|
|
|
 Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: elsharief)
|
يا باشمهندس والله رجعتنا كم سنة كده لوراء (كم سنة ما تسأل)
العزيز أحمد فضل من جيل صلاح قوش وليست دفعة لأنه دفعتنا وصلاح عبدالله ده قدامنا بسنة دفعتنا عبد الباسط حمزة ،جمال زمقان ،طارق محجوب ،سنية(زوجة الدرديري محمد أحمد) ديل من الجانب المظلم
من الجانب المضيئ :مأمون سيد أحمد،تاج الدين عبدالله،أبراهيم سعد،الرشيد ميرغني وماجدة محمودمحمد علي وبلة البكري جيل زي الورد لم يتجرأ التنظيم الأسلامي ان يتولى الجمعية الهندسية طيلة الخمسة سنوات
ذاك الجيل الذي كان الseniors فيه يهزوا ويلزوا ناس عبد العزيز آدم الحلو،نيال دينق نيال،مولانا بول ميوم أكيج،ابوبكر الصديق الزيلعي،عبد العزيز أحمد كامل ،وكبيرنا الباشمهندس مزاحم عبد الوهاب الضوي،والدفعة الورانا ناس هشام طه المجمر ،محمد المعتمد النور،خيري عبد الرحمن
والله يا باشمهندس السودان ده فرطنا فيه برانا للأرازل ديل
| |
 
|
|
|
|
|
|
|
|
Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: elsharief)
|
يا سلالالالالام يا بكرى.
أحمد فضل من أطرف الشخصيات التى إلتقيتها ةتعرفت عليها إبان تلك الفترة التى ذكرتها،
وأحفظ له ويحفظ له كل من عرفه الكثير من الطرائف التى تقطّع المصارين من الضحك،
وهو طالب(عريق) بكلية المعمار جامعة الخرطوم وعاصر الكثير من الشخصيات و زاملها،
كما وكان شاهداً على الكثير من التحولات والمنعطفات الفارقة التى مرت بها الجامعة على
المستويات السياسية، الثقافية، الإبداعية والإجتماعية حتى.
من أشهر الذين زاملهم الصديق احمد فضل بكلية الهندسة والعمارة هشام سليمان الشقيق
الأصغر للراحل العملاق عادل، والذى أعتقد(وقد أكون مخطئاً) أنه قد زامل احمد فترة ما بالكلية،
وهناك الباشمهندس جيب الله أيضاً، أبو الجيب، على ياسر، أبوبكر وعماد عيدروس، والصديق
الجميل، دارس الآثار حامد ـ الرجل النسيج الفريد.
تفرق الناس أيدى سبأ يا بكرى، وإنفرط عقدهم كما تتناثر حبّات المسبحة المقطوعة على البلاط.
حقاً كان زمناً جميلاً بما حواه من شخوص جميلة باهرة، ناصعة الدواخل. إإتنا بمثل هذه
الشخصيات يا بكرى، و.....(قول للزمان أرجع يا زمان).
حين صفعنى موت عادل سليمان، بحثت عن من يدلنى على مكان هشام لأدفن نفسى فيه وأبكى
قليلاً على الرحيل الذى ظننته مباغتاً للحبيب الشاهق الأشياء عادل، فما وجدت من يدلنى عليه!!!
ولاحقاً أخبرنى نصر"قشُر" بأن عادل لم يرحل على عجل، بل أن المنيّة قد هيأته بقسوة مكابدة
الأورام على جسده، فبكيت أكثر حين تصورت أنه قد "نهش" ذلك الجسد العملاق دونما
رحمة.
التحية لأحمد فضل الذى ما كنت عرفته لو إلتقيته صدفةً، فقد تغير شكل الرجل، وزادته تلك
المنافى إمتلاءً وبسطة فى الجسد.
سأعود لأروى جزءً من فصول طرائفه لاحقاً حين يسعفنى الوقت.
شكراً يا بكرى على نفح هذه الذكرى العطرة.
| |
|
|
|
|
|
|
|
|
|
Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: عبدالله شمس الدين مصطفى)
|
يا سلام يا بكري
صديقي واخي الشاهق احمد فضل حتة واحدة
بالجد دي هدية هذا العام
احمد فضل صديقنا من الزمن الجميل
كان شخصية محبوبة جدا..للطفه و تهذيبه العالي
واخلاصه لما آمن به..
واكثر ما يعجبني فيه تلك الغتاتة الخفية(وش ضاحك)
كاتب قصة قصبرة وموسوعة متحركة يحب القراءة المتنوعة
ويحب الرياضيات ودا الاختلاف الوحيد بينا ذي في الحتة دي
لو احمد جا كتب هنا لشرفنا جميعا..
بعد البوست دا لو ما جا حيكون اتلوم شديد معانا انا وبكري
اها يا احمد قولك شنو يا خوي؟
ولا احكي للناس دي قصة ناس آمنة امين ومهدية
| |
|
|
|
|
|
|
|
|
|
Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: Adil Osman)
|
ما شاء الله يا عادل، هى الصورة الأولى ألتقطت بعد الصورة الثانية بكم سنة؟؟
مثل عادل لا تشيخ دواخله أبداً، وتظل غضّة نديانة وريانة، وممتلئة بعصير ورحيق
الحب.
