|
|
|
 Re: القانونى عصام حسين حسن - اهلا بود مدنى اهلا بود بثينة (Re: بدر الدين الأمير)
|
مرحب والف مرحب بالوافد الجديد الاخ عصام حسين
فارسا اخر امتطي الان ظهر جواده ليسافر معنا عبر هذا الوطن الجميل
فهاهي الدوحة تواصل نثر جمالها وحلاوة(ازوالها) وترسل لكم الاخ الجميل عصام حسين
ليصبح اضافة جديدة في هيكل بوردابها السرمدي.....
شكرا بدر الدين الامير لهذا الخبر...ويا عصام مقعدك محجوز بين صفوف حزب الجمال والدهشة..
(وعليك الله اختا ودرملية ده)
| |
 
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: عبدالكريم الامين احمد)
|
سلامات
وعوافي
مراحب عصام حسين ..
ان كانت السماء في اسافيرنا ينقصها وميض نجم "اليق" ومتأنق بثوب "الصباح" فهاهو يسرد المسافات نحو الضوء ويشرح البون بين الليل الاليل والصبح البهيج .. نجم رقيق يضحك كل يوم عند الغروب "فتبرز اسنانه بالضياء" ليشق عتمة المساء .. وما المساء ان لم تتراص علي صفحته مباهج الانوار السرمدية ..
وعصام حسين هو ذا النجم وذاك الضياء ..
مليون مرحبا عصام والمقام ضاقت عرصاته ليتسع حفاوة وتباشير ..
كن هنا .. نكن هنا .. نكون جميعنا الي جوار الجمال ..
.............
وللزميل عبدالكريم الامين اقول:- عصام ياسيدي يحمل في اوردته وشرايينه انزيمات الجمال .. وهذا الجمال هو نفسه الذي نسعي نحن في "حزبه" الي جعله ممكنا للجميع .. جمال يغطي كل المساحات البلهاء لينشر بين الناس المحبة والمودة والوئام .. ولا اظن بان عصام سيحيد عن ذلك .. ومن الاه الجمال يستحق كل هذا العناء ..
في جوارك جوارنا ياعصام ..
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: إسماعيل التاج)
|
سلامات
وعوافي
Quote: شكرا بدر الدين الامير لهذا الخبر...ويا عصام مقعدك محجوز بين صفوف حزب الجمال والدهشة..
(وعليك الله اختا ودرملية ده) |
هاهاهاهاهاهاهاهاها يجازي محنك ياكيكي لكن اسمع دي :-
مازال الزميل كيكي يترصدنا في زقاقاتنا الاثيرية .. ولولا ان "الكوماج" في هذا المكان سيكون له عقب وعواقب "قانونية" أثرنا ان "نلوك الصبر" فكيكي عدونا اللدود وان جمعنا "حزب الجمال" ذاك الذي سقينا بذرته الاولي بدموعنا ودماءنا يوم ان كان "كيكي" سادرا في غيه مبتعدا عن مضاربنا بفراسخ كونية عريضة ... ثم تاب "واستتاب" علي يدينا ليتذوق طعم "الجمال" من كؤوسنا التي اعددنا "عصيرها" بصبرنا ومثابرة"الريس " المجيد راندوك ..
عليه نرحب بالزميل الاستاذ عصام حسين "عضوا فعالا" في التنطيم منذ ان "وطأ" كيبورده "ارضنا الاسفيرية" ..
وياعصام انا وانت بيناتنا "نسب" صاح .. يعني خالك عمر سنهوري زولنا مافي شك ..فارجوا ان لا يضرم "نافخي الكير" نار الاحتراب بيننا ويغذوها بمثل "اختا ودرملية دا" فدحين يازول انت من هسي متمرس معانا في خنادقنا العتيدة .. والا ما كدا يا ابوالنسب ؟
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: بدر الدين الأمير)
|
مرحباً بعصام حسين للمرة الثانية
ويا ريس
هناك وين ؟؟؟؟؟
دي ذي طالعني وراء السكة حديد
خلي بالك اللعب كسر
أنا الوحيد الفاهم وما حأشرح لعصام حسين ..
والكلام داخل المنبر على مسئولية صاحبه ..
ذي الهدوم في بيت النمل
وباب الحمام المتاكة
وهناك القنبلة المؤقوتة تحت عنوان (.........)
أبو الشباب كان جاء بي هناك يمروقو الجليل الرحيم
أصلوا عندو قرابة بي ناس .............
