Post: #2 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-28-2015, 05:38 AM Parent: #1
Post: #3 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-28-2015, 01:48 PM Parent: #2
ما قبل التاريخ ولا شنو ؟
Post: #4 Title: Re: تعرف على اصحاب الصورة ... و اكتب عن الزمن ال Author: عبدالحفيظ ابوسن Date: 08-28-2015, 02:22 PM Parent: #3
ياعمو !! دحين معاك لكن كمان ماقدر دة ما عصرت علينا كدة قال ليهو الديدبان في البوابة ثااااااااااابيييييييييسست عندك ؟
Post: #5 Title: Re: تعرف على اصحاب الصورة ... و اكتب عن الزمن ال Author: Faisal Saad Date: 08-28-2015, 02:47 PM Parent: #4
سلامات الحبيب يحي و عساك طيب.. غايتوا الزول ابشنب الفى الصورة الأولى الشايل الكاميرا أن ما بقيت ياكا ذاتك احتمال يكون الاستاذ الإعلامي الفذ حمدي بدر الدين، راجل لطيف و جميل و دمه خفيف، الله يديوا و يديك العافية.. و بعدين يا أخوي الزمن الهسى فينا دا برضو جميل بوجود ناس جميلين مثلك فيه، على الرغم من علو درجات الضنك و المشقة حاليا، و قبل المغادرة نتمنى الزمن القادم يكون أجمل و كدا..
سلام و عوافى..
Post: #6 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-28-2015, 03:14 PM Parent: #4
Quote: ياعمو !! دحين معاك لكن كمان ماقدر دة ما عصرت علينا كدة قال ليهو الديدبان في البوابة ثااااااااااابيييييييييسست عندك ؟
و الله يا ود ابسن قلت لي رقبتي لو صاحبي حفيظ جا بي جاي
حيعرف واحد من الاتنين الفي الصورة الاولي لأنه من أولاد كوستي
و اديك ( بخره ) ... كان بلعب نص في الوطن في السبعينات ...
Post: #7 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-28-2015, 03:21 PM Parent: #6
Quote: سلامات الحبيب يحي و عساك طيب.. غايتوا الزول ابشنب الفى الصورة الأولى الشايل الكاميرا أن ما بقيت ياكا ذاتك احتمال يكون الاستاذ الإعلامي الفذ حمدي بدر الدين، راجل لطيف و جميل و دمه خفيف، الله يديوا و يديك العافية.. و بعدين يا أخوي الزمن الهسى فينا دا برضو جميل بوجود ناس جميلين مثلك فيه، على الرغم من علو درجات الضنك و المشقة حاليا، و قبل المغادرة نتمنى الزمن القادم يكون أجمل و كدا..
سلام و عوافى..
كضباً كاضب زي ما كان بقول محمد سليمان
ما حزرت يا حبيبنا ...
رغم انو الفي الصورة ذاته رجل لطيف و جميل و دمه خفيف ... زي حمدي بدر الدين تمام ...
Post: #8 Title: Re: تعرف على اصحاب الصورة ... و اكتب عن الزمن ال Author: عبدالحفيظ ابوسن Date: 08-28-2015, 04:34 PM Parent: #7
والله يا صاحب الكورة دي عودي فيها عود مرة .. نسوان زمان والسبعينات دي كنت يافع في ميعة الطفولة القبل ميعة الصبا لو جبت اسمو بجيهو ليك رغم اني متهم الاخدر بي علي نور الدين ود حلتنا وكان بعزف للعميري عود
Post: #9 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-28-2015, 09:53 PM Parent: #8
المهندس و الرجل الفنان و اللاعب ابن كوستى سامي حجازى
Post: #10 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-28-2015, 11:01 PM Parent: #9
Quote: المهندس و الرجل الفنان و اللاعب ابن كوستى سامي حجازى
معتصم الطاهر ود ربك و حارس مرمى المعمار و الهندسة أحيانا ...
هو سامي حجازي محمد صالح ...
اها و القاعد جنبه منو ؟
Post: #11 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-28-2015, 11:13 PM Parent: #10
Quote: معتصم الطاهر ود ربك و حارس مرمى المعمار و الهندسة أحيانا ...
هو سامي حجازي محمد صالح ...
اها و القاعد جنبه منو ؟
دى البصدقها منو اسع يا قباني
لم اعرفعه
لكنه دفعته
و قريب من ابو صالح
Post: #12 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-28-2015, 11:16 PM Parent: #11
Quote: دى البصدقها منو اسع يا قباني
لم اعرفعه
لكنه دفعته
و قريب من ابو صالح
بس ياهو زاتو ... :)
ازيك يا زول يا جميل ...
معقول بس 33 سنة تقريباً ؟
شاغلتك كتير لكنك ما بتجي المنبر كتير ...
امورك و احوالك و وليداتك ...
شفت الدنيا دي كيف صغيرة ؟
Post: #13 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-28-2015, 11:34 PM Parent: #12
فعلا زمن
و سأعود
Post: #14 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-29-2015, 00:41 AM Parent: #13
Post: #15 Title: Re: تعرف على اصحاب الصورة ... و اكتب عن الزمن ال Author: muntasir Date: 08-29-2015, 03:36 AM Parent: #14
السادة اعضاء وفد التهنئة بجلوس الملك جورج الخامس على العرش قبل الرحلة
Post: #16 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-29-2015, 04:21 AM Parent: #15
Quote: السادة اعضاء وفد التهنئة بجلوس الملك جورج الخامس على العرش قبل الرحلة
اكيد قاصد صورة الجلاليب ...
Post: #17 Title: Re: تعرف على اصحاب الصورة ... و اكتب عن الزمن ال Author: عبدالحفيظ ابوسن Date: 08-29-2015, 09:05 AM Parent: #16
يا صاحب مش قلت ليك مابعرف كورة لكن بعرف الناس سامي حجازي دة بتذكرو طشاش .. تقريبا قرا هندسة جامعة الخرطوم . فشقيقي احمد قرا في ذات الزمان هندسة مدنية .. وكانت دارنا مكان لقاءاتهم . يسكن الحلة الجديدة بالقرب من جامع الاحمدين واظنه الان بالخرطوم .. كان نشطا
Post: #18 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-29-2015, 03:32 PM Parent: #17
Quote: Hattey Abrahman · Khartoum University
اصورة الجماعة بالجلاليب المهندس خيري..والده كان وكيل مدرسة الخرطوم القديمة
نعم ... صديقي الجميل خيري عبد الرحمن خيري تاني واحد من اليسار ...
