآلة نوبية أو بمعنى أصح اتت من اتجاه الشمال عبر النوبة ؟ لأن أي رابط بينهما قد يرجح أن ايقاع الدليب نوبي كما ذكر الفنان محمد وردي رحمه الله كما نقل عنه البعض وأيده آخرون رغم تساؤلي عن شح استخدام ايقاع الدليب في المنطقة النوبية رغم وجوده .. بعدين لو أساساً الفولاني كمكون عرقي جاي من خارج قارة أفريقيا وتحديداً من آسيا الوسطى فهل هذا يعني أن ايقاع الدليب قد أتانا من خارج قارة أفريقيا ؟ .. ام أن امتداد دولة بعانخي والنوبة شمالا وصولاً لآسيا الوسطى ربما كان سبب في انتشار هذا الايقاع لتلك الاصقاع ومنها الى غيرها من بلاد فنكون حينها مصدّرين له ولسنا مستوردين .. وهل من الممكن ان نبحث عن روابط تجمع هذه المنطقة ( آسيا الوسطى) باليونان إن كنا نعتقد بأن انتقال الدليب الى اليونان تم من هذه المنطقة ؟ كما لايفوتني الاشاره الى أنه فضلاً عن اليونان فان ايقاع الدليب موجود في ايرلندا ! .. وفي اعتقادي أن هذا الأمر قد يقطع الطريق على أي جدلية محتملة بأن الدليب ايقاع يمكن نسيته لمنطقة بعينها أو أنها هي التي ابتكرته ويرجح أنه احساس بايقاع قد تجتمع على استساغته والطرب له مجموعات بشرية لا رابط بينها أصلاً تماماً زي مابنلقي السلم الخماسي منتشر في مناطق متباعدة تماماً من شرق آسيا شرقاً وحتى اسكتلندا وايرلندا في أقاصي الشمال الغربي لأوربا فضلا عن وجوده في الامريكتين شمالها وجنوبها ..
لست متخصصا ،لكن منطقياً، راقني جداً، رأيك التالي نصّه:
Quote: وفي اعتقادي أن هذا الأمر قد يقطع الطريق على أي جدلية محتملة بأن الدليب ايقاع يمكن نسيته لمنطقة بعينها أو أنها هي التي ابتكرته
ويرجح أنه احساس بايقاع قد تجتمع على استساغته والطرب له مجموعات بشرية لا رابط بينها أصلاً تماماً زي مابنلقي السلم الخماسي منتشر في مناطق متباعدة تماماً من شرق آسيا شرقاً وحتى اسكتلندا وايرلندا في أقاصي الشمال الغربي لأوربا فضلا عن وجوده في الامريكتين شمالها وجنوبها ..
Post: #233 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 01-07-2016, 05:40 AM Parent: #1
Quote: يا يوسف خُتْ في بطنك بطيخة "شتوي" ، بفضل "الهند سة الوراثية".
زي ما مشيت خليتكم جيت لقيتكم
أخ أسامة انت راجل محترم جداً.
وأنا من البداية قررت أفصل الأكاديميات عن غرضك من البوست دا، للفائدة العامة. دلوقت شايفك بديت تردم في الفيديوهات بلا هدي، عندي ليك مقترح أرجو النظر إليه بعين الاعتبار وياريت بعينين اتنين:
فأخير أمرقها هسع، ياهو غرضك في البوست بتاعك دا، فبطل حياء وريح بالك، ياها الموضة من زمان شغالة، ما فرقت يزيد واحد لطابور الخوارج ديل.
البوست دا حيكركب وأنا سواقتي شينة والأبنص بتاعي واااحد، سندة مافي، عشان ما أدخلك في زمرة أهل الرايش. وديييييك داكار عيني فيها، بعدين لو بكرة وصلنا والناس حرنت تنزل، كلام الشهادات والشفرة الوراثية والبطيخ الشتوي ببقى ليك تقييييل.
________ عادة أنا بمنح الفرصة مرة واحدة، زي قشة الكبريت.
Post: #234 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 01-07-2016, 05:54 AM Parent: #1
Quote: "لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟" الكلمة المفتاحية في هذا السؤال هي كلمة "نحب" والإجابة عليه ليس من إختصاص الموسيقيين، بقدر ما يخص ناس علم الإجتماعي وعلم النفس الإجتماعي، لذلك جاءت اجابة الموصلي وصحبه الأثيوبي غير منطقي ومجافي للحقيقة. "أصواتهم جبلية، وأصواتنا صحراوية". أولاً: الأصوات الأثيوبية تشمل ضمنياً اريتيريا، واذا نظرنا إلى مجمل المساحات الجبلية في كلا البلدين، قد تقل عن المساحات الصحراوية. ثانياً: كيف يتخزل الموصلي الأصوات الغنائية السودانية في الأصوات الصحراوية (منحنى النيل)؟ وهو سيد العارفين أن التم تم والسيرة على سبيل المثال أكثر إنتشاراً في السودان واثيوبيا من الدليب؟ ثالثاً: هل يستثني الموصلي ناس جبال النوبة والأنقسنا وجبل مره من الإعجاب بالأصوات الأثيوبية؟ ومن ناحية اخرى كيف إنتقل إيقاع الدليب في الجزيرة العربية إلى قبيلة الشايقية وحدها، دون غيرها؟ حسب زعم الموصلي "فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد، وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا
"الموصلي" كيفك؟ كل سنة وانت طيب
شايفك قلقان شديد وعندك باقي حاجات عايز تمتحني فيها هههه.
سوف أشف "خليلك" في ثواني إن شاء الله. البوست دا حيستمر لنهاية السنة هذا وعد.
أظن نفسك راق شوية، فقبال الهستيريا والهياج كدي الاقتباس الفوق بتاع أخونا إبراهيم سليمان من الفيس تحت، أنا شايف سؤاله منطقي، شوف انت ردك (العملي) عليهو شنو.
________ ملحوظة: احتمال يكون عندو فكرة عن استرافنسكي والكاونتر بوينت، إذا حبيت تطلع من الموضوع يعني، لكن ما أظنو متسلق زيي كدة.
على أي حال، لو حبيت تنعته بأنه لبلاب ومتسلق ما بتحتاج تصمم صورة حجمها 30 كيلوبايت عشان بس تكتب عليها بالأبيض اساءة لشخص على خلفية زرقاء، يمكن عمل نفس التأثير بسطر واحد، يظهر انك حافظ الطريقة الأولى بس. أظن في طرق أسهل هنا
Quote: "الموصلي" كيفك؟ كل سنة وانت طيب شايفك قلقان شديد وعندك باقي حاجات عايز تمتحني فيها هههه.
سوف أشف "خليلك" في ثواني إن شاء الله. البوست دا حيستمر لنهاية السنة هذا وعد.
والله الشوق مشتاقين ليك ياخ انت احسن زول بطلع من الموصلي المعلومات مع صديقنا عمر الفاروق حمدا لله على العوده الحميدة بعدين طلوع الاشجار ده بنخليهو فيما بعد ههههههه بعدين بجيك للصديق المحترم في الفيس بوك وكده
Quote: "لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟"الكلمة المفتاحية في هذا السؤال هي كلمة "نحب" والإجابة عليه ليس من إختصاص الموسيقيين، بقدر ما يخص ناس علم الإجتماعي وعلم النفس الإجتماعي، لذلك جاءت اجابة الموصلي وصحبه الأثيوبي غير منطقي ومجافي للحقيقة."أصواتهم جبلية، وأصواتنا صحراوية".أولاً: الأصوات الأثيوبية تشمل ضمنياً اريتيريا، واذا نظرنا إلى مجمل المساحات الجبلية في كلا البلدين، قد تقل عن المساحات الصحراوية.ثانياً: كيف يتخزل الموصلي الأصوات الغنائية السودانية في الأصوات الصحراوية (منحنى النيل)؟ وهو سيد العارفين أن التم تم والسيرة على سبيل المثال أكثر إنتشاراً في السودان واثيوبيا من الدليب؟ثالثاً: هل يستثني الموصلي ناس جبال النوبة والأنقسنا وجبل مره من الإعجاب بالأصوات الأثيوبية؟ومن ناحية اخرىكيف إنتقل إيقاع الدليب في الجزيرة العربية إلى قبيلة الشايقية وحدها، دون غيرها؟حسب زعم الموصلي "فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد، وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا
,بالنسبة للشق الاول من تساؤلاتك نعم يحبون بعض في عالم الغناء والموسيقى والحديث هذا بين اثنين من الموسيقيين من البلدين الا وهما "منليك عليه الرحمة وهو فنان ذو باع كبير في الموسيقى الاثيوبية وشخصي الضعيف" اما لماذا الاختزال فان ما هو اكثر انتشارا في اثيوبيا من موسيقانا فهو غناء الوسط ليس باعتبار أنه الأحسن ولكن باعتبار أنه المتعارف عليه بسبب الاذاعة والتلفزيون وأخيرا الميديا. وفيما يختص بحب الموسيقى المتبادل بين الشعبين هذا لاتنكره عين رأت ولا اذن سمعت ولا يحتاج لكل هذه التخصصات. بالنسبة للشق الثاني فان اي سوداني من أقصى الشمال ألى أدناه يعرف أن الضرب الايقاعي الدليب معروف فقط عند قبيلة الشايقية في شمال السودان ولا يحتاج الأمر الى بحث.نعم هذا ليس بزمن بعيد قياسا على الحضارات الاسيوية واليونانية لك التحية. وانا من ابناء دنقلا وكان ممكن اتصلبت واقول ليك ده حقنا
النوبيين الفوقهم والتحتهم يا هم أولاد بلد خلقهم الله في أفريقيا الشايقية والجعليين والرباطاب أصولهم عربية حسب رواياتهم المتداولة.
الموسيقى والإيقاعات زي اللغة بتحفظ الأصل، ممكن دا واضح في الإيقاعات الحملها معاهم المسترقين لأمريكا. علي فاركا الله يرحموا عندو كلام كتير في الحتة دي سمعته من باحث سنغالي في نيويورك، لكن قدر ما فتشت النت ما لقيته.
آسف أنا غبت زي تلاتة أسابيع، عندي أعمالي الخاصة، شغال في مجال تطبيقي ما ليهو علاقة بالفن، مصدر رزقي. والصراحة أنا شفت طالما النظرية اليونانية أحبطت في يومها، فموضوع التِشِّك مِشِّك دا ملحوق في أي وقت. الاستعجال ما كويس في الفن، أهو زي ما شفتو النتيجة بتاعتو ظهرت في الغم العليكم دا.
العجيبة رجعت لقيتكم زي ما مشيت خليتكم، راصكم مقطوع، ههههه، فإذا الموضوع مجرد إثبات فما أسهل وضع الفيديوهات وينتهي الأمر.
عموماً عندي أربعة مداخلات كبيرة جاهزة كمادة حارتبها وأضيف شوية قشرات وأنزلها تباعاً بالنقاط التالية:
شرح ميسر للإيقاعات مع الرسومات والنماذج، بدل أرقام الأخ يوسف عثمان المبتسرة والمتحفظة دي
التعرض للإيقاع المعروف محلياً باسم (الدليب) وتصنيفه ومقارباته مع الإيقاعات المشابهة الأفريقية والعالمية ومهرجان الدليب الأفريقي
الإجابة على امتحانات الأخ يوسف عثمان المتعلقة بموضوع البوست، مع تصحيح لبعض المفاهيم المغلوطة عن الموسيقى الغربية (إستعدال الشاسية)
الرد على مداخلات أخوانا الباقين (نضافة الرايش) بطريقة موسعة
أعدكم بكتابة رزينة خالية من السخرية للجزئين 1 و2 أعلاه فقط.
بالمناسبة، حولت التعليقات بتاعة القمر للأخوان يوسف ومنير للبوست المعني، ما عارف الجابها هنا شنو أصلاً والله، آمل في أن يتفضلا بإثراء الموضوع إذا كانت لديهم أية معلومات حقيقية وليست عاطفية.
_______ الراجل الجا ناطي وقعد يكلمني عن "الوطنية" حسب فهمه دا منو؟ لو بيفهم في الموسيقى اتمنى يجي يورينا "شارب" شنو هو كمان. هسع لو دي محاضرة كان رصصني ولا كيف ههههه أنصحوه ما يتابع البوست دا، حالته النفسية حتبوظ خالص.
Quote: اما لماذا الاختزال فان ما هو اكثر انتشارا في اثيوبيا من موسيقانا فهو غناء الوسط ليس باعتبار أنه الأحسن ولكن باعتبار أنه المتعارف عليه بسبب الاذاعة والتلفزيون وأخيرا الميديا. وفيما يختص بحب الموسيقى المتبادل بين الشعبين هذا لاتنكره عين رأت ولا اذن سمعت ولا يحتاج لكل هذه التخصصات. بالنسبة للشق الثاني فان اي سوداني من أقصى الشمال ألى أدناه يعرف أن الضرب الايقاعي الدليب معروف فقط عند قبيلة الشايقية في شمال السودان ولا يحتاج الأمر الى بحث
لا تفكر في إعادة المحاولة أخ إبراهيم سليمان من الفيس بوك
توقعت هذا الرد، أعرف أنه ليس بالعمق الذي رجوته ولم يجب عن اسئلتك بطريقة متخصصة بل بدون ترابط يراعي ترتيبك حتى، لكن، هكذا نحن.
لهذه الأسباب، حولت مسار البوست ليكون النقاش في مستوى يناسب الطريقة التي عرضت بها سؤالك، على العموم، اكظم الغيظ حتى أضع مشاركاتي الأربعة وسأعمل على التدقيق في هذا الرد. _______ ترى نحن موعودون بالمفاجآت هذا العام.
يا استاذ الصادق ياخ حاتم ده نحن ما صدقنا رجع بالله خلوه معانا شويه بدل ما يقوم يرجع للبزنس بتاعه تاني ياحاتم اوعدك بانني لن اطالبك بشرح الحركه العكسيه التقهقريه ولا اثبات بان الدليب موجود عند الفولان او حتى ناس فلان كن بخير ووجودك هنا في حد ذاته شيئ كويس والليله اللوتري عندنا ٨٠٠ مليون دولار بالله تمنى لي احلام سعيده
Post: #244 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 01-09-2016, 11:45 AM Parent: #1
Quote: انت احسن زول بطلع من الموصلي المعلومات مع صديقنا عمر الفاروق +++ ياحاتم اوعدك بانني لن اطالبك بشرح الحركه العكسيه التقهقريه ولا اثبات بان الدليب موجود عند الفولان او حتى ناس فلان
يا يوسف الله يرضى عليك
عمر الفاروق ما بعرفو والله لكن متأكد مية في المية إني أفضل منو، لأني إضافة للمعلومات بطلع الدهون والأملاح برضو، ما شايفك صاحبك الجا شتمني داك زيتو طلع كيف؟ دي الحالة منتجات عرضية من حقل تجريبي بعيد، شاف بعينو بس. +++ بعدين ما تديني انطباع بأنك سطحي أكتر من الأنا عرفتو حتى الآن، أمورك دي بتاعة زول فرحان بشهادة محو الأمية.
كان ممكن أرمي ليك صفحة الويكيبيديا دي وشوية فيديوهات ونخلص قبال أسبوعين، بس دي ما خطتي لسواقة البوست دا، يعني ما سين وجيم بيني وبينك راص، دي تبقى عوارة، في ناس هنا ما قرت أبجديات الموسيقى البتحاول توحي للناس هنا إنها طلاسم لا يفكها إلا أمثالك، أنا عندي تحليلات وشغل استراتيجي، دا أمسخ بوست يمر علي حتى الآن، لأنو فيهو مواراة للغرض الحقيقي وأنا عايز أتكلم فيهو بطريقة تفيد الجميع مع الرد الضمني لصاحب الغرض.
نصيبك راجيك والله، وعندي ليك كمان ميز فاخر براك، في السنة دي ذاتا، بس شيل الصبر، هناك يبقى سين وجيم جد جد عشان ننتهي ذاتو من موضوع تتسلقوا فيني دا. ______ ترجمتك ذاتا ركيكة ياخ.
Quote: يا يوسف الله يرضى عليكعمر الفاروق ما بعرفو والله لكن متأكد مية في المية إني أفضل منو، لأني إضافة للمعلومات بطلع الدهون والأملاح برضو، ما شايفك صاحبك الجا شتمني داك زيتو طلع كيف؟ دي الحالة منتجات عرضية من حقل تجريبي بعيد، شاف بعينو بس.+++بعدين ما تديني انطباع بأنك سطحي أكتر من الأنا عرفتو حتى الآن، أمورك دي بتاعة زول فرحان بشهادة محو الأمية.
اها عشا الرد والكوتيشن اتلخبطوا هاك الرد ---------- والله يا حاتم ما كان تمشي الوكبيديالان ده ما بحلك واي زول ممكن يترجم كلامي ويمشي يقوقل ويمشي وكبيديالكنو لو ما فاهم الموضوع شنو الوكبيديا ما بتحلو انت ادعيت بانك بتعرف الكاونتربينت هسع بعد وكيبيدتك دي اشرح لينا الموضوع هنا ده وبالعربي وجيب مثال من تآليفك انت لانك عالم والعلماء والفلاسفه لا يصعب عليهم شيئ وكيبيديا ما بتحلك من سؤالي ده ولا من ٧/٨ او دليب الفولاني ههههههههه في النهايه كن بخيروما تزعل بالله
Quote: اها عشا الرد والكوتيشن اتلخبطوا هاك الرد ---------- والله يا حاتم ما كان تمشي الوكبيديالان ده ما بحلك واي زول ممكن يترجم كلامي ويمشي يقوقل ويمشي وكبيديالكنو لو ما فاهم الموضوع شنو الوكبيديا ما بتحلو انت ادعيت بانك بتعرف الكاونتربينت هسع بعد وكيبيدتك دي اشرح لينا الموضوع هنا ده وبالعربي وجيب مثال من تآليفك انت لانك عالم والعلماء والفلاسفه لا يصعب عليهم شيئ وكيبيديا ما بتحلك من سؤالي ده ولا من ٧/٨ او دليب الفولاني ههههههههه في النهايه كن بخيروما تزعل بالله
اتلخبطوا براهم؟ هههه اللخبطة حاصلة من الصفحة الأولى يا أبوي، شايف ثقتك اهتزت والأملاح بدت تطلع هههه
أها وبعد ما أعمل التأليف أزمبرو ليك بالساكس ما ياهو؟ وبعد داك أغنيهو بالطار عشان تقتنع ولا كيف؟ أنا أتمنى يا يوسف إنك تكبر عقلك شوية عشان خاطر معجبينك، النقاش ما بكون بأسلوب عرف لي داك وحل لي المسألة دي وأنا شارب براي وانت ما فاهم، النقاش تبادل أفكار مش تحنط في فكرة واحدة ومصطلحين والكشكشة بيهم زي الحية ذات الأجراس كل ما فتحوا موضوع موسيقى عاملهم للناس خلاعة وهم عاملين فاهمين.
ياخي، الموضوع أبسط مما انت متصور، واحد ابتدر كلام غير مدروس وتعجل في غير ضرورة للهروب من القارة، كلو تحت مسمى (الدليب اليوناني). أنا انتهزت الفرصة وقلت أوضح للناس مفاهيم جديدة طالما البوست بيستحمل وبعيد عن أشواق المتسللين ديل، ودا بيتطلب أكتب تعريفات وتوضيحات ونماذج وأمثلة ورسومات ومصادر واقتباسات واضعها هنا مبسطة وبأسلوبي البعرفو، وأنت زول حساس وأنا ما عايز شغل المنجلة والقرص الحار داك، والله ما دايرو، عشان الناس ما تقلب علي هنا، أنت ما عارف النقاش العلمي الأكاديمي أبجدياته ووسائله شنو وكيف يجري في منبر عام؟
أنا زول بحب النظام، وانت عشوائي يا يوسف فما حتقدر تلزمني بالخرمجة بتاعتك دي هنا، وضعت أجندتي عشان أمشي عليها، شفت الجند رقم تلاتة الفوق دا فيهو كلام من الله خلقك ما سمعت بيهو في نظرية الموسيقى وفي الكاونتربوينت المتشعلق فيهو 13 سنة بلا جدوى دا، والله أشرحوا ليك بالعربي وبالإنجليزي كان عايز، وأنا ما أدعيت، أنا ما بعرف عديييل دغري، لأنو الموضوع ما بيستاهل الهلولة العاملها ليهو دي، فما تتراجف إنو في واحد زيي كسر عليك القداسة القهرية الفولصيتو دي.
الجند التالت دا كله قصادك يا يوسف أبشر ساي، أي فتلة بنستعدلها، بس ما تنفعل لي من هسع، صحتك بالدنيا. ______ والله ما زعلان إلا على خيبة أملي في طريقة نقاشك دي. عايز أسوق بطريقتي، فهل تسمح لي؟
Quote: أنا زول بحب النظام، وانت عشوائي يا يوسف فما حتقدر تلزمني بالخرمجة بتاعتك دي هنا، وضعت أجندتي عشان أمشي عليها، شفت الجند رقم تلاتة الفوق دا فيهو كلام من الله خلقك ما سمعت بيهو في نظرية الموسيقى وفي الكاونتربوينت المتشعلق فيهو 13 سنة بلا جدوى دا، والله أشرحوا ليك بالعربي وبالإنجليزي كان عايز، وأنا ما أدعيت، أنا ما بعرف عديييل دغري، لأنو الموضوع ما بيستاهل الهلولة العاملها ليهو دي، فما تتراجف إنو في واحد زيي كسر عليك القداسة القهرية الفولصيتو دي.الجند التالت دا كله قصادك يا يوسف أبشر ساي، أي فتلة بنستعدلها، بس ما تنفعل لي من هسع، صحتك بالدنيا.______والله ما زعلان إلا على خيبة أملي في طريقة نقاشك دي.عايز أسوق بطريقتي، فهل تسمح لي؟
يا حاتم انت زايغ وما بتتمسك يجوك بي هنا تجي بي هناياخي دعك من مناطحة الصخر فهذا لن يفيدك كثيرا وانا لمن قلت ليك الف بنفسك حركه عكسيه تقهقريه كنت بتونس بيك لاني عارف علاقتك مع التاليف بل مع الموسيقى زي علاقة الموصلي مع الطب يلا خلينا الكاونتربيونت والتاليف يكون مسؤوليه ترهاقا شايفو شرف وده موسيقي قدير جدا فما تتعنقل معاهو اما انا حسافر في اجازه لمده شهر ودي فرصه تمشي لاصحابك ناس ويكيبيديا وما اليها يحلو ليك مشكلة الضرب الايقاعي٧/٨ آي بعبارة آخرى ضرب الدليب الذي ادعيت زورا وبهتانا بل وجهلا ان اصله فولاني ودي بداية عكك وغلاطك اها انتهز الفرصه دي يا ابني واجتهد وانا بجيك راجع ان شاء الله في النصف الثاني من فبراير فكن بخير وكن مستعد للجاياك كان ما جبت خبر دليب الفولان رضي الله عنهم وسامحك
Post: #250 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 01-10-2016, 06:46 AM Parent: #1
Quote: يا حاتم انت زايغ وما بتتمسك يجوك بي هنا تجي بي هناياخي دعك من مناطحة الصخر فهذا لن يفيدك كثيرا
عايزك تفهم حاجة واحدة تعدد نوع المعلومات في الرد بتاعي بيلزمني بالإخراج بطريقة أفضل من النموذج الفوق ودا بيحتاج وقت، ما شهرين بالتأكيد ولا شهر، فأبرد شوية أنا موجود وما زايغ وانت قاعد والفولان قاعدين، القلق لزومو شنو؟
فيا أخ يوسف ما تتوتر وتستبق الأحداث وتعمل افتراضات عشان تريح نفسك، 2016 دي ما حيكون فيها راحة، حاول تتداخل في الموضوع بطريقة تفيد المتابعين بدل شغل التحدي والقلق العظيم دا، قول أنا ختيت ليك مهرجان لإيقاع الدليب هنا فيديوهات وملفات صوت دا يضرك في شنو؟ عادي، لكن اللخبطة ما كويسة فالبوست عن الإيقاعات، غرض صاحب البوست رغبوي عن الإثنيات، سواق البوست (القديم) جاي بصرة فيها شوية مصطلحات عن الموسيقى الغربية الكلاسيكية وداير يحول الموضوع لعصر الباروك، شفت ليك عشوائية قدر دا؟
حاتم جا استعدل ليكم الموضوع، مشى خلاكم، الدروشة تحصل ، البوست يقلب حبشي وبعدها يقولوا حاتم شرد بسبعين عذر، ويبدأ الدور الهندي، وفسر لينا الحركة "القهقرية" المنعكسة والمتردية، وتمشوا "تفتشوا" نيابة عني عشان تقولوا مافي دليب في غرب أفريقيا، أنا بنانا؟ وشوية جيتار وعشرة فيديوهات رقصة زوربا وفي النهاية تهارقا العظيم يقول لي غني لينا؟ يعني لو حاتم ما فنان بغني ما يناقش المغمورين؟ ونخليكم تطنقعوا فينا بمصطلحات كورسات تعليم الكبار، دا ما حيحصل وأنا قاعد هنا، أبداً. ودا الحالة أوضحت ليكم اجندتي، ولو جاغت يحصل شنو يعني؟
أها خير يا ترهاقا القدير جداً، اكتب لي طلباتك هنا عشان أجهزها ليك، مافي مشكلة لو حبيت تطلع من الموضوع و"تمسكني" بسؤال في صراع الحضارات وفوكوياما. أجندتي ياها الفوق دي، أربعة مداخلات كبيرة الواحدة حتجي كاملة ضمن الموضوع بتاع البوست، شرح المصطحات الخاصة بنظرية الموسيقى الغربية دا في الجند التالت، يوسف دا فاهم نظرية الموسيقى غلط، حبيت تنتظر مرحب بيك في البوست بتاعي دا، حبيت تشتغل لي سين وجيم برضو مافي مشكلة حأضيف إجابات اسئلتك في المداخلة الرابعة (نضافة الرايش) وأنا ما عندي قدير ولا كبير، درجة رابعة دي كعبة كلو كلو، ولو حبيت تجينا في الميز بتاع أخوك يوسف برضو حبابك هناك تعالوا ورونا انجازاتكم الموسيقية العالمية، مقررات القراية والمصطلحات وأسامي النوتات دي كلنا بنعرفها، أنا ذاتي قررت أعمل بوست تعريفي شامل للحاجات دي عشان ننتهي من فلهمة شبه المتخصصين دي.
ما بتعرفوا تناقشوا موضوعكم دغري؟ موضوعية ماكو؟ ________ شايفين، "القهقرية" انتهينا منها دلوقتي بيفترض إنو 7\8 دي زي نسبية انشتاين، ولله في خلقه شؤون.
Quote: شايفين، "القهقرية" انتهينا منها دلوقتي بيفترض إنو 7\8 دي زي نسبية انشتاين، ولله في خلقه شؤون.
انتهيتو منها!!!!!! هههههههههههه بما انني لسه ماسافرت لسه بالله شوفو حاتم ده بيعمل في شنو ياخي اسآلك عن حاجهالحركه العكسيه التقهقريه تمشي تجيب لي لينك من ويكبيديا وتعتبر ده الحل!!!!!! وانك آجبت على السؤال !!!! وتقول السرجي مرجي الفي اللينك الفوق ده !!!!!!! تخيل انا ما اكون مهندس في صناعة ما وادعي ذلك يقوم حاتم وهو مهندس في تلك الصناعه يسآلني سؤال محدد لاني انا ادعيت بانني احد اساطينها اقوم امشي ويكبيديا اجيب ليهو لينك عن الموضوع واقول ليهو زي الكلام الفي اللينك الفوق ده!!!!!!!!!!!آ حيييييييييييييييييييييييييييي ومعاها عضة لسان وما تنسي معاك الفولانيه الانشتاينيه بالله حيث ان هذا البوست فاق الشهرين وما زلت يا سيدي توعد بلا ايفاء واشوفك بكره في الموعد!!!!!!
أنا براعي الناس كمان هنا، فأنا الراعي الرسمي للبوست دا، وحريص أملك الناس المعلومة السهلة، وكان ممكن بكل بساطة أجيب ليك اللنكات الفوق دي مراجع وننسى الناس ونقعد نتعابط أنا وانت برة الموضوع، بس عشان تعرف إنو الحكاية ما قدر القيامة الانت عاملها دي كاونتربوينت واسترافنسكي (الما عندك غيره دا) وتبطل تفترض إنو الناس ما حتقدر تفهم المقدمة وإنك درست وإنك فعلت، ليه أصلو، عقنقل قدموس؟ Who cares؟
أي عضو هنا درس رياضيات إضافية في المدارس السودانية (ما المصرية) بكل بساطة حيستوعب حسابات الموسيقى في أسبوع واحد وننتهي.
أيوة ويكيبيديا، انت عايزني انتظر جبريل يجي يخت لي الإجابة مكتوبة في رقعة جلد تحت المخدة ويطير قبال ما أشكره؟ ولا اتصل على لورنس فريت يوريني ليها؟ دي مقدمة بس عشان تاخد فكرة إنو حاتم ما غالبو يرجع الترجمة الركيكة بتاعتك دي لأصلها بعد ما يتقمص طريقة تفكيرك ويحاكي مستواك في الإنجليزية، ولأنها مبسطة وفيها تعريفات للناس العايزة تتابع، ما صعبة أبداً.
انت قلقان لأنو حاتم النكرة جاي يناقشك في الفهم الخاطي لنظرية الموسيقى ما ياهو؟ وعايز بسرعة تصل لنتيجة إنو حاتم ما فاهم المصطلحات مش؟ ما لقيت فرصة تتجدع فيني زي المساكين الطلعت بيهم هنا دا Re: يوسف الموصلى, عثمان النو.......اطالبكما بالاعتذار لعوض الله بشير....وللجميعRe: يوسف الموصلى, عثمان النو.......اطالبكما بالاعتذار لعوض الله بشير....وللجميع
هسع دا ما عيب عليك، كم مرة أنا قلت ليك دي بيدرسوها للأطفال عمر عشرة سنوات؟ زول فوق الأربعين تقشر بحق الشفع يا "موسيقار"؟
أها يا سيدي والله العظيم إضافة لذلك حأبدأ بالتزامن كورس تعريفي للموسيقى من تلاتة أجزاء ينتهي لغاية 2017 في المنبر دا، أي حاجة في الموسيقى أرميها وأبسطها للناس هنا، عشان ما يجي واحد يقول ليهم (عايزين تتسلقوا فيني وأنا شارب داك وأنا أحسن زول يفهم)، هو شنو هو أصلو؟
معليش، أسوي ليك شنو، معلومات عامة متاحة لأي مطلع عندو وقت فراغ، ما هو دا البطلع الدهن ذاتو يا يوسف.
Quote: حيث ان هذا البوست فاق الشهرين وما زلت يا سيدي توعد بلا ايفاء واشوفك بكره في الموعد!!!!!!
دا بحساب السنة الإغريقية؟
أظنو بدأ يوم 30 نوفمبر، يعني 40 يوم بالليلة، كترااااابل! عيييييك، جااااك. ________ ما قلت ليكم قلقان بيرجف، فرمالاتو أمات 13 سنة حيتسربن، بقت ليهو أكتر من شهرين ههههه ما قلت ليك أنا بطلع الأملاح والدهون من المسام برضو هههه
Quote: نحنا ولفائدة القارئات والقراء ،دايرين منك اسم مرجع واحد معتمد يدل على أفريقية الدليب وارتباطه بالحصاد.
"إنتو" في الحقيقة دايرين راحة روحكم، وهو يعني إيقاع الدليب ما أفريقي!
لا حول ولا قوة إلا بالله يا أخوانا المشكلة في الناس ولا الجغرافيا؟
عموماً ما تقلق، أنا بجمع في أعمال (دليب) من جهات متفرقة.
"مشكلتكم" بتفتشوا في الانترنت وانتو كارهين تلقوها، يعني النتيجة معروفة قبل بداية "البحث". إيقاعات الدليب دي بالكوم عند بياعين الأقاشى في فلاشات. ________ "يونانيتك" دي ما حتنصرف هنا وأنا قاعد إلا بشهادة مضروبة، "معتمد" دي خليها على قلب منير، ينفع؟
Quote: على أي حال يا أستاذ موصلي أنا بجهز في رد من أربعة أجزاء كبيرة،
وكنت أتمنى تركز في الموضوع، فانت هنا بتتأرجح بين نظريتك المتعجلة ثم التوتر وذكر أبولو ثم إعادة سرد الأساسيات ثم العودة والاستعطاف ثم الاعتماد على فيديوهات المتداخلين ثم الآن تسألني أشرح ليك الطريقة العلمية مع أني ذكرتها بالخطوات ثلاثة مرات، مرتين وجهت الكلام ليك شخصياً والتالتة ضمن رد على صاحب البوست، أظنها واضحة فوق، لاحظ أنك أنت المتخصص هنا يا "موصلي" لكنك لا تبدو مختلفاً عن المتداخلين، بل تبدو ضائع ومشتت تماماً، فخليني دلوقت افترض أنك موافق على الملخص التالي (إيقاع الدليب في منطقة الشايقية أصله يوناني أغريقي) حتى لا تكون ردودي قائمة على تخمين لا يحاسب عليه أحد، فهل أنت موافق؟
الإمضاء: الاستاذ حاتم ابراهيم.
التاريخ:
الساعة الواحدة و 54 دقيقة من ظهر الثالث من ديسمبر 2015، بتوقيت المنبر العام هههههههههههه
الزعم "الحاتمي" على وزن "الكرم الحاتمي" ههههههههههه
زعم الاستاذ حاتم ابراهيم التالي:
Quote: إيقاع الدليب أصله غرب أفريقيا من مناطق الكاميرون السينيغال وبوركينا فاسو، وهو إيقاع طحن الأرز (دق الرز) عند قبائل الفولاني ويستخدم مع آلة الطمبور (Tambour) والغيتا (Ghaita) نسميها كيتا، لاحظ أن الدليب والطمبور يترافقان أيضاً في شمال السودان.
وما زلنا شهرين واكتر في "انتظار الذي قد لا يأتي أبداً" ......
ربما أنه في تكتيك "عدائي" جديد له ، يراهن على "ضعف الذاكرة".
Quote: انا ذاتي فتشت والله وبفتش معاك لانني متآكد ان افريقيا بشكل عام وغرب افريقيا بشكل خاص مليانه للطيش ايقاغات بس +++ انا حسافر في اجازه لمده شهر ودي فرصه تمشي لاصحابك ناس ويكيبيديا وما اليها يحلو ليك مشكلة الضرب الايقاعي٧/٨ آي بعبارة آخرى ضرب الدليب الذي ادعيت زورا وبهتانا بل وجهلا ان اصله فولاني ودي بداية عكك وغلاطك اها انتهز الفرصه دي يا ابني واجتهد وانا بجيك راجع ان شاء الله في النصف الثاني من فبراير +++ ربما أنه في تكتيك "عدائي" جديد له ، يراهن على "ضعف الذاكرة".
طيب بمناسبة عيد الحب
الإشكالية وين؟ في طريقة التفكير التقليدية البتفتكر إنو الإنترنت فيها أي حاجة ودا غلط خاصة لما يتعلق الأمر بتراث محلي في منطقة نائية ربما لا تتوفر فيها مقومات المدنية الحديثة. عموماً أنا اتوقعتك يا يوسف تظهر اليومين ديل، على أي حال أنا عند وعدي بس الظاهر كمية الغلة أكبر من إمكاناتي المتواضعة وزمني المخصص وأنا "اتشبحت" في بوستات كتيرة.
الموضوع مش مجرد كليبات أرميها وأمشي، أي عينة حأوفرها عندها رقم وفيها الكود بتاع الدولة والإقليم وآخر رقم هو نسبة التأكد (certainty) لأنو الأغنية نفسها بسأل عنها ناس ما عندهم خلفيات فنية يعني كلامهم متضارب، فأنا بضطر للجرح والتعديل بعد العنعنة ودي شغلانة بتاعة "وردية تانية" ولازم أجهز ملف لكل حالة بأرقام التلفونات والعناوين وما أي واحد بديك معلومة بالبساطة دي، خلاف الهومويرك البعملو في التقصي والترجمة من الهوسا للعربية، وبكتب إيميلات وبنتظر الرد. دا خلاف البحث والمقارنة بين الرقصات والآلات، دا مسار تاني، ثم وضع ذلك كله في قالب أكاديمي أنا بديتو في بوست باسم الموسيقى عشان ما أكرر الكتابة، شغل متكامل يعني.
لكن عشان أسامة قلقان (فورة البرمة للجعان قاسية) وبدأ يرميني بالكذب فبمناسبة الفلنتاين دي عينة مشي حالك لحد ما أصنف الباقيات وأناظرهن بالدليب السوداني الأصلو فولاني.
دي بتاعة (أدريس إبراهيم ـ حبيبى الشادن العاجباهو روحو ) نموذج منير
ودي النموذج رقم 25 من سكوتو نيجيريا
الأغنية اسمها المبين على الديباجة (عنوان الأغنية بلغة الهوسا) NAZIR Kidan matane Sabon sarki Sabon = جديد sarki = ملك matane = نساء Kidan = هزيمة أو كيد احتمال (كيد النساء للملك الجديد) نذير قد يكون اسم صاحب الكمبيوتر
المصدر ذكر أن الأغنية "ريفية" وقد تكون من ولاية سكوتو في الجنوب، وقوله مجروح لأن ولاية سكوتو في شمال غرب نيجريا أقرب لنيامي عاصمة النيجر.
لكن من ناحية دليب، دليب ونص وخمسة، حاولوا تتعايشوا مع الحقيقة دي لحد ما أجي أعسكر هنا وأعمل ليكم ميز جماعي، براكم.
دا كلو عشان لما يجي باحث جاد يلقى حاجة منظمة، مش يمكن يفكر يطلع بحث بعنوان (الأصل الفولاني للدليب السوداني)؟ _____ يلا يا منير، قلبك معانا عشان ننتهي من الموضوع دا ونجي راجعين من أفريغيا بسرعة.
ياحاتم لعلك طيب لا أريد أن أدخل في مهاترات لا تسمن ولا تغنيزلكنني اريد أن أقول لكبأن تفاخرك بانك أحضرت الديب من ديلو طلع فشنكفالميزان للنموذج رقم 25 لا علاقة له مباشرة بالضرب الايقاعي 7/8فهو في الحقيقة11/8وسنشرح لك فيما بعد
Post: #271 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-14-2016, 06:49 AM Parent: #1
Quote: خلِّي الموصلي يجي. قبل كدا جبت نماذج ، وطلعت "مضروبة". ما أتيت به يذكِّرني ببعض الاغاني الاثيوبية. ولو صدق حدسي، يبقى يكون ، لو طلعت من إيقاع الدليب بعد فحصها، يكون لنا علاقة بالدليب الحبشي، لأنو أقرب جغرافيا وثقافيا.
يعني الخردلة في محلها! دا ما شغل موصلي إذا كان هو صاحب النظرية المنهارة ديك
لاحظ انت هنا بتجعل "الدليب" مركزيتك في الحكم على الإيقاعات الأفريقية ودا خطأ للمرة التانية، لأنو المرة الأولى اتجاهلتوا أفريقيا تماماً وبديتوا بحث محموم لإثبات "عدم" وجود إيقاع مشابه بإيراد وثائق مضحكة لذلك "موصلي" ولا غيره إذا كانوا بيفكروا بنفس "العقلية" فكلامهم "لا يعتد به" بدليل إنكاره التام لوجود إيقاع مشابه وتصنيفه للأصوات (جبلي، صحراوي) ودي أنا حأسهب فيها في بوست الموسيقى.
الإيقاعات الأولى الأنا ذكرتها ما مضروبة بس أنا واجهت ناس عايزة تسمع (النيل والنخيل) جوة الغنا عشان تقتنع بأنو دليب، النموذج 25 دا أنا اخترتو من جملة حوالي أربعين نموذج للدليب الفولاني ليه؟ لأنو مطابق للأغنية الجابها منير عشان ما تقول لي (خلي موصلي يجي) وضعتهم جنب بعض عشان تشغل دي شوية والفولانية شوية مطابق في شنو؟ الإيقاع، فانت ما ملزم تفهم لغة الهوسا عشان تقارن، موصلي إذا عايز يعينك فكلموا يفصل الفوكال من الإيقاع، حتسمع إيقاع الطبلة بتاعة الدليب الفولاني، أنا مضطر أسمع كمية من أغاني الدليب عشان أربط كل اتنين مع بعض، وقع ليك أنا بتأخر ليه؟
العلاقة الانت شارد منها دي أوثق صلة بأهل غرب أفريقيا فياخي خليك إيجابي في التعاطي مع الثقافة إينما جاءت واتماشى مع المنطق، مع إنو نيجريا دي ما محطتي الأخيرة لكن برضك بتقدم معلومة، أمشي فتش في الإنترنت وشوف أهل سكوتو (Skoto) ديل عاملين كيف وعممهم وجلاليبهم، الدليب يمكن يطلع خشم بيوت، لكن أفريقي. _____ والحبش ذاتم فولان، أها.
Post: #272 Title: Re: الدليــب اليوناني؟ سؤال لأستاذنا المبدع: Author: محمد الأمين موسى Date: 02-14-2016, 07:55 AM Parent: #271
أخي الفاضل حاتم... عند سماع إيقاع الأغنية التي أوردتها يبدو لأول وهلة أنها دليب مماثل للأغنية التي أتى بها منير، ولكن عند تتبع إيقاع المغنين يبدو أن الإيقاع أقرب إلى الإيقاع التم تم البطيء. وفي نهايات الأغنية يتضح أنها ابتعدت كثيرا من الإيقاع الذي تسمونه 7/8.. أنا لست متأكدا بحكم خبرتي المحدودة في سماع إيقاع الدليب وفي انتظار الخبير منير. كما أرجو التوضيح إذا كان الدليب يتضمن تباينات تندرج تحتها الأغنية التي أوردتها.
Post: #273 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-14-2016, 10:00 AM Parent: #1
Quote: ولكن عند تتبع إيقاع المغنين يبدو أن الإيقاع أقرب إلى الإيقاع التم تم البطيء. وفي نهايات الأغنية يتضح أنها ابتعدت كثيرا من الإيقاع الذي تسمونه 7/8.
كلامك صحيح
الإيقاع في النموذج 25 يفارق الدليب ويلتقيه أكثر من مرة خلال الأغنية بنمط منتظم. حأرجع لتفصيل الملاحظة دي بتوسع في مداخلاتي القادمة لكن كلامك في محله. مبدئياً مفروض نضع خارطة طريق للمصطلحات، حالياً بحاول أعرف اسم الإيقاع دا شنو هناك محلياً.
_____ إذا صحت توقعاتي فإيقاع الدليب عندنا نمط بسيط من الدليب الفولاني.
Quote: فممكن يكون ما أتيت به هو واحد من "خططك" للفتك بأعدائك، +++ نحاول البحث عن "الحقيقة".
لا نحتاج لبحث، بل قبول وتسليم
هذه حقيقة والغرض ليس فتك هنا بل نقاش، إذا أحببت فهذا البوست بكامله بدأته بخطة اسمها (بلياردو) لعلي أنشر تفاصيلها الأسبوع القادم. +++ أشك في ذلك، الباحث عن الحقيقة لا يتحرى عدم وجود أسبابها ولا يبدأ بالافتراضات بل بالحقائق المجردة وينظر في كل الاتجاهات، أخشى أنك بدات تتفاعل مع النموذج، هذا خارج حساباتي ولا أملك خردلة من سلوى الترضيات أو ترف المجاملات. ____ Assumption is the mother of all fuckups.
