نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 محمد عمر الفكي ...ألم يحن وقت عودته يا بكري ؟
|
يا بكري
كتبنا ليك نطالب بعودته
ووافق طلبنا رغبة عدد كبير من الزملاء
والرجل قدم إعتذار
وإلتزم امامي بطي تلك الصفحة
ونفذ ما وعد به
حينما كاتبتك أول مرة يا بكري
قلت لك إني أضمنه
وانت سكت
وفهمنا سكاتك
بأن المر قيد الإجراء
ولما مر زمن وماشفناك إستجبت
ظننا أن هناك رغبة في التجريس
وبرضو شلنا الصبر وقلنا عسى ولعل
الشاهد :
أن امد إيقاف المذكور قد طال
ولو كان الأمر فصل عديل
فإنه قرار ظالم
خاصة بعد إعتذار الرجل
ما زلت أضمنه
واطال بعودته
|
|
 
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: أبو ساندرا)
|
الحبيب بكري
مساء الخير
Quote: ما زلت أضمنه
واطال بعودته |
واشهد ان الاخ محمد عمر .....
رجل شهم
واخو اخوان
والاعتذار الجميل الذي تقدم به شفيع له ....
وبعدين ضمانة شيخ البورداب كما تسميه انت .....
اكبر ضمانة....
واكان ضمانتي مقبولة عنكم ...انا كمان بضمنوا .....!
اتمني ان يصبح علينا الصباح ونلقي اخونا ود الفكي منور المنبر .....
والسماح ياسيد الحوش .....
شكرا .....
ابو ساندرا
وعل العينين امسن بخير
مودتي
هارون دياب
| |
|
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: أبو ساندرا)
|
يا ابوساندرا وهارون دياب,,,
محمد عمر الفكى عمل شنو!!!!!!!!
شكلو كده فى قصة وأخطاء وإعتذارات...
والله إفتقدت الراجل وقلت لعلها مشاغل الدنيا,,,
قاتل الله الغياب,,,,الواحد فى المنبر دا كان دقس ليهو
إسبوع,,,,,,,خمسة شهور ما بلحقوك تانى,,,,,
البطحانى عمل شنو هو باقى زول بيبسى بس..
تفتح براحة وتستمتع,,,تخجه حبه يفور فيك ويرشك رش الشركة,,
لكن برضه طيب وقلبو أبيض واخو أخوان
بس حامى الوطيس حبة
ما عندو ثيرموستات وبسخن سريع جدا,,,,بس غير كدا ما يبقى بطحانى
يا بكرى....فك الحظر ..
| Quote: واكان ضمانتي مقبولة عنكم ...انا كمان بضمنوا .....! |
ونضمنو كمان بضمان محل إقامته..
ياخ دا إسترحام عديل كدا.... جيبو الزول ده من الكنب...
لا للفصل
| |
|
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: على محمد على بشير)
|
كتب علي محمد علي بشير :
| Quote: وعشان عيون ابوساندرا ( رغم انهن ماقاعدات يشوفن سمح الايام دى ) |
صاح ، الشوف صار طشاش
لدرجة يوم الجمعة الفات كان عندنا رحلة
والرحلة كانت كاربة جدآ والغناء تمام
فإنجذبت بعض الناموسات الشاميات لرحلتنا
أخليت مقعدي لإحداهن
وجلست بعيد بعض الشيء
رأيتها قد عدلت جلستها
ووضعت الساق في الساق
يعني عملت صلاح خلف أو خلف الله الرشيد
وبان لي شيء أسود
فكتبت في بوست صور الرحلة أن : حتى نيكسون ظهر
كتبت وانا اتباهى بقوة نظري
حتى أحبطني احدهم
قال لي : نيكسون كان القلع عبدالحفيظ
أدركت أن ماظننته نيكسون اسود
كان شيتآ كتر كان الشعراني الجيلي
على حسب زعم صديقي الشواف
شفت الطشاش ده كعب كيف ؟
فتاني ما تشاغلني
| |
|
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: أيمن الطيب)
|
كتب أيمن الطيب :
Quote: زول بيبسى بس..
تفتح براحة وتستمتع,,,تخجه حبه يفور فيك ويرشك رش الشركة,,
|
ياخ ده تشبيه مبالغة
غايتو بيكون فيك عرق رباطاب يا أيمن
البطحاني دخل في مشادة مع بريمة
واصلو بريمة خجاهو خج فصاحبنا فار
وصمم أن يشتكي بريمة لدى المنظمات الدولية والأجهزة الخطيرة
وده طبعآ كان حايورط بكري والمنبر
ويورطنا نحن ذاتنا
فبكري لاوز من البطحاني جدآ فقام فصله على الفور
وترك بريمة حر طليق
انا اياميها كنت غايب بسبب المرض
وقابلت البطحاني في السعودية وعرفت الموضوع
وطلبت من البطحاني ان لايصعد الموضوع
بوعد ان نشفع له عند بكري
والتزم الفكي وسكت
وصام 3 ايام عشان كان قد اقسم
وبكري خزلنا
اها شوفوه انتو
امكن يكون عندكم خاطر عندو
نحن طلعنا اي كلام
| |
|
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: عمار عبدالله عبدالرحمن)
|
Quote: ياخ ده تشبيه مبالغة
غايتو بيكون فيك عرق رباطاب يا أيمن |
عرق دى ما بتكفى هنا يا ابوساندرا,,,,,مرق عديل كدا مرق,,
عرق دا بكون ترس خفيف لكن الواقع إنو مرق يشيل عمارة مش
عنقريب
شكرا للشرح الوافى ومعا من أجل عودة البطحانى,
هو يفكو من حسن نصرالله يتشربك فى بريمة
جّنو يهبش السلوك العريانة
_______________________________________________
يأأأأأأأأأأأأأأأأأأأا بكرى !!!!!