Post: #19 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-29-2015, 04:02 PM Parent: #17
Quote: فشقيقي احمد قرا في ذات الزمان هندسة مدنية .. وكانت دارنا مكان لقاءاتهم
أحمد ابو سن سنيورنا
بل و أخ كبير و قائد روحي لجميع أبناء ( جنوب النيل الأبيض) .. تزاملت معه فى الكلية و فى تصديق و تشييد نادي الخريجين مع كمال ابو شمة و كمال قنيف و ميرغنى قمر و صلاح ابن عوف و بدرية و فاطمة السمحة و د. منى حامد و آخرون ..
و كان بيته ملتقى لقرارات كبيرة ذات أثر. له مواقفه و اسهاماته .
Post: #20 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-29-2015, 04:19 PM Parent: #19
اللجنة العليا لأسبوع المهندس الرابع 1980 ...
الجمعية الهندسية برئاسة سامي شريف و جمعية طلاب المعمار برئاسة عبد الحفيظ حفظ الله .. و سكرتارية د. جمال محمود ..
Post: #21 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-30-2015, 05:45 AM Parent: #20
معتصم الطاهر ... حارس مرمانا ..
مع انك يا معتصم حرست العرين سنوات لكن مشكلتك جيت بعد محمد الأكرم ... و محمد كان اسد في عرينه ...
انت و احتياطيك شريف الحلفاوي... شريف الصفاية ... :)
علم الدين الهادي و فيصل و صلاح العاقب و صلاح سوكابا و طلب و سامي حجازي ... و جعفر محمد علي
أيام ياخي ...
Post: #22 Title: Re: تعرف على اصحاب الصورة ... و اكتب عن الزمن ال Author: محمد أبوالعزائم أبوالريش Date: 08-30-2015, 06:01 AM Parent: #21
إزيك يا عمو، الناس ديل عرفت منهم بس خيري عبدالرحمن، ولقيت عرفوهو قبالي.
لكن الكاميرا دي زاااتا من التاريخ. .... معقول؟
Post: #23 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-30-2015, 06:05 AM Parent: #22
Quote: إزيك يا عمو، الناس ديل عرفت منهم بس خيري عبدالرحمن، ولقيت عرفوهو قبالي.
لكن الكاميرا دي زاااتا من التاريخ. .... معقول؟
اها و تخيل الشايل الكاميرا ده انا زاتي ...
اها انكر انك دفعتي ؟ انت مش كنت في جمعية التصوير ...ههههههههههه
ياخ داير اهديك الغنية دي يا أبو الريش ...
Post: #24 Title: Re: تعرف على اصحاب الصورة ... و اكتب عن الزمن ال Author: محمد الشيخ أرباب Date: 08-30-2015, 06:27 AM Parent: #23
يا قباني لو خيري عبدالرحمن دفعتك قول لود اب سن يا عمو هههه
Post: #25 Title: Re: تعرف على اصحاب الصورة ... و اكتب عن الزمن ال Author: عبدالحفيظ ابوسن Date: 08-30-2015, 06:41 AM Parent: #24
هههه محمد الشيخ قباني دة قايلني دفعتو شوف المحن ويقول ليك اكتب ما تعرفه معتصم الطاهر بعرفك معرفة شخصية ووالدك المرحوم وكتبت عنك وعنو قبل كدة وجليتني قلت امكن ما قبلت كلامي فأنصرفت عنك قباني دة من زمن سفرة البركس عندها جرسونات ياخ
Post: #27 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-30-2015, 08:31 AM Parent: #25
معتصم الطاهر بعرفك معرفة شخصية ووالدك المرحوم وكتبت عنك وعنو قبل كدة وجليتني قلت امكن ما قبلت كلامي فأنصرفت عنك
Quote: معتصم الطاهر بعرفك معرفة شخصية ووالدك المرحوم وكتبت عنك وعنو قبل كدة وجليتني قلت امكن ما قبلت كلامي فأنصرفت عنك
معقولة يا ود اب سن
ما قريتا
مع اني بتداخل فى بوستاتك اكتر من اى شخص آخر ..
بالله الرابط وين ؟؟؟؟؟؟؟؟؟؟؟؟؟؟؟
Post: #36 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-31-2015, 05:01 AM Parent: #24
Quote: يا قباني لو خيري عبدالرحمن دفعتك قول لود اب سن يا عمو هههه
سلامات يا ود الأرباب ...
خيري عبد الرحمن قدامي بي سنة كان ( أيام الخرطوم القديمة ) لكن خشينا الجامعة سوا ... و عشنا في داخلية واحده ...
و خيري فردتي و صديق من أصدقاء العمر ... و مازلنا على اتصال ... هو في البحرين الآن ...
اما ود اب سن ... فقال انحنا اعمامه ... نعمل شنو ؟
Post: #26 Title: Re: تعرف على اصحاب الصورة ... و اكتب عن الزمن ال Author: محمد أبوالعزائم أبوالريش Date: 08-30-2015, 06:43 AM Parent: #23
الهدية ما بناباها، لكن الفيك إتعرفت
معقول كاميرا كاسيت يا يحي؟
بعدين خيري عبدالرحمن كان الدفعة القدامنا في الخرطوم القديمة، لكن لمتنا جمعية الموسيقى وقبلها السكن في بري
Post: #28 Title: Re: تعرف على اصحاب الصورة ... و اكتب عن الزمن ال Author: عبدالحفيظ ابوسن Date: 08-30-2015, 09:05 AM Parent: #26
لا عليك يا معتصم للاسف بكتب لايف ومباشر .. وما بحتفظ بنسخة او رابط اشكرك جدا للاهتمام الذي مسخ غبنا خفيفا عنك ولم يتبق الا طعم تلك الايام الجيدة كنت كتب حديثا عن والدك عمنا محمد طاهر ولوري محمد طاهر كأول لوري تجاري بين ربك وكوستي .. وعنك وعن معرفتي بك من خلال صداقتك مع ابن عمي عبدالوهاب والسينما آنذاك حبابك وعذرا لك
Post: #29 Title: Re: تعرف على اصحاب الصورة ... و اكتب عن الزمن ال Author: Muhib Date: 08-30-2015, 09:21 AM Parent: #28
Quote: انا القدامك ده كنت بتسكع كل ليلة في الحفلات و المزازيك ...
حاولت اعلق في البو ست الثاني لكن البيئه لم تسمح جميل ياخ في الصوره الاولي في شخص بدا لي ك زبدان ابراهيم
Post: #37 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-31-2015, 05:03 AM Parent: #29
Quote: حاولت اعلق في البو ست الثاني لكن البيئه لم تسمح جميل ياخ في الصوره الاولي في شخص بدا لي ك زبدان ابراهيم
يا محب يا حبيبنا ... تسلم يا ملك ...
Post: #33 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-30-2015, 05:59 PM Parent: #20
جلوس(Left to right) بلّة البكري – مدنية الطيب بشير – مكانيكا معتصم الطاهر – معمار معاوية..........- مكانيكا محمد عوضالله – مساحة معتصم القاضي – زراعية عوض ...... – زراعية
وقوف (Left to right) ضوالبيت منصور _ مدنية قيس جمال – كيمائية سامي شريف – كهرباء عادل دفع الله – ميكانيكا جمال محمود – معمار صديق عيسي – مدنية عبد الحفيظ .حفظ الله....- معمار — August 28 at 4:00pm · Like
Post: #30 Title: Re: تعرف على اصحاب الصورة ... و اكتب عن الزمن ال Author: عاطف عمر Date: 08-30-2015, 09:46 AM Parent: #1
الهادي حيمور أقصى اليسار محمد يوسف أقصى اليمين
________
سلامات يا أحباب بركاتك يا قبة وبركات الصور جابت لينا المهندس معتصم الطاهر
Post: #32 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-30-2015, 05:58 PM Parent: #30
عاطف يا جميل ..
غياب لأسباب ظارئة ..
و عودا لكم و بكم ..
Post: #39 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-31-2015, 05:07 AM Parent: #30
Quote: الهادي حيمور أقصى اليسار محمد يوسف أقصى اليمين
محمد يوسف و لا ولدنا عمر خليفة السيد اقصى اليمين يا توفي ؟
Post: #31 Title: Re: تعرف على اصحاب الصورة ... و اكتب عن الزمن ال Author: محمد مجيدو Date: 08-30-2015, 02:18 PM Parent: #1
يعني كولكم طلعتو .. كوامر ... ؟؟؟
الله يديكم الصحه والعافيه ...
Post: #34 Title: Re: تعرف على اصحاب الصورة ... و اكتب عن الزمن ال Author: بكرى ابوبكر Date: 08-30-2015, 09:27 PM Parent: #31
شكرا استاذ يحيى قبانى و الجميع و الله فعلا زمن جميل و ناس عمالقة اذكر و نحن طلبة ثانوى فى بحرى الحكومية كنا بنتسكع مرات فى شارع الجامعة ....يوم لقينا طلبة الجامعة قالوا قافلين الجامعة لانو ناس جهاز الامن اعتقلوا و احد اسمه خيرى عبد الرحمن و فعلا ما فتحوا الشارع الا بعد ناس جهاز الامن فكوا خيرى اما اليوم كان ناس جهاز الامن اعتقل نص الجامعة النص الثانى ما بجيب خبرهم
Quote: بلّة البكري – مدنية
عضو فى المنبر
Post: #35 Title: Re: تعرف على اصحاب الصورة ... و اكتب عن الزمن ال Author: بَلّة البكري Date: 08-31-2015, 04:27 AM Parent: #34
سلام يا كرام وشكرا يا يحيى ويا ريس بكري وتحيات عبركما لكل أقطاب الزمن الجميل
وسلام يا معتصم والف شكر على الصورة النادرة. كان ذلك قي شتاء 1980 في مكتب الجمعية الهندسية وفنيلة البرد الما بتغباني شاهد على ذلك!
ساعود لاكمال الاسماء من الذاكرة ..
Post: #38 Title: Re: تعرف على اصحاب الصورة ... و اكتب عن الزمن ال Author: بَلّة البكري Date: 08-31-2015, 05:04 AM Parent: #35
الاسماء صحيحة يا معتصم ومن وضعت نقاط بعد اسمهم الاول هم:
معاوية عثمان (أعتقد) – هندسة ميكانيكا (من ابناء عطبرة) وعوض سرالختم - هندسة زراعية (من ود مدني)
الصورة للجنة التنفيذية ل (الجمعية الهندسية 1980) والتي كانت تشمل جمعية طلاب المعمار
تفرق الناس بالطبع. سامي شريف وصديق عيسي وجمال محمود في الحقل الاكاديمي يعملون في جامعة الخرطوم الان - على حد علمي
احمد ابو سن كان له حضور مميز. يسبقنا بسنوات. اجتماعي وأخو أخوان..
هناك شخصيات عدة في تلك الفترة كان لهم حضور مميز: كمال فضل وجعفر أحمد علي في كرة القدم والاتنين كانوا بمستوى لاعبي الدرجة الاولي في السودان (ولو في زول من عشاق الكورة ممكن يدي تفاصيل اكتر وربما بعض الصور)
اما الشخصيات المحبوبة فيتصدرهم عادل سليمان عليه الرحمة. ويا يحيى اظنك ستكتب عنه بأصدق مما أكتب عنه أنا. فقد كان انسانا رائعا خطفه الموت مبكرا.
Post: #42 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-31-2015, 05:37 AM Parent: #38
Quote: اما الشخصيات المحبوبة فيتصدرهم عادل سليمان عليه الرحمة. ويا يحيى اظنك ستكتب عنه بأصدق مما أكتب عنه أنا. فقد كان انسانا رائعا خطفه الموت مبكرا.
بركة الجابتك لينا يا صديقي ...
و الله افتقدناك كثيراً يا بلة ...
و رحم الله عادل سليمان رحمة واسعة ... فارقنا مبكراً جداً ...
و لم تخطئ يا بلة ان عادل كان من اجمل و الطف الناس على مر السنين ...
اذكره بالبنطلون الجينز و القميص الكاكي .. ساخراً من كل شيء ...
أيام يا بله ... ليتها تعود يا اخي ... ____________________________________________ جمال محمود الان عميد كلية المعمار ( أصبحت كلية قائمة بذاتها ) سامي شريف ( سامي جكسا ) عميد كلية الهندسة ... و رئيس شعبة الكهرباء ... ( سامي شريف ) عبقري منذ ان كان طفلاً ... اعرفه منذ الصغر ... _________________________________________________________________________________________ توفى عادل سليمان ... معمار و توفى عادل سامي ( Jaws ) ... معمار و توفى أسامة السواحلي ... معمار و توفي ابن عمي عادل سعد ... و توفي إبراهيم محمد إبراهيم ( إبراهيم العربي ) ... معمار و توفت ليليان فايق ... معمار
رحمهم الله و رحمنا جميعاً
Post: #41 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-31-2015, 05:23 AM Parent: #34
Quote: شكرا استاذ يحيى قبانى و الجميع و الله فعلا زمن جميل و ناس عمالقة اذكر و نحن طلبة ثانوى فى بحرى الحكومية كنا بنتسكع مرات فى شارع الجامعة ....يوم لقينا طلبة الجامعة قالوا قافلين الجامعة لانو ناس جهاز الامن اعتقلوا و احد اسمه خيرى عبد الرحمن و فعلا ما فتحوا الشارع الا بعد ناس جهاز الامن فكوا خيرى اما اليوم كان ناس جهاز الامن اعتقل نص الجامعة النص الثانى ما بجيب خبرهم
نورتنا يا هندسة ...
