|
الاباء والامهات بالامارات فتحوا عيونكم /ما هذا يا اتصالات ؟ وما رأى الدين؟
|
اعزائى البورداب وخاصة ناس الامارات
كل يوم تجيئنى رسالة من اتصالات ( مؤسسة الامارات للاتصالات ) مختلفة من التانية فيها كلام غريب جدا .
الرسالة الاولى :-
طفش !! زهج !! ملل !! اذا حسيت باى شىء من هذا ما عليك !!!! ارسل مسيج ل2999 وتتعرف على ناس جدد ! الرسالة بدرهم وعشرين فلس .
الرسالة التانية :-
مليت من اصدقاءك القدامى تريد تجديد ابعث مسج ل 2999 وتجد ما يسرك .
الرسالة الثالثة :-
زهجان وتريد سوالف حلوة ابعث مسج 2999 .
بصراحة لم اعر الموضوع اى اهتمام بل قلت فى نفسى ( ناس اتصالات ديل جنوا ولا شنو ؟؟؟
الا ان جاءتنى احدى صديقات ابنتى شيماء مساء امس وقالت لى يا خالتى امال انا عندى مشكلة كبيرة وانا ما براى كل صديقاتى وانا قلت ليهم انا بسألك انت عشان كده جيتك ، قلت ليها خير ، كلمتنى عن المسجات التى جاءتهم من اتصالات وعلى حسب عمرهن (( وكلهن فى طور مراهقة )) واى شىء جديد بلفت نظرهن بعملوه ، قالت لى والله لما رسلنا الرسالة انا وصديقاتى افتكرناهن حيعرفونا على بنات زينا ، ولكن للاسف ارسلوا ارقام موبايلاتنا للرجال ونحن الان فى مشكلة كبيرة عدد من الرجال بيتصلوا بى فى اليوم والفاظ بزيئة انا اختشى انى اقول ليك ماذا يقولون انا تلفونى بقى ملفت لامى وابوى واخوانى على طول بقفلوا انا خايفة لو اتكلمت ابوى بقتلنى عديل كدة انا غلطانة ولكن ارجوك تساعدينى . قلت ليها كيف يعرفوك ببنات مثلكن وهم لا يعلمون انكن بنات ناس اتصالات على حسب ما عرفت بوزعوا الرقم للناس الرسلوا ارقامهم لاتصالات عشان تعرفهم بالشباب ، وطبعا قالت اتصلوا بيها بنات برضوا لما يلقوها بنت يقفلوا ليها الخط فى وجهها . ذهبت معاها للبيت وعالجت الموضوع مع امها وابوها وتفهموا الموضوع تماما وحلينا مشكلتها بعد ان اخدت درس من ابوها لا يمكن ان تنساهو فى حياتها .
لكن ؟؟؟؟؟؟؟؟؟؟؟؟ ماذا مع البقية الباقية من بناتنا والرسائل على طول حتى لحظة كتابة هذا البوست انا بتجينى فى اليوم عشرة رسائل اقل حاجة .
اخواتى الامهات فتحوا عيونكن وراقبوا البنات . انا اكبرت فى البنت الرائعة عندما احست بالخطا والخطر جاءتنى باكية .
ما هكذا يا اتصالات ندفع بناتنا وابنائنا للخطر !!!
ما رأى الدين فى هذه الوسيلة التى دفعت اتصالات عشان تجمع ملايين الدراهم من المسجات تدفع الشباب لهذا السلوك المشين .
سألت مجموعة من الاولاد الشباب السودانيين لقيتهم مستمتعين جدا بالعلاقات الجديدة مع البنات من كل الجنسيات وقالوا لى ما فيها حاجة المدارس مقفلة ونحن ما عندنا حاجة نعملها ، فسألتهم اذا جاءت هذه الرسائل لاخواتهم ردوا على فى لحظة واحدة والله نقتلهم !!
يا للعجب !!!!!
جاءنى مسج الان وشايفاهم عملوا تصليح شوية امكن جاتهم شكاوى :-
مليت من اللى تكلمهم ؟؟ ارسل بمسج ل2999 اكتب فى الرسالة حروف ( د ع ) اذا كنت تريد الذكور واكتب حروف ( ا ع ) قائمة الاناث .
بعثت الموضوع لجريدة الخليج الاماراتية وسوف ينشر قريبا ان شاء الله . ام وضاح
|
|
|
|
|
|
|
العنوان |
الكاتب |
Date |
الاباء والامهات بالامارات فتحوا عيونكم /ما هذا يا اتصالات ؟ وما رأى الدين؟ | essam&amal | 07-28-04, 11:33 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | zola123 | 07-29-04, 04:44 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | essam&amal | 07-29-04, 02:36 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | AnwarKing | 07-29-04, 06:09 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | essam&amal | 07-29-04, 10:45 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | AnwarKing | 07-31-04, 01:16 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | Sobajo | 07-31-04, 01:26 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | essam&amal | 07-31-04, 02:03 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | abdalla BABIKER | 07-31-04, 09:19 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | ABUHUSSEIN | 07-31-04, 09:53 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | essam&amal | 07-31-04, 12:58 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | Hadia Mohamed | 07-31-04, 09:10 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | Hadia Mohamed | 07-31-04, 09:13 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | essam&amal | 08-01-04, 09:05 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | celecon | 08-01-04, 10:32 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | essam&amal | 08-02-04, 00:58 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | willeim andrea | 08-02-04, 02:46 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | فتحي الصديق | 08-02-04, 03:18 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | essam&amal | 08-02-04, 07:38 AM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | abdalla BABIKER | 08-02-04, 12:42 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | abdalla BABIKER | 08-02-04, 12:50 PM |
Re: الاباء والامهات بالامارات فتحوا عيونكم /ما هذا يا اتصالات ؟ وما رأى ال | essam&amal | 08-02-04, 01:17 PM |
|
|
|