|
|
 سؤال وعاوز رد الان !
|
يا جماعة (مسعولين ) من الخير ممكن مواطن يرشد اخيه المواطن عن كيفية رفع (صورته ) بجوار بوستاته فانا من انصار الشفافية واحب ان يرانى الناس ، مضت نحو ساعتين ونصف والموقع يحولنى لكمية صور بعضها مفهوم وبعضها لابد ان تجازف و(ماعاوز انقر ساى ) حتى لا افجع فى صورة (كدا ولا كدا ) .. معليش استحملونا .. اخوكم جديد والجديد شديد و(براى ) لكن بس ساعدونا وارشدونا واخطرونا بذلك سريعا .. ممكن يا شباب
|
|
 
|
|
|
|
|
|
|
|
Re: سؤال وعاوز رد الان ! (Re: محمد حامد جمعه)
|
سوعال زي دا يا اخوي بيسعلوهو بالماسنجر....عشان شنووووو؟.....عشان ما يقولو انت ما بتعرف حاجة....ويحقرو بك.... اعمل نفسك عارف اي حاجة.... لكي تجد لك موطئ قدم......
الصورة من الجهاز بتاعك؟
ولا موجودة في موقع سيرفرو بيسمح برفع الصور؟
ولاّ رفعتها في الموقع هنا؟
عليك بان تعرف الاسم الاخترتو للصورة.......عشان بعدينك تعمل عليهو كليك....لانو ممكن تعمل كليك علي حاجة شينة.....ونقعد بعدين في السكارى جونا السكارى جونا....
| |
|
|
|
|
|
|
|
|
|
Re: سؤال وعاوز رد الان ! (Re: سجيمان)
|
يا دكتور سيجمان (تلحقنا وتفزعنا ) بالمناسبة بقرا ليك مرات فى (الاضواء ) وبتابع بوستاتك هنا وفى (الموقع داك ) عارفو طبعا - عشان ما نعمل ترويج -
تعرف قلت اعمل بنصيحتك واعمل (الود مفتح ) لكن ما ممكن بوستى يكون (ابيض ) وفارغ كفؤاد ام موسى من (صورتى ) واتلفت جاى جاى والاستشرتهم طلعوا (لاحقين اخوك ) وخايف امشى محل (تحميل الصور ) الصورة تطش تمشى موقع لناس (القاعدة ) ولا السى اى ايه ولا اى حتة فيها (جر شكل ) زى مابيقولو المصريين (نروح فى داهية ) ولا كلو كوم ولو الصورة دى مشت محل صور (مش تمام ) على القسم اهلى (البقارة ) يطبقو فوقى نظريات .. خليها مستورة .
اسمع يا دكتور (الصورة ) هسة فى جهازى - الكمبيوتر - وما عارف اعمل شنو ؟؟؟؟؟؟
| |
|
|
|
|
|
|
|
|
|
Re: سؤال وعاوز رد الان ! (Re: محمد حامد جمعه)
|
الفاضل محمد حامد..
ســـلام وتحية..
الخطوة الأولى ان تفتح "تحميل الصور".
الخطوة الثانية ان تقوم بتحميل الصورة حسب تعليمات الصفحة..
الخطوة الثالثة.. يأتيك عنوان هو عنوان الصورة: غاليا ما تكون:
xxxgif
http/www.xxxxxxxxxxxxxxxx= اسم الملف
ضع مكان اسم الملف عنوان الصورة اعلاه.. ويصبح عندك العنوان كاملا
اذهب للبروفايل وضع كل العنوان في خانة الـ "Image"..
وستجد ان صورتك قد نزلت..
