|
يا جماعة كرهتونا ..العميد
|
يا جماعة (اسف كتير ) لانى اكثرت من الاطلالة عليكم ... واعلم ان بعض ما قد يثير الحنق ان يكثر المرء من تكرار بعض الاحاديث والموضوعات ولكننى اضططرت لهذا بعد وصل الامر والضيق حدا لم اعد استطع معه صبر وتقطعت معه كل محاولاتى للاصلاح والايضاح الوافى .. وبالعامية البسيطة المبسطة وبلا حذلقات مقيتة اود ان اوضح بعض النقاط المهمة حتى نطوى ملف مغالطات (عميد ) دى . اولا انا شخص معروف موقع العمل والسكن وبالتالى يستطيع اى مكذب لهذه التوضيحات ان يبحث بطريقته ووفق ما يتاح له حتى يعرف من انا ثم وهذا ثانيا لا اعتقد ان شخص برتبة العميد وهى رتبة رفيعة كما يعلم اى مدنى مثلى يمكن ان يدخل لموقع الكترونى ومنبر محضور ونشط مثل هذا ثم يضع صورته واسمه كاملا - بلا اخفاء - ورقم هاتفه . اما الثالثة وهذه اوجهها لمن اتصل بى قبل قليل من الخارج وسالنى ثلاث مرات ..الو محمد حامد ..الو محمد حامد ..الو العميد ....... يا جماعة (كرهتونا ) يعنى ما ممكن تكون فى ناس بالغباء دا لدرجة انها تصر على تصديق قول مثل هذا . يا شباب ارجو ان يكون هذا بيانا كافيا ......... ولنطوى هذه الصفحة ولتبحثوا لكم عن (موضوع ) اخر ......... ولا شنو رايكم
|
|
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
انا اوافقك سيد جمعه انت ولا عميد ولا حاجه بحكم ما اوردته من قرائن ,,انت رجل امن بسيط غلبان ,,كادح, مهمتك هي نقل الاخبار,,والقوالات البسيطه ,اما المهمات الكبيره فهي تحتاج لاشخاص اكثر ذكاء,,واضح انو امكاناتك متواضعه للغايه
| |
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
إلى كل قطاعات الشعب فى كل ارجاء الوطن
بيان هام
بموجب المادة ع/ط/و 185 من دستور السودان فقد تم تجريد العميد سابقا محمد حامد جمعة من كل رتبه العسكرية والتى لم تكن اصلا، وكل من له امانات ماليه او طعن فى المذكور فى سوابقه فعليه ان يقدمه للبورد فى موعد اقصاه 24 ساعة من تاريخ كتابة هذا البوست
اها رأيك شنو يا ابوحميد؟
| |
|
|
|
|
|
|
Re: يا جماعة كرهتونا ..العميد (Re: شمهروش)
|
تعرف يا شمهروش ........ قصتى دى غطست حجر قصة العميد سيد الاسم والرتبة .......عشان كدا غايتو (دت ) ما بمرق من السودان يلمو فينا فى اى مطار (عربى ) يجيبونا بالطيارة ........ يستفيدو مننا كتاب البيانات بس
| |
|
|
|
|
|
|
Re: يا جماعة كرهتونا ..العميد (Re: شمهروش)
|
محمد حامد جمعة
أنا شخصيا لا يهمنى كثيرا إن كنت عميدا أم مجرد
جندى .
ولكن يكفينى ما اطلعت عليه من مقالاتك فى مناصرة
نظام الطواغيط فى السودان.
صدقنى مهما يجتهد السىء لا يمكن أن يكون أسوأ منك.
| |
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
محمد حامد والله اضحكتنى بحديثك عن الاتصال الدولى... الناس البرا ديل فارغين للدرجة دى? You being a general or soldier is by no means least important … I hate your party but there is no reason for me to hate you as a person ….and don’t worry .. I will not call you but will you call back if I miss call you
| |
|
|
|
|
|
|
Re: يا جماعة كرهتونا ..العميد (Re: Esameldin Abdelrahman)
|
الحبيب محمد حامد تحية واحترام والله لكن وقعت وقعة سودة عميييييييييد مرة واحدة ياخي بالغو الجماعة ديل . على كل حال مرحب بك في هذا المنبر (الحر) كوزاً أو شيوعياً أواية لون سياسي آخر لكن شريحتك عينة 128 وعميد كمان كدي شوف تلفون بحيري كم دولي عدييييييييييل كده قال عميد قال
| |
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
فيها شنو يعني لو كنت فى جهاز الأمن هو جهاز الأمن دا حرام الزول ينتمي ليهو ؟؟؟؟؟؟؟؟؟؟؟؟؟
هل هناك حرمة ؟؟
لا توجد حرمة قال رسول الله صلى الله عليه وسلم : ( عينان لا تمسهما النار عين بكت من خشية الله وعين باتت تحرس فى سبيل الله )) صدق رسول الله صححه الألباني
| |
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
محمد حامد جمعة... انا بديت ما أصدق الكلام ده والله... انت الظاهر الموضوع عـــــــــــــــــــاجبك يا أخوي وعملت الدرب ساساقه.. كل يوم بوست فى راسنا...
