ملاسى صاحبى ازيك ياراجل 00 لينا زمن من الكوبى بيست ياعزيز 00لكن بالجد حاسى بيك 00
كيفن حالك والخرتوم كيف المصنع والعمال حالم لسع نفس الحال ؟ وما رقوك سووك باشكاتب ؟ يورينا الله زيادة الراتب كيف الناس والحالة عموم ؟ والعزابة الكحيانين سيد البيت عل ما زكاكم لسع تقعو تقومو براكم ؟ ......................... الفايدة شنو بعد اكتر من 2500 قارئ !!؟؟؟؟ ................................. برضو سودنه
12-27-2004, 02:16 PM
Hussein Mallasi
Hussein Mallasi
تاريخ التسجيل: 09-28-2003
مجموع المشاركات: 26230
قلت لى من ابقوتة تمشى لى غادى على (ود النوره )و (ود الجتره ) و24 القرشى والهدى ووووو لكن قبل ما تنزل من الظلط كان غشيت الشيخ الياقوت و...فى السكه قبل القطينه(واى من القطينه) يكون احسن 00 والعجب لو سقنا ملاسى ده عملنا ليهو رحله فى ود سلمان حرم تانى مايجى راجع لووووووووول00 لكن بينى بينك هنا فى فايده وكم اشتاق لتك البقاع000
*طبعا الشلخة لازم تسال منها اقرب اهل عوض وتحياتى اليك 00
قلت شكرا وبسمتى لى زدتى جمرى الكان اصلو حى فى الملاحة تعرفت بى وفى الموانى زاد العلى
فى جزيرة ابا والامام تمبينى وبينا الكلام لو تعرفو وجاهة همام اصلو حب ومحبة انسام
قبل مدة وصلنا الدويم...اشارة للبنطون اشهد الله البارى العليم لو نزلت بقلبى السليم كان تصدع واصابه قيم
فى ربك رحلتنا انتهت كوستى بانت واستقبلت لما اديك لى لوحت العيون لا اشعر بكت
معتز مالك على محرك المواجع..انت تعرف ..تلاتة مدن تمنيت لو كنت منها القطينة رفاعة شندى....تعرف ...عندى خالى قال لى المرة تجيك ماشة تقول ماكلة ام صوفة.. ضرع وشبع..وخضرة ولطافة..ودى كلها جايبها من النيل اها شنو ليك ما سطحنا بالحلبى دا لوووووووووووووووووول وين ياملاسى والله اشتقت لصوتك...ياخى انا ما زلت فى الشركة ونفس الرقم المجانى....شنو ليك قصرت معاك ...معتز انت ياخوى من اندنا..بس عليك الله انت من وين المنطقة اسمها ودبلال..وهوشيخ من الشناقيط قبل القطينة عليها جنس شجر سيال...خليوه ساى....اما ابقوتة تقع بعد الياقوت بى سبة كيلو وانت ماشى على الزلط فى الطريق الى القطينة هنالك قهوة ..بس عاين شرق 20 كيلو...والله فكرتى اسحبهم العشرين كيلو دى على الزلط هم اصلهم كان هنا...لكن الخواجة غشاهم..قال ليهم بنديك حواشات اها الحواشات الموية ما وصلتها...اسى بقى رابطهم السوق...الذى يشبه سوق تنبول وام دفسو..لكن الناس ديل عملو فيهو جنس عمائل..خليها على الله.. عموما لقدام
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة