|
|
 ابكي يا وطني الحبيب.
|
مايحدث الان وامام اعيننا اقرب لي قصص الخيال العلمي وافلام هوليود، منه للواقع. مجموعة شللر انستيتيوت منذ التسعينات تحدثو عن نية الانجليز المبيتة لتفتيت السودان او توزيعوا علي الجيران.
واضح لكل ذي عينين او اضنين ان هناك تدبير محدد يجري الاعداد له علي قدم وساق، فيما اتصل بمستقبل السودان، وان كان من الصعب التكهن علي وجه الدقة بمايدور في اذهان سادة عصرنا الحالي في هذا الخصوص.
من جانبي لا الوم الغرب اطلاقا ونحن نتمدد كما الميت بين يديه، في تسليم تام، وهو يسعي لتأمين مصالحه وبكل السبل.
السؤال الذي يفرض نفسه:
من المسؤول عن ما الت اليه امورنا في السودان؟
بعد قرابة الخمسين سنة من الاستقلال "افتراضا"، وكتتويج لحربنا الاهلية هاهم الانجليز قادمون، لاستلام عهدة السودان القديم!
لاحول ولاقوة!
للاجابة علي هذا السؤال نقول، المسؤولية تقع علي عاتق من تولوا قيادة السودان، منذ العام 56. لامعني اطلاقا لاستخدام الجبهة الاسلامية ونظامها الحالي كشماعة هنا.
كل فرد سوداني مسؤول مسؤولية مباشرة، علي الاقل اخلاقيا، عن هذه االكارثة، وان كان بي درجات متفاوتة، حسب موقع كل منا من المجموعة القابضة علي مفاتيح السلطة والثروة.
كما كررنا القول من قبل اقلية الشمال كربيب للاحتلال الثنائي هي المسؤولة مسؤولية مباشرة عن ما حدث حادث او سيحدث في مقبل الايام.
بل جلابة الشمال تم اعدادهم خصيصا لانجاز مهمة الحفاظ علي تركة السودان القديم حتي يحين موعد استعادة هذه التركة، وهاهي الجبهة الاسلامية زبدة السودان القديم، تقوم بمهام الاستلام والتسلم، باسم الاقلية الشمالية القابضة علي اكمل وجه.
الطريف في الامر، ان الجبهة الاسلامية تحاول جاهدة كماهو واضح في طرح عبد القادر سبيل، استخدام واقع الزحف الاستعماري الجديد علي السودان، كاداة تعبئة جديدة، تضخ بها بعض الدماء في شرايينها المتصلبة، بتلبيس الجريمة للضحية: قوي السودان الجديد.
المضحك المبكي في امر الشاعر عبدالقادر سبيل، هو ان المسكين لايدري كيف ان البرمجة الحالية لحاسوب دماغو الالي، هو المسؤول اولا واخيرا، عن ما حدث حادث وسيحدث عما قريب.
لذلك قيل:
The Best Weapon an Oppressor Has, is the Oppressed mind
ذهنية الشمالي الاستعلائية، كما ممثلة في نمط تفكير د.ع.ع.ابراهيم، من يسار السودان القديم، وعبدالقادر سبيل من اليمين، فهي من تصميم، اخراج، وانتاج مهندسي الاحتلال الثنائي، من امثال ونجت شقير وماكمايل!
فشقير اللبناني هو مصمم شخصية "الجعلي الحر" بكل ابعادها المجسدة في ذهنية د.ع.ع.ابراهيم. طبعا كونو لبناني يعترف بي جعلي كعربي، فهذه نكتة لاغير، وبشهادة اخونا اسامة الخواض، وهو جعلي، اللي اهل شقير هددوا بالقتل من فرط كراهية ال شقير للون الاسود!
فعبد القادر سبيل ذي ساعة الجيب زمان، مالنو "بالزمبرك" الجماعة لذلك وحتي هذا التاريخ او بلا خجلة فهو لازال يعيد انتاج مدخلات "التفكير" الحصد ملايين الارواح في بلدنا، لينتهي الامر بتسليم البلد مرة تانية للانجليز، كما فعل عبدالله ود سعد من قبل!
الكرة الان في ملعب قوي السودان الجديد، اكثر منه في النصف الاخر من الملعب. علي قوي السودان الجديد التحلي باقصي درجات اليقظة والوعي، في هذه المرحلة الدقيقة من تاريخنا. بالعدم سيختفي السودان كماعرفناه من الوجود نهائيا.
|
|
 
|
|
|
|
|
|
|
 Re: ابكي يا وطني الحبيب. (Re: Bashasha)
|
بشاشا
سلامات
وينك يا راجل
انا افتكرتك خلاص زهجت وبطلت تكتب في
المواضيع الحارة
والحمد لله علي عودتك
تعرف يا بشاشا كل قوي السودان القديم
وخاصة الحزبين الكبيرين (سابقا)
هما يتحملان الجانب الأكبر من المسؤلية
في هذا التردي ،، وفي انتاج ذهنية مثل
ع ع ابراهيم و سبيل
وقمة التردي كانت في النظام الأسلاموي العروبي
لكن يبقي سؤال!!!
هل الحال السودان افضل الأن ام قبل عام 1956م،
كسيادة علي الأرض وتآلف اجتماعي ومستوي معيشي
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
ابو حميد تحياتي.
طبعا شئنا ام ابينا احنا محسوبين علي اليسار، او لي هسه لمان النقاش يسخن كيزان البيت بقولوا لي امشي يا شيوعي.
لذلك المسؤلية الاكبر فيما الت اليه الامور، تقع علي عاتق اليسار حقيقة، اكثر من الوسط ويمين الاسلام السياسي، والسبب بسيط للغاية:
الوسط الطائفي اصلا اعد from ground up عشان مايحافظ علي التركة، باختزال نظامنا السياسي كله في شخصين لاغير.
وهكذا تم تسويق نظام السيدين علي اعتبار انو ديمقراطية.
اليسار المنوط بيهو انجاز مشروع بديل السودان الجديد، فشل علي نحو مأساوي، وكنتيجة برز الاسلام السياسي لملا الفراغ الناتج عن عجز اليسار عامة والشيوعي تحديدا.
دور الحزب الشيوعي يماثل تماما دور شيخ الدين ابن التعايشي في كرري. مطاردة شيخ الدين علي راس القوة الرئيسية للجيش السوداني لي قوة بريطانية صغيرة، ادي الي خروجو من معركة كرري، وكنتيجة فشلت خطة الخليفة لتسقط امدرمان لقمة سائغة.
من الجانب الاخر الشق الثاني ليسار السودان القديم، وبحكم توجوهو العروبي، فقد وفر الغطاء الايدلوجي لي مشروع السودان القديم القائم علي اساس شمال عربي مسلم في مواجهة جنوب "زنجي" مسيحي، حتي يتم انجاز مشروع القنبلة الزمنية المتمثلة في الحرب الاهلية.
لاحظ ده كلو والكلام ابدا ماطلع بر حوش اقلية الشمال بالمرة.
سنواصل جرد الحساب بعد قليل..
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
Quote: مايحدث الان وامام اعيننا اقرب لي قصص الخيال العلمي وافلام هوليود، منه للواقع. مجموعة شللر انستيتيوت منذ التسعينات تحدثو عن نية الانجليز المبيتة لتفتيت السودان او توزيعوا علي الجيران.
واضح لكل ذي عينين او اضنين ان هناك تدبير محدد يجري الاعداد له علي قدم وساق، فيما اتصل بمستقبل السودان، وان كان من الصعب التكهن علي وجه الدقة بمايدور في اذهان سادة عصرنا الحالي في هذا الخصوص.
من جانبي لا الوم الغرب اطلاقا ونحن نتمدد كما الميت بين يديه، في تسليم تام، وهو يسعي لتأمين مصالحه وبكل السبل.
السؤال الذي يفرض نفسه:
من المسؤول عن ما الت اليه امورنا في السودان؟
بعد قرابة الخمسين سنة من الاستقلال "افتراضا"، وكتتويج لحربنا الاهلية هاهم الانجليز قادمون، لاستلام عهدة السودان القديم!
لاحول ولاقوة!إلا بالله
للاجابة علي هذا السؤال نقول، المسؤولية تقع علي عاتق من تولوا قيادة السودان، منذ العام 56. لامعني اطلاقا لاستخدام الجبهة الاسلامية ونظامها الحالي كشماعة هنا.
