|
|
|
 Re: ياجماعة انتو البحرين دى مافيها بورداب غير د. معز ولاشنو ؟!!! (Re: Dr. Moiz Bakhiet)
|
Quote: شفت الجن ده كيف عليك الله؟؟!!
غايتو الشاف نادية وما جن
يكون مجنون.. |
انت بتقول فيها
تعال شوف حبيبنا سجيمان من ما مشت وهو يغنى طار قلبى ومبارى ستات الشاى
ياحليلو ود امى على الكبر الفيهو جاب ليهو جنون
ود امى ناذر
Quote: Quote: خلي دكتور معز يغني ليك كان بيعرف
حبيبنا الغالي ناذر
ألحق شوف أخوك عاملين فيهو شنو
|
هسع فى داى لجنس دة اها جابت ليك غنية وبى رقييصة كمان
| |
 
|
|
|
|
|
|
|
|
Re: ياجماعة انتو البحرين دى مافيها بورداب غير د. معز ولاشنو ؟!!! (Re: ثابت محمد)
|
الغالية نادية،
فتشت عليك ياكنوز الأرض
وكل الأوجه والأغوار
جئتك وقتاً أدرك فيه بأن اللقيا حين تكون
يذوب الليل يصير نهار
وبك تحول عبق الحياة لطعم الدهشة الحالم بك
يا وردة العطر الذي غسل الدواخل بالعبق
اليوم كان للبحرين فرح المدى بالظل حين يرحل الغيم بعيداً
اليوم أشرقت الشمس ألف مرة من كل الجهات ومرة كنت أنت شمس الحياة الدافئة
يحتضنك الخليج فيموج بالندى
وترتحل الشواطئ صوب عينيك فيصدح الأصيل بالنضار
اليوم رأيت كل الضفاف تتيمم بالماء متوضأة بالحسن فيك
وتصلي الحقول ركعتين للتحية المؤجلة ويستميح البدر وجهك عذراً أن يفيب..
تمتلئ المدارك دفئاً بك ويستحيل الشجن نبضاً من صهيل الأفئدة
فيستلهم وعدنا شوق عميق إليك
فامنحي الغيث وعد الهطول وامنحي الثمر شجيرة عشق وتوق سلسبيل
يا أجمل نجم أطل بيننا فصفق المدى
وكبر الحنين..
لك من الحب ما لا تطيقه الفصول..
| |
|
|
|
|
|
|
|
|
|
Re: ياجماعة انتو البحرين دى مافيها بورداب غير د. معز ولاشنو ؟!!! (Re: نادية عثمان)
|
الغالية العزيزة نادية
تحياتي
بالطبع هذه الايام التي كنت فيها بيننا في البحرين كانت أسعد الايام في الخمس سنوات التي قضيتها في هذه الجزيرة الصغيرة, وعشت معك تلك اللحظات السعيدة التي عرفت فيها نادية عثمان الشاعرة والصحفية أكثر برغم الدقائق القليلة جدا جدا لكني كنت سعيدا وخاصة عندما تعرفتي على أسرني الصغيرة والتي كانت هي ايضا سعيدة ان تعرفت عليك, وليت الزمان والمكان اسعفنا كيما نجلس كثيرا ونسمع منك ما(لذ وطاب) من الشعر الجميل..
أما بخصوص برداب البحرين تعلمين ان طبيعة غالبية بورداب البحرين غارقين في العمل بشكل غير عادي ونحن من جانبنا الصحافيين الموجودين في البحرين عددنا 8 وزدنا أول أمس باخ عزيز جاءنا من لندن مسئولا في قسم الاخبار لصحيفة الوطن الجديدة التي ستصدر غدا الجمعة 10 ديسمبر 2005م والغريبة اننا جميعا وبدون فخر قياديين في العمل الصحافي ولسنا صحافيين ميدانيين ونجلس على اجهزة الكمبيوتر من الساعة الواحدة ظهرا حتي متصف الليل وما تيقى من زمن اما في حالة نوم او 0معافرة مع الاولاد الذين يشتهون وجودنا معهم في الاوقات العادية مثل العصاري وايام الجمع التي يعمل غالبنا فيها من بعد الصلاة الجمعة حتي وقت متأخر من الليل..