كنت أود أن يحكى الذين عرفوه عن نوادره التى يفعلها كيفما اتفق، ودون أن يضحك
لها هو برغم إنفجار شهودها، وغرقهم فى حالة من الضحك الهستيرى الذى لا يتوقف،
يا لعادل، بل ويااا كل من هو من مدنى الغريبة المدهشة. فى آخر مرة ألتقيه فيها، ومن بعد
مرور زمن طويل لم أراه فظلام المكان الذى كان متواجداً به وقتها حال بينى وبين رؤيته،
لكن صوته لم يترك عادته القديمة فى الدخول عنوة لأى أذن، وبدون إستئذان ولا إحم ولا
دستور.
التحية لك عادل
| |
|
|
|
|
|
|
|
|
|
Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: Adil Osman)
|
| Quote: إنه الزمن الجميل فعلاً .. ما أجمل أبناءك يا وطن |
سلامات يا دكتور
داك زمن جميل بالحيل
زمن الشيوعين محترمين جدا
يستحيل في ذلك الزمن ان يشتم شيوعي امرأة يقوليها ست انداية
ولا يطلع فيها اشاعات عشان نقاش فكري مهما بلغت حدته.
احمد فضل كان من اصدقاء معهد الموسيقى من اصدقائه
السر السيد الكوز وعيدروس البعثي ويحي فضل الله الكوفنجي وناس نقد المستقلين
(دراج حسبو عليه الرحمة وانا)
كان يجد قواسم مشتركة ع كلالناس لا تفارقه ابتسامته لا يحتد في نقاش ولا يغضب
مهما اختلفنا معه..
وهذا ديدن كل الذين ياتون الى المعهد من مثفاتية ذلك الزمن من مختلف الاتجاهات الفكرية
من السمؤال خلف الله الى احمد فضل..
في الزمن الغث دا حين صار الانتماء الفكري ستار للانفلات او تغطية رغبات
او تلهف انتماء او هجرة من اجل انثى
اصبح ان يشتمك شخص لا يعرفك ويكذب فيك ويخلق لك ماضي وتأريخ مزور 100%
امر عادي فلا غرو الا ينتهي ركن بلا شهيد ولا مناقشة اسفيرية بدون نسج قصة بشعة
ومناداة النساء بالشيخة والحاجة وست الانداية من قبل من يدعون الاستنارة
في اختلاف فكري عادي جدا ومشروع جدا.وياتي الكبار يصفونهم ببوخارين مشجعين انفلاتهم
لان المرحلة صارت تستدعي وجود العنف بشقيه اللفظي والجسدي
فلا يدهشنا ان نرى امثال احمد قد تركوا الحزب لان احمد يكره العنف والاقصاء
ويؤمن ايمان قاطع بحرية ان تكون ما تكون حق مشروع لكل انسان
ويحترم الاختلاف ولذلك تجد في مجموعة اصدقائه كل الاحزاب
يودهم يودوه ويحترمهم ويحترمونه
اختلفنا مع احمد وناقشناه لم نر الا تهذيب واحترام
المفروضالانتماء الفكري يكون قاعدة تنطلق منها الى مساحات اشمل
واجمل
موش جحر ضب خرب...
حتى صرخنا من اين اتى هؤلاء؟؟؟!!!!
التحية الى احمد الرجل القامة والمعلم..
| |
|
|
|
|
|
|
|
|
|
Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: د.نجاة محمود)
|
يا لجمال صباحي اليوم
1/1/2010
تليفوني صباحي :
12:35PM
Helloooo, City Cabs
"السلام عليكم"
وعليكم السلام
"راني كل سنة وانت طيب"
وانت طيب اخوي.. معاي منو؟
" معاك احمد فضل"
ياااااااااسلام احمد ازيكـ ................
................................................
................................................
وحاتكم كنت زهجان وقرفان قرف ما طبيعي شغال من يوم امس الصباح والشغل زحمة وما لاقي فرصة اخد لي جمة ..
بيني وبين نفسي شكراً لبكري اللمانا فيك
اتكلنا كلاماً كتر.. الي ان قال لي " راني تتذكر اليوم القابلتك فيهو في المكتبة (مكتبة مدينة Brooks)
وانت كنت قاعد في النت وبجوارك صديقك المرحوم ميرغني حمزة ودي كانت اول مرة اقابل فيها ميرغني،
سالتك بتكتب في شنو؟ رديت لي " بكتب في مداخلة في موقع سودانيس اونلاين"
ودي برضو كانت اول مرة اسمع فيها بسودانيس اونلاين. الكلام دا كان قبل ستة سنين"
يا لذاكرتك الفولازية احمد، والله اتذكرت.. شوفتو الزول دا حاضر كيف!!
