|
|
 هذا هو صوت اسرار بابكر ..الفائزة في مهرجان الاغنية العربية
|
.
تحياتي ايها الاحباب
هذا هو صوت المطربة اسرار بابكر التي فازت اغنيتها بالجائزة الاولي لافضل نص وافضل تلحين في مهرجان الاغنية العربية بالمغرب مؤخرا..
هذه الاغنية فقط لنتعرف علي صوتها ..والاغنية الفائزة جاري البحث عنها......
اعتقد ان صوتها مميز جدا...ويرافقها في هذه الاغنية الاخ مجاهد وهو من الاصوات المعروفه التي كانت تصدح مع عقد الجلاد في بداياتها
اغنية.. ياطير يا ماشي لي اهلنا..... لصالح الضي.....وهي رائعة تجبرك علي الاستماع اليها بلا ملل..
مبروك للفن السوداني
لكم الود ومزيد من التقدم للفن السوداني
تنقو
(عدل بواسطة 3mk-Tango on 08-25-2003, 07:45 PM)
|
|
 
|
|
|
|
|
|
|
 Re: هذا هو صوت اسرار بابكر ..الفائزة في مهرجان الاغنية العربية (Re: tabaldy)
|
لا حول الله يا عمك
الشهادة والعمل الطيب
بلاهي دي اسرار صوته عامل كده ؟؟ من ما نزلت البوست وانا اعفص واعافر ما لاقي لي فرصه ..ما قدرت الا حسع دي .. وحات خوتك داخل في غيبوبة .. اسمع مجاهد كمان ؟؟
المشكلة يا تنقو ما قادر اعمل حاجه في ملف الاغنية وتاني عليك الله حاجات زي دي ما تحمله في الياهو ...
لكن تعرف ؟!!اسرار دي كان مااخدت الجائزة كان تكون حقاره شديده جدا ..من الناس ديل انا بعتبره حقاره عديل كده ..ماشاء الله عليك يا اسرار ..ماشاء الله
اعمل حركة صغر حجم الملف ده يا تنقو ما قدرت اعمل فيهو حاجه انا .ولنك الحفظ ما داير يديني حاجه برضو
وررروووووووووووووووك
| |
|
|
|
|
|
|
|
|
 Re: هذا هو صوت اسرار بابكر ..الفائزة في مهرجان الاغنية العربية (Re: 3mk-Tango)
|
عمك تنقو
لك الشكر والسلام والمودة
لقد سعدت برؤية أسرار بابكر في الفضائية السودانية وهي تؤدي هذه الأغنية مع مجاهد عمر ، إذا لم أكن قد نسيت الإسم الثاني.. وهو أيضا مبدع وعظيم الأداء.. وقد لاحظت أن أسرار تركز على متابعته وهو يؤدي قبلها ومعها باهتمام حتى تكون في الزمن، خاصة وهو الذي يقوم بالعزف على آلة العود . وهذا النوع من الأداء الثنائي هو من أصعب الأنواع حسب تقديري المتواضع..
تابعت أداءها في برنامج أصوات وأنامل، وهو أيضا برنامج متفرد يجبرك على الجلوس والمتابعة لإبداعات الشباب السودانيين في الرسم والتلوين والنحت والموسيقى والغناء..
ياسر
| |
|
|
|
|
|
|
|
|
 Re: هذا هو صوت اسرار بابكر ..الفائزة في مهرجان الاغنية العربية (Re: Halema2)
|
عمك تنقو
الله يديك الفي مرادك يا رب
علي قدر ما اعجبتني الاغنية بدفئ اصوات مؤدييها
عل قدرابكائها لي وتجرسي وادرار دموعي
سمعتها مثني وثلاث ورباع وما زلت لا استطيع التوقف
لا ادري ما هذا الشعور الذي انتابني
هل هو السكر بدون خمر كما قال احدهم؟؟
************
يا طير يا ماشي لاهلنا بسراع وصل رسايلنا
والشوق ما تنسي يا طاير لكل البسألك عنا
قول ليهم علي العهد مازلنا
زكراهم انفاسنا ومشاغلنا
كيف حال بستانا وخمايلنا
ربطنا مجمع شمايلنا
انا في انتظارك يا طاير علي داري
وصل رسايل يا طاير وطن البشاير
وافرد جناحك يا طاير علي داري
قبال تعود لازم تروح من تاني مرة
ما تنسي زول في الحلة إلا
تسلم عليهو وتبوس ايديه
تسلم يا ابا علي وصلة الحفظ
عشان نتجرس وقت الحاجة
شاعر الاغنية منو يا جماعة؟؟
سلمتم
حنـيـنـة
| |
|
|
|
|
|
|
|
|
|
Re: هذا هو صوت اسرار بابكر ..الفائزة في مهرجان الاغنية العربية (Re: 3mk-Tango)
|
......
