|
|
 اكيد ما عارف ولا عارف
|
وما انكتبت وراك غنوه
ولا لقت الحروف مخرج
لا طير السقد سافر
وجاك عشيه ياحلوه
عزف روعة لقاك الحان
غرف من نيل هواك حنان
لبد بي لهفه فيك جوه
وما اترسمت عيون بعدك
إذا ما اللوحه من أول
رفاها النيل ...
إذا ما الصورة لو فتحت
مدن ما فيها قمر الليل
بكون ليلاً بلا معنى
يعير سمراً بلا مغني
مسكن في حشاهو الويل
وما اتمسك اليراع مره
ولا كتبت مخارجو حروف
إذا الحرف المكان سافر
فكيف يقدر بلا جنحين
على داراً بعيده يطوف
فيا الدنيا الزمان كانت
بترحل دهشه بين اتنين
حنان وعزاز ..
ويا العشرة اللي ما هانت
بعد ما فتنا ترحلي وين
تلاقي ملاذ ..
ويا زماناً سرق منيه
هي كيف الفرحه تتحول
وما هو الفينا والاول
يروح مرقه وشمار دنيا
وبتمسك اليراع شانك
لانو جمالك الزانك
ورقة روعة اوزانك
تحرك فيني كم غنيه
فيا زمني البلا معنى
هو كيف الزول يكون عايش
وماعارف ..
ولا عارف ..
وكيف الخاطر المكسور يلاقي الليل
عيونو تسيل دمع ذارف
وكيف الدنيا تغريهو ويفارقك نيل
وشوقك جوه عينيهو
زمن واقف..
فيا زمناً بلا معنى
اكيد ح نعيش معاك معنى
وتفضل انت في الأخر
اكيد اسف ...
اكيد اسف ...
اكيد اسف....
بامسيكا
المملكه - الرياض 9/6/2004
تحياتي
|
|
 
|
|
|
|
|
|
|
|
Re: اكيد ما عارف ولا عارف (Re: ابو جهينة)
|
الاخ الفاضل / ابو جهينه
لك كل التجل يا عظيم
انتم أهل الابداع والكلم
علي ما اعتقد انك بالرياض ايضا لي عظيم الشرف بلقياك
تحياتي مردوفة المعاني السامية لشخصك الكريم
| |
|
|
|
|
|
|
|
|
|
Re: اكيد ما عارف ولا عارف (Re: bamseka)
|
المبدع بمسيكا ..
والله القصيدة مبالغة .. دا من وين دا؟؟ وانت متين جيت الرياض؟؟ يعنى خلاص فارقت النيل .. وموية النيل .؟؟ والله فرحانه بيك يا بمسيكا ..كلماتك فعلا صادقة عشان كدا شعرت بها في جواي.. جميلة ومدهشة ..
واصل وانت فعلا ليك مقدرة شعرية فريدة
وادهشنا مرارا وتكرارا
سماح
| |
|
|
|
|
|
|
|
|
|
Re: اكيد ما عارف ولا عارف (Re: dreams)
|
صاحبة الكلم الملهم / احلام
رسلت ... ليك موج البحر ..... ما كلمك
مشتاق كثير عز الهموم وسط التعب بذكرك
اخبارك
غانم لاقيتو اليوم على الماسنجر طبعاً وكنت مريض خلال الشهرين المضو.. عملت عملية جراحية والحمدلله الان العال العال....
واشكرك جزيل الشكر يا احلام وبالله تحية خاصة للاستاذ هاشم صديق وكيف صحتو ..
تحياتي
| |
|
|
|
|
|
|
|
|
|
Re: اكيد ما عارف ولا عارف (Re: Teeta)
|
ام / الاء
صاحبة الكتابات والمواضيع المفيده .....
من اردانكم ياتي الابداع ويا بخت سودانيز واهلها بكتباتك ..
ومليون تحية للصغيره الاء / ربناء يحفظة ويخليها يارب
تحياتي واحترامي لشخصك النبيل
| |
|
|
|
|
|
|
|
|
|
Re: اكيد ما عارف ولا عارف (Re: حبيب نورة)
|
بامسيكا سلامات يازول عوافي
انشا الله يمرضو عدونك,,,,,,,
يوم رحيلك من اليلاد دارك مرصع بالسواد
بعدك خليتنابورداب الخرطوم من الدرجة الرابعة فكيتنا للجلابة وجيش الشعراء تعرف مرات كتيرة معاهم الزول بحتاج لي مترجم حتي نضمهم وغناهم,,كتر,, تقول هم من هنا وانت من كوكب اخر؟؟
وسبحان المولى زو الجلال ناس زينا,,
وماقايل روحي بلاقيك وبحدثك!!!!
الغريبة كلهم بكونوا طربانين وبرددوا مع الفنان الا انا وود الديم وفوكس 44 والحبيب نقعد نطفطف في اصابعينا ونخجل نبتسم نقول عشان مايقولوا متخلفين مرات نقرقر,,,
اها ياسيد الامنت ليك,,,,
خلونا من الدعوات بقت الشغلانية ام غمتي,,
الي حين عودتك تعال وارفعنا للدرجة الممتازة
| |
|
|
|
|
|
|
|
|
|
Re: اكيد ما عارف ولا عارف (Re: شمهروش)
|
شمهرووووووش عريس البورد
سلام يا رائع
والله مشتاق لكل الاخوان البورد بالخرطوم
والكل يشهد ليكم بجلساتكم ولقاءاتكم المميذه داخل الخرطوم لكن الظاهر عقبوني بورداب جدد لكن بعد دا حقو تكونو عضوية برئاسة الاخت احلام وانت طبعا ح تكون النائب عشان العزومات ما تكون ام غمتي يا قولك المشكله في فوكس وود الديم المابنضمو ديل ييمسكوهم شنو والله مشتهيكم يا جنا والشوق اسع خلاني اهضرب بيكم الله يرجعني ليك يابلد وتحياتي للجميع ياشمهروش حتي نلتقي
بامسيكا
| |
|
|
|
|
|
|
|
|
|
Re: اكيد ما عارف ولا عارف (Re: bamseka)
|
الاخ الفاضل بمسيكا
السلام عليكم ورحمت الله وبركاته
في البدء .. سلامتك وانشاء الله ذنباً مغفورا واجرا عظيما
وتانيا .. لا ما وصلتني اي رسالة .. او يمكن لغيابي المتواصل تكون ضاعت..
وانشاء الله يحقق الاماني وترجع الى ضفاف النيل ..
مع تحياتي
سماح
| |
|
|
|
|
|
|
|
|
 Re: اكيد ما عارف ولا عارف (Re: sama7-au)
|
الفاضل الاخ بامسيكا اولا الف سلامه ليك وكفاره انشاءالله .. اشتقت ليك كتير وافتقدتك خلال تواجدى الاخير بالخرطوم.. وزدنا من هذا الابداع ايها الشفيف الرائع.. وكن بيننا فان لك حضور العزب من الزكريات الجميله وكم اتمنى ان نجتمع مجددا فى ربوع الوطن الكبير ولك تقديرى وكل الود..ملهم
| |
|
|
|
|
|
|
|
|
|
Re: اكيد ما عارف ولا عارف (Re: mulhim)
|
بامسيكا ,, يازول بطعم الفافاي تعرف ياجنا الخرتووووووووم بعدك بقت فاضية
اخونا ود الديم لا بجدع لابجيب الحجار وفوكس خليه ساي اخير انا مرة مرة اشتر لكن مرات كويس,,
بعدين عاوزين نسمع الجديد والمفيد القصيدة مكربة تب بالقد
| |
|
|
|
|
|
|
|
|
|
Re: اكيد ما عارف ولا عارف (Re: شمهروش)
|
الاخت سماح
الله يسلمك وتسلمي من كل شر يارب
الرساله ليها اربعة ايام
الشمهروش
عارف يا شمهروش في قصيدة شايقية فيها مطلع عاجبني شديد انا دايما برددو مع نفسي كل ما احس مشتاق للخرطوم
البيت بقول
الافراح يدور يمشوله والاحزان تجيك في الباب
المهم تحياتي للجنون ديل بدون فرز
اشكرك
| |
|
|
|
|
|
|
|
|
|
Re: اكيد ما عارف ولا عارف (Re: mulhim)
|
الاخ الفاضل / عوض ملهم
والله لك كميات من الشوق يا غالي
واشكرك على الكلم والتعبير الجميل فهذا يعني اصلك ونساء الله اتو يجمعنا في القريب العاجل وتحياتي للاخوان خالد والجميع
تحياتي
| |
|
|
|
|
|
|
| |
bamseka
Habib_bldo
ابو جهينة
sama7-au
حبيب نورة
شمهروش
mulhim
فيس بوك
تويتر
انستقرام
يوتيوب
بنتيريست