|
|
 Re: عبد ابن كلب انعل ابوك (Re: Shinteer)
|
الاخوان والاخوات والابناء شنتير , الفاتح يسن , عصام وامال , قرشو , حمزاوى , بشاشه , عبد الله , عصام الدين , كمال عباس , عجب الفيا , ود حماد والآخرين ... لكم التحيه .
تأكدوا ان القصد ليس هو التشهير بالسودان لانه من المؤكد اننى لا احب السودان بقدر اقل من الآخرين . ولكن كما اكرمنى السودان وحسيت فى طفولتى وصباى وشبابى اننى يمكن ان استمتع بأى شئ واكون فخور بنفسى وعائلتى وقبيلتى , كنت احس واعرف ان الآخرين لا يستمتعون بهذه الحقوق .
ونحن اطفال فى مدرسه بيت الامانه عاكسنا مدرس نايجيرى من اللذين كانوا يدرسون فى معهد بخت الرضاء ويتعلمون اللغه العربيه . ويتدربون فى المدارس قبل الرجوع الى وطنهم . استخفافنا كان بسبب صغر سننا وجهلنا ونطق الاستاذ النايجيرى الغريب . فقام الاستاذ المشهور فؤاد التوم بجلدى وجلد صديقى عكاشه سعد خضر . وطرد عكاشه من المدرسه . ووقفت محتاراً فى البرنده وكنت احسب اننى سأطرد لاننى ارتكبت نفس الجرم ولكن الاستاذ فؤاد التوم قال _( انت تمشى الفصل .. انت ذى ده ؟ ) .
ما نريده اليوم بدون اولاد ساده بدون اولاد قبائل وبشر سواسيه امام القانون والدستور .
انا لا اركب الموجه . انا كاتب اول روايه سياسيه فى السودان وهى الحنق . واهداء الروايه يقول ( الى دمائى الافريقيه الى عنصرى الزنجى الاقوى الى مليكى شاكا . ) والروايه تعالج مشكله الشوفينيه ووضع الرقيق فى السودان قبل وبعد الحريه .
الرواسب لم تختفى الى اليوم . شقيقتى لمياء بدرى تحاضر فى جامعه الاحفاد . قالت للطباخ فى كافتريا جامعه الاحفاد وهو جعلى ( قبل كده كسرتوا لى سنى بحصاصه فى الطعميه . حسه لقيت شعره فى الطعميه . ) فذهب الجعلى واحضر احد العمال فى الكافتريا وقال لها . ( انتى بتاعه مشاكل , ده العب البرمى الطعميه . حسه العب ده عندو شعر عشان يقع فى الطعميه . ) فقالت لمياء ( انت ما بتخجل من الكلام ده , السعودى المشغلك وسيد الكافتريا برضو بفتكرك انت عبد . ) والتفتت الى العامل وقالت له ناس تافهين ذى ديل انت مفروض ما تشتغل معاهم . ولم يخيب الجنوبى ظنها فترك العمل مباشرةً .
وبينما انا اقف مع تؤأم الروح بله والمولود فى امدرمان توقف الدكتور محمد عبد الكريم بدرى امام مكتبنا فى شارع الجمهوريه المواجه للجمعيه الطبيه . وتحدث معى قليلاً والتفت نحو بله وبكل صفاقه قال له يا ولد جيب مويه املى اللديتر ده .
ذهبت فى الثمانينات لذياره الكابتن اسامه اغا الذى كان يلعب للزمالك فى مصر ومكتبه شمال نادى القوات المسلحه . وكان معى تؤام الروح بله او ( جاك ) وجاك الآخر السائق . وطلبت من جاك ان يعبى السياره بالبنزين من محطه البنزين القريبه . ولان الزياره انتهت فى دقائق فلقد رجعت وسألت صاحب المحطه وين الراجل النزلنا هنا قبل شويه السائق العربيه المارسيدس الخضراء فلم يتذكر . فذكرته بأننا قد نزلنا من السياره قبل دقائق امامه فأكد لى انه لا يتذكر اى راجل . وفجأه يظهر جاك . فبادره صاحب المحطه لقيت بنزين سوبر يا جاك ؟ فقلت له ما ياهو ده الراجل البنسأل منه , فنظر الى ود العرب بأمتعاض وقال راجل ؟؟,,,, راجل شنو ,,, ما تقول لى العب السواق .
