|
Re: رسـالـة خـاصـة.. عـامـة.. لـتـمـاضـر.. (Re: Raja)
|
رجاء هى رحيق العسل الذى تعتصره ملكات البورد ووشوشة حروفها داخل المسرح تعبق وتكسب الستارة اريجا وينتشى الحضور فى اخر المقاعد الخلفية وفى هذا المنبر هى تماضر نكهة سودانية خالصة لك ولها مزيج من الرياحين واعواد الصندل ودامم البورد لنا مرتع انت غزلانه ونحن حراسه فهلا طاب بكم جميعا المقام تحياتى
| |
|
|
|
|
|
|
Re: رسـالـة خـاصـة.. عـامـة.. لـتـمـاضـر.. (Re: saif massad ali)
|
والله يا شباب ما "افرش" منكم لكن انا قاااااااءعدة
حتى بالاماره يا رجاء كتبتى لى هنا
تحية الى الجنس "اللطيف" ....رجالا ونساء
وبعد داك كتبت مطر وسقوف
وبالاماره التانية هدى
مطر... وسقوف
وناكفت شوية مع "الظلاميين" يا عملاتهم فى قصة رودا وبت الاحفاد...يعنى عشان الظلاميين ما ينسوا يولعوا معاهم النور وكده
وبالاماره التالته اتشاكلنا انا وحميده وتانى اتصالحنا امسك عندك واحد بوست
طمـ مساك الله بالخير ــاطم
وباركت لهشام يوبيلو الفضى وحلاتو بوليداتو
وجادعت فى موضوع ندى امين ...وتحيتها
وحنست فتحى البحيرى فى زعلتو
وترانا ندافر بيجاة وبيجاى ...ووابو قرمبوز ...امانى بالله....مات الله يرحمو وجعنى
وقريت ما خليت مواضيع كتيره بخصوص دارفور وانقسام ناس السلطة فى بعضهم وشوقة شوقى بدرى لامدرمان وتخاريف سجيمان وتحليل عمر على وعنصرية العرب وعادل عبد العاطى فى رده على ناس خدورى ودكين ....ووالله ترانى ما مخلية شى
يسالك منك الخير....
ومن كل المشاركين
بس سؤالى بقيت ما بلفت نظركم ولا الاداره شالت حكاية لفت النظر دى كلها مننا نحن " النجوم" حتى "المطبلاتية " (ياكافى البلى" بقوا ما بشوفونا....هههههههههههه ( الليلة بكتلونى غايتو) الغريبة هم شدة ما متكتلين لما بقولو (نحن) الله يسامحهم غايتو
والله ايام يا بورد...قال نجوم ومطبلاتية قال...
المهم يا حبايب على بال ما القصة دى تنعدل....
لكم منى محبة ....لا مقطوعه ولا ممنوعه...وجليل الاحترام والتقدير
ودائما تذكروا تلكم الاغنية الخالدة ( شعارى الجمهورى) : احترامى الييييييييك من صميم قلبىىىىىىى غير ما اشعر
ما اجملكم والله
| |
|
|
|
|
|
|
|