|
|
 النوبيون جزء من الحضارة الرومانية!!!???
|
يعنى طالما الحكاية فك وتربيط فى المتشابكة السودانية ,,, خلينا فكها من (هنا) ونربطها ( هناااااك),,,,
غايتو فى الخريطة الرومانية الأثرية نوبيا مكتوبة عديل كآخر حدود الأمبراطورية الرومانية,,,و(جدنا) قمبيز لم( يتوة) فى الصحراء النوبية كما جاء فى ألأثر وعلى حكاية السلالة وزى اخوانا الجدهم (العباس) فان احد جدود النوبيين (قومبيز) القائد الرومانى البطل,,, ولأن الكتابة النوبية تبين علاقة واضحة بين اللغة النوبية واللغة الرومانية ( مع بعض التحريف) مثل بعض الكلام السودانى واللغة العربية,,,وكما ان بعض العادات والتقاليد النوبية مثلها والعادات الرومانية (مع بعض التحريف) زى بعض العادات السودانية واصلها عربى,,,, واللون (اتغير) طبعا بفعل الحرارة والأختلاط ,,اهو زى اخوانا العرب برضو فى السودان وفى مقولة انا بأيدها انو اصل الرومان (سود) ولكن الزمن والمكان (بيضهم),,,, غايتو نحنا بناكل (كابيدة) من القمح وهم بياكلوا (بان كيك) برضو من القمح,,بناكل (تركين) وهم بياكلو (انشوجة),,, هم موسيقاهم يعنى خماسى ونحنا ناس الخماسى (زاتو),,,, شوفو (الزى) النوبى فى الآثار ماهو زاتو بتاع (يوليوس قيصر),,,
هم كانو يهود وبعدين مسيحيين ,,,,,نحنا زاتو بس فتناهم (غادى),,,
اها تانى فى شنو!!!!!!
اطالب بقيام دولة النوبة الكبرى والأنضمام فورا الى السوق الأوربية المشتركة,,,
واذا قالو لينا (عبيد) نبلعها زى ما قاعدين (اخوانا) يبلعوها فى البلاد العربية,,,,
والعايز ( ينضم) لينا مافى داعى يستعجل (للوترى) فبانضمامك للنوبيين تضمن وجودك فى الغرب السعيد (وعلى كيف كيفك)
عيدية بسيطة للجميع وللجميع محبتى دون فرز,,,,
|
|
 
|
|
|
|
|
|
|
|
Re: النوبيون جزء من الحضارة الرومانية!!!??? (Re: kofi)
|
حبيبنا كوفى..
كل عام انت والأسرة الكريمة بألف خير.
لعلك تكون ملاحظ انه مافى واحد اتكرم بالتعليق على بوستك الذى ذهب الى الهدف تماما بدون لولوة ولا لف ولفلفان ,لأنه كلامك فعلا كان مفاجئ ومباغت حتى احتار القوم ماذا يفعلون..
احييك على شجاعتك واكشف لنا عن المستور والمسكوت عنه .
| |
|
|
|
|
|
|
|
|
|
Re: النوبيون جزء من الحضارة الرومانية!!!??? (Re: قلقو)
|
الحبيب كوفي كل سنة وانت طيب
والجاية زي ما عايز
بصراحة عيدية حلوة منك يا راجل يا قديم
Quote: اطالب بقيام دولة النوبة الكبرى والأنضمام فورا الى السوق الأوربية المشتركة,,,
واذا قالو لينا (عبيد) نبلعها زى ما قاعدين (اخوانا) يبلعوها فى البلاد العربية,,,,
والعايز ( ينضم) لينا مافى داعى يستعجل (للوترى) فبانضمامك للنوبيين تضمن وجودك فى الغرب السعيد (وعلى كيف كيفك |
| |
|
|
|
|
|
|
|
|
|
Re: النوبيون جزء من الحضارة الرومانية!!!??? (Re: kofi)
|
قلقو
يافنان وين بوستاتك الرائعة,,, واللة الناس بتحب المحكى لأن المسكوت عنة( بفرتق) اللعبة,,,,
قرجة
واللة باين عليك انت قديم جدا طالما فهمت (الموضوع) وعلى العموم مانعدم قلمك الرائع,,,
حمزاوى
انا خايف نفرتق ليهم اليورو دة !!!!! اصلهم ما استشارونا فيهو,,,
ياخى كان عندنا مندوب ومقعد دائم فى المجلس الكنسى قبل (قبولنا) للأسلام,,,,,,
وبانضمامنا للمجموعة الأوربية ومجموعة البحر المتوسط وهكذا حنشوف حكاية اليورو او نمشى (بيهناك) للدولار!!!!!!! ومافى مشكلة نحن شعب ديمقراطى (باعتبارنا الحضارى ,,,الهيلينى) ونحن كذلك جزء من رسالة رجل الشمال للأخذ بيد (الجماعة) نحو النور,,,,
موش بيقولوا الحضارة لمن عرف الشمال اولا...
| |
|
|
|
|
|
|
| |
قلقو
garjah
فيس بوك
تويتر
انستقرام
يوتيوب
بنتيريست