Quote: الباحث عن الحقيقة، لا يسعى إلى هزيمة مخالفه أو محاوره. فقط قل لنا لماذا تعتبر "مخالفيك" في المنبر "أعداء"؟؟؟ +++ قلنا أن الاستاذ حاتم زعم أنه كتب "لياني" الموسيقار اليوناني المعروف. أول من انتبه إلى ذلك "الزعم الحاتمي" كان : الاستاذ "الأمين عبدالرحمن عيسى" ، في يوم 1\12\2015 الساعة السادسة ودقيقة . كتب الأستاذ الامين مستغرباً : طبعاً " تكتب عنه"، دي إيجاد مخارجة ممكنة لحاتم من إنسان طيب السريرة. وزي ما بقولو في لغة السياسة: "إيجاد مخرج آمن". فصهين حاتم وغير الموضوع. ههههههههههههه
Quote: أهو شوف جاك واحد بنفس شكي قال ليك دا ما دليب، زي ما قلت ليك انو بشبه بعض من الغناء الحبشي. +++ من "الكياسة" أن نرحِّب بعودة الموصلي، بدلاً من حصره وتصنيفه في خانة "العدو". +++ كلامي أنك "زغت" أو قُلْ "تجاهلت" استغراب الاستاذ "الأمين عبدالرحمن عيسى"، عن "طبيعة كتابتك لياني". +++ اعتبار المخالفين من المحاورين "أعداءً" ، هو ما قد يفسِّر الطابع اللغوي العدائي الاستفزازي المحقِّر للآخرين.
واضح إنك متوتر، ودا الوضع الأنا كنت بحاول اتجنبو
الحقيقة يا أخ أسامة هو ما شك، هو هروب بالمعنى الصحيح، أنا عندي نفس الأغنية (النموذج 25) فيديو واتعمدت أجيب الصوت بس عشان اتجنب (الشك) دا، فهو حيستمر حتى ولو أتيت بأغنية دليب من بلاد كانو اسمها "رمال حلتنا"، فالأزمة نفسية وعلاجها لا يتوفر عند شخصي الضعيف. +++ عادة لا اهتم بالشكليات، لن تجدني مرحباً أو مودعاً أبداً طيلة العام الفائت، الأخ محمد يوسف ليس مستثنى. +++ لن تجدني مزواغاً أبداً، فلنترك الأخ الأمين يفصح عن شكوكه بسؤال مباشر. لدي ردود على مداخلات من الصفحة الأولى، تنتظر وقتها، فلا تتعجل الاتهام. +++ العداء هنا مجازي يا أسامة، فلست أحمل من الأسلحة سوى ساكسفون.
Quote: ياحاتم لعلك طيب لا أريد أن أدخل في مهاترات لا تسمن ولا تغنيزلكنني اريد أن أقول لكبأن تفاخرك بانك أحضرت الديب من ديلو طلع فشنكفالميزان للنموذج رقم 25 لا علاقة له مباشرة بالضرب الايقاعي 7/8فهو في الحقيقة11/8وسنشرح لك فيما بعد
يا مرحب، والفاضي للمهاترات منو؟
والله مافي تفاخر هنا، النموذج "بسطناه" للأخ أسامة لأنه أقلقنا بالتساؤلات وعد ثواني الانتظار، فحتى لا يضعنا في حرج اخترنا له ما يناسب الخردلة بمناظرة المتوفر عندنا من الدليب الفولاني بمثيله من الأغاني السودانية المعروضة في البوست.
في إمكانك وضع أي تسمية تراها مناسبة لأزواج الأرقام، إن كان هذا يجعل الدليب متفرداً أو سائحاً بالقارات قاصداً بقعة بعينها لا يروم سواها. أما نحن فنسمع ونقارن. ____ إيقاع الدليب الحالي دا هل هو بنفس وصفه من سنة 1970 مثلاً؟
Quote: في إمكانك وضع أي تسمية تراها مناسبة لأزواج الأرقام، إن كان هذا يجعل الدليب متفرداً أو سائحاً بالقارات قاصداً بقعة بعينها لا يروم سواها. أما نحن فنسمع ونقارن. ____ إيقاع الدليب الحالي دا هل هو بنفس وصفه من سنة 1970 مثلاً؟
حاتم بصراحة انا لازم كمتخصص" اديك حقك من حيث بذل الجهد الكبير ومن حيث طولة بالك واصرارك على اثبات فرضيتك واعتقد انك ماشي كويس وانا شخصيا منتظر تجيب الدليب من غرب افريقيا/النموذج الجبتو ده ما دليب اي ما ٧/٨ وحقو فتح اضانك وتسمع النموذجين الجبتهم تاني وبدل الاصرار امشي ابحت تاني يتوبك فينا خير وتآكد انك لو جبتوحتكون افدتنا جدا ولو انو ايجادك ليهو ما بيثبت آن الاصل آفريقي
ياحاتم كدى خلينى فى الأول أنبهك إنو طريقتك فى النقاش إستفزازية عدوانية تفتقر للباقة .. مافى داعى تحاول دائماً تجرد محاورك من أى معرفة، وتبذل جهدك عشان تطلِّعه أُمى وإنت الخبير فى أى حاجة .. يعنى أستغرب غاية الإستغراب فى خطابك للموصلى وعاوز تطلعه أمى فى الموسيقى، والخواض أمى فى الترجمة ومحمدعبدالله مختار ما بيفهم فى الطيارات وأبوريش أوسطى فى الهندسة ووو .. هو شنو الحكاية ياخ؟؟ مافى زول مكمّل حتى فى مجال تخصصه فمافى داعى تخانق الناس بهذه الطريقة .. يمكنك بالراحة أن تفند حجج محاورك ولكن بدون تجريح وإساءات خاصة فى المواضيع العلمية والأكاديمية والتى هى ليست مثل النقاش السياسى الذى قد يتأجج ويصل مرحلة سفك الدماء .. بعدين مناقشات المنابر دى فيها سمايليز تساعد على تلطيف الحوار أو تصعيد العداء ـــ مفروض الواحد يستخدمها عشان القراء يستشفوا وجه الكاتب .. وجه باسم؟.. وجه مكشِّر؟ .. وجه ساخر؟، وجه غاضب؟ وجه مدردق فى التراب من الضحك؟؟ إلخ .. غايتو أنا إتعلمت من الموصلى وأسامة الخواض إنهم أخلاقهم عالية وفى غاية التهذيب .. فرغم تحقيرك لمعارفهم فإنهم يخاطبونك بكل رحابة صدر وإحترام .. كلامى ده غايتو تنبيه ليك لمخاطبة الناس بمراعاة كينونتهم حتى لا يتأذى الناس .. وأنت قد كنت اكتسبت إحترام القراء بأسلوبك العلمى الراقى الذى بدأت به قدومك فى بوست الصعود للقمر .. فلا ترمى رصيدك البحر ..
Quote: وبدل الاصرار امشي ابحت تاني يتوبك فينا خير وتآكد انك لو جبتوحتكون افدتنا جدا ولو انو ايجادك ليهو ما بيثبت آن الاصل آفريقي +++ اها في الانتظار انا على نلر
بل أشد من النار، هههه، ردك أنا متوقعه وغير مقنع لأسامة خليني أنا، وكل ما تسمع النموذج حتزداد يقين بأنو الدليب يوناني!
يا يوسف الفنان أو العازف لما يفكر يعمل لحن ولا إيقاع ما بيبدأ يقول (أنا عايز الليلة أعمل إيقاع 7/8 أو 11/8 أو أداجيو) كلامك دا بيثبت لي إنو تناولك للموسيقى من باب الصنعة وليس الإبداع.
ياخي حتى الدليب السوداني التقليدي فيهو (variations) وأنا بتكلم عن المعروف اصطلاحاً بالترميز 7/8 على الأقل فيهو نوعين تانيين.
لذلك من مداخلتي الأولى نصحت بالحديث العلمي بدل الحكم بالعاطفة. حتقول لي (أنا جبت ليك التحليل للإيقاع بطريقة علمية)، وتحليلك برضو خطأ يا يوسف. وحتستمر للأبد طالما العقلية البتفكر بيها بتدفعك لرفض فكرة الانتماء ثقافياً لهذه القارة، فياخي نفس الطبلة ونفس العصاية المعقوفة ونفس القعدة وطريقة الرقص وانت بكل بساطة تقارن لي بالجيتار وتجي تقول لي (كمتخصص). فهل مطلوب مني أضع للديباجة دي اعتبار واتجاوز طريقة التفكير السليم غير المنحاز؟
دلوقتي أنا حأبدا مداخلاتي الأربعة وبالعرض الصحيح لتحليل الإيقاع بالطريقة العلمية وليس العاطفية، الدليب أصله فولاني يا يوسف وأنا مضطر أعرض بقية النماذج بطريقة مرتبة، وانت استمر في رص الأرقام. ____ ياخي للطواقي ياها ذاتا حقت الهوسا.
Quote: أهو شوف جاك واحد بنفس شكي قال ليك دا ما دليب، زي ما قلت ليك انو بشبه بعض من الغناء الحبشي. ممكن تنوّت الاغنية؟؟
طلب غريب! يادوب انتبهت ليهو
عشان شنو يا أسامة أنوت الأغنية؟
ما بالضرورة إنو النوتة حتثبت عكس كلامي اللهم إلا إذا عايز تختبرني بعرف نوتة ولا لا، ودا شيء مضحك.
النوتة الموسيقية ليست ضرورة لأي مغني أو موسيقي طالما يمكنه الإبداع بدونها، وهي بذاتها مجرد أسلوب تواصل ظهر في وقت لم تكن فيه وسيلة متوفرة سوى الورق، لا إذاعة ولا أشرطة، عدم معرفة النوتة ليس منقصة على الإطلاق يمكن أن تكون موسيقار مشهور وعالمي بدون أن تقرأ حرف من النوتة الموسيقية أو تكتبها. ____ اتماشى مع المنطق.
بالنسبة لمقارنتك الجبتها مع حبيبى الشادن أقول ليك مافى أى مقارنة .. وربما الواحد مع بداية االأغنية لا شعورياً يحاول يحضر أُذنه إنو إيقاع دليب فيقوم يسمع أول وتانى ضربة يختهم فى قالب الدليب قسراً ـــ وده الشعور الذى إنتاب محمدالأمين موسى فى البداية ـــ لكين بعد ثانيتين تلاتة الواحد يكتشف إنه الإيقاع فارق فراق الطريفى لجمله .. وهو أساساً ماكان دليب إنما وهمة إبتدائية ناتجة من تحضير الشعور للإستماع لدليب ... ثانياً .. أنا أعتقد أن التصنيف الحقيقى مفروض يتم بتصنيف الـ waveform بتاعة الإيقاع وقياس الـtime بين النقرات .. زيما الدكاترة بيحللوا الـ PQRST peaks بتاعة دقات القلب .. يعنى أنا لوداير أقبِّل على المقارنة العلمية الحقيقية بين حبيبي الشادن والإيقاع بتاعك المقارن بشيل الـwaveform وأمشى أدقق فى تفاصيل الريذم و أشوف الزمن بين الـpeaks الرئيسية والتى أعتقد أنها تميِّز كل ريذم من الآخر .... والزمن بين الـpeaks ده هو الذى يقع فى أذن المستمع ويعمل modulation لريذم القلب .. عشان ده أنا زمان قلت ليك إنو إيقاع الدليب موزون معاى مع دقات القلب ... أيوة صاح أنا قلت الكلام بلغة عاطفية فى شكل دعابة، لكنه حقيقى حسب الشرح الهسه ده .. فتانى بقول ليك أنا الإيقاع ده عامل لى الـ modulation لريذم القلب من قبل ما يلدونى ذاتو .. :)
Quote: يا يوسف الفنان أو العازف لما يفكر يعمل لحن ولا إيقاع ما بيبدأ يقول (أنا عايز الليلة أعمل إيقاع 7/8 أو 11/8 أو أداجيو) كلامك دا بيثبت لي إنو تناولك للموسيقى من باب الصنعة وليس الإبداع.
ياخي حتى الدليب السوداني التقليدي فيهو (variations) وأنا بتكلم عن المعروف اصطلاحاً بالترميز 7/8 على الأقل فيهو نوعين تانيين.
لذلك من مداخلتي الأولى نصحت بالحديث العلمي بدل الحكم بالعاطفة. حتقول لي (أنا جبت ليك التحليل للإيقاع بطريقة علمية)، وتحليلك برضو خطأ يا يوسف. وحتستمر للأبد طالما العقلية البتفكر بيها بتدفعك لرفض فكرة الانتماء ثقافياً لهذه القارة، فياخي نفس الطبلة ونفس العصاية المعقوفة ونفس القعدة وطريقة الرقص وانت بكل بساطة تقارن لي بالجيتار وتجي تقول لي (كمتخصص). فهل مطلوب مني أضع للديباجة دي اعتبار واتجاوز طريقة التفكير السليم غير المنحاز؟
دلوقتي أنا حأبدا مداخلاتي الأربعة وبالعرض الصحيح لتحليل الإيقاع بالطريقة العلمية وليس العاطفية، الدليب أصله فولاني يا يوسف وأنا مضطر أعرض بقية النماذج بطريقة مرتبة، وانت استمر في رص الأرقام. ____ ياخي للطواقي ياها ذاتا حقت الهوسا.
كلامك للاسف ماليهو علاقة بي معرفة الموسيقى البتة هسع الدخل الاداجيو شنو مع التكوين والضرب الايقاعي عليك الله خلي اللفحي الاداجيو بيجدد السرعه ولا علاقة له بتركيب الميزان آو نوعيته معليش دي طلعت Out محاولاتك المستميته باءت بالفشل حتى الان اها منير جاب ليك النجيضة باذنه الشايقية الدليبية القح حاول جيب لينا نموذج الدليب او ٧/٨ وستنال منا احتراما كبيرا بل وسنظل نحترمك رغم محاولاتك المتكرره لمناطحة الصخر ونحن لسنا بمستودع للخزف حتى يدمرنا الثور وتقبل التقدسر
Quote: كلامك للاسف ماليهو علاقة بي معرفة الموسيقى البتة هسع الدخل الاداجيو شنو مع التكوين والضرب الايقاعي عليك الله خلي اللفحي الاداجيو بيجدد السرعه ولا علاقة له بتركيب الميزان آو نوعيته +++ اها منير جاب ليك النجيضة باذنه الشايقية الدليبية القح
الاستماتة هنا من جانبك، المضحك إنو السودان قطر أفريقي وانت بتطلب مني أثبت إنو الدليب أفريقي هههه
انت بتصطاد في مفرداتي كأنها أخطاء استراتيجية تعطيك الحق في تصنيف الناس لواحدين بيعرفوا موسيقى وآخرين ما بيعرفوها البتة، فكل السطر بتاعي عايز أضرب مثل إنو الإبداع في الموسيقى ما بالضرورة يرتبط بالمسميات الأكاديمية يا يوسف، دي مجرد مصطلحات لإيصال المعلومة وللدراسة فقط.
لكن بنفس طريقة كلامك ممكن أرد عليك بمنتهى البساطة: إيه علاقة استرافنسكي والكاونتربوينت بالدليب؟ وإيه علاقة الإسلام الجاء من الجزيرة العربية بالموسيقى؟ وإيه علاقة التوزيع الاوركسترالي بالأغاني الشعبية بمصاحبة إيقاع الدليب؟ وإيه علاقة الهارموني بالدليب؟ وإيه علاقة بيلا بارتوك ونظرية الموسيقى بموضوع البوست؟ وإيه علاقة الحركه عكسيه تقهقريه بالإيقاع؟ وإيه يعني تصنيف الأصوات لجبلية وصحراوية؟ وأنهي كلامي بنفس عبارتك (لسنا مستودع خزف حتى يدمرنا الثور)
See! very easy
الإيقاعات دي في أفريقيا ما بيتعلموها في أكاديميات، فلما انت تضع ليها توصيف 7/8 دا ما بيعني وضعها في قالب جبس وتجميدها لحد ما تقرر انت تغيرها، لا أبداً، مافي حاجة هنا منحوتة في صخر إيقاع الدليب نفسه حدثت ليهو إضافات كتيرة جداً داخل السودان بطريقة إبداعية مش أكاديمية، عارف مشكلتك إنك فاهم كل نظرية الموسيقى غلط، بتتعاطاها بالمقلوب وكأن الناس وضعت الأرقام والنوتة حتى بدأت تنفذ العزف والضرب.
يعني في رأيك (كمتخصص) توصيف منير للإيقاع مقنع؟ أوكي، أنا حأفصل الإيقاع من الأغنيتين بدون الفوكال ونجي نشوف، فيبدو لي لغة الهوسا هي العاملة المشكلة هههههه (يَكا).
انت هنا بتدافع عن اسمك ما بتناقش، لذلك حيظل هدفك تثبت للناس إنو حاتم ما ليهو علاقة بالموسيقى وحتقعد ترص في الأرقام بافتراض إنو مافي زول فاهم دا شنو، ودي حننتهي منها ونشوف في كم 7/8 في الدنيا دي. ____ بعدين حقو نسيب حكاية التيران دي ولا كيف؟ مش طلبت عدم المهاترات؟
Quote: غايتو أنا إتعلمت من الموصلى وأسامة الخواض إنهم أخلاقهم عالية وفى غاية التهذيب .. فرغم تحقيرك لمعارفهم فإنهم يخاطبونك بكل رحابة صدر وإحترام .. كلامى ده غايتو تنبيه ليك لمخاطبة الناس بمراعاة كينونتهم حتى لا يتأذى الناس .. وأنت قد كنت اكتسبت إحترام القراء بأسلوبك العلمى الراقى الذى بدأت به قدومك فى بوست الصعود للقمر .. فلا ترمى رصيدك البحر ..
شكرا استاذ محمد على كلماتك الطيبات.
ما يقوم الاستاذ حاتم يذكّرني بشبابي الاسفيري ههههههه فقد كنت حاداً في أحايين كثيرة.
وقد تعلّمت من تلك التجربة أن الخاسر الأول هو من يقوم بالعنف اللفطي. كيف؟
فبدلا من التركيز على نصرة الحقيقة، يركِّز على هزيمة المخالف. وأسهل الطرق وأضعفها معرفياً هي السخرية والتقليل من أقدار المعارضين، وتسفيه وتتفيه آرائهم.
ولذلك فحينما تتعامل مع المختلفين معك ك"أعداء"، كما يدعو صراحة لذلك الاستاذ حاتم في بوسته "تكاتيك"، فأنت لا تبحث عن "الحقيقة"، وإنما عن "لجم" خصمك، و"إسكاته" بكل الطرق الممكنة.
بدلاً من أن يؤسِّس الاستاذ حاتم لثقافة "التسامح" و"الاعتذار"، والاعتراف بالخطأ بشكل صريح، لا مواربة فيه، يحاول "تمليك" الناس "تكاتيك" لهزيمة "أعدائهم".
من الواضح أن الاستاذ حاتم قد جلب لنا مرة أخرى" مثالاً مضروباً".
وهذا في رأيي المتواضع يعود إمّا إلى ضعف في التذوق الموسيقي، أو المعرفة بالنوتة الموسيقية.
وفي أسوأ الأحوال الاثنين معاً. وليس للأستاذ حاتم القدرة النفسية على الاعتراف بالخطأ.
لماذا؟
لأنه يتعامل مع الجميع هنا، من المخالفين لرأيه، على أساس أنهم "أعداء"؟؟؟؟؟؟؟
وهذا سيجعله أكثر "عدائية"، و"تملصاً"، و"استماتة" في "تشتيت الكورة"، كما تقول الحكمة الرياضية.
Quote: لكن بنفس طريقة كلامك ممكن أرد عليك بمنتهى البساطة: إيه علاقة استرافنسكي والكاونتربوينت بالدليب؟ وإيه علاقة الإسلام الجاء من الجزيرة العربية بالموسيقى؟ وإيه علاقة التوزيع الاوركسترالي بالأغاني الشعبية بمصاحبة إيقاع الدليب؟ وإيه علاقة الهارموني بالدليب؟ وإيه علاقة بيلا بارتوك ونظرية الموسيقى بموضوع البوست؟ وإيه علاقة الحركه عكسيه تقهقريه بالإيقاع؟ وإيه يعني تصنيف الأصوات لجبلية وصحراوية؟ وأنهي كلامي بنفس عبارتك (لسنا مستودع خزف حتى يدمرنا الثور)
كل هذا له علاقة ببعضه البعض ويا حاتم اهلنا زمان كان بقولوا للكلام غير الموزون عقلا "كلام الطير في الباقير" لكنني اعتقد بان هذا غير كاف لان كلامك ليس موزون بلغة العقل فحسب ولكنه مختل يلغة العلم ايضا وانا حآعكس المقولة واسميهو كلام الباقير في الطير حاتم لاتعتمد على سكاكين تكاتيكك غير السنينة فهنالك علم موسيقي جلده غير قابل للاختراق بالمغالطة الساكت
Quote: وربما الواحد مع بداية االأغنية لا شعورياً يحاول يحضر أُذنه إنو إيقاع دليب فيقوم يسمع أول وتانى ضربة يختهم فى قالب الدليب قسراً ـــ وده الشعور الذى إنتاب محمدالأمين موسى فى البداية ـــ لكين بعد ثانيتين تلاتة الواحد يكتشف إنه الإيقاع فارق فراق الطريفى لجمله .. وهو أساساً ماكان دليب إنما وهمة إبتدائية ناتجة من تحضير الشعور للإستماع لدليب ... +++ يعنى أنا لوداير أقبِّل على المقارنة العلمية الحقيقية بين حبيبي الشادن والإيقاع بتاعك المقارن بشيل الـwaveform وأمشى أدقق فى تفاصيل الريذم و أشوف الزمن بين الـpeaks الرئيسية والتى أعتقد أنها تميِّز كل ريذم من الآخر .... والزمن بين الـpeaks ده هو الذى يقع فى أذن المستمع ويعمل modulation لريذم القلب .. عشان ده أنا زمان قلت ليك إنو إيقاع الدليب موزون معاى مع دقات القلب
مافي قسر هنا يا منير
وحاتك المقسور أنا، أخونا أسامة أبت نفسه إلا يكاويني هههه فقلت أغرف ليهو من الحلة قبال تنجض.
فشوف رد الفعل الأول دائماً حقيقي، أخونا أسامة من أول مداخلة بعد ما اخترت ليهو نموذج مناسب نسى موضوع اليونان كلو كلو وقال
لو طلعت من إيقاع الدليب بعد فحصها، يكون لنا علاقة بالدليب الحبشي، لأنو أقرب جغرافيا وثقافيا
شفت كيف! في نفس الوقت أخونا يوسف بيستشهد بالجيتار في موضوع أبعد ما يكون عن النموذج الأنا جبتو بافتراض عدم معرفة الناس للأرقام دي، شوف الفيديو دا بيتكلم عن نفس الإيقاع (الضرب) وبنفس الديباجة 7/8 وبتلاتة أنواع منه
ولا واحد من التلاتة حتلقاهو (موزون مع دقات قلبك) مع أنها "علمياً" كلها (دليب) فلو كنت عرضت ليكم نماذج أعمال بنفس السرعة (meter) والتنوع (variation) هنا فرد فعلكم الطبيعي هو مثلما جئت به أنت وأخونا يوسف. ___ عرفت ليه من البداية أنا قلت كلمونا علمي؟
Quote: مافى داعى تحاول دائماً تجرد محاورك من أى معرفة +++ يعنى أستغرب غاية الإستغراب فى خطابك للموصلى وعاوز تطلعه أمى فى الموسيقى
يلا وجه نفس الكلام دا للمتحاورين هنا
يا منير إذا في حقائق معروفة للكل فأنا ما ملزم ألفها في ورق هدايا قبل ما أقولها.
أخونا يوسف ما أمي، لكن عنده فهم خاطيء لكثير من المفاهيم الموسيقية، ودا وضع غير طبيعي، ليه؟ لأنو غير مدرك للواقع دا ومع ذلك بيعطي نفسه الحق في تصنيف الناس
شوف دا نموذج
قمة الجهل والسذاجه المعرفيه في الموسيقي وطالما انك تنكر وصول الانسان الى القمر فما غريب عليك آن تدعي معرفة الموسيقى ياراجل شوف ليك شغله تانيه وبطل الخارم بارم بتاعك ده
ودا جات بعدو امتحانات الفترة (قهقرية وغيرها) دا غير المحذوف، ومع ذلك أنا بضحك هنا وبتناول الموضوع حسب خطتي وطريقة نقاشي، وحتى الآن ما وجهت لشخص كلام بالمستوى دا.
السطر دا كتبه واحد اسمه عبد الصمد
الأخ الخواض وجه سؤال للموصلي ما ليك انت وجاوب الموصلي بطريقة إرتاح لها السائل وكثيرون غيره
واضح مش كدة؟ أها دلوقتي تبخر الإجابة "المريحة" دي هو المفور دم الناس هنا، بالله عليك أفارقة بغنوا بطبلة من نيجريا في السودان، دا علاقته شنو باليونان؟
فالمشكلة هنا مش أسلوب حاتم، إنما طرح حاتم بأفريقية الدليب يا منير، والطرح المعارض والقائل بأهليته ليكون يونانياً إغريقياً دوناً عن سائر الإيقاعات السودانية، خلينا نكون واضحين، أخونا أسامة دا جاب معاهو شهادة فحص وراثي قبال ما يفتح البوست. ___ المشكلة شنو يكون الدليب أفريقي يا منير؟
Quote: وهذا في رأيي المتواضع يعود إمّا إلى ضعف في التذوق الموسيقي، أو المعرفة بالنوتة الموسيقية.
خير يا أسامة
إيه العلاقة بين التذوق الموسيقي والنوتة الموسيقية؟ هل من الضروري قراءة النوتة أو كتابتها حتى يكون الشخص موسيقار أو مؤلف أو موزع؟ ___ ممكن تستعين بأخونا يوسف للإجابة عشان ننتهي سريع واتفرغ لموضوع الدليب الأساسي.
نتمنى من الجميع عدم الإستهزاء (إلاّ بالهظار) فالموضوع فنِّى أساساً وليس سياسة ..
بعدين ياحاتم إنت حقو تشيل من راسك حكاية إنو نحن رافضين الأفرقة وماتكون متأثِّر بمنازعات المنبر حول الهوية وما أدراك ما الأفريقانية .. وثم ثانياً أنا ربما فاتتنى حاجة فى البوست وهى هل فى زوول هنا قال إنو أصل الدليب يونانى؟؟ ما أظن .. كل الأمر إنو أسامة الخواض جاب فيديو لليونانى ده وطلب من الموصلى تعليق على الإيقاع بإعتبار أنه إيقاع دليب .. هسه ده فيهو إدعاء إنو الدليب أصله اليونان أو نفى أنه أفريقى؟؟ وأنا كمان جيت طاير وجبت ليكم إيقاع بشتونى بتاع دليب برضو .. مافى إدعاء لأصل الدليب لليونان أو بشتونى ومافى نفى لأفريقية الدليب .. والأمثلة الجبناها من اليونان والبشتون كانت على سبيل الأمثلة والإستعجاب من إنتشار الإيقاع .. وأنا القدامك ده كنت قايل إنو مافى قرد غيرنا بيعرف الإيقاع ده .. لكنى لقيته منتشر وكمان عنده تصنيف ٨/٧ وقيامته قايمة .. أها أنا لمن قنعت من عدم تفردنا قمت أهضرب ليكم بالمحسنات المصاحبة للإيقاع وهى الصفقة المكملة والتى تنعدم فى الأمثلة الأخرى .. وأخيراً أقول ليك كل الأمثلة الجبتها إنت وحتى مثال الموصلى فى أول البوست ليست إيقاعات دليب وماجاية بجنبو .. والزوول الجبته إنت فى مثالك الأخير ده برضو إيقاعة مختل من الإيقاع البعرفه أنا .. فأنا حاسس بأن الـvariation بتاعته دى كلها عرجاء وفيها latency بين الطَرقات .. وأنا قلت كدى أقوم أصفق وأنطط شوية على الإيقاع قمت إترتعت قربت أقع اتقلم (وجه كاذب) ..
ياأخواننا تحديد نوع الإيقاع بالسماع فقط سيجلب إختلافات لانهائية لأن ذائقة الأذن للزمن مختلفة بين الناس ، والطريقة الوحيدة لتجنب الغلاط هى تشريح موجات الصوت ــ الـwaveformــ فى oscilloscope ومقارنة الـزمن بين الـpeaks زى جهاز رسم القلب بالظبط والذى منه الطبيب بيعرف إذا كان القلب قلب حار واللاّ فِرَّة ساى .. :)
الزمن الزمن الزمن ياشباب .. نحن الـ nanosecond بتفرق معانا كتير..
Quote: بعدين ياحاتم إنت حقو تشيل من راسك حكاية إنو نحن رافضين الأفرقة وماتكون متأثِّر بمنازعات المنبر حول الهوية وما أدراك ما الأفريقانية .. وثم ثانياً أنا ربما فاتتنى حاجة فى البوست وهى هل فى زوول هنا قال إنو أصل الدليب يونانى +++ ياأخواننا تحديد نوع الإيقاع بالسماع فقط سيجلب إختلافات لانهائية لأن ذائقة الأذن للزمن مختلفة بين الناس ، والطريقة الوحيدة لتجنب الغلاط هى تشريح موجات الصوت ــ الـwaveformــ فى oscilloscope ومقارنة الـزمن بين الـpeaks زى جهاز رسم القلب بالظبط
كان كدة أنا خشيت هنا غلط يا منير
منير أخوي قبل ما أدخل البوست دا عملت جولة ميدانية وتغطيات للموضوع من كل جوانبه ودا تقريباً البوست الرابع البيحاول يربط بين السودان واليونان ولكن المحاولة الجريئة هنا هي تصدير إيقاع الدليب لليونان ومن ثم استيراده أبيض من غير سوء ودي قالها أخونا يوسف هنا
هذا الايقاع اصوله ليست في السودان فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا
لاحظ إقحام الدين والعروبة في الموضوع، فلو كنا حنصنف على أساس مبدأ (الوهمة الابتدائية) فهي أوضح هنا بكل تأكيد. فالراجل عمل تمهيد كويس، ومطلوب.
ودا كلام أسامة
لم يتم ذكر افريقيا في المقطع أعلاه، وهذا يخالف ما قال به الاستاذ حاتم ابراهيم، وفي المقابل، يؤكد تحليل الاستاذ الموصلي حول أن ذلك الإيقاع أتى إلى السودان من الشرق الأوسط.
لاحظ إنو بيستدل على "عدم" وجود الإيقاع بعدم ذكر أفريقيا في ورقة كاتبها دكتور بتاع كيمياء يكون ما سمع بالسودان أصلاً، مضحكة مش كدة؟ كونك تلجاً للنفي اعتماداً على جهل آخرين، وفي نفس الوقت بيقرر إنو "تحليل الاستاذ الموصلي" صحيح وذكر الشرق الأوسط، ما عايز يقول اليونان، وفي انتظار حاتم جاء كتب الكلام دا
يا موصلي خُتْ في بطنك بطيخة "شتوي" ، بفضل "الهند سة الوراثية".
العلاقة شنو هنا يا منير؟ هل أسامة بيأمل من وراء الهندسة الوراثية أفرقة الدليب؟ كدي شوف بس كميات المداخلات بتاعته عن رقصة زوربا، اليوناني.
وجا تاني قال
بقي على الاستاذ حاتم أن يبرهن بالأدلة العلمية على افريقية "الدليب"، وانه أتى من غرب افريقيا، حسب زعمه "الأكاديمي" بدون دليل.
يعني مطلوب مني أثبت إنو الإيقاع الموجود في "السودان" والمؤدى بطبلة نيجيرية دا إيقاع "أفريقي"، simply put.
ولو بتلاحظ أخونا الأمين جاء بفكرة معاكسة وأنا احترمتها جداً، يوسف بيصدر إيقاع أفريقي وعايزو يجينا نضيف وبيلمع من بره، أخونا الأمين شغال عكس عايز يطلع ياني مستلهم الإيقاع، شفت كيف! ودي ما جديدة الحكاية دي، في واحد هنا قالها عديل ومرق ياني حرامي عديل Re: يا إخوانا إيقاع الدليب نوبى ولا شايقى..الشوايقة نوبين ولا العكس ؟Re: يا إخوانا إيقاع الدليب نوبى ولا شايقى..الشوايقة نوبين ولا العكس ؟
عشان كدة لا أسامة ولا يوسف زول اشتغل بيهو مافي المسكين لأنو شايت عكس.
انت عايز تحسم المسألة فيزيائياً لكن دا ما بالسهولة دي فالرقم التاني في الترميز 7/8 هل يعني ببساطة عدد الضربات (beats)؟ لكن حتى دا ذاتو ما ليهو معنى فيزيائي بل إرشادي فالترميز 7/8 مجرد إشارة إرشادية مبينة على النوتة الموسيقية فلو عايزين نتكلم بطريقتك دي علينا نوضح معايير أخرى، فعندك مثلاً التيمبو (tempo) يعني عدد الضربات في الدقيقة إضافة لل (meter) ودا بيصف كيف تقسيم الضربات دي يعني بيحدد كيف الضربات دي مقسمة على المقياس (أو المازورة زي ما سماها يوسف) الاتنين ديل بيحددوا الأرقام البنتكلم عنها هنا، مثلاً ترميز 4/4 باستخدام تيمبو (q=60) يعني دا بيعني 60 من الأرباع (كروش) في الدقيقة بالتردد المعتاد عندك بس دا حيختلف كلياً إذا غيرت التيمبو إلى (h=60) ضربة في الدقيقة، دا كلو مطلوب عشان نصف الترميز للأرقام البنكتبها على النوتة واسمها (time signature) إلى قيم فيزيائية يمكن تبينها على أوسيلوسكوب.
فمسألة رص الأرقام ومحاولة الاعتماد عليها في طمس معالم الدليب الفولاني ما بتنجح هنا والمسألة بالنسبة لي ظاهرة ما بتحتاج لمهارة الحاوي، وبقولها مرة تانية حجوة 7/8 دي بكرة حتبقى أشهر من (سلمنا خماسي) وكأنها ميزة متفردة، يا منير، الهوجة دي كلها تنحصر في التدوين الموسيقي المعمول أصلاً لغرض توصيل المعلومة مش عشان التعرف على الإيقاع بالسمع مباشرة، يعني لا انت ولا أسامة ولا يوسف محتاجين للأرقام عشان تثبتوا إنو كلام حاتم غلط.
يعني الصورة بتاعة النوتة في الفيديو بتاع أخونا يوسف دي ما كفاية لمعرفة الإيقاع لمجرد أنو مكتوب فيها 11/8 بدون الاستماع فعلياً. _____ أنا ناوي أشرحها بإفاضة في بوست الموسيقى بكل النماذج والحسابات.
شكراً ياحاتم على الشرح المفصّل وتوضيح خلفياتك فى النقاش .. وعموماً أنا ماجال بخاطرى أن الموصلى أو اسامة قصدهم إرجاع أصل الإيقاع لليونان أو غيرها .. ربما أنا مسطِّح فى جهةٍ ما .. وغالباً أكون ربطت تركيزهم على اليونان لإرتباطهم باليونان أو غيرها بسبب إقامة هناك أو دراسة أو غيره .. وده ظاهر فى فيديوهات أسامة النزلها .. موسيقى شعبية لكنها ما عندها علاقة بإيقاع الدليب .. شكلها موية جبنة موية جبنة .. وأنا أعرف أن تلك الأنواع من الإيقاعات الشعبية لها تأثير راسخ فى ذاكرة الزوول الغريب الزائر لخصوصيتها بالزمان والمكان .. وفعلاً بما أنو تلك الإيقاعات ليست دليب فالموسيقار الإسمو يانى ده يكون مستوحى ألحانه منه ... بالنسبة للترميز طبعاً تكون عارف نفسك سطحت بى .. :) .. طبعاً على الورق التحليل ساهل، لكين يجيبوا ليك إيقاعين يقولوا ليك بيِّن التطابق بيناتهم من عدمه حتبينه كيف؟؟ مو ياهو حنقعد فى جنس المغالطات دى .. وبما يخص حكاية الـwaveform والـoscilloscope فذلك طبعاً إذا عاوز آنياً تقارن الإيقاعات وتختبر التشابه .. أو قول حتى ببساطة تشيل تسجيل الإيقاعين فى برنامج لمعالجة الأصوات وتقعد تقارن ــــ ده بس عشان الحسم الجذرى بين إيقاعين مسجلين فى ملفات صوتية (إيقاع صافى بدون غناء)..
قصدى مقارنة زى الـموجات دى .. هسه لو حبيبى الشادن هى الموجة الفوق ونموذج ٢٦ هو الموجة التحت يكونوا متطابقات وهو المطلوب .. زول يغالط زول مافى :) ..
عزيزي منير النموذج الانا جبتو ايقاعو يساير الدليب في الميزان وده اهم عنصر اما كون التفاصيل تختلف فهذا امر اخر ---------------- اما الخير الجابو حاتم ده فليس له علاقة ب ٧/٨ او الدليب لاني حسبته بطريقه علميه وده في قمة التخصص بتاعي يعني ممكن اكتب واحسب ليك لبن الطير ذاتو هههههه والغريبه حاتم جاب الفيديو البجي بعد بتاعي في اليوتيوب باعتبار انو اي فيديو بيتبعو فيديو اخر وهكذا دواليك والمضحك في الموضوع انو عازف الايقاعات جاب نماذج للايقاعات والموازين ٧/٨ ٣م ٩/٨ ٣م ١١/٨ يعني لو كان حاتم تعب نفسو شويه ومشى لغلية نهاية الفيديو يمكن يمكن يمكن كان فهم حاجه وعرف انو غلطان لي اخر الغلط وبلاش الاعذار فالحقائق العلميه لا تقبل المجامله
Quote: نسيت أعلق على أغنية النموذج ٢٥ المقارن، وهو أنها أغنية جميلة والكونتراست بين الأنغام عميق ..
الحمد لله، بعد كدة نديك الفيديو بدون خوف
الولد دا فنان! اسمو النذير أحمد وبيغني لملك كانو (السنوسي لاميدو) وبيعدد في فضائله ومليانة عربي لو ركزت
بس أغاني الفولان بيخربوها بميزة تعديل الصوت (Auto-tune) لمحاكاة أعلى طبقة صوت عند الرجال دي نفس الميزة في أغاني الدليب البيجتهدوا فيها الرجال باستخدام أعلى طبقة صوتية (الكاونترتينر) وبتظهر في تسجيلات الإذاعة كأنها لنساء.
هي نفس ثيمة الأغاني التراثية العندنا من النوع البيؤديه كابلي وأغاني الحماسة في شمال السودان تحديداً ____ النماذج الباقية دليب راصو عديل، صوت بس في البداية.
ياسلام والله كليب بديع أدى الأغنية رونق .. colorful وشغل نضيف وأزياء جميلة .. ناس ذاتهم الروقة ظاهرة فوقهم .. بس حكاية إنو ده دليبنا البنعرفه فـ سورى ، لا أوافق .. :) ..
أنا ماعارف ليه ما عندنا إبداع فى الغناء المصور كليبات .. لو نفذوا كليب تلقاهو كله الفنان طالع السلم ونازل من السلم .. أو مصور فى خارج السودان والفنان منبهر بالمكان ويتجدع من نجيلة لنجيلة بدون أى آكشن ..
ياحاتم إختيارك للأغنية والفيديو رفيع .. بالإضافة للحن والصوت والأداء أعجبتنى الأزياء الفضفاضة للرجال والتى تسبغ الفخامة على الشخصية .. وعلى العموم لا يجب أن يخطر ببالك أنى ــ عن نفسى ــ أرفض نسب الدليب لغرب أفريقيا ، بالعكس كنت سأسعد لو شفت إيقاعنا منتشر هناك .. لكن حسب تذوقى للإيقاع فلا أحس بأن التوقيع يتماشى من التايم بتاعى .. أما من ناحية غرب أفريقيا وخاصة مالى فهم على الأقل إخواننا فى القِبلة والدين رغم بعد المسافة .. فأفريقيا قارة كبيرة ، وما معناها إنو الزوول من أفريقيا معناها خلاس لازم أتطابق معاهو فى الثقافة والعادات والفنون .. والمهم عندنا إننا كلنا بما فينا غرب أفريقيا كلها تهفو قلوبنا شرقاً حيث قبلة المسلمين .. والتى تاريخيا نعلم إنو ناس غرب أفريقيا ديل بيجوها كدارى فرادى ، فى رحلات تمتد لسنين وفيها تتقطع بهم السبل و يكسروا ركبة فى السودان .. فهم أصلاً لا يأتون للسودان بالإيقاعات والغناء والطرب، بل بالسِبح والذِكِر .. ولذلك لا أرى تشابه بين إيقاعاتهم وإيقاع الدليب .. وذلك لا يمنع إنو تكون هناك مجموعات مغمورة عندها إيقاعات دليبية ..
وبالنسبة لمصدر الدليب من الجزيرة العربية والشرق الأوسط فذلك مستبعد لأننا شايفين وسامعين الغناء العربى كله ـــ شعبى وحديث ـــ مافيهو دليب .. وبالنسبة لليونان فإن فنونهم الشعبية زى ناس لبنان وتركيا ووو والفيديوهات الجابها أسامة دى ما فيها دليب .. اللهم إلاّ مقطوعات يانى ، وهى موسيقى حديثة مستوحاة من الدليب وللأمانة الفنية مفروض الراجل يقول لجمهوره أنا إيقاعاتى دى لاطشها من الغبش من شمال السودان .. وليس العكس ... :)
Quote: هي نفس ثيمة الأغاني التراثية العندنا من النوع البيؤديه كابلي وأغاني الحماسة في شمال السودان تحديداً ____ النماذج الباقية دليب راصو عديل، صوت بس في البداية.
Catastrophic failure indicating a lack of knowledge about the music I feel sorry for the readers and for you. My apology I tried hard to be nice..
Post: #306 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-21-2016, 10:52 AM Parent: #1
Quote: والغريبه حاتم جاب الفيديو البجي بعد بتاعي في اليوتيوب باعتبار انو اي فيديو بيتبعو فيديو اخر وهكذا دواليك
هي ما غريبة فدا المفروض يتعرض، ولو إنو كلامك ما مفهوم وما مرتب
بس الواقع كان يفرض عليك تشير للفيديو مباشرة، مش تجيب جيتار وتفترض إنو الناس حتلاقي الفيديو بتاع البونغوز تلقائياً بعدو، ودا المضحك حقيقة يا يوسف لأنو الفيديو ما بالضرورة يظهر لأي واحد في كل العالم بنفس الترتيب، عادة انت (كمتخصص) مفروض تتحرى الإيضاح مش الدغمسة وشغل الحاوي دا.
عموماً أنا حأفصل الإيقاع من الأغنيتين وبعدين نشوف حسابك التخصصي دا شنو لأنو أنا ذاتي ما معترف بيهو.
Post: #307 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-21-2016, 11:00 AM Parent: #1
Quote: إيه علاقة استرافنسكي والكاونتربوينت بالدليب؟ وإيه علاقة الإسلام الجاء من الجزيرة العربية بالموسيقى؟ وإيه علاقة التوزيع الاوركسترالي بالأغاني الشعبية بمصاحبة إيقاع الدليب؟ وإيه علاقة الهارموني بالدليب؟ وإيه علاقة بيلا بارتوك ونظرية الموسيقى بموضوع البوست؟ وإيه علاقة الحركه عكسيه تقهقريه بالإيقاع؟ وإيه يعني تصنيف الأصوات لجبلية وصحراوية؟ وأنهي كلامي بنفس عبارتك (لسنا مستودع خزف حتى يدمرنا الثور)
كل هذا له علاقة ببعضه البعض ويا حاتم اهلنا زمان كان بقولوا للكلام غير الموزون عقلا "كلام الطير في الباقير" لكنني اعتقد بان هذا غير كاف لان كلامك ليس موزون بلغة العقل فحسب ولكنه مختل يلغة العلم ايضا وانا حآعكس المقولة واسميهو كلام الباقير في الطير حاتم لاتعتمد على سكاكين تكاتيكك غير السنينة فهنالك علم موسيقي جلده غير قابل للاختراق بالمغالطة الساكت
فلما حاتم يضرب مثل بكلمة تقعد تكورك (الدخل دا مع دا شنو)، دلوقتي أهي اقتباساتي، ورينا انت كلام الطير الما في الباقير.
وخلينا مرة واحدة اقتنع بأنك (كمتخصص). ____ ارتاح مافي تكتيك هنا.
Post: #308 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-21-2016, 11:05 AM Parent: #1
Quote: ياحاتم إختيارك للأغنية والفيديو رفيع .. بالإضافة للحن والصوت والأداء أعجبتنى الأزياء الفضفاضة للرجال والتى تسبغ الفخامة على الشخصية ..
