|
|
|
 Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: ياسر عبدالكريم محمد)
|
ياسر عبد الكريم
سلامات
| Quote: ما خاب من إستشار والفكرة جميلة خالص اقترح |
طبعا بالتأكيد لن يخب من يستشير ونحنا هنا لتبادل المعرفة وتبادل الرؤى طبعا
Quote: ليك المعلمة والمربية هانم بشيرقامت وزارة التربية بإرسالها وزةجها الاستاذصديق عبدالله
لفتح اول مدرسة فى تشاد فى السبعينات وتخرج منها معظم السياسيين والمتعلمين
التشاديين وعرضت عليهم الحكومة التشادية جوازات سفر دبلوماسية
وتشاد كلها بتعرفهم وحضروا الحرب التشادية ايام حسين هبرى
واعتقد إنوا الفنان عبد القادر سالم خلفهم مديرا للمدرسة
وعندها زكريات كتيرة لو إستضفتيها وكمان عشان ترضى على اصلها
نسيبتى وحبوبة اولادى الجنبك ديل |
للمربية الفاضلة هانم بشير التحية وتعظيم سلام واكيد حأفتش عليها وليك التقدير ولأولادك كامل المحبة ..
تسلم يارب
| |
 
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: kh_abboud)
|
الأخ الفاضل خلف الله عبود
| Quote: بإعتباري من مشاهدي قناة هارموني ، كنت قد كتبت لك في بوست قديم مقدما لك إقتراحات بشأن المشاكل المالية التي تعرضت لها القناة ... ولم أتلق أي تعليق ... |
والله مامتذكرة خالص ثم انا كنت بعيدة الفترة الفاتت عن المنبر .. عامة أطمئنك وكل محبي هارموني أوضاعنا المالية مابطالة الحمد لله وفي تقدم ملحوظ بفضل الله سبحانه وتعالى
| Quote: خلف الله عبود - تشكيلي |
ياريت تقترح لينا نخلة تشكيلية عندها تجربة ثرة وعندها مرسم وتلفونها كم سمح ؟
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: حبيب نورة)
|
ناس التلفزيون كلما يكون في برنامج ، بيكون في وجوه معينة مكررة ومحفوظة
في مجال الفن والسياسة والرياضة وغيره ، كأن السودان وقف عند هذه الشخصيات
يستدعوهم/ن بسبب سهولة الاتصال ووجوههم المحفوظة ، لكن ده مواضيع مملة للمشاهد
ويقابلها بالسخرية واللامبالاة، شوفو النساء العاديات ، اقصد نخلات في صمت ، غيرو
شوية من وجع الوش البقابلنا كل ما نفتح تلفزيون او رادي ، نلقي نفس الاسطوانة
والرقم اللسه واحد...اي امراة ربت وعلمت وكافحت ، ممكن تكون نموزج ، فليست النخلات
من طرقن دنيا السياسة او الفن ومحفوظات لاي سوداني....
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: نادية عثمان)
|
صباحك زين يا نخلة
معليش جيتك متأخر كتير
اولا" الفكرة ممتازة يا نادية بس السؤال انتى حتكونى مقيمة فى الخرطوم
ولا حترجعى القاهرة ، لانك لو رجعتى القاهرة كل النماذج القدموها الاخوان
حتكون بعيدة عنك ... يعنى قصدى كل ما تكونى قريبة من الضيف بتصلى للمشاهد
اكتر واكتر .
ثانيا" يوجد برنامج اسمه نساء رائدات ( برنامج حوارى ) سبق له ان استضاف كثير من النماذج المذكورة سابقا" فى مجال التعليم والصحة والشعر والسياسة والخ ...
ثالثا" لو استضفتى فنانات ( كالبلابل ) مثلا" ، استديوهات هارمونى بالشكل الحالى
بها الكثير من العيوب خاصة تقنية الصوت والصورة ( فارقة زمن ) ودى ملاحظتى فى اغلب
البرامج الفنية
اخيرا" الاخراج .....................
خالص الود
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: عبد الدائم سيد أحمد)
|
ود العم الغالي .. قريبي عبد الدائم سيد أحمد
سلامات ليك ولعنوبة الحلوة وأمها
أولا بختك ياعم رد عليك من باسويردي الأستاذ الجعيلي رئيس مجلس إدارة قناة هارموني بنفسو .. شفت كيف ؟
أها بالنسبة لسؤالك ده :
Quote: اولا" الفكرة ممتازة يا نادية بس السؤال انتى حتكونى مقيمة فى الخرطوم
ولا حترجعى القاهرة ، لانك لو رجعتى القاهرة كل النماذج القدموها الاخوان
حتكون بعيدة عنك ... يعنى قصدى كل ما تكونى قريبة من الضيف بتصلى للمشاهد
اكتر واكتر . |
رغم إنو إيمو بتزن عايزاني أرجع لكن مضطرة أقعد لحدي ما أصور كل حلقات برنامجي باذن الله بس انت ماتنساني من الفاتحة وصالح الدعوات بالتوفيق سمح ؟
سؤالك المهم جاوب ليك عليهو الأستاذ الجعيلي تحت وقدم ليك الدعوة لزيارة القناة والإستديوهات بتاعتنا الجديدة ولو جيت وأنا هنا بعمل معاك حوار عديل في هارموني قصرنا معاك ؟ ! ( وش مبتسم وسعيد بيك) !
