|
|
 رودا ...دينـــق....بشــــاشــأ
|
السلام على من اتبع الهدى
اخترتكم لكى يكون الحوار بعيدا عن التشنج و العنجهية
لاننى ملاحظ تهجمكم على الدين الاسلامى و اصراركم على ذلك
رغم اننى احفظ لدينق نايه من الخوض فى اساءة الدين الاسلامى
واتمنى ان كانت لكم اشياء تريدون معرفتها فى الدين الاسلامى
و مناقشتها بدون سب او تهكم ساكون فى غاية السرور و الاستعداد
حتى ابين لكم عما تريدون معرفته .
و السيد بشاشا ليس هذا النداء للخلاف ولكن لا كتشاف الاخر وبنفس
هادئ هلا قبلتم الدعوة و اترك لكم طرح اى سؤال تريدونه و اترك
لدينق حق الدخول فى الحوار او تركه لانه كما اسلفت لم اقراء له
اى هجوم على الدين.
و اما السودان فهو وطنا جميعا ويسعنا ان طابت النفوس وفى انتظاركم
|
|
 
|
|
|
|
|
|
|
|
Re: رودا ...دينـــق....بشــــاشــأ (Re: هاشم نوريت)
|
لاننى ملاحظ تهجمكم على الدين الاسلامى.
ياهاشم
انا عندي مشكلة مع فهمك الوافد والدخيل علي قيمنا كسودانيين. بالنسبة لي كلام ذي ده استفذاذ وتعدي لا اقبلو اطلاقا.
من دون زعل، بي ياتو حق ياهاشم تنصبوا روحكم اوصياء علي الغير، وانتم بشر مثلنا؟
بالنسبة لي لن يأتي يوم اسمح لكائن من كان وانا حي، فيني نفس بطلع او بنزل، ان يتطفل علي حرمة علاقتي بخالقي.
فلو لي علاقة البشر بالبشر قدسية كالعلاقة الزوجية، مرعية في كل الدنيا، فما بالك بعلاقة البشر بخالق البشر ياخي؟
ده فهم للدين وافد ولا نقبل به مهما كلف.
الدين في فهمنا كسودانيين، مسلمين او غير، قايم علي الممارسة والفردية.
عشان كده فيما قبل دخول الاسلام السياسي لي بلادنا لم نعرف مفهوم المطوعين بتاعكم ده.
انا نشأت في بيئة لم تعرف وصاية كهذه علي الاخرين. كنا واحنا مراهقين بنلعب اولاد وبنات لي منتصف الليل من دون ده مايكون ضد الاخلاق او الدين علي الاطلاق.
بي ياتو حق الوهابي صدوح يتدخل في لبس اشراقا؟
دي قيم مجتمعات اخري لادخل لنا بها. لهم فهمهم وممارستهم للاسلام، ولنا فهمنا.
انت او مهاويس الاسلام السياسي بتفرضو علينا او تحاكمونا بي معايير الاخرين، وهذا ما لن نسمح به اطلاقا.
دي مسألة كرامة واصرار علي هويتي، بالنسبة لي.
| |
|
|
|
|
|
|
|
|
|
Re: رودا ...دينـــق....بشــــاشــأ (Re: Bashasha)
|
| Quote: دي مسألة كرامة واصرار علي هويتي، بالنسبة لي |
وانت هويتك دي وقعت منك في النت .. !
مجرد سؤال ..
والله يا بشاشة ..
هويتك دي لو لقيتها واقعة في الشارع ..
برجعها ليك ..
يعني أعمل بيها شنو بس .. !!!
| |
|
|
|
|
|
|
|
|
|
Re: رودا ...دينـــق....بشــــاشــأ (Re: zoul"ibn"zoul)
|
عزيزي هاشم نوريت .. كتبت
Quote: اخترتكم لكى يكون الحوار بعيدا عن التشنج و العنجهية
|
ولكن لا يستقيم الامر هكذا .. ولهذا قصة طويلة
احب أن اوردها لك .. من كتاب كليلة ودمنة ..
الذي .. عالج أمور كثيرة بمنطق الحيوانات ..
زعموا ان غابة كان يقطنها سباع وضباع وخيل وأيل ,يعتزل منهم بضع عشر , لايجمعهم سوى أنهم خلقوا للغاب وفي الغاب.