كل فرد سوداني مسؤول مسؤولية مباشرة، علي الاقل اخلاقيا، عن هذه االكارثة، وان كان بي درجات متفاوتة، حسب موقع كل منا من المجموعة القابضة علي مفاتيح السلطة والثروة.
|
أولاً لا أصدق أن الذي كتب الكلام أعلاه هو عقلية بشاشة
Quote:
كما كررنا القول من قبل اقلية الشمال كربيب للاحتلال الثنائي هي المسؤولة مسؤولية مباشرة عن ما حدث حادث او سيحدث في مقبل الايام. |
جيت طمبجتو هنا ما كنا كويسين
أدعوك لك لزيارة بوست
كلب ابن ستين كلب
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
الأخ العزيز/ بشاشا.
لقد كان دكتور منصور خالد صادقاً عندما قال أن ساسة السودان لا يتفهمون مشاكل السودان الحقيقية. الذي ينظر للسودان اليوم فعلاً يتحسر على الوضع المتردي بواسطة هذا الحكومة المجرمة. والأخطر من ذلك وجود معارضة لا تستطيع حتى تسير مظاهرات واحتجاجات دولية.
أما الذين يتباكون في البورد ألان ويرفضون التدخل الدولي أقول لهم أين كنتم عندما بدأت الحكومة المجرمة حملاتها التطهيرية بدارفور منذ عام؟ أليس أنتم نفس الفئة التي كانت ومازالت تطبل لمجرمي الانقاذ؟
دينق.
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
التحايا النواضر
Bashasha
هل تعلم باننى اقول دائما ان البكاء للعظماء..
فلبيكى وطنى وانا سانافسه بشاشه..
التاريخ سيكتب ان هنا فى هذه البقعه كان وطن..
وسيكتب كذلك كل جميل ..
وسينسنى كيف تم ذلك ..
اننى لااحب التاريخ ..
اسئله كتيره تدور فى فلك الاندهاش والحيره..
لماذا ولماذا؟
ماذا فعل اهلى الطيبون حتى يكون جزائهم هكذا..
هل هذا ييبشر صبرهم هذا بالجنه ..
هل يكون الخلاص بعد المسيح ام ماذا ..
ولك الله ياوطنى ...
فلتبكى ياةطنى وليبكى الجميع ياBashasha..
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
ابو حميد مشتاقين والله.
جلابة الشمال بعد ان القو بمقهوري السودان في اليم، هاهم يحاكموهم علي الابتلال! اهو ده ذاتو حكم قرقوش البقولوا!
هانحن نعيش او نشوف بي عيونا، عودة الانجليز لاستلام العهدة، كاملة غير منقوصة، من غفر السودان القديم!
اللهم لا شماتة!
بعد ده كلو ناس عبد القادر سبيل لازالوا وبكل قوة عين يرددوا كما الببغاوات، في ذات مفردات ادب الحبكة المحكمة للاحتلال الثنائي!
الناس ديل ابدا ما هيمنوا علي كوكب الارض صدفة، لينتقلوا للكواكب الاخري كفاتحين! والله لا املك الا ان احترم عبقرية الغربي، وقدرتو علي "الضقيل" بي امخاخنا، كما كرة الشراب!
علي مدي خمسين سنة احنا في حالة تنويم مغنطيسي!
لمان استعيد صورة التنابلة ازهري وعبد الرحمن المهدي والميرغني والله ما اعرف ابكي ولا اضحك!
ناس المحجوب او زروق قضو وقتهم يتباروا في ربط الكرفتة!
الي هذا التاريخ ناس اسماعيل وراق يرغو او يزبدو او يطلعوا من طورهم عشان خاطر عيون بت سيدي!
دكتور بولا واقف لمبة من عجب الفيا لموقفوا من النقروفوبك د.ع.ع. ابراهيم، عجبي!
الخاتم عدلان بي جلالوا ينضم للتجريدة علي الحيطة القصيرة رودا!
صراحة يا ابو حميد في شئ غلط فينا!
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
كبسيبة مرحبتين.
طبعا كلامي عن الغزو الاجنبي وقع ليك بارد!
اللحظة العرفت اقلية الشمال هي المسؤولة، باقي الكلام طار ليك او مسخ! ما الشينة منكورة!
منطق الفي يدهم القلم غريب او عجيب:
علي مدي نصف قرن او حسب البرمجة الاصلية، جلابة الشمال المهيمنة، حتي علي النفس الطالع او نازل، بطشت بيد من حديد، بكل من سولت له نفسه مجرد الشكوي!