اها خيري لما هجموا عليهوا و خموهوا في البوكس انحنا وراهو بدقيقتين كلنا كنا راجعين ترهاقا ...
بالله خطفوهوا في لمح البصر ...
أو لما رجع بعد يومين وشو مكسر و مفلق و دمه سايح حملناهوا على الاكتاف و بدينا مظاهرات ...
في الليل كان ناس الامن ناوين عليهوا تاني و كنت ماشي اوصله بيتهم في ناصر عشان اهله يطمئنوا عليهو ...
كان عندي 140 واي ( داتسن ) بيضا ... و فجأه جماعتك ظهروا لينا و طاردونا بي بيجو 504 لفلفونا الخرطوم بي طولها لغاية ما رجعنا جوة ترهاقا مرة تاني ...
و ما قدرنا نصل امتداد ناصر الا بعد يوم تقريباً ...
زمن النميري زمن الإرهاب و بداية الخراب ...
تسلم على المرور يا هندسة ...
Post: #40 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-31-2015, 05:15 AM Parent: #31
Quote: يعني كولكم طلعتو .. كوامر ... ؟؟؟
الله يديكم الصحه والعافيه
الدفعة 40 يا جنابو ...
Post: #43 Title: Re: تعرف على اصحاب الصورة ... و اكتب عن الزمن ال Author: عبدالله عثمان Date: 08-31-2015, 06:48 AM Parent: #40
شكرا على صورة سامي حجازي محمد صالح والذي لم أراه منذ أكثر من ثلاثة عقود تحياتي له مرفق صورة حديثة نسبيا للأخ أحمد محمد علي ابوسن - المقيم بود مدني حاليا - الصورة تجمعه والأستاذ دفع الله موسى البدوي - كبير الجمهوريين بمدينة ود مدني -
الصورة أدناه لإبنه محمود وهي تذكركم بوالده أحمد ابوسن في السن التي رأيتموه فيها (قل ثلاثة عقود أو تزيد)
سلام يا حفيظ
Post: #44 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-31-2015, 07:42 AM Parent: #43
دا بوست حيستمر باذن الله
شوف لحدى اسع ..
كبيرنا بلة البكرى ( بالمناسبة صورة الجمعية " مقتبسة من بلة البكرى) و بكرى ابو بكر
ثم عبد الله عثمان .. (414) .. كما كانت تتهامس عليه بنات الثانوى ..
Post: #45 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-31-2015, 07:47 AM Parent: #44
Quote: و رحم الله عادل سليمان رحمة واسعة ... فارقنا مبكراً جداً ...
و لم تخطئ يا بلة ان عادل كان من اجمل و الطف الناس على مر السنين ...
اذكره بالبنطلون الجينز و القميص الكاكي .. ساخراً من كل شيء ...
يا سلام على عادل سليمان ..له الرحمة ..
سأكتب عنه ان شاء الله ..
و يا بلة و يحي ارجو الاتصال بى .. حاولت مخاطبتكم بالهاتف ..
Post: #46 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-31-2015, 09:03 AM Parent: #44
دا لو عبد الله عثمان هو عبد الله احمد عثمان .. السفير ..
مع انو كلهم 414 ( ع اع)
Post: #47 Title: Re: تعرف على اصحاب الصورة ... و اكتب عن الزمن ال Author: عبدالله عثمان Date: 08-31-2015, 09:07 AM Parent: #46
Quote: عبد الله احمد عثمان
منهم وباري منهم يا معتصم أنا يا معتصم أخو عرمان وأعتقد انو هو دفعتكم عبدالله احمد عثمان من حلة العراقاب وأنا من حي المرابيع (الحي وليس القرية التي جنب الجزيرة أبا)
Post: #51 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-31-2015, 09:32 AM Parent: #47
تصدق عارف
و بشاغل ..
التقيت عبد الله قريبا و أكرمنا فى داره بعمان..
تذكرتك مع استاذ السر فى كوستي ..
و آخر أيامي فى السودان قضيتها فى معية المرحوم أستاذ سعيد الشايب في جلسة صباحبة يومية مع انشاد و شاى بالزلابية ..
Post: #48 Title: Re: تعرف على اصحاب الصورة ... و اكتب عن الزمن ال Author: عبدالله عثمان Date: 08-31-2015, 09:07 AM Parent: #46
حذف للتكرار
Post: #49 Title: Re: تعرف على اصحاب الصورة ... و اكتب عن الزمن ال Author: عبدالحفيظ ابوسن Date: 08-31-2015, 09:16 AM Parent: #48
شكرا عبدالله عثمان ودالمرابيع والمعلم السابق والمهاجر في امريكا الان جير هوكس ... تلك اليافطة الكانت لي قريب دة مدقوقة في السوق الصورة لاحمد اخوي وهي احدث مما تصور واياهو زاتو ولدو محمود مهندس بالدمازين واب لطفلين
Post: #50 Title: Re: تعرف على اصحاب الصورة ... و اكتب عن الزمن ال Author: بَلّة البكري Date: 08-31-2015, 09:30 AM Parent: #49
الرحمة والمغفرة لكل من غادرونا الى دار الخلود. واحر التعازي لاسرهم. اللهم يا مالك الملك اشملهم برحمتك التي وسعت كل شئ..
Post: #52 Title: Re: تعرف على اصحاب الصورة ... و اكتب عن الزمن ال Author: بَلّة البكري Date: 08-31-2015, 09:34 AM Parent: #50
Quote: بركة الجابتك لينا يا صديقي ... و الله افتقدناك كثيراً يا بلة
على ايامنا في جامعة الخرطوم درج الناس أن يسكنوا في داخليات البركس في سنواتهم الاولي مع زملاء الثانوي العالي الذين حضروا معهم للجامعة: يعني اولاد دفعة واولاد منطقة
لسبب ما لم يبق هناك اماكن في غرف زملاء الثانوي الذين حضرت معهم من خورطقت في الابيض.
