|
|
 في معني السلامه من هذا السلام .. نص شعري
|
الي الخال مجوب شريف :
ها مرّةً اخري ، هي ذات التبتبه ، حين الجماهير في بال القلب يقتاتون من وعي النشيد .
حلّقت الحمامه
في السما كايسه قامه
تشبه احتراما
لقوام ابتسامه
شاغلت الغمامه
قالت ليها كيفك ؟
و كانت سارحه جداّ
في معني السلامه
حين في الافق لاح
وجه الشعب غامض
و الحاكم بيضحك
رفع الرايه بيضا
و قال دون ارتياح
شكراً يا سلاح ..
و في ذات البراح
هبّت في القلب
اشواك كالرياح
اتزكّرت ورده
و كم زول بانبساط
شال ازميلو ينحت
شارع فيهو غابه
و مسطبه للغلابه
مات في السجن فجأه
بي تهم الكفاح ..
هل ممكن نسلّم
نفس الارزقيّه
و لّا العسكريّه
حلمنا بالقضيّه !؟؟
يا غصّة بنيّه
في ساعة العشيّه
و يا قهوه في نهاري
و الاحزان جواري
مشغول بالحبيبه
بالي غريق في حالي
و مبلول بالحنين
يتأمل شويّه
في الدفتر يسطّر
احلامو و يفكّر
تاني في كم قضيّه
ريحة فجّه حرّه
عدل و احترام
للفكره البتشرح
كيف نبنيهو بلدي
و الناس البساط
يلقو الانبساط ..
عفواً يا حريف
هي ذات الحمامه
تفضح ايد سلامك
ممدوده و بتنضح
بالدم العنيد
بسأل باحترام
لو ممكن تقيف
نقعد هسّه نجرد
في الواطه الحساب ؟
حق الام تفكّر
ليه غاب النهار
و كل ما الشمس تطلع
يزداد الحصار !؟
حق النيل يعبّر
عن غبنو المحكّر
في الطمي والرزاز !؟
حق الفجّ وجعو
هاجر للبعيد
ان يلقي الجواب
عن تشريدو غصباً
ضرباً في السجون
حتي كما الفراشه
حين الباب موارب
طار في الجو و غاب !؟
حق عامل بيعرق
شان يلقي الطعام
ان يشهد تماماً
في كل المحاكم
عن وعي انتباهو
و عذوبة صمودو
ضد تعذيبو فجراً
و النسمات بتقدل
في وجهو و بتسأل
عن هذا الحريق !؟
و حق البت كمان
تمسك في ايديها
حزنها كالكمنجه
تعزف لحن صاخب
فيهو الاسئله
عن شوق مستخبّي
بين لهفة نشيدا
و أسلمة احتشاما
و هضربة العقول
لمّا الامنيات
ان تتساوي حبّاً
تلحق كتف اخوها
يحرما الصديق
دندنة المعاني
انسنة الاغاني
و طنطنة الهتاف !؟
سوا في ذات طريق
نجدع في البعيد
طوبه و نبني اوضه
نرقد بارتياح
في ضل حتّه طاعمه
و ناعمه
تجي البلد
لابسه الفرحه بيضا
زغردت القطاطي
في التو و السواقي
نبّهت الازقّه
بي اجمل محبّه
للوطن الفسيح ..
هل ممكن تكون
كل هذي الشجون
و الحلم البيوقد
في هامش طريقنا
و في عمق المتون
فجأه مع انهزامك
و زيف نكهة سلامك
صار مافيش وقاعد
مشتعلاً هناك
و هنا في قلبي لابد !؟؟
لااااااااااااا
و اعرف بأنّك
رغم احساسو خوفك
بالراحه ودفوفك
حنّت للموسيقي
لكنّك في ظنّك
عارف انّو طبعاً
لمّا القمرا فوق
تعلن ضو نشيدي
الاوراق في ايدي
حتفضح ما دفنتو
تحت التربه جمبك
من ظلمك و نهبك
من انشغالك بي ذاتك
و شعبك منسي
و كل مقلب
بتموت الاماني
فيهو و كم بعاني ..
حسناً يا حريف
لا جنحت ايادي
شعبنا لي سلامك
بس
يلّاك نقعد
نجرد ليك حسابك
و اكيد انهزامك
حيكون يوم عقابك
هي ذات الحمامه
في السما كايسه قامه
تشبه احتراما
لقوام ابتسامه
في عتمة حطامي
شاغلت الغمامه
قالت ليها كيفك ؟
و كانت سارحه جدّاّ
في معني السلامه
في معني السلامه
في معني السلامه
من هذا السلام .
