|
|
 Re: حياة .. زول أشــــــــــتر .. منقول (Re: humida)
|
الأشتر ... وأدروب .... وبيت الإيجار
أيامي ديك أخر نعمة ونعيم ماعمي جاء من الخليج بعد غربة زي (سجمطاشر) سنة كده يمرقن من عمر العدو المو صليح .. رجع ومخمخم الهديمات الماهن خمج شي قمصان بالكاروهات وشي قمصان بلا لياقات وشي قمصان بالجبنة .. وكان لي نصيب مابطال من الحولية دي أنا ما باقيلو في حلقومو بالنقة وجيب لي داك وداك .. الراجل إنستر معاي تب .. علا ورطني ورطة أخير أكان جاب لي ( سبحة) وسكت عليها .. وصاني أأجر ليهو بيتو الفي كوبر .. وأنا قايل الحكاية بطلع لي منها بي سمرسرة .. ماعارف روحي بطلع فيها الطيش وبدل سمسرة طلعت بشمشرة .. المهم دقيت ورقة كبيرة في الباب ليل البيت وكتبت (لليجار) وختيت تلفون كبير حق الدكان الجنبنا .. أها بعد يومين وأول زبون جاني أدروباً لاعن الدكان (ماحيرني فوقو إلا سروالو الطويل هو جاني لاقاني في كوبر وباقي سروالي جاري لي جبرة .. في الأول أنا قايلو جارلو ناموسية) قال داير يأجر البيت وبدينا نتفاكر في التفاصيل ..
أها أدروب قال : بلويت يـــا بيت نأجر .. قروش كاش ندفع
قلتليهو : أجنا ( يـــا) الطويلة دي لزومه شنو .. هو إيجار ولا كراتيه .. وبعدين تكتك الطويلة دي عليك الله ما بتعترلك في الدرب .. والله يا أدروب إنت عامل أزمة حبال في البلد . أها أسي إنت شفت البيت .. نحن عاوزين إيجار تلاتة شهور مقدم .. من هسي نكون على بينة ما تقعد تنطط باقي نطاطين إنتو .
الأدروب قال : تلاتة شهور ندفع .. تقول سته شهور برضو ندفع . أدروب ما يلاوز ..
قلتلو : والله أ أدروب أكان كدي ود عز عدييل .. وعمة ترباس لابسه سروال هيع... ومن الليلة أكان داير تسكن هدي المفاتيح .. وإتفقنا وأداني قريشاتي وشال مفاتيحو وأنا شلت أهلي ومشيت ... وإتفقنا بعد التلاتة شهور يضرب لي تلفون في الدكان لي قروش الفترة التانية ...
مرت الأيام والشهور والتلاتة شهور مرن وفوقن عشرين يوم زيادة وأدروب عمل (أضان الحامل طرشة وخاتي فيها قطن كمان) ا ها قررت أمشي ألقط قريشاتي منو .. مشيت ومعاي صاحبن لي من وليدات الخرتوم النجاض ديلك ودقينا باب البيت ... وعينك ماتشوف إلا النور جاتي واحدة جنوبية (أطول من يوم السبت) ممسحة بي زي رطلين إلا ربع زيت سمسم أمروابة .. فتحت لينا الباب .. قلت في خاتري .. يمكن أدروب ده بدأ يطبق السلام قبال الحيكومة وعمل وحدة وطنية وناسب أخوانا الدينكا .. أها سعلتها من مقطوع الطاري أدروب .. قالت لي .. أدروب ده منو ؟ ما بعرفو .. بس يمكن يكون ساكن هناك .. وعلى وصفها أشرت لي على أخر عوضة في البيت .. دخلنا أنا وصاحبي (مطير عويناتو .. واحلاتو بي نضاراتو) .. والبيت شفع كتار كده يلعبو في الكورة .. وفي ضل الأوضة مرتن تمشط ليها في نسوان وواحدة ترمي في الودع .. وواحدة خاته سعف تضفر ليها في (علجة) .. وان ما الكضب أقول في عروس يرقصو فيها في العوضة .. من الكواريك والنبيح .. ونحن ماشين أكان نلقي (هارون) بتاع الدكان حايم في نص البيت لابسلو عريريقاً قصير كدي وماخد راحتو تب (التقول مالك البيت بعقد) .. جاني وسالمنا سلامو الكتير داك .. تمد يدك وقبال ما ترجعه كويس هو تاني يمد يدو يسلم من جديد .. عمله كده زي حداشر مرة لمن جات الحلقة الأخيرة صاحبي (الخرتومي) وصل الواطة طب .. المهم الراجل ماقصر حلف يكرمنا في بيتو داخل البيت الكبير وسعلتو : إنت يا هارون الجابك هنا شنو .. ومالك متجدع كده بعراقيك كانو (بيت أبوك) !! .. قعد يضحك وقال لي .. بيتكم ده في الحلة دي مسمنو (دفار الحاج يوسف) والناس الراقين بقولوا عليهو (حافلة السوق الشعبي) وكلو من أدروب الجن داك .. أجر منك البيت .. وأجرو أوضة أوضة لخلق الله الساكنة دي كلها .. والأربعة أوض الفي البيت ساكنينهم 33 نفر كلهم يفورو زي (دار الريادة) .. وكمان أدروب عامل ليهو (طبليه جوه البيت) لي الصعوط والسجار تلقى عندو .. أنا قلتلو كدي هو وينو لمني فيهو (ود الحنوت) ومشينا على عوضتو .. نلقى ليك راقد على ضهرو وخالف كراعو في التانية وخاتي عدة الجبنة قدامو و (مرتو تفلي في رأسو) وشايل الربابة يدوبي .. متكيف تب .. مو وزير الإسكان في البيت .
