نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 ميلاد عصيب لرجل ما..عنوان اصدارتى الشعرية التى صدرت حديثا بالقاهرة ..تقديم ابو قطاطى ود.معز
|
اهل الوطن الحر الاحباء هلا شاركتمونى فرحتى بمولودى الثانى شعريا ؟..ديوانى الذى صدر حديثا بالقاهرة قدمه لى الفطاحلة محمد على ابو قطاطى ود . معز عمر بخيت هذا الرائع المقيم بيننا هنا فى بيتنا الوطن الحر..د.معز وانت احد المتواجدين الان اقبل تحاياى
الاستاذ فضيلى جماع مارايك فى مصطلح متواجدون هذا اليس خطأ..اليس اليست من التواجد وليس الوجود ؟هكذا علمنى استاذى فضل الله محمد ..كل الموجودين الان لكم التحايا ولغير الموجودين التحايا الى حين حضورهم الغالى ..باركوا لى اصدارتى وانتظرونى سارسل لكم قصيدة من الديوان بعد قليل.
اشراقة ارسلت لكى رسالة ولم يصلنى منك رد علا المانع خيرا ..العزيزة نجاة محمد على اشكرك على الترحيب وسيكون لنا لقاءات عديدة عبر هذا المكان ..لنا مهدى تحياتى لك وعبرك للامام الرئيس الصادق المهدى انتى بس قولى ليهو نادية مراسلة الخرطوم سابقا واخبار اليوم حاليا بتسلم عليك ..استاذ عادل عبد العاطى لم ترد على رسالتى علا المانع خير ..بمشى واجيكم راجعة تقعدوا بالعافية ..
|
|
 
|
|
|
|
|
|
|
|
Re: ميلاد عصيب لرجل ما..عنوان اصدارتى الشعرية التى صدرت حديثا بالقاهرة ..تقديم ابو قطاطى ود.معز (Re: Rawia)
|
إلي شاعرة من نخل وبرق وتحدي،
كلماتك في هذا الصرح الطالع للناس سماحاً مثل العرس تمنح النغم عافية التثني وتمنح الرياض حقل التمني لينهار صمود تحدي سوسنة ما فتأت ترتكب معصية الهجران وتبعد عن عصب الممكن والمألوف.. يقترن بها في مخيلة التكوين حلم القارئ والعاشق للشعر حين تتأوه وجدانه بمثل هذا الألق الرحيق ليرحل وجده كدخان من زيت وجراح، حمل النشوة في دمه ثم تلاشى..
عندما أقرأ أي حرف لنادية عثمان مختار تداعبني موجة عذراء على شواطئ القصيدة ، لكنها هنا عندما تجمعت أحرفها في هذا الديوان تفجرت بحاراً أخرى سكنتها شاعريتها قبل الماء وقبل الطوفان فكان تدفقها على شواطئ الأناقة والجمال برداً وسلاماً على كل رمال الإلفة والمحبة..
فهيا نتنفس معها عبق الصمت والصهيل..
معز
| |
|
|
|
|
|
|
|
|
|
Re: ميلاد عصيب لرجل ما..عنوان اصدارتى الشعرية التى صدرت حديثا بالقاهرة ..تقديم ابو قطاطى ود.معز (Re: Dr. Moiz Bakhiet)
|
لله درك يامنصف القوارير ..نعم كم انا محظوظة بتقديمك اصدارتى فقد اعطيتنى تقديرا وكلمات درر ستظل بعد ان يوارى جدثى الثرى ليتزكرنى به حبيبى ابو ايمان وطفلتى الغالية ايمو ..وابى واشقائى وكل من احببتهم واحبونى اخوة واصدقاء فى هذه الفانية
د.معز سلمت من كل شر وانشاء الله مااعدمك على قول صديقتى الحبيبة شادية ..لكن قول لى حكايتك شنو انت وسيجمان مع ندى ؟بالمناسبة انا وهى حانعمل شريط فيهو 8اغانى من كلماتى اسمو سؤال وبس وبالجنبة كده حانكتب (نادية وندى فى سؤال وبس )طبعا داير تعرف السؤال شنو ..ده عنوان قصيدة بكتب ليكم هنا يوم من الايام ..تحياتى للحبية جدية وورودك الناضرة
| |
|
|
|
|
|
|
|
|
|
Re: ميلاد عصيب لرجل ما..عنوان اصدارتى الشعرية التى صدرت حديثا بالقاهرة ..تقديم ابو قطاطى ود.معز (Re: نادية عثمان)
|
نادية
أنتظر نسختي من المجموعة ثم يجوز الكلام بعدها عن اللغة..وشايفك لسة شايلة حكاية العجمة درقة..مرة مع قريبك الموسيقي الكبير صديقنا الموصلي..زي حلف بتاع دناقلة!! ما تخافي ، عجمتنا نحن السودانيين أفصح من عربية كثير من الأعاريب اليوم. وأنا عارفك فصيحة قدر شنو. وبمناسبة الأستاذ الموصلي أرجوه أن يصلني عبر الماسينجر لأعرف منه آخر أخبار أسرة دنقلاوية يعرف الموصلي أنهم جزء منّي وأنا جزء منهم..أسرة صديق عمري الفاتح عبدالله مختار. شفت كيف طلع ليك واحد غرّابي..ودنقلاوي بالمعاشرة كمان؟!
تهنئة حارة بصدور المجموعة، والسلام لأسرتك الصغيرة: إيمو وأبيها.
| |
|
|
|
|
|
|
|
|
|
Re: ميلاد عصيب لرجل ما..عنوان اصدارتى الشعرية التى صدرت حديثا بالقاهرة ..تقديم ابو قطاطى ود.معز (Re: فضيلي جماع)
|
..زي حلف بتاع دناقلة
استاذى العزيزفضيلى جماع انت عايز ناس المنبر ديل يقوموا يصنفونى ويتهمونى بالعنصرية ولاشنو؟
ياعزيزى انا صاح دنقلاوية لكن بحب الغرابة وبموت فى ناس الجنوب وبعشق ناس الشرق وناس الشمال اصلهم اهلى مامحتاجين تأكيد حب منى لكن مابحبهم اكتر من الغرابة والجنوب والشرق والله كلهم فى نبض قلبى من جوة
اها ماقلت لى بترسل حق الكتاب كم ضورار ؟ انا اقايتو ببيع النسخة بى الف بس
وبالمناسبة ماشايف صحبك كستاوى والموصلى برضو رسلو شيكاتهم وعلى بياض كمان؟
| |
|
|
|
|
|
|
| |
Rawia
Dr. Moiz Bakhiet
Bashasha
bamseka
Nagat Mohamed Ali
معتصم الطاهر
فضيلي جماع
Kostawi
Adil Osman
فيس بوك
تويتر
انستقرام
يوتيوب
بنتيريست