انا تاني ما حا أخش بوست فيهو الكلام ده...
لـــــــــــــــــــــكن...
أنور
| |
|
|
|
|
|
|
Re: يا جماعة كرهتونا ..العميد (Re: شمهروش)
|
الامنجى محمد حامد جمعة
Quote: وهسة لو الحكومة دى ودت العميد محل الاعتقالات الجد و(الدرش النضيف ) مافى زول تانى بيلومها لانها سهلت عليه وتعاملت معه باعتباره رمز قامو انصارو عملوها مسلسل وملحمة وكتبوها لينا فى الجرائد .. يا انصار العميد خالد الزول هسة (مقبوض ) ومعكوش عند الحكومة وهى تمسك فى قضيته بمعظم اوراق اللعبة .. لانو التجمع ما منو رجا وكل دول الجوار ما ضاربة فى نمرة التحالف نفسه كان جناح خالد او د.تيسير بما فى ذلك المصريين اما ارتريا فدى لو لقت طريقة بتقول للخرطوم صدرى لينا العميد دا (معلب ) اما فى الداخل يعنى جوه السودان ... انسو ... موضوع الزول دا مافى زول شغال بيهو ... وما تغشو المسكين وتقولو ليهو الشارع بيغلى وبقى (شاى ) ومسخن وغيره
09-12-2004
| |
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
Quote: يا جماعة (اسف كتير ) لانى اكثرت من الاطلالة عليكم |
لكن يا مـنـقـة 194 مـشـاركـة فـي 18 يوم...يعني 10 مشاركات كل يوم...انت عــمـيــد مــعــاش ولاشــنو? كدي شوف راي حــمــوده شــنــو!
| |
|
|
|
|
|
|
Re: يا جماعة كرهتونا ..العميد (Re: mohamed osman bakry)
|
عينان لاتمسها النار ..هذه ذكرتني بموقف حدث معي في مكان قصي بمدنية كسلا وكنت وقتها (عريسا) وفي تلك الجدار المتصدعة كتب (صعلوق منهم ) للحيطان أذان ..وكل مافي المحل يوحي بالثبور .. لم يقبض علي في جناية سياسية ولا شكوي كيدية .. مجرد نسيان لقسيمة الزواج .. ثم سألني احدهم أين القسيمة ؟ نسيتها في الخرطوم ياجنابو. هل تحمل اي اوراق ثبوتيه ؟ نعم ياجنابو ..جواز سفر امريكي .. ثم انتفضوا كلهم واقفين وكأني بهم قد ألقو القبض علي الرئيس الامريكي نفسه .. انت بتعمل شنو في بلد اليهود ديل .. والوداك هناك شنو اصلو .. كانت اجاباتي ..معليش .. دي ظروف تانية لاعلاقة لها بنسيان قسيمة الزواج .. يبدو بأن مسلسل الاستجواب الاستفزازي كان سيستمر لولا ان العميد او العقيد او النقيب .. وإمعانا في الاستفزاز طلب مني ضامن في مدينة جئتها زائرا وفي فنادقها ضيفا .. قلت له لدي بعض الاقرباء هنا ولكن لا اتصال لي بهم ولا اعرف مكانهم لأنها المرة الاولي والاخيرة لي في هذه المدينة .. وسميت احدهم .. ثم انتفض احد الذين جاءوا ربما لدفع رشوة او فك اسير .. انتفض قائلا نعم ذاك اعرفه فهو نسيبي .. لا يأخي ربما تشابهت الاسماء غير انه افاض في ذكرهم حتي تيقنت بأنه بالفعل نسيبه وكان هو (ضامن ) الغفلة .. الذي خلصني من ميوعة تلك الحيطان التي لها اذان واؤلئك الصعاليق الذين يقبعون هناك لاستفزاز من تقع اعينهم عليهم .. قد يكون بعضهم معنا هنا باي رتبة يشاءونها فتلك هي إذن مشيئة الانقاذ .. الأمن في عهد الانقاذ ترويع وترهيب في افضل حالات الرأفة وقتل وسحل وخصي كما هي مدونة في اضابير حقوق الانسان .. قصة عينان لاتمسها النار تلك لاتنطبق علي الاطلاق علي ارازل ماسميو برجال الامن .. وعندما يقال للشخص في السودان (امنجي ) فهو في الجانب الاخر من المجتمع يتجسس عليهم ويتحسس.. يشي بهم لدي سلطة تثبت دعائمها بالوشاية والتنكيل ... والحديث الذي يليق بهم ليست تلك العينان ولكن لاتتجسسوا ولاتتحسوا ( الي اخر الحديث الشريف)..