يحدثنا البوم الحكيم قائلاً: لا أذكر تحديداً متى اجتمعت تلك الجماعة ولكن يكفيكم أن تعلموا أنهم يتعايشون أجساداً لكن أرواحهم أشتاتا
واكتفى البوم العجوز بهذا القول ولم يعقب...
هتف النقار الثرثار: ذلك العجوز لافائدة منه في شيء ,فكثيرا ماتنشب الخلافات بين اولئك بسبب الفاظه الغبية وعباراته السبية.
فأسهب محدثنا في الحديث وطالت كلماته تلك الجماعة وكنا نلمح في طيات حديثه كره خفي.
واليكم ماقاله النقار عن هؤلاء الغرباء الاقرباء:
هم جماعة لاينتمي اثنان منهم الى أصل واحد فمنهم أسد يقودهم ولولا معرفتنا بالاسد ماعرفناه ,لايعرف من القيادة سوى اللقب ولايمت بصلة الى جسارة السباع الا بالنسب ,ومن عرف بطانته لما تعجب من سوء سياسته .
تنهّد النقار حسرة منبأ :
بطانته ضبع غرير وثعلب شرير يحركانه كما الدمية ,يدلانه لفعل الشر والتسلط على الضعيف من البقية العشرة , يدعوان الى الفضيلة والجميع يضحك مستهزيء يالاسخرية القدر .
اما ماتبقى منهم:ثور يداني عقله في الحجم عقل طير يسير مزهواً بنفسه ويحسب لجهله ان لااسلاف ولاامثال له,يسخر من الجميع ويستفيد من مصائب الاخرين .
وهنا اعتذر النقار عن متابعة الحديث لان الجهد بلغ منه مبلغه, فقفز ضفدع صغير كان منصتا الى حديثنا واكمل بشجاعة وجرأة غير معهودة:
سأحدثكم عن البقية الباقية من جماعة العقول الخاوية,اما من بقي من بعد الثور فذئب يتصنع الزهد والوراعة واذا خلا كشر عن انيابه بشناعة وفظاعة يدعي فيما يدعي انه يصلح القوم متذرعا بالتنسك والصوم,اما من وراءه فهو ذلك الغراب الشؤم لايكاد ينطق بكلمة يسمعها في البر او الجو حتى تشيع الاكاذيب وتنتشر الاقاويل انتشار النار في الهشيم,وماخلا الدوائر ولكن هيهات فمن ملك عقله ولسانه ملك جسارة السباع وتدبير الضباع..
عندها صمت الضفدع موحياً ان انظروا فنظرنا فاذا بنا نرى تلك الجماعة الغريبة يتقدمهم الاسد ويتبعه عن يمينه ضبع وثعلب ويعقبهم ذئب وثور وغراب ولكن لاالحظ الايل والخيل فأدركت انهم لايسلكون سبلهم.
حينها ضحكت هامساً لمن معي :ماكذب البوم الحكيم ولالوم النقار الثرثار والضفدع الصغير في وصفهم.
هم جماعة يحكمهم قانون الغاب.
| |
|
|
|
|
|
|
|
|
|
Re: رودا ...دينـــق....بشــــاشــأ (Re: humida)
|
: humida
سلامات
Quote: لا يستقيم الامر هكذا .. ولهذا قصة طويلة
احب أن اوردها لك .. من كتاب كليلة ودمنة ..
الذي .. عالج أمور كثيرة بمنطق الحيوانات ..
|
اشكرك على المداخلة و اتمنى ان فتح صفحة جديد لا ان نعامل
الناس بناءا على مواقف سابقة اتمنى ان تتفهم طلبى و ننتظر
ونشوف.
| |
|
|
|
|
|
|
|
|
|
Re: رودا ...دينـــق....بشــــاشــأ (Re: هاشم نوريت)
|
| Quote: فى دى انت غلطان لاننا لم ننصب انفسنا اوصياء او غير اوصياء على اى انسان ونقول من شاء فليؤمن ومن شاء فليكفر . |
ياهاشم
اسمح لي اكرر القلتو ليك قبل كده:
راسك جايط شديد ياهاشم.
ما ممكن تقول الكلام ونقيضو في نفس الوقت!