قلتلو : تدوبي يا أدروب مو سيد البيت .. البحميك شنو تغني .. قابض قروشك وممطوحني أنا .. عليك أما الله الليلة يا أنا يا إنت في البيت ده .. تغشني يا المسنوح وتأجر البيت (بالقطاعي) ده كان إتفاقنا جيتني زي محروقة الحشا تحنن .. أتاريك ناويها ..
أها الزول إنخلع ونطه لمن شافني نطتو ديك بدور يقد العرش .. لمن نزل في الواطة مع شعرو المنكوش داك (بالله تقول هلكوبتر بي مراوحه) .. قال : أأوز بالله من الشيطان الرجيم .. البلويت تاني .. كدي أول حاجة أقعدو أشربو الجبنة .. بعدين حكايات نشوف ..
قلتلو : جبنتك طايرة عليك أول حاجة تمرق لي من البيت ده وتمرق (المجلس الوطني) العاملو لي ده بعدين نتفاهم وده قبال كل شي .. لامي لي السودان كلو هنا وقاعد .
قال أدروب : بلويت يا .. أدروب تسكن .. هارون تسكن .. مجوك تسكن .. محمد صالح تسكن ..الأشتر قروش تشيل .. خلاس مافي مشكلة . .. هسي قروش نديك ولا عاوز مشاكل ولخباطات ؟.
قلتلو : أدروب ياخي أنا لمن أجرت ليك البيت ليك إنت وأولادك موش تجي تأجرو من وراي ده كلام غلط منك وعشان تربح إنت تخرب علينا البيت .. دي ما برضاها الله ولا الرسول ولا نحنا زاتو...
قام صاحبي (الخرتومي) طلق كدي خشمو وقال : أسي ياعم أدروب (أمجاد) دي بتشيل ليها 20 راكب ما سبعة تنفار بس والبيت ده زي أمجاد ما بشيل أكتر من ستة أشخاص . .
قمت أنا نطيتك في حلق صاحبي وقلتلو : أنطم إنت خلينا من أمثالك المايعة دي .. الزول ده يقوم ياكلنا سفروق .. أخشن شوية ولا خلني عليهو . وزولك السكتة الياها .
أها أدروب إنعرض فينا بعد (المثل المايع) بتاع صاحبي وقال : شوفو أنا حكومة نعرف .. قاضي نعرف .. بوليس نعرف .. قضية زي ده نقعدو 10 سنة في المحكمة .. ماتتعبو روحكم .. وبعدين إنتو ما أول بيت أدورب يأجر وما أول محكمة وبوليس أدورب يدخل ... وكلو واقف قدام القاضي .. أسي أديك الفايدة ..
أدروب تسكن .. هارون تسكن .. مجوك تسكن .. محمد صالح تسكن ..الأشتر قروش تشيل .. خلاس مافي مشكلة
أها ومن ديك ... أدروب جاري .. والأشتر جاري بوراهو ...