الاخ شنتير ... لماذا يهمك اذا غضبت انا ام لا أكثر من غضب بشاشا ؟. انا احترم بشاشا جداً وما يقوله هو الآن قلته انا وكتبته اكثر من اربعين سنه وخضت معارك ومشاحنات . والسبب فى اننى موجود فى السويد الآن هو اننى كنت فى القائمه السوداء منذ الستينات لمناصرتى لقضيه جنوب السودان . ارجو ان تتفهم كلام عجب الفيا . هذا الشخص انا لا اعرفه الا من كتاباته . ولكنى على اقتناع تام بأنه اكثر منى فهماً وعقلاً وهذا البورد قد علمنى الكثير . واحببت الكثيرين واحترمتهم بدون ان اقابلهم وهم اصغر منى سناً مثل دينق زمراوى الشريف وكثيرين آخرين .
اذا كان هنالك من يحسب اننى احد اللذين يعشقون الغرب ولقد بهرتنى الحضاره الغربيه فهذا خطاء . وانا الآن اكثر سودانيه من اغلب السودانيين فى السودان . وعندى امتحان للاخ شنتير . فكما تلاحظ فى البروفايل بتاعى فأنا احب ود الشلهمه والحردلو . ولكن لم اتداخل فى خيمتكم والدوبيت والمسادير لاننى كرهت ذلك عندما سمعتكم تنادون بعضكم ب يا عرب ويا عروب لانكم لستم بعرب . واذا كانت هذه قناعتكم فهذا خياركم ولكن اعطونا نحن الافارقه نفس المساحه والحقوق التى تأخذونها لنفسكم .
آل بدرى ارتبطوا برفاعه والاخوان عبد الله ابو سن وحموده بمثابه الاشقاء لنا . وعبد الله خريج كليه الزراعه صديق طفولتى وسكن بالقرب منا فى حى الملازمين . وكما اذكره فهو شخص اسود اللون ويمكنك ان تتأكد من هذا واقصد اسود بمعنى اسود . حموده والذى كان يسكن عندنا فى منزلنا ايام الدراسه الثانويه قد يكون افتح لوناً ولكنه لا يمكن ان يعتبر عربياً . وفى احد الامسيات قال لى ( واحد من صحبانك جاء سأل منك ) وعندما سألته من هو لم يعرف . وسألته شكله كيف . ووقتها كان يزورنى ثلاثه من الاصدقاء . احدهم كريل ويحمل ملامح النوبه . وعثمان ناصر بلال وهو ارقمه . وفقوق نقور ( مصطفى ) وهو شقيق الناظر الحالى لعموم قبائل شمال اعالى النيل وهم دينكا ابلانق فقال حموده ( انا عارف شكلهم كيف ما كلهم عبيد . الرقيق ديل انا ما بفرزهم ) وفى الحقيقه هنالك اختلاف بين شكل الدينكا والنوبه .
اذكر اننى قلت لاحد الاخوه ان ابنى فقوق نقور الوحيد الذى يحمل عيون الشلك . لان جفن النيليين يعلو على الحاجب . وكان الرد ( والله انا الجنوبيين ديل ما بشوف فيهم فرق ) .
عندما ذكرت الاخ هيرمان لم اكن اريد ان اصير امريكياً باطلاق اسمه على ابنى . وكما اوردت فى كتاب حكاوى امدرمان ان هيرمان غير اسمه الى جمال ويقدم نفسه من امدرمان . وتجاهل الرد مرةً على الاخ محمود اسماعيل . وحذره بأن لا يناديه بغير جمال .
الاخ عبد المنعم سليمان من ابو ظبى كان فى زياره لامريكا مع اسرته . وارسلوا جواز ابنه للسفاره السودانيه فى واشنطون . واختفى الجواز فى البريد واوشكت الاجازه ان تنتهى ولم يعطه البريد اى رد مقنع فطلبت منه ان يتصل بهيرمان وان لا يناديه بغير جمال وان يقول له اخوك قال ليك بدون ذكر اسمى . وتردد عبد المنعم طالباً منى ان اتصل اولاً فقلت له اذا جمال بحتاج توصيه يبقه ما اخوى .
