|
|
 حلمنتيش ... في درب الريد
|
في درب الريد
كم شاققت واتفولحت كم غنيت
كم مقلبت كم ضحكت كم بكيت
وكنت الفارس المنصور
أنا الشبّكت خط العرض وخط الطول
أنا الهباش أنا النهاش
أنا الختري
أصيد الهاوي شاقي الجو
واصيد الأرضي والبحري
أنوع في مطايب الصيد
أصيد البحبى والبجـري
مخازن فُل نكات بالكوم
مهذبة للعفيف وعديـل
مكهربة للبحومو الليل
شباب ورياش ورقة ولين
وخفة دم وقلة دين
دموع تمساح
تبكي الزينة والقاسين
غزال الجـن
دون ما يدري قلبو يحن
أرمّي حبالي في دربو وأقيف قدام
أمثل دور حميل مسكين
ويبدأ سـلام وراهو كلام
وكيف الحال وكيف عاملين
سلام يا أجمل الحلوين
سلام يا ناس ويا أناناس
صباح الورد والياسمين
وتسمع هااي
وتسمع كييف
وهمسة شوق وكسرة عين
وبعد شوية بيتكم ويـن
وبعد أيام
وييييين ليك مدة مشتاقين
ومشتاقين توصل شوشو للسكين
ويجي الشاكوش
يصنف شوشو في الارشيـف
وتبدأ القصة في التكرار
وكل عويل بدايتو هزار
يزين للفراش النار
وهاك ياصيد وجاك ياصيد
وفي ذات يوم نسايمو تهب
مكندش بي دعاش الرب
طريت الصيد
وشالني الشوق على سكة جِـدَيْ الريل
مدردح ماني راجي دليل
مسلح بي الخفيف وتقيل
مدى النيران يصيب النملة
ويتصاعد يصيد الفيل
وقولة تيت
جات الصيدة وجه جديد
عيونا تقول صباح العيد
بسيماتا ... تضوي الثورة والحلفايا
تدي الباقي لي باريس
وناس الكبكبة السبقوني رقدو القش
عيون زاغت ، رجول خارت
قلوب وقفت ، رؤوس طارت
مدحرجة في درب تاجوج
وكت ما بعومو شن وداهم يتشابو ويصارعو الموج
وجيتك يا صباح العيد
أنا الهباش أنا النهاش أنا الختري
ويادوب ما بديت بالبسمة قبل أقدم أوراقي
صباح الورد ما تميتا
سحبت إيدا .. صرت عينا .. لفتت جيدا .. قالت ... بِـسْ
تبسي كديسة يا تاجوج
عاملة عيونك الحلوات
أنا اب شنبات تقول لي بِـسْ
كما كُنتْ .. انسحاب تكتيكي لو ينفع
كحلت يمين لقيت شامتين
كحلت شمال لقيت وِسوِسْ
ومن يوم داك حردت الصيد
محل ما أقبِّـل أسمع ... بِـسْ
|
|
 
|
|
|
|
|
|
|
|
Re: حلمنتيش ... في درب الريد (Re: garjah)
|
الحبيب قرجة
كيف حالك وازيك
تبرا وتستبرا من الوجع
الوجع ما لينا نحن
خلصك الله سالم غانم من الغربة المجنونة
وجمعك بالراضية ورزينة
البراق سنونـه
وسرك محفوظ كمان حنونة
تحياتي
| |
|
|
|
|
|
|
|
|
|
Re: حلمنتيش ... في درب الريد (Re: singawi)
|
الحبيب سنجاوى
حقا لقد حرمت طويلا ببعدى عن البورد فمثل هذه القفشات غابت عنى ردحا ولكن الحمد لله ان ناس سنجاوى مازالوا قابضين على الجمر ..
حقيقة رائعة يا سيدى وكم غابت على عبارات اشتاقها..
سحبت إيدا .. صرت عينا .. لفتت جيدا .. قالت ... بِـسْ
تبسي كديسة يا تاجوج
عاملة عيونك الحلوات
أنا اب شنبات تقول لي بِـسْ
حليل الكان يا سيدى
وواسل
| |
|
|
|
|
|
|
|
|
|
Re: حلمنتيش ... في درب الريد (Re: singawi)
|
حبيب القلب قرشو
حبابك انت الطال غيابك
لا أدري ما سر غياب المخضرمين هذه الأيام
أخص منهم بورداب المملكة
قل معي أين صلاح درار .. فالكون ، روبنسون ، الجعلي ، سيف كلي ، قيسان ، بت قضيم ، شرير والبرتقالة ، قرجة ، الطيب برير ، حسام هلالي ، جني ، ولياب ، هيما ، حميدة ، علي عثمان ، أما بناديها فوجعي عليه لا يوصف .. أسأل الله أن يسهل أمرهم ويجمعنا بهم على خير
بيني وبينك أنا ذاتي طلاتي بقت محدودة لذا بوستك دا يادوب وقع في عيني فمعذرة على التأخير .
أما القصيدة موضوع البوست فهي من بعض ما نفضت عنه غبار السنين وشاركتكم به . شكراً على الطلة وعلى الكلمات .
تحياتي
| |
|
|
|
|
|
|
| |
garjah
قرشـــو
فيس بوك
تويتر
انستقرام
يوتيوب
بنتيريست