ذكرني بهاء العراقي ولي بهاء قصص، واصلنا في الحديث ما خلينا بكري ابوبكر،
د. ياسر، المشاغب علي حمو والرصاصة القربت تغطس حجرو،
عرس مكي محمد الحسن القرب يحصل عرس الزين، بهاء الدين سبيل، هشام سيد احمد،
عاصم كتة، هاجر سيد احمد، عزت الماهري، بكري الخليفة، طارق محمد عثمان،
صديق احمد الكندي والكامب ، الفليبيني الاكل الرز ومعاوية المدير و النـ.. قصدي البكية المؤجلة هههههههههههههههههههههههههههه
ههههههههههههههههههههههههههههههههههه فيكم زول فهم حاجة ؟ احمد فضل عليك الله اشرح ليهم في التليفون واحد واحد ههههههههه
عبد الله شمس الدين والمشي، الفلبين واصدقاء الدراسة والعمل، بياعين الجداد والجزاريين منهم.
ووووو
ووووو
وووووووووووو
.
.
.
.
.
.
.
.
.
.
.
.
.
الساعة 1:30PM
انتهت المكالمة ...
اتواعدنا علي عدم الانقطاع، واتفقنا انو نتواصل عبر التليفون.
لكن حيكون اجمل لو اتواصلنا عبر (هنا) ايضاً.
فهل انضممت الي كوكبنا الجميل صديقنا احمد فضل؟
لك مني كل الود وما تبقي من رحيق
You made my day
.
.
.
راني السماني
| |
|
|
|
|
|
|
|
|
Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: عبدالله شمس الدين مصطفى)
|
Quote: من يعلمنى سر ألآ اشتاق لذلك الزمان، ولتلك الشخوص، ولذلك النداء
الحميم، الممتلئ حناناً وحنيناً لزمرة أحمد، ضحك أحمد، نقاوته ونداوته.
أولئك صحبتى، فجئنى بمثلهم يا زمان، أو فلتصمت.
محبتى لكم، ومرة أخرى شكراً لهذه النفحة |
.
ارجوك لا تتعلم ان تنسى ذلك الزمن الجميل الزمن الفلاني
لانه اذا نسيته لن تجد ما يقيك هجير الزمن الاني والاتي..
اللهم ابقى اصدقاء الزمن الفلاني زادا لنا في رحلة حياتنا
كان لدينا كنبة مهترئة قمنا بعمل المستحيل لحمايتها حينما
نقل الاثاث القديم من قصر الشباب سميت كنبة نقد,, وصارت مكاننا المفضل
نجلس فيها فترة العصر كولها لحين المحاضرات المسائية
يزرونا الاصدقاء والصديقات من كل الجامعات والمعاهد
وكان احمد زائرنا المفضل..
بالجد كان زمنا فلانيا
| |
|
|
|
|
|
|
|
|
|
Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: ابراهيم على ابراهيم المحامى)
|
تلقيت الايميل التالي من صديقي
احمد فضل
وكم سعدت بالتواصل مع صديقي احمد
شكرا لسودانيز اون لاين
شكرا بكري
يامن جعلتم المستحيل ممكن
Quote:
Salaaaaaam Brother Osama,
Really, I am so excited and happy to hear from you, after all these long years.
thank you so much for your kind words.
How it's going? hope you and the family doing well. I have been living in Winnipeg-Manitoba-Canada since 2001, my Ph.# is .
I talked to Fiasal 3 days ago, we talked about you.
Do you have any contact with Aamir, please tell him that, I phoned him many times, but no reply, exend Salaamee to all friends.
Brother Osama, keep in touch, stay well.
Please send me your Ph.#
--
ahmedfadulali[/QUOTE ]
| |
|
|
|
|
|
|
|
|
|
Re: لقيت ليكم صورة حديثة لرجل من الزمن الجميل اسمه احمد فضل... شكرا لناس وينيبغ (Re: rani)
|
ياسلام عليك يا بكري......
احمد فضل رجل ثابت في زمن متغير.
كانت له صولات وجولات الكل يكن له احترام حتي خصومه , كانت له علاقة حميمة مع المرحوم محمد طه محمد بالرغم من الاختلاف السياسي.
السياسة اخذت الكثير من عمره ولم يجد من يقف معه الا قليل من الاصدقاء.
له عقلية جبارة يحظي بذكاء شديد,لكنها مابتدي حريف.
احمد فضل موسوعة فكرية وله الكثير من الحكاوي والذكريات الجميلة.
شكرآ يا احمد فضل على المكالمة التلفونية الجميلة...
عبدالمجيد قرشي..
| |
|
|
|
|
|
|
|
| |
بكرى ابوبكر
اسامة دفع الله ابوالحسن
elsharief
عبدالله شمس الدين مصطفى
rani
jini
Khalid Eltayeb
Bashasha
Adil Osman
عبد الحميد البرنس
abdalla elshaikh
يحي ابن عوف
الطيب رحمه قريمان
عصام دهب
بكرى الخليفة الكتيابى
فيس بوك
تويتر
انستقرام
يوتيوب
بنتيريست