|
عفوا .. عمر رجب .. ماذا تود أن تقول؟
|
سلام يا أهلنا
لي فترة ليست قصيرة استمع واتابع باهتمام المجهود الذي يبذله بعض الشباب الموسيقي ومنهم عمر رجب
ومجموعة من اعماله ذات الطابع غير المعهود علي الاذن السودانية. وحيث انني انتمي لهذا الجيل واحب
ان اتحدث لغته واقرأ ادبه و اسمع غناءه .. وجدت نفسي غير قادر علي اجابة السؤال الذي عنونت به
بوستي اعلاه و اسئلة اخري متعلقة قد يستثيرها نقاش املي ان يثرية العزيز عمر رجب و مهتمون واهل علم و موسيقي.
قد لا استطيع الرد فورا .. لكني عايد كان ربنا ادي العمر
عمر
|
|
|
|
|
|
|
|
Re: عفوا .. عمر رجب .. ماذا تود أن تقول؟ (Re: omer ibrahim)
|
بسم الله الرحمن الرحيم... الاخ عمر ضو الببت........نورك بق وضوا البيت في مكة ناوي مبيت ... بي نور الرسول ضويت
الفكرة هي مشروعين بالنسبي لشخصي الضعيف راب سوداني لكن بلهجات سودانية...والحمد لله.. انتهيت من السي دي اول..كلمات والحان واداء... بخمسة لكنات التي اجيدها الحمد لله.. عربي جوبا..الجزيرة..فللاتي..عربي حبشي واهلي الحلفاويين فالفكرة دمج لثقافات متعددة في البوم واحد.. المشروع التاني البوم ثاني غناء عادي ايضا كلمات واداء والحان وهي فقط محاولات كل الحب اليك love you all omar ragab www.omerragab.com
| |
|
|
|
|
|
|
Re: عفوا .. عمر رجب .. ماذا تود أن تقول؟ (Re: omar_ragab)
|
Dear Omer Rajab Thanks for your words Due to a lack of arabic characters in my computer, I promise to spare some more time to discuss what you have come up with sometime tomorrow and let you know of what I truely think about your ideas and the new project that you are trying to establish here
I appreciate your kind response
Salam
Omer
| |
|
|
|
|
|
|
Re: عفوا .. عمر رجب .. ماذا تود أن تقول؟ (Re: omar_ragab)
|
Quote: في مكة ناوي مبيت ... بي نور الرسول ضويت |
عمر سلام و تحية و ربنا يحقق امنياتك .. قول آمين.
بداية آسف لفتح البوست و عدم تمكني من المتابعة في الفترة الأخيرة .. شكرا لردودك و دعني اعلق هنا اذا سمحت.
Quote: الفكرة هي مشروعين بالنسبي لشخصي الضعيف راب سوداني لكن بلهجات سودانية...والحمد لله.. |
تعرف انا لما قريت كلامك دا أول مرة فورا حسيت انو عاوز اسألك (ياخ انت ما بتخاف؟) يعني راب سوداني دا ما مصطلح شوية عسير الهضم؟ خصوصا و انو المعروف انو الفنان لما يكون شاب مثل عمر رجب زي ما بخاطب شريحة بتعرف الراب برضو بخاطب اجيال تانية صعب انها تقبل التحول من الغناء النمطي بتاعنا الي اي شكل من الأشكال الحديثة بأختلاف مسمياتها؟
Quote: انتهيت من السي دي اول..كلمات والحان واداء... بخمسة لكنات التي اجيدها الحمد لله.. عربي جوبا..الجزيرة..فللاتي..عربي حبشي واهلي الحلفاويين |
انا زي ما قلت ليك اني سمعت اغلب الاعمال دي من الموقع بتاعك .. لكن -وصححني ان كنت مخطئا- حتي تناولك للكنات اللي انت سميتها فوق دي كان طابعو كوميدي جدا.. و بصراحة لم اسمع اي عمل غير كوميدي الملامح .. الا اذا كان هذا ما تقصد ب
Quote: فالفكرة دمج لثقافات متعددة في البوم واحد.. |
انا شخصيا تخيفني فكرة ان يكتب و يلحن و يغني لي (واحد).
