|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
اتفقتوا علي يا ود العمدة وود الجيلي لكن انا ما بتصاقع انا حافظة الشعر بكل انواعه والدال دي تعقدوا بيها ود الماحي ما انا يلا اسمعوا دال الاغاني دون علي الاعصاب وارسم علي حسي جمالك الهباب في روعة الجرس واسطرلي بابا باب واقعد علي نفسي حتي يجف الشراب في حافة الكاس وفي الفية المتنبي دمع جري فقضي في الربع ما وجبالاهله وشفي أني ولا كربا
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: ود الشيخ)
|
في البدء نرحب بانضمام الاستاذ النصري لهذه الواحة.. ومن قولت تيت بادي بالدال الظاهر سهير موصياك LOOOOOOOOOOOOOOL
Quote: ويا ايهاب النصري دا ما ناقش اي حاجة في الشعر ما حافظ ولا بيت واحد راسه كله نيتورك وinformation tech. فتحسبه لي انا |
ماعندك مشكله يا سهير لكن بنديه ثلاثةايام ..اكان شرد بنحسب ليك كل القالوا بأثر رجعي ..ودي معلومة كويسة عن تخصص الاستاذ لانى سأكونب حوجه اليه ... ويا ود الشيخ اللام:
لولا المشقة ساد الناس كلهم الجود يفقر والاقدام قتال,,,
ولام ثانى...
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
لا تعطين الصبي واحدة يطلب أخرى بأعنف الطلب
باء
لكن عشان ما يكون البيت قصتو مبتورة نديكم بداية القصة
سألتها قبلة ففزت بها بعد امتناع وشدة التعب فقلت بالله يا معذبتي جودي بأخرى اقضي بها أربي فأبتسمت ثم ارسلت مثلا يعرفه العجم ليس بالكذب لا تعطين الصبي واحدة يطلب أخرى بأعنف الطلب
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
مساء الخير يا شبيبة دي مخصوص لبك يا عبدالباقي لانك بتحب شعر الاغاني شديد ما أخوها الجريء يامن عقباها وان كان اءد الرءبال بين اطرافها مخاوف أدناهن عد الهدي وقرب الضلال اها لكن الظاهر الريس بتاعنا ما عجبته خلاص يا ريس نشوف ميم تانية ما ذا الوداع داع الوامق الكمد هذا الوداع وداع الروح للجسدابو عمير الليلة وووووب الدال ما عندك سكة.
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: عبد الباقي الجيلي)
|
أخي عبد الباقى
(يا نسيبنا) الرائع بالله عليك ( سيبنا ) من حكاية الدال دى
وهاك القاف
قولي أحبك كي تزيد وسامتي فبغير حبك لا أكون جميلا قولي أحبك كي تصير أصابعي ذهباً و تصبح جبهتي قنديلا
نزار قبانى
لك التحية أخي ود الجيلي وسعدت حقيقة لشعورك الطيب نحو العقليين عامة وسعادة خاصة وياريت لو تكمل الحكاية انا فى إنتظارك ....
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: عبد الباقي الجيلي)
|
السلام عليكم يا شباب: اعود بعد غيبة وذلك بسبب وعكة اصابة جهاز الكمبيوتر ومازالت تراوده حمي الملاريا
وأهلا وسهلا بالأخ أمجد.. والثاء يا عبد الباقي:
ثاو علي صخر اصم وليت لي
قلبا كهذي الصخرة الصماء,,
همزه,,,
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
قريبي وهبه ...شتتوا ...ود الشيخ وين ؟
تعرف يا إيهاب الطيب..... عبد الباقي طلع قريبي برضو
وحياة صلة الرحم البينا تاني ما تجيبوا لينا الدال وفي الهاء
هذا الكتابُ إليكَ مِنْ زَنْزانَةٍ 000 مَقْرورَةٍ صَخْرِيَّةِ الجُدْرانِ
النون
بالمناسبة يا عبد الباقى .....شيخ الدريس ومقبل أولاد الشيخ الريح أقربائي بالجد
بس قول ليهم عمر قيلي
شكرا يا غالي
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
هاي إيفري بودي
عمر قيلي أيها القريب سلامات ، حلفتني بشيتاً مو هو هين تب .. وحرمتني من مداعبة الشباب بالدال
إيهاب حمداً لله على سلامة العودة .. دال .. ها ها ها
وفي اللام يقول أبو الفرج الأصفهاني صاحب الأغاني ..
لستَ الملوم أنا الملوم لأنني
أنزلتُ آمالي بغير الخالق ... قاف تاني
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
شكرا ياشباب علي الترحيب..