عبد المنعم سليمان ابن سر تجار امدرمان قال لى صاحبك فرح وصرخ من الفرح لمن قلت ليه اخوك . وفى يومين استلمنا الجواز . الراجل ده بحبك شديد جداً . هذا هو جمال من امدرمان .
نجى للامتحان يا شنتير يا اخوى . بسبب وصفك لى بأننى احاول ان اكون غربياً..
فى رثاء عز الدين على عامر قلت
كان الرجال دبكر انت السنط وماكا لعوت . عز الدين بعوج الدرب حتى بعد الموت
عامر امير ورفيق الما بفكو الريق . فى الحرابه جله ووسط المروق توريق .
ما هو التوريق ؟؟ .
رداً على هجوم بعض رجال حزب الامه قلت .
يا بشر مافى حجر قوملو شدر . وعكولا متين لحقها دشر .
سيف العُشر ما بكتل بكتل قدر . والسنيف فى اللقد شيتاً بحير .
ما هى عكولا ؟ وما هو الدشر ؟ وما هو السنيف ؟ .
عندما مات قاسم مخير قلت .
يا قاسم اهلك فى الدنيا ابداً ما كلتو . ما غرتم وما همتم اخدوها زراعه دقندى
كان ادت ركزوا وكان عارت ما بقولولا حاو . السمسم الصافى اللا شربو عنتد ولا خالطو الجوجاو .
ما هو الدقندى ؟ وما هو العنتد ؟ وما هو الجوجاو ؟ .
عند وفاة مبارك بسطاوى المزارع من توتى والذى كنت اشاركه كريس فى اداره معديه توتى . قلت .
الريح قلب والموج فات الدير والقريه ميلت وانقطعوا العيايير .
العرفتو منك البجيبو الله خير فى خير واللدر العشارى يوماً بياكله الصير .
يا العوا والسماك الما بخالطو هجير ثابت ذى ام كُبُك والحال بدور له نفير .
وسرتقنا دائماً كاسح والطوف وهيط وكبير وبالنا دائماً رايق برمهات ولا امشير .
ما هو الدير ؟ ما هو القريه ؟ ما هم العيياير ؟ ما هو العوا والسماك ؟ وما هى ام كبك ؟ وبرمهات وامشير ؟ .
هل هذا كلام انسان انفصل عن اصله ؟ بقد ما احب السودان اتمنى ان يكون الجميع متساويين .
لاحظ يا شنتير يا اخوى المره دى كتبت اسمك صاح . بمناسبه الاسماء انت بتحتج على السودانيين البدو ابنائهم اسماء غير سودانيه . نحنا بنقلب فى الكتب دى من ايام كتب التعريفه بنزين ومريسه , السراب وحمامه قرينا كل حاجه يعمينى ما شفته لى ولا سمعته واحد من الصحابه اسمو شنتير .
لكم التحيه ...
شوقى ...