وهكذا اهدرنا نصف قرن من عمرنا في حرب اهلية بلا مبرر الا الغباء المحكم، حصدت ارواح الملاييين من الابرياء بلا ادني ذنب، لتوقع حكومة الاقلية اتفاق كان من الممكن انجازه، عشية اليوم الاول للاستقلال، لو كنا مخيرين او غير مسيرين.
وهاهو المكتوب علي الجبين، يبين، بعد خراب سوبا.
ما يلجم اللسان من الدهشة، هو اننا في الشمال ابدالم نتعلم مثقال ذرة، من درس الجنوب، بل اعدنا انتاج ذات القنيلة الزمنية في الغرب من اول او جديد!
لاحول ولا قوة!
بذرة شجر الزقوم الحالي، برزت للوجود في الستيات، لتتولاها حكومات اقلية الشمال بالسقاية والرعاية، لتأتي ثمارها علي هذا النحو المأساوي.
ده كلو يا كبسيبة وانت برضك مصر تمسح تبعات ما اغترفت يدا الشمال، في وش ضحايا الشمال، في الجنوب و الغرب والان الشرق.
يوم متين مقهوري السودان، كانوا في موقع المسؤولية ليساءلوا اليوم، عشية الزحف الاستعماري الوشيك علي السودان؟
لايمكن القاء اللوم او ادانة الغرب الساهر علي مصالحه.
عصابة الشمال هي المسؤلة اولا واخير عن تقديم السودان لقمة سائغة، علي طبق من ذهب للاجنبي، وليس محاربي الحرية في الجنوب والشرق والغرب.
لافرق عندي في المسؤلية مابين الشيوعي احمد، والكوز حاج احمد، او الطائفي محمد احمد!
كلهم شماليين، فرطوا في السودان وشعب السودان، ولايهم علي الاطلاق ايهم يتحمل القدر الاكبر من المسؤلية هنا.
علي قوي السودان الجديد محاصرة جلابة الشمال ومساءلتهم.
ابدا ماتخلوهم يضعوكم في موقع الدفاع عن مواقفكم علي الاطلاق.
الاستاذ الخاتم عدلان دعا للوحدة. من جانبنا يأتي السؤال علي اي اساس؟
اذا الاساس هو نفسو القديم، فلا ثم لا، ثم الف لا.
من الان وصاعدا، نحن القادمين من رحم الوجع واشلاء ملايين الضحايا، من يملي الشروط. الملايين الماتت في الغرب والجنوب والشرق، ابدا ما ماتو فطايس.
بحجم التضحيات الجثام، ينبقي ان يكون التغيير الجثيم.
اتمني ان تلتقي قوي السودان الجديد، وتشكل حكومة ظل، تتعامل مع المرحلة القادمة.
اما التجمع فليذهب الي الجحيم غير مأسوفا عليه.
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
الأخ بشاشة .. تحياتى
أنا بستأذن الأخ دقنة لإضافة هذه الدمعة الساخنة هنا ، قلت أستأذن الأخ دقنة لأنى كنت قد نشرتها فى بوسته ، أعيد نشرها هنا لأن العيون أدماها النحيب ومع ذلك قلوب الأسياد لن ترق ولاتعرف الرحمة إلاّ إذا ذاقت آلام الكية بالنار .
Quote: ودعا الميرغني الى تحرك مصري- ليبي- تشادي، وناشد الرئيس
محمد حسني مبارك رئيس جمهورية مصر العربية، والعقيد معمر القذافي قائد ثورة الفاتح من سبتمبر العظيمة، والرئيس إدريس ديبي رئيس جمهورية تشاد، ضرورة التدخل السريع لإيجاد حل لمشكلة دارفور، يحفظ الأمن والاستقرار، ويؤمن وصول الغوث للمتضررين، ويعيد النازحين الى ديارهم في دارفور، ويدرأ المخاطر كافة المحدقة بالسودان. وناشد الميرغني الرئيس عمر البشير التعاون مع رؤساء مصر والجماهيرية الليبية وتشاد من أجل احتواء الأوضاع المتردية في إقليم دارفور .
الكلام النشرناه فوق ده كان كلام " مولاهم " محمد عثمان الميرغنى الذى يعد من أثرى أثرياء السودان ، وقد أسرّ لى قبل سنوات مصدر محايد له علاقة بالرجل بأن ثروة الميرغنى المالية تقارب السبعمائة مليون دولار إن لم تتعداها! ده بخلاف الممتلكات الأخرى .. طيب الميرغنى هنا يناشد بعض القادة العرب لوقف التدهور فى دارفور وحلّ الأزمة ، ويطالب بإيصال الإغاثة عابرة الحدود والآتى أغلبها من الكفار للمتضررين والمتضورين جوعاً ومسغبة فى دارفور ..الميرغنى وهو يطلق هذا التصريح " الإنسانى " !! هل أدخل يده فى جيبه تفضلاً أوإحساناً أو زكاة وضرب المثل القدوة !؟ ما الذى أخرجه من ملايينه لإطعام أولئك التعساء الجوعى !؟ ياللمفارقة وياللتعاسة ! مجرد تصريح مناشدة .. وكمان موجّه أغلبه للأجانب !!؟ تخيلوا !!!! ويبقى السؤال العلقم من أين جمع الميرغنى أمواله الـتى يقبض عليها بكل قوة ولاينفقها فى سبيل الله أو الإنسانية أو الوطن خاصة وهو رئيس التجمع الوطنى !؟
ثم هل يبيح الدين أو الضمير الحى لشيخ أو زعيم دينى إستغلال البسطاء والمساكين والسذج وتضيخم ثروته من نخليهم وغنمهم ومواشيهم وأراضيهم وزرعهم !!!؟ هل يبيح الدين ذلك لشيخ طريقة أو صاحب مذهب يجمع أموال الفقراء ولاينفق منها حتى فى ساعات المحنة والكوراث وموت الجوعى الجماعى !؟
دستور ياأسيادنا .
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
المتداخلين والقراء الكرام، اسمحو لي اخرج عن الترتيب لارد علي العزيز مارد لانو كلاموا اهاج فيني اشجان:
صراحة لمان الواحد يسترجع فعائل من تصدوا لقيادة هذا الوطن المنكوب وعلي مدي الخمسين الاخيرة، والله بحس بي انقباض او ضيق في النفس، بل كتير ما افكر احرق جنسيتي، واشتري مقبرتي علي عادة اهل الحتة الانا فيها، وارجا يومي واقعد.
عارف نظام السيدين اظرط واضل بي كتير من نظام السيد او العسكري، في بعض الجوانب.
عاين للميرغني وال الميرغني وعار تاريخهم، عشان ماتعرف كيف رغم الجخ احنا ربما كنا اغرب واشذ شعوب الارض!
فلو في حمية او غيرة علي الوطن، الميرغني ده مفروض يشنقو شنق في ابو جنزير ياخي. الاسرة دي بتتلاعب بي مصير شعب بحالو او تقبض تمن العمالة والارتزاق للخديوي من دون حتي يرمشو.
التحية لي شوقي بدري وهو يفضح جانب من السلوك غير السوي لهذه الاسرة العميلة والمزروعة في ارضنا.
من القصص العايشتها بنفسي، ابدا لا انسي منظر كهل في السبعينات والثمانينات من عمرو في بحري، يحكي كيف وهب ارض اجدادو، او بالفاتحة فقط، لي سيدي!
مش كده او بس وانما وهب مع الارض ضراعو، خدمة لي سيدي، لوجه الله، لاقرش لاتعريفة!
طبيعي الميرغني ثروتو تقدر بمئات الملايين، نهبا لعرق الملايين من البسطاء البياكلو من جحر النمل في غربنا. اما شرقنا فمافيه جحر نمل ذاتو فضل، كافقر بقاع اليابسة، في بلد يعتبر الاغني علي مستوي العالم، من حيث الثروة المائية.
ما نعايشه اليوم من زحف علي السودان من اسبابو صراع الموت والحياة القادم علي الماء، بين امم الارض. بعده كلو عميل الخديوي بي بلاهة يطالب بتدخل المصريين، كانو المصريين ماسلفا متدخلين في السودان.
ذي حكاية اليهود في امريكا، المصريين يمثلون the invisible hand "البتبعص" في كل شئ في السودان.
كان الله في عونا ياخي.
