Quote: كفاءات حمدوك المكفية .. ( الجزء الأول - حريم )
الوزيرة (أم بخرات) بالغت وشذت في لقاء قناة الحرة.. قالت: (إننا ندعو الاشقاء في اليمن للإستفادة من تجربة السودان) المذيعة سألتها باستغراب: ( وماهي تجربة السودان) فردت: (تجربة السودان أن يتفادى أي حروب) قالت المذيعة:( لكن الجنود السودانين هم الذين يحاربون اليوم في اليمن) ولما فتحت بخرتها لم تجد الإجابة .. فاصابتها ( كاف الكفاءة ) .. فسكتت !! . . وزيرة التعليم أمس كانت شايلة علمها وخارجة مع متظاهرين.. سألوها : طالعة لي شنو؟ قالت : متضامنة مع المتظاهرين. - لكن المتظاهرين ديل طالعين ضد الوزارة. - آي وأنا بدعمهم في طلوعهم دا.. - لكن انت الوزيرة الطالعين ضدها، فكيف تطلعي مظاهرة ضد سياساتك؟ .. فاصابتها ( كاف الكفاءة ) .. فسكتت !! . . السيدة التي تمثل سمو معالي الرئيسة سمعت بمظاهرة القضاة جوار مكتبها فخطفت عصاها ومشت معاهم، - قالت ليهم: أرجعوا بيوتكم أنا الليلة لسه ما فطرت ! - قالوا (على نسق عادل إمام ): هو إنتوا بتفطروا كل يوم؟ نمشي ونجيكم مظاهرة بعد الفطور والشاي؟ - قالت: خلاص طالعة معاكم سألوها: - طالعة في المظاهرة لشنو؟ - عشان أوصل مذكرة الثوار لوزير العدل. - لكن وزير العدل ده انت الوافقت على اختياره، وهو تحت سيادتك، وممكن تناديه في مكتبك وتديه المذكرة. .. وهنا إصابتها كاف الكفاءة ) .. فسكتت !!
منقول - بتصرف
تعليقات قراء سودانيزاونلاين دوت كم على هذا الموضوع:
at FaceBook
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة