|
|
 الشوق .. الفات زمان .. وعد اللقياء .. وأخر
|
محمود
نيالا ..
البحير
انا ماشي نيالا ..
هناك نيالا كانت عروس تزدان بأقراط الصوادح , كانت عروس .. سينما نيالا
وكنا إنتظار ليهو , محمود ..
مكتوب علي .. سفر الشجون
شوق الحنين
ولوعة حزين
مكتومة في اعماقي
محبوسة في دموع العيون
مكتوب علي
ونيالا السفر كان امل الوعد اللقيا وما كان ..
ادم حمودة , عاطف نيالا , احمد شارف , سراج العروبة , فارس فاروق و و و و ..
التاج الاحسن , ده بجضم الجي في سي 700 ما شايف الرومبة في اعماق الضل ؟ الضل المرمي في فراغ الحوش .. حوش بيت الحفلة الما معروفة شنو .. عزانا الرومبة وإيماءات الضل ..الضل البتراقص ويتداخل مع سماعة متكية في اعلى الحيطة , وهو الدرويش .. مليان رومبة , رومب روم . ياالجي في سي .. الغبار يتلوى من تحت الارجل ويعافر بي اخر نفس يتسامى لي السماء البراح , يصل النجم يعانق النجم ويتبدد ..
يتصادم صدى صوت عاطف مع شارف شارف معاهو سنادة إبراهيم محمد الحسن سنادة .. سنادة يا ياماها , مها يا بت الحلة .. بت الحلة يا بت الفلاتة الحلوة .. حلوين.. حلاوة . غاليين .. غلاوة .. وان كنت داير تلقى الحفاوة روحاك الابيض , ما هناك في المدينة عروس الرملة كان الود حوتة ..
يا حوتة يا ..
يا للحظ العاثر , بس دي النورالنورس وده ابوجبيهة , عاطف ابوجبيهة يصدح بي المدينة , المدينة التعويضية والمدينةام خريفا بارد المدينة عروس الرملة , الرملة مصاص غيث السمي , وإيه يا سمي الأبيض .. كيفن نفوت أمير يا طين القش , يا حلوة يا , تضحك يصرخ باعة السوق الشعبي الجوغة , كورال المناداة أيا الماشي الخرطوم يا خرطومي يا خرطوم , يا خرطوم يا خرطوم يا مشجون . وكان السوق الشعبي سماء صباحو رزاز ,نمد يدينا لي مطرنا في عشمنا في دغشينا يغشانا الحنين لي البقعة .. وبعد البقعة هنااااااااك ...
مقابيل النيل الراقد ممد راجي فيوض الحبش , الحبش القامة الهضبة الفوق اثيوبيا الراويانا جمال ومغطغطة علي سطح الجروف طمي , إيه يا كبيرنا الفندق ..
موقف بحري , بحري بحري بحري , وإعلان
نجم الشباب محمووووووووووووووود عبد العزيز , الفندق الكبير حول حوض السباحة , في يوم الجمعة المجموعة
إلحق يا زيرو ود عبد العزيز الحوت الجاب الحوت , حوتنا حوتة حيصدح هناك حيسبح في حوض الفندق ويرمينا في بطن النيل هبة شوق , بس إيه يا فقر سكن الجيوب زي ما سكنت نغمة المدينة من ابو جبيهة وقبلو حوتة , أيوة قبلو حوتة في ديوم بحري , حوتة حينا كان يا دوبينو كمين سنة , كمين سنة يا اللي هنا ويا انا يا إنتوا يا الهَنا بقولكم وقتها كان حوتة حينا يادوبو يا
أهاتي بيهاااااااااااااااااااااااااااااااااااا
ويهاتي وأحاحي الدمع البسارق من العين ضي النجمي المالية ضجيج سكون النغم , النورس عينهم معلقة في سماء تانية بعيد هناك , ويضحكوا علي الشجن السجن المضروب في قفصنا السمعي وراء القلب المليان حبها ويا دوب دريت وفزّت شقّتلها درباً غير الدرب الساساق الماشي بيهو عليها أي شي ..
مكتوب علي
سفر الشجون
شوق الحنين
ولوعة حزين
مكتومة في
أعماقي اناناناناااااا
محبوسة فييييييييييييي
اه
من دموع العيون
مكتوب علي ياناس سفر الشجون
ولوعة حزين
محمود من الفندق .. الكازينو .. الشلال .. ونادي التنس دوران
لمتين وراك
لمتين
قولي متين
لمتين يكون
نادي الضباط الفندق وبالعكس
الهيئة , حفلة حلتنا ام كهربة قاطعة فوتت حلمي بي البت النجمي اليوم داك
مكتووووب علي ..
الإدمان , الحب الخطيئة , المفرزة الإنتماء , البكون وما كان في يوم شي غير حرفين حياة , قطعت شريان وصالا ورمت إنسان الدرويش في جب الهاوية وإختارتلتو النار الضلها يحرق ..
إدمان
سفر الشقاء يا شقي .. يا كتير الشكي ..
كأني وما كأني , كأني المديون للعذاب , بدفع سنين من عمري ليها الهنية الرضية ام سماح القمرة الساكنة قلب الحنايا, الحنايا المالية جتة الدرويش , الدرويش المرمي فيهو شجن القوم وحي قيوم , ووحوحة الحوت وصدى الساكس وتقاطعات اسماعيل عبد الجبار وكننة اخوان , ترترات الطبلة , والصدى المرمي من تحت الإيقاع والباص ما باص سيرة يا ناس العوض , يا ناصر وقف كورد الليد هنا
او قولوا لي الزول ده يسكت
لو ما سكت ما حيقيف البوح الشجن
السجن
الحب المحنة
الفرقة المفروضة قسر
خلوها تفهم اننا
تؤام روح
خلوها
|
|
 
|
|
|
|
|
|
|
|
Re: الشوق .. الفات زمان .. وعد اللقياء .. وأخر (Re: Rawia)
|
سلام تبلدى
جاييييييك بمهلة
رايوة سلام
بعد ماصدقتاانى لقيتك ثلاثة ايام بلياليها وانا
حايم في شوارع البورد بسال عنك كلمة كلمة ونسمة
سمحة 000000مرات يقولو لي هسة كانت هنا لكن مشت
مستعلجة عشان تعزى الشعب السوداني في الخزين
بينى وبين نفسى قلت البت اصلها مابتقصر وتابطت كاميرتى
مسرعا عشان احصلك هناك وابل الشوق واقول ليك انو العنوان
بتاعك ابى الجية 00000000000فكيف العمل
اقتراح كدى حاولى نتلاقى الليلة بعد المغرب حقنا
غايتو انا بديك عناوين وعارفك ما بتتطشى
www.issamhafiez.com
| |
|
|
|
|
|
|
|
|
|
Re: الشوق .. الفات زمان .. وعد اللقياء .. وأخر (Re: tabaldy)
|
انا زاتي ماشي نيالا يا قبيح
يا شين ودشن يا سيد الناس
وين الكلام وين النضم؟
خايف كلامنا الكان زمان يكون شالو الهوا
كنا بنتحدث عن الهوي!!
بنت الجيران الحلفاوية
البنت المدنكلة بالرحيق
الزمن الحريق
شارع بيتنا البنده ليك
وحايح لهيب البتلفح تلهلب و تكوي الجلود
حجيتك ما بجّيتك
بي المغصة الآهة الهم الدمعة اللوعة الشوق؟؟!!
سمعت كلامي و شفت غناي شن سوّي؟
أظنك غبيان زي زمنك
أجيك سكران بي وعي اللحظة تساب الفكرة المرقت شمعة تضوي الليل
أحي انا منك
خاف من الله !!
وصية ناس صبحت ميثاق
خاف من الله
وتاني وتاني
خاف من الله!!
| |
|
|
|
|
|
|
|
|
 Re: الشوق .. الفات زمان .. وعد اللقياء .. وأخر (Re: tabaldy)
|
تبلدى؟؟؟!!!!
ولا هكر؟؟؟!!!
اول رمضان وجيت
ياكا الهلال والمريخ..
كدى اقعد هنا يبتاع البحر لمن نجيك فى القيف..
مشاوير الصباح
والجيه بى مهله تانى.
وتانى ماتعمل كده
تخلى ناس البيت يكوسوا عليك كده
تمرق من مرقة الله اكبر..
تجى مامعروف بتين..
ياحليلك ياتبلدى..
جابت ليها جرسه فى رمضان..
طيب نحن زنبنا شنو
ياحبيب..
يااااااااااااااااااااااااااه
الغربه ..
متين نتلم تانى..
مشتهينك
وتانى ماتغيب...
| |
|
|
|
|
|
|
|
|
|
Re: الشوق .. الفات زمان .. وعد اللقياء .. وأخر (Re: tabaldy)
|
هييييييييييي يا بت كلمتك عصام دايرك ولا لا ؟
لا ؟
كلمتك تاني اهو ..
ثم تانيا انت كمان يا عصام ما تعمل لي البوست بتاعي ده زي كافتيريا اولاد العيلفون بالسوق العربي , محل سلام وونسة يعني ...
ده بوست جرسة لي البت الشاكوشا نازل في راسي زي اب شهيق حتى خلعة شوفة حبيب نورا ما روحتو
يا راوية
أبنوسي
| |
|
|
|
|
|
|
|
|
|
Re: الشوق .. الفات زمان .. وعد اللقياء .. وأخر (Re: tabaldy)
|
امير البؤساء وقائدهم الي الفرن
رمضان وباقي قروشي بخير
الخيط الأبيض و الأسود من الفجر ... لا اختيان و لا خيانه ...
و أنا أفترش نصف الدنيا ...
و أنام ....
إني أراها في كل مكان
سينما عروس ومسرح كردفان
.. وام سلمة
والمواليد
وقل لي متين يكون
| |
|
|
|
|
|
|
|
|
 Re: الشوق .. الفات زمان .. وعد اللقياء .. وأخر (Re: tabaldy)
|
امير
اولا حاجه خلينى اوجه الكلام دا لى عصام العزيز
عصام كيف مالقيتنى انا من امبارح ساكنه فى البوست حقك النزل ليك فيهو خدر غنيه
بطلت سهر الليل
وبقيت انوم بدرى
سمعتها زى سبعين مره كدا
تانى مشتاقه ليكم شديد شديد ورسلت ليكم وصيه مع ود خاله منذر اهو يسمع فى كلامى
وادفع نص عمرى ياعصام والقى لى يوم واحد نتلم فيهو تانى زى لماتنا الزمان
فى الصفحه حقتك مالقيت ايميل
ولى حسه مالقيت رساله واحده بيها نتصبر شويه
لو لاقتك مشكله قول عشان نشوف حل تانى
امير
شاكوش شنو عادى ضربه تفوت ولا حد يموت
اسمع نصيحه خالتك وخليك متين عشان حتلاقى من دا كتييييييييير
وكل سنه وانت طيب
وتصوم وتفطر على خير
| |
|
|
|
|
|
|
|
|
|
Re: الشوق .. الفات زمان .. وعد اللقياء .. وأخر (Re: tabaldy)
|
رجاء
الله اكرم
بس الكرت ده فيهو اسمي واسم اسعد
ولا حقوق الطبع محفوظة دي بقت الا في كتب المطالعة صفحة 106 ؟
تخريمة والعهدة علي الراوي
كلمتي لي الزول داك اني ما قريت اسمي في اسماء المرشحين لي حقائب وزارات نيفاشا ؟
انشاء الله وزارة مالية
ابنوسي
| |
|
|
|
|
|
|
|
|
 Re: الشوق .. الفات زمان .. وعد اللقياء .. وأخر (Re: tabaldy)
|
اولا وقبل كل شئ
نوف ... رمضان كريم ... وربنا يحقق الاماني
أساسي .... انت كمان رمضان كريم ..... بس ما من قلبي والله
رجاء الهكرجية .... تعرفي الواحد تاني يعمل حسابو وهو داخل علي المنبر ... كان بقت علي
الصور ساهلة ... لك الود والامنيات الطيبة
راوية ..... رمضان كريم ... دعواتي وامنياتي
سيد الدكان امير : انا كتبت اسمي يا ظريف عشان لمن رجاء الهكرجية تهكروا يتعرف انو مهكور
مهكور .. مهكور يا ولدي .. الحب عليك هو المهكور
حتي كروتك يكهروها يا امير
الشاكوش الاخير دة كان يمين ولا شمال؟
داير كمان اقول رمضان كريم لمعتز تروتستكي وحبيب نورة ولو انهم ما ح يصوموا لكن
ما مشكلة رمضان كريم
وتحياتي لناس حلتنا كلهم
اوه نسيت
النصري رمضان كريم
وانت سالتني من اوسلي ؟؟
اوسلي مشارك في مطعم شغال بالنهار في رمضان لانو الاكل بيكون غالي واظنو هو ذاتو فاطر
تاني منو .... منو ... يا ابو السعود
يا زول كان اتذكرت بجيك راجع
اصلو بوستك دة شرب موية لمن كوع
اها النبقا متخارج
سلام
| |
|
|
|
|
|
|
|
|
|
Re: الشوق .. الفات زمان .. وعد اللقياء .. وأخر (Re: عصام عبد الحفيظ)
|
Quote: محمود
نيالا ..
البحير
انا ماشي نيالا ..
هناك نيالا كانت عروس تزدان بأقراط الصوادح , كانت عروس .. سينما نيالا
وكنا إنتظار ليهو , محمود .. |
تبلدى البلدى
سلام بالشوالات
مادام الباندوث بقى بالبراميل البمنع السلام يتعبأ فى الشوالات شنو ؟
حى الوادى شرق وغرب
طاحونة تكتيك
حى المساليت جوار داخلية نيالا الثانويه بنات حيث الشاكوش الاول
حى السينما والجمهوريه
خرطوم باليل وســـكر شتت .. شتت قبل او بعد الشاكوش لا تسألنى
حى الجير - كوري - تكساس وبالعكس
السكه حديد .. حى الجبل .. طيبه ومصنع النسيج
سلامتك تبلدى
قريبى اسعد ..
نعم فاطر فى المطعم ولكن ابشرك بالبعد عن المطاعم قريبا
التحايا لمحيو والاسره
راويه
المشطك منو ولا انت براك مشـــــاطه ؟
رجاء
اعفى لى
قريت kareem الفوق الكرت kareemla
اخضعى الامر لفكرك قبل اتخاذ قرار البلوك
فى زول ببلكوهو فى رمضان ؟
| |
|
|
|
|
|
|
|
|
|
Re: الشوق .. الفات زمان .. وعد اللقياء .. وأخر (Re: tabaldy)
|
معتز
اتوقع ان تتحول اشواقي الا اشلاء من فرط الحرمان
الزعيم الهندي غاندي قال ان فن الصمت اعظم من علم الكلام!وأكاد ان اتفق معه تماما, لولا ادراكي ان هناك غصّة تجتاح حلقي ان لم استطع ان اعبر لك عن ما يجيش بصدري, او ان ارميك بجمر من لظي الدواخل
لن أتوقف ابدا حتي لو تحطم يراعي في حادث شوق اليم فأنا ابحث عن صفر البداية
وتجدني بين هم البحث عن حق تحرير مصيري ,ونيل استقلال ذاتي , في شد وجزب , تري هل اجد لي ارضية ثابتةترضي غرورى ونزغي وثوريتي؟؟؟؟ام ستسقط وتزل قدماي في هـــــــــاوية الانتظار؟؟؟؟
احتاجها
عاصفة انفعال
أحتاجها
تدوزن اوتاري ,التي ارتخت بفعل جوقة العازفين الفاشلين,الذين اورثوني النشاز,
اريدها ان تعيد تكوين تلقائيتي,
اريدها ان تعيد توزيع جميع ألحاني لتهديني الكنـار حزمة من النغم !!!
اريدها ان تكون مايسترو فرقتي العاطفية ,
تختار ما شاءت من الكلمات,
تختار ما شئت من اللّحون ,ولها ايضا الخيار في توظيف الألات ,ألست قــــــــائد السيفوني الإنتظار ؟؟؟؟
أمّا انا
فدع لي الرقص وهز وسط القصــــــيد!!!
نعم سأتمايل نشوة ولا كاس هناك ولا نديم
وأذا ما انفض سامر القوم,ولملمت الكراسي, وأذنت ساعة الفراق,لتفارقني ( ليلاي ) وكأن بها مس من جنون , وكأن يطاردها ألف شيطان وشيطان,
أمّا انا
فسأعود القهقري لواقعي الاليم, وادرك ساعتها ان العروس للعريس , والجري للمتاعيس
ويللا بلا لمّة عرس وتمة
ونرجع تاني لي سكنى الجزر
وننتظر المد والجزر
عسى ان يرمي في شواطئنا بكم
أبنوسي
| |
|
|
|
|
|
|
| |
Rawia
عصام عبد الحفيظ
حبيب نورة
معتز تروتسكى
ASAAD IBRAHIM
Raja
WaD OmI
اساسي
osly2
فيس بوك
تويتر
انستقرام
يوتيوب
بنتيريست