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
الأخ بشاشا
هنالك معلومه الناس متجاهلنها خالص وهي:-
جمهوريه مصر العربيه هي البتحارب الدارفورين وما حادث الطائره الأخير بمطار الخرطزم إلا واحد من الأدله.فوقتها قالوا أن الطائره محمله بالسواسيو(كتاكيت) كتاكيت قال!.بل العكس الطائره محمله بعتاد عسكري لضرب التمرد في دارفور.الأن شاهد الصحفين والوفود المصريه بدارفور كلها عن بكره أبيها مخابرات عسكريه ومهندسين حرب. وسوف ينكشف الأمر أكثر في مقبل الأيام القادمه.قالوا المصرين مرسلين قوه عسكريه بسيطه لدارفور.
| |
|
|
|
|
|
|
|
|
|
Re: ابكي يا وطني الحبيب. (Re: Mohamed Adam)
|
الأخ بشاشة ..
طيب الجماعة لما هم وطنيين (حد النخاع) ..
وما عاوزين الأنقليز يجو السودان ..
طيب زمان يوم كرري ..
مين الكان واقف خلف مدفع (المكسيم) ..
وبيوري الأنقليزي وين يضرب الأنصار ؟
يل يا بشاشة رد !
ولا أقول ليك بلأها ..
طنش !!
| |
|
|
|
|
|
|
|
|
|
Re: ابكي يا وطني الحبيب. (Re: hamid hajer)
|
خالص التحايا
العزيز بشاشه..
المعادله جد صعبه فى وضع حل يكون ماين الوطن السيد والوطن ال لا سيد ..
فنحن مابين الانقاذ وبطشهانكون فى الوطن ال لا سيد تخيل انهم بناء موطنى نكون نحن العبيد وهم اسيادنا ..
وعندما تاتينا الجيوش من الخارج نكون ايضا نحن المغلوبين وهناك الاسياد وايضانصبح نحن العملاء والكل يلعلع بتلك المصطلحات الردئيه..
اذا الى متى يابشاشه الى ان ينتهى منا بنو قومى ..اذا كان كذلك فالافضل ان يكون من الاخرين وبى فهمنا البسيط السودانى (الطعنه ساعات تجيك من زول قريبك بتبقى حاره)..
اذا ياعزيزى من حقنا ان نبكى الوطن فعلا لكن لان كل الخيارات موصده امامنا بشاشه..
ما قاله احفاد باخوس او هيراقليطس، لو كانوا الان موجودين لغيروا كثير من حكمهم هذه لان مايحصل يصعب ان يصدق بكل المعاير دينيه او انسانيه او او ..
الموضوع اكبر من ذلك ويسحب معه كثير من الاجترارت المره ..من هو القطر السودان وماذا قدم لنا وماذا قدمنا له ووو..
لولا اننا نكابد فى اننا سودانيين...لان الوطن اصبح مخجل جدا وسنظل نقبض عليها تلك الكلمه (سودانين)..
بشاشه..
اريد ان اسالك هل اذا وقفت على ملا من الناس وقمت بتمزيق علم السودان هل هناك من له الحق فى ان يسالنى او يحاسبنى يابشاشه؟
ماذا قدم هذا الوطن لنا غير تفريخ مزيد من العنصريه والقبح فى كل شى ووطن يرجع الى الوراء خطوات ولايتقدم خطوه..
لذا ابكى عليه لاننى احبه رغم كل ذلك وكلنا نوؤد فيه ..
ولك ودى عزيزى ..
العزيز الاخ
رفيق الجرح :حامد حجر...
*مطر الليل
وكت طين الارض يقسى
وكت اللسيل المطر يججفى
زغاريد الفرح ترحل
وترحل كل نسايم الليل
عصافير الفرح ترحل
تفتش للغصون عديل ..
نعاين للسحاب ..
يمكن يحن يشيل
نقول يمكن يجى ويغشانا
مطر الليل..
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
الحبيب معتز تروتسكي.
كثير جدا في حالات الغرف والاحباط، مايطوف بخاطري سؤال، لو كنا كشعب نستاهل هذا السودان بكل الخير الفيهو وتاريخو الما ليه مثيل علي الاطلاق.
اهديك هذا المقطع الملحمة علي لسان اجدادنا الفعلا بنو الدنيا دي بويت في بويت، كما قال الحردلو.