الباقي بالتلفون
سلام
ياسر
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: بدر الدين الأمير)
|
Quote: طيب يا بركة ما تحرك لينا بكري أبو بكر
صحبك منتظر بفارغ الصبر
همتك معانالاكتمال العدد
0 |
ابو الياء
عارفك ذكي وبتقشها طايرة
مشكلة باقي الرقم عملها في نفسو براهو
بدخولو الغلط
غايتو عشان الملح والملاح حانقول فيهو كلمات طيبات
خاصة دكتور عدلي محمد حسين في البلد وبيسال عنو سؤال الضهبان
وكذلك عن بللي الذي { أثرى } بليل
أحسن حاجة في مداخلتك
النقطة الظاهرة على أخرها والمصنقرة في سطر براها
تاكيدآ ل { فنتو }
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: بدر الدين الأمير)
|
مرحبا بالأستاذ عصام إضافةً تؤجج نار المعرفة بين عشاقها في منبرنا الحر
وأسمحوا لي بتكرار السؤال..(هل هو ود بانت أخو عادل وعماد؟)
فإن كان هو هو فهذه تخريمتي - طرف أبو ساندرا " ما باقي غير دمباش و عصام نور المدينة"
وإنها لجهةٌ تأخذنا إليها كلما (طمستنا) الأخريات،وبشروا الباندودث بأن بوست العيدروس سيتخمه وسيصعب عليه حتى أن يحجل.
محمد محمود
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: Mahmed Madni)
|
بدرالدين الامير
دائما كعادتك تجلب لنا الفرح والسعادة نرحب معك ترحيبا حارا بالاستاذ عصام حسين وفي انتظار عادل سيداحمد واهديك هذه الابيات
في هذا المجال اللي مقامكم يحوي
اسمحوا لي اقول بالدارجي او بالنحوي
اقسم بي اخاكم وبي شعوركم نحوي
لاانساكم ابدا في منامي وصحوي
واشخاصكم جميع لي فيها صداقة
بي حب بي وفاء واخلاص اعز علاقة
اما الدنيا بالموت والحياة فراقة
لو طال العمر لابد ان نتلاقا
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: Mahmed Madni)
|
بدر الدين ..
أول مرة تقول شي يفرح ..
أول ماعرفت من أولاد حسين كان عماد ..
زول نسمة , و أخو أخوان و كلس ..
جواد و زول قفشة راقية و وسيم في شكلو و كلامو ..
سمعت بعصام من عماد و ميرغني وداعة ..
بعدها سمعت بيهو من عادل سيدأحمد ..
الناس دي كلها أجمعت إنو عصام زول رايع رايع .
جيت الدوحة .. أفتش للروعة .
( فبهت الذي كفر ) .. وش عرفت بدر .. و نجدي .. قلت يا ساتر ..
عبدالرحمن بركات .. قلت يا لطيف اللطف .
و .. كر بقية العقد الفريد .. ناس زي الورد ينسوك ( الصدمة الأولى )  ..
ثم .. جاء عصام الجميل ..
فعرفت أن من قال عنه لم ينصفه ..
و أنني أبدلت الجغرافيا المكان فقط ..
تركت عماد حسين في الرياض ..
لعصام حسين في الدوحة ..
و كلاهما أجمل من الآخر .
لقيت الدوحة أحلى .. 
يديك العافية يا زول يا سمح ..
و وجودك هنا ح يضيف كتير و كتير .. أكيد .
بس ..
أعمل حسابك يا عصام ..
لو عندك ( عِدة ) خزف سمحة و عاجباك .. لمها 
شكرا يا بدر
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: مهدى الصادق السيد)
|
بداية ، أُحي فيكم تحيتي كعضو جديد ، حتى أستظل بظلالكم التي كان لها أكبر الأثر في أن يرجع سريان الدم مليء بالود والعواطف والانفعالات الصادقة ولأبقى بمصاف المهمومين بقضايا الإنسانية والوطن ،
إبتداءة أولى بعد بداية سابقة ـ أقف أمام قامة الأخ بتقارب روحي العزيز بكري أبوبكر ولا لي ما أحمله له غير أن أقول له تقديري لك يفوق جهدك في هذا النجاح الهائل مع فريقك حتى تكون لنا نافذة نتناول من خلالها هموم الوطن المسلوب ، ثم تتوالى الإبتداءات ، الأعزاء بدر الأمير أخي دون شك فاتح هذا المشوار والذي بإشارته لود بثينة أشعل فيني حالة من الوفاء المطلق لتلك البثينة ، كيكي الجميل وود رملية شقيقه في الجمال فأنا منكم قلباً وقالباً ، حبيبي عاشق مدني محمد السني دفع الله ، الباشمهندس العبقري معتصم الطاهر لن تسلبني بوشاية عظمة بانت في داخلي ولعلمك أن بانت لها عشق يفوق كل الأشياء فهي التي وهبتني الأمان ، وما كان رد الأستاذ أبوبكر حامد إلا استهجانا لوصف لا يُأطرني ، وأنت في القلب . العزيز مولانا إسماعيل