عارف .. انا ايضا اري .. ولك حق الاختلاف .. انك تمتلك فرصة جيدة و نادرة لأن تحجز اغنياتنا السودانية مقعدا .. لكن علينا ان ننتقي كتاباتنا قبل عرضها. و كذلك اصواتنا و ايضا من من اصحاب تلك الأصوات نوده و يمتلك امكانية الأداء.
برجع ليك
عمر
| |
|
|
|
|
|
|
Re: عفوا .. عمر رجب .. ماذا تود أن تقول؟ (Re: omer ibrahim)
|
سلام عمر ( إبراهيم ورجب ) ..
ويا عمر تجربتك فعلاً مغايرة ومميزة , إتذكرت وانا بقرا كلامك والرد بتاعك هناإنك عاوز تدخل في الغنا السوداني لون جديد , لون الراب بي كل أدواتو من إيقاعات الجاز والإيقاعات الكهربية كآلة _ رغم إنو في فنانين سبقوك في المجال ده كالأستاذ شرحبيل وجيلاني وبعض الفرق كساورا وسلام والقلب النابض _ أو حتى إيقاع و( إستايل ) الراب في تكوين الأغنية , بس رغم ده في تجربتك فعلاً يمكن كان الشي الجديد بتاع إنسيابية الكلام اللحني الدارجي بي اللهجات المحلية الذكرتها , سؤالي ليك : في معظم الإعمال السمعتها ليك في المنبر هنا او من موقعكم كانت عن قضايا إجتماعية حاولت تتعامل معاها كرسالة , زي مشاكل إهتمامات الشباب والموضة , بتتوقع تقديم طرحك لي قضايانا كشباب بي الصورة دي يلاقي إنتشار وبالتالي سماع لي صيحتك المتضمناها أعمالك ؟ .
إتكلمت برضو عن مشروع إنتاجك لل سي دي التاني , تقييمك شنو لي تجربة السي دي الأول من حيث الآداء والإنتشار وتعريف العالم برة بي موروثاتنا وتقاليدنا وعاداتنا ؟ . حاولت تشوف بعض من أهل الإختصاص والموسيقى والشعر والأدب عشان يشاركوك تقييم الأعمال الموجودة في السي دي ؟ .
عمر رجب هو المؤلف والملحن والمخرج لو جاز نسمي عملية المكساج والشغل الفني هنا إخراج , ده ما ممكن يؤثر علي آداء عمر رجب في المستقبل ؟ وممكن عمر رجب يقبل التعامل مع منتجين , شعراء , ملحنين , فنانين خارج المجموعة الحالية ؟ .
عمر رجب وين من المدايح الصوفية ؟ ممكن تكون في دائرة إهتمامو في المستقبل ؟ .
ومعليش يا عمر إبراهيم لو كترنا سؤالنا لي عمر رجب , لكن هو فنان قدير يستحق إننا نحتفل بي وجودو ورسالتو ودورو , تحتفي بيهو بي تسليط الضوء عليهو من خلال بوستك على حسب ما فهمت من مقصدك للبوست ده , ونحاول معاك نزرزرو ونطلعو من صمتو وتواضعو الجميل ونخليهو يتكلم عن عمر رجب . ليك وليهو الشكر والتقدير وحلو الأماني
أبنوسي
| |
|
|
|
|
|
|
Re: عفوا .. عمر رجب .. ماذا تود أن تقول؟ (Re: tabaldy)
|
مرحب تبلدي
Quote: ومعليش يا عمر إبراهيم لو كترنا سؤالنا لي عمر رجب |
انت عارف انا فعلا دا كان غرضي من فتح البوست .. انو تكون في اسئلة و نقاش نقدر نعرف منو
افكار عمر رجب شنو و عاوز يساهم بشنو في غنانا و كيف بقييم اسهامو الي الآن.