اذا فعلا مؤمن بي من شاء فليكفر، فما معني كلامك المؤسف اللي ماقادر استرجعوا من انحطاطو هنا، عن رودا او لي رودا، بخصوص الحجر الاسود؟
اذا مؤمن بي من شاء فليكفر، ما معني ادعاءك الدفاع عن الدين؟
بعدين قلنا ليك مفهوم المطوعين غريب علي اسلامنا كسودانيين، تقول لي "| Quote: دى ما معاك فيها ويبدو لى تشابه عليك البقر |
"؟
كده عشان النقاش ده يستعدل، هل تؤمن ان لكل هوية او قومية اسلامها، او فهمها للاسلام، خارج نطاق الاركان الخمسة؟
| |
|
|
|
|
|
|
|
|
|
Re: رودا ...دينـــق....بشــــاشــأ (Re: هاشم نوريت)
|
| Quote: و اى انسان يمس الدين الاسلامى وهو يريد السوء سينبرى له الف من الذين امنوا بربهم. |
ياهاشم.
خليك من رودا والتاريخ، كلامك القوق ده هوس عديل، او علي كده لافرق بينك او بين صدوح!
لو ماكده، بي ياتو حق بتعتبرني بتهجم علي الاسلام وانا مسلم زيك، لوما هوس الوصاية وادعاء النيابة عن ربنا؟
اما بالنسبة لي غير المسلمين، فانت لو مؤمن بي من شاء فليكفر، فحسب فهمكم المهووس ذاتو، مافي بعد الكفر ذنب او كبيرة!
يعني الاساءة ولا شئ مقارنة بالكفر!
ثم انتو مجرد الاختلاف في الراي معاكم، فهو اساءة تلقائيا! ده هوس!
اما كلامك عن كونو الاسلام واحد، فده مفروغ منو، وعشان كده قلت ليك بخلاف الاركان الخمسة.
فالاسلام واحد، لكن الفهم للاسلام متعدد.
عشان كده حتي داخل الفرقة الواحدة، الترابي في السجن مضرب عن الطعام او علي عثمان في القصر.
فمابالك عن الشعوب والثقافات الاتشكلت عبر تراكم تاريخي امتد لالاف السنين.
من العبث بمكان فرض قيم ثقافية لمجتمع بعينو، علي اخر باعتباروا اسلام.
بالنسبة لي ده استعمار بل امبريالية.
فالخمار والنقاب مثلا ازياء للمراة العربية، مسلمة كانت ام مسيحية. وبذلك دي قيمة ثقافية نابعة من وضعية المرأة في مجتمع البداوة العربية.
لهذا فهذا الزي اسلامي "فقط" للمسلم العربي، حسب معطيات ثقافتو العربية.
فرض هذه القيمة علي مجتمع افريقي، ماهو الا مسخ وتشويه بل استرقاق ثقافي!
خذ ايضا عداء العرب للتصوف والدعوة لتكسير القباب. القباب دي ياها الاهرامات ذاتها في الثقافة السودانية!
وبما انو لامعني للقباب او الاهرامات في الثقافة العربية فالوهابية يعادون هذه القيمة المحورية في ثقافتنا السودانية، وهكذا دواليك.
اذا ده حاصل مامعني ان ننظر لي اشياءنا، بعيون الغير، ان لم يكن هذا استعباد؟
اذا كلامنا ده غريب او شاذ، بحكم الاستلاب الحاصل، فمعليش مسألة وقت بس، لحدي مايكون مقبول.
ماهو شاذ اليوم سيكون القاعدة غدا، وماهو قاعدة اليوم حيكون شاذ غدا.
| |
|
|
|
|
|
|
|
|
|
Re: رودا ...دينـــق....بشــــاشــأ (Re: Bashasha)
|
استاذ بشاشا
يبدو انك توزع الاتهامات حتى تضع محاورك فى وضع الدفاع
رغم انك تناقض نفسك بنفسك لا تعرف عن ماذا تتحدث فى الاول
تحدثت عن رودا والان تقول خلو رودا حدد ماذا تريد عشان يكون
الحوار ذو فائدة وسياسة كيل الاتهامات و اطلاقها جزافا ما عادت
تنطلى على اصحاب العقول اتمنى ان تهداء .
