|
Re: تعالوا نطلع شوية من القطاطى ..ونحلم بى بيت الأحلام (Re: abookyassarra)
|
والله شئ جميل لكين أنا أدوني بدل البيت والفخامه دي كلها قروش لأنو أنا لو سويت لي بيت زي ده بتبقى فضيحه وأهلنا العوضيين حا يقاطعوني جنهم وجن المرايات والبانيوهات والسيدي والديفيدي والتلفزيون يا الله ويا مين حتى وافقوا يتفرجوا عليهو وكمان سلالام وأنور خافته وموكيت وسجاد وبلاط يلمع تقول لاحسو كلب ، يا أخوي هوي غايتو أنا أدوني نصيبي في هذا الحلم تركتر وهايلوكس بشرك يكون لهيب الشوق وطلمبتين مويه ماركة لستر وسته براميل جازولين والباقي عافيهو ليكم لي الله والرسول.
| |
|
|
|
|