شكرا تاني يا تبلدي
عمر
| |
|
|
|
|
|
|
Re: عفوا .. عمر رجب .. ماذا تود أن تقول؟ (Re: omer ibrahim)
|
بسم الله الرحمن الرحيم.... الارض تحمل بالحلال وتلدي.. نحنا اوطا ناس...... ماديمةعالي عمرو التبلدي... طبعا دي هدية بسية ليكم... اكره ان اتحدث عن نفسي جد زنقتوني ههههههه لكن ساحاول ان ارد... الفكرة ..بدت بيني وبين الاستاذ ايهاب... وذيهاب مغني راب سوداني لكن اتاثر بالفن العربي لانه ماعاش في السودان..استمعت لاول البوم لي ذيهاب حقيقة اندهشت لمستوي الانتاج الموسيقي ..الالبوم اسمو ذهاب الفين ..لكن انتقدتة ياذهاب انت سوداني قال لي اييييي.. طيب ليه بتقلد العرب المصريين والخليجيين.. قال لي لغتنا السودانية مامفهومة... ضحكتا شديد هههه انا جني ضحك...... والله ياايهاب لغة البقارة خلي الكلام السوداني الناس دي بتفهمها.. ايهاب قال ماتبالغ... قولتا ياولدامي صدقني ولد امي اتخيلو كلمة عند البقارة واضحةةةة..ذي ايه ياروح امك بالمصري... اواصل بعد شوية هههه love u alll www.omerragab.com
| |
|
|
|
|
|
|
Re: عفوا .. عمر رجب .. ماذا تود أن تقول؟ (Re: omer ibrahim)
|
وجد المغني ذهاب شهرة واسعة بين الفنانين العرب.. وبالتحديد في الامارات بغنيتة المشهورة ام سي خان... اقترحت علية فكرة راب سوداني بكلمات سودانية بحتة واخترت له موسيقة الفنان الفا بلوندي بايقاع الريقي المحبب لكل السودانيين فقط كنت اريد ان اثبت له بان الراب السوداني موجود منذ القدم وخاصة في غرب السودان كاالحكامات وغيره وتجربة حاجة امنة خير دليل.. اذن اقتراحي ليس بجديد . الشفاف ايهاب تقبل اقتراحي بعد عناد مني خوفا من الفشل ماالغرابة في ان نفشل..شخصيا احب ان افشل لكي انجح والاستفادة من الاخطاء فقط العزيمة القوية والتوكل علي الله..واجه حجارة الجمهور..فيوما ما سوف ترقص بين باقات الزهور....وحولك الجمهور يغني.... تجربتي كانت بعربي جوبا...ايهاب قبل عملية المكسنج... خجل من ان تكون عربي جوبا واضحة او مقبولة.... ولكنني كنت مصر عليها...تعمدت اختيار الراب ب عربي جوبا للخروج عن المالوف... النتائج...بعد اكتمال الاغنية 1-تلفزيون السودان عرض الاغنية اكثر من خمسة مرات بدون اذني 2-الصديق سيف الدين عازف الاكورديون منتج شركة الجزيرة في الامارات اتصل بي قائلا بان احد اعضاء فرقة تيراب زيد الهلالي الشهير بي زقي بدء في تسجيل اغنيتك جون الولهان الحمدلله اتصل بي الاخ زيد واعتذر بشده واحييه فهو فنان ماشاء الله.... 3/انتشار الاغنية في وفي السودان... 4/ومما افرحني كثيرا دخلت غرفة البالتوك الامارتية كانو يستمعون للاغنية وفاهمين عربي جوبا ذي الترتيب... ردي الي ذهاب صديقي انذاك لاتخجل من لغة اهلك فحبوبتي الحلفاوية استمتع عندما تتكلم ياعموري ياعسولة..هههه وياولد انتي.. اصلي واجيكم... دي اول مرة اكتب قدر دا والله ذرة هههه وللحيث بقية love yu all www.omerragab.com
| |
|
|
|
|
|
|
|