(عدل بواسطة shawgi badri on 07-22-2004, 03:19 PM)
|
|
 
|
|
|
|
|
| العنوان |
الكاتب |
Date |
| عبد ابن كلب انعل ابوك | shawgi badri | 07-18-04, 06:47 AM |
| Re: عبد ابن كلب انعل ابوك | nazar hussien | 07-18-04, 07:15 AM |
 Re: عبد ابن كلب انعل ابوك | Yasir Elsharif | 07-18-04, 07:49 AM |
| Re: عبد ابن كلب انعل ابوك | Deng | 07-18-04, 08:52 AM |
| Re: عبد ابن كلب انعل ابوك | Deng | 07-18-04, 09:10 AM |
| Re: عبد ابن كلب انعل ابوك | طلال عفيفي | 07-18-04, 11:12 AM |
| Re: عبد ابن كلب انعل ابوك | shawgi badri | 07-18-04, 03:38 PM |
| Re: عبد ابن كلب انعل ابوك | shawgi badri | 07-18-04, 03:38 PM |
| Re: عبد ابن كلب انعل ابوك | shawgi badri | 07-18-04, 03:39 PM |
| Re: عبد ابن كلب انعل ابوك | shawgi badri | 07-18-04, 03:39 PM |
| Re: عبد ابن كلب انعل ابوك | الفاتح يسن | 07-18-04, 05:50 PM |
| Re: عبد ابن كلب انعل ابوك | Agab Alfaya | 07-18-04, 07:18 PM |
| Re: عبد ابن كلب انعل ابوك | essam&amal | 07-18-04, 09:09 PM |
| Re: عبد ابن كلب انعل ابوك | قرشـــو | 07-19-04, 03:29 AM |
| Re: عبد ابن كلب انعل ابوك | حمزاوي | 07-19-04, 05:32 AM |
| Re: عبد ابن كلب انعل ابوك | Shinteer | 07-19-04, 07:28 AM |
| Re: عبد ابن كلب انعل ابوك | Bashasha | 07-19-04, 09:43 AM |
| Re: عبد ابن كلب انعل ابوك | Agab Alfaya | 07-19-04, 10:18 AM |
| Re: عبد ابن كلب انعل ابوك | عبدالله | 07-19-04, 10:37 AM |
| Re: عبد ابن كلب انعل ابوك | Esameldin Abdelrahman | 07-19-04, 11:11 AM |
| Re: عبد ابن كلب انعل ابوك | عبدالله | 07-19-04, 11:16 AM |
| Re: عبد ابن كلب انعل ابوك | Esameldin Abdelrahman | 07-19-04, 11:32 AM |
| Re: عبد ابن كلب انعل ابوك | kamalabas | 07-20-04, 06:04 AM |
| Re: عبد ابن كلب انعل ابوك | Bashasha | 07-19-04, 12:05 PM |
| Re: عبد ابن كلب انعل ابوك | عبدالله | 07-19-04, 06:47 PM |
| Re: عبد ابن كلب انعل ابوك | Deng | 07-19-04, 12:20 PM |
| Re: عبد ابن كلب انعل ابوك | Deng | 07-19-04, 06:58 PM |
| Re: عبد ابن كلب انعل ابوك | kamalabas | 07-19-04, 07:19 PM |
| Re: عبد ابن كلب انعل ابوك | shawgi badri | 07-20-04, 01:35 PM |
| Re: عبد ابن كلب انعل ابوك | ود حماد | 07-20-04, 04:21 PM |
| Re: عبد ابن كلب انعل ابوك | Deng | 07-21-04, 09:34 AM |
| Re: عبد ابن كلب انعل ابوك | Shinteer | 07-21-04, 10:00 AM |
| Re: عبد ابن كلب انعل ابوك | shawgi badri | 07-22-04, 02:59 PM |
| Re: عبد ابن كلب انعل ابوك | Shinteer | 07-23-04, 04:25 AM |
| Re: عبد ابن كلب انعل ابوك | Deng | 07-23-04, 06:44 AM |
| Re: عبد ابن كلب انعل ابوك | Shinteer | 07-23-04, 07:56 AM |
| Re: عبد ابن كلب انعل ابوك | Deng | 07-23-04, 08:57 AM |
| Re: عبد ابن كلب انعل ابوك | Shinteer | 07-23-04, 08:59 AM |
| Re: عبد ابن كلب انعل ابوك | Shinteer | 07-23-04, 09:20 AM |
| Re: عبد ابن كلب انعل ابوك | Deng | 07-23-04, 09:30 AM |
| Re: عبد ابن كلب انعل ابوك | Ahmed Al Bashir | 07-23-04, 09:59 AM |
| Re: عبد ابن كلب انعل ابوك | shawgi badri | 07-27-04, 10:21 AM |
| Re: عبد ابن كلب انعل ابوك | قرشـــو | 07-24-04, 00:21 AM |
| Re: عبد ابن كلب انعل ابوك | shawgi badri | 07-27-04, 10:31 AM |
| Re: عبد ابن كلب انعل ابوك | Deng | 07-24-04, 05:56 PM |
| Re: عبد ابن كلب انعل ابوك | shawgi badri | 07-27-04, 10:33 AM |
|
| |
shawgi badri
فيس بوك
تويتر
انستقرام
يوتيوب
بنتيريست