|
اتكاءة
|
شقشقت عصفوره من جنه عيونك صحصحت نجمه وزهت فى ليل عنيه ومن سلامك طرقع الفرح الاصابع وانتبه وترى النعس فى برد ايديا هش صوتك سكسكت نحله وسرت من بين شفايف ورده لى حضن الخليه وشكشكت مطره وبرق عبادى فى الافق الرمادى واستحمت خاطره فى موج العشيه جيتى من وين يا بنيه تبنى للشمس الكبارى تلغى تعسيله العصارى وتدسى حاجات للطوارى وتلمحى النبضه الخفيه جيتى من وين يا بنيه قاطعه وديان الخرافه ضامه الواح الخرافه طايره بجناح المخافه عاطنه ثغرك فى الظرافه ناقعه داندرمه وطرافه وشايله للجايات هديه كلمه فالحه وبندقيه غابه حنه وصندليه جيتى من وين يا بنيه وقبلك الساعات حوافى والاسف عشق القوافى المنافى تلد منافى وكل سمحا شين ومافى والزمن خطواتو ما سخه ودائريه جيتى من وين يا بنيه بى سلامك طرقع الفرح الاصابه وانتبه وترى النعس فى برد ايديا وفى حضورك ما وعيت سفر النهار الا ساعه المغربيه
|
|
|
|
|
|
|
|
Re: اتكاءة (Re: raheel)
|
رحيل... جيتى من وين يا بنيه قاطعه وديان الخرافه ضامه الواح الخرافه طايره بجناح المخافه عاطنه ثغرك فى الظرافه ناقعه داندرمه وطرافه وشايله للجايات هديه كلمه فالحه وبندقيه غابه حنه وصندليه جيتى من وين يا بنيه
| |
|
|
|
|
|
|
Re: اتكاءة (Re: raheel)
|
الجمال الحق ربي هو معني في شعوري فهو يطغي فوق وجداني فيطغي بي سروري هو يرقي باحاسيسي ويسمو بضميري
عوض الحسين شاعر يانسيم ارجوك
.. .. .. .. ..
رحيل ايتها الانيقة تحياتي لك وللكلام الزين
الحضور الكريم اجمل واحل تحية
| |
|
|
|
|
|
|
Re: اتكاءة (Re: تولوس)
|
جيت أسألك ياطفلة الألم الرضيع تديني خاطرك شان اضيع في سوق موزع في الزحام يا عذاب الريح للخيام يا صهيل كسر اللجام يا ختام قبل البداية يا بداية قبل الختام جئت أسألك مين علمك إنو الزمن في مرة ناقص وفي مرة تام جيت أسألك الشوق مكتف في الطريق والخوف مداخل الفريق جيت أسألك مين علمك لغة الزهور مين علمك غضب الحريق وانت باحة وانت واحة وانت ذاتك سكة الزول للمضيق فاردة السواعد للزوابع والمطر للهم يولول للشجر عايز أسألك مين علمك تلمي السلامة مع الخطر
| |
|
|
|
|
|
|
Re: اتكاءة (Re: raheel)
|
Quote: جيت أسألك مين علمك لغة الزهور مين علمك غضب الحريق وانت باحة وانت واحة وانت ذاتك سكة الزول للمضيق فاردة السواعد للزوابع والمطر للهم يولول للشجر عايز أسألك مين علمك تلمي السلامة مع الخطر |
الأخت رحيل:
لك التحايا.. وأزهار الرحيق الراحلة دوما..
مع الفراش تنثر العبير في هذا البورد.. لتضيف اليه بعض الجمال..
مع تحياتي.. وتقديري,,,
| |
|
|
|
|
|
|
Re: اتكاءة (Re: Ehab Eltayeb)
|
ما عندي غير أقول يا قلب لا تبك الذي باع الهوى لملم جراحك لا تقل ما أضيعك وأذا الحنين تأججت نيرانه وهفت بك الأشواق فأحبس أدمعك وهماً ظننت بأنه قد ضيعك ما ضيعك لكن أضاع وعوده وعهوده وأضاع معنى عمره لو يسمعك ماذا يكون بغير حبك يا ترى من غير ليلات نديات الرؤى كانت معك
يا قلب لا لا تبكه كل الذي شيدته بين الضلوع ذوى ومات ما عاد شيئاً يشتهى ما عاد حتى في شتات الذكريات
| |
|
|
|
|
|
|
|