عاصم الحزين / الخرطوم ذات شوق لوطن معافي / يونيو 2004
و
سلام حتّي مطلع الامر
|
|
 
|
|
|
|
|
|
|
|
Re: في معني السلامه من هذا السلام .. نص شعري (Re: عاصم الحزين)
|
Quote: حين في الافق لاح
وجه الشعب غامض
و الحاكم بيضحك
رفع الرايه بيضا
و قال دون ارتياح
شكراً يا سلاح .. |
..................
Quote: هي ذات الحمامه
تفضح ايد سلامك
ممدوده و بتنضح
بالدم العنيد
بسأل باحترام
لو ممكن تقيف
نقعد هسّه نجرد
في الواطه الحساب ؟ |
.......................
Quote: هل ممكن تكون
كل هذي الشجون
و الحلم البيوقد
في هامش طريقنا
و في عمق المتون
فجأه مع انهزامك
و زيف نكهة سلامك
صار مافيش وقاعد
مشتعلاً هناك
و هنا في قلبي لابد !؟؟ |
.....................
Quote: في معني السلامه
من هذا السلام |
............................
| |
|
|
|
|
|
|
|
|
 Re: في معني السلامه من هذا السلام .. نص شعري (Re: عاصم الحزين)
|
Quote: هي ذات الحمامه
في السما كايسه قامه
تشبه احتراما
لقوام ابتسامه
في عتمة حطامي
شاغلت الغمامه
قالت ليها كيفك ؟
و كانت سارحه جدّاّ
في معني السلامه |
الاخ عاصم السعيد:
لك التحايا وانت تنشر الفرح والامل..
وتزيل الحزن والالم من سماء هذا البورد..
| |
|
|
|
|
|
|
|
|
|
Re: في معني السلامه من هذا السلام .. نص شعري (Re: عاصم الحزين)
|
حقيقة هذه القصيدة تعبر عن كل شئ
هنالك سلام ارادت السلطة ان يكون بينها
وبين الحركة واستبعدت منه القوى السياسية
الاخرى وولد بذلك مبتورا
ان عدم ربط السلطة السلام بالديمقراطية
يؤدى الى خلل فى مفاهيمها ولاندرى
الى اين ستؤول الامر
نعم عزيزى عاصم بالشعر وبغيره نستطيع ان
نجعل السؤال مطروحا
ايه معنى السلامة فى هذا السلام
| |
|
|
|
|
|
|
|
|
|
Re: في معني السلامه من هذا السلام .. نص شعري (Re: zumrawi)
|
زمراوي ايّها الرجل الجميل
كيفك ؟
لن نهادن
و يظل حق السؤال عن المحاسبه ، ارجاع المفصولين من الخدمة العامه دون وجه حق ، التحقيق العادل فيما يخص المفقودين منذ 89 بعد دخولهم للمعتقلات مثل الشاعر الوريف ابو ذر الغفاري وغيرهم ، تقديم الذين مارسوا التعذيب ضد شرفاء بلادي من المناضلين ، و ..............الخ
لن نهادن
و ربما تكون القصيده .. الاغنيه تماماً مثل رصاصة البندقيّه وهي تعمّر وجدان البني آدم صافي النيّه بالهتاف ضد الحكّام اللئام وايضاً لك التحايا يا صديق .
و
سلام حتّي مطلع الامر
| |
|
|
|
|
|
|
|
|
|
Re: في معني السلامه من هذا السلام .. نص شعري (Re: عاصم الحزين)
|
يا غمامه
الى متى؟؟؟؟
حراس النوايا وتجار المرحله
الى متى؟؟؟؟
والصامتون/ات والباحثون/ات (وهما) عن السلامه الخاصه وهم لا يعلمون ان خنجر الفاشي سيشاركهم سرير النوم ولبن الرضاعه و افكارهم سيقصقصها و لن يتوقف الا وهم معلقون/ات على نفس الليل جنازات او افواه لاتنطق
لالالالالالالالا
| |
|
|
|
|
|
|
| |
عاصم الحزين
إيمان أحمد
Ehab Eltayeb
Elmosley
فيس بوك
تويتر
انستقرام
يوتيوب
بنتيريست