شاورني عم محمد (الفراش) فيما اذا كنت ارغب ان أضاف لعنير جماعة" مزعجين"! على حد قوله "من ود مدني"! وكأنه يقول لي "أوعك تسكن مع ديل"!!
أثارت عباراته حب الاستطلاع الفطري الذي يتمتع به كل من هو في عمرنا وقتها. وقبلت التحدي. قرار لم اندم عليه ابدا كان في الغرفة: عادل سليمان واحمد فضل ومحمد سلمان وياسر م. خير ومامون سيد احمد وفيصل أ. البشير وأحزين
يا الله. كانت مدرسة من الظرف وخفة الدم والفن والأدب والدعابة الذكية التي يتصدرها عادل سليمان وأبوعلي (أحمد فضل) زرت معهم ود مدني اكثر من مرة واحببت المدينة واهلها بسببهم يا لها من أيام..
وبعدين معاك يا يحيى كلما نتخن جلدنا ونبلد احساسنا في محاولة للتأقلم مع جفاف الغربة تقوم تنكت لينا حاجة خاصة زي دي وتجهجهنا بيها.. (شيئ فن وشئ ذكريات وشئ قرقوش كمان) ياخي خاف الله فينا..(وجه باسم)!
Post: #53 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-31-2015, 09:38 AM Parent: #52
بلة
حاولت الاتصال بك قبل قليل .. و هاتفك على المجيب الآلي
Post: #54 Title: Re: تعرف على اصحاب الصورة ... و اكتب عن الزمن ال Author: بَلّة البكري Date: 08-31-2015, 09:39 AM Parent: #52
ساكون على سفر يعد قليل ولكني ساعود
-------------------- ويا معتصم راجع الخاص
Post: #55 Title: Re: تعرف على اصحاب الصورة ... و اكتب عن الزمن ال Author: جمال الباقر Date: 08-31-2015, 10:25 AM Parent: #54
اول الجالسين من اليمين .... جعفر منصور حمد ؟؟
Post: #56 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-31-2015, 05:38 PM Parent: #55
[IMG]
[/IMG]
الدفعة 19 او خريجي 82 يتوسطهم عادل سليمان ..
Post: #57 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 08-31-2015, 05:44 PM Parent: #56
يوم التسليم رابعة معمار ساعات الفجر الاولى قبل التسليم بأربعة ساعات .. احتفاء و احتفال ..
Post: #60 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-01-2015, 04:22 AM Parent: #57
Quote: يوم التسليم رابعة معمار ساعات الفجر الاولى قبل التسليم بأربعة ساعات .. احتفاء و احتفال ..
يا سلام يا معتصم ...
اخر مره شفت فيها عصام عبد الله سر الختم سنة 85
رغم انه مقيم في أمريكا ...
Post: #59 Title: Re: تعرف على اصحاب الصورة ... و اكتب عن الزمن ال Author: يحي قباني Date: 08-31-2015, 08:48 PM Parent: #43
Quote: شكرا على صورة سامي حجازي محمد صالح والذي لم أراه منذ أكثر من ثلاثة عقود تحياتي له
تحياتي عبد الله ... صورة صديقي الجميل سامي حجازي قبل شهر في بورتسودان ...
الكُبر لحقنا كلنا يا صديقي ...
Post: #58 Title: Re: تعرف على اصحاب الصورة ... و اكتب عن الزمن ال Author: عاطف عمر Date: 08-31-2015, 08:36 PM Parent: #1
سلام يا قبة والرفقة الحلوة وهذا البوست الحنين
Quote: محمد يوسف و لا ولدنا عمر خليفة السيد اقصى اليمين يا توفي ؟
في ظني أن هذه الصورة هي لطلاب قسم الميكانيكا لمدينة بورتسودان لذلك ظهر خيري والهادي حيمورة نعم الملامح قريبة من ملامح الصديق العزيز عمر خليفة ( بالمناسبة هو معنا في دبى وقد تجاورنا في السكن لفترة من الزمان ) .... لذلك أظن أن الشخص الموجود في الصورة هو الصديق العزيز محمد يوسف الذي كان أيضاً بقسم الهندسة الميكانيكية ...
Post: #61 Title: Re: تعرف على اصحاب الصورة ... و اكتب عن الزمن ال Author: بكرى ابوبكر Date: 09-01-2015, 04:40 AM Parent: #58
Quote: يا سلام على عادل سليمان ..له الرحمة ..
الله يرحم عادل سليمان فقد سمعت عنه كثيرا من اخيه وصديقى هشام سليمان درس معمار برضو ..... و على ما اظن التقيته مع الصديق احمد فضل ودى صورة للصديق احمد فضل و هو قارى جيد للمنبر و كان دائما فى الاتصال معى لكن اخباره انقطعت اتمنى ان يكون بخير فهو كنز من المعرفة و اللطافة
Post: #62 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-01-2015, 04:46 AM Parent: #61
Quote: ودى صورة للصديق احمد فضل و هو قارى جيد للمنبر
يا هندسة ...
احمد فضل كان الصديق الأول لعادل سليمان رحمه الله ...
سكنوا في غرفة واحدة لسنوات ...
في مرة قرروا يتبادلوا أسماء ابهاتهم ...
فبقوا عادل فضل و احمد سليمان ...
الله يرحم عادل الرجل الجميل ...