تصوري هكذا طبيعة عمل..؟؟؟
ولذا كان الحضور المتقطع برغم الملفات الكثيرة التي يحاول البعض منا ان يكتب عنها وان يفتح خلالها ابواب الحوار كما فعلت منذ فترة في موضوع دارفور وصحافة الامن الحكومية في السودان..
| |
|
|
|
|
|
|
|
|
|
Re: ياجماعة انتو البحرين دى مافيها بورداب غير د. معز ولاشنو ؟!!! (Re: Dr. Moiz Bakhiet)
|
The Doc.
| Quote: والجن الكلكي زي الركب فلان الما عبرتيهو داك |
She
Quote: الجن الأحمر زي حقي العارفاهو
اها ديل عاد بالكميااااااااااااااات !!
قصدك منو فيهم ياترى ؟!! |
ديل ناس
كوستاوي الساكن البحرين و تلفونو العتت
و إنتي قايله لمن ترجعي ورا دي محسوبه....تلفونو ده مختوت ليه قرن..
الله يسامحك....و عشان كده أنا راحل تمريكا لناس كوستاوي الجد جد
الإمضاء: كوستاوي البحرين
صورة لي: كوستاوي تمريكا
مبصوم و مختوم
و حا أكلم ناس بوش و أقول ليهم البت ترورستا عشان يمنعوك من دخول تمريكا بحرا و بحرين.
و أنا واقف في خشم المسسبي لنفس الغرض.
بس.
| |
|
|
|
|
|
|
|
|
|
Re: ياجماعة انتو البحرين دى مافيها بورداب غير د. معز ولاشنو ؟!!! (Re: نادية عثمان)
|
الناس العسل
ندو،د.معز،المهندس ودالطاهر، بقية الكواكب المضئية
كمية من التحايا والأشواق
أقول ليكم والله جلستكم ديه يحسدوكم عليها وبرضو يا نادية ناقصها مبدعنا ودالموصلي رغم النداء المتكرر أتمنى أن يكون الداعي خير ...... ومنتظرين طلتك البهية من خلال هذا البوست.
د. معز سوف يكون بيننا إتصال وإنشاء الله أتحين الوقت المناسب.
ندو أيضاسوف يكون بينا إتصال مع مراعاة فارق الوقت وما أظنه بالكثير
مدخل للخروج
مع الإذن يا بروف (أخذ العنوان والقصيدة)
دسّيني في مسامك..
خبيني في عيونك
ودسّيني في مسامك
وورّيني الدواخل
وروعة حس غرامك
وارويني بعبيرك
وبي معسول كلامك
وبي همس العواطف
ورونق روح سلامك
بي أشواق حنينك
وادبك واحترامك
خلي النجمة عارية
بغطيها احتشامك
وسيبي القمرة جارية
تفتش لي غمامك
لو تتدسى فيهو
من وهج ابتسامك
حتى الشمس سارية
وما بتلحق مقامك
وجد حنينها بطلع
وبدفّق أمامك
يروي الأرض نضرة
من نفحات رهامك
ومن خفقات هديرك
ومن رايات زحامك
مرفوعة الأيادي
خايفة يطل خصامك
وتتمنى الحنايا
ليل يجمع وئامك
وتتضرع خطايا
شان تبلغ مرامك
بس لو كلمة واحدة
وملمح من ملامك
تصحى العافية تسري
من حسن ارتسامك
وفي أعماقي جوة
بتمدد قوامك
فرحانة الخلايا
بي زمن اعتصامك
وفي كل الزوايا
ممنوع انقسامك..
| |
|
|
|
|
|
|
| |
بدرالدين شنا
Dr. Moiz Bakhiet
ناذر محمد الخليفة
garjah
عبدالرحمن عبدالله أبوشيبة
ثابت محمد
عمر الفاروق
saadeldin abdelrahman
ALGARADABI
فيصل نوبي
Kostawi
khalid abuahmed
صديق الموج
محي الدين الريس
معتصم الطاهر
هاشم نوريت
فيس بوك
تويتر
انستقرام
يوتيوب
بنتيريست