فالنوعية ا لتي تختارها السلطات القمعية للقيام بدور الوشاة نفر من الذين يعانون خللا في تركيبتهم فهو مجرودن تماما من كل مايمت الي الانسانية بصلة .. ونعتهم في المجمتع ( امنجي معفن )
| |
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
محمد حامد جمعة كــــــوز مفاجأة زى الكأنوا هو اول واحد يا قوم انتوا نسيتوا ده حزب sorry اتنين حاليا أحمد وحاج أحمد
طيب ممكن يكون بتاع آمن ?? إحتمال وارد وهو نفاه لكن الإختلاف شنو لوبقي ده السؤال حينقل أخبار البورد طيب ما البورد في النت وفاتـــــح واحد قال عشان يهدم البورد وانا أقول نحن البنهدم ما الأمنجية
الشباب بيسألوا محمد حامد ليعتذر عن افعال حزبه ودي حلوة من متين نحن بننتقد أحزابنا ما عايشين بروح القطيع.
العاجبني في المنبر التباين في النضال في ناس كانوا من سكان بيوت الأشباح وفي ناس خرطوش أسود ما اخذوا وعاملين فيها الثلاثة بقرش
محمد حامد مرحب بك في هذا المنبر الحر مع بافي الاحزاب ما تتوقع انوا حنهيم في حبك لانوا أفعالكم وطني وشعبي ما بتتبلع.
وإن كنت أمنجي واتقلبت برضه ما حيحصل شئ لاننا شعب بذاكرة خربة وحسبك عاصم كباشي وحفصة ولا أقول لك انا ماشى للمساكين ليه نميـــــــــــــري زاتوا حصل له شنو ما الناس طلعت تهتف أب عاج ولا النعاج
عليكم الله ناضلوا نضالكم وخلوا الكوز في كوزتنه فانتم وجهان لعملة واحدة
| |
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
الأخ/ محمد حامد جمعة
لك الود .. الود وكل التحايا .. تتمتع بأسلوب سلس وعبارة أنيقة .. أعجبتني شديد هذا ما شدني لقرأتك .. وبعد داك لاحظت أن مواضيعك شيقة .. وتبتعد عن الإسفاف والمهاترات.
يا زول قول العايز تقلو .. وأعمل أضان الحامل طرشة حتى لو قالوا جنراك .. مركب ليهو مكنة مشير .. في البحرية أو جهاز الأمن .. أو المظلات ... لا فرق ديل ناس الفارغة والمكدودة .. أهلنا قالوا النية للنار لا تشتغل بدعاة النضال ومدعي البطولات الرامبوية على طريقة أفلام هوليوود. يختلفون أو يتفقون معك .. تختلف أنت أو تتفق مع أي قرد ... هذا لا يهم ... المهم الحوار الهادئ المفيد ... ودعك من محاكم تفتيشهم .. ستكون سبةُ في جبينهم أبد الآبدين كما كانت وصمة عار في جبين أوربا حتى يومنا هذا.
يا زول سوق وأسرح وأمرح .. في رجاك
| |
|
|
|
|
|
|
Re: يا جماعة كرهتونا ..العميد (Re: محمد حامد جمعه)
|
يا جماعة كل الزيطة و الزمنبليطة دي عشان زول أمنجي في حكومة الإنقاذ ؟؟؟ ما الإتقاذ مليانة بالعينة دي ... و من ارتضى الخسة و العمالة لن تجد له هاد ... مش كده يا ناس و لا أنا بهضرب ساكت ؟؟؟!!!
| |
|
|
|
|
|
|
|