|
Re: ها قد عدنا يا ... (Re: أبو ساندرا)
|
Quote: فالمداخلات الثلاث أعلاه ديامية صرف بل من ديم كوريا تحديدآ |
مع الحشمة يااا .. كوريا بتاع طيارتك ؟؟ ديم التعايشة يا غان .. التعاااااااااااايشة ..
بيننا و العمارات شارع ( ظلط ) و حقد طبقي .. و بيننا و ديم كوريا شارع ( تراب ) و حكايات .. و بيننا و حي الزهور .. شارع فاتح على القلب .
..... إنتو بينكم و منو .. شنو ؟
| |
|
|
|
|
|
|
Re: ها قد عدنا يا ... (Re: أبو ساندرا)
|
كتب شريكنا في البوست وفي السراء والله لاجاب الضراء :
Quote: إنتو بينكم و منو .. شنو ؟
|
مستفيدآ من تفصيلتك وتوصيفك نجاوب على السؤال الإستدراجي :
فقال عماد:
Quote: بيننا و العمارات شارع ( ظلط ) و حقد طبقي |
ونحن برضو بينا والعمارات شارع زلط وحنان لبط ، وملامح مشتركة ونضال
Quote: و بيننا و ديم كوريا شارع ( تراب ) و حكايات |
وبينا وبين سوق الديم ، مكتبة علي فقير ومكتبة صلاح إسماعيل ودكان جون وسوالف وسلاحف ونسوان وونسات وزحمة في زنك اللحمة
Quote: و بيننا و حي الزهور .. شارع فاتح على القلب . وبينا وبين أرض الحيوان سينما ونوادي وأنادي { الجو } وناس فارات وكدايس ومرايس |
وبعد ده كلو كمان بتحكي وبتوصف
يا عماد عايزك بس تتأمل معاي الحتة دي ، في الأغنية المرافقة { إندس في قلبي الألم }
| |
|
|
|
|
|
|
Re: ها قد عدنا يا ... (Re: أبو ساندرا)
|
ملائكة -------------- بالإضافة إلى التيسيرات أعلاه نستقبل بفرح غامر : أمل قدورة تراجي مصطفى رشا سالم امنة مختار انعام عبدالحفيظ صفية محمد نسرين جمال غادة عبدالعزيز خالد نهال الطيب الجندرية
شياطين: --------- خالد المنسي عوض محمد أحمد عاطف عمر دينق محمد مكي محمد العوض { بالانجليزي } معروف سند عاطف مكاوي محمد ابوالعزائم معتصم ودالجمام خدر علي محمد علي بشير فيصل محمد خليل طلعت الطيب حيدر قاسم الطاهر عثمان حسن طه
شاكر ومقدر مروركن/م ويارب نجيكم في السمح والافراح والليالي الملاح
وانوي العودة لبعض المدخلات من الوسيمين أعلاه
فقط ودت أن أوضح التالي: 1- في تصنيف ملائكة وشياطين ترددت في تصنيف البعض في كلا القائمتين فمثلآ صعب وضع طلعت الطيب وحيدر قاسم والطاهر عثمان وعاطف ضمن الشياطين وكذلك صعب وضع أمونة وتراجينا وصفصف ضمن الملائكة 2- الاخوان عبدالله { عماد و صلاح } أرجئتهم عشان عايز احلي بيهم
| |
|
|
|
|
|
|
Re: ها قد عدنا يا ... (Re: فيصل محمد خليل)
|
تعرف يا بركة الديامة بينهم وبين الجميع علاقات لا تنتهي .. وليس بيننا وبين غيرنا من الجيران (عماراتيون كانوا أم سجانيون) غير ود باقٍ.. زمان كنا نُغير على العمارات (غازين) محلات ميريا للحلويات في شارع 15 ( ودي أسألو منها أشرف طه) نخمش بعضاً من حلوياتها ، ونتوجه صوب الفلل ونشرب ما يكفينا من لبن كافوري (أبو بقرة) حد الارتواء ثم نعود إلى أهلنا نتمطى (وبين هذه وتلك أحداث لا تُحكى) .. ومع تقدم العمر ، اصبحنا (نجكس) من مدرسة الخرطوم القديمة وتكون شوارع العمارات الهادئة الجميلة (في ذلك الزمان) مرتعاً للحب والغرام.. كلام العمدة الفوق ده يا بركة محاولة (للتملص) صحبانو كلهم من العمارات أولاد العمارات ديامة حقيقيين ، بس بينوموا في العمارات أما كوريا وحكاياتها ، وشوارعها المتربة ، فهي تحتاج الى بوست منفصل (وقوة قلب) وحي (زهورو) الفاتح على (القلب) ده ، فما محتاج لى شرح ، والا شنو يا عمدة ؟؟؟؟
| |
|
|
|
|
|
|
Re: ها قد عدنا يا ... (Re: أبو ساندرا)
|
Quote: كلام العمدة الفوق ده يا بركة محاولة (للتملص) صحبانو كلهم من العمارات أولاد العمارات ديامة حقيقيين ، بس بينوموا في العمارات أما كوريا وحكاياتها ، وشوارعها المتربة ، فهي تحتاج الى بوست منفصل (وقوة قلب) وحي (زهورو) الفاتح على (القلب) ده ، فما محتاج لى شرح ، والا شنو يا عمدة ؟؟؟؟
|
جاوب يا عمدة أبو ينتين ورطك عديل خاصة بجكاية { وقوة قلب } وأضيف أنا { وحمرة عين } و كمان { شنب مكين }
تعرف يا صلاح مرة كده ذات إختفاء إخترقت العمارات متلفعآ بالليل والصمت حشست بالشوارع عايزة تسألني : مالك براك يا صاحبنا ، فقد كنت أجوب تلك الشوارع إما مع رفقة حسنة أو مع بعض فارات الديم الحميمين
أما حكايات كوريا فهذه عايزة ليها كأس
| |
|
|
|
|
|
|
Re: ها قد عدنا يا ... (Re: أبو ساندرا)
|
كتب العزيز عماد عبدالله :
Quote: المهم .. عويناتك دايما طيبات يا كبير .. و العمش ما يجيك إلا نكمّل كوتتنا من الشوف الدايرنو .. و عين تراجي فيها العود .. قول يامين .
|
تطيب يا الحبيب أو كما غنى إبراهيم عوض العمش فال اليخونك ويزدريك والكوتة لم يتبقى إلا القليل لتكمل ونكمل وننشتل أدعوا لي فقط بالرفقة الحسنة وحسن الخاتمة
أما تراجي فتبرى يا صاحبي فهي الآن مدمية ومحروقة { تتأرجح} بين الغضب الحارق وبين الصبر الجميل
فدعها مفتحة حتى تقتلع حقها
وساندها وأسندها
| |
|
|
|
|
|
|
Re: ها قد عدنا يا ... (Re: أبو ساندرا)
|
كتب العماد عبدالله :
Quote: مع الحشمة يااا .. كوريا بتاع طيارتك ؟؟ ديم التعايشة يا غان .. التعاااااااااااايشة ..
|
لا كووووووووووريا ولو مغالطنا اسأل صلاح وبوسته الرامي في منبرنا
| |
|
|
|
|
|
|
Re: ها قد عدنا يا ... (Re: أبو ساندرا)
|
كتب الشفيع عوض شوشتا :
Quote: الرجل الجميل في الزمن الشين |
مشكور يا الحبيب لكن هسع بيجن ناس إشراقة وأمونة ويشقلبن العبارة لتقرأ { الرجل الشين في الزمن الجميل } ولو جات صفية واللا شادية ح يصلوا بالشنا إلى نهاياتها ويقولن :{ الرجل الشين في الزمن الشين }
بالمناسبة ، وين بدر الدين شنا عشان يجي يثأر من المتآمرات أعلاه
| |
|
|
|
|
|
|
Re: ها قد عدنا يا ... (Re: أبو ساندرا)
|
مهما يقولو ( الدهن فى العتاقى )
Quote: أخبرنا محمد بن ناصر قال: أخبرنا ثابت بن بندار قال: أخبرنا أبو بكر البرقاني قال: حدثنا عمر بن نوح قال: حدثنا عبيد الله بن سليمان قال: حدثنا محمد بن يحيى النيسابوري قال: حدثنا نعيم بن حماد عن عبد الله بن إدريس عن إسماعيل بن أبي خالد قال: افتض زر بن حبيش جارية( أى كانت عذراء بكرا فنام معها وأزال بكارتها ) وهو ابن مائة وعشرين سنة وتوفي وهو ابن اثنين وعشرين ومائة سنة. |
| |
|
|
|
|
|
|
Re: ها قد عدنا يا ... (Re: أبو ساندرا)
|
أبونا كلنا
العود أحمد يا جميل ورايق وشاي عصر يا ونسة في رقراق يازول سليم وكتاب حلو
يا حنين وملان حكا اشتقت ليك حد الوله وحد ما الكلام ستف عيونك بالبكا
| |
|
|
|
|
|
|
Re: ها قد عدنا يا ... (Re: أبو ساندرا)
|
رجع الاسد لي عرينه الف حمدلله علي السلامة ياحبيب بالعودة الميمونة بالرغم من انها جاءات متأخرة ةالله العظيم ما شفت البوست ده بكري كان مدكنه ولا شنو ما فاهم
| |
|
|
|
|
|
|
Re: ها قد عدنا يا ... (Re: أبو ساندرا)
|
ابو ساندرا، بعودتك بوردنا نور يا منور سلامتك و سلامه العيون و ........كرامتك ... سافرت لحضور مؤتمر ما و عند العوده و جدت (مظاهره) الترحيب بيك و قلت معقول ده افوتنا، ابقي عشره علي العيون...و المبادئ (هسي الجاب المبادئ هنا شنو؟) و تسلم للكل
| |
|
|
|
|
|
|
|