|
Re: يا ربي دي تنفع نكتة؟ رمضان كريم (Re: لؤى)
|
الدكتورة زولة123 تحياتي ورمضان كريم .. تصومي وتفطري على ألف خير موقف محير فعلا ومتناقض فعلا ..إنتي مهتمية برمضان وعايزة تهنينها وهي أصلا ما عندها نية تصوم دي عاملة زي أبن خالي (كان بيصوم بس جرسة في رمضان وطول الشهر يشتكي...طبعا دي أيام الدراسة ونحن صغار) لي زمن ما قابلته لأنه مقيم في كندا وأنا في السعودية المهم على حظه السمح السنة دي رماه يصوم رمضان في السودان ... اتصلت عليه باركت ليه رمضان وقلت ليه لسع بتحب رمضان والصيام؟؟؟ قال لي أعوذ بالله دا ألد أعدائي... وطبعا أنا متوقع الاجابة دي منو!!!!!!! ربنا يصلح الجميع ويتقبل صيامنا وقيامنا
| |
|
|
|
|
|
|
Re: يا ربي دي تنفع نكتة؟ رمضان كريم (Re: Habib_bldo)
|
زولا انا حاحكى ليك اربعة قصص حلوات عن رمضان اتنين "دوميستك" من بيتنا يعنى هشام كان صايم فى يوم اشبة بقعر المكوة..بعد الفطور صرح" فعلا رمضان ده شهر التوبة ...تبت اصلو تانى ما بصوم"
ياسر مشى ناس جدى عبد الوهاب وحجز اوضة من فرط برودتها اشبه بالمكيف...رشاها وشغل المروحة وبل توب خالتى السارة ابيض ورهييييف ومشى يستحم عشان يضرب النوم بعد الحمام...لما جه من الحمام لقى زول مدمدم وراقد ليه فى سريرو ذو التوب المبلبل...فقال ليه بسرعه " يا ايها المزمل ...قم فانزل"
واتنين ناشونال ...من غرب السودان تحديدا حكاهم لى الصديق ادم عبد المولى
الراجل صايم وفى حر كده يشبه الكانون ...فى زير تحته قرعه...للنقاط
جه كلب بدا "يجلغ" فى الموية بلسانه ..وبدلع شديد لغاية ما الراجل شعر بشماتة كده...من جيهة الكلب على انه صايم
فقام نهر الكلب بغضب شديد وهو يفسر للحاضرين: كلب ده جلقانا لالمى ديه الا فجارة ساى، عامن اول وكت العطش ضرب البلد شربا صرررررر
"اللهجة مهمة جدا"
التانية قال انه بعض العرب الرحل فى مناطق دارفور ما بعرفو الدين من كترة عدم استقرارهم " اوع بس يكونوا الجنجويد"
فعادة فى حيلهم بقيفوا يستريحوا فى طرف الحلال..الناس تديهم اكل وموية وشاى وبرش يرتاحوا فيه بعدين يواصلوا
اها واحد جه كالعادة...فى رمضان المرة دى لقى النار مطفية والناس مدمدمة والحلة مغبشة وفى شافعه كده بتلعب
سالها: عندكم المى؟؟ قالتلو المى مافى الدنيا رمضان...
عندكم شاهى؟؟ شاهى مافى الدنيا رمضان
ورمضان دة ككيف؟؟
شرحت ليه فكرة الصوم والفطور المغرب وكده
قالها: ودى يعنى ....امر حكومى ولا مباصرة معيشى؟؟
ان شا الله ما تكونوا عارفين القصص دى ولا حكيتو واحدات زيهم...
وكل عام وانتم بخير
| |
|
|
|
|
|
|
Re: يا ربي دي تنفع نكتة؟ رمضان كريم (Re: Tumadir)
|
تماضر الحبيبة أول حاجة تعالي النسلم عليكي عشان الشوق وكدة
كل حكاية أحلى من التانية بس بتاعة المزمل أكتر واحدة عجبتني تصدقي اشتهيت رقدة بالتوب الابيض حق خالتك ده زااااااااته والاوضة الباردة زاااتا ( بدون مكيف)
Quote: وهو يفسر للحاضرين: كلب ده جلقانا لالمى ديه الا فجارة ساى، عامن اول وكت العطش ضرب البلد شربا صرررررر
|
والله أبت لي ما يطون حاسد الكلب على فطوره ؟؟؟
شكرا على الطلة
| |
|
|
|
|
|
|
Re: يا ربي دي تنفع نكتة؟ رمضان كريم (Re: Habib_bldo)
|
حبيب بلده كل سنة وانت طيب دينق عنده بوست سرقت منه الجملة دي من تحقيق صحفي من الخرطوم شاب سوداني يقول
Quote: شاب آخر مسلم سألته لماذا انت فاطر رد قائلاً (من ما الله خلقني انا لم اصم)
|
ولا حول ولا قوة الا بالله
| |
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
كل الروائع رمضان كريم دي حكاها لي واحد صاحبي والعهدة علي الراوي: " واحد في أمريكا بيحكي انوا عرف رمضان جاء لمن فتح الدش العربي والمذيع بيقول والان اعزائي الحلقة العشرون من مسابقة رمضان" كل الحب ودالعجب
| |
|
|
|
|
|
|
Re: يا ربي دي تنفع نكتة؟ رمضان كريم (Re: zola123)
|
Quote: اسامه الخاتم كل سنه وانت ورؤى وخالد بكل خير وتصوموا وانتو اكثر استقرار كلمتنى الحاجه بى اليوم الظريف القضيتو معاها |
و انتى بخير يا راوية و اليوم داك فعلا كان ظريف بى وجود الحاجة و الاخوات رجاء و سارة والغداء كان حاجة رهيبة اسألى خلودى و تسلمى
| |
|
|
|
|
|
|
|