Quote: ايهاب ولكم باك ..بعدين يا باشمهندس ما تجدع كمبيوتر الحراج ده وجيب واحد جديد |
قالوا يا سهير الكمبيوترات في كندا رخيصة عشان كدا حاكون في انتظار لاب توب منك عشان نتواصل م الناس وكدا.. وفي النون ياعمر يقول ابن كلثوم:
نزلتم منزل الاضياف منا 000 فأعجلنا القري أن تشتمونا..
ونون ثانى...
وشكلك قدرت علي بقة ومسكته من الحته البتوجعه فتنازل [مؤقتا] عن الدال,,,
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
شكرا وهبا
تعرف بقة حجزتو من الدال جاب قافية آخره ثاء ...يعني قرب ينهي البوست الواحة دا ...والله انا أحترته يا أخوان في بيت فى الدنيا دي آخرو ثاء لغاية ما جاء الفرج وحمدت الله كنت بتاوق وبمرق أتاوق وأمرق .....
النون يا وهبا
نالت علي يدها ما لم تنله يد نقشا علي معصم أوهت به جلدي
ما تقول لي قيل ..لأنني ما راجعت
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
سلام يا شبيبة مرحبا ايهاب ولو تكرم عينك اللاب توب بندرج في محل غالي والطلب رخيص بالمناب انا والنصري شغالين في محل بيع وتصلبح انت تجيب لينا الزباين ونحنوما بنقصر معاك طبعا ابوعمير بدا يشمت قايلني زايقة من الدال لا استنا جلدي القافية ياء اسمع ياحبيبي كل شي بقضاء مابابدينا خلقنا تعساء يا ايهاب لو قلت مكرر راح اسحب منك ال DISCOUNT
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
عمر يا قريبي الحمد لله الدال المرة دي ما جات مني .. وللأخ أمجد أقول يا مراحب .. ولو كان يقصد أن يبقي جذوة التحدي مشتعلة فلن أبوظ مجهوده وفي الدال :
درس الزمان جديدها بيد البِلى
فالقلب يبلى والهوى يتجدد
دااااااال يا عمر الماحي .. والله ما مني ... وكل الحصل ما مني ..
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Ehab Eltayeb)
|
في طريق الليل ضاع الحادث الثاني وضاعت زهرة الصبار لا تسل عني لماذا جنتي في النار فالهوى اسرار يا هذا الذي يقضي علر جمر الهوى بالصبر يا بالله كيف النار تخفي النار
والله يا سهير و ماك طالبني حليفه انا قريت القصيده بتاعه مظفر النواب دي قبل ما اسمع مصطفى بغينيها يعني الاساس عندي القصيده ما الغنيه و القافيه راء
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: Amjed)
|
في البدء آسف لعدم التواجد دوما لملاريا و حمي تصيب جهاز الكمبيوتر بين الحين و الآخر
نرحب بٌتواجد الاخت العزيزه عاليه عوض الكريم وتوقيعها بالبوست وقطعا ما حيكون عندها مشكله مع الدال ولا غيره لانها ممكن تديكم قطع اخدر تأليف جديد وليتها تفعل وتظل معنا ....
Quote: ايهاب انا كنت حافظة البيت ده كالاتي نقل فوادك حيث شيءت من الهوي وطبعا انا ما دايرة اغالط الفطاحلة بس راجع القصيدة حتي تعم الفاءدة |
الأخت سهير آسف وكلامك صاح لكن نقل دي قدر ما فتشت ليها في راسي ابت تتطلع.. و يقيني انك تدرين ما تفعله بنا غربة اللغة ..
والقافيه ميم:
مررت علي المروءة وهي تبكي 000 فقلت علام تنتحب الفتاة..
قالت كيف لا ابكي واهلي 000 جميعا دون خلق الله ماتوا..
والقافيه تاء,,,,,
| |
|
|
|
|
|
|
Re: الشعر من نفس الرحمن مقتبس ,,, مطارحة شعرية,,, (Re: عبدالله وداعه الامين)
|
الشيخ ود الشيخ: حمدا لله علي السلامه وكيفالأهل بالسودان لقيتهم
العمده ود العمده سلامة الطله
اهلا وسهلا بالأخوين: أحمد اسد والشاعر عبدالله وداعة في هذه الواحة الوارفة بظلالكم مع فرسان الكلمه الجميله...
ويا عبد الله من الأول نازل دال,,
ويقول الأمام الشافعي
دع الأيام تغدر كل حين 00 فما يغني عن الموت الدواء...
| |
|
|
|
|
|
|
|