|
|
 Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية (Re: Omer Abdalla)
|
س: ذكرت فى آخر حديثك أنه كان الحزب الجمهورى من الأول إسلامى النشأة وظهرت الفكرة أنه يسمى بالحزب الجمهورى الإسلامى .. أنا قبيل كان سؤالى عن الأشياء القام عليها الحزب الجمهورى ماذكرت لينا فيها شيء نعرف بيه الصورة الكانت .. الفكرة الإسلامية كان تصور الناس ليها فى الوقت داك شنو؟
الجمهوريين اللى اقترحوا أنه نسميهو الحزب الجمهورى الإسلامى ، اقترحوا لسبب أساسى هو أن يكون فى تمييز بينا وبين الحزب الجمهورى الإشتراكى .. المفهوم بتاع الإسلام عندنا ، أول حاجة ألا ننتسب للأسماء الإسلامية ويكون محتوانا ما إسلامى ، ونحن كنا بنعرف الأسماء الإسلامية كانت كتيرة جدا بدون محتوى .. ونحن قلنا إذن نخلى الإسم كأنه مدنى لكن نعمل على أن يكون المحتوى إسلامى .. دا كان مفهوم عندنا من بدرى .. عشان كده ما قصدوا بالإسم أن يكون يدل على أننا نحن حزب إسلامى ، لكن قصدوا التمييز ، ولذلك الرد جاهم فى أنه التمييز دا ما ضرورى لأنه القاعدة بتاعتنا أننا نحن ما نهتم بالأسماء الإسلامية لكن يكون محتوانا إسلامى .. أماالسبب دا فهو سبب ما هو قوى ليغير وضعنا لأنه الحزب دا بموت .. التصور الإسلامى ، دا فى الحقيقة موضوع أساسى فى مسألة الحزب الجمهورى من ما نشأ – من نشأته الأولانية ، ودى كانت فى يوم 26 أكتوبر عام 45 .. بالمناسبة دى نحن قطعنا 30 سنة من عمر الدعوة دى مما نشأت فى 26 أكتوبر الماضى ، وعندنا هسع برضو كتاب للإحتفال بالتلاتين سنة دى .. فى حاجة إسمها "السفر الأول" ، طبع فى وقته ، تاريخه 26 أكتوبر عام 45 يقول فيهو أنه لابد من الرجوع للإسلام وللمعين المصفى من الكدورات الحصلت ليه ، يمكن تكون العبارة زي كده: المعين الذى شرب منه عمر وأصحاب عمر .. بعث لا إله إلا الله نقية نظيفة وأنه دا المفهوم الكان عام ، الإسلام موش هو إسلام الأزهر ولا إسلام المعهد العلمى ولا إسلام الفقهاء ولا القضاة الشرعيين ، دى صورة خالية من المحتوى ، إسم بلا محتوى ، الروح ماتت فيه ، لابد من البعث .. بعدين نحن فى الحقيقة ما كنا بنقدر نعمل أكثر من مجرد الشعور بالحاجة الى البعث الإسلامى .. فى وقتها كان فى حيطة شديدة وحذر شديد من مواجهة الإستعمار .. الحركة الوطنية ما واجهت الإنجليز .. الإتحاديين مشوا عاشوا فى مصر ولعله نسيت أن أقول لك أنه لمن مشى الوفد المكون من الفريقين ، الإستقلاليين لما ما وجدوا استقبال كويس من المصريين رجعوا وظلوا الإتحاديين مكرمين في مصر والحقيقة بيسكنوا في اللكوندات الغالية ، في الكونتينتال وشيفرد ومسائل زي دي وتنفق عليهم الحكومة المصرية ، دا في سنة 46 و47 .. بقى الناس الممكن يواجهوا الإستعمار هنا ، اللي هم الإتحاديين لأنهم هم ضد الإنجليز مافيشين في الميدان ، زعماء الحركةة دي في مصر .. والحركة الوطنية هنا زي النايمة .. الناس الهنا ، ناس الصف الثاني كانوا يتلقوا الأخبار من مصر ، حصل شنو في المفاوضات وحصل شنو في الإتصالات بالنحاس وبالزعماء الشعبيين زي النقراشي وأحمد ماهر .. الإنجليز كانوا أنشأوا مؤسسات دستورية متجهة لأن تطور السودان نحو الحكم الذاتي زي ما زعموا هم، حتى الحاكم العام هدلستون كان بيفتكر أنه في عشرين سنة يمكن للسودانيين أنه يمارسوا الحكم الذاتي تحت رعاية الإنجليز وتدريبهم وكان في ما سمي بالمؤتمر الإستشاري لشمال السودان المديريات الجنوبية ما فيهو .. آها دى ناس حزب الأمة اتعاونوا فيها ، كان عندو وزراء وكان عندو نواب ، حصلت مقاطعة ليهو من الإتحاديين .. وبعدين الإنجليز لما شافوه زى ميت قاموا أنشأوا حاجة إسمها الجمعية التشريعية ، الجمعية التشريعية