| Quote: خليك من رودا والتاريخ، كلامك القوق ده هوس عديل، او علي كده لافرق بينك او بين صدوح |
وبعدين انت حر فى فهمك لهوس ولكن يبدو انك مصاب بهوس من الهوس
و صدوح رجل نحسن فيه الظن وان اخطا فلا يعنى ذلك نهاية الدنيا
و كلنا حطائون واتمنى ان تترك خلط الاوارق وحدد عايز ونبداء من فين؟
Quote: فالاسلام واحد، لكن الفهم للاسلام متعدد.
|
اشكرك على انك قلت الاسلام واحد فلذلك نحن علينا بالاسلام الواحد
واما الفهم المتعدد لا شان لنا به وانت تقسمة الى اربعة او اكثر
وجئتنا بفهم جديد تقول فيه كل هوية لها فهم برضو دا شى جديد
ربما حسب فهمك للدين ترى ذلك .
المهم ما نتحدث عنه هو الدين الذى اتى به المصطفى عليه الصلاة
و السلام من عند الله الواحد الاحد واعتقد المسافة بيننا تقاربت
لانك اعترفت بان الدين واحد واعتبر اى شى غير الذى كان عليه رسول
الله صلى الله علية وسلم ليس من الدين فهو رد عندنا .
| |
|
|
|
|
|
|
|
|
|
Re: رودا ...دينـــق....بشــــاشــأ (Re: هاشم نوريت)
|
| Quote: واما الفهم المتعدد لا شان. |
يا هاشم.
كيف ماليك بالفهم المتعدد، وانت بتمارس فيهو الان؟
يعني انا وانت مسلمين، رغم انو الاسلام واحد، فهمنا هنا فهمين. وقع ليك؟
علي كده تعدد الفهم للنص الواحد، سنة وناموس من سنن ونواميس هذا الكون!
لايمكن تقول علي واقع بي ضخامة الوجود نفسو، لاشأن لي به!
ما القران واحد لكن ام المؤمنيين بدل مجرد الاختلاف، شالت السيف عشان تحسم خلافها ضد من كرم الله وجهه!
تقول لا شأن؟
فاذا ده حاصل، واذا ربنا خلقنا شعوب مختلفة، فلن نتنازل عن حقنا كشعب سوداني في فهم للاسلام نابع من واقعنا، لي فهم اجنبي ودخيل ذي فهم الوهابية شندي او صدوح.
بنرفضو لانو الفهم الوافد ده دمر بلدنا.
عمرنا وبحكم التسامح المركوز في نسيجنا الصوفي، ماعندنا خصومة البداوة العربية باسم الاديان.
فالعنف افراز وناتج جانبي اساسي لاسلوب الحياة الرعوي البدوي المتنقل.
عشان كده الجنجويد والهمباتا ينحدروا من مجتمعات بدوية رعوية متنقلة.
عشان كده المجتمعات الزراعية دايما مسالمة بحكم الاستقرار والدعة النسبية مقارنة بشظف العيش وقسوة الحياة البدوية في الصحاري مقابل الخضرة والماء.
كلنا بنعرف قصة العربي القال انت كالكلب في الوفاء او هو قصدو يمدح.
الشاهد في الامر لمان نفكك جلافة وفظاظة الوهابية، بنصل بي سهولة الي جذر قيمة اجتماعية ممتدة بدورها في تربة ثقافة بدوية رعوية اساسها العضل كقيمة اساسية.
عشان كده ماصدفة كيف وقياسا بي ملاييين البترودلار الانفقوا السعوديين في السودان، الوهابية ظلت كنبات السلعلع بلا جذور في تربتنا الثقافية.
الاسلام السياسي استعمر السودان بالحديد والنار علي يد الاتراك، لتأتي نهاية دولته علي يد درويش.
مرة تانية فتح الخرطوم علي يد اليرغني او قرنق، حيدق اخر مسمار في نعش التركية السابقة "الاسلام السياسي"، او حتشوف التصوف حينتعش من اول او جديد كيف!
| |
|
|
|
|
|
|
| |
هاشم نوريت
Bashasha
humida
Abureesh
ترهاقا
فيس بوك
تويتر
انستقرام
يوتيوب
بنتيريست