أها شفت يا أسامة
أنا طلعت عندي تذوق للموسيقى، بالرغم من عدم معرفتي بقراية النوتة وكتابتها. هسع أنا من دربي دا داير ألحن النشيد القومي العملتو لي، أنا بقيت (كمتخصص). Sudan has got talent ____ ما جاوبتني هل من الضروري الموسيقار والموزع يقرأ النوتة ويكتبها؟
Post: #309 Title: Re: الدليــب اليوناني؟ سؤال لأستاذنا المبدع: Author: محمد الأمين موسى Date: 02-21-2016, 11:31 AM Parent: #308
Quote: موسيقى شعبية لكنها ما عندها علاقة بإيقاع الدليب .. شكلها موية جبنة موية جبنة
يا منير يا خوي ربنا سبحانه وتعالى جعل التنويعات Variations في كافة مخلوقاته حتى في النجوم والأقمار، فما تستبعد إنه دليبك البتعرفو ربنا خلقه بتنوعيات حتى يكون جميلا ككافة خلق الله. إذا اتفقنا في هذه الجزئية فليك علي أثبت ليك إنه واحد من أهلنا الفولاني - وأثناء عودته من الحج - لفح هذا الإيقاع من كريمة وأثناء مروره بأمروابة وجد جماعة بيطنبروا فعجبه إيقاعهم فحاول يعمل وهمة من الإيقاعين فكانت النتيجة ما أتى به حاتم!
غايتو ياحاتم بعيداً عن مغالطات الإيقاع جبت لينا الفيديو ده و you made my weekend :) .. أنا لغاية الآن سمعته يمكن خمسة مرات .. ياخوى أنا وهسه سمعت لى تلاتة أغانى بس خلتنى أتمنى أمشى مالى زاتو .. والعجيب أول مرة فى حياتى أسمع أغنية والكوبليه الرئيسى فيها تقول إنالله وإنا إليه راجعونا .. ياخى ماممكن .. إبداع ..
بس نلاحظ إسم السنوسى المذكور فى الأغنية ده منتشر شديد ..السودان وليبيا وهسه مالى .. !! حقو نسلِّم ناس بدرالسنوسى وشمس الدين السنوسى البلد دى وكل دول الساحل والصحراء ونقعدوا فرّاجة .. :)
Quote: غايتو ياحاتم بعيداً عن مغالطات الإيقاع جبت لينا الفيديو ده و you made my weekend :) .. أنا لغاية الآن سمعته يمكن خمسة مرات .. ياخوى أنا وهسه سمعت لى تلاتة أغانى بس خلتنى أتمنى أمشى مالى زاتو
خليها على ربك يا مواطن
هسع عاين دا
خلا المهرجان كلو وجا وقف جنب الناس البفهموه وبيفهمهم، إيقاعياً ____ الدم بيحن.
Quote: والعجيب أول مرة فى حياتى أسمع أغنية والكوبليه الرئيسى فيها تقول إنالله وإنا إليه راجعونا .. ياخى ماممكن .. إبداع .. .
هيااااا منير، ما الحال من بعضه
انت ما سمعت الفنان البيقول (لا حول لله ولا قوة إلا بالله)؟
____ الدقيقة التاسعة.
Post: #317 Title: Re: الدليــب اليوناني؟ سؤال لأستاذنا المبدع: Author: محمد الأمين موسى Date: 02-21-2016, 02:30 PM Parent: #316
Quote: السنوسي أصلها من الأمازيغية (إسنوس) بمعنى الجحش.
غايتو يا حاتم تقعد تبحِّت كده لحدي ما يطلع ليك أبدفان يعضيك!
Post: #318 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-25-2016, 10:55 AM Parent: #1
Quote: ممكن تنوّت الاغنية؟؟
الغرض شنو؟
لأنو مافي أي علاقة ولا النوتة بالأهمية دي لأنها مجرد وسيلة لتوصيل الأفكار، إذا في زول رسخ في ذهنك ضرورة النوتة للموسيقى أو أي مصطلحات متعلقة بيها فدا متصنع وليس مبدع.
يمكن لأي مبدع أن يعزف ويؤلف ويوزع الموسيقى بدون ما يقرأ أو يكتب حرف في النوتة الموسيقية.
Quote: Composer | Definition of Composer by Merriam-Webster http://http://www.merriam-webster.com/dictionary/composerwww.merriam-webster.com/dictionary/composer Merriam‑Webster one that composes; especially : a person who writes music. See composer defined for English-language learners. See composer defined for kids ... composer - definition of composer in English from the Oxford ... http://http://www.oxforddictionaries.com/.../definition/.../cowww.oxforddictionaries.com/.../definition/.../co... OxfordDictionaries.com A person who writes music, especially as a professional occupation:. Meaning, pronunciation and example sentences, English to English reference content.
الاخوان حاتم والخواض حاتم في جزئية من حديثه محق فمثلا بشر عباس ما بعرف نوته لكنه ممكن يعمل موسيقى صرفة يلحنها يحفظها ويحفظها للعازفين مخاخي وبتأخد وكت طويل حتى يتم حفظها وللتفصيل فان مقطوعات بشير وغيره ممن سبقةنا من الاساتذى ليس فيها توزيع بل وحيدة الصوت وتعتمد على مهارة العازف في آلته اللحنية. وقصة انك توزع مخاخي ما واردة يا حاتم لأن التوزيع الاوركسترالي يحتاج .
هارموني وكاونتربوينت ويمكن حركة عكسية تقهقرية هههه" ودي مستحيل غلى اي جربندي يعملها بدون كتابة نوتة فهل يمكن أن تتخيلو السيمفونيات تتألف مخاخي وتتوزع مخاخي وتعزف مخاخي "ياخي لا"
Quote: لأنو مافي أي علاقة ولا النوتة بالأهمية دي لأنها مجرد وسيلة لتوصيل الأفكار، إذا في زول رسخ في ذهنك ضرورة النوتة للموسيقى أو أي مصطلحات متعلقة بيها فدا متصنع وليس مبدع.
يمكن لأي مبدع أن يعزف ويؤلف ويوزع الموسيقى بدون ما يقرأ أو يكتب حرف في النوتة الموسيقية
Quote: Catastrophic failure indicating a lack of knowledge about the music I feel sorry for the readers and for you. My apology I tried hard to be nice..
You should not, unless you feel certain about this!
Perhaps you have your OWN peculiar and thoughtful definition of what does "theme" mean! ________ May be nice to elaborate though.
احتمال تكون شغال على جهاز مافيهو عربي، ما مشكلة. فيا إما عندك تعريف خاص للثيمة (theme) الخاصة بالأغاني، وفي الحالة دي نتمنى أن نسمع منك (كمتخصص). أو عرفت كلمات النموذج 25 وترى أنه ليس من أغاني التراث والحماسة، وهنا برضو نتمنى نسمع منك (كمتخصص). ___ منتظرين.
وممكن تتقري كالآتي:إنه الإيقاع دا بدأ من الفولاني واتطور وهو ماشي في طريقه وصل الشوايقية (لاسباب عندها علاقة بالبيئة والأصوات الحولهم) نقصوهو أو اضافوا ليهو (كلام ما علمي لكن بنحاول نوصل المعلومة) وبقى السبعة تمنية (المزروع في قلب منير دا)، والتطور طبيعي في الايقاعات وتطويرها بعد مغادرتها بيئتها الأصلية. ابحاث الجينات والخريطة الجينية بتثبت حتى الآن إنه اصل السلالة الانسانية المنتشرة في القاراتالخمسة دي هي أفريقيا، فالمنطقي إنه الأصول بتاعات الإيقاعات برضه تكون افريقية.
أنا لي أكتر من سنة عضو هنا، وما بتذكر على الاطلاق إنو في زول فرج الناس فيني، بل بالعكس، غايتو إلا كان ملخبط مع حاتم التاني، أو بتتوهم ساكت. على أي حال برضو منتظرك.
خلينا نسمع منك المفيد بدل (هارموني+كاونتربوينت+استرافنسكي+حاتم ما بيعرف موسيقى)، ما تتردد. ________ ما أخير؟
Quote: وممكن تتقري كالآتي:إنه الإيقاع دا بدأ من الفولاني واتطور وهو ماشي في طريقه وصل الشوايقية (لاسباب عندها علاقة بالبيئة والأصوات الحولهم) نقصوهو أو اضافوا ليهو (كلام ما علمي لكن بنحاول نوصل المعلومة) وبقى السبعة تمنية (المزروع في قلب منير دا)، والتطور طبيعي في الايقاعات وتطويرها بعد مغادرتها بيئتها الأصلية.
أقرب لفكرتي
إيقاع الدليب في شمال السودان نمط بسيط للإيقاعات في غرب أفريقيا ولم يتطور للأسف، دا الواقع لكن لما تسمع ناس الموسيقى هنا يقولوا ليك مافي إيقاع زي دا في "أفريقيا" فدا بيعني عدم اهتمامهم بأفريقيا وليس لأن الإيقاع منعدم.
بالتأكيد دا حيظهر بوضوح مع النماذج الجاية، أنا مضطر اشتغل في جبهتين، عندي بوست للموسيقى في جهة تانية عايز أوصله مرحلة مناسبة عشان أشرح بطريقة مبسطة وكل الناس تفهم وتشارك. ____ بدل ما أناقش أخونا يوسف وهو مفرمل في مكانه.
قال الاستاذ حاتم عن جهله بالنوتة الموسيقية قراءة وكتابة:
Quote: بالرغم من عدم معرفتي بقراية النوتة وكتابتها.
طيب يا حاتم زول ما بعرف لا قراية النوتة لا كتابتها،
كيف يمكن يكون "ناقد موسيقي"،
وأيضا "مدرس للموسيقى"؟؟؟؟؟
أفيتنا يا موصلي؟ "هل ممكن تكون ناقد موسيقي، ومدرس للموسيقى ،
بدون المعرفة بالنوتة الموسيقية "قراءة، وكتابة"؟؟؟
المسألة في الشعر واضحة تماماً. في نقد الشعر، ما ممكن تتحدث عن "عروض الشعر"، لو ما بتعرف "عروض".
ممكن تكتب شعر بدون ما تعرف "علم العروض"،
كما فعل شيخنا "محمد المهدي المجذوب".
لكن ما ممكن "تنقد " موسيقى الشعر، أو "تدرِّس" موسيقى الشعر ،بدون ما تعرف "علم العروض".
Post: #327 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-26-2016, 07:43 AM Parent: #1
Quote: طيب يا حاتم زول ما بعرف لا قراية النوتة لا كتابتها، كيف يمكن يكون "ناقد موسيقي"، وأيضا "مدرس للموسيقى"؟؟؟؟؟ أفيتنا يا موصلي؟ "هل ممكن تكون ناقد موسيقي، ومدرس للموسيقى ، بدون المعرفة بالنوتة الموسيقية "قراءة، وكتابة"؟؟؟
لاحظ أنا ما بتكلم عن نفسي
ملاحظتي موجهة ليوسف بخصوص تركيزه على امتحان الناس في مصطلحات (نظرية الموسيقى) والمفردات الأساسية للنوتة، ذكرت إنو دا ما ضروري عشان تكون مؤلف أو موزع أو عازف، التركيز على ديل بمعزل عن الموهبة الحقيقية ينتج صنايعي مش مبدع.
مع إني ما ذكرت التدريس لكن إجابة على سؤالك: التدريس يختلف لأن الغرض نقل المعلومة وترسيخها، فالنوتة هنا وسيلة ضرورية دا غير إنها واحدة من المقررات في أي منهج موسيقى، دا ما بيعني إنك لازم تتعلم تقرأ النوتة وتكتبها عشان تؤلف وتوزع وتكون موسيقار عالمي حتى.
الناقد كذلك ما بالضرورة يكون حافظ في راسو ديل (coda, staff, ledger, clef, Crotchet, Fortissimo) طالما هو ناقد فالبتأكيد يجب تكون لديه المقدرة على التوصيف الفني بمعزل عن الوسائل الإيضاحية، عادة النقاد يتناولون العمل الموسيقى بالاستماع ومن منظور مختلف مش من واقع النوتة (اللهم إلا إذا كان عمل مقترح في طور التأليف)، أو مسألة خلافية في نظرية الموسيقى زي (retrograde inversion) (ترجمتها غير الصحيحة: حركة عكسية تقهقرية) فدي أسهل مطالعتها على النوتة بيانياً فمن الصعب تمييزها بالاستماع مباشرة، انت ما قاعد تشوف (The voice, America's got talent)؟ الناقدين في التصفيات ما شفناهم بيسألوا من النوتة! عرفت الفرق؟
أرجو إنك تفرق بين الاتنين، النوتة كوسيلة إيضاحية تبيينية (visual aid) ومصطلحاتها بما فيها الترميز الزمني (7/8) وبين المصطلحات الموسيقية الأخرى إجمالاً.
وياريت يوسف يجي "يفتينا" هل المؤلف أو الموزع أو الموسيقار ضروري يقرأ أو يكتب النوتة أو يكون عارف (حركة عكسية تقهقرية) عشان يبدع في الموسيقى أو على الأقل تكون ليهو "علاقة بالموسيقى"؟ ____ الشعر خارج الموضوع.
Quote: مع إني ما ذكرت التدريس لكن إجابة على سؤالك: التدريس يختلف لأن الغرض نقل المعلومة وترسيخها، فالنوتة هنا وسيلة ضرورية دا غير إنها واحدة من المقررات في أي منهج موسيقى، دا ما بيعني إنك لازم تتعلم تقرأ النوتة وتكتبها عشان تؤلف وتوزع وتكون موسيقار عالمي حتى.
طيب يا حاتم انت قلت "النوتة وسيلة ضرورية للتدريس"،
طيب انت بعضمة لسانك قلت "ما بتعرف نوتة لا قراءة، ولا كتابة"،
Quote: فكيف "فاتح" ليك "بوست أكاديمي" عن الموسيقى، وانت ما بتعرف نوتة؟؟؟
الشوية البعرفها كافية
لاحظ انك بتربط الاتنين مع بعض كأنو القدر خلقهم في يوم واحد. البوست عن الموسيقى ومعروض فيهو خارطة الطريق بالتفصيل، والنوتة مجرد فصل فيهو. ما مهمة للدرجة دي، صدقني يا أسامة، إلا إذا كان يوسف عندو رأي تاني. ___ وعشان نتحرر من هيمنة المصطلحات دي.
Quote: هارموني وكاونتربوينت ويمكن حركة عكسية تقهقرية هههه" ودي مستحيل غلى اي جربندي يعملها بدون كتابة نوتة فهل يمكن أن تتخيلو السيمفونيات تتألف مخاخي وتتوزع مخاخي وتعزف مخاخي "ياخي لا"
الله يفتح عليك، يلا البيقول مستحيل يا يوسف دا ما مبدع
ما هو شوف، التفكير بالطريقة التقليدية البيربط الإبداع بالوسائل دا ما بينتج غير أعمال مصنوعة صناعة، يعني تخلو من الإبداع الحقيقي.
أعمال بيتهوفن الأخيرة ألفها وهو أصم تقريباً، لاحظ دي أهم حاسة في الموسيقى، كان لما ينتهي من الوصلة بتاعتو بيجي زول ويلفتو عشان يحيي الجماهير الواقفة وراهو تصفق، لأنو ما سامعهم.
معظم شغل ياني عاملو "مخاخي" يا يوسف، وما أظنه بيعرف حاجة اسمها (حركة عكسية تقهقرية) بالمعنى الحرفي الانت مصر تمتحن الناس فيهو دا.
Quote: الله يفتح عليك، يلا البيقول مستحيل يا يوسف دا ما مبدع ما هو شوف، التفكير بالطريقة التقليدية البيربط الإبداع بالوسائل دا ما بينتج غير أعمال مصنوعة صناعة، يعني تخلو من الإبداع الحقيقي.
أعمال بيتهوفن الأخيرة ألفها وهو أصم تقريباً، لاحظ دي أهم حاسة في الموسيقى، كان لما ينتهي من الوصلة بتاعتو بيجي زول ويلفتو عشان يحيي الجماهير الواقفة وراهو تصفق، لأنو ما سامعهم.
معظم شغل ياني عاملو "مخاخي" يا يوسف، وما أظنه بيعرف حاجة اسمها (حركة عكسية تقهقرية) بالمعنى الحرفي الانت مصر تمتحن الناس فيهو دا.
يا حاتم بتهوفن بكتب النوته لان هذا ممكن الموسيقي بيسمع النوتة والمؤلف بفتح الواو من الداخل اليك مثال سوداني انا ده كتير من الاغنيات كتبتها من الراس للكراس يعني النوتة من المخ ولو تلاحظ ياني استخدم اسلوب الارقام وهو لايزال يستخدم في الدول الاسيوية قبل ما يلدو جد ياني وفي النهاية هو برضو تدوين بالارقام بدل الحروف الموسيقية وهسع أنا ممكن أكتب ليك جواب بالنوته لو عايز هل شاهدت اوركسترا سيمفوني يعزف لبتهوفن بدون نوت’؟؟؟؟ اها شن قولك
Quote: وهذا في رأيي المتواضع يعود إمّا إلى ضعف في التذوق الموسيقي، أو المعرفة بالنوتة الموسيقية. +++ ودي مستحيل غلى اي جربندي يعملها بدون كتابة نوتة فهل يمكن أن تتخيلو السيمفونيات تتألف مخاخي وتتوزع مخاخي وتعزف مخاخي "ياخي لا"
خير يا أسامة
أعتقد واضح
دي الطريقة البلدية الشغال بيها ياني يا يوسف
التفكير التقليدي والفهم المغلوط لكلمة (writing) لا ينتج سوى مثل هذه المحاورات المترفعة من جانبك، آمل أن تتواضع قليلاً. فلما اكتب هنا وأقول في ناس فاهمين نظرية الموسيقى غلط أنا بنطلق من حقائق مش افتراضات، دلوقتي ياني موسيقار وعازف ومؤلف وموزع وما عندو أدنى فكرة عن (الحركة العكسية التقهقرية) زيي واحد فمفروض حسب معيارك يا أسامة ما يتذوق الموسيقى ولا يشم ريحتها.
وحسب تصنيفك يا أخ يوسف مفروض ياني (ما عندو علاقة بالموسيقى) لأنو ما حافظ المصطلحات.
شفتو "طيبتنا" وحكاية فلان درس سنتين وبقى (كمتخصص) ما ليها معنى ولا تلزم أي شخص بتقدير هذا التخصص وبالتالي أي تصنيف أو أحكام متعلقة بهذا البوست أو بالموسيقى عموماً تكون موضع شك حتى فحصها من كل الجوانب. ___ الأخ الأمين نأسف على تأخير الإجابة على سؤالك شهرين.
Quote: وفي النهاية هو برضو تدوين بالارقام بدل الحروف الموسيقية +++ هل شاهدت اوركسترا سيمفوني يعزف لبتهوفن بدون نوت
دا الملخص الأنا بحاول أوصلو ليك
شكل الأداء (أوركسترا سنفوني) بيفرض وضع النوتة أمام العازف، خلاف إنو بعضها طويل جداً قد يتطلب تذكرة، ياني لا يضع ورقة أمامه.
الموسيقى ما نوتة أو مصطلحات متعلقة بيها.
كل الموضوع إنها لغة مختلفة شوية عن لغة البشر (أصوات معقدة لآلات) بنحاول نتذكرها، التدوين دا قبل ظهور أجهزة التسجيل كان ضروري يكون على المتاح (الورق) يعني وكل اللخمة بتاعة النوتة دي أملتها ضرورة، ذات الضرورة الأملت علينا نعمل حروف أبجدية عشان نتواصل بيها، لكن أي اتنين ممكن يتكلموا في أعقد المواضيع الفلسفية بدون قراية أو كتابة، بالنسبة لي النوتة لا تختلف عن الوريقة البيكتبوا فيها المشتريات من البقالة، أي زول ممكن يكتبها بطريقتو، لكن ممكن نتفق كلنا على هيئة معينة عشان أي شخص ممكن يشتري طلبات التاني في أي وقت، دا الغرض.
والموسيقى ما نظرية كاونتربوينت يا يوسف، للأسف انت ما قادر تستوعب يعني إيه (نظرية)، دلوقتي لما نحاول نعيد تعريف الموسيقى الكلاسيكية ونضع ليها دليل إرشادي بناء على تحليل أكاديمي للأساليب القديمة دا بينتج عنه "نظرية" خلينا نسميها "نظرية الموسيقى الكلاسيكية" بما فيها الكاونتربوينت يا يوسف باعتباره مجرد تكنيك يعطي نتيجة مشابهة.
النظرية دي ببساطة بتشرح ليك الآتي: كيف يمكن تأليف موسيقى مماثلة للأعمال الكلاسيكية، وبتديك تلميحات وتقنيات، من بينها (المترجمة غلط: الحركة العكسية التقهقرية)، والهدف دراسة الأعمال الكلاسيكية.
دا كل الموضوع يا يوسف، يلا انت فاهم دا غلط، بتتعامل مع النظرية على أنها كتالوج مفروض أي زول يستخدمو عشان يؤلف موسيقى، بتقوم تشيل غنانا بالاستايل بتاعو وتحشره في قالب التقنيات الكلاسيكية أو خليني أقول (تلبسو باروكة) وتطلع حاجة ما مفهومة، أي نعم مدهشة لغرابتها لكنها ليست موسيقى معبرة بل مصنوعة.
أقرب ليك المثال، المرحوم عبد الله الطيب عمل كتاب اسمه (المرشد لفهم أشعار العرب وصناعتها) عشان بس الناس تفهم وتحلل الشعر الجاهلي، يعني بالمقارنة مع الموسيقى فالمرشد هو (نظرية الشعر الجاهلي)، فلما يقوم واحد يقرأ الكتاب دا ويتعامل معاهو على إنو كتلوج لتعليم كتابة الشعر العربي، شوف انت النتيجة حتكون شنو.
Quote: والموسيقى ما نظرية كاونتربوينت يا يوسف، للأسف انت ما قادر تستوعب يعني إيه (نظرية)، دلوقتي لما نحاول نعيد تعريف الموسيقى الكلاسيكية ونضع ليها دليل إرشادي بناء على تحليل أكاديمي للأساليب القديمة دا بينتج عنه "نظرية" خلينا نسميها "نظرية الموسيقى الكلاسيكية" بما فيها الكاونتربوينت يا يوسف باعتباره مجرد تكنيك يعطي نتيجة مشابهة.
النظرية دي ببساطة بتشرح ليك الآتي: كيف يمكن تأليف موسيقى مماثلة للأعمال الكلاسيكية، وبتديك تلميحات وتقنيات، من بينها (المترجمة غلط: الحركة العكسية التقهقرية)، والهدف دراسة الأعمال الكلاسيكية.
يا ابني بلاش تكاتيك كل الكليات والمعاهد في العالم بتقوم بتدريس التأليف الموسيقي وفروعه الهارموني الكاونتربيونت التوزيع الاوركسترالي ----- ولو ما بتعرف ديل ما عندك الحبة عشان تألف الاسلوب الكلاسيكي الاوركسترالي في حاجة لو سمعت بيها اسمها
Film Scoring اي كتابة النوتة الموسيقية "سكور" للافلام أي التأليف للسينما ------------------------ أما الحركة العكسية التقهقرية فدي لغة شوية صعبة عليك انت ما بتفهمها خليك في الأداجيو الملفوحة" اها فتناك بي عافية حتي الحصة القادمة وامشي ذاكر كويس يا استاذ الموسيقى!!!!!!
Quote: كتير من الاغنيات كتبتها من الراس للكراس يعني النوتة من المخ
سلوك طبيعي ليس له أية دلالات
لما الشخص يفكر يكتب رسالة مثلاً الأفكار لا تكون حروف وكلمات، دا مجرد تمثيل خارجي لها (representation).
بنفس الطريقة، كل الناس عندها مقدرات على تذكر الألحان، ومعظم البشر عندهم ملكة التلحين بدرجات متفاوتة، عملية تمثيل الألحان دي وتبيينها للعالم الخارجي تحدث على الورق ليس دلالة على موهبة بل نتيجة سنوات من التلقين. ____ اتمنى أكون أوضحت.
Quote: لأنو مافي أي علاقة ولا النوتة بالأهمية دي لأنها مجرد وسيلة لتوصيل الأفكار، إذا في زول رسخ في ذهنك ضرورة النوتة للموسيقى أو أي مصطلحات متعلقة بيها فدا متصنع وليس مبدع.يمكن لأي مبدع أن يعزف ويؤلف ويوزع الموسيقى بدون ما يقرأ أو يكتب حرف في النوتة الموسيقية.
كلنا متفقين إنه الموسيقى لغة.. ولغة عالمية كمان يبقى الفرق بين من يقرأ النوتة والزول المابيقراها زي الفرق بين من يجيد القراءة والكتابة والزول الأمي صحيح نظريا إته المبدع ممكن ينتج بدون الحوجة لكتابة أو قراءة النوتة زي ما الأمي ممكن نظريا برضو يقول شعر أو قصة شفاهة بدون الحوجة للتدوين فما ممكن توصيف إنسان بأنه متصنع لمجرد إنه يجيد القراءة والكتابةولا يخفى على الجميع إنه المثقف ده عنده كريدت إضافي وهو إنه متوفرة ليهو مصادر إطلاع لا محدودة بسبب من فضيلة إجادته القرآءة والكتابة وبالتالي إنتاجه وإبداعه بيكون مبني على أساس علمي وسعة أفقكذلك الموسيقي والناقد الدارس ولذلك عادة ما يبدأ طالب الموسيقى دراسته بكلاس إسمه music appreciation وأظن التسمية عندها مدلولات كتيرة كمدخل لمحو أمية الطالب موسيقيا ---------يبقى موضوع الدليب وياني والفولاني الموضوع ده ما جديد وما ح ينتهي هناذبحناه بحثا منذ اوائل التسعينات لدرجة انه مشينا ليهو كريمة مخصوصولدرجة إنه صاحبنا الموسيقار عاطف صالح غيّر مشروع تخرجه في التأليف بعد دراسة وافية لموسيقى ياني ومقارنتها بدليب الشايقية لقطعة على إيقاع الدليب (الدراسة مفروض تكون محفوظة في مكتبة المعهد)في كل الاحوال،، السؤال المهم الأيقاع ده ليه نحن قاعدين نلز فيهو غادي؟؟ مش ممكن يكون أصيل في كل الاماكن دي في وكت واحد،، زي ما الأهرامات إتوجدت في أفريقيا والأمريكتين وأوروبا والقارة الهندية في زمن يصعب فيه تخيل إمكانية التواصل الفيزيائي المباشر بين الامم دي؟؟علمياً أو قلبياً ساكت كده ،، أنا شايف إنه إيقاع 5/8 أقرب للدليب من 11/8الفيديو
Quote: كل الكليات والمعاهد في العالم بتقوم بتدريس التأليف الموسيقي وفروعه الهارموني الكاونتربيونت التوزيع الاوركسترالي ----- ولو ما بتعرف ديل ما عندك الحبة عشان تألف الاسلوب الكلاسيكي الاوركسترالي في حاجة لو سمعت بيها اسمها
Film Scoring اي كتابة النوتة الموسيقية "سكور" للافلام أي التأليف للسينما ------------------------ أما الحركة العكسية التقهقرية فدي لغة شوية صعبة عليك انت ما بتفهمها خليك في الأداجيو الملفوحة" اها فتناك بي عافية حتي الحصة القادمة وامشي ذاكر كويس يا استاذ الموسيقى!!!!!!
دا دراب ساكت بدون معنى وتحصيل حاصل، ما تتوتر، لسة أنا يادوب بسخن
شفت بسرعة رجعت للتسميع كيف؟ أهي الرصة دي انت ليك 13 سنة بتعيدها على مسامع الناس هنا، ناقصة "استرافنسكي" للأمانة.
وما بالضرورة، المسرح برضو عندو موسيقى وممكن تكون كلاسيكية أو غيرها، وسع مداركك شوية خارج الإطار التعليمي، الكلام الانت بتسميهو صعب دا مقرر على طلاب الثانويات يا يوسف فما تفضح مقدراتك العقلية.
المهم تفكر في كلامي وتعيد النظر في تناولك لنظرية الموسيقى بطريقة أكثر احترافية، فدا الطريق الوحيد عشان تثبت أهليتك للاحتراف، مطاردة الناس بمصطلحات مدرج الكلية لن يرسخ في أذهان الناس سوى جديتك في الحفظ لا سواها.
مرحب بيك في بوست الموسيقى، بالنسبة للتقنيات أنا حأشرحها للناس هناك بكل بساطة، وبرضك حتكتشف إنك كنت فاهمها غلط.
Quote: فما ممكن توصيف إنسان بأنه متصنع لمجرد إنه يجيد القراءة والكتابة ولا يخفى على الجميع إنه المثقف ده عنده كريدت إضافي وهو إنه متوفرة ليهو مصادر إطلاع لا محدودة بسبب من فضيلة إجادته القرآءة والكتابة وبالتالي إنتاجه وإبداعه بيكون مبني على أساس علمي وسعة أفق +++ ذبحناه بحثا منذ اوائل التسعينات لدرجة انه مشينا ليهو كريمة مخصوص ولدرجة إنه صاحبنا الموسيقار عاطف صالح غيّر مشروع تخرجه في التأليف بعد دراسة وافية لموسيقى ياني ومقارنتها بدليب الشايقية لقطعة على إيقاع الدليب +++ في كل الاحوال،، السؤال المهم الأيقاع ده ليه نحن قاعدين نلز فيهو غادي؟؟ مش ممكن يكون أصيل في كل الاماكن دي في وكت واحد
إلا الموسيقى
وجهة نظرك ممكن تصح في حالة القصة والشعر والعلوم التطبيقية، لكن الموسيقى استماع واحساس وموهبة.
الإشكالية هنا يا أخ صابر في استلاف أساليب تختلف في مضامينها الموسيقية عن المألوف والمناسب لبيئتنا، ويقيني أن ما يفعله أخ يوسف هو صنعة التقليد وليست إبداعاً على الإطلاق. فهو يقتدي باسترافنسكي في الخروج عن المألوف بتطبيق المدون في الكتب عن "نظرية" الموسيقى غض النظر عن ملائمته للوجدان الموسيقي السوداني وفي لهفة واستعجال فقط لغرض أن يقال يوسف عثمان أول من طبق كذا وكذا في الموسيقى السودانية، هذه حماسة الطلاب كلنا مر بها في مجاله، لهذا السبب لم يتقبل الكثيرون هذا الانحراف المتعجل. +++ هذا ما يسمى الاجتهاد غير الرشيد، فورة حماس لا علاقة لها بالأكاديميات، ياني له ألبومات منذ عام 1984، ربما ألهم الجميع في العام 1995 بالألبوم الناجح في الأكروبوليس، لكن معظم أعماله كلاسيكية ولا تستخدم هذه الإيقاع وهي من وجهة نظري متشابهة لدرجة الملل، أفضل عليه الروسي ميشا (Misha Mishenko) وهو أفضل منه بكل تأكيد في الجنرة الكلاسيكية الحديثة (Neoclassical). +++ والله (نحن) عايزين نوطنو في القارة على الأقل، لكن أخوانا أسامة ويوسف ديل مصرين إلحاحاً يهربوه برة البلد، لشيء في نفسهم.
Quote: المرحوم عبد الله الطيب عمل كتاب اسمه (المرشد لفهم أشعار العرب وصناعتها) عشان بس الناس تفهم وتحلل الشعر الجاهلي، يعني بالمقارنة مع الموسيقى فالمرشد هو (نظرية الشعر الجاهلي)، فلما يقوم واحد يقرأ الكتاب دا ويتعامل معاهو على إنو كتلوج لتعليم كتابة الشعر العربي، شوف انت النتيجة حتكون شنو.
'المرش" لعبدالله الطيب ليس عن الشعر الجاهلي فقط.
فيه كلام كثير عن المعري وأبي الطيب المتنبي والبحتري وبشار بن برد وأبي العتاهية والفرزدق وأبي تمام وشوقي وآخرين كثر،
Quote: كل الكليات والمعاهد في العالم بتقوم بتدريس التأليف الموسيقي وفروعه الهارموني الكاونتربيونت التوزيع الاوركسترالي ----- ولو ما بتعرف ديل ما عندك الحبة عشان تألف الاسلوب الكلاسيكي الاوركسترالي
نزيدك
ياني علم نفسه الموسيقى، ما أخد أي دروس في الموسيقى لا نظامية إلزامية ولا في معهد أو كلية. ___ الإبداع لا يُدرس يا يوسف.
Quote: المرحوم عبد الله الطيب عمل كتاب اسمه (المرشد لفهم أشعار العرب وصناعتها) عشان بس الناس تفهم وتحلل الشعر الجاهلي، يعني بالمقارنة مع الموسيقى فالمرشد هو (نظرية الشعر الجاهلي)
هذا نموذج جيِّد جداً ل"أنصاف الحقائق".
و"أنصاف الحقائق" أخطر من "الجهل".
Post: #347 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-27-2016, 08:39 AM Parent: #1
Quote: ياربي الاوركسترا البتعزف مع ياني دي بتقرا نوت موسيقية ولا بتاكل ملاح ورق ياراجل +++ وهاك اسمع ياني بي خشمو يتكلم بلغة موسيقية صولفائية هارموني وكاونتربوينت ويمكن حركة عكسية تقهقرية هههه" ودي مستحيل غلى اي جربندي يعملها بدون كتابة نوتة +++ قلت لي نزيدك هههههههههههه
بتكون مضحك لما تتوتر
ياخي ركز معاي انت زي الفهمت إنو كلامي فتوى عن "حرمة وكراهية" استخدام النوتة في العزف هههه أبداً ياخي، المعنى واضح، حفظ النوتة ومصطلحاتها لن يجعل من الشخص موسيقار تلقائياً، بدون موهبة يكون انتاجه مجرد مصنوعات لا إبداعات، الكلام دا ما يكون زعلك، بس دي الحقيقة، النوتة ضرورية للفرق الموسيقية، أفرض واحد نسى أثناء الأداء!
هي يا يوسف "نان" ياني دي ما لغة أهلو هههه ياني إغريقي، يعني إتولد في المنطقة الأسست للموسيقى الحديثة دي كلها، يا يوسف (دوريان وأيونيان وليديان ولوكريان وفريجيان) وكل الأنماط (modes) الموسيقية دي أسماء مناطق ومدن إغريقية في الواقع، كل منطقة كانت بتنافس التانية اقتصادياً وبالتالي ظهرت الأنماط دي نتيجة للتمايز الثقافي، هو إذا كان فيثاغورث جدو وضع الأسس للانت بتسميها "صولفائية" يجي هو يتكلم بالروسية بتاعة استرافنسكي مثلاً؟
كدي نورنا انت عايزو فتحة خشمو يتكلم بياتو مصطلحات في رأيك (كمتخصص) إذا دي المفردات اللقاها عند أهلو من يوم ميلادو.
هياااا "موصلي"! انت بتحفظ ساكت؟ أها النزيدك موسيقى، ميلودي، هارومني، ريزم، أوركسترا، فيلهارموني، سينفوني، أريا، أدليبيتم، تينر، أوكتيف، وعشانك "كاونتربنتال" هوادة، بقيت زبون. الفوق ديل مفردات في اللغة اليونانية يعني لو ياني عايز يتونس ما حيلقى غيرهن، نعصروا؟
بالغت لكن، ذكرتني نكتة الفنان القالو مشى بريطانيا، رجع سألوهوا أكتر حاجة أدهشتك شنو قال (الشافع الصغير الشايلنو تلقاهو بيتكلم إنجليزي برضو) هههههه
___ انت تجينا في بوست الموسيقى، ناقصك كتير.
Post: #348 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-27-2016, 08:55 AM Parent: #1
Quote: بعدين نحنا بنتكلم عن "النقد الموسيقي" وليس عن "الإبداع الموسيقي". +++ فلو مثلاً جا واحد غالطك قال ليك: الإيقاع دا 11\8، ومش القلتو انت أي 8\7. حتقنعو كيف؟ +++ بالنوتة الموسيقية التي لا يختلف حولها اثنان. +++ وحتى في التأليف الموسيقي ، لا يمكن أن تؤلف "سيمفونية" بدون أن تنوِّتها. +++ لكن عمل تشترك فيه آلات كثيرة لا بد من تنويته، حتى يعرف عازف كل آلة دورو شنو.
مرحب بيك تاني، وسعيد إنو الخردلة ماشة تكبر
الكلام عن أصول إيقاع الدليب الفولاني، دي تعريجة لاستعدال الأفهام والقناعات المسبقة ولتنمية الخرادل. +++ حأقنعو بالاستماع والمقارنة، لأنو يا أسامة واضح إنو الاختلاف هنا مؤسس على التسمية في محاولة الإحاطة بمخرج إبداعي "الإيقاع" اعتقد إني فصلت الكلام دا في رد على منير في الصفحة السابقة. +++ بل يختلف الكثيرون، احتمال ما عندك أدنى فكرة عن أنواع التدوين الأخرى، وحتى عن الاختلافات في التدوين الغربي واحتمالاتو، تجينا في بوست الموسيقى، ضيف شرف. +++ إذا قصدك (scoring) فدا طبيعي، عندك مثلاً عازف فرنسي والتاني صربي أسهل طريقة تكون في صيغة مكتوبة بيها الأدوار دي بلغة مناسبة ممكن تكون شخابيط يني الفوق دي إذا قبلوها، النوتة مجرد واقع (Defacto).
___ لكن بدون موهبة النوتة ما بتصنع عازف، وقع ليك؟
Post: #349 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-27-2016, 09:20 AM Parent: #1
Quote: وهاك اسمع ياني بي خشمو يتكلم بلغة موسيقية صولفائية
سمعت كلام خشمو كلو
الفيديو مجرد مقابلة كاجوال وونسة عادية جداً بل حتى مافيها أي تطرق لنواحي موسيقية من أساسو، احتمال نزلتو بالغلط ولا الإنجليزي بقى ليك كبار كبار.
غايتو إلا نحسب ليك الكليمتين ديل (New age, Rock) وديل ما ظنيتهن ليهن علاقة بالنوتة، ولا شنو؟
ناهيك عن أن يقول (لغة موسيقية صولفائية) ___ الأنا ما عارفك لفحتها ولا ترجمتها من وين دي.
ترددت كثيراً قبل الدخول فى هذا الموضوع، لمعزة الأخوة المشاركين فيه وهم الاستاذين الاخ حاتم و الاخ الاستاذ يوسف الموصلى، ويؤسفنى أن أقول أن الاستاذ الخواض هنا يلعب دور (المديدة حرقتنى) بين الاستاذين، وكان الاجدر أن يوفق بين الاثنين ويستخلص الأجود و الانفع منهما، وفى جعبتيهما الكثير وكان يمكن أن يستفيد منه القراء. الحديث عن الموسيقى حديث شيق لأن الموسيقى كتراث انسانى تلمس عدة جوانب من حياة النسان، والاهتمام بها هنا فى هذا المنبريصب فى هذا المنحى. الاتهامات المتبادلة بين الاخوين الموصلى وحاتم أعتبرها اتهامات كيدية ولا ضرورة لها، اذ أن الاستاذ الموصلى لا يمكن أن يقال بانه جاهل موسيقياً، ولكن الاستاذ الموصلى له تخصصاً بعينه فى مجال الموسيقى وأعتقد أنه Musicology, Western Art Music ويدخل فى ذلك التأليف الكلاسيكى الغربى ، تاريخ الموسيقى الغربية وربما ظواهر الموسيقى الغربية المعاصرة الآن وباعتباره موسيقاراً سودانياً أصيلاً يطبق تقنيات الموسيقى الغربية على الموسيقى السودانية، وهذا اتجاه -.اتفقنا معه ام لم نتفق- له الحق أن يكن فى الوجود وان يكون له من المعجبين. الاستاذ حاتم مهتم بالموسيقى وله وجهات نظر نحترمها ، نختلف فيها معه ام نتفق، والجهد الذى يقوم به جهد عظيم نحيه عليه ولا يمكن أن نطلق عليه صفة الجهالة بالموسيقى فالرجل له علم بها ويمكن أن يستفاد من خبراته فى مجال Music Acoustics وهنا يدخل علم الفيزياء و الموسيقى، وله بعض (التخصصات) الاخرى عن الموسيقى، لأن علم الموسيق بحر وسوف نغرق اذا لم نوضح أى التخصصات نتبع، فاللاستاذين التجلة و الاحترام وأن ينتبها الى أن القراء هنا يقعون فى الالتباس لكثرة المصطلحات و التى تحتاج الى تبسيط.
واذا سمح الاستاذين، وخاصة فيما يتعلق ب music signture الواردة بتحليل ايقاع الدليب، لا أدرى هل غاب عن الذهن باننا نطبق نظام تحليلى لنظام موسيقى لحنى ايقاعى مختلف عن النظام المعمول عند تحليل الموسيقى التقليدية؟ هنا تبرز المشكلة وبالذات مع مصطلح dsecriptive notation and prescriptive notation فالاول معنى بالتدوين من وجهة نظر ذاتية شخصية وهو مثل وصفة الطبيب ياخذها المؤدى باعتبارها مرشد ودليل، اما الثانية فهى تنويت الموسيقى كشيئ حدث بالفعل وهى يجب أن تكون موضوعية بقدر الامكان، وهنا تبرز معضلة تطبيق أدوات لنظام موسيقى مختلف عن نظام موسيقى آخر. وهذا من صلب علم Ethnomusicology اذ يحاول علماء ذلك العلم من أن يرفضوا تطبيق نظام موسيقى معين على نظام موسيقى آخر يختلف معه (أستعمال (المازورات) فى التنويت الموسيقى الغربى لا يعمل به اذ انه يعتمد على نظام النبر القوى و النبر الضعيف) وهذا فى غالب الأحوال لا يوجد فى الموسيقى الاثنية، الفلكولورية، الشعبية، سمها ما شئت . لكن قبل بروز علم الاثنوموسيكولوجى كان استعمال النوتة الموسيقية الغربية شر لا بد منه فى نقل الموسيقى التقليدية والتوثيق لها مع استعمال الكثير من التعديلات مما يجعل الامر أكثر صعوبة للمتلقى.
وللخروج عن هذا المأزق فقد كانت هناك محاولات لايجاد طريقة تناسب الموسيقى الاثنية (وعلى فكرة أن هذا الموضوع ربما يهم الاستاذ الخواض اذ أن له علاقة ب diconstruction, postconstructionalism ) باعتبار ان الموسيقى الغربية هى المعيار الجامد وعليه تقاس موسيقى الشعوب الاخرى مما يعطى الانطباع أن موسيقى الشعوب الاخرى أقل درجة، ولهذا ظهرت اتجاهات رافضة ومنها اتجاه بعض علماء الاثنوميوسوكولجى، فنجد منهم الموسيقار الافريقى الغانى الجنسية Kofi Agaw والذى يرفض بشدة تنويت الموسيقى الاثنية اعتماداً على طريقة تنويت الموسيقى الغربية الكلاسيكية، وهناك ثلاث اتجاهات لتنويت الايقاع فى الموسيقى التقليدية وبالذات فى غرب افريقيا وهى: 1) التنويت الغربى المعدل (وهذا مكروه) 2) طريقة TUBS )Time Unit Box System)وهى طريقة اخترعها Philip Harland لتنويت ايقاعات آلة ال djembe وهى آلة ايقاعية من غرب افريقيا 3) طريقة Gun-Go-Do-Pa-Ta وهذه طريقة اخترعها النيجيرى Babatunde Olatunji ولا شك أن هناك طرق شتى وبالاخص فى الشرق، فلهذه الثقافات طرق فى التدوين تناسب موسيقاها ونحن فى انتظار توضيح الاخ حاتم عن التدوين الشرقى فى بوست الموسيقى وسوف نستفيد الكثير (اسمحوا لى فيدى مغلولة فانا اكتب من نافذة الفيسبوك، كان بالامكان الاتيان ببعض النماذج) ولا كنى لا أشك فى مقدرة الاستاذين باتحافنا بالمفيد ولهم التجلة.
