Author: تقارير سودانيزاونلاين
|
07:46 PM February, 09 2019 سودانيز اون لاين
تقارير سودانيزاونلاين-Phoenix Arizona USA
مكتبتى
رابط مختصر
تقرير : مهادن الزعيم
✵ الليلة حسب جدول المهنيين المعلن المظاهرات حا تكون بالليل بس دا ما يمنع من كم حركة نهارية تخليهم في الشارع لحدي وردية الليل .....
✵ ضربة البداية كانت من جامعة الاحفاد ... اتلمن من الصباح في حوش الجامعة وهتفن ضد ادارة الجامعة لانها فصلت دفعتين سوا بسبب المظاهرات ... لحدي ما ادارة الجامعة طلعت قرار بارجاع الدفعات المفصولة ارتفع الهتاف مرة اخرى (لاتعليم في وضع اليم) (كيفن نجي ونقرا واخواتنا معتقلات) ...
✵ في #خشم_القربة خرج طلاب مدارس الاولاد والبنات وهتفوا لروح استاذهم الشهيد (يانجيب حقك يانموت زييك) وحاولوا الوصول الى مباني الجهاز لكن الشرطة منعتهم ....
✵ في ولاية سنار خرج سكان #ودالعباس في مظاهرة كبيرة وهتفوا باسقاط النظام وشعارات الثورة وطالبوا بمحاسبة قتلة المتظاهرين ....
✵ في #الخرطوم كان موكب الرجل الواحد حيث ظهر في الصور والفيديوهات مواطن سوداني علق علي رقبته قصاصة من جريدة تتحدث عن الشهيد احمد الخير وظل يهتف من موقف جاكسون حتى مباني الامن في شارع المطار وهتف امامهم (تسقط بس ومقتل معلم مقتل امة) في شجاعة ثورية نادرة .....
✵ في #القضارف تجمع الناس في السوق كالعادة وعرفوا انو في زيادات في اسعار المحروقات وفجأة هتف واحد تسقط بس وانضم اليه جميع الموجودين في السوق ليصبح موكب ضخم ينادي باسقاط النظام ......
✵ في ولاية الجزيرة خرج طلاب قرية #زحل بريف المناقل يهتفون ضد النظام وانضم اليهم الاهل في موكب ثوري كانت شرارته من المدارس لتعم كل المنطقة ......
✵ قبل المغرب بلحظات قام شباب #الصحافة باغلاق الشارع عن طريق اشعال اللساتك في وردية ليل مبكرة جدا .....
✵ التحضيرات تجري على قدم وساق لانجاح #موكب10فبراير لانه يحمل اسم المعتقلات في سجون النظام وبكرة الموكب حايتوجه الى سجن النساء بامدرمان الساعة الواحدة ظهرا (ابقو كتار عشان الكنداكات)
✵ الليلة طبعا وردية الليل حاتكون ضخمة جدا عشان كدا ح نخصص ليها تقرير براها ينزل بعد منتصف الليل ليشمل كل المظاهرات الليلية ...
|
فيس بوك
تويتر
انستقرام
يوتيوب
بنتيريست