Post: #63 Title: Re: تعرف على اصحاب الصورة ... و اكتب عن الزمن ال Author: بكرى ابوبكر Date: 09-01-2015, 04:51 AM Parent: #62
شكرا استاذ قبانى
Quote: يا باشمهندس والله رجعتنا كم سنة كده لوراء (كم سنة ما تسأل)
العزيز أحمد فضل من جيل صلاح قوش وليست دفعة لأنه دفعتنا وصلاح عبدالله ده قدامنا بسنة دفعتنا عبد الباسط حمزة ،جمال زمقان ،طارق محجوب ،سنية(زوجة الدرديري محمد أحمد) ديل من الجانب المظلم
من الجانب المضيئ :مأمون سيد أحمد،تاج الدين عبدالله،أبراهيم سعد،الرشيد ميرغني وماجدة محمودمحمد علي وبلة البكري جيل زي الورد لم يتجرأ التنظيم الأسلامي ان يتولى الجمعية الهندسية طيلة الخمسة سنوات
ذاك الجيل الذي كان الseniors فيه يهزوا ويلزوا ناس عبد العزيز آدم الحلو،نيال دينق نيال،مولانا بول ميوم أكيج،ابوبكر الصديق الزيلعي،عبد العزيز أحمد كامل ،وكبيرنا الباشمهندس مزاحم عبد الوهاب الضوي،والدفعة الورانا ناس هشام طه المجمر ،محمد المعتمد النور،خيري عبد الرحمن
والله يا باشمهندس السودان ده فرطنا فيه برانا للأرازل ديل NEWSUDANI
Post: #65 Title: Re: تعرف على اصحاب الصورة ... و اكتب عن الزمن ال Author: عبدالله عثمان Date: 09-01-2015, 08:09 AM Parent: #64
شكرا يا قباني على صورة سامي وواضح انو الزمن فعل فينا فعله أتذكره لاعب كرة قدم في رشاقة الغزال وأرجو أن يكو لا يزال محافظا على رشاقة البدن والروح ممتنون يا قباني
Post: #66 Title: Re: تعرف على اصحاب الصورة ... و اكتب عن الزمن ال Author: MOHAMMED ELSHEIKH Date: 09-01-2015, 08:34 AM Parent: #65
Quote: اذكر و نحن طلبة ثانوى فى بحرى الحكومية كنا بنتسكع مرات فى شارع الجامعة ....يوم لقينا طلبة الجامعة قالوا قافلين الجامعة لانو ناس جهاز الامن اعتقلوا و احد اسمه خيرى عبد الرحمن و فعلا ما فتحوا الشارع الا بعد ناس جهاز الامن فكوا خيرى
المهندس والصديق العزيز خيري عبد الرحمن دفعتي طبعا وعملنا سويا في محطة بحري الحرارية. تم اعتقالنا في يوم واحد هو 6 ديسمبر89 تخرجت قبله من دبك وتخرج من شالا بعدي بشهرين تقريبا. هاجر لسلطنة عمان فتبعته وعملت معه في شركة واحدة(سوجكس) ولكنه تركها وذهب للأمارات ووليت وجهي شطر المسجد الحرام. الآن بالبحرين وتقابلنا قبل شهر واحد في السودان وقضينا يوما كاملا بعد (فرقة) التحية له اينما حل وشكرا يا بكري
Post: #70 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-01-2015, 07:52 PM Parent: #66
Quote: المهندس والصديق العزيز خيري عبد الرحمن دفعتي طبعا وعملنا سويا في محطة بحري الحرارية. تم اعتقالنا في يوم واحد هو 6 ديسمبر89 تخرجت قبله من دبك وتخرج من شالا بعدي بشهرين تقريبا. هاجر لسلطنة عمان فتبعته وعملت معه في شركة واحدة(سوجكس) ولكنه تركها وذهب للأمارات ووليت وجهي شطر المسجد الحرام. الآن بالبحرين وتقابلنا قبل شهر واحد في السودان وقضينا يوما كاملا بعد (فرقة) التحية له اينما حل وشكرا يا بكري
خالص التحية لك و لصديقي الجميل خيري عبد الرحمن ...
و تباً لسجون السفاح جعفر نميري ...
نحن على اتصال مستمر مع خيري خاصة ان والده و والدته الله يديهم العافية يزورونا هنا سنوياً ...
Post: #67 Title: Re: تعرف على اصحاب الصورة ... و اكتب عن الزمن ال Author: عاطف عمر Date: 09-01-2015, 10:41 AM Parent: #58
Quote: في ظني أن هذه الصورة هي لطلاب قسم الميكانيكا لمدينة بورتسودان لذلك ظهر خيري والهادي حيمورة نعم الملامح قريبة من ملامح الصديق العزيز عمر خليفة ( بالمناسبة هو معنا في دبى وقد تجاورنا في السكن لفترة من الزمان ) .... لذلك أظن أن الشخص الموجود في الصورة هو الصديق العزيز محمد يوسف الذي كان أيضاً بقسم الهندسة الميكانيكية ...
أعدت النظر كرتين وثلاثة وتحدثت مع الصديق عمر خليفة
ملامح الصورة فعلاً أقرب لـ عمر خليفة معضلتي ما الذي جمعه مع أهل الهندسة الميكانيكية ؟؟ وهو ذات السؤل الذي واجهت به الأخ عمر
في هذه الحالة ربما تكون المعلومة التي وردت إلينا في واتساب خريجي الهندسة 1984 بخصوص علاقة هذه الصورة برحلة بورتسودان غير دقيقة في ذات الوقت أن النظارة الطبية التي تميز الصديق محمد يوسف ولا تكاد تفارقه لا توجد في الصورة
لذلك سوف أفترض معك أن الصورة هى للصديق عمر خليفة رغم التشابه بينهما
وهى مناسبة لنوجه التحية حارة للصديق الرقيق المهذب محمد يوسف أينما كان
Post: #68 Title: Re: تعرف على اصحاب الصورة ... و اكتب عن الزمن ال Author: عادل عبدالعزيز عبد الرحيم Date: 09-01-2015, 04:37 PM Parent: #67
قبانى سلام قريبى معتصم محمد الطارهر سلام كل الحضور سلام
طبعا نحن الجيل البعدكم فى اقتصاد اضطهدنا ليكم ناس بكرى وخليل وابوسمرة وكيكى فى هندسة بما فيهم صلاح العاقب ذاته وبقينا نغلب هندسة بالخمسات ومن 85 الى 90 كاس واحد طلع بره اقتصاد مافى
Post: #69 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 09-01-2015, 06:37 PM Parent: #68
Quote: [ قبانى سلام قريبى معتصم محمد الطارهر سلام كل الحضور سلام
طبعا نحن الجيل البعدكم فى اقتصاد اضطهدنا ليكم ناس بكرى وخليل وابوسمرة وكيكى فى هندسة بما فيهم صلاح العاقب ذاته وبقينا نغلب هندسة بالخمسات ومن 85 الى 90 كاس واحد طلع بره اقتصاد مافى
سلام يا قريبي و زولى ..
هانت الزلابية ..
أنا خمسة سنين جامعة و سنة بعدها .. ما شفت قون دخل فى الهندسة من اقتصاد .. تقول لى بالخمسة ..
لما الهندسة تلعب مع اقتصاد و علوم ..برتاح الفريق الاول والاحتياطي لملاقاة آداب او طب .. و زراعة بنلعب معاها بفريق الاحتياطي ..
Post: #77 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-02-2015, 03:54 AM Parent: #68
Quote: قبانى سلام قريبى معتصم محمد الطارهر سلام كل الحضور سلام
طبعا نحن الجيل البعدكم فى اقتصاد اضطهدنا ليكم ناس بكرى وخليل وابوسمرة وكيكى فى هندسة بما فيهم صلاح العاقب ذاته وبقينا نغلب هندسة بالخمسات ومن 85 الى 90 كاس واحد طلع بره اقتصاد مافى
عادل ... كيفنك يا زول يا جميل ...