Quote: ويؤسفنى أن أقول أن الاستاذ الخواض هنا يلعب دور (المديدة حرقتنى) بين الاستاذين
مع إنو قال صديقه
فالصداقة لما تقوم على المصالح دي نهايتها، أسامة عندو غرض وما داسيهو لكن كان بيتلولو من البداية وداير يجي بفوق عشان "يتفاجأ" بأنو الدليب أصله يوناني، جاب يوسف ختاهو في الواجهة عشان يمرر ليهو حكاية (الدليب يوناني) وعامل حسابو وشايل معاهو شهادة فحص جيني عشان كان يوسف فشل في توصيله لأثينا واتورط يقوم يطلع الشهادة ويخارج روحو من السودان (نفسي نفسي) يوسف والباقين بجازهم "حذاقة شايقية" ههههههه، دا موضوع البوست الأصلي.
أنا جيت اتكوكرت ولقيتها فرصة أنفض الغبار عن كتاب قديم وأعرض مادته للناس، أها بحاول أقنع يوسف إنو نظرية الموسيقى ومصطلحاتها واسترافنسكي ما بينفعوا هنا ما لم ينفتح أفريقياً، بدل الجهجهة دي، فهم الاتنين ما معترفين بفضل أفريقيا أصلاً. ____ حأبدأ الليلة وضع مادة بوست الموسيقى.
Quote: هنا تبرز المشكلة وبالذات مع مصطلح dsecriptive notation and prescriptive notation فالاول معنى بالتدوين من وجهة نظر ذاتية شخصية وهو مثل وصفة الطبيب ياخذها المؤدى باعتبارها مرشد ودليل، اما الثانية فهى تنويت الموسيقى كشيئ حدث بالفعل وهى يجب أن تكون موضوعية بقدر الامكان، وهنا تبرز معضلة تطبيق أدوات لنظام موسيقى مختلف عن نظام موسيقى آخر. وهذا من صلب علم Ethnomusicology اذ يحاول علماء ذلك العلم من أن يرفضوا تطبيق نظام موسيقى معين على نظام موسيقى آخر يختلف معه (أستعمال (المازورات) فى التنويت الموسيقى الغربى لا يعمل به اذ انه يعتمد على نظام النبر القوى و النبر الضعيف) وهذا فى غالب الأحوال لا يوجد فى الموسيقى الاثنية، الفلكولورية، الشعبية، سمها ما شئت . لكن قبل بروز علم الاثنوموسيكولوجى كان استعمال النوتة الموسيقية الغربية شر لا بد منه فى نقل الموسيقى التقليدية والتوثيق لها مع استعمال الكثير من التعديلات مما يجعل الامر أكثر صعوبة للمتلقى.
الأخ بكري شكرا لمساهمتك اللطيفة اةلا تنا تخصصي 1- التأليف الموسيقي Music Composition 2- الموسيقى الاليكترونيه Electronic Music 3- التدوين السمعي Transcription وفق تسمية الكليات العربية "منعا للتناحر في الترجمة’" وهي النظرية التي ابتدعها بيلا بارتوك لتدوين الموسيقى الشعبية واعتمدتها كل كليات العالم ========================= ياحتم انا اسامه ما صاحبي وما عندي معاه مصلحة وانا استمريت في حوار الطرشان ده احتراما للقراء الكثيرين الذين ارتادوه ولاسامة لانه دعاني بالاسم له
Quote: ترددت كثيراً قبل الدخول فى هذا الموضوع، لمعزة الأخوة المشاركين فيه وهم الاستاذين الاخ حاتم و الاخ الاستاذ يوسف الموصلى، ويؤسفنى أن أقول أن الاستاذ الخواض هنا يلعب دور (المديدة حرقتنى) بين الاستاذين، وكان الاجدر أن يوفق بين الاثنين ويستخلص الأجود و الانفع منهما، وفى جعبتيهما الكثير وكان يمكن أن يستفيد منه القراء.
الاستاذ بابكر
سلامات
أشكرك على "صراحتك" والتي لم تقدِّم عليها دليلاً للأسف.
أشرت كثيراً أو قل قليلاً للدقة، إلى أن نناقش الفكرة لا الأشخاص.
وألا نتعامل مع المخالفين في الرأي ك"أعداء"، و أن نحترم المخالفين ولا نسفه ونتفه آراءهم.
وحين غاب الأستاذ حاتم قلت أرجو أن نجد له سبعين عذراًً.
وحين عاد الأستاذ الموصلي، نعيت على الاستاذ حاتم عدم الترحيب به.
هذه واحدة من علامات الحوار الصحِّي.
كما نوّه العبد الفقير لله تعالى إلى أن تكون لدينا القدرة على "الاعتذار".
الأستاذ حاتم قدّم معلومة "نصف حقيقة" عن كتاب شهير للعالم عبدالله الطيب.
وحين صحّحت المعلومة، لم "يعتذر" بل التفّ حولها وقال "عن الشعر الجاهلي وغيره".
بعدين يا أستاذ بابكر الاستاذ حاتم برضو لم "يقصر " معاي بخصوص "عنفه اللفظي" الذي مارسه مع المزصلي،
ولم أتعامل معه بالمثل رغم خبرتي الطويلة في هذا الصدد، وهي خبرة لا أعتزّ بها، لكن الكلام جاب الكلام.
أنظرْ شهادة الاستاذ منير بصدد "العنف اللفظي" أدناه*.
المهم يا سيدي لو رشح مني ما تعتقده حرقاً للمديدة، فأرجو قبول اعتذاري.
طبعاً للأسف لن أستطيع التعلم من "الخطأ"، لأنك لم تقدِّم دليلاً على حرقي للمديدة،
حتى أعرف، وهذه تجربة جديدة على العبدلله،
كيف يتم حرق المديدة.
أعرف "حرق المراحل"، لكن لا أعرف الحريق الذي أشرت إليه سيدي.
كلامك عن "التفكيك" جيد في علاقته بالاختلافات الثقافية.
الطريق ما يزال طويلاً،
فخلّونا نجعل "الوصول إلى الحقيقة" شعار مرحلتنا الاسفيرية الراهنة هههههههه
ليس من منتصر أو مهزوم.
وأشكرك على مداخلتك سيدي الكريم.
أرقد عافية. ________________ *
Quote: غايتو أنا إتعلمت من الموصلى وأسامة الخواض إنهم أخلاقهم عالية وفى غاية التهذيب ..
فرغم تحقيرك لمعارفهم فإنهم يخاطبونك بكل رحابة صدر وإحترام ..
Quote: حأقنعو بالاستماع والمقارنة، لأنو يا أسامة واضح إنو الاختلاف هنا مؤسس على التسمية في محاولة الإحاطة بمخرج إبداعي "الإيقاع" اعتقد إني فصلت الكلام دا في رد على منير في الصفحة السابقة.
أهلا حاتم
البوست دا دليل واضح وكاف أنو الاتكاء فقط على "الاستماع" ليس معياراً.
ما هو دليلنا؟
والدليل أن ما "تهيّأ" لسمعك انو دليب "افريقي"، طلع ما كدا.
والوحيد الممكن يثبت صحة "سمعوا" في هذا البوست،
هو "الموصلي".
ليه؟؟
لانو ممكن ينوت ليك الموسيقى.
ما في مشكلة انو تكون في انواع كتيرة للتدوين، لكن المهم انو في معيار لا يختلف حوله اثنان.
وانت للاسف تفتقد إلى معرفة هذا المعيار.
وأحيلك إلى موسيقى الشعر.
السمع وحده، ما كافي.
الناس بتختلف في مقدراتهم على الاستماع، فهناك من يرى أن نصاً ما موزون، وآخرون يرون أنه غير موزون.
إذن السمع وحده لا يكفي.
فما العمل؟
وما هو الحكم؟
الحكم هو :
الكتابة العروضية والوصول من ثم إلى وزن النص المختلف حوله.
Post: #356 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-28-2016, 07:14 AM Parent: #1
Quote: والوحيد الممكن يثبت صحة "سمعوا" في هذا البوست، هو "الموصلي". ليه؟؟ لانو ممكن ينوت ليك الموسيقى. ما في مشكلة انو تكون في انواع كتيرة للتدوين، لكن المهم انو في معيار لا يختلف حوله اثنان. وانت للاسف تفتقد إلى معرفة هذا المعيار.
كلامك غير صحيح للأسف
لأنه مبني على افتراضات:
يوسف هو الوحيد البيسمع صحيح، ودا غير صحيح، بيقطع من راسو كلام ما ليهو علاقة بالموسيقى أصلاً أحياناً، شوف أول مداخلة في الفيس تحت وممكن أرص ليك لستة لكلام ذكروا هنا كله أخطاء ومن الصفحة الأولى، بنسأل فيهو وهو بيتزاوغ ماسك في حتة أنا قريت وبعرف فلان ويكرر في المصطلحين ونفر (هارموني، كاونتربوينت، بيلا بارتوك)، النسألك: في البوست دا كلو طلعت منو بياتو معلومة، بصراحة؟ خليهو البوست دا، من سنة 2002 سمعت منو شنو غير المصطلحين ونفرين ديل؟ عشان تجي تقول (الوحيد)!
تنويت الموسيقى دليل على صحة السمع، ودا كلام غير علمي، مع إنك شايف بوضوح ياني "الجربندي حسب تعريف موصلي" بيشخبط بطريقة طورها بنفسه وياني موسيقار طبعاً، والشخبطة دي ما "نوتة" حسب فهمك، بعدين مين قال ليك النوتة نفسها تعكس الموسيقى الحقيقية المسموعة؟ أو حتى تمثلها بنسبة 100 في المية؟ هو يوسف بنفسو قال ليك درس "نظرية" تدوين الموسيقى الفلكلورية بتاعة بيلا بارتوك وكتب ليك "transcription" يعني النوتة السمعت بيها انت وبتشوفها دي ما بتقضي الغرض، فهمت؟
ودا ياتو معيار في الموسيقى الما بختلفوا عليه اثنين دا؟ أسامة أخوي انت بتتكلم ساكت، الحالة أخونا بكري أحمد أداك ملمح طفيف لمشكلة المعايير، مافي "نوتة" متفق عليها أصلاً، المشهورة الانت بتشوفها دي (defacto) يعني واقعية، مش معيار متفق عليه، الواحدة منهن ولنفس القطعة ممكن تتكتب بأكتر من طريقة وبالذات الترميز الزمني الخاص بالإيقاع دا ممكن يتكتب بأكتر من طريقة، عشان كدة يوسف ببساطة عندو الخيار، انت حقو ترجع لردي على منير في تفصيل الفنيات (التمثيل الفيزيائي) فباين عليك ما شفتو وجاي تفرض علينا يوسف (كمتخصص) http://sudaneseonline.com/msg/board/490/msg/1449678787/rn/297.html وارجع برضو لآخر مداخلة في بوست الموسيقى هنا تفكر بطريقة أوسع شوية http://sudaneseonline.com/msg/board/490/msg/1455131223/rn/12.html
فعلاً أنا ذكرت إنو معرفتي بالنوتة محدودة ودا كلام نسبي تواضعاً وبصراحة عشان أجيب موضوع شخبطة ياني ونحسم هوس النوتات دا (لأنك قعدت تكاوي بلا خجلة)، فما عارف انت قدرت تقيم حدود المعرفة دي كيف؟ هل لازم أسمع ليك شوية إنجليزي ركيك عشان تقتنع، إذا تقييمك تم بناء على مقارنة مع يوسف فأرجع لنمرة واحد فوق.
يا أسامة، ما أي زول درس موسيقى تاخد بكلامو على علاته، انت غرضك واضح وأنا سبق ونصحتك تطلع شهادتك الوراثية دي بدري لأنها حتبقى ليك تقييييلة لقدام.
الإيميل بتاع ياني ياهو فوق، اكتب ليهم في موضوعك وشوف ردهم، قول ليهم أنا صديق يوسف الموسيقار ونحن شايفين إن دليبنا دا حقكم رأيكم شنو، أيوة أطعن الفيل ذاتو وأضرب فوق خليك طموح (إذا قاصد الموسيقى)، يوسف دا كرت محروق، ما "بيوصلك"، أهو طلعك "متسلق" كالعادة ونكر صداقتك حطب، على شنو ما عارف.
أو اضرب ليهو تلفون، ياني قاعد في أمريكا. ____ الافتراضات تقود للمشاكل.
Post: #357 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-28-2016, 10:13 AM Parent: #1
Quote: Catastrophic failure indicating a lack of knowledge about the music +++ وهاك اسمع ياني بي خشمو يتكلم بلغة موسيقية صولفائية
نديك نموذج للكلام المقطوع من الراس يا أسامة
بس في الصفحة دي ما نمشي بعيد، لحد ما يجي دور الباقي:
1- لما أنا ذكرت إنو النموذج 25 بنفس "ثيمة" الأغاني التراثية وأغاني الحماسة، كتب بالأحمر (الخطر) التعليق الفوق دا، عندو حساسية مع أي مصطلح يكتبو زول تاني، أقول "أداجيو" يقول لي "لفحتها" دلوقتي مشكلتو إني كتبت "ثيمة" أها بدل ما يورينا الحاصل شنو وفهمه شنو لمفردة (theme) خلاها كدة بس، يعني "حاتم غلطان غلط كارثي" أنا "موصلي" وبقول ليكم الكلام دا عن قراية ما ساكت، طيب ورينا الصح شنو والكارثة وين؟
2- ذكر عبارة (لغة موسيقية صولفائية) وقرنها مغ فيديو من 15 دقيقة مافيهو أدني ذكر للصولفيج كموضوع للنقاش، ونسة عادية مذيعة وفنان، ياني لا أشار لقطعة موسيقية، لا ألمح لطريقة كتابة، ولا عمل أي تخصيص لنوع محدد من التدوين، كل القالو في إجابة على سؤال المذيعة (كيف بتتعامل مع الناس من مختلف الثقافات؟) رد عليها وقال (مرة جبنا عازف ما بيعرف إنجليزي فشرحنا ليهو بلغة الموسيقى دو ري مي) مجرد إشارة للتشبيه ممكن تسمعها من أي واحد ما بيعرف موسيقى ذاتو، دلوقتي يوسف بيقول (في الدقية 3:16 ولي قدام) ودا ما حقيقة، الفيديو كلو مافيهو نقاش عن الصولفيج.
فشوف لينا يوسف يجي يبرر كلامو دا، هل هو على حق ولا عايز يثبت (حاتم ما عندو علاقة بالموسيقى) بأي طريقة.
والباقي لقدام. ____ لو طلع صاح أنا دا بعتذر ليكم الاتنين هنا دا كتابة ولو طلع غلط ما تستشهد لي بكلامو تاني، المصداقية مهمة للمتخصص.
"لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟" الكلمة المفتاحية في هذا السؤال هي كلمة "نحب" والإجابة عليه ليس من إختصاص الموسيقيين، بقدر ما يخص ناس علم الإجتماعي وعلم النفس الإجتماعي، لذلك جاءت اجابة الموصلي وصحبه الأثيوبي غير منطقي ومجافي للحقيقة.
"أصواتهم جبلية، وأصواتنا صحراوية". أولاً: الأصوات الأثيوبية تشمل ضمنياً اريتيريا، واذا نظرنا إلى مجمل المساحات الجبلية في كلا البلدين، قد تقل عن المساحات الصحراوية. ثانياً: كيف يتخزل الموصلي الأصوات الغنائية السودانية في الأصوات الصحراوية (منحنى النيل)؟ وهو سيد العارفين أن التم تم والسيرة على سبيل المثال أكثر إنتشاراً في السودان واثيوبيا من الدليب؟ ثالثاً: هل يستثني الموصلي ناس جبال النوبة والأنقسنا وجبل مره من الإعجاب بالأصوات الأثيوبية؟
ومن ناحية اخرى كيف إنتقل إيقاع الدليب في الجزيرة العربية إلى قبيلة الشايقية وحدها، دون غيرها؟ حسب زعم الموصلي "فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد، وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا
خاصة هناك تشكيك في عروبة الشايقية حسب الأستاذ\ ميرغني ديشاب "تطرق الحديث إلى الدليب الذي يبدو ان اصله "نوبي" باعتبار ان الشايقية هم نوبة استعربوا:
حوار شيق ومفيد للغاية، لكن لا ينبغي التسليم بما يطرح فيه
أهو رفعنا المشاركة للمرة التانية، يمكن أخونا يوسف ما شافها في المرة الأولى.
Quote: من "أدسم" الكبسولات الموسيقية التي قالها لي، كانت حين سألته: لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟
فأجاب في هدوء: "أصواتهم جبلية، وأصواتنا صحراوية".
والفوق دا برضو كلام مقطوع من الراس، بلا معنى
دا رأيي أنا لحد ما أخونا يوسف يجي يرد على الأخ إبراهيم سليمان المنتظر ليهو شهرين.
وبعدين يعرج على التوصيف العلمي لماهية: 1- الأصوات الصحراوية 2- الأصوات الجبلية
وحتى ذلك الحين، ياريت تشرح لينا هنا بعباراتك انت محتوى (الكبسولة الدسمة) الجاتك في رد أخونا يوسف، عشان أعيش معاك في مناخ واحد، احتمال أعرف ليه انت عاملو المرجع "الوحيد". ____ وليك علي اعتذار مدبل لو طلع في الموسيقى أو الونسة الساكت في مصطلحات بالمعنى دا.
Quote: مارشح من حديث في النت حول إيقاع 8\7 لم يتطرق إطلاقاً إلى افريقيا . فذلك الإيقاع الشاذ، موجود في مناطق كثيرة،وللأسف ليس من ضمنها افريقيا. +++ بحث تاريخي يجعل فرضية الموصلي في مجيء الإيقاع من الثقافة العربية ، فرضية ليست صحيحة. +++ خاصة أنك كنت مندفعاً ولم تترك فرصة للمسؤول أن يجيب.
ما تستعجل للكلام العجيب
يعني (النت) البحثت فيها انت مدفوع بالغرض ووصلت "لنتيجة" إنو مافي إيقاع يشبه الدليب، دا مرجعك للنفي المعتمد عليه؟ +++ بحث تاريخي؟ أخونا يوسف فرضيته شنو في الأساس؟ والبحث التاريخي بتاعها وين؟ ولا دا كلام خشمو ساكت؟ كلمنا عنها بوضوح لأنو سيدها هجرها، كلمنا انت مثلاً عن المسار الجغرافي للإيقاع أو ببساطة جاوب على مداخلة إبراهيم سليمان الفوق دي وأنا متابع. فما معقول تتحدث عن فرضية (مدغمسة) وما واضحة وتسميها (فرضية موصلي)، قال شنو "موصلي" بالضبط؟ +++ ياخوي، يوسف لو عندو ردود كان قالها قبال شهر.
Quote: ويا ريت تجيب مرجع موسيقي واحد أشار إلى فرضيتك. ولو ما في، فيعني أنك امام بحث مضنٍ.
بنفس المنطق
ياريت انتو تجيبوا مرجع موسيقي واحد أشار لما سميته أنت "فرضية موصلي"، ولو مافي نواصل النقاش هنا لحد ما أعرض بقية النماذج عشان ننتهي مناطحة العنز والكلام المقطوع من الراص دا.
هو شنو هو الحوار الدائري دا؟ من أول صفحة يوسف نط من كلامو هسع انت عايز تبني عليهو وكأنه مرجع محقق؟ مش قلت ليك يا منير، أخونا أسامة دا فاتح البوست لغرض عشان كدة عايز يكلفت الأمور بسرعة، بدون "موصلي" ذاتو هههه. ____ لا انت لا يوسف ما قادرين تناقشوا كلامكم؟
Quote: أما الحركة العكسية التقهقرية فدي لغة شوية صعبة عليك انت ما بتفهمها +++ وهي النظرية التي ابتدعها بيلا بارتوك لتدوين الموسيقى الشعبية واعتمدتها كل كليات العالم
هي "لغة" فعلاً صعبة
(حركة عكسية تقهقرية)؟ في حياتي ما لاقاني مصطلح باللفظ دا. فهل تسمح تدينا اسم المرجع الورد فيهو المصطلح بترجمتك دي؟ +++ غايتو لقيت المساكين ناس أسامة ديل واتفسحت فيهم، هسع يعني بكل بساطة بتفترض (كمتخصص) إن (كل كليات العالم) ما بتعتمد غير "نظرية" بيلا بارتوك للنقل الصوتي المعتمدة أساساً على الموسيقى الغربية؟ ____ مشكلتك ما بتفهم الموسيقى إلا "بصرياً".
Quote: انت ممكن تجيب مرجع انو ايقاع 8\7 موجود في افريقيا؟ لو جبتو الموضوع بكون على الأقل عندو خلفية علمية.وليس فرضية خاصة بك. +++ "أصواتهم جبلية، وأصواتنا صحراوية". +++ بحث تاريخي يجعل فرضية الموصلي في مجيء الإيقاع من الثقافة العربية ، فرضية ليست صحيحة.
يعني بتاوق وما قادر تجاوب إلا على الشعر؟
و"فرضية موصلي" عالمية يعني ومثبتة يعني؟ يا أسامة، النموذج 25 الخلاك تجري لحد الحبشة دا إيقاعو الترميز الزمني بتاعو 7/8 حسب النوتة، كونك ما عايز تصدق غير الكلام البريحك فدي مشكلتك النفسية، أنا ما عندي ليها حل، حتى لو عرضت كل النماذج العندي حتتلفت ويجي يوسف يقول ليك الكلام العايز تسمعو، عشان كدة أنا مضطر أوفر الوسائل لكل الناس تحسب وتتأكد. +++ كدي ياخي طالما دا البوست بتاعك وعندك الجرأة ترد على الشعر، فخليك متسق مع الموضوع، انت قبل أسبوعين عامل لي حملة وبتكذبني وحاتم ما جانا وجايب غنا وكاتب قصايد، هسع أنا بطارد فيكم عشان إجابات على الكلام الماليهو أساس دا.
الصحراء شفناها والجبل بنعرفو، أها صوت جبلي يعني شنو؟ وصوت صحراوي يعني شنو؟ حسب العرفتو من "صديقك" الموصلي. +++ ودلوقت انت بكل بساطة تفترض صحة كلام يوسف بدون مراجع، وبتطلب مني "مرجع تاريخي" يعني وثائق قديمة مش كدة يا أسامة؟ ههههه على أي أساس بتقبل كلام شخص يقول كلام متناقض وغير متعلق بمجال يدعي أنه متخصص فيه وتأخذه كمسلمة بينما تطلب من غيره المراجع التاريخية لدحضه؟ عشان أعرف نهجك ومعاييرك، هل انطباعية، منحازة، علمية صارمة، براغماتية؟ ____ هو الغرض بيعرفوهو كيف؟
Quote: و"فرضية موصلي" عالمية يعني ومثبتة يعني؟ يا أسامة، النموذج 25 الخلاك تجري لحد الحبشة دا إيقاعو الترميز الزمني بتاعو 7/8 حسب النوتة، كونك ما عايز تصدق غير الكلام البريحك فدي مشكلتك النفسية، أنا ما عندي ليها حل، حتى لو عرضت كل النماذج العندي حتتلفت ويجي يوسف يقول ليك الكلام العايز تسمعو، عشان كدة أنا مضطر أوفر الوسائل لكل الناس تحسب وتتأكد.
يا حاتم اصلاً انا ما كايس غير الحقيقة.
يعني ما عندي فرضية مسبقة مكنكش فيها.
طرحت سؤال عن إيقاع مشترك بين اليونان والسودان.
طبعاً الصادق سليمان وضّح المسألة عشرمية مرة.
فعشان كدا ما عندي افتراض مسبق.
قلنا ليك نوِّتْ لينا مثالك.
قلتا ما بعرف نوتة.
هسع جيت قلتا "حسب النوتة"؟؟؟؟؟
فرضية موصلي عندها أساس أي:
انو الإيقاع دا موجود في الجزيرة العربية.
قلنا ليك جيب مرجع "أكاديمي" واحد،
وانت دائماً قاعد بتنصح المشاركين كلهم بما فيهم الموصلي،
إنو يقولوا كلام "أكاديمي".
هسع جيب ليك كتاب، مقالة، معلومة من الانترنت ، كلام في جريدة، لقاء مع باحث أو ناقد موسيقي إلخ..........تفيد أنو إيقاع 8\7 موجود في افريقيا.
لو ما في أي جهة أكاديمية أو علمية أو تعليمية أو خلافه،
Quote: فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد، وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا
الفوق دي "فرضية موصلي" الشرق أوسطية بخصوص إيقاع الدليب
والتحت دي الخريطة الشرق أوسطية
أها يا أسامة، فسر لينا ولا خلي سيد الفرضية يشرح لينا أي مسار من التلاتة جاء عن طريقة الإيقاع من أثينا 1- من أثينا مروراً بتركيا والشام حتى الحجاز ثم بالبحر الأحمر بالسنابك ثم عبور شرق السودان والبطانة حتى كريمة 2- من أثينا مروراً بتركيا ثم الشام فالحجاز ثم العودة (قهقرياً) إلى الشام وعبور سيناء والدخول بمحازاة البحر الأحمر حتى كريمة 3- عبر البحر المتوسط مباشرة بالسفن ثم مروراً بالأسكندرية وبطول مصر بمحازاة النيل حتى كريمة ____ ساعدونا بالله
Quote: طرحت سؤال عن إيقاع مشترك بين اليونان والسودان. +++ فعشان كدا ما عندي افتراض مسبق. +++ قلنا ليك نوِّتْ لينا مثالك. قلتا ما بعرف نوتة. +++ انو الإيقاع دا موجود في الجزيرة العربية.
ومشترك برضو في غرب أفريقيا
هو انت افتراضك وضعت ليهو اسم وديباجة كمان "فرضية موصلي" فكيف ما عندك افتراض مسبق؟ ههههه وشايفو صاح وبتطالبني أجيب ليك (مرجع تاريخي) عشان أدحضو، دا كلام؟ +++ جبت ليك النموذج، نطيت فت جدعت اليونان وقلت والله نحن بنكون "حبش" النوتة داير بيها شنو إذا بيحكمك الانطباع؟ +++ ما شفت نموذج من الجزيرة العربية، نورونا
الخريطة بتاعة المسارات شوفها لي معاك عليك الله، أنا حريص أوثق لفرضية "موصلي" دي، عشان النقاش يكون علمي ما خشامي ساكت. ____ أنا حقو بعد دا أجيب الدليب الفولاني الجد جد
The Greeks have been playing music in 7/8 and other odd meters for hundreds (even thousands) of years, as have Middle Eastern, Eastern European and Balkan musicians
Post: #373 Title: Re: الدليــب اليوناني؟ سؤال لأستاذنا المبدع: Author: محمد الأمين موسى Date: 02-29-2016, 08:21 AM Parent: #372
Quote: وهي أن إيقاع الدليب جاءنا من افريقيا.
هذا بحث موسيقي وتاريخي أيضاً.
مارشح من حديث في النت حول إيقاع 8\7 لم يتطرق إطلاقاً إلى افريقيا .
فذلك الإيقاع الشاذ، موجود في مناطق كثيرة،وللأسف ليس من ضمنها افريقيا.
أخي الفاضل أسامة الكلام المقتبس أعلاه في رأيي غير دقيق. نحن عرفنا إيقاع الدليب عند أهلنا الشايقية وهم في أفريقيا، لذلك المرجع الذي اقتبست منه في مداخلتك أعلاه والذي أشار لليونان والشرق الأوسط والبلقان، اعتبره مرجع غير دقيق لأنه لم يشر إلى الأفارقة الموجودين في كريمة ونواحيها: أي أهلنا الشايقية. إذا كان هناك من يدعي أن الشايقية ليسوا أفارقة فهذا يناقض حقائق الجغرافية، وإن تم تعديل الإدعاء على أنهم وفدوا من الجزيرة العربية واستوطنوا إفريقيا، فلابد من إثبات أنهم كانوا يستخدمون إيقاع الدليب في الجزيرة العربية وأخذوه معهم إلى السودان، مع ضرورة إثبات المنطقة التي كانوا يعيشون فيها داخل الجزيرة العربية، وهل هاجروا كلهم للسودان أم بقي منهم البعض في الجزيرة العربية؟ خلاصة القول: ما يطلب من حاتم ليس إثبات وجود إيقاع الدليب في إفريقيا - فهو موجود بالفعل - بل أن أصوله فولانية.
Post: #374 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-29-2016, 09:20 AM Parent: #1
Quote: The Greeks have been playing music in 7/8 and other odd meters for hundreds (even thousands) of years, as have Middle Eastern, Eastern European and Balkan musicians
لم يتم ذكر افريقيا في المقطع أعلاه.
ولم يتم ذكر الجزيرة العربية أيضاً، النص دا انت قايلو ورد في ياتو إصحاح يا أسامة؟
ولا ذكر أمريكا الشمالية خاصة فترة الثمانينات، يعني بمنطقك المقلوب دا أمريكا ما فيها إيقاع دليب مش؟
أسلوبك في البحث والتقصي عاجز جداً، أنا في حياتي ما شفت زول بيستشهد بالطريقة العكسية التقهقرية دي، الفقرة بتتكلم عن اليونان تحديداً وكاتبها واحد اسمو (Stewart Hendrickson is Chemistry Professor Emeritus) وموجودة هنا
فإذا الأستاذ (استاذ الموسيقى) البروفيسور الدرس أخونا يوسف ما كان عارف إنو في "أفريقيا" في السودان في فنان اسمو النعام آدم بيستخدم الإيقاع دا وما عرف الحقيقة دي إلا لما سمعوه الكاسيت، يعني ما كلف نفسو حتى يتقصى ويحاول يعرف الإيقاع دا موجود وين تاني في العالم، هسع انت جاي تستشهد بكلام أستاذ كيمياء؟
خليك من البروفيسور بتاع يوسف الكرهان أفريقيا دا، طيب تعال شوف البحث الأكاديمي دا بيتطرق لكيفية اكتشاف تطابق الإيقاعات بين الأغاني الشعبية اليونانية والأفريقية تحديداً، غني عن الذكر لو ما "استمع" أصحاب البحث (يوناني وبلجيكي) لأغاني أفريقية شعبية ما كانوا كلفوا نفسهم بالعنت دا:
البحث الفوق دا ملخصو استخدام الكمبيوتر في تحري التطابق، يعني يا أسامة بيثبت كلامي إنو شغل الحاوي بتاع "صديقك" يوسف وارد جداً وفيهو متسع للخيارات تكتب الرقم بالطريقة الانت بتحسها ومغروض فيها، حسب رغبة الشخص، هنا استخدموا تقنية (Dynamic Time Warping) جزء من منظومة (Music Information Retrieval) دي حأناقشها مع يوسف لاحقاً.
البحث عمل مقارنة بين 220 أغنية تراثية يونانية مقابل 103 أغنية أفريقية تراثية من الكونغو ورواندا تم تسجيلها في النصف الثاني من القرن العشرين، وجدوا بالنتيجة تطابق في الإيقاعات بنسبة عالية (the rhythmic structure is highly repetitive and contains a wide range of rhythmic structures, including irregular meters that are seldom found in Western music)، ودي الخلاصة بتاعة البحث: _____________ This paper presented a music retrieval method based on rhythmic similarity measurement. The method yielded satisfactory results on coprora of traditional Greek and African music. In future work, more sophisticated DTW techniques will be used on larger corpora and the possibility to extract multiple rhythmic signatures per music recording will be investigated. _____________
أرجع للبحث واقراهو بقلب مفتوح (ما تجي تقول لي ما ذكروا السودان)، كان عجزت كلم يوسف يشرح ليك المصطلحات، وبعدين تعالوا الاتنين عشان أفهمكم الباقي الليهو علاقة بالكمبيوتر (MIR)، تلعبوا انتو؟ ما كان أخير ليكم السينيغال المسلمين؟
يا منير، عندي معاك قعدة هنا في البحث دا، أنا عملت إيميلات للناس ديل عشان يمدوني بعينة من أغاني الدليب من الكونغو ورواندا والسينيغال، وعدوا خير وقالوا خلينا نشوف أهل الحق ومسائل فنية وقانونية تانية.
فيا أسامة، الأوروبي جايينا جاري يبحث التشابه في الإيقاعات معانا في أفريقيا وانت شايل شهادتك الوراثية وبطيختك الشتوية وشارد منها؟
وبعدين ياتو منطق يخليك تقطع السودان من خريطة أفريقيا وبكل بساطة تقول الإيقاع ما موجود في أفريقيا يا أسامة؟ انت عايز تصل لإنو المجموعات البتستخدم إيقاع الدليب ديل يونانيين يعني؟
قول كلامك دا بوضوح وبكدة البوست حيكون أخد مسار تاني يشاركونا فيهو ناس الاجتماع والانثروبولوجي والتاريخ، لكن موسيقى ياني براها ممكن نطلع ليك بيها الفولان والسونغي برضو يونانيين إذا معيارك 7/8.
انت راجل انطباعي ساكت، هسع كلام ستيوارت دا طوالي عندك منزل؟ ما بتبحث بنفسك في مصادر تانية؟ ولا عجبك بس فرملت فيهو؟
____ أوعك تعامل كلام ستيوارت دا زي وعد بلفور هههه
Post: #375 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-29-2016, 09:21 AM Parent: #1
لك العتبى حتى ترضى الاخ الاستاذ الخواض، أنا استعملت جملة عامية سودانية تقال فى مثل هذه الاحوال، كما أرى فى هذا البوست وكأنه محاولة للايقاع بين حاتم و الموصلى، ربما أكون مخطئ وأتمنى أن يكون القصد غير ذلك. على العموم (أمسحا فى وشنا). بالنسبة للنوتة الموسيقية وقرائتها، أعتقد أن المسألة نسبية، لأن معرفتك بالنوتة الموسيقية لا يعنى انك موسيقى ماهر، وهى لأهل الصنعة،ثم ثانيا كيف عرفت ان الاخ حاتم لا يعرف النوتة الموسيقية ورموزها؟ يمكنك أنت استاذ خواض أن تعرف النوتة الموسيقية فى أقل من اسبوع ولكن العبرة فى التطبيق ، والنوتة الموسيقية ليست هى الموسيقى المسموعة انما هى (الموسيقى المرئية بالتقريب). فهناك من له قدرات عادية فى التعامل معها وهناك من له قدرات عالية وهناك ما حباه الله بمقدرة sight reading لا شك ان (معرفة النوتة) له أهمية، يمكن أن تستعملها (مجبراً) لاغراض اكاديمية، ولتوضيح فرضية ما، مهمة للمايسترو، ولكن دورها مرحلى وليس لها دور فى الابداع الفنى. هب أن المايسترو وعازف الاوركسترا حفظا تلك الرموز، ولكن كما أسلفت لتفاوت المقدرات فهى تستعمل (للضبط و الربط). وفيما يخص النوتة وباعتبارها صنعة، أذكر أن عازف الساكسفون المحترم المنصورى كان مبدعاً فى قراءة النوتة الموسيقية وكتابتها وكذلك الاستاذ المرحوم أميقو، معظم المغنين السودانيين يالجأون اليهما، عندما يتعلق الموضوع بالتنويت لأغانيهم. والجدير بالذكر أن معظم الاغنيات السودانية يتم التدريب عليها سماعياً واكرر أن معرفة النوتة الموسيقية ليس بالامر الصعب اذا نوى الشخص تعلمها ، ولكن العبرة بالمران المتواصل حتى الوصول الى درجة تمكن الشخص من الاستفادة (المرحلية) منها. استعمال عبارة (أرقد عافية) من العبارات السودانية الجميلة، على الأقل انك لا تقل go to hell لما يخالفك الرأى و (أرقد عافيتين)
Post: #376 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-29-2016, 10:09 AM Parent: #1
Quote: بالنسبة للنوتة الموسيقية وقرائتها، أعتقد أن المسألة نسبية، لأن معرفتك بالنوتة الموسيقية لا يعنى انك موسيقى ماهر، وهى لأهل الصنعة،ثم ثانيا كيف عرفت ان الاخ حاتم لا يعرف النوتة الموسيقية ورموزها؟ يمكنك أنت استاذ خواض أن تعرف النوتة الموسيقية فى أقل من اسبوع ولكن العبرة فى التطبيق
أوريك عرف من وين
شفت زي عبارة أخونا يوسف التحت دي
أما الحركة العكسية التقهقرية فدي لغة شوية صعبة عليك انت ما بتفهمها
أها دا ميزان التفاضل عند الفنانين السودانيين، لو زرت اتحاد الفنانين أو قعدت في نصهم تلقاهم بيعايروا بعض بالروندو والكروش والبيمول، أي والله العظيم، بلا خجلة. يوسف ذاتو بيعايرهم بالنوتة ومصطلحاتها، خلي ينكر كلامي كدا.
أها أخونا يوسف عامل تأثير انطباعي تقيل جداً على أسامة لدرجة الاعتقاد التام إن أي كلام يقوله يوسف دا صحيح غض النظر عن معناهو.
شوف أنا بس سألته فهمت شنو من دي:
"أصواتهم جبلية، وأصواتنا صحراوية".
ما قدر يجاوب، أخدها من يوسف منزلة على أنها "كبسولة دسمة" ذات قيمة عالية، ويوسف لروحو كان سألناهوا ما حيقدر يجاوب على كبسولتو دي ولا يقول قاصد بيها شنو ولا يورينا خصائص الأصوات الجبلية ولا الصحراوية ولا من وين قطع المصطلحات دي. catastrophic!
ياخي والله أنا المحيرني التهافت والتعلق بأهداب أي حاجة ولو منطق مقلوب ومضحك بأي وثيقة لأي مخلوق عشان بس يقولوا (هنا ما ذكروا أفريقيا) تمهيداً للهروب الجغرافي الجماعي دا، ياخي مالها أمنا أفريقيا؟ سوت شنو كعب؟
أنا كنت اتمنى بحث زي بتاع اليونانيين والبلجيكي دا يقوموا بيهو زي ناس "موصلي" عشان نفخر بيهم (يا سعاد) دي أفريقيا وطنهم ومفروض ينهضوا بيها كل في تخصصه، لكن الراجل مكنكش في النظرية، بل بيهش منها الناس بافتراض استحالة فهمها، هو الوحيد البيفهم.
يا موصلي أولست القائل
سوداني والدنيا عارفاني من غابة الأبنوس، في دمي كابيدا بالكسرة في عضمي قصابي مفطوم على البفرة
وجاي هسع تتآمر مع أسامة لتهريب الدليب لأثينا؟ ولا دا غنا مناسبات ومجاملات ساكت؟ ما عيب عليك ياخي اليونانيين (أنطونوبولوس وبيكاراكيس وتيوروديس) بكل أمانة يحفظوا لينا أيقاعاتنا ويعترفوا بثقافتنا وانت بتلفحها لفح وتقول "أفريقيا مافيها دليب والإيقاع جانا مع الإسلام"؟ إنا لله وإنا إليه راجعونا.
شوف زي الحكم المتعجل الرغبوي دا:
شغل يوضع بان غرب افريقيا غنيه ولكن الشيذ الوحيد ليس فيه ٧/٨ شكرا اسامه
ولاحظ المنطق المضحك، يجيب فيديو من اختياره ويتعمد إنو يكون بعيد تماماً من الدليب، وينتهي لفرضية إنو "أفريقيا مافيها دليب"، ويختمها بالتوقيع بتاعو (هارموني+كاونتربوينت+بارتوك) وناس أسامه يرتاحو ويرقدوا عافية (إذن نحن ما أفارغة) ههههههه ____ بوست عجيب.
Post: #377 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 02-29-2016, 10:52 AM Parent: #1
Quote: وحين عاد الأستاذ الموصلي، نعيت على الاستاذ حاتم عدم الترحيب به.
طالما انت مهتم شديد بالشكليات والتطييبات دي
أخوانا إبراهيم سليمان وبكري أحمد حصل رحبت بواحد منهم هنا ولا رفعت ليهو مداخلة؟
ما حصل. الناس ديل مش ضيوفك يا سيد البوست؟ هل عشان كلامهم ما عجبك؟
خليهم ديل، أخونا الأمين عبد الرحمن عيسى المتداخل معاك في الصفحة الأولى ليه ما رحبت بمداخلاته المبكرة البيرجح فيها بأصل الدليب الأفريقي ومنها انتقل لليونان؟ عشان شايت عكس مش؟ لكن اهتميت بمداخلتو بس لما بقيت على مكاواة حاتم بحكاية الكتابة لياني؟
انت زول مصلحة وغرض يا أسامة، ما زول نقاش. ____ أوعك تقول لي ببحث عن الحقيقة ههههه
Quote: انت احسن زول بطلع من الموصلي المعلومات مع صديقنا عمر الفاروق
+++
ياحاتم اوعدك بانني لن اطالبك بشرح الحركه العكسيه التقهقريه ولا اثبات بان الدليب موجود عند الفولان او حتى ناس فلان
+++
لاني حسبته بطريقه علميه وده في قمة التخصص بتاعي يعني ممكن اكتب واحسب ليك لبن الطير ذاتو هههههه
إنا لله وإنا إليه راجعونا! قمتوا صوف!
هيااا جماعة، انتو الواحد أصلو ما يذكركم بأنكم أفارقة؟
أنا آسف ياخ، عملنا ليكم أزمة نفسية.
عمومن، أنا عايز اعتذر هنا عن "الحركة" الطفشتكم بيها دي.
البحث المقارن الخاص بالموسيقى اليونانية والأفريقية لم يخصص أو يحدد إيقاعات متشابهة في القارتين، فقط استخدم الإيقاعات الأفريقية كنموذج، البحث تناول مسألة مطابقة الإيقاعات بين الأغاني في كل قارة على حدة يجامع توفر تنوع الإيقاعات في كل نموذج، كان في مقدوري استغل عدم اطلاعكم الكافي لأقصى حد، لكن دا ما النهج بتاعي.
يا كافي البلا يا أسامة الخلعة منعتك تورينا براعتك في الترجمة هنا؟ بس من سمعت بجامعة أثينا شردت تاني؟ كان تشوف البحث قال شنو بالضبط ولا بتكتفي بالعنوان؟
يا يوسف، معلوماتك باين عليها شحيحة جداً ومع ذلك بتنظر للناس تنظير عجيب خلاص، واضح إنك ما ليك في الأكاديميات، فالبحث دا تحديداً في مجال تخصصك مع إنو ما تعرض للبن الطير، أها، دايرين نشوف المسارات بتاعة الفرضية بتاعتك لأنو أنا جهزت "مصفوفة" بتاعة احتمالات، ودايرين بعد دا نعرض الدليب الفولاني الجد جد بالطريقة البعرفها أنا، خالي تكتيكات.
Quote: من "أدسم" الكبسولات الموسيقية التي قالها لي، كانت حين سألته: لماذا نحن نحب الاصوات الاثيوبية، بينما الاثيوبيون يحبون في المقابل الأصوات السودانية، طبعا في عالم الغناء؟ فأجاب في هدوء: "أصواتهم جبلية، وأصواتنا صحراوية".
نعود لحديث العلماء
طيب يا أخ يوسف، المقتبس الفوق دا عن تصنيف جديد للأصوات، أنا من المهتمين حالياً أعرف أبعاد التصنيف دا وعلاقته بالموسيقى.