تحياتي..
| |
|
|
|
|
|
|
|
|
|
Re: سؤال وعاوز رد الان ! (Re: Raja)
|
(الله يسلمك يا اختى ) يا رجاء .......... يديك العافية ويجعل يومك زى ابتسامتك الكبيرة العابرة للقارات والقلوب دى ...... شكرا يا عزيزة
| |
|
|
|
|
|
|
|
|
|
Re: سؤال وعاوز رد الان ! (Re: محمد حامد جمعه)
|
يامحمد انت بتين جييت داير تعرف الحاجات دي كلها
كدي اول حاجة خلى الناس القدامك يعرفوا ؟؟؟؟
دقيقة بس
يارجاء وسيجمان
انتو ما شايفين البوست بتاعي ( لله يامحسنين )
ولا ما عاجبكم يعنى
| |
|
|
|
|
|
|
|
|
|
Re: سؤال وعاوز رد الان ! (Re: ودالعباسية)
|
سوري يا محمد..
نرد على تخريمة ود العباسية..
لووووووووووووووول  يا ود العباسية
من امبارح كل ما اشوف البوست بتاعك اموت من الضحك.. ومسكتا نفسي بالعافية ما ادخل اقول ليك: الله يدينا ويديك ..
| |
|
|
|
|
|
|
|
|
|
Re: سؤال وعاوز رد الان ! (Re: Raja)
|
| Quote: من امبارح كل ما اشوف البوست بتاعك |
شفتى يا رجاء وقعتى بى لسانك براك 
لكن ما كان العشم وانا كلمتك فى البوست
الظهرتى فيه عضلاتك داك تزكري..
على العموم انا برضو منتظرك ما تخليك زي ايهاب
معاي هنا وما داير يساعدنى ...
| |
|
|
|
|
|
|
|
|
|
Re: سؤال وعاوز رد الان ! (Re: ودالعباسية)
|
الأعزاء محمد وود العباسية..
اولا محمد..
أمشي حمًل الصورة.. والبيجيك كلو اكتبو لينا هنا..
حنساعدك بعد داك..
بدل صورة بكري.. حتكون صورتك..
ود العباسية..
حأجيك بهناك..
| |
|
|
|
|
|
|
|
|
|
Re: سؤال وعاوز رد الان ! (Re: محمد حامد جمعه)
|
محمد حامد جمعة
قلت لي لنا مهدي يا {مولاي} والليلة يابورداب جاكم واحد لديح وفصيح وسعال ،يااخ الأخت لنا دي واضعة صورة حبيبها و أبوها ،إنت ماقريت الإسم، تيمنآ به فبالاهي ما تغلط
| |
|
|
|
|
|
|
|
|
|
Re: سؤال وعاوز رد الان ! (Re: أبو ساندرا)
|
محمد حامد جمعة يازميل تحياتي
ياأخوي الناس دي ماتفك أوراقك ليهم بدري كدا وأسمع كلام دكتور سجيمان فيه كتير من النصائح والإرشادات وملح كمان وأنتبه لي كلام أوبو ساندرا وختو حلقة في أضانك بيلاقيك بعدين وكت تسخن الأمور وأستفيد من الفنيات العالية البتقدمها ليك رجاء هسع لأن بعدين الحساب حايكون دبل . شكرا لكل من ساهم بطريقة مباشرة أوغير مباشرة في الشرح المفيد
عامر الأمير
| |
|
|
|
|
|
|
|
|
|
Re: سؤال وعاوز رد الان ! (Re: محمد حامد جمعه)
|
محمد حامد جمعة لكن ما بكري جاب لينا حاجات خطيرة
لنا مهدي ياختي الزول دا عكليته عديل كدا
ود العباسية يا خوي شايفك لافي كل البوستات تشحد حتى بوستات البرالمة.. كدي أمشى البوست بتاعك ختيت ليك فيه مساعدة ما بطالة على الأقل حق الفطور
رجاء العباسي و الله لكن بقيتي مدرسة خصوصية كمان دا الإتعلمتيه من أولاد بمبا
لكن المسكين دا ما وريته كيف إصغر حجم الصورة و شكلوا كـدا ماحا إتفك منك إلا إخلص كل شئ
| |
|