اقتصاد شنو البتلعب كورة كمان ؟
يا زول لو ما بناتكم السمحات ما كان خليناكم في المين أصلا ... كان لحقناكم التربية :)
Post: #71 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-01-2015, 07:57 PM Parent: #67
Quote: في هذه الحالة ربما تكون المعلومة التي وردت إلينا في واتساب خريجي الهندسة 1984 بخصوص علاقة هذه الصورة برحلة بورتسودان غير دقيقة في ذات الوقت أن النظارة الطبية التي تميز الصديق محمد يوسف ولا تكاد تفارقه لا توجد في الصورة
لذلك سوف أفترض معك أن الصورة هى للصديق عمر خليفة رغم التشابه بينهما
ده شنو كلام الشيوعيين ده يا عاطف ...
تفترض ... و افرازات الواقع ...؟؟ :)
يازول ده عمر خليفة السيد ... ولو هو ما متأكد قول ليه يحيى قال ليك خرفته ...
الصورة جابها ابوصالح و هو عارف انه فيها عمر خليفة ...
انا رسلتها لي خيري عموما و نشوف ...
Post: #72 Title: Re: تعرف على اصحاب الصورة ... و اكتب عن الزمن ال Author: عاطف عمر Date: 09-01-2015, 09:50 PM Parent: #71
Quote: ده شنو كلام الشيوعيين ده يا عاطف ...
تفترض ... و افرازات الواقع ...؟؟ :)
يازول ده عمر خليفة السيد ... ولو هو ما متأكد قول ليه يحيى قال ليك خرفته ...
الصورة جابها ابوصالح و هو عارف انه فيها عمر خليفة ...
انا رسلتها لي خيري عموما و نشوف ...
ههههههههههههههههههههههههه
ياخ والله كان عمر كان محمد يوسف والله أي واحد فيهم ( أعسل ) من التاني
دي صورة من الفرن
محمد حسن أبوصالح - عاطف عمر - عمر خليفة دبى في 01/09/2015 إحتفاء بزيارة الحبيب أبو صالح لدولة الإمارات العربية المتحدة مرافقاً لإبنه الذي إلتحق بإحدى جامعاتها المرموقة
Post: #73 Title: Re: تعرف على اصحاب الصورة ... و اكتب عن الزمن ال Author: abdalla elshaikh Date: 09-01-2015, 10:49 PM Parent: #72
يا جماعه بسأل عن زول سمح بلحيل إسمو علي نديم ... طبعا ناس عادل سليمان و مأمون سيد احمد و أحمد فضل و علي نديم والقدال و حميد ديل عاشوا معانا في جخانين معهد الموسيقي والمسرح والذي كان وقتها يضج ب{ألأ ولاد المطاليق المجانين} من لدن يحي فضل الله و محمد محي الدين و قاسم ابو زيد والإ خوان سلمي الشيخ سلامه و تماضر شيخ الدين... وكانوا يشاركون في إسبوع المهندس بمسرحيات فرقة السديم وأشعار محمد محي الدين و قدال و حميد و منعم رحمه فالله يرحمك يا عادل سليمان لأنك كنت قاطرة الوصل بين هؤلاء المطاليق
Post: #74 Title: Re: تعرف على اصحاب الصورة ... و اكتب عن الزمن ال Author: محمد محمود محمد Date: 09-01-2015, 11:46 PM Parent: #73
في سنة 1982 ..كانت الجامعة في قمة النشاط السياسي والفكري ضد مايو.. في واحد من الصباحات لعلعت المايكروفونات في النشاط..الجبهة الديمقراطية تدعوكم للتجمع ..الامن يقوم بأختطاف (الزميل خيري)..وكان يوم مشهود.. مظاهرات في شارع الجامعة حتى عودة الزميل خيري محمول على الأعناق.. من يومها و اسمه مرتبط عندي بالزميل خيري. : : كانت أيام يا هندسة.. تحياتي يا يحيى.
Post: #75 Title: Re: تعرف على اصحاب الصورة ... و اكتب عن الزمن ال Author: محمد محمود محمد Date: 09-01-2015, 11:59 PM Parent: #74
ب اسأل يا يحيى عن زول فنان وحريف.. الصديق (عبد السميع )..لعب في منتخب هندسة..كان أشول و سريع.. قضينا شهر في كسلا ..ايام القوافل الصيفية.. آخر عهدي بيه في مطار الخرطوم..وهو في طريقو للأغتراب. شكرا تاني ﻷنعاش الذاكرة.
Post: #76 Title: Re: تعرف على اصحاب الصورة ... و اكتب عن الزمن ال Author: بكرى ابوبكر Date: 09-02-2015, 01:21 AM Parent: #74
Quote: في سنة 1982 ..كانت الجامعة في قمة النشاط السياسي والفكري ضد مايو..
استاذ يحيى قبانى و الجميع سلام جاكم حقيقة تلك فترة عمالقة و زمن جميل و استنارة و يا ريت لو بيدى كنت وقفت الزمن عندها.... و نحن طلبة ثانوى قبل الالتحاق بالجامعة ...كان الدخول للجامعة لا بحتاج الى اذن او بطاقة و منذ دخولك عبر بوابة المين الى خروجك عبر النشاط ...كانت هنالك الاسابيع الثقافية للجمعيات و اركان الجمهوريين ....جبهة كفاح الطلبة....الجبهة الديمقراطية...علم و استنارة و جوه جميلة ......خطب سياسية ....جرايد النشاط مليئة بالاخبار....... الخ اما اليوم الدخول للجامعة يحتاج الى اذن و حجز بطاقتك عند بوابة الدخول التقول داخل البنتاجون .....وبعد خطوتين من دخولك تصيبك الكابة و الملل
من الطرائف فى تلك الفترة ...بعد امتحنا الشهادة السودانية كان بوكسنى بدخلنى الجامعة ........ التقيت فى يوم من الايام المهندس عثمان حامد كان عضو هنا و الان يكتب بهنالك فى نجاة زوجة د.بولا ...المهم التقيت عثمان فى احد النشاطات و عرفته اننى سوف اكون معاهم السنة دى فى الجامعة ...قام عثمان الشين عاين لى من فوق لى تحت و قال فى نفسه "بلاى شوفوا العربى الشين والمبهدل دا قال حا يخش جامعة الخرطوم"....والتى حكاها لى بعد دخولى للجامعة و منذ تلك الفترة اصبحنا اصدقاء
شكرا قبانى و شكرا لكل من شارك فى هذا البوست الذى ارجعنا الى تلك الفترة الجميلة من حياتنا ...اه لو الزمن وقف هنا و ما تحرك
Post: #78 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-02-2015, 04:29 AM Parent: #76
عمر خليفة السيد على العود ... ________________________________________ ما تشوفوا التركيز ده ... بكون بغني ( شوف عيني القطر قام )
Post: #79 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-02-2015, 04:34 AM Parent: #78
هنا ابراهيم أحمد ابراهيم الكنزي مُبشراً فوق معتصم حسن حمد ( الهكر ) و خلف معتصم يظهر مبارك ابراهيم ( الباجوري) بالنضارات ... و على اليسار الراحل إبراهيم محمد ابراهيم ( العربي )
Post: #80 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-02-2015, 04:41 AM Parent: #79
صديقي الجميل عاطف الزبير شاني ود مدني الجميلة في قومة مع ود الأبيض الأنيق ابوبكر خليل آدم و يظهر خلفهم جلوساً حسن صالح حاج احمد (جلال) و محمد الحسن ابو صالح ...
Post: #81 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-02-2015, 04:48 AM Parent: #80
من اليسار صديقي و فردتي محمد حسن ابوصالح الزين ثم صديقي و حبيبي معتصم حسن حمد ( الهكر ) ف ابوبكر خليل آدم ثم فردتي و زميل الوست الحريف مصطفى عبد المجيد حمدتو ( درش ) فصديقي اللذيذ ود الجريف نصر الدين عبده مصطفى ( مطر ) و اخيرا الجميل يوسف دفع الله ...
Post: #82 Title: Re: تعرف على اصحاب الصورة ... و اكتب عن الزمن ال Author: MOHAMMED ELSHEIKH Date: 09-02-2015, 05:35 AM Parent: #81
Quote: يا جماعه بسأل عن زول سمح بلحيل إسمو علي نديم ... طبعا ناس عادل سليمان و مأمون سيد احمد و أحمد فضل و علي نديم والقدال و حميد ديل عاشوا معانا في جخانين معهد الموسيقي والمسرح والذي كان وقتها يضج ب{ألأ ولاد المطاليق المجانين} من لدن يحي فضل الله و محمد محي الدين و قاسم ابو زيد والإ خوان سلمي الشيخ سلامه و تماضر شيخ الدين... وكانوا يشاركون في إسبوع المهندس بمسرحيات فرقة السديم وأشعار محمد محي الدين و قدال و حميد و منعم رحمه فالله يرحمك يا عادل سليمان لأنك كنت قاطرة الوصل بين هؤلاء المطاليق
هذا الرجل الأنيق الحقناهو معنا في قروب يسمى الترام على تلقرام(انصح بهذا البرنامج كل القروبات) وسوف نأتيكم بطريقة الوصال به. اما عبد السميع فهو في صلالة بعمان ومعنا أيضا في مجموعة الكهربائيين القدامى وأيضا لمن يبحث عنه موجوووووود وانا تلفوني في البروفايل أو 966562002162
Post: #85 Title: Re: تعرف على اصحاب الصورة ... و اكتب عن الزمن ال Author: معتصم الطاهر Date: 09-03-2015, 07:38 PM Parent: #73
Quote: يا جماعه بسأل عن زول سمح بلحيل إسمو علي نديم ... طبعا ناس عادل سليمان و مأمون سيد احمد و أحمد فضل و علي نديم والقدال و حميد ديل عاشوا معانا في جخانين معهد الموسيقي والمسرح والذي كان وقتها يضج ب{ألأ ولاد المطاليق المجانين} من لدن يحي فضل الله و محمد محي الدين و قاسم ابو زيد والإ خوان سلمي الشيخ سلامه و تماضر شيخ الدين... وكانوا يشاركون في إسبوع المهندس بمسرحيات فرقة السديم وأشعار محمد محي الدين و قدال و حميد و منعم رحمه فالله يرحمك يا عادل سليمان لأنك كنت قاطرة الوصل بين هؤلاء المطاليق
سلام غب\ الله الشيخ
كل الأجياء من المذكورين موجودين و متواصل معهم
للراحلين الرحمة
على نديم يعمل فى قطر / ام باب .. مصنع الاسمنت
Post: #83 Title: Re: تعرف على اصحاب الصورة ... و اكتب عن الزمن ال Author: يحي قباني Date: 09-02-2015, 02:09 PM Parent: #72
Quote: دي صورة من الفرن
محمد حسن أبوصالح - عاطف عمر - عمر خليفة دبى في 01/09/2015 إحتفاء بزيارة الحبيب أبو صالح لدولة الإمارات العربية المتحدة مرافقاً لإبنه الذي إلتحق بإحدى جامعاتها المرموقة
عيني بارده ما شاء الله ...
لكن شفت حمادة فردتي شباب كيف ما شاء الله ...
لو ما هو واقف معاكم كنت قلت ( الأولاد السُغار ) ديل منو :)
Post: #84 Title: Re: تعرف على اصحاب الصورة ... و اكتب عن الزمن ال Author: عاطف عمر Date: 09-02-2015, 08:48 PM Parent: #83
Quote: لكن شفت حمادة فردتي شباب كيف ما شاء الله ...
لو ما هو واقف معاكم كنت قلت ( الأولاد السُغار ) ديل منو :)
يا قبة نحن مقتنعين تماماً بالكلام دا بس عليك الله أقنع لينا صاحبك أبو الريش أننا لازلنا سغار أصلو قررررررب يعمل لينا عقدة كبر
Post: #86 Title: Re: تعرف على اصحاب الصورة ... و اكتب عن الزمن ال Author: يحي قباني Date: 10-07-2015, 03:58 AM Parent: #84
Post: #87 Title: Re: تعرف على اصحاب الصورة ... و اكتب عن الزمن ال Author: يحي قباني Date: 10-07-2015, 03:59 AM Parent: #86
منو يسمي لينا أعضاء تيم الهندسة ده ؟
Post: #88 Title: Re: تعرف على اصحاب الصورة ... و اكتب عن الزمن ال Author: يحي قباني Date: 10-07-2015, 04:05 AM Parent: #87
وقوفاً من اليمين :
عاطف الزبير شاني - إبراهيم احمد إبراهيم الكنزي - سامي حجازي محمد صالح - محمد الحسن أبو صالح الزين
جلوس :
يحي إبراهيم سعيد القباني - عز الدين محمد الأمين - معتصم حسن حمد
Post: #89 Title: Re: تعرف على اصحاب الصورة ... و اكتب عن الزمن ال Author: يحي قباني Date: 10-07-2015, 04:07 AM Parent: #88