كتب ديودورس الصقلي علي لسان اجدادنا القالوا عن روحهم First of All Menالاتي:
They claim that the gods have rewarded their piety by important blessings, such as never having been dominated by any foreign prince. In fact, thanks to the great unity that has always existed among them, they have always kept their freedom. several very powerful princes, who tried to subjugate them, have failed in that endeavor. cambyses came to attack them with numerous troops; his army perished and he ran the risk of losing his own life. Semiramis, the queen, known for her cleverness and exploits, had scarcely entered Ethiopia when she realized that her plan could not succeed. Bacchus and Hercules, after crossing the whole earth, abstained from fighting the Ethiopians, either through fear of thier power or respect for their peity..
See Histoire universelle, Bk.I,337-341
الكلام ده يا معتز، او ياريت لو يترجم، عمرو اكثر من الفين سنة!
احفاد باخوس او هيراقليطس، توني بلير او جورج بوش اليوم صقورهم تحوم فوق جنائزنا، احنا الهوام يا معتز!
كلام ذي ده ما اظنو طرش اضان مجرم الخرب، الزنجي ومتوهم العروبة، موسي هلال- وهو يذبح الابريا كنوع من التنفيس او ما يعرف ب"الاكسهيلنق" في علم النفس السياسي، لي كراهيتو لي نفسو!
فعلا يا معتز، النار "تخرا" الرماد!
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
الحبيب بشاشة
مشتاقين
اوعك من الياس . فبرغم كآبة المشهد وبوس الحال وسواد الافق , اذكرك
بان اكثر اوقات الليل سواداً هي تلك التي تسبق الفجر.
هنا يرقد كبد الحقيقة المنكوبة في دولتنا المنكوبة حين قلت :
Quote: الوسط الطائفي اصلا اعد from ground up عشان مايحافظ علي التركة، باختزال نظامنا السياسي كله في شخصين لاغير.
وهكذا تم تسويق نظام السيدين علي اعتبار انو ديمقراطية.
|
| |
|
|
|
|
|
|
|
|
|
Re: ابكي يا وطني الحبيب. (Re: د. بشار صقر)
|
الصديق العزيز بشاشا
اتمنى ان تواصل عملية التفكيك هذه, ادهشتنى فكرة الاكسيلهنق هذى التى يعانى منها الجمجويد موسى هلال و غيره من جنجويد الخرطوم وعلى راسهم على عثمان محمد طه, كنت افكر قبل ساعات من ان احد وسائل افاقة هؤلاء من سكرات الوهم لما لا نرسلهم الى امريكا او وروبا ليفهموا حينها انهم لا فرق بيهم وبين ما يقتلونهم من الزرقة سوي انهم بت لايتر , لونهم فاتح قليلا طبعا مع التصنيف انهم من السود الاصليين. ما رايك فى هذا الاسلوب من الصدمة المباشرة ؟؟
واصل فانا متابع لهذا العمل الضخم لتفكيك السودان الانجليزي المصري , الذى يعاد انتاجه فى كل حين وعلى عينك يا تاجر وليس على حين غرة ولا يحزنون.
بكري الجاك
| |
|
|
|
|
|
|
|
|
 Re: ابكي يا وطني الحبيب. (Re: Bakry Eljack)
|
العزيز كمال
والله فاقدك فقد شديد ، لكن والله نحن بكينا الوطن من اللحظة
اللى طلعنا من الوطن ، وياريت ما نبكيهو اكتر من كدة
مع تحياتى الخاصة للمدام والانجال ، دى تخريمة معليش.
| |
|
|
|
|
|
|
|
|
|
Re: ابكي يا وطني الحبيب. (Re: Bashasha)
|
ترهاقا، فردتي في الهجرة والغار.
بدل الشوق، والله خرمنا ليك او للايام الخوالي، في الاوكوود او بلفلاور.
معذرة يا اخوانا للتخريم، لكن اهو في غياب شوفتن تبل الشوق، نسوي في الزي ده.
حنواصل غدا انشاء الله لو صبحنا حييين.
| |
|
|
|
|
|
|
| |
Bashasha
ahmed haneen
Mohamed Adam
ahmed_asad
kamalabas
Deng
معتز تروتسكى
degna
hamid hajer
د. بشار صقر
Bakry Eljack
ترهاقا
فيس بوك
تويتر
انستقرام
يوتيوب
بنتيريست