فهل ممكن تدينا تعريف ملخص لماهية "الصوت الجبلي" و "الصوت الصحراوي" بأسلوب علمي؟
Quote: حاتم المفتون : أرى أنك أصبحت متوترا كثيرا !!.. والآن تسببت في عزوف " الموصلي " عن الموضوع ، وهو ــ بحسب ما فهمت هنا ــ المتخصص الوحيد في الموسيقى .. وحرمتنا من معرفة وجهة نظره بالضبط . الآن لم يبق معك إلا الهواة ، ومن يرون أن الموسيقى حرام ، يعني بإمكانك " تفتي " وما نعرف شيء ... لكين ما تطيّر الزبائن الباقين .. اهدأ شوي . بعدين .. لا أعرف مالمشكلة أن تتشابه الموسيقى بين الشعوب ؟!! هل هي بقرة " الهوية " المقدسة التي يعبدها البعض ؟! ما المشكلة أن يتشابه إيقاع " الدليب " مع اليونان أو حتى " جيزان " ؟؟ .... مستغرب طبعا .. طيب شوف المقطع دا للترفيه فقط :
https://www.youtube.com/watch؟v=eDhR27EIL80https://www.youtube.com/watch؟v=eDhR27EIL80 واكتب " معشي جيزاني " في اليوتيوب ، وأعطينا رأيك ... هذا أولا . وثانيا : أنا أفهم أن الموسيقى في الأصل " إيقاع " .. والإيقاع هو .. " توقيع لحركات الجسم البشري " أي ضبطه .. بالضبط أيضا مثل " الوزن " عند الأعراب أمثالنا الذين يضبطون به " الصوت البشري " وخصوصا في الشعر .. والسؤال : هل " الدليب " إيقاع أم لا ؟ وإذا كان إيقاعا فما المانع أن يتشابه مع إيقاعات اليونان أو فارس أو الهند أو البرازيل أو سواحل الجزيرة العربية ؟ ................ أرجوك ما تجقلب ، وتقول : ممكن التشابه لكين الدليب حقنا وانحنا الأصل .. الخ لأن عبارتك الأولى في هذا الموضوع والتي تحاول التملص منها باستعداء الآخرين هي : [ إن سمحت لي، لا علاقة مطلقاً بين إيقاع الدليب وأوروبا .]
مفتون بالخليج؟
السوداني الصامت تحت، يعلم الله لولا موضوع البوست لخمنت أن "معشي جيزاني" من المأكولات، أصلاً لا أصادف أخبار من الجزيرة إلا وتتعلق إما بالمندي أو الهيئة للأسف انت الوحيد الضائع هنا بين حرمة المعازف "الظاهرية" وقلة معرفتك بالأساسيات الفطرية للموسيقى لا أقول الأكاديمية. للاختصار
أخونا يوسف ليس لديه ما يدافع به عن نظريته أكاديمياً، هو مؤدي للغناء وله محاولات في التوزيع فلا تخش ذهابه، سيعود ليس لإثبات نظريته فهذه زلة ستكلفه الكثير، لكن لأن هذه حرفته التي لا يعرف غيرها وسيرته التي يجب عليه أن يدافع عنها، مهما حدث سيعود لإثبات أنه يحفظ في الموسيقى أكثر من الآخرين ولو كانت نظريات، خاصة (الكاونتربوينت والهارموني واسترافنسكي)، لذا لا تتوقع مني أي تساهل تجاه أي هترشات أو ظن بطول جاذب للمتسلقات، فأنا أتيت لتصحيح المسارات.
أنت لا تحتاج ليوسف أو لفتوى من حاتم في الموسيقى، أنت تحتاج للإطلاع فقط وربما تجربة العزف على آلة والكثير من الاستماع، عموماً يمكنك اعتبار أخونا يوسف "موصلي آخر" أو متخصصاً، فالأمر نسبي بالتأكيد.
حاتم لم يدعي أن هناك مشكلة في تشابه الإيقاعات، بل أكد عليها من أول مداخلة، هل تقرأ أم تنجذب لمداخلاتي تلقائياً؟
حاتم لم يناقش الهوية بل طلب توضيح وجهة النظر الأكاديمية في مقولة أن إيقاع "الدليب" إغريقي الأصل أو هذا ما يلمح له البعض هنا بحياء في البداية، ثم بنكران مفضوح، ثم بصراحة فجة، ثم بيأس، وأخيراً بتحدي مصطنع.
حاتم لا يطرح هنا رؤية متعصبة حول (اصل إيقاع الدليب) وأنه (يخصنا)، وذكرت في مداخلتي الرابعة بوضوح (طبعاً أصوله من خارج السودان)، هل تفهم موضوع البوست المكتوب بالعربية؟ أم تخاطب صاحب البوست؟
بالنسبة للعبارة المقتبسة، وبالمناسبة هذا الأسلوب يذكرني صديق سُفلي قديم (رد الله غربته) أنت فهمتها خطأ على حاتم يتملص من عبارة ذكرها، نعم قلت (إن سمحت لي، لا علاقة مطلقاً بين إيقاع الدليب وأوروبا)، فهمتها أنني أنفي وجود إيقاع مشابه في أوروبا (مع أنني أسمع لياني منذ سنوات والتشابه واضح)، فهمك غير صائب، ويبدو أنها مشكلة المصطلحات، أنا خاطبت صاحب البوست بحسب الطريقة التي تناسبه وأعرف ما يرمي إليه وهو (إيقاع دليب الشايقية أتى من اليونان) لذلك جاء ردي حاسماً بهذه الطريقة، بعدها طلبت من الجميع أن ينحازوا إلى أسلوب أكاديمي في تناول الموضوع، هل فهمت الآن؟ ألخصها لك: فقد أحسن ذلك أخونا أبوبكر، صاحب البوست ينوي أن يقرن تاريخ أسلافه بأوروبا وأنا أقول له كون الهلال يلعب بخطة 4:2:4 هذا لا يجعله فريقاً أوروبياً مثل برشلونة الذي يلعب بذات الخطة، وأظن سيدنا يوسف قال شيئاً بهذه المعنى أيضاً بعد زجرتي اللطيفة.
حاتم لا يستعدي الآخرين، يخاطب بحدة نعم، يسخر نعم، لكني لا أطلب أعداء، أناقش فقط بدون ليونة أو مجاملة أو عاطفة، وهذا حلال شرعاً.
أنا مستغرب مش متوتر، وكمان زعلان إنو واحد من الطلاب الدارسين شبه الأكاديميين عندنا بيهترش بكلام يخلينا مضحكة في نظر الناس، ولما نرجعوا للواقع يقوم يطلع القمر، ننزلوا تحت يحول الموضوع لمسابقات المدارس، دا كلام ما بزعل هسع؟ فلو زي كلامه بتاع (الدليب يوناني عربي إسلامي) نشرته صحيفة، أنصاف المثقفين حيفهموا شنو؟ هو ذاته حيكون موقفو شنو؟
خطأ يا صامت، "الأعراب" عندكم لا علاقة لهم بالموسيقى التي نعرضها في هذا البوست، هذه مفاهيم غربية تتم مناقشتها من منظور غربي صح، مقارنتك للوزن الشعري بنمطية النبر أو حركية الجسم جائزة وهذه فطرة سليمة يحق لك أن تباهي بها أقرانك في جيزان فقط، هذا شعر وما لكم غيره سوى النسبة والتناسب.
برضو خطأ يا الصامت أن تشير للوزن على أنه مقابل للإيقاع، الوزن الشعري يتعلق بكل البيت والخصائص الصوتية الكلية له مثل النبر والتنغيم واصطلح على تسميته (Prosody) أما الإيقاع فهو مبحث لحدة الصوت ونمط علاقته بالزمن (Rhythm) لكن إذا أصررت على ربط وزنك الشعري بالموسيقى الغربية فتحدث إذا عن شيء اسمه (Melody). ترى أخي السوداني التابع عاشق الدليب، مشكلتنا الكبيرة هي أننا نريد ولا نريد. ________ بالمناسبة، أصدق أنا من القلائل المتشددين المصدقين إنك سعودي.
Post: #388 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 04-14-2016, 07:00 AM Parent: #1
Quote: أول تعليق منك أستفيد منه ( الفائدة : هي اقترابي من فهم وجهة نظرك ... برغم الدغمسة حول تفسيرك لـ : ( إن سمحت لي، لا علاقة مطلقاً بين إيقاع الدليب وأوروبا ) .. لكن ليست مشكلة كبيرة ، فكما أنك تعتبر أننا قليلو حيلة في الموسيقى ، فلا أقل من أن أفهم أنك قليل حيلة في اللغة وربما كان ذلك عمدا نسبة إلى عداوتك للعرب
الصامت السوداني، لذلك منذ البداية نصحت الجميع بالانحياز
عادة إذا كان الموضوع يهمك ينبغي أن تبدأ قراءته من أوله. كذلك حاول أن لا تقحمنا في تطلعاتك الأنثروبولوجية التي تطل برأسها خل كل سطر.
انت يا اسامة مسحت مداخلتي الأخيرة، ودا عيب في حقك، إذا كنت حتمسح مداخلاتي الماعاجباك عليك تمسح كل مداخلاتي وتعرض للناس هنا شهادتك بتاعة الفحص الجيني وترتاح، مش دا غرضك؟
Quote: تحايا خاصة لكل الذين امتعوني بمداخلاتهم الجميلة بهذا البوست الرّائع و الشكر لاستاذنا اسامة الخواض و استاذنا الموصلي علي هذا البوست الجميل .أوافق تمامًا علي الرأي القائل بأن الحضارات القديمة كانت متداخلة مع بعضها البعض و قد أثّر ذلك التداخل في ثقافة و تفكير و فنون انسان تلك العصور و يبدو ذلك واضحًا حين نأخذ الفن كعينة عشوائية لفحص ذلك الرأي . و قد لاحظت أنّ الرّقص المصاحب لموسيقي زوربا اليونانية يشبه كثيرًا الدّبكة اللبنانية أو الدّبكة عند الشوام بصورة عامّة
شكرا لكلماتك المشجعة، ودعني أشكر مرة أخرى كل الذين مرّوا من هنا وقدّموا أفكاراً مثيرة للتأمل.
على المستوى الشخصي، يفضل العبدلله الأفكار المثيرة للتساؤلات وإعمال الفكر . وأعتقد أن المساهمين في هذا البوست لفتوا الانتباه إلى نقاط جد وجيهة. ومن ذلك ضرورة الاهتمام بموسيقانا السودانية، كما لمّح إلى ذلك الاستاذ الصادق.
ملاحظتك حول "الدبكة" والرقص اليوناني في محلها. فقد لاحظت هذا التشابه في الرقص الشعبي البلغاري*.
ومع ثورة الانفوميديا والانفجار المعلوماتي، بات بإمكان "متصفح الانترنت" العادي ملاحظة كثير من الظواهر المشتركة التي كانت محل اهتمام الباحثين والأكاديميين فقط..
"الجوبية" رقصة الأعياد والانتصارات في العراق الخميس 4 شوال 1435هـ - 31 يوليو 2014م
بغداد – جواد الحطاب
رقصة عراقية جماعية معروفة في شمال ووسط وجنوب بلاد الرافدين تشترك في أدائها كافة مكونات الطيف العراقي، وإن كان المؤدون العرب من أمهر "الجوّابة" في العراق كله، وتحديداً عرب الحويجة والرمادي وباقي المناطق الغربية الأخرى؛ في حين يتميز عرب الجنوب ومناطق الفرات الأوسط بـ"العراضة" أو "الهوسات" والتي عادة يختصّ بها الرجال فقط من دون أية مشاركة نسائية ويرافقها الكثير من إطلاق الرصاص.
والجوبي تكاد لا تخلو منها المناسبات والأفراح والأعياد والانتصارات فهي من الرقصات المعبرة عن الرجولة والقوة والشهامة والبطولة، كما تفصح عنها إيحاءاتها وحركاتها التعبيرية.
وللأكراد "جوبيهم" أيضا وتسمّى" الدبكة" وهي الرقصة الفلكلورية الأبرز التي تميّزهم عن السكان المجاورين لهم؛ حيث يكون للجغرافيا أثرها في طبيعة الرقص؛ فسكان المناطق الجبلية التي تكون عادة باردة الأجواء يحبّون أداءها متشابكي الأيدي متلاصقي الأجساد على عكس راقصي المناطق الحارّة الذين يؤدونها متباعدين.
كما تختلف في بعض تفاصيلها وعدد خطواتها ذهاباً وإياباً، حسب المنطقة أو القرية المنسوبة إليها الدبكة. سر ضربات الأرجل على الأرض
يقول الباحث الفولكلوري باسم حمودي لـ"العربية.نت": "عادة ما يلتم شمل الراقصين بناء على نغمة معينة، يطلقها عازف الطبل أو المزمار أو كلاهما؛ فيشكّلون نصف دائرة لا تلتزم بعدد معيّن من الأشخاص وإنما يدخل إلى الحلقة كل من يرغب بالاشتراك؛ وفي السابق كان يشترط على الراقص أن يرتدي زيّه العربي المعتاد المكّون من الدشداشة والغترة" غطاء الرأس" والعقال، أما اليوم فلم يعد أحد يلتزم بذلك". وأضاف "وينقسم الجوبي إلى قسمين هما (الرقص) المحكوم بالإيقاع و(الغناء) ولكليهما أصول وقواعد متوارثة، ويمكن أداء أحدهما من دون الآخر، لأن الموسيقى الجزء الأهم في هذه اللوحة الشعبية".
أستاذ مادة التاريخ في جامعة بغداد الأكاديمي "مزهر الخفاجي" قال" إن جميع الرقصات الشعبية الحاضرة تعود إلى جذر رافديني واحد، وما حركاتها المستمرة إلا صدى الميثولوجيا الدينية القديمة التي تقوم على الدوران حول المكان المقدس باعتباره جزءاً من الشعائر المتوارثة".
وأكد لـ"العربية.نت": "وضربات الراقصين المتكررة على الأرض هي نوع من طقوس دعوة الأرض إلى طرد الأرواح الشريرة وإيقاظ تموز (الإله الرافديني الذي يرمز إلى الخصب) ليعود من عوالمه السفلية التي سجن فيها فتعود معه الحياة".
ويعتبر سكان وادي الرافدين من أوائل الشعوب الذين استخدموا الأدوات الموسيقية الإيقاعية المختلفة لضبط نبض حركة الأشياء فيما حولهم، واعتبروا الأنغام والموسيقى صدى وانعكاسا أرضيا لهارمونية وانسجام حركة الكون المعقدة، بما يحوي من كواكب ونجوم وأقمار.
ومن أشهر أغاني الجوبية العراقي والذي انتشر عربيا "عيد وحب هاي الليلة الناس معيدين" و"لو عزف لحن الجوبي جوّب مع محبوبك" و"لكعدلك ع الدرب كعود-سمره يم عيون السود" و"حي الله أهل الغربية" و"كل الهلا بحبيبي الجان زعلان".
أما أشهر الفرق التي تؤدي هذه الرقصة وعلى أصولها فهي" فرقة الفنون الشعبية العراقية، والتي عادة ما تختتم بها أو تفتتح بدء فعاليات مشاركاتها العربية والعالمية.
Quote: النموذج الثاني لتماذج الحضارات القديمة هو أنموذج الرقص التركي و علاقته بالرّقص العربي و حتي الايقاعات نجد فيها تشابه لدرجة الاندماج و يمكنني هنا أن أعطي مثال بالراقصة التركية ديدام و التي حين أشاهد فيديوهات رقصها احس و كأنّي أمام راقصة مصرية أو سورية أو احدي راقصات الشام ، فالتشابه يتجاوز الحركات الشرقية في الرّقص ليصل الي اللحن و الموسيقي و صيحات و تصفيق الجماهير . مرّة ثانية أذكر بأن العلاقة الاستعمارية ليست وحدها مبرر لهذا التشابه لأنّ تركيا استعمرت السودان و أجزاء من ارتريا كما استعمرت دول أوروبية و مع ذلك نجد أنّ التشابه بين الرّقص فيها و الرّقص في البلاد العربية جاء استثناء لكل الدول الأخري التي استعمرتها تركيا
الجاز والبلوز حيغمسوك في قلب أفريقيا لو راجي تطلع بيهن منها يا باشا. انت أهلك ديل مابيهم مالهم صحي؟ ____ كلم لينا موصلي يحدد لينا المسار الدخل بيه الدليب في الخريطة صفحة 4
Quote: قريبي الموصلي .. يا سلام دي محاضرة قيمة حالياً أنا متابعك في قناة أنغام ..عبر الاسكايبي الساعة واحدة وربع صباحاً بتوقيت السعودية تحياتي ليك ..
Quote: الفنان المبدع صفوت سمع نصيحتك وطبقها في نفس الحلقة أن يغني أغانيه الخاصة ... كويس كده أخرجته من الترديد الممل للحقيبةوغنى أغانيه الخاصة كانت جميلة
قريبي الخلوق على عبد الوهاب عثمان اولا اشكرك على المتابعة لحلقة أنغام وبالنسبة لصفوت انا بشيد بشجاعته وعدم خوفه من طرح الاعمال الجديدة الخاصة به وانا باذن الله حأساعده وياقريبي طالما في مستمعين راقين زييك يبحثون عن جديد المبدعين فما بتجيهم عوجة تب تسلم
Post: #414 Title: Re: الدليــب اليوناني؟ سؤال لأستاذنا المبدع: Author: علي عبدالوهاب عثمان Date: 06-14-2016, 10:59 AM Parent: #413
قريبي الاستاذ الموصلي .. ما قصرت يا فنان .. شعرت بفرحة وراحة صفوت عندما قلت له بأنك سوف تقوم بتوزيع الاغنية .. يا سلام يا راقي .. هكذا تقدم المساعدة لهؤلاء وليس عن طريق تهشيم الصورة والنقد اللاذع
يا اسامة ياخي ماخليت شجرة دليب حايمة طيب مل تفتش يمكن تلقى حاجة عند اهلنا الفولان ولو لقيتها حأعزمك وجبة فول وبالعدم بوش بس ما تجيب لي 9/8 وتقول لي ده على ضرب الدليب الايقاعي
Quote: يا اسامة ياخي ماخليت شجرة دليب حايمة طيب مل تفتش يمكن تلقى حاجة عند اهلنا الفولان ولو لقيتها حأعزمك وجبة فول وبالعدم بوش بس ما تجيب لي 9/8 وتقول لي ده على ضرب الدليب الايقاعي
كويس رجعتوا أصحاب، أها الناداني فيكم منو؟
وأنا عازمكم التلاتة "جداد" بس تدوني واحد من خيارات دخول الإيقاع للسودان في الخريطة صفحة 4. _____ نمسخ عليكم العيد ولا ما دايرين؟
Quote: Swachw Swachw حاتم إبراهيم : الآن قرأت تعليقك بعد أن هجرتُ هذا الموضوع منذ تراخيك عن الإيفاء بوعدك حول الردود الطويلة !! وبعد أن حُذفت مشاركتنا من الفيس عند الأرشفة . * أول تعليق منك أستفيد منه ( الفائدة : هي اقترابي من فهم وجهة نظرك ... برغم الدغمسة حول تفسيرك لـ : ( إن سمحت لي، لا علاقة مطلقاً بين إيقاع الدليب وأوروبا ) .. +++ لكن ليست مشكلة كبيرة ، فكما أنك تعتبر أننا قليلو حيلة في الموسيقى ، فلا أقل من أن أفهم أنك قليل حيلة في اللغة وربما كان ذلك عمدا نسبة إلى عداوتك للعرب :) . +++ * المعشي : حتى أنا لم أعرف اسمه إلا لما نقلته لكم .. لكنك لم تفدني كثيرا في هذا الأمر ..( هل هناك علاقة مشابهة بين تلك الإيقاعات والدليب ؟ ) طبعا التقليل من شأن الإيقاعات في الجزيرة العربية ــ وهو ليس مجال تنافس بالمناسبة حتى تتحسس ــ لا يدلّ إلا أنك لا تعرف عنها الكثير .. وأتمنى حقا أن تدرسها بعينك الناقدة أو المستعدية ، فذاك في النهاية يفيد . +++ * سأتابع وأرد عندما أجد ما أسأل أو أضيف ... وحتى ذلك الحين : هل يمكن أن تطلّع على بعض الإيقاعات عندنا ؟ * واللي يرحم والديك ( هذا رجاء عندنا ) : دع عنك التعالي ، والتذاكي .. أنت لا تحتاج لهما والله .. يعني عندما تخاطب الآخرين من خلالي ، يصبح في الأمر مظنّة سوء .. نحوي أو نحو الآخر .. لا تهدر جهدك فيما لا ينفع " وإن ظننت غير ذلك " . ولك التحية .
السعودي كيفنك
مافي دغمسة، مصطلح "دليب" مقصود منه الإيقاع في منطقة الشايقية داخل جمهورية السودان في قارة أفريقيا، ذكرنا في الصفحة الأولى وجود الإيقاع حتى في أمريكا الشمالية في الموسيقى المعاصرة، ليس بسبب هجرات أوربية بل إيقاع متأصل، فلماذا لا يقترن "الدليب" ببلاد العم سام أيضاً؟ +++ لا أدري ما العلاقة؟ فإن لم تفهم عبارتي في سياقها الصحيح فهذه مشكلتك، هناك في أوروبا أو في أمريكا أو في غرب أفريقيا لا يسمونه "دليب" بل بأسماء محلية أخرى، نظرياً يسمى إيقاع فردي (odd) وهذه يترجمها موصلي واقرانه إلى "شاذ" غالباً لذا عندما أقول (لا علاقة مطلقاً بين إيقاع الدليب وأوروبا) ففي الذهن منحى الرجل "أسامة" اليائس في الربط الاثنوغرافي بين جغرافيتين واثنيتين لا يجمع بينهما إلا تساوي عدد الأسنان في الفكين العلوي والسفلي. كذلك، المعايرة باللغة هذه من مخلفات الجاهلية، مع علمي التام بعدم حاجتي لاثبات أي مهارة خاصة تتعلق بهذه اللغة المقدسة جداً جداً جداً. +++ يحول السؤال إلى يوسف، فهو قد عُلِّم منطق الطير وحساب ألبانها، السؤال: ما علاقة المعشي الجيزاني بالدليب السوداني؟ الإجابة ربما تقود إلى تثبيت المسار الجغرافي رقم 2 أدناه والذي يبين هجرة الدليب من أثينا إلى مكة ثم العودة "قهقرياً" عن طريق سيناء والدخول بمحاذاة النيل حتى كريمة، مصطحباً معه اللغة والدين وبدون أن يترك أية آثار في المسار.
أصحى يا بريش! +++ عُلم وينفذ، لكن أظنك نصحتني بإهدار جهدي فيما لا ينفع بهذه الجملة (هل يمكن أن تطلّع على بعض الإيقاعات عندنا ؟) _____ عيدكم باظ
Post: #419 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 06-17-2016, 09:00 AM Parent: #1
Quote: ياحاتم لعلك طيب لا أريد أن أدخل في مهاترات لا تسمن ولا تغنيزلكنني اريد أن أقول لكبأن تفاخرك بانك أحضرت الديب من ديلو طلع فشنكفالميزان للنموذج رقم 25 لا علاقة له مباشرة بالضرب الايقاعي 7/8فهو في الحقيقة11/8وسنشرح لك فيما بعد
Quote: اما الخير الجابو حاتم ده فليس له علاقة ب ٧/٨ او الدليب لاني حسبته بطريقه علميه وده في قمة التخصص بتاعي يعني ممكن اكتب واحسب ليك لبن الطير ذاتو هههههه
Quote: يا اسامة ياخي ماخليت شجرة دليب حايمة طيب مل تفتش يمكن تلقى حاجة عند اهلنا الفولان ولو لقيتها حأعزمك وجبة فول وبالعدم بوش بس ما تجيب لي 9/8 وتقول لي ده على ضرب الدليب الايقاعي
شهر اتنين الفات دا مش قلت فهو في الحقيقة 11/8؟
هل الموضوع بتاع الإيقاعات دا بقى خارج الحسابات المهنية ولا في تقارب شديد عامل بلبلة؟ _____ أركز لينا على رأي، المصداقية في قمة التخصص مهمة يا يوسف
اقول، اللهم انصر طوفان حركة الوعي الكوشي القادمة باذنه امون-رع، بامثال يوسب والخواض! ياريت، ياريت يا صديقي وجاري السابق يوسب، كان تفكيرك يكون بخلاف المتداول حاليا، ياريت!
نعم مكان امثالك حقيقة شاغر، والله يجيب اليوم البتعايش فيهو امتنا الكوشية القادمة، تناول امثال يوسب القادم لامحالة، لي دور الموسيقي الكان اساسي ومفصلي في تكوين ارثنا الروحي الصوفي منذ عصر الاهرامات، والموسيقي هي لغة الروح حصريا، وهي خريجة معابدنا تحديدا، او ده السبب الي اليوم ورغم انف شلالات الاستلاب، تجد السوداني يطرب حد الثمالة لذات ايقاع النوبة، من دون ماينتبه، كيف شاعر الكلمات هو الحلنقي وليس البرعي كمثال!
نعم نحن بانتظار يوسب الاخر في ايهاب الوعي القادم، يحدثنا عن ذرياب او "عودو" اللي ثبت الان انو كوشي من اهلنا الMoors سكان شمال افريقيا الاصليين، المستعبدين الان في موريتانيا، ومهمشين كالعادة في المغرب، تونس، والجزائر، وليس بعربي كما يسود الاعتقاد الخاطئ باستمرار!
نعم الان ثبت حتي الة البيانو كوشية الاصل وليست بارية كما يسود التصور المسبق الخاطئ باستمرار!
اما الدليب، فاليونان ذات نفسها مؤسسها واحد سوداني عديل كده في الالفية الثانية ق.م اي قبل قرابة ال4,000 سنة من تاريخ اليوم، او ده كلام قدماء الاغريق ذات نفسهم، وليس بشطحة من شطحات بشاشا!
يازول الهة الاغريق كانو سودانيين لي حدهم وسودانيات من جمهورية السودان الحالية، وفلاسفتا كانو حيران اجدادنا، وده السبب مفردة فلسفة ذات نفسها سودانية 100%، صرفة، اي Philo-Sophy، اي ذات مفردة "صوفي" ذاتا المتداولة الان عندنا!
بل اكثر من هذا، دعك من الدليب، اللغة اليونانية ذات نفسها الalphabet بتاعا من "اندنا"، ايش ارفك بالمهس زي ماقال، وهذا يفسر ليه الاغريقية كما العربية الان كانت هي اللغة الرسمية في العصر الاستلابي الاول اي الفترة المسيحية، مع انو المسيحية كما الاسلام واليهودية، في جذورا عقيدة سودانية صرفة!
يازول حكاية ذكر ابيض يخر ساجد لي انثي بيضاء، معبودة كاله، ده اصلا ما حصل قط في تاريخ الخواجات الذكوري، الممعن في قهر الاناث مقارنة بي مجتمعنا وثقافتنا الكوشية، الاصلا اوجدتو الانثي اي المرأة، وليس الذكر او الرجل، عكس مانتصور، خطأ كالعادة!
يازول هلري كلنتون لو انتخبوها ستكون اول امراة في تاريخ امريكا تصل الموقع ده، دع عنك تكون الهة معبودة كمان، كما كان حال السودانية، اللي تاريخيا مثلت وجسدت كل ما اتصل بالروحانية والمعرفة الروحية في ثقافتنا!
ده السبب راس ابو الهول البجسد مفهوم الانسان الكامل، هو راس انثي سودانية، وليس ذكر!!! عييييييييك!!
لاحظ هلري الي اليوم حايمة بي اسم عائلة زوجها "المحرم بتاعا" بي لغوة الوهابية، ولا تستطيع استخدام اسم والدا هي او اسم اسرتا هي، لانها كامراة تاريخيا كانت مملوكة عديل لنوع الذكور في الثقافة الارية، لانها انثي!!!
هل تصدق يايوسب، "البشير" اي فرقعة الاصابع في الحفلات لما الغنية تسخن بالواحد، منحوت نحت علي الصخور منذ ا قرابة، ال5,000 سنة، فوق رؤس بنوتنا او هن برقصن؟
تصدق يايوسب؟
انا غايتو لما شفتا الوثيقة دي، شهقتا عديل كده او صرختا من القهمة بي طول حسي!
الي الان لا اصدق هذا!
نعم احنا بنبشر في الحفلات والقعدات منذ قرابة 5,000 سنة!
او تقولو لي حضارة "كمت" هولة البسوو "السح الدح" من احفاد غزاتنا اللي جونا وافدين ولاجيئيين، كما خواجات جنوب افريقيا؟
هل في زول فيكم شاف هكسوسي اي "مصري" ببشر في الحفلات؟
اما عزيزينا الخواض، فالخواض الجايي لي قدام، فحيكتب لينا، كيف دخلت اوربا عصور الظلام، لما الرومان، حمو اهلهم الخواجات يواصلو "مص" شطر ثقافتنا الكوشية الصوفية، الادمنوهو او هم كباااار، مش رضع، ابتدا من القرن الخامس، بغرض "التمكين" للمسيحيية، لدرجة الخواجية كانت بتخلي الكنيسة الواقفة قداما او تبرك علي الركب مقبلة في خشوع مجسمات حبوبتنا "اوسر" المعروفة الي اليوم ب "Black Madona" اللتي غطت صورا ومجسماتا، معظم نواحي اوربا، بالذات روسيا، بريطانيا، فرنسا والمانيا؟!!!
عندي صورة لي بابا الفاتيكان وهو واقف، مش جالس علي ركبتيهو، خشوعا واجلال لهذه السودانية اي الBlack Madona، الكانت معبودة بطول وعرض اوربا، وهي انثي وهذا مذهل ولم يتكرر قط في تاريخ الجنس الاري!
وياللعجب يا خواض، البتسموهو "استنارة" برضو كان بريق شعاع من ارثنا الروحي الكوشي، حملت شعلتو ما يعرف الان بالماسونية!
نعم كيف احد ابرز رموز ورواد عصر الاستنارة، Giordano Bruno كان مستلب ثقافة كوشية اي سودانية، وكذلك اسحق نيوتن!!!
اخير نوقف كلام المساطيل ده، هنا، الدنيا رمضان!!!
معليش مافي وكت، مكسح!
Post: #426 Title: Re: الدليــب اليوناني؟ سؤال لأستاذنا المبدع: Author: Osman Musa Date: 06-20-2016, 08:25 PM Parent: #421
سلامات يا شباب كلام الأخ بشا شا عن السوداني مؤسس اليونان ده كلام 60 في المية منو صاح وكمان تحت تحت . قالوا سوداني ابن عم مؤسس اليونان كون فصيل بر ا هو وقام بتأسيس ايرلندا .
Post: #422 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 06-20-2016, 08:13 AM Parent: #1
Quote: كان تفكيرك يكون بخلاف المتداول حاليا، ياريت! +++ تناول امثال يوسب القادم لامحالة، لي دور الموسيقي الكان اساسي ومفصلي في تكوين ارثنا الروحي الصوفي منذ عصر الاهرامات، +++ نعم نحن بانتظار يوسب الاخر في ايهاب الوعي القادم، يحدثنا عن ذرياب او "عودو" اللي ثبت الان انو كوشي من اهلنا الMoors سكان شمال افريقيا الاصليين، المستعبدين الان في موريتانيا، ومهمشين كالعادة في المغرب، تونس، والجزائر، وليس بعربي كما يسود الاعتقاد الخاطئ باستمرار! +++ اما الدليب، فاليونان ذات نفسها مؤسسها واحد سوداني عديل كده في الالفية الثانية ق.م اي قبل قرابة ال4,000 سنة من تاريخ اليوم، او ده كلام قدماء الاغريق ذات نفسهم، وليس بشطحة من شطحات بشاشا!
بشاشا كيفك، اتوقعتك من الصفحة التانية
صعب يا بشاشا، أخونا يوسف نظامو كدة، تركيب شخصيتو كدة، بياخد ما بيدي، إضافة لذلك بيعتمد على رد الفعل مش المبادرة، لذلك دائماً بيجي في الترتيب التاني ودائماً بيحتاج لشخص قدامو ودي الاستغلها أسامة. +++ برضو صعب، نظراً لانعدام الجانب الأكاديمي عند أخونا يوسف بالذات فيما يتعلق بالتاريخ وثانياً للفكرة المغلوطة عن الموسيقى الغربية أساساً وثالثاً للعاطفة المتداخلة مع الغرض. +++ أهي دي بالذات العقدة، لمستها والله يجيب العواقب سليمة، وأكتر من مرة أنا لمحت للعلاقة بين السودانيين والموريتانيين السود، وياريت الاتنين ديل يبطلوا التناول السطحي للأمور من منظور قبلي! يلا خليني أديك الملخص عن الحاصل هنا شنو: أخونا الخواض عايز يربط الأصول السودانية الاثنوغرافية للشوايقة تحديداً ياليونانيين المعاصرين هسع تاااخ كدة مش لبرنامج بحثي بداهو أو لنزعة اجتماعية عامة، لا، الكلام دا بدأ بعد 1995 بعد ظهور ألبوم (Live at the Acropolis) الناجح للموسيقار ياني الكان فيهو مقطوعات بعضها بإيقاع مماثل للدليب، يعني الموضوع ما تاريخ بل انشداه بحدث عارض ما كان يحدث لو ياني دا من غانا مثلاً. وسيلة أخونا الخواض هنا هي استمالة يوسف للتأكيد على الزعم الطاريء (شغل أنا وأخوي) دا لكن مش بفهمك أنت بل بالعكس، يعني هم الاتنين عايزين "الدليب" يجي من أثينا تحديداً مكان الموسيقار ياني ورافضين إنو أصوله تكون هنا في أفريقيا، ببساطة لأنهم كايسين إحدى الحسنيين يا يونان يا عُربان، دي كل القصة ومافي أي خلفيات لا ثقافية ولا اجتماعية ولا تاريخية، هيعة ساكت، شوف نظرية موصلي الشرق أوسطية:
Quote: هذا الايقاع اصوله ليست في السودان فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا
Quote: يا يوسف خُتْ في بطنك بطيخة "شتوي" ، بفضل "الهند سة الوراثية".
+++ والله شغال في مرحلة أولى أثبت الملكية الفكرية هنا على الأقل في أفريقيا وبعدين نشوف حكاية انتشار الإيقاع شمالاً "ودي صعبة في نظري" وما أنسى أذكر الأخ الأمين عبد الرحمن وهو برضو من أنصار أصالة الدليب الأفريقي. لكن أعمل شنو، مع العايزين يربطوا الحمار في كريمة ويدقوا البربندي في أثينا ويجروا الحبل مروراً بمكة. ____ مرحب بيك تاني
Post: #423 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 06-20-2016, 08:28 AM Parent: #1
Quote: حافظ الإمام محي الدين · كالغاري أخونا حاتم إبراهيم بفتكر إنه الطريقه الوحيده لإظهار العِلم بالشئ هي تجهيل الغير وإستفزازهم، نفس مدرسة المرحوم حسن الترابي في الحوار، حتى إبتسامات الترابي إستبدلها حاتم بوشوش خضراء ضاحكه.
لحد ما كلامك صاح، باستثناء المدرسة المشتركة
مع اختلاف بسيط، دا أسلوبي مع العندهم اعتقاد بصحة مفاهيمهم في حالة تكون خاطئة ومضحكة ومصرين عليها. أي نقاش أحس بأنه مفيد وفي الاتجاه الصحيح بالاجماع أو المداخلة رزينة ومحترمة حتلقى ردي بالمثل.
ركز في الموضوع وشارك بدل تبقى متابع حاتم ساكت. ____ أنا ما ترابي، لكن برجي ترابي، سمعت نكتة الفحم الياباني
انا جادي والكلام ده حقيقة، والسبب كان لايجاد مخرج من ورطة ادعاء الخواجات البيض للحضارة الكمتية اي "المصرية" والحضارة النوبية طبقا لوالد هذه الحضارة اكاديميا، الامريكي من اصل الماني، اي جورج رايزنر مؤلف مقرر تاريخ السودان القديم الحالي، البدرسو امثال اخونا الخواض وامثال اخونا الموصلي، الان واللحظة في السودان، اسسها بيض!
اذن انطباعك عن كلام الخواض ياحاتم ما من فراغ!
وعينا الحالي صاغوهو امثال جورج رايزنر والارزقي اللبناني نعوم شغير!!
من الجانب الاخر، كلاملك عن غرب افريقيا كاصل للدليب، ولع النيران لو تعلم، كما واضح في امتعاض اخونا جمال ود القوز، البفتكر للاسف امثالو حصريا هم "النوبيين" في السودان، اي مجموعات المحس اولا، ثم الحلفاويين، ثم الدناقلة لحد ما!
فالقاسم المشترك بينم جميعهم واضح وضوح الشمس!
المؤلم يوسب صحبي لازال ينظر للشوايقة ك"عرب" وهذا مؤلم جدا، لانو بعبر عن خطاب ووعي قبلي، بالذات انو "دنقلاوي" بي تعابير الوعي الماثل!!
نرجع لي موضوع البوست:
اذا ثبت انو قدماء السودانيين وطبقا لقدماء الاغريق انفسم هم الاسسو اثينا عاصمة اليونان، وبالتالي الحضارة اليونانية، اساس الحضارة الشمالية اي الارية كلها، وبالتالي، فهي بعض بضاعتنا!
فطبيعي جدا كقاعدة لو ده الحال،، نرجع اي مظهر ثقافي مشترك مابين السودان واليونان، للسودان، كان دليب، كان فلسفة!!
اذن الموضوع الاساسي هنا!
بالنسبة لي اهلنا في غرب افريقيا، فالثابت تاريخيا، وبشهادة كل الافارقة، انو السودان الحالي هو موطن كل الافارقة!
مش كده وبس، وانما بشهادة قدماء الاغريق مرة اخري السودان المروي هو مهد البشرية ذات نفسها!
هكذا امن العالم القديم كلو!
لانتحدث عن السودان كاصل للحضارة علي سطح هذا الكوكب، لانو ده اصبح مفروغ منو خارج السودان اكاديميا، وانما نتحدث عن ظهور البشر، كبشر علي سطح هذا الكوكب!!
لاحظ اجدادنا قبل 2,000 سنة قالو هم، اول من خلق رب العزة كبشر مشي علي قدمين!
الان مهد البشرية تحول باتجاه الجنوب لدي البعض وتحديدا منطقة البحيرات الكبري في يوغندا كينينا وماشابه!
بنتكلم عن ميلاد البشر كبشر، وليس ميلاد الحياة المنظمة اللي نشات في جمهورية السودان الحالية تحديدا!
اذن مهم للغاية نشيل غشاوة المسميات الحالية للافارقة، ودولم اللتي صاغها الاستعما منذ ايام خلت، وبالتالي هذه المسميات والحدود لاتصلح اطلاقا في شرح وفهم تاريخ ممتد لعشرات الالاف من السنين!
ده غير انو الدليب ده ياجماعة حق البديرية "الغرابة" تحديدا، وليس الشوايقة الخواجات، يا خلق، اذا لابد من هكذا خطاب بائس مؤلم ومتخلف!
Quote: اذا ثبت انو قدماء السودانيين وطبقا لقدماء الاغريق انفسم هم الاسسو اثينا عاصمة اليونان، وبالتالي الحضارة اليونانية، اساس الحضارة الشمالية اي الارية كلها، وبالتالي، فهي بعض بضاعتنا! فطبيعي جدا كقاعدة لو ده الحال،، نرجع اي مظهر ثقافي مشترك مابين السودان واليونان، للسودان، كان دليب، كان فلسفة!!
الصديق العزيز بشاشة الموضوع الذي نحن بصدده واضح وضوح الشمس كلنا فتشنا الانترنت ده زنقة زنقة وشارع شارع وما لقينا الميزان 7/8 عند الفولان المسالة في منتهى البساطة المشكلة أن من لا علاقة له بالنوتة الموسيقية حاول قسرا أن يثبت ما قاله فأتى بايقاعات من الفولان الاغنياء بالموازين ولكنها ليست 7/8 وهو مصر برغم أن علاقته بالنوتة كعلاقة الموصلي بالطب ونشرح أكتر 7/8 ميزان للايقاع المشترك مع كثير من الحضارات ولكنه يختلف في التفاصيل من دولة الى أخرى وهو متميز جدا عند الشوايقة بصرف النظر عن اصولهم باختصار 7/8 عند الفولان معدوم تماما بعد أن قتلنا عنه بحثا منتهى البساطة ااما ان اليونانيين أخدوه من السودان فلو ده حقيقة فنحن نفاخر بذلك سؤال أخير لك يابشاشة "ألم يكن هناك غزوا اسلاميا للسودن؟؟؟ ومن تولى ذلك الغزو أهم الصينيون من شرق اسيا؟؟؟
Quote: أخونا حاتم إبراهيم بفتكر إنه الطريقه الوحيده لإظهار العِلم بالشئ هي تجهيل الغير وإستفزازهم، نفس مدرسة المرحوم حسن الترابي في الحوار، حتى إبتسامات الترابي إستبدلها حاتم بوشوش خضراء ضاحكه.
أخونا حافظ من الفيس بوك شكرا وأراك قد أتيت لنا "بالذئب من ذيله" وزي ما بقولو اولاد بمبة جاب الديب من ديلو
العزيز يوسب، لم يكن هناك غزو "اسلامي" للسودان اطلاقا!
كل ما كان هو غزو امبريالي عربي للسودان، بقيادة مرتد، مهدرة دماؤوه!
فكيف مرتد، يقود غزو "اسلامي"؟
قبلها كيف مطلق غزو للامنيين يكون "اسلامي" من اساسو يا عزيزي؟
ده فهم داعشي مشترك مابين الخواجات والعرب للاسف ولايشبهنا قط!
لاعلاقة للثقافة العربية والفرد العربي بي مفهوم التوحيد، اللي نشا كوشيا اي سودانيا قبل ما اول عربي يبرز كنطفة في رحم امو السودانية!
كل ماهناك انو العرب الساميين عندما قدمو الي ديارنا الكوشية في السعودية الحالية، كالعادة جونا بي اصنامم، ليفسدو عقيدة التوحيد المروية، مما اوجب نزول رسالة القرن السابع لتنقية عقيدتنا نحن وليس العرب الساميين!
كنتيجة العرب رفضو هذا الدين الوافد والغريب، وهذا طبيعي ومنطقي، مما دفع باتباعه الجدد من الساميين للجوء الي ارض كوش، ارض الثقافة اللتي انجبت هذه المفاهيم والقيم الروحية، اللتي استقبلتهم كالمعتاد كافضل ما يكون الاستقبال، مما يؤكد كيف رسالة القرن السابع لم تكن غريبة اطلاقا علي اهلنا مقارنة بامثال ابو جهل اللي اصرو علي دين اجدادم!
نعم اركان اسلام القرن السابع ال5 كانت متداولة وممارسة بين اهلنا كوشيي السعودية الحالية، باكثر من 1,000 سنة، من تاريخ بروز رسالة القرن السابع!
نعم اكرر قبل 1,000 سنة!!!
نعم سكان السعودية الحالية الاصليين، كاي بقعة اخري سكنها بشر في الكون ده، كانو كوشييين حصريا لحين من الدهر، وحدهم لاشريك لهم قط!!!
وعينا المستعبد الحالي لايستسيغ كلام كهذا اطلاقا، ولكن هذه حقائق التاريخ!
العندو القدرة ينقض كلامنا ده، بالمنطق بالعقل بالادلة فيا الف مرحب بيهو!
اذن وجود غزو امبريالي عربي استعبد السودانيين لايجعل من الشوايقة عرب اطلاقا!
الشوايقة ولا غيرم، كوشيين، نوبيين والسلام، وليسو بعرب!
الشايقي هو من انجب اول عربي وليس العكس!!
اتمني من كل قلبي يايوسب انو وعيك الذي لايختلف عن وعيي، بالمناسبة المستلب، يتحرر ويعود لاصلو الكوشي.