دى برضو اتعاونوا فيها ناس حزب الأمة .. فكأنه الإستقلاليين ماشين مع الإنجليز فمافى مواجهة ، والإتحاديين مشوا مع المصريين وسلموهم القضية ومنتظرين هم يعملوا فيها شىء فى المفاوضات ، فمافى مواجهة .. أصبحنا نحن شاعرين بأنه الفكرة المطلوبة للحركة الوطنية نحن ماعندنا تفاصيلها ، هى الإسلام مبعوث من جديد .. المواجهة للإستعمار برضو دى الحركة الوطنية كانت فاقداها .. نحن قلنا فى فراغين: فراغ الفكرة وفراغ الحماس .. وقررنا بعد ما كتبنا السفر الأولانى أننا بنستطيع أن نملأ فراغ الحماس فى الوقت الحاضر ، وفيما بعد نشوف فى الفكرة نعمل شنو - فى تفاصيلها ، ماكانت عندنا .. وبقت مواجهتنا للإستعمار البريطانى عنيفة جدا الى حدود أسطورية يعنى .. كان الجمهورى – الأخ أمين صديق بالذات ، كان يجىء فى "سوق الموية" العندكم هسع بالصورة دى ، ويسحب ليهو طربيزة كبيرة ويطلع فيها ويخطب فى الناس .. كنا بنستفز الناس بالجنوب ، أنه الإنجليز نواياهم مبيتة لفصل الجنوب ولذلك جعلوا المؤتمر (المجلس) الإستشارى لشمال السودان ونواياهم كلها فى أنهم يفصلوه .. فدا كنا بنحمس بيهو الجماهير .. بعدين مسألة الخفاض الفرعونى برضو دا المؤتمر الإستشارى لشمال السودان كان مرر قانون فى الناحية دى .. فنحن شفنا النقطتين ديل حساستين جدا فكنا بنحمس بيهم الجماهير .. فكان أمين صديق يخطب بالصورة دى والبوليس يقيف يعاين ، عندهم تعليمات أنهم ما يتعرضو للجمهوريين ، ديل ناس قليلين ، ماعندهم سند ، ماعندهم أثر .. لعله إذا السلطة اتعرضت ليهم بالسجن يجعلوا بطولات وطنية منهم – أبطال وطنيين .. وكانوا يقولوا الكلام دا .. فمشينا فى المواجهة دى لغاية ما حصل أننا كنا أول السجناء الوطنيين .. يونيو عام 46 كان حصل سجن ، بعدين حصل إفراج .. والسجن دا يمكن ماضرورى نمشى فى تفصيله كتير ، لكن حصل بمناسبة الخفاض الفرعونى والقانون اللى طلعه المجلس الإستشارى لشمال السودان – دا القانون الأخرجه ونحن كنا فى معارضة شديدة ليهو .. النقطتين ديل كانن حساستين واشتغلنا فيهم شغل كتير لكن برضو مهما كان وضع الإنجليز فى التطنش مننا ما استطاعوا أن يحتملوا الموضوع دا .. خرجت مناشير – نحنا كنا بنعمل مناشير بالرونيو وبنوزعها على الناس وبنمضاها بأسمنا ، فكان فى واحد اعتبروه دا مثير للأمن واعترضوا عليه فنتج منه السجن الأولانى بعدين حصل إفراج بعد زي خمسين يوم .. السجن التانى كان فى حادث خفاض بنت فى رفاعة – القضية دى مشهورة بين الناس .. دا كان برضو فى أغسطس 46 .. دا استمر سنتين .. بعدين الحركة الوطنية دب فيها الحماس .. سنة 48 بدوا الزعماء ينسجنوا فى معارضة انتخابات الجمعية التشريعية .. وكان معروف أنه المصريين قالوا للزعماء الإتحاديين المقيمين فى مصر: إنتو بى قعادكم هنا ما بتدللوا على أنكم إنتو فعلا بتستحقوا الإستقلال ، إنتو حقه تمشوا فى السودان وتقاوموا وصوتكم يرتفع ودا بزيد فى وزن الحديث باسمكم بأنكم بقيتو شعب واعى تستحقو الاستقلال .. فرجعوا وابتدا ينسجن أزهرى ويحى الفضلى وعدد من .. دا فى سنة 48 ونحن بدينا السجن من سنة 46 .. فشعرنا أنو - زى ما كنا بنقول زمان - فراغ الحماس بدا ينملى ، فراغ الفكر فاضى .. بدأ تفصيل ماسميت فى الأيام دى الدعوة الإسلامية الجديدة ، اللهى فكرة الحزب الجمهورى فى بعث الإسلام وإعادته لقوته البتغير أخلاق الناس وأفكار الناس .. أهى دى بداية الفكرة الموجودة لغاية اليوم بتنشرح وتتبسط ويكون فيها التأليف وكدة .. دا سميناه ملء فراغ الفكر ..
|
|
 
|
|
|
|
|
| العنوان |
الكاتب |
Date |
| بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-02-07, 01:21 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Yassir Tayfour | 01-02-07, 08:51 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | adil amin | 01-02-07, 10:43 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | محمد أبوجودة | 01-02-07, 04:18 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-02-07, 07:26 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-02-07, 08:11 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-02-07, 08:22 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-02-07, 08:28 PM |
 Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Yasir Elsharif | 01-03-07, 12:44 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-03-07, 06:59 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-04-07, 03:01 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | على عمر على | 01-04-07, 03:38 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | تبارك شيخ الدين جبريل | 01-04-07, 04:17 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Osman Musa | 01-04-07, 06:08 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Mohamed Adam | 01-04-07, 09:17 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-05-07, 00:48 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-05-07, 00:55 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-05-07, 01:01 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-05-07, 01:25 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-05-07, 01:30 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | adil amin | 01-05-07, 06:59 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-06-07, 07:34 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-06-07, 07:36 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 01-06-07, 08:55 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-07-07, 06:51 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-07-07, 08:25 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-09-07, 02:29 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 01-11-07, 06:29 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 01-13-07, 06:41 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 01-13-07, 08:08 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | kh_abboud | 01-13-07, 08:39 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | kh_abboud | 01-14-07, 08:38 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-15-07, 10:26 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 01-17-07, 00:12 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Abu Eltayeb | 01-17-07, 07:04 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-17-07, 03:59 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 01-17-07, 06:11 PM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Omer Abdalla | 01-18-07, 02:49 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 01-19-07, 03:23 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 02-08-07, 06:29 AM |
| Re: بمناسبة ذكرى الإستقلال ، الأستاذ محمود يتحدث عن نشأة الحركة الوطنية | Haydar Badawi Sadig | 03-08-07, 00:33 AM |
|
| |
Omer Abdalla
فيس بوك
تويتر
انستقرام
يوتيوب
بنتيريست