_______________________________________________
إذا كان محمد أخطأ وإعتذر ونرجو أن يكون إعتذاره كافيا للأخ بريمة,,
فما المانع من عودته مرة أخرى....الإيقاف الطويل يعلم عدم الإندفاع,,,,,
| |
|
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: أيمن الطيب)
|
Quote: صاح ، الشوف صار طشاش
لدرجة يوم الجمعة الفات كان عندنا رحلة
والرحلة كانت كاربة جدآ والغناء تمام
فإنجذبت بعض الناموسات الشاميات لرحلتنا
أخليت مقعدي لإحداهن
وجلست بعيد بعض الشيء
رأيتها قد عدلت جلستها
ووضعت الساق في الساق
يعني عملت صلاح خلف أو خلف الله الرشيد
وبان لي شيء أسود
فكتبت في بوست صور الرحلة أن : حتى نيكسون ظهر
كتبت وانا اتباهى بقوة نظري
حتى أحبطني احدهم
قال لي : نيكسون كان القلع عبدالحفيظ
أدركت أن ماظننته نيكسون اسود
كان شيتآ كتر كان الشعراني الجيلي
على حسب زعم صديقي الشواف
شفت الطشاش ده كعب كيف ؟
فتاني ما تشاغلني |
قرقرقرقرقرقرقرقرقرققرقر
يا زول الله يفضحك
داير تفضحنا معاك
ياخ انا داخل النت من المكتب
والناس كلها بتعاين لى وانا بضحك زى المجنون
Quote: أدركت أن ماظننته نيكسون اسود
كان شيتآ كتر كان الشعراني الجيلي
|
الله يجازيك غايتو
| |
|
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: أبو ساندرا)
|
عمار
إلا كان إشتقتا ليه براك 
أختلف مع الفكي بشدة وحسب طريقة تفكيره التي شاهدتها في المنبر من خلال كتاباته فلن أتفق معه أبداً في يوم من الأيام . وسبحان الذي خلق الأرواح جند مجندة ماتعارف منها إئتلف وما تنافر منها إختلف .
لكن رغم ذلك ..
أضم صوتي لصوت الإخوة المطالبين بعودته فهذا المنبر يسع الجميع وأملنا كبير في المهندس بكري ألا يرد شفاعة هذا الجمع الكريم من أعضاء المنبر .
تحياتي للجميع خاصة ألزول أبو عيون كحيلة أبو ساندرا صاحب البوست (كحيلة دي دلع معمشة)
العرب دائماً يحبون التفاؤل فالصحراء المهلكة يسمونها (مفازة) أملاً في الفوز والنجاة منها , والذي لدغته أفعى يسمون (السليم) تفاؤلاً بسلامته من السم
عشان كدا أبو ساندرا دا مفروض نسميه زرقاء اليمامة أو أبو عيون كحيلة تفاؤلاً بشفائه التام إن شاء الله تعالى .
| |
|
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: أبو ساندرا)
|
Quote: المشكلة في جمهور الساكتين
صمت المتواطيء |
نطال بعودة الأخ محمد عمر الفكى فورا..
غايتو يا ابو البنات..
بعد الكلام القريتو ليك فوق داك..
ربنا ماخاطى كان خلاك طافى لمبة.
أرحمنا..
وارحم نظرك
غايتو رشود دى ماشايفة شغلها كويس..
أنا حارسل ليها مفراكة..
ولا سوط عنج من خان الخليلى.
| |
|
|
|
|
|
|
|
|
|
Re: محمد عمر الفكي ...ألم يحن وقت عودته يا بكري ؟ (Re: AMNA MUKHTAR)
|
Quote: غايتو يا ابو البنات..
بعد الكلام القريتو ليك فوق داك..
ربنا ماخاطى كان خلاك طافى لمبة.
أرحمنا..
وارحم نظرك
غايتو رشود دى ماشايفة شغلها كويس..
أنا حارسل ليها مفراكة..
ولا سوط عنج من خان الخليلى. |
يا آمنة,,,
العمدة ده شكلو كبريانو جاهو وخاشين فيلم خريف البطريرك !!!
والله أنا خايفو يكون واحد من الشفتهم فى الصور (كانو وليدات غايتو لكن طاعمين شوية)
اها البطحانى دا البرجعو شنو تانى بعد قصتك دى
| |
|
|
|
|
|
|
| |
أبو ساندرا
haroon diyab
أيمن الطيب
على محمد على بشير
Ahmed Yousif Abu Harira
أبو الحسين
عمار عبدالله عبدالرحمن
ALazhary2
AMNA MUKHTAR
Deng
الطيب شيقوق
فيس بوك
تويتر
انستقرام
يوتيوب
بنتيريست