Quote: الموضوع الذي نحن بصدده واضح وضوح الشمس كلنا فتشنا الانترنت ده زنقة زنقة وشارع شارع وما لقينا الميزان 7/8 عند الفولان المسالة في منتهى البساطة +++ 7/8 ميزان للايقاع المشترك مع كثير من الحضارات ولكنه يختلف في التفاصيل من دولة الى أخرى +++ باختصار 7/8 عند الفولان معدوم تماما بعد أن قتلنا عنه بحثا منتهى البساطة
المسألة نسبية يا أخ يوسف
انت بتتكلم عن مناطق من العالم اليوتيوب مش أولوية بالنسبة ليها، فالمقارنة معدومة، إيقاع الدليب متوفر بس مش في الانترنت بنفس النسبة المتوفرة بيها الأعمال من شرق أوروبا أو آسيا الصغرى، فدا استعجال منك وافتراض خاطيء بأنو الانترنت فيها أي حاجة، ياخي انت شخصياً لولا كنت بتضع أعمالك بنفسك في اليوتيوب ما كان في زول سمع بيك برة الخرطوم دي، ولا كيف؟ +++ طيب ليه انت مصر تربط إيقاع الدليب باليونان تحديداً، بل بتخلط معاهو إسلام وعروبة وهلمجرات بدون أي مقدمات أكاديمية أو أسلوب بحث علمي واضح؟ هوى؟ +++ انت كدة بتقرر إنابة عني، فأنا المطلوب مني البحث مش انت، فمن الطبيعي نتيجة البحث عندك محسومة قبل ما يبدأ البحث ذاتو، فكيف عايز تقنع الناس إنك مهتم تجد الإيقاع في نفس الوقت الانت مصر على إنو معدوم؟ بل كاره لمبدأ وجوده من الأساس مع إنك بتقول منتشر ومشترك مع عدة حضارات، ولا الفولان عندك ما حضارة؟ فحتى لو وجدته حتتغافل عنو، وده شيء مضحك جداً إنك تقفز للنتائج العايزها وتقفل الباب، صبر مافي؟ بل مستعد تناقض نفسك مرة تقول 11/8 وترجع تاني تقول 9/8 وما عرفنا البشتنة دي لزوما شنو، بالرغم من قمة التخصص، دا كلو عشان ما داير تتلم على غرب أفريقيا يعني؟ ______ كلام النوتة دا مش انتهينا منو؟ مش قلت ليك فهمك مغلوط للموسيقى من الأساس
Post: #430 Title: Re: الدليــب اليوناني؟ سؤال لأستاذنا المبدع: Author: عبد الصمد محمد Date: 06-20-2016, 11:05 PM Parent: #429
ولله يا حاتم أنا أعتذر عن كل الكلام الكتبته عنك في البوست دا لقد خيب الفنان الموصلي ظني المرة بعد الأخرى
Quote: ولله يا حاتم أنا أعتذر عن كل الكلام الكتبته عنك في البوست دا لقد خيب الفنان الموصلي ظني المرة بعد الأخرى
موصلي مسكين مغرر به
شوف العنوان وحتعرف العبارة الجابتو شنو.
العتب على أسامة الداير يبقى يوناني ومحتاج لمواصلات، هو زاغ وين صحي ترك صاحبو وقت الحارة؟ ____ كان في إمكانك يا أسامة تعرض شهادة الفحص الوراثي (البطيخة) وترتاح بدل تبهدل الراجل
يا صاحبي أمنا لزيارة أمنا أثينا المؤمنة بيانِّي الله قم نحدا ونزعم لها نبذل كل وسعنا لا نخش الحاتم والبوست والبنانا والعناء زوِّر فيها كلامك مع إبليسك اتعاونا ولهوى الأمارة بالغرض أذعنا أفريقيا الذاخرة بالشر دوسا وألعنا *** ثنيت بالأوصلنا ولي نفوسنا طمنا يوسف رسولنا في البوست أمنا وبه نتمنى لأوروبا يضمنا في أثينا الخير باليونان يعمنا *** ونزور ناس ياني نبلغ كل المنى نعيش في أكرويالي وكالاماتا والسوسنا وبه نتأمنا بدليباً يلمنا ونسيب ناس حاتم في خبوب مطينا *** ندعوك بالسبعة والنوتات السبعة وإيقاعنا الفردي بالتمانية وسبعة وغنانا الشرقي بسلالمو السبعة نسلم من خمسة ونحشر مع سبعة
Quote: قالوا سوداني ابن عم مؤسس اليونان كون فصيل بر ا هو وقام بتأسيس ايرلندا
عزيزي القارئ،
كما متوقع ديمة، اعلاه اخانا عثمان موسي بيسخر "بقرق" في كلام قدماء الاغريق عن كيف من اسس اثينا كان سوداني!!!
اكرر ده كلام قدماء اليونان يا جماعة، او مو كلام المسطول بشاشا، ياخلق!
هناك سفر بحالو من ثلاث مجلدات، من واحد "ود بيضة" او يهودي كمان، مش كالمعتاد واحد من "ذنوجة" افريقيا، بخصوص هذا الموضوع، رجا امريكا كلها في الثمانينات والي اليوم!!
في كلام كتير جدا، جدا، عن تاريخ هذا السودان العجيب، ما بنقربو زاتو!
انا مخصوص بصطاد بعض الافراد في اللمات، او برمي ليهم جملة جملتين زي ديل، عشان فقط استمتع حد الاغماءة، بي ردود افعالم المدهشة بحق!
من ذلك، كيف الواحد فيهم عيونو "بتزغلل" عديل كده، وهو مكتفي بالصمت، وابتسامة الترابي اياها المشهورة!
نعم العين اليمين، بتمشي يمين، والشمال بتزحف شمال، لمن تلقي اخونا "حوص" من فرط عدم تصديقو لي ترهات بشاشا هذه!
او لانو كلو زوق، مابحب يقول حاجة، او يضحك بي صوت عالي، رحمة بالمكشكش بشاشا هذا، او كلام الطير بتاعو ده!!!
أهلا بصديقنا بشاشة*آسف لتأخير الرد، وسأعود إليك في فرصة ماهلة كان الله هوَّن.سؤال للموصلي:لماذا نستبعد فرضية أن يكون إيقاع الدليب أي 8\7 ،هو ابن البيئة المحلية ،وهي التي انتجته.وبالتالي تنتفي فرضية البحث عن مصدره "الخارجي"؟؟؟؟؟مع خالص التقدير.___________ي
Quote: لماذا نستبعد فرضية أن يكون إيقاع الدليب أي 8\7 ،هو ابن البيئة المحلية ،وهي التي انتجته.وبالتالي تنتفي فرضية البحث عن مصدره "الخارجي"؟؟؟؟؟مع خالص التقدير.
ياتو بيئة محلية اليونانية ولا البلغارية ولا التشيكية ولا البوسنية ولا الروسية ولا الرومانية ولا السودانية ألخ ألخ
Quote: سؤال للموصلي: لماذا نستبعد فرضية أن يكون إيقاع الدليب أي 8\7 ، هو ابن البيئة المحلية ، وهي التي انتجته. وبالتالي تنتفي فرضية البحث عن مصدره "الخارجي"؟؟؟؟؟
ما قلت ليكم
أهو ملصو في الصقيعة ههههه هيااا أسامة مش انت الجهزت المسرح والحبكة وجبتو عشان يوقع ويتخارج؟ ما هي البيئة المحلية دي نتاج أفريقيا كلها يا أسامة، شرقها وغربها وجنوبها وشمالها. ____ هاردلك يا "موصليّ" ضيعوك ودروك و hard rock
اعلاه سؤال العزيز اسامة، للعزيز يوسف، بخصوص الدليب!
ايوا، كل شئ في حياتنا كسودانيين، بما فيهو الدليب، جاي من مكان ما، خارج السودان، بل والقارة باسرها!!
نعم حتي السودانيين عن بكرة امهم، بلاش ابيهم، جايين من برا السودان!
ياخي حتي اهلنا الدينكا، بعضهم يدعي انهم جو، من اسيا!!
وقع ليك حكاية اسيا دي، بلد العباس؟
اما ناس بريمة ادم ومحمد النور كبر، اي ذنوجة جنوب كردفان، فقالو جونا من اوربا عديل كده، عن طريق الاندلس!!!
ياخي اهلنا في شرق افريقيا قالو هم "فرس" اي ايرانيين عديل كده!
اها لما Henry Louis Gates فردة الرئيس اوباما وزميلو في هارفرد، لما سال اخونا بتاع كينيا، هل في افارقة في حلتكم، قال ليهو "بسيطين"!!!
غرضي اوضح طريقة تفكير صاحبي يوسب، الذي لايختلف اطلاقا كقاعدة عن طريقة تفكير سودانيي اليوم، وبقية اهلهم افارقة اليوم، الجاكين من اصلهم، حسب تصور، وتصوير غزاتنا ومستعبدينا العرب، ثم الخواجات، للانسان الاسود!!
نعم وبما اننا نري انفسنا والوجود بعيون مستعبدينا وغزاتنا، فطبيعي ان يكره بريمة ادم حد الموت، ذاك الذي يتراي له في المرآة، لما يقوم دغشا صباح، او قبل النوم!!
العجاجة الهنا دي كلها، سببا الاساسي كلام صاحبي حاتم عن اصل "غرب افريقي" للدليب!!!
لذا، فالاصل الخواجاتي "الا بيض" للدليب، او الاصل العربي "الحر"، مريح جدا جدا، لي تركيبتنا النفسية، الحالية!
ياخي لو الموضوع "غنا" اي فن، فهو "ذنجي" لامحالة كقاعدة، وفقا للعربي والخواجة، بل حتي الجلابي من امثال بشاشا!
اي مرجعية الاحتلال الثنائي، اللتي صممت طريقة تفكيرنا، الحالية!
ده بعض السبب البخلي زي كلام الطير بتاعي ده عن اصل سوداني للحضارة بعامة، والحضارة الشمالية بخاصة، كلام يستدعي الضحك!
نعم ده السبب كيف احنا الي الان بندرس اطفالنا، كيف الخواجات هم الاسسو مايسمي بالحضارة "النوبية"!
نعم بنقبل بي كلام عجيب كهذا، او كمان بكل اريحية، يا للنكتة بحق!
Quote: ولو كان نتاج البيئة السودانية، طيب ليه ما انتشر إلى بقية بقاع السودان وانحصر في بقعة ضيقة المساحة؟؟
سلام يا اسامة،
منطقك اعلاه غريب شوية!
لو المردوم ما انتشر في سواكن مثلا، فهل ده معناهو انو المردوم ما من بيئة سودانية، وبالتالي وافد؟
طبيعي كل منطقة جغرافية داخل السودان تمتاز بي لون بعينه من الفن، وقد يعم هذا اللون الوطن كلو، وقد لايخرج عن نطاقو المحلي.
الغريب شنو في انو "الجالوا" مثلا ولا الكمبلا، يكون محصور في رقعة بعينها ولايعم الوطن؟
ياعزيزي تفكيرك لايختلف عن طريقة تفكير يوسف في الحتة دي، رغم انك بتحاول تنزل من دفار يوسب او تديهو الطرادة علي عجل!!
انتو الاتنين بترجحو مصدر اجنبي للدليب!
نعم حاسوب دماغنا الحالي مبرمج علي الاسناد الاجنبي لكل شئ في حياتنا، by default، بحكم مركب النقص المحفور في دواخلنا، كما الاخدود!!
وجود هذا الايقاع خارج السودان، استخدمتوهو كمبرر والسلام، لتمرير تصور مسبق للاسف، منحوت نحت في دواخلنا!
حتي بعد ما اوضحنا كيف اليونان ذات نفسها، دعك من الدليب، اسسها سودانيين طبقا لقدماء اليونان انفسم، مش قدماء السودانيين، ياعزيزي انتا لسة ماواقع ليك كونو الدليب ايقاع سوداني، وليس باجنبي!
Quote: غرضي اوضح طريقة تفكير صاحبي يوسب، الذي لايختلف اطلاقا كقاعدة عن طريقة تفكير سودانيي اليوم، وبقية اهلهم افارقة اليوم، الجاكين من اصلهم، حسب تصور، وتصوير غزاتنا ومستعبدينا العرب، ثم الخواجات، للانسان الاسود!! نعم وبما اننا نري انفسنا والوجود بعيون مستعبدينا وغزاتنا، فطبيعي ان يكره بريمة ادم حد الموت، ذاك الذي يتراي له في المرآة، لما يقوم دغشا صباح، او قبل النوم!! العجاجة الهنا دي كلها، سببا الاساسي كلام صاحبي حاتم عن اصل "غرب افريقي" للدليب!!! لذا، فالاصل الخواجاتي "الا بيض" للدليب، او الاصل العربي "الحر"، مريح جدا جدا، لي تركيبتنا النفسية، الحالية! ياخي لو الموضوع "غنا" اي فن، فهو "ذنجي" لامحالة كقاعدة، وفقا للعربي والخواجة، بل حتي الجلابي من امثال بشاشا! ]
يا صديقي العزيز بشاشة المسالة لافيها ابيض لا اسود ولا بني القصة كلها انو السيد حاتم بناء على كلامي القلتو انو ايقاع الدليب وفق كلام البروفيسور بتاع التاليف اليوناني الذي درسني بجامعة ايوا وكان استاذا زائرا كان قد وجدني وضعت له عمل موسيقي كواجب في التأليف على إيقاع الدليب 7/8 ميزانه ولما نفذته الاوركسترا سالني من أين أتيتم بهذا الضرب الايقاعي فقلت له انه تراثنا فقال لا انه تراث يوناني منذ أكثر من ألفي سنة وقال لي هات مايثبت انه من تراثكم فقلت له هات لنا مايثبت أنه من تراثكم فاحضر كل منا تسجيل شعبي لهذا الضرب الايقاعي الذي نسميه نحن بالدليب ةضحكنا كلنا عجبا من هذا العالم الضيق ده تلخيص اما حاتم فهو مصر انو موجود أصلا عند الفولان وعندما طالبناه بان ياتي بدليل موسيقي عملي مشى جاب حاجة على الضرب الايقاعي 9/8 اظن الارقام بتوضح ليك الفرق ولكنه ركب راسه وأصر أنه 7/8 وتحول النقاش الذي يفترض انه علمي جاد الى حوار طرشان انا واسامة قتلنا النت بحثا لايجاد ما يثبت وجهة نظر حاتم فلم نجد هسع فيك الخير أمشي فتش معاهو وألقى لينا هذا الضرب الايقاعي عند الفولان وسنعدك هنا باعتذار مطول ولحات ممهور بندم لارجعة فيه يلا شدو حليكم
Quote: هذا الايقاع اصوله ليست في السودان فهو مشهور لدي قبيله الشايقيه والشايقيه من روافد الاصول العربيه بعد دخول الاسلام وقياسا فان هذا ليس بزمن بعيد وحيث آن الاسلام جاء من الجزيره العربيه انها اصلا ايقاعيا متاثره بما جلبته الامبراطوريات التي غزت تلك المنطقه مرارا +++ سالني من أين أتيتم بهذا الضرب الايقاعي فقلت له انه تراثنا +++ اما حاتم فهو مصر انو موجود أصلا عند الفولان
أخيراً بقى "تراثنا" من بدري أنا نبهتك عشان ما تصل للنهاية المحزنة دي
دلوقت بكل بساطة بتتخلى عن كلامك بتاع (أصوله ليست في السودان). ما كان من الأول.
شوف يا يوسف، حاتم ما دخل البوست دا إلا عشان يصحح الاتجاهات والهيعة بتاعت "نحنا خواجات"، فلا أنا ابتدرت الأصل الأوروبي ولا أن الشربكت الإيقاع مع الإسلام والعروبة، فما تعملني أساس الموضوع، انتو كنتو ماشين على اليونان بغض النظر عن مداخلاتي، حاتم قعدكم في السودان وناوي يوصلكم غرب أفريقيا، مسألة الدليب أصله من غرب أفريقيا ما بالصعوبة البتتمناها، طالما انفكينا من شبكة أوروبا.
يلا بعد دا وضعك الأكاديمي يحتم عليك تعتذر عن وجهة نظرك الفوق دي (بتاعة الإسلام والعروبة والإمبراطوريات) طالما اقتنعت إنو الدليب تراث، الاعتذار مش لي أنا أو لبشاشا، الاعتذار للناس الاعتمدت على نظرتك العاطفية المخالفة للوقائع المنطقية، بخلاف ذلك شربكتك للموضوع في حاتم ما بتحلك من التزامك الأول. _________ هللويا!
يا ابني خلاص داير تبدا ساقية جحا تاني أمشي جيب 7/8بتاع الفولان ولي يوم القيامة ما حتجيبو انا جيت راجع عشان بشاشة ده راجل صاحبي انت حقو تشتغل أكتر بالبستفة الحاصلة تحت في الفيس بوك
Quote: يا ابني خلاص داير تبدا ساقية جحا تاني أمشي جيب 7/8بتاع الفولان ولي يوم القيامة ما حتجيبو انا جيت راجع عشان بشاشة ده راجل صاحبي انت حقو تشتغل أكتر بالبستفة الحاصلة تحت في الفيس بوك
ساقية شنو يا أخوي، أسامة ورطك داير تندرع فيني أنا
كلامك صحيح، ليوم القيامة ما حتعترف بأي دليب يجي من هناك، حتى الجبتو أنا بقدرة قادر مرة بقى 11/8 ومرة بقى 9/8 ، مصداقية مافي؟
بعدين أعصابك بستفة شنو يا "موسيقار"؟ من أول صفحة أنا شغال بيها ونبهتك مرتين لنصيبك من الأسئلة التحت وعملت ما شايف كالعادة.
أما الساموراي الاتنين حافظ وعاطف ديل عندهم مواجع أنا عارفها، هم في مرحلة مبكرة من الانت فيهو دلوقتي دا، لو واحد فيهم كتب في الموضوع بتاع "الدليب اليوناني" أو "الدليب العربي الإسلامي" حسب رؤيتك البعيدة كنت أديتوا اعتبار، لكن جايين بمواجع من بوستات تانية، واحد ما عندو موضوع والتاني مغبون من كفيلو بيجي يعوي هنا.
بعدين حمد لله على السلامة يادوب انتبهت إنو في ناس بتكتب تحت؟ في ناس وجهوا ليك أسئلة تحت من السنة الفاتت، هاك رد على دا
Quote: الكلمة المفتاحية في هذا السؤال هي كلمة "نحب" والإجابة عليه ليس من إختصاص الموسيقيين، بقدر ما يخص ناس علم الإجتماعي وعلم النفس الإجتماعي، لذلك جاءت اجابة الموصلي وصحبه الأثيوبي غير منطقي ومجافي للحقيقة. "أصواتهم جبلية، وأصواتنا صحراوية". أولاً: الأصوات الأثيوبية تشمل ضمنياً اريتيريا، واذا نظرنا إلى مجمل المساحات الجبلية في كلا البلدين، قد تقل عن المساحات الصحراوية. ثانياً: كيف يتخزل الموصلي الأصوات الغنائية السودانية في الأصوات الصحراوية (منحنى النيل)؟ وهو سيد العارفين أن التم تم والسيرة على سبيل المثال أكثر إنتشاراً في السودان واثيوبيا من الدليب؟ ثالثاً: هل يستثني الموصلي ناس جبال النوبة والأنقسنا وجبل مره من الإعجاب بالأصوات الأثيوبية؟ ومن ناحية اخرى كيف إنتقل إيقاع الدليب في الجزيرة العربية إلى قبيلة الشايقية وحدها، دون غيرها؟
Quote: لا أدرى هل غاب عن الذهن باننا نطبق نظام تحليلى لنظام موسيقى لحنى ايقاعى مختلف عن النظام المعمول عند تحليل الموسيقى التقليدية؟
نشوف راسك دا ذاتو فيهو شنو غير (هارموني، كاونتربوينت، استرافنسكي) واخد بالك؟ دا حيرجعنا للأصوات الجبلية والصحراوية الشردت منها ديك. _____ أها اشتغلت ليك بالبستفة التحت!
حاتم انت راسك مافيهو غير الغلاط ارحم القراء الكرام والدنيا رمضان .
Post: #447 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 06-25-2016, 07:12 AM Parent: #1
Quote: ثانياً: كيف يتخزل الموصلي الأصوات الغنائية السودانية في الأصوات الصحراوية (منحنى النيل)؟ وهو سيد العارفين أن التم تم والسيرة على سبيل المثال أكثر إنتشاراً في السودان واثيوبيا من الدليب؟
يبدو لي في خلط بسيط هنا
"الصوت" البيقصدو موصلي هو الغناء أو الفويس بمصطلحات الموسيقى وبنحو أدق طبيعة الصوت (timber) والتأثير النفسي البيميزو عن غيره وهو فعلاً لم يترك فرصة لجغرافيا أخرى غير الصحراء، بس ما اعتقد أنو اخطأ لأنو مافي تعريف لمصطلح (صوت صحراوي) فحتى لو قال (صوت سافناوي) أو (صوت استوائي) ما بكون حدد نوع معين، يعني بندق في بحر.
التمتم والسيرة والدليب دي إيقاعات، علاقة لصوت الآلة بالزمن أو طبيعة تكرار الضرب في الزمن ونمطه، اعتقد ما ليها علاقة بالصوت الغنائي حسب السؤال.
Quote: لم يتم ذكر افريقيا في المقطع أعلاه، وهذا يخالف ما قال به الاستاذ حاتم ابراهيم، وفي المقابل، يؤكد تحليل الاستاذ الموصلي حول أن ذلك الإيقاع أتى إلى السودان من الشرق الأوسط.
Quote: المسألة في غاية البساطة وفي غاية التعقيد أيضاً :
"ماهية الدليب"؟؟؟
انت العربية وقت نزلت منها ما تبطلا
عليك الله يا أسامة بعد ما بسملت وسميتو "الدليب اليوناني" وجيت أكدت "حسب تحليل الموسيقار" إنو من الشرق الأوسط تاني لزوما شنو تحديد هويتو وماهيتو؟
ما بتعرفوا تركزو على كلامكم كلو كلو؟ ____ لكن موسيقارك طلع ما عندو صبر على "تحليلو"
Quote: هي نفس ثيمة الأغاني التراثية العندنا من النوع البيؤديه كابلي وأغاني الحماسة في شمال السودان تحديداً
Quote: Catastrophic failure indicating a lack of knowledge about the music I feel sorry for the readers and for you. My apology I tried hard to be nice..
كدي يا يوسف ورينا عليك الله المشكلة شنو في كلامي دا
بناء على قدراتك التحليلية وعلمك، في شنو غلط خلاك تكتب الإنجليزي الكتير دا؟ ____ الكارثة وين؟
Quote: ده غير انو الدليب ده ياجماعة حق البديرية "الغرابة" تحديدا، وليس الشوايقة الخواجات،
يا خلق، اذا لابد من هكذا خطاب بائس مؤلم ومتخلف!
ومارأيك في الرأي القائل بدون دليل واحد،
ان الدليب أتى من غرب افريقيا؟؟
والله ما فارقة معاك المكاورة دي؟؟؟
المهم انو من افريقيا ،
عشان تؤكِّد أكثر "مركزيتك الافريقية" هههههه
وأحيلك بمناسبة "المركزية الافريقية" إلى شيخك "انتا ديوب" :
ثم يواصل ديوب حديثه عن مزاعم البيض مركزِّاً على تهافت نظرياتهم واستنباطاتهم حول "البيض ذوي البشرة السوداء"،
قائلاً:
ما أريد قوله من اقتباس "ديوب"، هو ألا نلجأ للتصديق المسبق بدون أدلة دامغة ثابتة الصحة و عالية المصداقية.
بعد دا حأجيك، لاختلاف "جماعة الدليب الثقافية" معك، حول أن "البديرية" هم أصل "الدليب". تقول جماعة الدليب الثقافية عن "أصل الدليب" انه من منطقة مروي ومرتبط ب"الشايقية"،
ثم انتقل بعدها إلى بقية القبائل المجاورة مثل "البديرية" التي زعمت سيدي أنها "أصل الدليب":
ومن هنا نرى ضرورة التحقق من المعلومة مثلما يؤكد على ذلك شيخنا "انتا ديوب".
طيب حتى لو ثبت انه أتى من غرب افريقيا، فما هي الشروط التي انتقل فيها إلى منطقته الحالية في السودان؟
وهذا يطرح على الموصلي إثبات أنه في التاريخ الذي انتقل فيه ،إيقاع 8\7 من "الخارج" إلى منطقته الحالية في السودان،
لم يكن هنالك "دليب سوداني" أي إيقاع 8\7 محلي.
والمعروف أن إيقاع 8\7 في اليونان ، موجود منذ زمن المؤرخ هوميروس، وقد ذكره كما سنرى ذلك لاحقا حين نتحدث عن "الدليب " البلقاني.
والله ماقادر افهم، ياخي دعك من تعقيد، او كمان غاية في التعقيد:
ليه من اساسو يكون هناك سؤال عن اصل حاجة موجودة في السودان؟
ليه؟
قبل الاجابة عليك الله، خت بالك كيف كل شئ في حياتنا كقاعدة جايي من برة، بما فيهم السودانيين انفسم!
اذن سؤالك ده اتي ضمن السياق العام بتاع كيف كل شئ في حياتنا وافد واجنبي، بما فيه الدليب والسودانيين ذات انفسم!!
طبعا يا اسامة الملاحظة دي فاتت عليك!
هل ده صدفة؟
قطعا مافي حاجة اصلا اسمها صدفة!
اذن بي بساطة شديدة، او من دون اي تعقيد، وكقاعدة، اي شئ في السودان، فهو من تراب هذا السودان فل استوب!
من الجانب الاخر بالنسبة لي غرب افريقيا والسودان حاجة واحدة!
واذا لابد، فغرب افريقيا، شرق افريقيا، شمال افريقيا، جنوب افريقيا، كقاعدة، اصلو من السودان!!
مفردة افريقيا ذات نفسها اي Africa سودانية تحديدا، بي منطوق لغة اهلي في دنقلا!
اذن خلينا نركز علي الغابة ككل، وندع الاشجار جانبا!
الغابة المقصودة هو التصور المسبق الخاطئ، كيف كل شئ في السودان جايي من برة، لدرجة، جمهورية السودان زاتا، معلنة كدولة عربية اجنبية عديل كده، تقتل وتبيد غير العرب!
ياخي حتي اسم "سودان" زاتو وافد واجنبي!!
لايمكن اليوناني كقاعدة يفكر ولو لثانية انو ايا من جوانب ارثو الثقافي يكون جاي من مكان اخر!
اتمني تنتبه للخلل ده في طريقة تفكيرنا الحالية كسودانيين!
اما الفيديو، فهو كلام خواجات عن افريقيا يا اسامة!!
أصل الإنسان من أفريقيا لو لونه أصفر أو أبيض يعني العالم نبع من هنا من افرقيا وتحديداً منطقة السودان الحالي والدول الحوله، وبدأ أنتاج البشرية كلها، ولذلك في نهاية المطاف هتلر أصله أفريقي، وبرضه جور بوش وانشتاين واوباماوالبشير وبشاشا. لذلك فأصول الايقاعات والموسيقى ومعظم الفنون والإبداع هو أصول أفريقية
الموضوع دا اصبح محسوم في كل الدوائر العلمية والاكاديمية والثقافية الافريقية او الاوروبية او الاسيوية.
يبدو أن المكان الوحيد الذي ما زال يعشق غلاط هلال مريخ ويتعامل مع الحوار بي (هزمتك وهزمتني وغلبتك وزرزرتك)
هو سودانيزاونلاين.
والتى في الآونة الأخيرة أصبحت بالنسبة لي أفضل موقع كوميدي على الإطلاق).
طبعاً أحوكم ذاتو من المساهمين في وضعية الغلاط الهلالمريخيىة دي والما بتنتج أي معرفة
والله أنا بعتذر عن كل الحوارات الدائرية الخضتها هنا
وأهو نفتح مرة مرة نضحك ونمشي نشوف أشغالنا ورمضانكم كريم
Quote: ما أريد قوله من اقتباس "ديوب"، هو ألا نلجأ للتصديق المسبق بدون أدلة دامغة ثابتة الصحة و عالية المصداقية.
عزيزي القارئ، اتمني من قلبي تكون انتبهبت لي خطاب صاحبي اسامة عن التصديق المسبق، بدون ادلة، وماشابه!!
مافاهم، كيف وعلي اي اساس تطالبني اثبت الانا من فتحتا او قمت جيت لقيتو قدامي كسوداني، انو حقي؟
اي منطق هذا؟
فقط يا اسامة، كيف الدليب ده، صادف او كان لدي اليونانيين، طوالي توش كده او من دون مقدمات، اصبح اصلو مامعروف زاتو؟
ده كلا م وين؟
هل اليوناني لما يعرف الدليب ده موجود في السودان ايضا، زيك كده طوالي حيسووي اصل الدليب بتاعو مامعروف، تصديق مسبق، ادلة دامغة وماشابه؟
ماقدامك كرد فعل اليوناني الجايو الموصلي، لم يتردد في القول انو الدليب بتاعم ده، حقهم، اليونانيين، وهذا طبيعي ومنطقي!
يعني كيف يا اسامة، يوم قمتا من النوم في واشنطون، او لقيت ليكي خواجة من العاشو في السودان حايم بالعراقي، السروال، والطاقية الحمرا، يسووي "ترمس كبكبي"، فطوالي العراقي والسروال اصبح اصلو مامعروف في نظرك؟
اها او لو قتا ليك لا ده لببسنا احنا في السودان، حتقول لي ده تصديق مسبق بدون ادلة وماشابه؟
اليس هذا عجيب؟
طبعا بي منطقك، ده الاصل، من حيث طريقة تفكيرنا، كيف جدنا العباس، الجا السودان من ارض الحرمين، او كده!
اذن التصديق المسبق بدون ادلة، هو تشكيك هذا، اللي ما مبني علي اي شئ، علي الاطلاق.
اذن قدم حاجة او ارضية، تبني عليها راكوبة شكك ده يا عزيزي!
والا كيف تشكك في شئ ماسكنو مسك ايد، شايفنو بي عيونا من فتحنا؟
فقط عشان ذات الضرب من الابداع وجد في اليونان؟
طيب قنا ليك الاسس حاجة اسمها اليونان، كان سوداني جذورو من ذات ديار الشايقية بي لغوة اليوم!
عندك في المقابل ما يثبت انو في واحد يوناني هو الوضع اساس ما يعرف بالسودان اليوم كمثال؟
Quote: الأسس العالم هو أفريقي من خلال الهجرة التمت من أفريقيا وعمّرت العالم كله
وبالتالي اليوناني دا جده أفريقي والأوروبي جده أفريقي، واللآسيوي جده أفريقي
الموضوع دا اتحسم خلاص. أصل الإنسان هو أفريقيا فلستوب، الباقي دا أسماء سميتومها إنتو ديل براكم
والله يا الصادق دي معلومة تفرح جدا يلا ورونا الافريقي الأسس العالم اسمو منو ومتين أسس العالم وعلاقتو بي الله شنو والتأسيس ده مراحلو كانت كيف لان العالم ده كبير خلاس
Quote: يلا ورونا الافريقي الأسس العالم اسمو منو ومتين أسس العالم
سلام يايوسب،
طيب البني ادم مرا بي 6 اطوار ليصل اخر المطاف لما يعرف الان بالانسان الحديث. طبقا لبعض التقديرات ده اخد ملاييين السنيين!
كنموذج خد عندك حبوبتنا "لوسي" اللي وجدت في اثيوبيا اليوم اللي عمرها كان اكثر من 3,000,000 سنة!
اها لحدي الثمانينات، الخواجات وبناءا علي هياكل مزورة ومنجورة نجر، قالو الmodern man او الانسان الحديث الذي صنع الحضارة علي سطح الارض، كان "ود بيضة" تحديدا، اما الذنوج الذينا احفاد القردة والخنازير، فلم يسهم بي شئ لانو تطورو وقف عند حد بروز الانسان الحديث اي الانسان الابيض، اي الاري!
اها وباختصار شديد الان ثبت العكس تماما بفضل نضال المدرسة السودانية اي الافريقية بزعامة شيخنا انتا دياب:
الانسان الحديث او الmodern man، "خت بالك من مصطلح man المحشور هنا ده"، وياللمفاجاة اتضح انو كانت امراة افريقية تحديدا اي انثي وليس برجل!
وهذا يعو الي 150,000 سنة مضو!
نعم ده التاريخ الظهرت فيهو هذه المراة!
هذه المراة ودورها اوضح بما لايقارن في تاريخ حضارة كوش اللي قلبو السودان المروي الحالي!
نعم هذه المراة هي من انجزت اول مجتمع بشري منظم.
الذكر حينها كان عايش parasite اي عالة علي نوع النساء، وبالتالي كان وضعو اشبه بي وضع النساء اليوم في السعودية واسوأ، لانو كان بيوؤد حيا، بعد ما يقوم بي دور الاخصاب للا نثي!!
بعض الحشرات تمارس هذه العادة الي اليوم!!!
اها الانسان الحديث ده عاش بطول وعرض اكثر من 100,000 سنة، وحده لاشريك له في كل رقاع الكرة الارضية اللتي وجد فيها بشر!
نعم البشر كلو ينتمي الي جنس واحد احد.
مفهوم تعدد الاجناس ده مفهوم عنصري اري، شمالي، لاوجود له في مرجعية ثقافتنا الكوشية اي السودانية!
كل اللي حصل انو ذات الانسان الكوشي ده، غير من ملامحو حتي يتواءم مع واقع البيئة اللي هو لقا روحو فيها لما خرج من افريقيا وتحديدا وادي النيل.
ده السبب سكان اوربا، اسيا، استراليا، امريكا، الاصليين كانو سود او كوشيين او افارقة.
علي التعتر ليه الانسان الاسود ده لما وصل جنوب اوربا، لقي العصر الجليدي اجتاح المنطقة دي، وكنتيجة مباشرة مع مرور الزمن غير لون جلدو وتخلص من مادة الMelanin اي المادة المسؤولة من سواد بشرتنا، البتحمينا من اشعة الشمس الحارقة، حتي يتاقلم مع واقع الجليد الجديد!
بذات القدر طال شعرو كضروة لحمايتو، وطال انفو لذات السبب وهكذا، واصبح ود بيضا اي خواجة!
نعم نفس البني ادم، ملامحو اتغيرت وكذلك اسلوب حياتو، وبالتالي ثقافتو اتغيرت!
Quote: وعلاقتو بي الله شنو والتأسيس ده مراحلو كانت كيف لان العالم ده كبير خلاس
نواصل مع الصديق يوسب،
اها، عملية الخلق، من منظور روحي ولا اقول "ديني"بالصيغة المطروحة في اسلام الثقافة العربية، فاعلم ان هذا الطرح، بتاع ادم او حوا، مجرد مقاربة لي اصل سوداني اي كوشي، لدرجة حتي مفردة آدم من "أدم" الواردة في لسان اهلك في دنقلا، وايضا حوا اي "هيوا" بالهيروغلوفية، اعلم انها لغة، مفردات سودانية صرفة، وليست بعربية كما نتوهم دوما، شغل اسقاط.
اصل القصة ماخوذة من قصة Ausar اي اوزريس بالاغريقية وAuset اي ايزيس بالاغريقية، اللي بترجع لاكثر من 6,000 سنة، وهذا التاريخ يشير للوثيقة الوجدت فيها القضة، وليس القصة ذات نفسها او بدايتا الضاربة في القدم!
الملاحظة الاولي انو مافي اجناس في قصة Auset and Ausar عكس قصة نوح، الفيضان، او مركبو، الماخوذة من واحدة من اهراماتنا كالعادة، اللي اسست لبروز الاجناس، وبالذات جدنا حام، الملعون في الاديان الارية جميعها بما فيها اسلام الثقافة العربية، طبقا لمفسري اسلام هذه الثقافة!
ماتنسي نوح وبما انو سامي فتاريخ ميلادو لايتعدي ال5,000 سنة من تاريخ اليوم!!!
نعم عمرو 5,000 سنة، ولكنو مقدم كوالد لي حام اللي عمرو يمتد لاكثر من 150,000 سنة!!!
في مرجعيتنا Auset هي شقيقة Ausar وزوجتو في نفس الوكت، اي مساوية ليهو تماما، عكس تصور الثقافة السامية لي حوا "الملعونة"، المخلوقة من ضلع ادم!!
كوننا الي اليوم كقاعدة بنتزوج من اقاربنا بالدم، ده ماصدفة اطلاقا، وده لعب دور اساسي ومحوري في تركيبتنا الاجتماعية، والعلاقة الوطيدة جدا مابينا كسودانيين، اللتي لاتشبه علاقات اي مجموعة بشرية اخري!
هذا الجانب مافي سوداني وقف عندو، مع انواساسي ومحوري في كل ما اتصل بي ارثنا الثقافي وحياتنا كافراد عبر عشرات الاف السنيين!
زواج الاخت هو ابلغ دليل كيف البدايات الاولي للمجتمع البشري كانت عندنا!
Quote: وبعدين ممكن نواصل أو نفتح بوست عن "المركزية الافريقية"
قرقرقرقر!
عزيزي القارئ،
واخد بالك؟
صديقنا الخواض بدأ يتضجر مما اسماه "مركزية افريقية"!!
نعم، موضوع البوست تساؤول من الخواض عن اصل الدليب، اللي في تصورو غير المعلن طبعا، يوناني، واذا ده حاصل فلابد، ولامفر من تناول قضية مرجعية كل منا!!
اذن لو السؤال عن الاصل، فالاجابة علي هذا السؤال تلقائيا وعلي نحو آلي ميكينكي ستنطلق من مرجعية "مركزية" محددة للسائل والمجيب، بغض النظر عن وعيو بهذا ام لا!
اذن ياعزيزي ما اسميتو "مركزية افريقية" شغل ضيق وتافف، ما سفة مصرورة في حقة صعوط، محشورة في كراب عنقريب، تحت البرش، اتقطع نزل، تاخدا وكت اللزوم، اي لما تخرم، وانما ده ياهو الهوا البتتنفسو علي قول ترباس ياعزيزي!!
عارف يا اسامة، انا بعدي يومي خنق كاي جعلي، مع الخواجات في الاسافير، ويا سبحانك، او باستمرار هم بعبرو عن ذات اشمئزازك او ضجرك من المركزية الافريقية، لما يردو علي، وهم كالعادة ينطلقون طبعا في هذا، زيك كده بالضبط من مركزية اوربية، ولكن من دون مايحسو بايا من هذا اطلاقا، مع الفارق طبعا حيث هم اوربيين، وانت ذنجي يتنفس المركزية الاوربية كما الهواء!!
اذن باختصار شديد، اي حرف او شولة، تصدر من ايا منا حول اصل الدليب، اعلم انو مصدرو مرجعية بعينها، اي مركزية بعينها، بغض النظر عن وعيك، ام وعيي بهذا، ام لا!
فمافاهم كيف بتقول لي ابعد المركزية السودانية اي الافريقية بي منطوق فهمك، غادي؟
احنا ماعندنا ثنائية عرب في مواجهة افارقة، كما هو عندك يا اسامة، كحوار مركزية اوربية، لما نتحدث عن السودان والسودانيين، اي الBlacks!
اي سوداني ينطلق من مرجعية "عربة" في مقابل "زرقة"، في نظرتو للسودانيين، اعلم انو مستلب احتلال ثنائي وليس الا!
كلنا جنس سوداني واحد احد، وثقافة سودانية اي سوداء، واحدة، من بداية الدنيا والي نهايتا!
مدار نقاشنا هنا في هذا البوست هو أصل "الدليب "السوداني أي إيقاع 8\7 ، هل جاء من خارج البيئة المحلية أم أنه نتاج لتأثير ثقافي خارجي؟
ومهما تكن الإجابة، فهذا يحيلنا إلى حقيقة أن الإيقاع الموسيقي ينشأ ويذبل وقد يتطور وقد يدركه هادم اللذات والمسرات أي الموت، تماماً مثل دورة الحياة الإنسان في بعض وجوهها.
فالموسيقى هي نتاج مجتمعها وبيئتها.
يقول أحد الباحثين في مقاله في مجلة نزوى في مقاله "جماليات الصوت والتعبير الموسيقي" ،
أن الموسيقى ليست شكلا خالصا فقط، ولكن تنوع أشكالها يتأتى من "الوظيفة " الاجتماعية التي تؤديها:
Quote: وتنوُّع الموسيقى لا يرجع فقط إلى تعدُّد أشكالها البنائية، وإنما أيضاً إلى تنوُّع أغراضها:فليست كل موسيقى مدفعوعة بأغراض الجمال التشكيلي الخالص، بل أن أكثرها تدفعه أغراض عملية اجتماعيةونفسية كالموسقى الدينية التي تعبِّر عن الشعور الديني لدى شعب ما، والموسيقى الشعبية والقومية التي تعبِّر عن شعور وطابع قومي، والموسيقى الجنائزية والعسكرية.
وقد تؤلَّف الموسيقى لأغراض عملية ونفسية يتباين حظّها من الرقي والوضاعة: فمنها ما يجلب الهدوء والترويح عن النفس.ممَّا دفع كثيراً من المعنيين بشؤون الطب والصحة إلى دراسة تأثيرها على النفس والجهاز العصبي وإمكان استخدامها في العلاج النفسي وعلاج الأمراض الجسمية ذات الصلة بالجانب النفسي، ومنها ما يؤلّف لأغراض وضيعة كما في الموسيقى الراقصة والإيحاءات الجنسيةالتي تهدف إلى إثارة الشهوات والغرائز.وكما في الموسيقى التي تؤلّف لأجل الاستمتاع بملذات الحياة والمناسبات الاجتماعية، ومن أهم الأمثلة في هذا الصدد فيما يذكر برتليمي "الرقصات لكلود جيرفاز،وباليه البلاط في عهد لويس الثالث عشر، وسيمقونيات لالاند التي كان يجري عزفها أثناء عشاء لويس الرابع عشر.
ويتحدث بكري سوركناب في مدونته عن الإيقاعات البجاوية وآلة ، وارتباط الإيقاع البجاوي بالفروسية أي الحروب الانتصار والغنائم :
Quote: آلة (البسنكوب) إرتبطت بالإنسان البجاوي منذ أزمان بعيدة فهي تراث فني ممتد منذ عصور، هذه الآلة البسيطة التكوين، معقدة الأدوار في حياة البجا، فهناك أوزان وإيقاعات كثيرة تلمسها بين أوتار هذه الآلة البسيطة، وهذه الإيقاعات لا تحتاج إلى طبول أو إلى إي آلة أخرى بل هناك مؤلفات موسيقية كثيرة جداً لا يسع المجال لذكرها تنبعث من هذه الآلة ...
كما ذكرت أن البسنكوب آلة فريدة عند البجا بل هى آلة أوزان وإيقاع فهناك إيقاعات كثيرة مستنبطة من هذه الآلة وغالباً تلك الإيقاعات مرتبطة بالحروب والإنتصار والغنائم فايقاع (هوسيت) أو (تربال) إيقاع راقص يرتبط أو ترتبط الرقصة فيه (بالسيف والدرقة) وهو إيقاع يختص بقبائل البشاريين والعبابدة برغم من إنتشاره وسط كل القبائل البجاوية
وفي حديث آخر للأستاذ سوركناب عن آلة البسنكوب يتحدث غن إيقاع " بئيساي" كأيقاع حربي:
Quote: قد ذُكر وسمعنا بأن هناك نوتات موسيقية على آلة (البسنكوب) منذ أمد بعيد وبعضها لا زال يردد حتى الآن، للأسف إنها ليست في متناولى هذه السانحة، لكنها موجودة وتردد وبإستمرار في المجتمع البجاوي. بالطبع الإيقاع والمعتقد بأنه آلة إيقاعية مرتبطة بآلات معينة مثل (الطبل والدربكة) وما صاحبها من إيقاعات على الآلات الحديثة، ولكن إيقاع (البسنكوب) يختلف كثيراً ويرتبط كما أسلفت بأغاني الحماسة والنصر والحرب رغم أن البعض يستعملها إستعمالات إخرى في الأغاني العاطفية وما شابه
ومن أشهر تلك الإيقاعات (البسنكوبية) والتى لم ترتبط بآلة إيقاعية، إيقاع (بئيساي) ويعتبر هذا الايقاع من اخطر الايقاعات الحربية عند البجا. وإيقاع (الإيقاييب) و(التوارباب) والذى يعتبرا من المقطوعات الموسيقية عند البجا و(الشمبر) و (النواراب) و(الواندوب) هي بالتأكيد إيقاعات كثيرة مرتطبة بآلة (الباسكنوب) وحتى بعد ظهور هذا الكم الهائل من التكنلوجيا إلا أنها لا تزال وستظل تحتفظ بهذه الخصوصية الإيقاعية لدى قبائل البجا
ثم يفصِّل الأستاذ سوركناب الحديث عن إيقاع"بئيساي"،
نقلاً عن الدكتور محمد ادم سليمان ترنين فى بحثه عن ايقاع (بئيساى) ::
Quote: وتر بيساي: (Be-ssay) مقطوعة البيساي (الوتر) واحدة من المقطوعات التي يتحمس لها أفراد قبيلة الهدندوة بقوة، وقد يصل الحماس إلى حد التشنج عند (سماع بعشهم) سماعهم لها، وهي إحدى شعارات القبيلة الرئيسة، يستعرض فيها الشباب بسيوفهم لإبراز قوتهم وعددهم ومقدرتهم على القتال، ولما كان لكل مقطوعة أو معزوفة على البسنكوب أسم وقصة، فإن قصة هذا الوتر تختلف في بعض المواضع ولكن اغلب الرواة وخاصة الهدندوة يجمعون على إنها من تأليف فارس الهدندوة همدين إيس "محمدين عيسى" يفتخر بنفسه ونسبه، ويترجم فيها صولاته وجولاته في الحروب، لذلك يشتقون منها معاني الفخر، وفيها عزة القبيلة. كما اضاف اليها هذه النوتة الموسيقية
بل أن "الإيقاع الموسيقي" الخاص بقبيلة معينة، قد ينتقل إلى مناطق أخرى. وفي هذا الصدد، يرى الأستاذ سوركناب، إن إيقاع السيرة ،الذي انتشر إلى قبائل أخرى كثيرة في السودان، هو من إيقاعات البجا، يقول عن ذلك:
Quote: الحديث عن الايقاع عند قبائل البجا حديث جميل ومشوق ودائما يدعوك الى التبحر فيه يبهرك الايقاع ويدعوك تارات الى الحرب وتارات الى الحماسة وتارة الى اظهار الفروسية ومدى رشاقتك واستعدادك للذود والدفاع عن القبيلة
فهناك ايقاعات كما ذكرتها فى ايقاعات (البسنكوب) عندما تسمعها تدعوك للذهاب والاستعداد للقتال..