aba
تسلم علي المجهود..وسوف ارسل ليك الاغنية انشاء الله علي بريدك لتتصرف فيها
الموصلي البدع
ليك الود..طبعا يا استاذنا نحن ناس سمع ساي الحاجات الفنية دي انتو اهلها..ولسة نحن في انتظار قصيدة حميد مغناه
zola123
حمد لله علي السلامة
انا سعيد انك قدرتي تسمعيها.. والشوق ما تنسي يا طائر لكل البسالك عنا..دا كلام ما بتفات
hala
والله يا هاله نحنا رحنا زمان في الغنية دي..غايتو بس باقي الروح الفاضله دي روح للفرفره ساي..انا روحي معلقة في صاله القدوم في مطار الخرطوم..الله يرجعها
ولكم الحب جميعا
تنقو
| |
|
|
|
|
|
|
|
|
|
Re: هذا هو صوت اسرار بابكر ..الفائزة في مهرجان الاغنية العربية (Re: 3mk-Tango)
|
التحية لك يا اخ تنقو وانت تتحفنا بالروائع
والتهنئة عبرك للاخت اسرار للفوز المشرف
والتحية ايضا للاخ مجاهد الذي اختفي فجاة من عقد الجلاد
حيث لم يظهر معاهم سوي في شريط الحلقة التلفزيونية التي سجلها معهم الاستاذ عاصم الخليقة والتي كانت البداية في تعرف الناس اليهم
اعتقد اختفاء مجاهد ومنال المبكر من الفرقة، ترك فراغ لم يتمكن من جاء بعدهم من سده.وياريت لو سمعنتا- الاهلية كملت- بصولو مجاهد ونقرشاته العجبية علي العود
اعتقد ان صوت صالح الضي في هذه الاغنية يصعب مجاراته جدا
رغم الدويتو الجميل من اسرار ومجاهد
وتسلم يا تنقو
| |
|
|
|
|
|
|
|
|
|
Re: هذا هو صوت اسرار بابكر ..الفائزة في مهرجان الاغنية العربية (Re: 3mk-Tango)
|
.....
الجندرية
حمد لله علي انك سمعتيها... كدا مافي شكوي يعني..بس دعواتك لينا
بلدي ياحبوب
فعلا صوت جميل ..ويحتاج الي رعاية واهتمام ..ليت اصحاب الشان يتابعو هذه الموهبة ..اعتقد المفروض تكون دائما مع مجاهد لانو فعلا لهم اكتر من اغنية مع بعض ويبدو بينهم تناسق رائع ..
Kudouda
ما تنسي زول في الحلة الا تسلم عليهو ...شفت المحلة دي بالذات انا بتتعبني جدا ..وبتذكر كل شبر من الحلة...
ربك يقرب البعيد ..
Agab Alfaya
نسلم علي الطله ...كنا نتحدث انا واحد اصدقائي قبل عدة ايام عن عقد الجلاد وظهورهم الاول وتحديدا تسجيل التلفزيون ..واغنية امونه ..وصوت منال بدر الدين..والاصوات الجديدة في الفرقة..طبعا التغير صفة الحياة ولكن يحمد للفرقة انها ظلت علي نفس النهج رغم احنفاء اعضاء وظهور جدد ..بالنسبة للاغنية المسومعة الان ..اعتقد ما فعلة فيها هذا الثنائي هو ان بثوا فيها روحهم الخاصة ..ويظل صالح الضي هو الاساس ..وسمح الغني في خشم سيدو ..
Tumadir
تماضر يا حساسة ..الجرسة عامة والبكي جماعي ..ولا عزاء للصابرين والمتصبرين...
Rawia
حاولي اطلعي فوق شوية حتلقي حل خاص قاعد اعملو لمن امر بي مشكلتك دي ..كدي حاولي ..عسي ولعل
ولكم الحب
تنقو
| |
|
|
|
|
|
|
| |
tmbis
nazar hussien
الجندرية
aba
almohndis
Yasir Elsharif
Elmosley
Halema2
haneena
zola123
بلدى يا حبوب
Agab Alfaya
Tumadir
Rawia
hammama
فيس بوك
تويتر
انستقرام
يوتيوب
بنتيريست