التاج الرجل الذي لا يُنسى وهو على كرسي القضاء حين كان . نشأت إبن حتتي التي أُحبها قرأت لك كثيراً في صفحة مدني فلك الود وللأهل ، العزيز بهاء الدبن بكري صاحب الحضور المتناهي حينما نجلس في معية الكبار فله طريقته التي لا تشبه أبناء جيله في قدسية الأشياء والشخوص التي تستحق ، الأخ معاوية الطيب من خلال ياسر حامد تضأ الأماكن بك وبكيكي وودرملية ، محمد ميرغني النقي لمن يريدون رؤية ذلك فأنت مني وأنا منك نلتقي عند العم عبدالهادي فضل وكل منا له آلية للتقارب ، الأستاذ عبدالرحمن بركات فلتكن تحيتي منكم نافذة نتوقع منها الكثير المفيد وليس مبدأ أُعنيك يا جارة ، ولك مني الود لشخصكم ذو الشخصية الساحرة ، وإن كنت أعرف عنك حالة تسامح لكن الظاهر لكم وجه آخر فلنحذر ، الصادق صديق إبن أختي لك الود يا حبيب وحأرجع ليك تاني ، محمد محمود الشيخ ( محمد مدني ) أفتكر إنك طيرت عبدالغفار من مدني بعد أن ملأت بجمالك وجمال أسرتك المدينة وافتقدناك كثيراُ يا أجمل من كتب القصيد والعزاء لنا في من افتقدناهم من أسرتك ، سُعدت بتلفوني لك في حضرة الأستاذة سلمى الشيخ سلامة عندما كانت في الدوحة ولي عودة لك يا هذا الكم الهائل من الجمال ، متولي يا من سرق الدوحة في طائرته فذهب يحمل جمال مميز بتميز أولاد الهند وتمت سرقة صلاح صاموتي نهاراً إنشاء الله بلد العم سام استوعبت فيه الرأس المدور ذي مروحة التربيزة ، معتصم العيدروس أنت ذلك الذي نعرف من خلاله أين نقف رياضياً وأعيب عليك عدم الاهتمام بالمناشط الأخرى بمدني فلقد أصبحت في خبر كان ، بلغ ناس الإنقاذ لإنقاذها يا صاحب الوجه الجميل المشرق للمدينــــة . الأخ أبوبكر ( الوالي ) فداسي بعد جمال بقت عاصمة مدني وفقاً للوضع الجديدللسودان وأعمل حسابك ناس عوض الله بشاكلوك ، محمد عبدالرحمن فأنتم الجمال كما أبو لبيد الأمير ، العزيز عماد عبدالله أنت زرعت نخلة سامقة ولودة بأصالتك وفنك في عمق كل المدينة تلك التي اخترت مدخلاً لها أستاذي ميرغني وداعة وصديقي عادل سيدأحمد فقد رسما صورتك بإتقان متناهي فينا يا جميل ، أبوبكر حامد أخي الأصغر ما تسمع كلام معتصم بانت دي لن تفلح أمريكا في انتزاعها من قلوبنا ولن أدعي لغيرها ، وأفتكر معتصم لم يقرأ هندسة المدنية جيداً لكان عند التعظيم أن إختار بانت ، العزيز مهدي الصادق السيد المساحة الجميله لوجه مدني موجود عندكم ويكفيني أن بها عماد حسين حسن ومحمد الحسن الشايقي وبقية العقد الفريد ، مع مودتي لكل أهل المدينة الحالمة .
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: بدر الدين الأمير)
|
Quote: العزيز أبو ساندرا
عاطر التحايا..بالتأكيد مكالمتين وليست واحدة لأن الأولى حتكون حقتك بس خِف وإيدك على الماسنجر وكم كبسة كي بورد كدة أرمي الأرقام (التلاتة) ها ها ..وليك علي مكالمــــــــات لامن تآمَن!!
تحياتي
لكن ما قلتو لي ياهو عصام بانتنا؟ |
العزيز الفخم / محمد محمود الشيخ { محمد مدني }
عصام حسين جاوبك مع إنو عامل فيها من الدرجة
عارفك تعبان وعايز تعرف المشتاق ليك أكتر مني منو
إتصل في هذا الرقم 09745609538
عشان تآمن إنت في الأول
بس أوعك تموت من الفرح
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: بدر الدين الأمير)
|
| Quote: الأستاذ عبدالرحمن بركات فلتكن تحيتي منكم نافذة نتوقع منها الكثير المفيد وليس مبدأ أُعنيك يا جارة ، ولك مني الود لشخصكم ذو الشخصية الساحرة ، وإن كنت أعرف عنك حالة تسامح لكن الظاهر لكم وجه آخر فلنحذر ، |
العزيز عصام حسين
من يعرني دبوسآ ألصق به الشهادة أعلاه على صدري وأزهو
ثم
البيحذر بيربي عيالو
ومني مابتشوف غير الوجه الذي تعودت عليه
سمح طلق المحيا ومتسامح
شفت كيف؟
| |
|
|
|
|
|
|
|
|
|
Rلةe: القانونى عصام حسين حسن - اهلا بود مدنى اهلا بود بثينة (Re: Tragie Mustafa)
|
بدرالدين يا أمير
شكرا لتوسيعك لحواكير قبيلة القانونيين في المنبر.