اغلب الاغانى والايقاعات البجاوية تتحدث عن الفروسية تتحدث عن البطولات والشهامه
واعتقد اعتقاد شخصى بأن ايقاع السيرة المعروف ومعروف مدى انتشاره وسط كل قبائل السودان اتى وانتشر من قبائل البجا المعروفين بتواجدهم فى المنطقة منذ الآف السنين ومدى تأثر اغلب الثقافات بثقافة البجا
تحدث عن ذلك الباحث المعروف عون الشريف قاسم حول احتواء العامية السودانية على كثير من المفردات البجاوية هذا من حيث اللغة فما بالك بتأثر هذه الثقافات بالالحان والايقاع
ونواصل...أرجو الانتظار مع خالص الشكر.
Post: #462 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 07-02-2016, 00:59 AM Parent: #1
Quote: يا موصلي دي سردية نظرية داروين لنشوء الإنسان وارتقائه.
والعالم الموجود الآن تأسس كما قال الصادق،
بناء على أخر 600 إنسان افريقي هاجر معظمهم بعد كارثة بيئية كادت أن تقضي على العنصر الإنساني كله.
موصلي عارف الكلام دا بس بينكرو غتاتة منو ساكت
أنا سمعتو قبل كدة في الرادي قال: سوداني والدنيا عارفاني من غابة الأبنوس، في دمي كابيدا بالكسرة في عضمي قصابي مفطوم على البفرة ___ ودي كلها دلائل أفريقية، فمالو فجأة قلب يوناني؟ هسع فيكم واحد بيشبه ياني ولا ديمس روسوس؟
سبق أن قلنا في المداخلة السابقة أن "الموسيقى هي نتاج مجتمعها وبيئتها" فهي تتكون في المكان والزمان معاً.
ويعضّد هذا الاستنتاج البديهي، أن الموسيقى نشأت أصلاً كفن تابع.
وفي ذلك يقول الباحث المصري الجامعي "سعيد توفيق" في مقاله في مجلة "نزوى" في عددها رقم 86،
بصدد إشارته إلى تعقُّد الظاهرة الموسيقية ،باعتبارها ظاهرة بالغة التعقيد، من حيث تاريخها أو نشأتها،
ومن حيث آثارها الاجتماعية والتربوية ودلائلها الحضارية والقومية، ومن حيث تنوعها وارتباطها بغيرها من الفنون"،
يقول الباحث إنّ :
Quote: الموسيقى لم تنشأ كفن مستقل بذاته كالشعر مثلا، ومع ذلك أصبحت أكثر الفنون استقلالا:
فقد كانت الموسيقى فنا تابعا نشأ مصاحبا للغناء أو الرقص الذي كان القدماء يمارسونه في احتفالاتهم الدنيوية وطقوسهم الدينية.
وحتى في العصر الوسيط كانت الموسيقى عنصرا مصاحبا للأناشيد الدينية التي تمارس داخل الكنيسة، حيث جرى ما جرى عليها من تطور الى أن خرجت الى مجال الحياة الدنيوية لتلقى أطوارا أخرى.
ولم تصبح الموسيقى فناً خالصاً قائماً بذاته ، إلا لاحقاً، كما يشير الباحث الجامعي المصري، مع تطور الموسيقى – وخاصة مع موسيقى الآلات instrumental music.
فتسنّى للموسيقى أن تصير فنا خالصا قائما بذاته، له وسائله التعبيرية الخاصة التي يستغني بها عن سائر الفنون، ولا يستغني أكثرها عنه.
وبخصوص عدم استقلالية الموسيقى في بداياتها،وارتباطها وانبثاقها من حركة الإنسان والبيئة، تشير "جماعة الدليب الثقافية الفنية" إلى أن بعض الإيقاعات في منطقة مروي،
كانت تصاحب حركة الإنسان في حياته اليومية كالإيقاعات المرتبطة بمواسم الحصاد ، والزراعة والتنقل ... إلخ .
ولم توضِّح "الجماعة" بشكل جلي واضح، صلة إيقاع الدليب بحركة إنسان ومجتمع وبيئة المنطقة، هذا إذا سلّمنا بأن إيقاع الدليب هو وليد بيئة منطقة مروي، وليس نتاج تأثيرات ثقافية خارجية.
لكن "الجماعة" أشارت إلى علاقة إيقاع الدليب بمجتمعه بشكل عام، حين تحدّثت عن الإيقاع باعتباره "تعبيراً " عن :
Quote: التغيُّرات المتواصلة في حركة المجتمع
مثلما تحدثت "جماعة الدليب الثقافية الفنية" عن نشأة الإيقاعات الموسيقية في المنطقة، أشارت أيضاً إلى الزوال الفعلي لبعض الإيقاعات الموسيقية في المنطقة.
كما حذّرت –أيضا- من "إمكانية زوال واندثار " إيقاع الدليب في المستقبل، ذاكرةً بعض الأسباب التي يمكن أن تؤدي إلى "اندثار إيقاع الدليب".
تقول "الجماعة " عن إمكانية "زوال الإيقاع الموسيقي واندثاره" بعد انتشاره في نواحي السودان المختلفة:
Quote: ومنذ عقدي الخمسينات والستينات من القرن الماضي ، انتشر إيقاع الدليب المصحوب بالغناء بالطنبور، في نواحي السودان المختلفة واصبح جزءاً أصيلاً من الايقاعات الغنائية السودانية العامة.
صاحب هذا الانتشار السريع بعضٌ من الظواهر السالبة المؤثرة تأثيراً مباشراً على روح وحركة هذا الايقاع ، أهمها وأخطرها تغيير تشكيلات الإيقاع الأساسية بتشكيلة أقل ثراءً وهو تكوين واحد يتم
تكراره من بعض المتعاملين به ومعه ، إما لعدم المعرفة بسبب انعدام الارتباط المكاني والانتماء الوجداني لمنطقة هذا الإيقاع ، أو لقصورٍ في الإتقان والمهارة الفنية على الضرب على أدواته ، مما أدى
إلى أن يفقد هذا الإيقاع أهم خصوصياته وخصائصه ولونيته المميزة ، الشيء الذي يشكل تشويهاً فعلياً له.
وقد يؤدي إن استمر الحال على ما أصبح عليه إلى اندثاره واندثار الغناء المرتبط به تماماً ، كما إندثر قبل ذلك أو كاد ، إيقاع الرترتو (الجابودي) ، وبعض الإيقاعات الثانوية الأخرى .
وفي مكان آخر من "النظام الأساسي" لجماعة الدليب الثقافية والفنية، تتحدث "الجماعة" عن "إحياء وبعث وتجديد إيقاعات مندثرة" كواحد من الأهداف العامة والأغرض. تقول في إحياء وتجديد "إيقاعات مندثرة" الآتي:
Quote: إحياء وبعث وتجديد الإيقاعات الفرعية المنبثقة من الدليب
والتي إندثرت بمرور الزمن كإيقاع الرترتو (الجابودي) ،
بالإضافة إلى الإيقاعات الثانوية البسيطة الأخرى في المنطقة
التي كانت تصاحب حركة الإنسان في حياته اليومية كالإيقاعات
*ولادة الإيقاع الموسيقي: جماعة الدليب وعلاء سنهوري*
تعرّف جماعة الدليب الثقافية والفنية التي جعلت شعارها عبارة "الدليب إيقاع حياتنا"، ماهية، وظروف ولادة "إيقاع الدليب" ،
انطلاقاً من ورقة الموسيقي البارز علاء سنهوري المعنونة ب" التفكير الموسيقي في السودان".
تقول "الجماعة" في تعريف الدليب ونشأته :
Quote: وإيقاع الدليب إيقاع "مركّب" من وحدتين (وحدة مستقرة – أربعة ضربات + وحدة غير مستقرة – ثلاث ضربات) ويرجع ذلك ، حسب الأستاذ/علاء الدين سنهوري في دراسته "التفكير الموسيقي في
السودان" ، إلى وجود إيقاع الدليب في منطقة تداخل مناخي ما بين مناخ الصحراء في أقصى الشمال "إيقاع رباعي" ، وبين مناخ شبه الصحراء في الشمال الاوسط"إيقاع ثلاثي" .
وفي الموسيقى يحسب هذا الإيقاع بالميزان الموسيقى 8/7 والملاحظ أن الرقم 7 هو حاصل جمع الضربات الأربع زائد الضربات الثلاث.
لذا كان من المهم والضروري جدأ، الرجوع الى المصدر الذي استقت منه جماعة الدليب الثقافية والفنية شروط نشأة "إيقاع الدليب" وبروزه في السودان، باعتبار أنه تشكّل داخل السودان،
ولم يكن نتيجة تأثير ثقافي كما يرى الأستاذ يوسف الموصلي.
في ورقته"التفكير الموسيقي في السودان"،بحسب اطلاعنا عليها، لم يشر الأستاذ علاء الدين سنهوري إلى "الدليب" بالاسم. وربما استنتجت "الجماعة" أنه يشير إلى "إيقاع الدليب".
يعرّف سنهوري التفكير الموسيقي بأنه:
Quote: النظام المعرفي الذي تتم خلاله عملية انتاج وتلقي الموتيفات »الجمل« الموسيقية والاستجابة الروحية والجسدية لها.
ويرى سنهوري أن الشرط الأساسي لبنية التفكير الموسيقي هي "الوظيفة الاجتماعية" للعمل الموسيقي، وطابعها الجمالي الفكري..
ومن ثمّ فإنّ هذا الشرط يمثِّل أرضية يتم الحفر فيها لوضع الأساس في مسألة انتاج وتناو ل الموسيقي .
وبالتالي فإن »بنية التفكير الموسيقي« مرتبطة بشكل وثيق بالمكان »الجغرافيا+ التاريخ«.. وكل تغير يطرأ فيه »المكان« أو في عنصريه.. بالمقابل يطرأ تغير في »بنية التفكير الموسيقي.
وفي رأي سنهوري "يمكن ان تعكس الأمر في حالة ان يحدث التغير في البنية عبر ميكانزيم »الفانتازيا« بالاشتغال على الزمن »،
باعتبار ان الموسيقي هي رسم على جداره« بتشكيل وحداته تشكيلات جديدة ومتعددة .
وحسب سنهوري فإن هذا التغير في البنية يؤثر بشكل أو بآخر على احد عنصري المكان وهو »التاريخ«- المشهد الديناميكي لحركة الانسان.
يرى سنهوري أنّ:
Quote: بنية التفكير الموسيقي السوداني، بنية غنية بعلاقات مختلفة وكثيرة تربط بين وحدات تكوينها
وقد لعب المكان جغرافياً دوره الأساسي في تعدد وتنوع علاقات ووحدات تكوين بنية التفكير الموسيقي في السودان. لأن "المكان السوداني"، يمتد داخل القارة شمالاً وجنوباً في أغلب المنطقة الواقعة بين خط الاستواء ومدار السرطان »المنطقة المدارية الشمالية«.. وهي منطقة تضم مناخات مختلفة، وبالتالي ظروف بيئية متنوعة ، لكن بتدرج ملحوظ نسبة لاتساع المساحة.
ثم يلخِّص فكرته في المعادلة التالية:
Quote: مناخ+ تضاريس+ وجود بشري= حرفة + نظام اجتماعي+ نشاط مصاحب.
*دور المناخ والتضاريس في الموسيقى:
من الواضح أن الأستاذ سنهوري من مناصري نظرية أثر البيئة على الموسيقى، ولذلك يمنح للبيئة دورا فاعلاً في تشكيل الموسيقى، وذلك من خلال تأثير البيئة على ما يسميه "المزاج العام" الذي يحدّد طابع الانفعال في الموتيفات الموسيقية المتداولة »انتاجاً وتلقياً وتفاعلاً«.
أما التضاريس حسب رأي السنهوري، فإن دورها يتمثّل في الاشتغال على:
Quote: وحدة تقسيم الزمن داخل الحركة والانتقال في الذاكرة وبالتالي تركيب الموتيفة الواحدة والمسافات داخلها أو خارجها فيما بين مجموعها »الموتيفات،
« ومن ثم »تضاريس العمل الغنائي/ الموسيقي«..
ولا نحتاج ان نشير للحرفة والنظام الاجتماعي ودورهما داخل الذاكرة في عملية تكوينها وتشكيلها لبنية التفكير الموسيقي.
*أثر الجغرافيا في تشكيل الإيقاعات السودانية: إيقاع السافنا، إيقاع الصحراء
يصنِّف السنهوري الإيقاعات السودانية بمفهوم جغرافي، يستند على المناخ.
المناخات السائدة حسب السنهوري، هي »الاستوائي.. السافنا الغنية.. السافنا الفقيرة.. شبه الصحراء.. الصحراء.
والمناخ بدوره يؤثر على المزاج العام، الذي بدوره ينتج إيقاعات معينة تحمل بصمات المناخ المحدَّد.
والمزاج حسب رأيه يقسم إلى نوعين: مزاج مستقر ومزاج غير مستقر. المزاج المستقر: الإيقاعات المستقرة
ويعتقد سنهوري أن المزاج الناتج من المناخين الاستوائي والصحراوي هو مزاج استقرار لعدم القدرة على مجابهة قسوة الطبيعة في الحالتين ، أقصى الجنوب- الاستوائي، وأقصى الشمال- الصحراوي لكن يختلف طابعهما:
Quote: حيث ان الطابع في مزاج الاستقرار الناتج من المناخ الاستوائي هو مزاج استقرار صاخب لعبت الطبيعة هناك دورها الأساسي في إكسابه له،
بينما ان الطابع في مزاج الاستقرار الناتج من المناخ الصحراوي هو مزاج استقرار هادئ..
ثم يعرّف سنهوري "الاستقرار الزمني في الموسيقى"، بأنه:
Quote: هو الحركة الرباعية ،الميزان ذو الضربات الأربع« أو الحركة الثنائية »الميزان ذو الضربتين« والتي هي في أصلها ميزان حركة رباعية مقسومة على إثنين .
والإيقاعين »السامبا وعشرة بلدي« الأول استوائي والثاني صحراوي إيقاعات مستقرة..
وهي الإيقاعات السائدة أصلاً والرئيسية في المنطقتين..
*المزاج غير المستقر:
يرى سنهوري أن المزاج الناتج من مناخات السافنا الغنية أو الفقيرة أو شبه الصحراء:
Quote: هو مزاج غير مستقر نتيجة لتقلب وعدم استقرار المناخات الثلاثة والتي تضم ثلاثة فصول،
بينما ان الاستوائي والصحراوي يضم كل واحد منهما فصلين »استقرار ثنائي".
وحسب سنهوري فما يميز المزاج غير المستقر هو "طابع الحركة".
ويعزو ذلك إلى أن أغلب المجموعات البشرية في السودان والموجودة في تلك المناخات هي مجموعات قبائل رعوية »رحل«،
أو مجموعات زراعة مطرية تنتقل مع انتقال مواسم المطر..
أو تمارس الحرفتين »الرعي والزراعة المطرية.
ويستنتج من ذلك أن:
Quote: الإيقاعات السائدة هي إيقاعات ثلاثة غير مستقرة مثل »المردوم.. التم تم.. إلخ من أنواع الايقاعات ذات الميزان ذي الضربات الثلاث«..
وهي إيقاعات مرتبطة بهذا التنوع في فصول المناخ.. وبالحركة الممارسة بشرياً..
وهي فيما بينهما تختلف في تشكيلاتها الداخلية المركبة لها »توزيع الضربات وأزمانها داخل الوحدة الزمنية الكاملة للإيقاع.
على ضوء هذا فإن الطابع الإيقاعي غير مستقر ذو تشكيلات صغيرة قصيرة متتالية .لاحظ ْأغاني المردوم وجزء كبير من أغاني التم تم«..
نعود إلى صديقنا علاء سنهوري في حديثه عن الإيقاعات الموسيقية السودانية.
هو حديث ينم عن أنه ينطلق من فرضيتين:
الفرضية الأولى هي أن المجتمعات السودانية هي مجتمعات مغلقة ولذلك فكل ما يوجد فيها هو من إنتاج البيئة المحلية المنغلقة التي لم تسمح بأية تأثيرات ثقافية من الخارج. فالمجمتعات المنفتحة تدور في ما بينها علاقات تأثير وتأثر، بعكس المجتمعات المنغلقة.
يقول في ذلك د. الفاتح حسين في ورقته المقدمة للمؤتمر العلمي السابع بجامعة حلوان ، كلية الزمالك الموسيقية ،ديسمبير 2003" :
Quote: سكان السودان عبارة عن مجموعات عرقية وقبلية ومدنية نتجت عن التماذج والانصهار فيما بينها بينما نجد بعض المجموعات العرقية لازالت منحصرة ومنغلقة في مناطقها
والفرضية الثانية أنه بعد إجراء دراسات موسيقية مقارنة تم التوصل إما إلى أن هذه الإيقاعات لا مثيل لها في المجتمعات التي حدث تماس معها، أو أنها سابقة عليها زمنياً.
وبحسب علاء سنهوري نفسه في لقاء معه فأنه لم يتم إيلاء اهتمام كاف بالموسيقى أو الموسيقات السودانية القديمة.
ففي لقاء معه أجراه ياسر فايز ،طُرح على علاء السؤال التالي :
Quote: في بلد ما زال بعيداً بقدر عن الحضارة الغربية بماديتها الصارمة.. ألا يستوجب البحث في الموسيقى ضمن الأجناس الإبداعية الأخرى، الشعبية منها على الأخص ، كالدوبيت مثلاً أو حتى نقوش بيوت النوبة في شمال السودان؟
أجاب علاء سنهوري قائلاً:
Quote: بُعدنا هذا أحسّه نعمة .. نحن نحتاج أن نبحث ونبحث .. فموسيقانا بلا قديم أعني نظري .. لا يوجد جمع وتحليل للموسيقات السودانية القديمة جداً أو القديمة فقط ..
دعك من دراسات تبحث في الدوبيت أو النقوش في بيت النوبة أو سلال و قفاق ــ جمع قفة ــ غرب السودان أوشرقه أو في ( سماحة جبن الطين ) أو في معمارنا وهندسة بيوت الرُحـّل وقطاطي القضارف وغيرها ومعمار المدن القديمة وعلاقة كل ذلك بالمخيال الموسيقي ونظام التفكير الموسيقي المُنتج أو المتلقي .
على مستواي أحس بواجب وأبذل جهداً نظرياً في دراسة تحمل إسم التفكير الموسيقي / مُراجعات في الذهنية السودانية أحاول أن أضع حجراً واحداً في بناء يحتاج للكثير جداً من الأحجار .
ففي غياب الجمع والتحليل للموسيقات السودانية القديمة جدا، ينفتح الباب واسعاً –ضمن حدود المنطق العلمي طبعاً-للكثير من الاقتراحات حول نشأة وأصول الإيقاعات الموسيقية السودانية والعلاقات المتداخلة في ما بينها ، وكذلك علاقتها بالإيقاعات الموسيقية في مجتمعات أخرى.
فمثلاً يثير الأستاذ سوركناب كما نوّهنا إلى ذلك سابقاً، إلى أن أصل إيقاع السيرة هو أصل بجاوي. يقول:
Quote: اعتقد اعتقاد شخصى بأن ايقاع السيرة المعروف ومعروف مدى انتشاره وسط كل قبائل السودان اتى وانتشر من قبائل البجا المعروفين بتواجدهم فى المنطقة منذ الآف السنين ومدى تأثر اغلب الثقافات بثقافة البجا
تحدث عن ذلك الباحث المعروف عون الشريف قاسم حول احتواء العامية السودانية على كثير من المفردات البجاوية هذا من حيث اللغة فما بالك بتأثر هذه الثقافات بالالحان والايقاع
ويشير مقال بعنوان "السنكاب.. السعف يزف العريس" إلى تلك العلاقة بين الإيقاعات البجاوية وإيقاع السيرة والحماسة:
Quote: الاغنية البجاوية تطورت فى مضامينها ولكن معظم الأغانى الشهيرة هى اغانى السيرة والعرس ،فى الغالب يقوم الشباب بترديد اغاني تمجد العريس وشهامته واصله بينما تفعل النسوة ذات الشئ . هذه المجادعات اسهمت فى تطوير الاغنية البجاوية تعدد ايقاعها ولحنها ويكفى ان السنكاب او السنكواب عادة صارت ايقاعا فى الالحان البجاوية بتصنيفه الخفيف والسريع وهو شبيه بايقاع السيرة والحماسة .
وفي ما يختص بعلاقة الإيقاعات الموسيقية السودانية بإيقاعات موسيقية لمجتمعات أخرى، يعترض الأستاذ عبدالجليل سليمان،على ما أثاره الخبير بالموسيقى السودانية عاصم الطيب حول أن الكثير من الأغاني السودانية التقليدية الخاصة بمناطق النيل الأزرق، بدأت في التحول إلى دولة إثيوبيا.
يقول الأستاذ عبد الجليل عارضاً كلام الأستاذ عاصم الطيب :
Quote: بالمناسبة، لم أكن لأعود إلى هذه (العكة) – على أهميتها – لولا دفعني إلى ذلك ما صرّح به وقال الخبير بالموسيقى السودانية عاصم الطيِّب خلال مخاطبته ملتقى دال الثقافي بالخرطوم، حيث عدّ أن الكثير من الأغاني السودانية التقليدية الخاصة بمناطق النيل الأزرق بدأت في التحول إلى دولة إثيوبيا المجاورة بسبب الحرب المستمرة.
وأن الكثير من المجموعات السكانية هاجرت بسبب الحرب إلى داخل إثيوبيا، وأن السلطات هناك شرعت في الاستفادة من التراث الموسيقي لتلك المجموعات وعرضها على أساس أنها تراث إثيوبي وليس سودانياً.
ويرى الأستاذ عبدالجليل في كلام عاصم الطيب مجافاة للحقيقة حسب رأيه . يقول:
Quote: المجموعات الثقافية التي تقطن ولاية النيل الأزرق هي ذاتها التي تشغل (ديمغرافياً وثقافياً) إقليم بني شنقول – قمز الإثيوبي المجاور لها،
وبالتالي فإن تبرير انتشار الأغاني التقليدية الخاصة بالنيل الأزرق في إثيوبيا بهجرة السكان المحليين إلى هناك بسبب الحرب، قول فيه سياسة أكثر مما فيه (ثقافة)،
كما أن الادعاء بأن تلك الأغاني (سودانية) صرفة، هو مثل ادعاء ملكية (التم التم وود أم بعلو) ملكية مطلقة لا ينازعنا ولا يشاركنا فيها أحد وكأننا معزولون عن من حولنا لا نؤثر فيهم ولا يتأثرون بنا،
وهذا أمر منافٍ للحقيقة على الأرض وفيه إنكار للواقع الماثل.
للأسف صرت أُصاب بالخوف والهلع مما يلفظ به الأكاديميون.
كما ذكرنا سابقاً فالأستاذ علاء سنهوري يقول بسودانية إيقاع التم تم الذي يربطه بالمناخ والحرفة الممارسة .
يقول:
Quote: المزاج الناتج من المناخات »السافنا الغنية أو الفقيرة أو شبه الصحراء، هو مزاج غير مستقر نتيجة لتقلب وعدم استقرار المناخات الثلاثة والتي تضم ثلاثة فصول بينما ان الاستوائي والصحراوي يضم كل واحد منهما فصلين »استقرار ثنائي«،
والمزاج غير المستقر الطابع السائد فيه طابع الحركة..
والملاحظ ان أغلب المجموعات البشرية في السودان والموجودة في مناطق السافنا الغنية أو الفقيرة أو شبه الصحراء هي مجموعات قبائل رعوية »رحل"
أو مجموعات زراعة مطرية تنتقل مع انتقال مواسم المطر.. أو تمارس الحرفتين »الرعي والزراعة المطرية«
لذا فإن الإيقاعات السائدة هي إيقاعات ثلاثة غير مستقرة مثل »المردوم.. التم تم.. إلخ من أنواع الايقاعات ذات الميزان ذي الضربات الثلاث«..
وهي إيقاعات مرتبطة بهذا التنوع في فصول المناخ.. وبالحركة الممارسة بشرياً..
وهي فيما بينهما تختلف في تشكيلاتها الداخلية المركبة لها »توزيع الضربات وأزمانها داخل الوحدة الزمنية الكاملة للإيقاع«
على ضوء هذا فإن الطابع الإيقاعي غير مستقرة ذات تشكيلات صغيرة قصيرة متتالية »لاحظ أغاني المردوم وجزء كبير من أغاني التم تم«..
لكن كثيراً من الآراء ترى "أنساباً" مختلفة لإيقاع "التم تم". هنالك رأي يرجِّح أصله "المغربي"،مثل يحي فضل الله وحمزة سليمان "نقلاً عن بوست الاستاذ صلاح هاشم السعيد في "البركل".
يقول الكاتب يحيي فضل الله:
Quote: جانب أخر هو انني اظن – مرجحا - ان الثقافة العربية – في معظمها - لم تأت للسودان عن طريق الشمال او الشرق, بل اتت عن طريق الغرب وذلك بعدة شهادات نجتزئ منها على عجل وتعميم اسم ايقاع التم تم ووزنه, والشبه الذي يكاد يكون تطابقا بين الغناء بالسودان وبعض دول المغرب العربي مثل موريتانيا ومالي, اضاقة الى انتشار الطريقة التيجانية القادمة اصلا من المغرب الى السودان ومصر على حد سواء, وغير ذلك من وجود كبير لسلالات المغاربة والشناقيط في اجزاء من دارفور وكردفان, وورود شخوص في السيرة الهلالية رجح الكثير من الدارسين انها سودانية – رغم قول البعض بانها مصرية - وقد نعلم ارتباط السيرة الهلالية بالمغرب العربي
ويقول الفنان حمزة سليمان في بوست باسم (الشوق مطر) وهو يتحدث عن شريط لنزار الماحي سليمان فقال ضمن ما قال عن الشريط::
Quote: حاول نزار فى هذا الشريط ارجاع مربع اساسى فى الغنا فى السودان هو اصطحاب الحس المغربى مجسدا فى صوت الفنانه المغربيه سلمى التى تحفظ اغنيات العاقب محمد حسن تماما وكثير من الاغنيات السودانيه .. الحس المغربى باقى فى اغنياتنا منذ زمن بعيد حيث ان ايقاع التمتم الذى اصله ايقاع الحى حى فى المغرب والجنس او التتركورد من السلم الذى خلفه المغاربه فى غرب السودان.
وهنالك من يقول بنسبه "الافريقي" مثل الاستاذ شوقي بدري. فقد سأله في بوست بعنوان (رسالة إلى الفنان الرائع مصطفى السني) ، الكاتب مصطفى مدثر قائلاً:
Quote: لقد قرأت أن اسمعيل عبد المعين سافر لكوستي ليقابل غنايتين تومات قيل انهما عرفتا أصل التمتم ودي قصة غاية في الاثارة بالنسبة لي فهل لديك ما تقوله في شأن التمتم؟
فأجابه "شوقي بدري":
Quote: التمتم عرف بأغاني ابشي و هي مدينه في تشاد كان السودانين يستوردون منها الروائح الفرنسيه و الساعات التي تباع بالوقه 2.75 رطل.
و لقد نقلها سواقين اللواري الى الجنينه و الأبيض ثم كوستي و اشتهرت بها الأخوات بشاير و عماير.
و اسم التمتم يأتي من الكلمه الفرنسيه او الأروبيه طبول التام تام و التي كان يتحدث بها الأفارقه في الرقص و عندنا مشهوره كانت في منطقة الزاندي و تصنع من جذوع الأشجار و تعرف بقدو قدو. و القدو قدو كذلك هو العصيده داكنه اللون التي تكون في شكل اقرب الى جذوع الأشجار.
و انتقل التمتم الى ام درمان و صار لحنا راقصا استعمل في حفلات العرس و بيوت الدعاره و القعدات الخاصه.
لكن الباحث في مجال التاريخ والتراث والآداب والفنون في السودان، خالد الشيخ حاج محمود الباحث في مجال التاريخ والتراث والآداب في حوار معه عن أصل إيقاع التم تم، يرى أنه جاء من "زائير":
Quote: ايقاع التم تم جاء الى السودان من زائير عبر سواقي اللواري
وإنتشر بكوستي عام 1880 كبداية للغناء الهابط بدون قيمة وبدون مفردة أو كلمة
وقد لعبت التومات (ام بشاير وأم جباير) دوراً كبيراً في إنتشاره وسط الناس ،
و عبد الرحمن الريح ،ودالرضى ،العبادي وسرور ذهبوا جميعهم لكوستي وقابلوا التومات واستمعوا لإيقاع التم تم عندهن
رغم رفض ود الرضي والعبادي إلا أن عبد الرحمن الريح أصر على سماع ذلك وسمعوا ال( 12 ) ايقاعا عندهن
فبدأ عبد الرحمن الريح بكتابة خمس قصائد للإيقاعات منها اغنية (مدلل سيب دلالك دا)
وبعد شهر جاءوا كوستى بنفس الايقاعات ولكن بصورة جيدة ذات مفردة جميلة، فمنذ تلك اللحظات لم يسمع زول واحد للتومات، فإنتهت الظاهرة في تلك الفترة ،
ويرى الأستاذ عبدالجليل سليمان، أنه جاء من "دلتا النيجر" تماماً مثل "حكاية ود أم بعلو":
Quote: على كلٍّ، فالتُم تُم – أول بالأحرى (التام تام) إيقاع (سوداني)، لكن ليس بالأصالة،
وإنما مُكتسب عبر الحراك الديمُغرافي من تلك الرقعة الجغرافية والسكانية الهائلة المعروفة بدلتا النيجر، والمصحوب بالضرورة بحراك ثقافي، (تثاقف وكده).
وكمتقصٍّ ومهتمٍ بهذا الحراك، ينبغي لي أن ليس التم تم وحده هو وارد تلك (الدلتا) الرائعة التي منحتنا من الحكايات والأساطير والقصص والأحجيات والشخوص الهائلة التي استحوزت على ذاكرة وشكلت وجدان الكثير من الأجيال في هذه البلاد (السحرية/ العجيبة)،
وأهم تلك الشخصيات الواردة من تلك (الدلتا) (ود أم بعلو).. وهو شخصية قديمة وكثيفة الحضور في ثقافات (غرب أفريقيا)، كما هي موثقة بدراسات ومراجع (موثوقة)..
وهنالك من يرى بأن أيقاع التم تم ، أتي مع الجنود البريطانيين. يورد الأستاذ هاشم صلاح السعيد ، رأي الكاتب المعروف معاوية حسن يس في بحثه عن غناء البنات:
Quote: اجتاحت غناء البنات في ثلاثينات القرن العشرين موجة من الانحلال تسربت مع ذيول الأزمة الاقتصادية التي عمت العالم قبيل اندلاع الحرب العالمية الثانية.
وفي أثناء الحرب عززت السلطات البريطانية المحتلة قواتها في السودان للتصدي لدول المحور، فأدى ذلك الى اختلاط شديد بين السودانيين والجنود البريطانيين، الذين جلبوا معهم ايقاع "التُّمتُم"، الذي استشرى في غناء السودانيين حتى يظن غالبيتهم أنه إيقاع سوداني صميم!
ومع "التمتم" انتشرت أغنيات فيها من الخلاعة والمجون ما يندي له الجـبين.
الإيقاع كما البشر تماماً، يمكن أن يرفض في لحظة من الزمن، ثم يتم قبوله، وهذا ما حدث لإيقاع التم تم الذي ساهم "زنقار" في "بعثه" مستحسناً لدى الذائقة الجماعية الحاضرة. تقول ويكيبيديا عن دور "زنقار" في إعادة الاعتبار لإيقاع التم تم الذي ارتبط بالمجون والخلاعة:
Quote: كان أثر زنقار واضحا في تطوير لونية ايقاعات التم تم والإرتقاء بها من حيث الشكل والموضوع .
فبعد أن كانت تصنف ضمن الغناء الرديءوالسوقي الهابط الذي يُقدَم في حفلات المجون الخاصة تحولت إلى أغان ذات مغزى لها مكانتها في فن الحقيبة.
فبادر بعض شعراء الاغنية السودانية ومن بينهم سيد عبد العزيز وعبد القادر تلودى و أحمد إبراهيم فلاح وعبيد عبد الرحمن وعبدالرحمن الريح والجاغريو بتنظيم قصائد غنائية على وزن ايقاع التم تم قدموها لزنقار.
وقد حقق بعض تلك الأعمال نجاحا ولايزال يردد حتى اليوم من قبل فنانين كبار وآخرين ناشئين واصبح يشكل مادة تدريس في علوم الموسيقى بالسودان.
ومن تلك الأعمال، أغنيات «اسوداني الجوه وجداني بريدو» ، و «حبيبي غاب في موضع الجمال بلاقيه» ، و «الإنسان الرايق النعسان»، و« سميري المرسوم في ضميري»
سلام يا خواض، يا أخي بحثك الكتبتو دا عن التمتم، يا حبذا لو كتبتو في شكل مقال وانشروا في سودانايل وواحدة من الصحف السودانية أكيد يرجع ليك فيدباك فيهو اضافات مفيدة.
Quote: Øوإيقاع الدليب إيقاع "مركّب" من وحدتين (وحدة مستقرة – أربعة ضربات + وحدة غير مستقرة – ثلاث ضربات) ويرجع ذلك ، حسب الأستاذ/علاء الدين سنهوري في دراسته "التفكير الموسيقي في السودان" ، إلى وجود إيقاع الدليب في منطقة تداخل مناخي ما بين مناخ الصحراء في أقصى الشمال "إيقاع رباعي" ، وبين مناخ شبه الصحراء في الشمال الاوسط"إيقاع ثلاثي" . وفي الموسيقى يحسب هذا الإيقاع بالميزان الموسيقى 8/7 والملاحظ أن الرقم 7 هو حاصل جمع الضربات الأربع زائد الضربات الثلاث.
تجمعني بعلاء صداقة حميمة ما تزال وستطل ابدا ---------------- واعجبت بافكاره جدا وبتفكيره المتوثب دوما لفت نظري الاقتباس اعلاه وارى آنه يتنافى مع النظرية العالمية للموازين الموسيقية فالميزانين 4/4 3/4 وعندما نجمعهما بدآ بالاول آو الثاني فان حاصل جمعهما 4/4 مع 3/4 = 7/8 هو ما نطلق عليه الميزان الاعرج غير المنتظم ولكن 4/4 منتظم و 3/4 منتظم لك ولعلاء الجميل كل التقدير
Quote: Øوإيقاع الدليب إيقاع "مركّب" من وحدتين (وحدة مستقرة – أربعة ضربات + وحدة غير مستقرة – ثلاث ضربات) ويرجع ذلك ، حسب الأستاذ/علاء الدين سنهوري في دراسته "التفكير الموسيقي في السودان" ، إلى وجود إيقاع الدليب في منطقة تداخل مناخي ما بين مناخ الصحراء في أقصى الشمال "إيقاع رباعي" ، وبين مناخ شبه الصحراء في الشمال الاوسط"إيقاع ثلاثي" . وفي الموسيقى يحسب هذا الإيقاع بالميزان الموسيقى 8/7 والملاحظ أن الرقم 7 هو حاصل جمع الضربات الأربع زائد الضربات الثلاث.
ثم قال الموصلي تعليقاً على الاقتباس أعلاه ما يلي:
Quote: لفت نظري الاقتباس اعلاه وارى آنه يتنافى مع النظرية العالمية للموازين الموسيقية
يا أستاذ الموصلي الاقتباس أعلاه منقول عن "جماعة الدليب الموسيقية والفنية".
وقد ذكر العبدلله في إحدى المداخلات،
أن علاء سنهوري لم يذكر بالاسم "إيقاع الدليب" في دراسته "التفكير الموسيقي" في السودان.
فما ذُكر أعلاه ليس كلام علاء السنهوري ، ويمكن مراجعة ورقته "التفكير الموسيقي في السودان".
Quote: سلام يا خواض، يا أخي بحثك الكتبتو دا عن التمتم، يا حبذا لو كتبتو في شكل مقال وانشروا في سودانايل وواحدة من الصحف السودانية أكيد يرجع ليك فيدباك فيهو اضافات مفيدة.
شكرا أبابكر ،
عموماً لو لقيت وكت، حأعيد كتابة المداخلة وأنشرها حسب اقتراحك،
ويمكن أضيف ليها رأي السر قدور الذي يرى أن التم تم" لم يظهر مع "تومات كوستي"،
بل موجود في المديح، و أنّ: "كل إيقاعات العالم موجودة في السودان، ومن ضمنها إيقاع التم تم".
راجعْ رأي السر قدور في بداية حلقة "أغاني وأغاني" عن "إيقاع التم تم" أدناه:
Post: #478 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 08-05-2016, 09:34 AM Parent: #1
Quote: حافظ الإمام محي الدين · كالغاري يبدو لي أن أخونا حاتم لديه شوية معرفه بالموسيقي يا أستاذ الموصلي، هل من خلال علاقاتك الواسعه مع الموسيقيين السودانيين صادفت ليك زول إسمه حاتم ابراهيم؟ لابد إنسان بمقدرات حاتم النقديه أوالتصحيحيه إنه يكون زول معروف في السودان. غايتو فتشت البروفايل بتاعه غير إنه بحب الفول ما لقيت حاجه، قلت في سري الولد ده ود عميق وبكون قاصد بالفول ده شيتاً آخر خاصه وشايفه عايز يربط أصل كل حاجه بالسودان . في الختام عايزأسأل يا أستاذ موصلي كما سأل قبلي شخص عن حقيقة وجود شخص ما ، أنت الزول ده لحم ودم وبنو أدم زينا كده ولا تطبيق فاكي لينا بكرى أبوبكر هنا؟
التطبيقات ما بتاكل الفول يا حافظ ، بتاكل البايت
يعني طريق معرفة الموسيقى لازم يمر بشخص اسمه يوسف أول؟ ما هو التضائل المعرفي والكسل عن البحث عن المعلومة دا البيخلينا نفور دم الناس هنا عشى ولعل.
لكن أنا ما تسأل عني يوسف، اسأل الفول أخير. أو حزن الشفق لما الخيال ينعس ينوم.
أو أي أستاذ تدريس لغة عربية
___ لكن الأشباح بتكره الفول
Quote: Ashgar Taiba غايتو العملها الإسمو حاتم في الملحن و الشاعر شكلها ما حتطلع أصلو بالله ما يجيني زول و يقول لي إنت ذاتك منو؟
عملت شنو أنا؟ أنا غلبااااااان
والله أشرت بس على مواطن الخلل في فرضية وهمية وأوردت بس على مداخل العلل في سردية فلهمية
اتضح في الآخر إنو الموضوع إيتاء سلوى بغير إحسان ظاهر pleasing each other ___ بعدين انت ذاتك منو؟
Quote: Atif Omer Mohamed Ali بمناسبة (افريغغيا) كرومة دا يوناني ولا سوداني؟؟.. السعال موجه(للفقوشيين)!!! +++ حافظ الإمام محي الدين · كالغاري إنت وقت ضيف في البوستات دي الصعلكه وقلة الأدب ليك شنو؟(وش ضاحك). إنتظر لغاية ما تعمل ليك بوست وسوي جنس قلة أدبك دي. بالمناسبه يا تومه ما شايف الأعضاء مكبرين منك اللفه؟ وبقيت تقابض في ناس الفيسبوك ،طبعا على حسب الوهمه بتاعتك ومسألة إنك فاكيها في روحك بتفتكر إنه الناس دي خايفه من منطقك وحججك.
الفسباكة، رجعنالكم
هوي يا محارب عنيزة انت بتعرف الحركة العكسية التقهقرية ولا بن بيللا بالتوك عشان تجي تطاول علي وتحاول تتسلق فيني زي اللبلاب؟ سؤالك عن كرومة موجه لأسامة اليوناني النوى حسب زعمه، التركي الهوى حالياً +++
قلة أدب شنو يا حافظ ياخ، هي قلة الأدب بتأدب زول؟ والله في ناس خايفين عدييييل مش من المنطق والحجج، من الحقائق البسيطة ديك. ___ انت وينك ياخ
والله قلت أوجه السائل لمصدر المعلومة الموثوق، لأنو كان جاك انت حتقول ليهو (دا بتاع موسيقى لابد). هسع الموسيقى دي دايرة لبدان؟ ولا تدريس العربي بيتطلب هيجان؟ _______ أمورك كيف اليومين دول؟ شايفك بتعافر
يعني من لمحنا ليك بأنو الجاز حق الأفارقة قطعت وشك دت؟ عشان كدة قلنا اجتهدوا واقروا وما تتكلوا في أخذ معلوماتكم من مصدر وحيد متشدد وغير متجدد. ______ بعدين الدليب برضو حق الأفارغة، يعني سويت شنو؟
من الأفضل مناقشة القضايا بدلا من الأشخاص، والدخول في متاهات، تأتي منها "رياح" وزوابع وكتاتيح وهلمجرا من "كوارث"......
والشبح مهما اختفى، ممكن يتلقي عن طريق ال IPا نزع عنك الحجاب.... قبل أن نقول:
Quote: سقط القناع عن القناع QUOTE] /
Post: #488 Title: Re: الدليــب اليوناني؟ سؤال لأستاذنا المبدع: Author: حاتم إبراهيم Date: 08-06-2016, 06:14 AM Parent: #1
Quote: من الأفضل مناقشة القضايا بدلا من الأشخاص، والدخول في متاهات، تأتي منها "رياح" وزوابع وكتاتيح وهلمجرا من "كوارث"......
والشبح مهما اختفى، ممكن يتلقي عن طريق ال IPا نزع عنك الحجاب.... قبل أن نقول:
"رياح" وزوابع وكتاتيح وهلمجرا من "كوارث"؟ دا تهديد يعني يا الياور؟
انتو الواحد لما يقعد يطاعن ويسب ويشتم ويفتح بوستات ويهيج ويغمز كنتوا بتناقشوا شنو غير شخصي الواحد دا؟
والله حسب علمي حتى الآن في بوستين اتنين موجهات لي "شخصياً" واحد يوسف حذفوا ودا ما بيعني إنو غير مسؤول عن المحتوى الفيهو، والتاني لسة شغال، وياريتك يا يوسف تذكر اسمي بالواضح فيهو، عشان أجيك بالدرب عديييييل، بيقولوا الورل أخو التمساح التاني بيجيك دغري للقيفة والأول بيتنفخ لكن أول ما تقوم عليهو بيتقهقر لورا.
الموضوع واضح، انت مشكلتك داير درجة كويسة في الترجمة ودي ما بتلقاها عندي، ويوسف ما داير بوست الموسيقى يستمر وحيستمر. simply said _______ يعني عامل فيها ما عارف يا الشاعر الطموح
Quote: Bakri Ahmad Muhamad Khatir · Chief information and translation officer في Embassy of the Sultanate of Oman الأخ الكريم الاستاذ حاتم.....ينوبك ألف ثواب ..خفف الضغط قليلاً عن الاستاذ الموصلى، يأخ الموصلى دا راجل متوضع وحبوب وشهادتى فيه مجروحة، لأنه كان استاذ لنا فى معهد الموسيقى. تخيل ابان فترتنا فى معهد الموسيقى لا تستطيع أن تفرق بينه وتلامذته. ولا ابيحك سراً أن الرجل الآن أصبح مدرسة، لها محبيها ولها منتقديها، وليس هناك شكاً أن للاستاذ الموصلى بصمات واضحة فى مسيرة الموسيقى السودانية، ولا سيما، الmodulation وقد وضع عليه لمسات مستفيداً من مادة التأليف التى درسها، بالاضافة الى ذلك الاستاذ الموصلى مهموم جداً بزملائه الموسيقيين ومن بينهم الاستاذ المرحوم (أميقو) فوجوده فى هذا المنبر كسب فله التحية و التقدير. فهناك عدو خفى يجب أن تنتبهوا له وله بوست يذكر فيه أن (الموسيقى من التوابع) تخيل!!! لم أفهم لماذا لا يريد الاستاذ المواصلى أن تواصل فى بوست الموسيقى؟ ولكما محبتى التى لا تنقطع.
مرحب أخ بكري
وأنا بكتب المداخلة لسة بتذكر البوست القبيح بتاعو المكتوب باسمي ومليان شتيمة من كل لون وللأسف كان بوست لم يجمع سوى ضعاف الحجة ومن بدايتو الراجل يكورك (أنا بمسح مداخلاتك) حتى قبل ما أشوف البوست ذاتو، دي حالة راجل متواضع وحبوب.
يوسف أنا ما ضغطت عليهو، يراعي إنو الدنيا اتغيرت وما فضل فيها من يقول يا دنيا ما فيك إلا أنا، هو شنو هو، أي حاجة داير يبقى الأول فيها زندية ساكت، هو وضع البصمات قالوا كدة، ويبطل الكلام غير المؤسس الما ليهو علاقة بالأكاديميات، (جبلية وصحراوية؟) أصوات هي ولا مواتر
لو جيت لرأيي في موضوع التأليف فيوسف ما استفاد حاجة، نحن الخسرنا كتير، في أكثر من موضع أنا نبهت لفهمه الخاطيء "لنظرية الموسيقى" فببساطة لا يمكن فهم الإصرار العجيب على إعادة موسيقانا أربعة قرون للوراء بوسائل "نظرية لفهم الموسيقى الكلاسيكية" ويسميها "حداثة" ويفتح بوست بالمفهوم دا، البغني بالطريقة الاستلفها من الكلية دي يبقى فنان حديث و(في عروقه جينات حداثة)! حداثة من عصر الباروك يا يوسف؟
موضوع بوست الموسيقى دا تعهد قديم مني بعد حالات السطو على الألقاب الظهرت على السطح مؤخراً، عشان الناس تعرف الحقائق من مبادئها وبالطريقة السليمة بدون تحيز وأسلوب (لا أريكم إلا ما أرى) وبالتأكيد دا ما حيعجب يوسف، الوضع الطبيعي إنو بوست زي بتاع الموسيقى يكون مبادرة من أهل الموسيقى هنا، لكن أي زول بهمو.
نحن مشكلتنا التابع الشغال تهديد دا، أنا ماعارف ليه يوسف خايف يذكر اسمي بالواضح في بوست الاستفتاء، على الأقل يرتاح من هلاويسو البتخليهو يظن إني بكتب ليهو من الفيسبوك، دلوقتي بيلمح لأني "أسلوبي إرهابي"، شفت الحبوب المتواضع لمن الحجة تغلبو! أنا غالبني أكتب ليك الدايرو هنا بدون تلميح ومواربة في وشك يا يوسف؟
هاك أقولها ليك في وشك يا يوسف، انت دا مدرس لغة عربية للناطقين بغيرها، تعجبك وظيفتك أو لا دا شأنك وما بيخصني لكن دي الحقيقة المنشورة، "موسيقار" دي عندنا هنا بس، وأنا شخصياً ما معترف ليك بيها. _______ تبطل اللفة الطويلة دي وتواجهني عديل يا يوسف، ما تتهم الناس بمزاجك أو على الأقل خلي اتهاماتك واضحة عشان لو فيها مقاضاة زي ما بيلمح التابع دا تبقى بدربها البنعرفو.
Quote: الموصلي ود عثمان بلال حاتم متذوق للموسيقى ممتاز ولكنه ليس بموسيقي والمعرفة بالشئ ليس بالضرورة أن تكون في الاكاديميات فالمعرفه موجود\ة في النت وقوقل وويكابيديا وديل حات عندو عشق معاهم "حقو تسأل أشقر طيبة" لانه اقرب اليه من حبل الوريد "وش أخضر ضاحك جدا" شكرا يا حافظ
Pathetic
شهادتك دي مجروحة ولا تلزمني لحد ما نتأكد من فهمك العام للموسيقى المعاصرة، لكن الظهر لينا حتى الآن لا يؤهلك للحكم على مذاقات الناس وأمزجتهم إلا فيما يتعلق باللغة العربية.
أنت يا يوسف حقو تتواصل مع أشقر طيبة دا مباشرة، أظنو أوضح ليك قبل كدة إنو جارك، وأنا لا جارك ولا بعرفك وانت بكدة حالتك حتتأزم إذا مصر إنو دا أنا. _______ مع إنو صاحب الحساب دا بيحترمك لحد ما حسب أسلوبه، وأنا أسلوبي صريح، حقائق بس.
Quote: [أنت يا يوسف حقو تتواصل مع أشقر طيبة دا مباشرة، أظنو أوضح ليك قبل كدة إنو جارك، وأنا لا جارك ولا بعرفك وانت بكدة حالتك حتتأزم إذا مصر إنو دا أنا. _______ مع إنو صاحب الحساب دا بيحترمك لحد ما حسب أسلوبه، وأنا أسلوبي صريح، حقائق بس.
Quote: من الأفضل مناقشة القضايا بدلا من الأشخاص، +++ والشبح مهما اختفى، ممكن يتلقي عن طريق ال IPا +++ اكشفْ حجابك يا شبحْ انزعْ قناعك واسترحْ
يعني حتى "قناعاتك" ما قادر تصبر عليها؟
الآي بي ما نفع ولا شنو؟ عموماً دا ياهو الآي بي بتاع حاتم إبراهيم المسجل باسمه 192.186.1.1
غايتو أشباه الشعراء لو مسكوا في مصطلح يحلوا منهم الله. _______ تاني ما تهدد عليك الله ياخ، قال "قضايا" قال
Post: #493 Title: Re: الدليــب اليوناني؟ سؤال لأستاذنا المبدع: Author: MAHJOOP ALI Date: 08-07-2016, 02:08 AM Parent: #492
يااسامة معرفة حاتم حتسبغ شرعية ومصداقية علي تساولاته المطروحة هنا ؟ ام سوف تنفيها تماما ؟ ياالخواض - وانت من الاعضاء القدام - تتذكر قبل معرفة بشاشا كانوا بقولوا عليه شنو ؟ وبعد معرفته تحولوا لاشياء سخيفة ومنحطة ، انا شخصيا ماعاوز اعرف حاتم بهمني رايه فقط وغير ذلك هو هروب وعجز عن مواجهة الراي بالراي الاخر ولكم الود
Quote: [يعني حتى "قناعاتك" ما قادر تصبر عليها؟ الآي بي ما نفع ولا شنو؟ عموماً دا ياهو الآي بي بتاع حاتم إبراهيم المسجل باسمه 192.186.1.1
جاهل وكداب يعني شنو تخت ارقام وتقول اي بي ياخي تش خت معلوماتك في البروفايل زيك وزي الناس المابخافو ماتتلبد ياملك قوقل والوكابيديا انت لاعلاقد لك بالموسيقى البتة اها خلصت من تنويت الكلام القالو عنك ولا لسه نرجاك كم سنه تاني واوعدك اختها ليك في قوقل لو حنستني وش اخضر ضاحك ههههههههههههههههههههههههههههههههههه اما كلام اللغة ده موضوعو تاني ما بنرفع فيهو قضايا111111 يا شجاع
Quote: جاهل وكداب يعني شنو تخت ارقام وتقول اي بي ياخي تش +++ ماتتلبد ياملك قوقل والوكابيديا انت لاعلاقد لك بالموسيقى البتة +++ اها خلصت من تنويت الكلام القالو عنك ولا لسه نرجاك كم سنه تاني واوعدك اختها ليك في قوقل لو حنستني +++ اما كلام اللغة ده موضوعو تاني ما بنرفع فيهو قضايا111111
شفت أستاذك الحبوب المتواضع "المدرسة" يا بكري؟
يعني شفافية وكدة، مالو الآي بي بتاعي؟ ناقص رقم لا سمح الله؟ الآي بي دا الظاهر لي هنا، لو ما عاجبك شوف العندك ظاهر شنو، لكن أنا ما "كداب". +++ والله أنا ما لابد، هسع نجيب ليك طقم الأسئلة الساهل داك تقوم تخفس هههه أقول ليك، أشرح لينا الفرق بين الصوت الجبلي والصوت الصحراوي، يا شجاع. يعني إلا أكشكش الرق وأسمي نفسي بلبل عشان يكون عندي علاقة بالموسيقى؟ دي صفوية شنو الطارئة دي؟ +++ والله أحب أحنسك في مسألة واحدة، سيب الموسيقى وركز على التدريس، كفانا. وأدي باقي زملانك الموسيقيين "الميتين" فرصة، ما تكوش على الألقاب براك، ما بنسمح ليك والله. +++ لا كان أخير ترفع قضية تقول "أسلوبو إرهابي" ههههه، ومال كنت بتكبشر كلامي عشان ترفع بيهو الضغط؟
غايتو بعد دا ناس أشقر يتفسحوا فيك قلبة وعدلة. _______ (مصيبة الفن عظيمة!) أو كما قال الأستاذ نيرون
Quote: [ما عندك صليح يجرك على الضل؟ والله خجلت ليك. ___ أنا لو مكانك بعمل اعتبار للجمهور، شوية كدة.
حرقتك واشريري يا اخواني
انا ما عندي جيران اشباح ولا انا شبح الاشباح بتجاور الاشباح انا منتظر كضبتك الكبيره بتاعت الكلام القالو عنك
يعني لو رجعوك رضيع تاني ولغاية عمرك الحالي ما بتقدر تعملها بطل تغش الناس يا حاتم علي ماهر اشجار يابسه القوقلاني الويكابيدياني انت تخجل وتختشي من الاجعاء العلمي يا مقوقل
الحوار الثر الذي دار في هذا البوست عن "أصل الدليب"، يثير أيضاً مسألة بدايات الغناء في السودان، وتاريخ وأصل الإيقاعات المسماة "سودانية". سبق أن أشرنا إلى أن علاء الدين السنهوري يرى أن "الإيقاعات السودانية" نشأت داخل بيئتها، وهي نتاج لمناخ وتضاريس وحرف تلك البيئات.
يوافق باحث آخر ،أشرنا إلى رأيه حول أصل التمتم في مداخلة سابقة، علاء الدين السنهوري في أن البيئة هي التي شكّلت الإيقاعات السودانية في حديثه عن أثر مشية الجمل في تشكيل الإيقاعات السودانية. الباحث هو خالد الشيخ حاج محمود. ومجال بحثه هو التاريخ والتراث والآداب والفنون في السودان عامة وكردفان، كما قدّمه إبراهيم عرابي في حوار مع الباحث نشر في الصحافة في يوم 15 مارس 2013.
يرى الأستاذ خالد الشيخ في ذلك اللقاء الصحفي:
Quote: أن الإيقاع أصله إما لنشاط رعوي أو زراعي حسب ارتباط الناس بذلك النشاط.
فالساقية مثلا فى شمال السودان حسب حرفة الناس وكذلك (الجراري ، المردوم ،الدرملي) كله مربوط بحركة الجمل أو الحصان عند البقارة في بادية كردفان والحياة لديهم ترحال .
وحتى الإيقاع الوافد، يتشكّل حسب البيئة التي هاجر إليها. ويضرب الباحث مثلاً بهجرة الدلوكة إلى كردفان. يقول في ذلك مشيراً إلى علاقة الإيقاع بالحرفة من خلال الجمل:
Quote: ولذلك أخذت الدلوكة قوتها عندما وصلت كردفان وارتبطت بهذا الترحال مع ايقاع مشية الجمل .
وفي حديثه عن "الطنبور والطمبارة" ، يؤكد الباحث مرة أخرى على أثر مشية الجمل، حين يعرّف الطنبور قائلاً:
"الطنبور ليس من الآلات الوترية إنما هو صوت يخرج من الحلق ويقفل الاغنية مع إيقاع مشية الجمل".
ويرى الباحث أن بدايات الطنبرة في الغناء السوداني جاءت من كردفان، وأن الطنبرة مرتبطة بإيقاع مشية الجمل:
Quote: الدكتور أحمد القرشي عبد الرحمن أهداني شريطا غنائيا بصوت سرور يعود تاريخه لعام 1927م يغني فيه قصيدة للشاعر العبادي :
الطمبارة أخذتهم الغيرة واختلفوا معه، وقالوا ليه دا جبتو من وين؟ قال سرور: وجدته عندما بدأت الغناء عام 1915م عند قبائل دار حامد والحمر في ام درمان في العرضة وودنوباوي والبوستة وحى العرب. وأنا ومعي ودالفكي نقلنا ذلك الغناء. وبدأ يغني للجراري ويطمبر يصفق تماما كما في كرير الجراري والشيلة. والايقاع يتمثل فى دقة الرجل والتي استعيض عنها بدقة الآلات كالبنقز وغيره. وكان ود أبوالجوخ وتوم دق العيش وبلال أبوكرد وسرور وعبدالله الماحي طمبروا ونقلوا ذلك في فترة ما يسمى بعصر الطمبرة اخذوه من الجراري ،
ويعتقد الباحث أن الدلوكة التي هي أساس الغناء السوداني، ليست سودانية، بل أتت من صعيد مصر. يقول عن ذلك:
Quote: جاءت من بلاد النوبة «صعيد مصر» واختلطت مع آلة الكوشية في الشمال في منطقة شندي وكبوشية عند الجعليين
ثم واصلت "الدلوكة رحلتها" حتى وصلت كردفان، وتأثرت بمشية الجمل. يقول الباحث في إشارة للدلوكة:
Quote: حتى وصلت شمال كردفان وارتبطت بإيقاع مشية الجمل عند الابالة وأخذت قوتها لدى (الكبابيش ،الكواهلة ودار حامد) وللجمل مشيات مختلفة .
ويؤكد الباحث أثر مشيات الجمل العديدة على الإيقاع،وهي حوالي 16 مشية، في حديثه عن أصل غناء السيرة:
Quote: السيرة والدلوكة جاءت من كردفان، إلا أن الدّقات تغيّرت لأنها مأخوذة من اكثر من مشية للجمل وهي أساس الجراري.
ويختلف الباحث مع الفنَّان عبدالكريم الكابلي، حول أول ما وجده من الغناء السوداني:
Quote: عندما سألوا الفنان عبدالكريم الكابلي عن أول ما وجد من الغناء، قال (الموزروا ) . وهذا ليس صحيحاً، اذ يوجد تاريخ للغناء قبل المهدية ومؤرَّخ وموثَّق له منذ العهد التركي .
وللتدليل على اختلافه مع الكابلي، يضرب الباحث مثالاً عن الغناء في العهد التركي:
Quote: (كاسر يا جرو الخلا ابساجور)، حواء بت تندل غنتها ل(إمبدة أبوكندي). هو أمبدة تمساح امبدة ود عم سيماوى (ناظر دار حامد)، عندما رفض دفع الطلبة للآتراك عام 1879م.
وقال للمندوب (دقيس) قول للأتراك أخو الناظر رفض يدفع الطلبة، وقال ليكم انتو أتراك أجانب أطلعوا من البلد.
فكانت جذوة نضال، فأرسل الأتراك اليه تجريدة في أم شديرة عام 1880م وقضت عليه. ومنّح عليه أخوه الناظر سيماوي وقال فيه: كل ما هديتك قلت لى ما عوير وهاج فيك أم عطيف الفى الطينة متهير شالك قليل الموت وخلاني متحير (دليل على ان الكثرة غلبت الشجاعة) .
وعندما سمعت ذلك حوة بت تندل قالت بعد ثلاثة سنوات عام 1883: لساني فيهو بقول (كاسر يا جرو الخلال ابساجور ) غني وشكريه يالثلاث أخوات لا رجفت لحمتو ولا لسانو لات السيف في يمينو بقدل على الدرقات والخزين أخوي مقنع الكاشفات
Quote: : جاءت من بلاد النوبة «صعيد مصر» واختلطت مع آلة الكوشية في الشمال في منطقة شندي وكبوشية عند الجعليين
لا اتفق مع هذه النظرية مطلقا فايقاع الدلوطة العرضة اتى من الجزيرة العربية اقول هذا وانا دنقلاوي من جزيرة مروارتي والزورات واقو السير لم يستخدم اجدادي هذا الايقاع ولا اعمامي ممن كانو يعزفون الطمبور ولكنني سمعته لدي فنانين من دنقلا شباب ويغزى ذلك لتأثرهم بغناء الوسط لو مشيت اي دولة في الخليج غندهم ضرب ايقاعي واغنيات العرضة
Quote: إن كان التوثيق والتاريخ بيُكتب بطريقة سودانيزأون لاين دى، زى ناس عاجل وعاك عيك .. أراهنكم إنو كله كضب فى كضب ..
100% الكلام عن معرفة اصول جزيئيات ثقافية ده شبه مستحيل ان لم يكن مستحيلا بالفعل ودايما بكون مجرد نظريات تستند على ادلة تاريخية او اثرية ليست قاطعة ، يعني تلقى نفس الظاهرة موجودة في مكانين مختلفين في نفس الفترة التاريخية ، تسود نظرية لفترة ما ثم يأتي كشف اثري او وثيقة لتثبت خطأ النظرية السائدة .. احيانا تجد عدة نظريات مختلفة تتحدث عن جزئية او ملمح ثقافي واحد وكل نظرية تنسبه لثقافة ما .. استمتعوا بالدليب وانسوا الباقي لأنكم لن تصلوا لأي مكان تحياتي
نشرت مجلة "الموسيقى العربية"، وهي مجلة ثقافية موسيقية، تصدر عن "المجمع العربية الموسيقي"\جامعة الدول العربية،
مقالاً بعنوان "اتجاهات البحث في الموسيقى الشعبية السودانية".
ويلخص المقال أبرز اتجاهات البحث لمقاربة الموسيقى الشعبية\التقليدية السودانية، ملقياً الضوء على الجهد العلمي المبذول لكشف اللثام عن جذور ونشأة موسيقانا السودانية.
اتجاهات البحث في الموسيقى الشعبية السودانية
. مقالات
تعكس اتجاهات البحث في الموسيقى السودانية بعضاً من أنواع تعريفات واتجاهات البحث المتعلقة بـ (علم موسيقى الشعوب) عموماً. فقد جاءت أولى الإشارات إلى الموسيقى السودانية في كتابات الرّحالة والمبشرين الذين كتبوا عن السودان وأهله واصفين عاداتهم وتقاليدهم. وقد جاء وصف الموسيقى السودانية في هذا الإطار، وقد أقتصر دور الرّحالة على إعطاء أوصاف للموسيقى التقليدية في السودان فكانت كتاباتهم لا تتعدى كثيراً الجانب الوصفي. أما المبشرون فقد تقدموا خطوة على الرحالة، وذلك بأنهم أخرجوا الحديث عن الموسيقى التقليدية بالسودان من مرحلة الوصف وتسجيل الانطباعات عنها إلى طور التحليل والوصول إلى نتائج.
وذلك كان هو الاتجاه الأول في التعامل مع الموسيقى التقليدية في السودان. وجاء الاتجاه الثاني ليركز على الآلات الموسيقية، وقد حظيت الآلات الموسيقية التقليدية بالسودان باهتمام الباحثين من الغربيين والسودانيين، وتباينت طرق التناول. مثلاً يقارن مكي سيد أحمد الأنظمة النغمية الموجودة في الموسيقى السودانية بالنظام النغمي الأوروبي للسلم الخماسي. (1)
وقد ركزت بعض الدراسات على مقارنة الآلات الموسيقية السودانية بالآلات المشابهة في الشرق الأدنى وإفريقيا. وركز هذا النوع من الدراسات على توضيح الأصول الخاصة بتلك الآلات ومناطق انتشارها. كما فعل كاستيليCastelli في دراسته لبعض الآلات الموسيقية في جنوب السودان، وذلك في ورقة قدمها في ندوة الفلكلور والتنمية الوطنية Folklore and National Development التي نظمها قسم الفلكلور في معهد الدراسات الأفريقية والآسيوية في جامعة الخرطوم 1981م.
وقد اكتفت بعض الأعمال الخاصة يالآلات الموسيقية في السودان بالوصف مع الرسوم التوضيحية للآلات الموسيقية التقليدية بالسودان كما في الكتاب الذي يحمل نفس هذا العنوان 1958م
وقد نحت الدراسات الحديثة للموسيقى السودانية والموسيقى بعض تلك الدراسات مثل دراسة آرثر سيمون Arthur Simon لموسيقى النوبيين Music of the Nubian 1980 على الدور الاجتماعي للموسيقى ، ونظرت بعض الدراسات "إلى نظم الموسيقى متمثلة في الشكل والسلِّم الموسيقي والأبعاد الصوتية باعتبارها حقائق ثقافية. وترى تلك الدراسات أن البناء الموسيقي يمثل جزءاً واحداً من الكل الثقافي، ولذلك لا يمكن فهمه إلا بالرجوع "إلى بعض الظواهر الثقافية التي هي جزء منه، ومثال ذلك دراسة جيرد بومانGerd Buman حول الموسيقى عند الميري 1977م.
وتواصلت مسيرة دراسة الموسيقى التقليدية في السودان حتى ظهرت دراسات جمع أصحابها بين منهج علم موسيقى الشعوب ومنهج الفلكلور. وقد تمكن بعض أصحاب هذه الدراسات من تقديم بحوث ذات معنى بحكم تدريبهم في علم الموسيقى وفي مناهج ونظريات علم الفلكلور، ومثال ذلك كتاب الموسيقى التقليدية في مجتمع البرتا في جنوب النيل الأزرق 1988م. وقد ذكر مؤلف الكتاب (على الضو) أن الموسيقى التقليدية لا يمكن أن تفهم فهماً متكاملاً بالنظر إليها كبناء صوتي فقط، وفي ذات الوقت لا يمكن تجاهل هذا البناء الصوتي، فالتحليل الموسيقي ينبغي أن يشتمل على تحليل العلاقة بين النظم الصوتية والبيئة الاجتماعية التي من خلالها وبها يتم الإنتاج الموسيقي؛ وتؤكد الدراسة أيضاً على العلاقة الوطيدة بين الموسيقى وأحداث المجتمع الذي تؤدى فيه.
يتضح من هذا العرض أن الكتابات المشار إليها تعكس نوعاً من التدرج بحيث تبدأ بالحديث عن الموسيقى السودانية باعتبارها جزءاً من العادات والتقالىد، انتقالا إلى المنهج الوصفي للآلات الموسيقية والمقارنة أحياناً، وإلى الحديث عن المناسبات التي تمارس فيها الموسيقى، وصولاً إلى المنهج الذي يهتم بالواقع الاجتماعي الثقافي للموسيقى بجانب البناء الصوتي. وقد فضّل أصحاب المنهج الأخير استخدام مصطلح الموسيقى التقليدية traditional music مفضلين إياه على مصطلح الموسيقى الشعبية، وكان رأيهم أن إطار مصطلح "تقليدية" في كتابات الغربيين كثيراً ما يعني القديم والإستاتيكية أو استمرار القديم في الحاضر؛ ولكن المجتمعات ومعرفتها تعابير تقليدية إلى حد ما، ثم أن اعتبار الشيء تقليدياً أو غير تقليدي يعتمد على عاملين هما رؤية الفرد والزمان الذي يطلق فيه مثل هذا الحكم.
هذا وقد وجدت الموسيقى التقليدية اهتماما من جانب بعض المؤسسات الأكاديمية في السودان، وأوضحُ مثال في هذا الخصوص هو ما يقوم به قسم الفلكلور في معهد الدراسات الإفريقية والآسيوية من جهد في مجال الموسيقى التقليدية، فقد أحس هذا القسم منذ الثمانينيات من القرن العشرين بالحاجة إلى مشروع يعنى بالموسيقى التقليدية لأسباب من بينها تأثير اساليب الموسيقى الحديثة على الموسيقى التقليدية، وقد يتبلور هذا الإحساس في تصميم مشروع جمع وتوثيق وحفظ الموسيقى التقليدية في السودان، وقد تم تنفيذ هذا المشروع بتمويل من مؤسسة فورد الأمريكية.
وقام هذا المشروع بعمليات جمع واسعة للموسيقى التقليدية من مختلف أنحاء السودان مستخدمين في ذلك أجهزة التسجيل الصوتي وأجهزة الفيديو والتصوير الفوتوغرافي، وقد ارتفع مستوى التسجيل ليصل إلى استخدام أحدث الأجهزة مثل جهاز التسجيل الرقمي. وفي إطار هذا المشروع، تم إنشاء أرشيف للموسيقى التقليدية في 1994م. وهو مزود بأحدث وسائل الحفظ ليضطلع بعملية الجمع والتوثيق والحفظ. وقد قام الأرشيف بإنتاج خمسة أشرطة كاسيت للموسيقى التقليدية الخاصة بغرب وشرق السودان وجنوب النيل الأزرق وموسيقى الصوفية وموسيقى النوبا. ويجري العمل على إنتاج شريطين صوتيين لموسيقى جنوب وشمال السودان، كما يجري العمل على إنتاج إسطواناتC.D. وقد أتاح الإرشيف فرصاً طيبة للباحثين في مجال الموسيقى السودانية بعامة والتقليدية بخاصة، بالإضافة إلى أنه يحتوي على تسجيلات للموسيقى التقليدية من ثقافات أخرى تم الحصول عليها عن طريق الإهداء والتبادل.
وقد أتاح أرشيف الموسيقى التقليدية الفرصة لطلاب الموسيقى في الجامعات السودانية لمعرفة أسليب الموسيقى التقليدية والاستفادة من مادة الأرشيف في بحوثهم الأكاديمية، كذلك وفر الأرشيف فرصاً لتدريب المعنيين بالموسيقى التقليدية من داخل وخارج السودان، مثل مركز الفن الشعبي في مدينة البيرة الفلسطينية. وقد نظم الأرشيف برنامجاً أكاديمياً وثقافياً يضمن العديد من المحاضرات وحلقات النقاش والمنتديات والدورات التدريبية حول مختلف جوانب الموسيقى التقليدية وغير التقليدية، بالإضافة إلى استعراض بعض المراجع المعروفة في مجال علم موسيقى الشعوب. وقد تبلور كل ذلك من ناحية أكاديمية في تدريس مقرر في الدبلوم العالى يعرِّف الطلاب بعلم موسيقى الشعوب. وفي مجال النشر، قام أرشيف ومشروع الموسيقى التقليدية بطباعة ونشر خمسة إصدارات شملت:
1. الموسيقى التقليدية في مجتمع البرتا 1988م.
2. الآلات الموسيقية التقليدية في السودان 1985م.
3. كاتالوج التسجيلات الصوتية للموسيقى التقليدية في السودان 1999م.
4. كاتالوج تسجيلات الفيديو للموسيقى التقليدية في السودان 1999م.
5. كتاب بيبلوجرافيا الموسيقى السودانية 1999م.
وما زال الأرشيف يؤدي دوره في مجالات الجمع والتوثيق والحفظ والنشر وإنتاج الموسيقى التقليدية في السودان، ويحتفظ الأرشيف بعلامات واسعة بالمؤسسات الشبيهة في أفريقيا والوطن العربي والعالم.
في ما مضى من "بوست" ، رأى الباحث خالد الشيخ أن الدلوكة أتت من "مصر"،
ورأى الموصلي أنها جاءت من "الجزيرة العربية"،
وألمح آخر إلى أنها جاءت من "الهند".
أدناه رأي آخر ، يرى أنها جاءت من "دارفور":
الدلوكة ومكانتها في تراث السودان الغنائي
الخرطوم ـ أحمد حنقه
لقد أصبح التراث السوداني تراثاً عالمياً ، وفي المتحف البريطاني حالياً توجد من هذا التراث مخطوطات اسلامية نادرة ، كما يوجد سيف السلطان علي دينار مؤسس الدولة الاسلامية المعروفة في دار فور بغرب السودان ، وهناك متحف متنقل يحمل التراث السوداني الي العالم ، وقد طاف حتي الآن بفرنسا وألمانيا وهولندا. وهذا التراث يذخر بالكثير ، وفي كل المجالات ولذلك لا غرابة أن يكون لفرقة الفنون الشعبية السودانية صيت واسع في الوطن العربي وخاصة في منطقة الخليج العربي .
وفي مجال الفنون يتسم التراث الشعبي السوداني بغنى بالغ نتيجة للتنوع الكبير في كافة المجالات ، وتحتل الموسيقي مكاناً مرموقاً في هذه الفنون ، وتعتبر آلة (الدلوكة) الايقاعية من أهم الآلات الموسيقية في التراث السوداني .
وقد عرفت هذه الآلة (الدلوكة) في عهد سلطنة دارفور التي أشرنا اليها ، والتي تأسست في القرن الثاني عشر الهجري ، وكانت تضرب في المناسبات والأعياد ، ثم انتقلت الي أوساط السودان في عهد سلطنة الفونج ، وكان يقوم بالضرب عليها ثلاثة من النساء ، الأولى هي المغنية والتي تضرب على الطبل الكبير والأخريان يضربان علي طبلين صغيرين ولكنهما من فصيلة الطبل الكبير الذي يوضع تحت الأبط الأيسر لحاملته.
والدلوكة في شكلها عبارة عن آلة تصنع من الفخار في شكل اسطواني يبلغ ارتفاعه ثمانية وأربعين سنتمترا وتخرط من الوسط الى أن تستقيم مع الفتحة السفلى التي يبلغ قطرها أربعة وعشرين سنتيمتراً ، وتوجد في جوانبها فتحات صغيرة لتضخيم الصوت. وتجلد فتحة الدلوكة العليا بطبقة من جلد الماعز لقلة كثافته ومرونته في الأداء ، ويثبت الجلد بالملصقات ويزين بالألوان والأصبغة وأحياناً بالحناء .
واستخدمت الدلوكة في الأفراح من بداية منتصف العقد الأول من القرن الحالي ، لمصاحبة غناء (التم تم) الثلاثي الايقاع والذي اختصت بأدائه النساء والاسم (تم تم ) يرجع الي توأمين اشتهرتا بأداء هذا الضرب من الغناء في مدينة كوستي (وسط السودان) وانتقلت منها هذه الايقاعات الي بقية أرجاء السودان وتصاحب ايقاعات الدلوكة الأغنية الخفيفة التي تعرف (الكسرة) والأغنية الطويلة على السواء .
وعند أداء التم تم تجلس المغنية على بساط من السعف مفروش على الأرض ، وفي هذه الحالة توضع الدلوكة على الفخذ الأيسر ، وتحتضن المغنية هيكلها الفخاري بيدها اليسري وتضرب عليها بأصابع اليدين معاً عند الغناء . وقد تغنت بالدلوكة مجموعة من المطربات الشهيرات ، وأغاني الدلوكة في بيوت الأفراح تجسد معانيها الأغراض العاطفية المعروفة التي تطرقها الأغاني في كل زمان ومكان ، ولكن أغاني (السيرة) تقتصر على شعر الحماسة الذي يشحذ الهمم .
و(السيرة) هي موكب يتم بعد اكتمال مراسم الزواج أو ختان الذكور ، حيث يكون (العريس) أو الطفل المختون في كامل زينة السيرة ، وهي الجلباب السوداني التقليدي ، والطاقية والعمامة والحذاء الجلدي المعروف باسم (المركوب) والسيف ، ويكون (العريس) مخضوب اليدين والرجلين بالحناء ، وتغطي رأسه طبقة من العطر الجاف النفاذ الرائحة تسمي (الضريرة) ، ويلتف حول رأسه شريط يتوسطه هلال من الذهب الخالص ، وتتدلي من عنقه مسبحة طويلة تسمي بمسبحة (اليسر) وحباتها خليط من العقيق والخشب العطري ، والعريس يسير في المقدمة ويهز سيفه يمنة ويسرة في زهو .
وفي حالة السيرة تحمل احداهن الدلوكة على إحدى كتفيها وتكون الفتحة المغطاة بالجلد متجهة الى الخلف حيث تسير المغنية وهي تضرب عليها عند الأداء ، وخلفها اثنتان تضربان على الطبلين الصغيرين ، ويكون ايقاع (السيرة) قوياً لان الأغاني كما أشرنا تقتصر هنا على أغاني الحماسة ، ومن أكثرها شيوعاً الأغنية التي مطلعها :
عريسنا ورد البحر .. العديله وقطع جرايد النخل .. العديله
والمعنى ان عريسنا في طريقه الى البحر – وفي السودان تطلق كلمة البحر علي النهر – لقطع جريد النخل .. أما كلمة (العديلة) فتعني أن المغنيات يتمنين الخير للعريس والمستقبل الزاهر له .. والذهاب الى النهر – النيل أوغيره ، أو أي منهل مائي – هو تقليد يرجع بأصوله الى زمن سحيق من تاريخ السودان ، والقصد منه التبرك ، أما قطع جريد النخل – وليس بالضرورة أن يكون الشجر نخلاً – فالقصد منه أن يكون فألاً حسنا بأن مستقبل العريس سوف يكون دائم الخيرات والرزق الوفير .
وما زالت الدلوكة تحتل مكانتها المرموقة في الريف السوداني ، وبدأت تنحسر في المدن حيث حلت الآلات الحديثة محلها . وهذه هي سنة الحياة .
نشر فيكتور ماستوروديس الموسيقار والمؤلف المقيم في لندان، كتيباً بعنوان "نظرية موسيقى البلقان". تحدّث المؤلف في المقدمة عن التعددية التي تسم موسيقى البلقان. وأشار إلى الارتباط الوثيق بين موسيقى البلقان والحياة اليومية، وخاصة الرقص.
ويرى أن الحديث عن إيقاعات موسيقى البلقان، يستوجب أن نرقص، أو على الأقل نشاهد الرقصات المرتبطة بها.
وسنركز في عرضنا للكتيب على إيقاع 8\7 لانه إيقاع "الدليب" في موسيقانا السودانية:
بوستك شحمان يا اسامة شكرا على المثابرة اها هسع الالبان ديل سمعو ضرب ٧/٨ الدليبي وين غير انو اصيل عندهم مشكلتنا في السودان انو نحن دوما نكبر كومنا ايا كانت النتيجة وان الله في عون ناس طه سليمان
We were treated to this amazing tune at a workshop given by The Bears and The Bees at Pickin In the Pines Bluegrass and Acoustic Music Festival, 18 Sep 2009, Flagstaff, AZ.
اديبنا الجميل اسامة لقد بلغ هذا البوست شأوا عظيما في سبر غور الضرب الايقاعي ذو السبع ضربات الاساسية ٧/٨ والذي نطلق عليه في بلادنا اسم (ايقاع الدليب) واعتقد أنه سيدفعك الى المزيد من التنقيب عن هذا الكنز ------- لا ادري ان كان الفنان الشاب طه سليمان في برنامجه وضيوفه الذين عكوا حول موضوع الدليب في معرفة اقل كثير من محدودة قد اطلعوا على هذا البوست الشامخ --------- لاحظت في الفيديو الاخير ان العازفين ١- على الدف يلعب الضرب الاساسي بينما ٢- على الطبلة يلعب التنويعات الايقاعية ردا عليه وهنا الامر كاد ان يشابه فعل اهلنا الشايقية تماما تحياتي
Quote: اديبنا الجميل اسامة لقد بلغ هذا البوست شأوا عظيما في سبر غور الضرب الايقاعي ذو السبع ضربات الاساسية ٧/٨ والذي نطلق عليه في بلادنا اسم (ايقاع الدليب) واعتقد أنه سيدفعك الى المزيد من التنقيب عن هذا الكنز
لقد حاول البعض -سامحهم الله-إثنائي عن الخوض في مغامرة البحث عن الإيقاع البلقاني.
وتسلحت بأكتوبر هههه، وأيضاً بخبرتي النقدية في قبول التحدي.
فأصلاً متعة البحث تأتي من "الغموض" الذي يكتنف الظاهرة موضع البحث.
فانفتح باب الكنز-كما وصفته حقاً- بالدراسة التي كتبها موسيقار اغريقي أشرت إليه في متن البوست، عن موسيقى البلقان، وقدّم نماذج كثيرة لكل نوع.
فتناسلت تلك النماذج، وصادفتني نماذج لم تكن في البال مطلقاً، مثل النماذج الهندية والمولدوفية والفارسية والأفعانية.
كما صادفتني محاولات توزيع أغاني الكريسماس على إيقاع 8\7 وغيرها.
ومازالت هناك نماذج من البلقان، أهمها النماذج البلغارية، والتي عشت في وسطها كطالب في جامعة صوفيا لست سنوات.
وقلت سيدي أيضاً:
Quote: لا ادري ان كان الفنان الشاب طه سليمان في برنامجه وضيوفه الذين عكوا حول موضوع الدليب في معرفة اقل كثير من محدودة قد اطلعوا على هذا البوست الشامخ
حتى الآن، أو قل لدي إحساس عميق، أن فرضيتك حول التأثير الاغريقي ، هي الأقرب لتفسير انتقال الإيقاع من البلقان إلى أهلنا الشايقية.
مازلت أبحث عن مقالة مهمة لمحمد عبدالحي عن الشيخ اسماعيل صاحب الربابة، يتحدث فيها عن تأثير الثقافة الاغريقية على الثقافة السودانية من خلال ارفيوس، لو صدقت داكرتي.
في freepressjournal" كتب ميرا ساشيتال، بتاريخ الرابع من أغسطس 2013، مقالاً عن تاريخ "ضريح الحاج علي " الشهير في مدينة بومباي. وفيه قال ميرا أن "الحاج علي شاه بخاري" الصوفي ، قِدم من مدينة بخارى في إيران، إلى الهند بصحبة أخيه، تاركاً وطنه ، بعد أخذ الإذن من والدته. وطاب له المقام في شواطئ مدينة بومباي، بينما آثر أخوه العودة إلى بخارى. وبد الحاج علي ، أ في نشر الإسلام والقران بين أوساط السكان المحليين.
وقبل موته، أوصى أتباعه بعدم دفنه، وأن يقوموا بإلقائه مكفّناً في المحيط.. وسيقوم الذين سيعثرون على كفنه بدفنه في ذلك المكان. وقام أتباعه بتنفيذ وصيته. ولهذا فضريحه الشريف، قد شُيِّد على صخور ترتفع فوق مياه المحيط حوالي عام 1431.
وفي يومي الخميس والجمعة من كل أسبوع، يقوم بزيارة الضريح حوالي 4000 شخص، التماساً لنيل بركاته. وفي يوم الجمعة من كل أسبوع، تصدح في ضريحه الموسيقى الصوفية المسمّاة "القوّالي"*.
ومن أقوال الحاج علي:
اتقِ الله، وبعدها لن تخشى أحداً. تمرّ أيام العمر كالسحاب، فافعل الخير في حياتك. ذلك الذي يعرف نفسه، يعرف الله.
أدناه ترجمة بالإنجليزية لأغنية "الحاج علي":
Piya Haji Ali Film: Fiza Singer: A R Rahman,
God approves of the actions of His friends
From this door, we get empowerment to hold our head high
Ask from the depths of your heart, this is the place of haji Ali
He is a friend of God
O king of oceans, O the son of Haider
O king of oceans, kindly cast your eyes towards me O beloved haji Ali You are the wealth of oceans Your door is a pious and pure door, the desired door, what a great door O the one with light
O the one who is simple and innocent Cast your shadow on all of us Here Hindus, Muslims, Sikhs, Christians, all achieve bounty This ocean guards your door daily Your face is absolutely full of light Donate in the name of Mohammed Mustafa
Donate in his name Nobody ever returned disheartened from this door What is hidden in somebody's heart, everything is known to you Owing to your glory and gifts, there is appreciation also on the sky Kindly heed to the request of us poor souls, and shower your gifts on us Entire universe is proud of you
O sage, proud of you Bad luck becomes good at your door
Oh! Luck becomes better
As long as my desires are not fulfilled My life will shed tears at this door O sage, whoever has become yours, he will not carry any misgivings
Translated and Posted to Y! Group by Azim on Feb 26, 2001
*في لقاء مع موقع "قنطرة"، تحدّث المنشد الصوفي الباكستاني، فايز على فايز،
عن موسيقى "القوَّالي"قائلاً: "موسيقى القوَّالي الصوفية نشأت قبل سبعمائة عام، وذلك عندما جاء بعض العلماء والأولياء المسلمين إلى شبه القارة الهندية.
ويتم أداء هذه الموسيقى في غناء جماعي، ونرافقه بعزف على آلتي أرغن وآلات إيقاعية، ونقوم بالإضافة إلى ذلك بالتصفيق حسب الإيقاع ونحن نغنِّي.
والنصوص التي نغنِّيها تمجِّد الأولياء الصوفيين والأنبياء. وكذلك ترتبط دائمًا طبيعة هذه الموسيقى وإلى حدّ كبير برأي المستمعين وشعورهم، فموسيقى القوَّالي لها ميِّزات دينية وكذلك دنيوية.
وهذه الموسيقى بدأت في دور العبادة، ولكن يتم عزفها في يومنا هذا أيضًا في صالات الحفلات الموسيقية.
ولكن بغضّ النظر عمَّا إذا كانت الكلمات دنيوية أو دينية، فرسالة موسيقى القوَّالي هي دائمًا الحبّ".
حبيبنا اسامة الحجاز هو احد مقامات الموسيقى الشرقية والاتراك قطعا من اساطينها اذن المقصود بالتسمية هو نوع المقام الموسيقي الم}لفة عليه الموسيقى وليس الايقاع ولكن بالفعل الايقاع هو 7/8 وهو مانسميه بالدليب في السودان تحياتي
Quote: فاجأت المطربة السودانية المعروفة ندى محمد عثمان “القلعة” جمهورها العريض بتفجيرها لمفاجأة العام حسب وصفهم.
وذلك من خلال تدشينها لفيديو كليب قامت بتصويره بالعاصمة الأثيوبية أديس أبابا, الفيديو الكليب الذي حصل عليه محرر النيلين وتم تدشينه مساء الثلاثاء,
تم تصويره بتقنية عالية تغنت من خلاله المطربة الجماهيرية بأغنية (أديس أبابا) وهي من كلمات الشاعر الشاب هيثم عباس.
ندى القلعة أجرت معالجات في التنفيذ الموسيقي للأغنية وقدمتها باللهجة الأثيوبية, وصاحبها في تصوير الفيديو شباب أثيوبيين وحسناوات أثيوبيات.
جمهور المطربة المعروفة والمتواجد بكثافة داخل مواقع التواصل الاجتماعي كشف عن إعجابه بالفيديو كليب, وذكروا أن ندى هي سفيرة الأغنية السودانية بالخارج وأنهم فخورين بها.
This is the alternate version of Hans Zimmer's 160 BPM, from ANGELS and DEMON Original Motion Picture Soundtrack, performed by London Music Works from the album; The Best of Hans Zimmer (2011) _______________________________________________________________________________________________________________________________ هانز فلوريان زيمر (بالإنجليزية: Hans Florian Zimmer) هو مؤلف و منتج موسيقي ألماني ولد يوم 12 سبتمبر 1957 في فرانكفورت.
اشتهر بعمله على الموسيقى التصويرية لعدة أفلام ناجحة و حيازته على عدة جوائز أوسكار، غرامي و غولدن غلوب.
تميزت أعماله بإدخاله أصواتا من الموسيقى الإلكترونية على موسيقى الأوركسترا التقليدية.
.
