الرد المستطاب علي عناوين البورداب ..3

1/ ود شاموق : الحسانية عندهم سباق حمير بالمقلوب ياريتني لو كنت معاهم .
- انا زاتي ياريتيني لو كنت معاهم بس بي موتر سوزوكي صحراوي واحمر كمان .

2/ خالد : شماسية ترثي زوجها .
- سجمي فردتي دقس واتلحس .

3/ alMasafa : حب بعد الخمسين .
- هو بعد الخمسين في سنون يحبو بيها يا مسافة ؟

4/ shiry : علي مرمي اشتهاء من تماس حضورة الباهي فيني .
- اشتهاء دا اسم حارس مرمي الفريق القومي ولا شنو ؟

5/ السفير : انتو ياناس البورد .
- كرهتونا بي بوستاتكم الكتيرة دي .

6/ خالد عويس : مرارتي انفقعت : امة مكلومة وتلفزيون مهضرب .
- خالد يا اخوي ليس في الامر عجب .. كان ما عملو كدا كيف نعرفو تلفزيون السودان.

7/ alMasafa : عشم ابليس في الجنة .
- عودة صدام للحكم مرة اخري .

8/ zumrawi : الشاعر النعمان علي الله ..يجرجر الفنان فرفور الي شرطة المصنفات .
- كان عملو كدا من زمان كان ارتحنا من صعاليك كتار

9/ زوربا : يا زول اقيف ما تتلفت ...اي نت
- زوربا قطعت قلبي كل ما اجي داخل البورد اقول خلاص حيعتقلوني .

10/ فتحي البحيري : لماذا نحتاج هذه المنابر ؟ لماذا هي بهذه الاهمية ؟
- عشان نلقي لينا محل نتشاكل فيهو يا بحيري

11/ albagir altahir : سكر سوق امدفسو
- وايسكريم العمارات

12/Deng : الحاج وراق فلنتواضع جميعا .
- بدون تعليق ...... زاتو

13/ yassir 7anna : السؤال الحائر في بغداد ..اين صدام ؟
- والسؤال الحائر لدي صدام ..اين بغداد ؟

14/ فتحي البحيري : الاضواء : تحقيق توفيق بدري : ست الشاي ببكالريوس اداب
- ورئيس الجمهورية بي شهادة سودانية ومرقعة كمان


15 / رقية وراق : ( الثورة بالشعبية ) عن حكيم الاصدقاء .
- دي كيف دي ؟ والله دي ركشة ما تعملها .. الا زول يكون عندو مركب غايتو

ونواصل


تنقو