|
|
|
|
|
|
|
|
Re: سؤال وعاوز رد الان ! (Re: Kabar)
|
والله يا محمد كبرت وقامت ليك صلعة ... كانت أيام
حسع عندي كام رواية ليوسف السباعي وعدد أثنين لأحسان عبد القدوس ومستني أبادلهم معاك طبعا زي زمان تبديل نهائي!! ها ها
التحية لسودانيز اونلاين وفعلا العالم أصبح قرية
| |
|
|
|
|
|
|
|
|
|
Re: سؤال وعاوز رد الان ! (Re: Hatim Salih)
|
مرحبا بالجميع ........... كيف اصبحتوا طبعا يدوب وصلت (الخرطوم ) هسة جاى من امدرمان والكوبرى (القديم ) مغلق والكوبرى الجديد زى (خرم الابرة ) والعربات ماشية ببطء قاتل والعجب اذا اتعطلت عربة فى وسطه ؟؟؟؟ ميتة وخراب مواعيد ووقت
اها جيتكم لموضوع الصورة ......... جاهزين .. يحلكم منى الحلة بلة
| |
|
|
|
|
|
|
|
|
|
Re: سؤال وعاوز رد الان ! (Re: Ana Zaty Omdur)
|
اهلين مرحبا ......... يا جماعة رجاء دى فاعلة خير ما تخلو المسكينة ..... يعنى ما تعمل خير فى زول (مسطح ) زينا ......... الله يخليها ساعدتنى وباقى الناس واقفة بس (تبرلم ) فينا
| |
|
|
|
|
|
|
|
|
|
Re: سؤال وعاوز رد الان ! (Re: محمد حامد جمعه)
|
الأعزاء الفوق جميعا..
ســــلام..
يا محمد أصبر علي لغاية بكرة حاصغًر ليك حجم الصورة وأعمل ليك ليها تحميل وعنوان أديك ليهو في ايدك.. تقوم تمشي بيهو لمحل "ملفك" عشان تختو مكان عنوان الـ "Image".. اتفقنا.. انا كنتا ما فيشة واتوقعتا زول يكون عمل التصغير ليك..
عامر الأمير.. مليون مرحبا  ..
أبو حسين.. ســـلام.. أمًال ايه.. خبرة تلاتة سنين  ..
حاتم صالح.. مليون مرحبا ..
أمدرمانية الحبيبة.. شغل على ميًة بيضا.. لوووووووووول
| |
|
|
|
|
|
|
|
|
|
Re: سؤال وعاوز رد الان ! (Re: Elnasri Amin)
|
الشنكارات يا (نصرى ) من مستلزمات اللعب واكتمال الزى للاعب الكرة وهى (واقى للساق ) حاجة كدة مصنوعة من مادة خشنة قريبة للبلاستيك
بالمناسبة موضوع (الصورة ) دا انا شايفو مهم لانى بحب اشتغل فى النور واكون معروف دعما للشفافية زى ما بيقولو اليومين دى فى الصحف
| |
|
|
|
|
|
|
|
|
|
Re: سؤال وعاوز رد الان ! (Re: nahar osman nahar)
|
عاد يا محمد حامد جمعه شفت البرالمة ..البدخلو البورد بالجملة وبالقطاعى
جنس قوة عينك ما شفتها
ممن ما جيت البورد واقع فينا ارهاب..اعملو داك وسووا دة...
الله يحضرنا زمانك...ويشوفنا صورتك يابتاع الشفافية انت
| |
|
|
|
|
|
|
|
|
 ٌRe (Re: محمد حامد جمعه)
|
السلام عليكم
و الله انا يا اخ محمد كنت زاتى ما عارفه انزل صورتى كيف لكن عملت محاولات قبل هذا البوست و قلت اجرب
و تشكروا يا بورداب
| |
|
|
|
|
|
|
| |
محمد حامد جمعه
lana mahdi
سجيمان
Raja
ودالعباسية
أبو ساندرا
ABUHUSSEIN
Kabar
Hatim Salih
محمد الامين احمد
nahar osman nahar
Tumadir
Rawia
Kostawi
رانيا بابكر
Ahmed Al Bashir
فيس بوك
تويتر
انستقرام
يوتيوب
بنتيريست