نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
بندهكم جميعا ... يا رجال سودانيز ونسوانو الكمل
|
التحيات الطيبات ....... وبعدين .... أقول شنو ..... شهد الله ماكنت قايلا بى تبقى على مرتين ..... وياعملات سيجيمان والله قايلا ذي البرجم - "فى رواية أخرى البرجب" - بى يتاور الزول مره واحده فى عمرو...... وفى قولا آخر, البيطبوقلو البرجم ده ... .. أجاركم الله ...
دحين نحنا إتبرلمنا فى السبعينات ..... أها هسع شن الراى .... باقيلكم بى نقدر على حقت الألفينات ؟
يـابو مروه
|
|
|
|
|
|
|
|
Re: بندهكم جميعا ... يا رجال سودانيز ونسوانو الكمل (Re: Salah Abuhigill)
|
صلاح
انا عمرى كان 26 سنه ,كنت خريج جديد و مسكين وقلع عديل انضميت لتلك الدفعه كطالب ممثلا مصانع السودان للعطور... حليل فندق اراك و الاكل المجانى و البسكويت بتاع الصباح فى مجموعتى كان ممثل شركه الببسى كولا و ممثل هيئه الجمارك و الاخ على موظف فى المركز
كان هناك كميه من العساكر ركز فى الصوره كويس يمكن تتزكر
النصرى امين
| |
|
|
|
|
|
|
Re: بندهكم جميعا ... يا رجال سودانيز ونسوانو الكمل (Re: زول ساكت)
|
تعرف "يازولساكت" أنا قريت ليك بوستات كتيره خلاص فى سودانيات .... وماتصدق أنا فرحت قدر شنو لما أدونى العضويه دى مع دفعتكم خاصه ومعاك ناس كتار من سودانيات ..... وطبعا جايين مفتحين ... مش دايشين زينا كده ...
تاج السر محمد أبوحجل إبن أخى ... أنا عمو .. وهو صديقى
ليك الوقفه أبحجل
| |
|
|
|
|
|
|
صلاح (Re: Salah Abuhigill)
|
صلاح ابوحجل بعد بوست راوية قلت الزول الشكرتو راوية صاحبتنا بكون زول ما ساهل ام ايه بلدياتنا كاره ضرب لى وقال نتقابل وعندى صحبى اسمو ابوحجل بجيبو معاى قلتا ليهو بس الزول دا كمان عندو جيتار ام ايه قال الزول دا مشى العين
المهم انت معانا هنا فى الشسارقة بنلم فيك
شايف كمان كمال فسم الله ما تقول انت من ناس الصاروخ القاهر فى الجيزة
| |
|
|
|
|
|
|
Re: بندهكم جميعا ... يا رجال سودانيز ونسوانو الكمل (Re: Salah Abuhigill)
|
مرحب أستاذ صلاح... أسلوبك في طرح نفسك جعل الحاسه (الشماريه) الخاصه بي تتحفز.. قلت أشوف البنده ده ماله؟
مرحب بيك.. واسمك ما غريب علي! غايته انا سنة 88 كان عمري 8 سنين يا عمو النصري.. لكن مركز تدريب الاداريين ده غالبا والدي كان بدرّس فيه...أذكر إنه كلمني عن بعض الناس الدرسهم هناك.. في دورات تدريبيه... من ضمنهم أبو كبير (البشير).. وصلاح كرار.. وما عارف مين!!
لكن .. مرااااحب.. ونوّرت البورد
بنت الحسين
| |
|
|
|
|
|
|
Re: بندهكم جميعا ... يا رجال سودانيز ونسوانو الكمل (Re: مريم بنت الحسين)
|
مرحب بيك.. واسمك ما غريب علي! غايته انا سنة 88 كان عمري 8 سنين يا عمو النصري.. لكن مركز تدريب الاداريين ده غالبا والدي كان بدرّس فيه...أذكر إنه كلمني عن بعض الناس الدرسهم هناك.. في دورات تدريبيه... من ضمنهم أبو كبير (البشير).. وصلاح كرار.. وما عارف مين!!
لكن .. مرااااحب.. ونوّرت البورد
بنت الحسين
حباب بت الحسين ......... شمال بربر يقع مشروع الحصا الزراعى ... فى هذه المنطقه ينتج أجود أنواع الشمار فى العالم على الإطلاق .......... ولما حاول الكثيرون إرجاع كل ما يتعلق "بالخبر والخبيرات" لأهل بربر فسموها شـــــمارا , وتجمع شمارات..... ولا أدرى إن كنت من تلك المنطقه أو ما جاورها... إلا أننى أجزم بمعرفتى لك منذ زمن عبر مشاراكاتك الثره فى هذا البورد..... يشرفنى ترحابك بى ... دمت أختا صغرى لى .... وأحي أباك الأستاذ...
| |
|
|
|
|
|
|
Re: بندهكم جميعا ... يا رجال سودانيز ونسوانو الكمل (Re: Salah Abuhigill)
|
انا من رفاعه أستاذ صلاح..ويمكن ده هو مكان سماعي لإسمك.. في عندنا ناس في رفاعه اسمهم ناس اب حجل.. وعندهم صلاح برضه.. ويمكن برضه تكون الذاكرة خايناني (كالعادة)...
بغض النظر عن مسبق معرفتي بك .. نتشرف بك بيننا... ضيفاً(لأيام)... خفيف الظل... و(سيد بيت).. إذا مد الله في الأعمار.. (للأبد)...
دوماً...
بنت الحسين
| |
|
|
|
|
|
|
|