|
|
 
|
|
|
|
|
| العنوان |
الكاتب |
Date |
| حياة .. زول أشــــــــــتر .. منقول | humida | 07-27-04, 02:37 AM |
| Re: حياة .. زول أشــــــــــتر .. منقول | humida | 07-27-04, 02:41 AM |
| Re: حياة .. زول أشــــــــــتر .. منقول | humida | 07-27-04, 02:51 AM |
| Re: حياة .. زول أشــــــــــتر .. منقول | humida | 07-27-04, 02:55 AM |
| Re: حياة .. زول أشــــــــــتر .. منقول | humida | 07-27-04, 02:57 AM |
| Re: حياة .. زول أشــــــــــتر .. منقول | humida | 07-27-04, 02:59 AM |
| Re: حياة .. زول أشــــــــــتر .. منقول | humida | 07-27-04, 03:03 AM |
 Re: حياة .. زول أشــــــــــتر .. منقول | shatat | 07-27-04, 11:02 AM |
| Re: حياة .. زول أشــــــــــتر .. منقول | ABUHUSSEIN | 07-27-04, 12:51 PM |
| Re: حياة .. زول أشــــــــــتر .. منقول | حبيب نورة | 07-27-04, 02:03 PM |
| Re: حياة .. زول أشــــــــــتر .. منقول | humida | 07-28-04, 00:51 AM |
| Re: حياة .. زول أشــــــــــتر .. منقول | ود حماد | 07-27-04, 02:18 PM |
| Re: حياة .. زول أشــــــــــتر .. منقول | humida | 07-28-04, 00:58 AM |
| Re: حياة .. زول أشــــــــــتر .. منقول | humida | 07-28-04, 01:02 AM |
| Re: حياة .. زول أشــــــــــتر .. منقول | humida | 07-28-04, 01:08 AM |
| Re: حياة .. زول أشــــــــــتر .. منقول | humida | 07-28-04, 01:11 AM |
| Re: حياة .. زول أشــــــــــتر .. منقول | humida | 07-28-04, 01:17 AM |
| Re: حياة .. زول أشــــــــــتر .. منقول | humida | 07-28-04, 01:25 AM |
| Re: حياة .. زول أشــــــــــتر .. منقول | humida | 07-28-04, 01:27 AM |
| Re: حياة .. زول أشــــــــــتر .. منقول | humida | 07-28-04, 01:31 AM |
| Re: حياة .. زول أشــــــــــتر .. منقول | قلقو | 07-28-04, 02:06 AM |
| Re: حياة .. زول أشــــــــــتر .. منقول | humida | 07-28-04, 02:19 AM |
| Re: حياة .. زول أشــــــــــتر .. منقول | قلقو | 07-28-04, 04:36 AM |
| Re: حياة .. زول أشــــــــــتر .. منقول | ABUHUSSEIN | 07-28-04, 06:22 AM |
| Re: حياة .. زول أشــــــــــتر .. منقول | ABUHUSSEIN | 07-28-04, 03:02 PM |
| Re: حياة .. زول أشــــــــــتر .. منقول | HOPEFUL | 07-29-04, 01:46 AM |
| Re: حياة .. زول أشــــــــــتر .. منقول | ABUHUSSEIN | 07-29-04, 12:46 PM |
| Re: حياة .. زول أشــــــــــتر .. منقول | tabaldy | 07-29-04, 07:21 PM |
| Re: حياة .. زول أشــــــــــتر .. منقول | humida | 07-30-04, 01:57 PM |
| Re: حياة .. زول أشــــــــــتر .. منقول | tabaldy | 07-30-04, 02:25 PM |
| Re: حياة .. زول أشــــــــــتر .. منقول | humida | 07-31-04, 08:01 AM |
| Re: حياة .. زول أشــــــــــتر .. منقول | shatat | 07-31-04, 10:25 AM |
| Re: حياة .. زول أشــــــــــتر .. منقول | Bushra Elfadil | 08-03-04, 05:46 AM |
| Re: حياة .. زول أشــــــــــتر .. منقول | Ali Alhalawi | 08-03-04, 05:56 AM |
| Re: حياة .. زول أشــــــــــتر .. منقول | ABUHUSSEIN | 08-03-04, 02:38 PM |
| Re: حياة .. زول أشــــــــــتر .. منقول | Sobajo | 08-03-04, 10:02 PM |
| Re: حياة .. زول أشــــــــــتر .. منقول | ABUHUSSEIN | 08-05-04, 01:06 PM |
| Re: حياة .. زول أشــــــــــتر .. منقول | humida | 08-07-04, 02:16 PM |
| Re: حياة .. زول أشــــــــــتر .. منقول | humida | 08-07-04, 02:22 PM |
| Re: حياة .. زول أشــــــــــتر .. منقول | koki | 08-27-04, 09:24 PM |
 Re: حياة .. زول أشــــــــــتر .. منقول | Ibrahim Adlan | 08-28-04, 06:01 AM |
| Re: حياة .. زول أشــــــــــتر .. منقول | koki | 08-28-04, 08:50 AM |
| Re: حياة .. زول أشــــــــــتر .. منقول | humida | 08-30-04, 00:01 AM |
| Re: حياة .. زول أشــــــــــتر .. منقول | sudania2000 | 08-31-04, 01:44 AM |
| Re: حياة .. زول أشــــــــــتر .. منقول | humida | 09-06-04, 09:30 AM |
| Re: حياة .. زول أشــــــــــتر .. منقول | توما | 09-06-04, 07:54 PM |
| Re: حياة .. زول أشــــــــــتر .. منقول | humida | 09-07-04, 03:52 PM |
| Re: حياة .. زول أشــــــــــتر .. منقول | بدرالدين شنا | 09-07-04, 09:37 PM |
 Re: حياة .. زول أشــــــــــتر .. منقول | salwa elsaeed | 09-15-04, 10:30 PM |
| Re: حياة .. زول أشــــــــــتر .. منقول | humida | 09-15-04, 10:38 PM |
| Re: حياة .. زول أشــــــــــتر .. منقول | ABUHUSSEIN | 09-28-04, 02:36 PM |
| Re: حياة .. زول أشــــــــــتر .. منقول | humida | 10-02-04, 11:05 AM |
| Re: حياة .. زول أشــــــــــتر .. منقول | Muhib | 10-02-04, 11:42 AM |
|
| |
humida
فيس بوك
تويتر
انستقرام
يوتيوب
بنتيريست