أستاذ عصام مرحب بيك وشرّفت المنبر وانا جديد و سعيد بس نصيحة أخويه خلِّي بدرالدين يراجع معاك ال manual قبل ال ignition , وبعد كده كان تاني يومك كفّا لي عملك تعال لومني.
من هسه بقول ليك في أفكار جميله حأكلمك بيها في المسنجر.
لك الود والترحاب وشكرا للبدر مره اخرى
| |
|
|
|
|
|
|
|
|
|
أهلا بعصام حسين حسن ابن مدني الجميلة (Re: بدر الدين الأمير)
|
كل هذا الترحيب الجميل !!!!!!!!!
يا ريت لو كنت أصغر شوية عشان أقول لوووووووووول
كما تقول ابنتي فرح ذات الثماني سنوات.........
عشان تأمنوا انه ناس مدني أحلى ناس وأجدع ناس
واكرم ناس وأظرف ناس ....الى آخر أفعل التفضيل
أهلا بك عصام ابن أستاذنا حسين حسن وألف ألف هلا
فاروق حامد (أبوناصر)
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: الصادق صديق سلمان)
|
الغالي / عصام حسين تحياتي وأهلا بك في هذا المنبر العامر ـ ويا أخوي تعال النوصيك والوصا بالمهلة واسمع كلام من يبكيك وما تسمع كلام من يضحكك ويضحك فيك .
احذر ثم احذر هذا المدعو ود الأمير وما يقول ليك عندي حزب شنو وحزب شنو والله صاحبك الكهل دا هو براهو في الحزب بتاعو دا وكيلك الله عامل شاي ما عندو أسألني أنا بعرفه كويس .
احذر ثم احذر هذا المدعو كيكي انه سارق الباسـ و و ر دات الرهيب ـ ممكن تصحى الصباح تلقى اسمك بدل عصام حسن ـ عثمان حسين ومعاهو واحدة تانية ما بقدر أجيب اسما.
وأوصيك ثم أوصيك بالانضمام الى حزب الجمال بقيادة الريس راندوك العظيمة ومعاونها وامين سرها ود القريش الرهيب وود رملية السعيد ومسعد الجميع وغرهم كثير . بس انت تعال خد فكرة وانضم بكرة .
تحياتي مجددا وحبابك عشرة بلا كشرة .
| |
|
|
|
|
|
|
|
|
|
Re: القانونى عصام حسين حسن - اهلا بود مدنى اهلا بود بثينة (Re: معروف حمدين)
|
| Quote: ومجدى سنجر وعبدالسلام وود النعمة وجومو ابو الناس وعصمت وود الدندراوى وابن عمى الاستاذ طارق اسماعيل والرشيد عثما ن السيد وعماد الصائغ ولقمان وفكارى وعبدالرحمن سنهورى والرشيد اسحق ومعاوية الوكيل (عيونى وعيونك) ومعاوية الشاذلى الريح سنهورى واحمد الريح وكل ماهو جميل بالاسكندرية مرورا بكامب شيزار والابراهيمية ونهايتها البيت الابيض والمتحف الرومانى |
أكمِّل ليك اللسته ياعصام؟ يا البدر بالله تاني لما تجيبو المحامين والقانونيين ديل أبقو كلمونا بطريق خاصه في المسنجر شان مانتلوّم. ياخ دا زولنا عديل .. لكن العتُب على ضياء.
تاني مرحب ياعصام القيافه
| |
|
|
|
|
|
|
| |
بدر الدين الأمير
عبدالكريم الامين احمد
ودرملية
محمد سنى دفع الله
معتصم الطاهر
إسماعيل التاج
nashaat elemam
بهاء بكري
-1.jpg)
معاوية الطيب
محمد ميرغني حسين
أبو ساندرا
الصادق صديق سلمان
Mahmed Madni
Mutwali Malik
معتصم عيدروس
ابوبكر الامين يوسف
محمد عبدالرحمن
Emad Abdulla
أبوبكر حامد الأمين
Abomihyar
عوض حمزة
Tragie Mustafa
محمد المرتضى حامد
فاروق حامد محمد
Omar Bob
Dia
معتز القريش
معروف حمدين
فيس بوك
تويتر
انستقرام
يوتيوب
بنتيريست