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: Dalal Ezzaldin)
|
دلال عز الدين ياحبيبة وين إنتي مختفية ياخ ؟
| Quote: موفقه في برنامجك الجديد وورينا المواعيد عشان نتابعه |
يوم الخميس من كل إسبوع باذن الله .. بس لسا مانزلنا أي حلقة لحدي مانعمل عدة حلقات ونبدأ البث وبوريك الموعد سمح ؟
Quote: لو استضفتي نساء بارزات بس حاورتيهم في غير حياتهم العمليه
يعني مثلاً مريم الصادق المهدي .. بتتكلم عن البيت والعيال والحياه العاديه
من غير ما تخش في السياسه وكلامها الكثير . |
سبحان الله يادلال والله العظيم قبل كتابتك دي كنت بتكلم مع د. مريم الصادق في المهدي بخصوص حلقة معاها وكنت بقول ليها حايكون كلامنا بعيدا عن السياسة !!
لقيتك فكي عديل ياصديقة ( وش هناي ومبتسم ) !
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: نادية عثمان)
|
الاستاذه ناديه فكره حلوه هذه الاستشاره.
عشان ما تحصل شوشره قلت اقترح اسماء بالاول وبعدين اقرا الاقتراحات.
في مجال المسرح:
نعمات حماد ، فايزه عمسيب، تحيه زروق ،سميه عبد اللطيف، رابحه
في مجال الغناء والموسيقي:
ام بلينه السنوسي،ثنائي النغم،اسماء حمزه بشير،البلابل
في مجال التعليم:
بنات بدري، بنات المليك، بنات عوض ساتي
السياسيات
سعاد ابراهيم احمد ، سعاد الفاتح ، فاطمه احمد ابراهيم، فاطمه عبد المحمود
هذا بالاضافة الي القانونيات والصحافيات وانتي ادري بهن.
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: طارق ميرغني)
|
طارق ميرغني العزيز حبابك أخوي
Quote: في مجال المسرح:
نعمات حماد ، فايزه عمسيب، تحيه زروق ،سميه عبد اللطيف، رابحه
في مجال الغناء والموسيقي:
ام بلينه السنوسي،ثنائي النغم،اسماء حمزه بشير،البلابل
في مجال التعليم:
بنات بدري، بنات المليك، بنات عوض ساتي |
ديل تمام جدا وجارية الإتصالات ..
أما :
Quote: السياسيات
سعاد ابراهيم احمد ، سعاد الفاتح ، فاطمه احمد ابراهيم، فاطمه عبد المحمود |
إستضافتهم هارموني بالفعل في برنامج الزميلة لبني
تسلم يارب ويطيك العافية
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: نادية عثمان)
|
هلا يا نادية
ومعليش علي التاخير من بوستك ده
لكن اتفق تماما مع كلام الطاهر ساتي..
فلو لقينا برنامج يهتم بالنساء البسيطات المكافحات الغبش.. القصة بتكون اكثر جمال وبتعكس اشياء ملهمة لجموع نساء بلادنا الكادحات..
اطلعي خارج مدار المالوف
امشي الاقاليم-المدن -القري والفيافي البعيدة..
بتلقي سكينة كانون اشتغلت كسرة سنوات طويلة واولادها حسع دكاترة كبار
بتلقي فاطمة جالون صبرت علي الفقر وهجر الزوج واشتغلت عاملة فقيرة بسيطة في مصنع وواولادها الليلة ماشاء الله ترباية السرور..
تلقي معلمات قديمات-ممرضات قديمات-دايات قدام
صاحبات اعمال تجارية في اسواق الريف..
صانعات طواقي ومشاغل نسائية
بتلقي الدلالية الحامت الاسواق والقري بكراع كديس عشان تربي عليها..
انقلي لينا يا نادية الواقع خارج كدنشة الاستديو وديكوره الوريف..
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: نادية عثمان)
|
الاستاذة الصحفية اللامعة التي تهوى الاثارة (اقتباس غير دقيق)
سلامات
لقد بلغت بنا الاثارة قمتها الى ان عرفنا الموضوع .. والحمد لله طلعت اثارة حميدة ..وطبعا لقيت الموضوع سرح ومافي طريقة اقرا المداخلات كلها وشايف الجماعة ما قصرو معاك وادوك ترشيحات كويسة جدا .. وما عارف اذا حوا الطقطاقة ذكرت ام لا
على كل حال بساتين السودان مليئة بالنخلات الباسقات .. نساء وقفن خلف الكواليس وكن نخلات بما انتجنه من نتاج بشري .. امهات وزوجات كان لهن دور في خلق رجال ونساء من ذوي الهمم
نساء كانت لهم مواقف بطولية واخلاقية فتحن بيوتهن وصدورهن لتربية الاجيال .. معلمات وبائعات كسرة او شاي .. وحتى ربات بيوت ..
يللا شدي حيلك وخلي الاخوة الاعضاء يدوك نماذج ويرشحو ليك ومع انو الفكرة طرحت لكن ما شايف اي اسماء .. انا غايتو عندي حبوبتي نخلة لكن اتوفت الله يرحمها .. ممكن تدوني الجايزة بدلا?
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: elfadl abdellatif)
|
الفاضل عبد الطيف
| Quote: لقد بلغت بنا الاثارة قمتها الى ان عرفنا الموضوع .. والحمد لله طلعت اثارة حميدة |
الحمد لله طيب والمسألة ماقصة إثارة بقدر ماهي إختيار عناوين موضحة لكامل الموضوع لانو في ناس ممكن تقرأ العنوان بس وتختار المشاركة في الموضوع من عدمها !
Quote: معلمات وبائعات كسرة او شاي .. وحتى ربات بيوت ..
يللا شدي حيلك وخلي الاخوة الاعضاء يدوك نماذج ويرشحو ليك ومع انو الفكرة طرحت لكن ما شايف اي اسماء .. انا غايتو عندي حبوبتي نخلة لكن اتوفت الله يرحمها .. ممكن تدوني الجايزة بدلا? |
كلام زي الورد لكن برضو مابنديك الجائزة بدل حبوبتك الله يرحما وبنتصدق بيها على روحها ( وش غياظ)
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: نادية عثمان)
|
نادية سلامات وبالتوفيق في البرنامج الجديد ان شاء الله..
عندي ليك اقتراح شوفيه لو بنفع احتمال ادي البرنامج وجه تاني.. بس احتفظي لي بي حقي الادبي ثمح
الفكرة انك تشركي مع النخلة المختارة.. نخلة اخري تكون من جيل الشباب تساعدك في اثراء الحوار
مع الضيفة الاساسية... وكمان تسلط الضوء علي ابداعات الشخصية التانية وممكن تكون صحفية, شاعرة ,
او احدي المبدعات بالمنبر هنا مثلا .وعلي سبيل المثال لا الحصر اشراقة مصطفي ,عالية عوض الكريم,
عواطف ادريس ,سوما ,عبير خيري, سمرية,ايزابيلا انعام, انعام, والقائمة تطول....
لكي وللقناة تحياتي,,,
| |
|
|
|
|
|
|
|
|
|
Re: أحبائي وأهلي وزملائي وأشقائي من الرجال والنساء في حوش بكري تعالوا أستشيركم في موضوع مهم سمح (Re: Ehab Eltayeb)
|
ندوية سلامات
الفكرة جميلة ما أخرني عن الرد ان باسويردي كان في خبر كان..
اثني على البلابل
وعليك بأم بلينا السنوسي
ثم الكادحات وهن كثر على الا تكون المقابلة مع الكادحات كالتي نراها دائما في الشارع على سريع..
ارجو ان تحضر للاستديو وتكون ضيفة جالسة على الكرسي الوثير وتحت التكيف..
ثم لا تنسوها من (الكاش) اسوة بغيرها من فنانين وعازفين وغيرهم من الضيوف الذين لا يحضرون الا بعد
قبض المعلوم..
اقتراح اخير اعتقد كما قال احدهم ان كلمة نخلات فقط قد تكون تخص الشمال وحده لماذا لا تسمي
برنامجك (نخلات وابنوسات) وعندها سيكون شاملا لكل السودان من نمولي لي حلفا..
خارج النص
ـــــــــ
سنكون بطرفكم بالقاهرة الاسبوع القادم
جاري التنسيق مع الاخ الفاضل بهاء عيسى
| |
|
|
|
|
|
|
| |
7abib_alkul
kh_abboud
ياسر عبدالكريم محمد
baha eassa
عبداللطيف حسن علي
mamkouna
عبد الدائم سيد أحمد
حسن طه محمد
Dalal Ezzaldin
rosemen osman
على محمد على بشير
عبدالكريم الامين احمد
ALZOLZATOO
elfadl abdellatif
زهير عثمان حمد
waleed nayel
Ehab Eltayeb
mohmed khalail
فيس بوك
تويتر
انستقرام
يوتيوب
بنتيريست