الديوم الشرقية :{ مهبط الوعي والفن وقلعة نضال ومرتع جمال }

Quote: اها وقت الحديث جاب الحديث انا من بنات السجانة و هى صدقا لقولك شقيقة الديم يعنى لمن بكيت على بوست الديم و بعد داك عزيت حلفيتك و استغفرت ما كنت ناس الجيران الكفرو احمدك يا الله الما خليتنى منهم .

Quote: يا ناس الديم سلام والله زعيمكم دة زول غدار وما منضبط نحن منتظرنو في المغرب وجهزنا حللنا وحفلاتنا وكعكينا قام غدر بينا ومشى السودان يهجج مع بورداب الخرطوم دة كلام دة

Quote: وساعتها القظاظيب والطبونات جاها بلاء ، بالزاااااااااف

والله يا ابو ساندرا ناس البوست ديل يعرفوا معنى الكلام الكتبتو دة
موش يودو البوست للخور يرسلوك انت من قطر للديم بدون ترانزيت

Quote: مصطفى سري .. شقيق صديق طفولتي وصباي المرحوم عصام سري .. مرحباً بك في قلوبنا أولاً ، ومن ثم هنا . شكراً بكري أن أحضرت لنا هذا الفارس المغوار ، الولد الصغيروني والرجل القامة الاسمو مصطفى .. وكلما انضم الى هذا الموقع من يحتل جزء من الذاكرة والذكريات الجميلة ، أحس أنني في ( البيت ) .. فأهلاً بك مصطفى هنا ، ومثلما انفتح لك الباب هنا ، فأبواب قلوبنا مشرعة لك، فاختر منها أنى شئت وأدخل (برجلك اليمين) وستصل..

Quote: اولاد الديم او الديامة كما يحلو لنا الصديق ابو ساندرا جيتكم توش بدون احم ولا دستور لكن دي ما حلتي

Quote: From : aa aa Sent : Saturday, March 10, 2007 1:42 AM To : [email protected] Subject : الأخ / عبد الرحمن | | | Inbox الاخ عبد الرحمن عذراً للانقطاع ... ــــــــــــــــــــــــــــــــــــــــــــ إنا لله وإنا إليه راجعون كمال حبيب الله النور يعقوب رحم الله الاستاذ / النور يعقوب ... والتعازي لاسرته واسرة دكان جون و لكل تلاميذه واصدقاءه ... ورحم الله اخى الكبير / كمال حبيب الله ... والعزاء لاسرته بالديوم الشرقيه وجبل اولياء ... ولكم انتم اخى عبد الرحمن بركات مٌحمد ود أحمد

Quote: العزيز أبو ساندرا. كما وعدتك بأنني سوف أدخل لهذا البوست الجميل. دينق. ديامي قديم

Quote: وكان عنده مقوله مشهوره انه البلد دى الديم بس بالانجليزى . لكم الف تحيه يا ديامه وبجيكم تانى واسمعكم حاجات من المرحوم. حمد

Quote: الأحياء والشكل العمراني : بنى الاتراك دواوين حكمهم ومساكن موظفيهم وثكنات جندهم في موقع السكة حديد الحالي أي الى الجنوب بحوالي الميل من قرية الخرطوم التي أسسها أرباب العقائد والتي كان موقعها في منطقة جامع فاروق الحالي . بدأ الأهالي من المناطق اقريبة التجمع حول هذا المركز وشيدوا منازلهم في المنطقة الواقعة الى الشمال منه وعرفت بعد ذلك بحي سلامة الباشا. وبدأت المدينة النمو تدريجيا ًناحية الشمال أي في النصف الاول من عشرينات القرن التاسع عشر ، وزاد توسع المدينة حينما أنشأ على خورشيد باشا اواخر عام 1829م مسجد الخرطوم العتيق في نفس الموقع الذي يحتله اليوم جامع فاروق أي في موقع حلة الخرطوم القديمة ، وشجع خورشيد باشا الاهالي للتعمير حول المسجد ومدهم بالأخشاب ومواد البناء الاخرى ، ونتج عن ذلك عمارة حي المسجد الذي اصبح ارقى أحياء المدينة ، والذي عرف بعد عهد خورشيد بمحل موسى بك . ونواصل ..

Quote: بالمناسبة صلاح عبدالله دفعة شقيقي الاكبر المرحوم عصام سري

ببببأُمككككككككك
أها كده كويس !!! زول زي مصطفى ده , شكله دفعة عوض كيته يقوم يطلعك جلكين أكتر منو .. و طارة أخوه الكبير ؟؟
يعني يا صلاح بالطريقة دي ممكن تكون إنت دفعة عمك رمضان بتاع القهوة ..
و بعدين إنت جابوك لينا في البيت كده .. عامل كده .. لقيناك كده .
و كده و كده و زاد وجدي .
( وين وجدي بالمناسبة يا معتصم الطيب ؟؟ ) .
ياريت مصطفى بحيري يكتب هنا , و ضياء بحيري , زهير المرضي , أسامة أب شنب , محمد عبدالرحيم قرني .. تاني منو ؟
نادي الربيع كيف ؟؟
عوض باكرين و نادي التعايشة , طارق عبدالله .. ساندرو الجناين الجميل , حلة الغالي و ناسها , البنات الشديدات البيتهم جنباوي و أدب المدايح , يعقوب القبطي و معلم حسن عبدالكريم لسه في حولية في الختمية ؟ أجزخانة نادر و اليافطة الباهتة بتاعتها و عشا معلم بدر ( كان عندو فسخ أنصاص الليالي فيهو نجيب الريحاني عثمان بن عفان تتخارج منو أبو سريع وللا كمان بيخش ليك فايز الدوخري ) الله يطراهو بالخير , الغريبة عبدالرحمن بربر كان بيحب الفسيخ ده بالذات و لازم يخش ليهو يحي شمت .. ليه ما عارف .
ربيع نوبة و عوض نوبة ما بيكون عندهم وكت زاتو عشان يقرو ..
فيصل السر أخبارو شنو ؟؟ العارف يقول !!
سيف الدين أبنعوف الكارثة , بابكر طاشين و أحمد عثمان و مبارك شاشوق و حسن ككويه و فيصل كامل , و دكتور محمد فضل , عبدالله الباك و بحيري و الفاتح قبورة , فايزة كورتي و قهوة الديم و القمرية تقوقي , فيصل الطيار و محمد عبدالحفيظ و قعر بابور و بابكر عربي !!
إنديش مات وللا حي ؟؟ آدم النور و العجلة الرالي , حجة حليمة الداية ( امنا كلنا ) و عبدالرحمن شبره و أولاد العمده عمر كويس , الهادي و علي الساحر و عادل وننق و الفاضل جعفر , جنابو محمد جعفر و اللوا كمال علي صالح ..

الحكايا و الحكايا و الحكايا يا بركة .

صلاح عبدالله شوف ليك طريقة في موضوع مصطفى ده ..
ما مخارج معانا الإستان كده يا أصلي ..
لأنه بكلامه ده أنا بكون دفعة عبدالله الرباطابي .

Quote: ابو ساندرا انا كلمت ناس البيت في الصحافة وقلت ليهم انا الليلة بايت في الديم مقيل مع حبوبة في ديم الذبيرية ومبيت في ديم القنا مع جدي ابو امي. يا سلام العصر ماشين كورة الديم وسط مع ديم سلمان وبالليل عندنا حفلة بجاز الديم . اسمع يا فردة صافل ونفاصل

Quote: حكايا الديم ( الوطن )

Quote: Sent : Thursday, April 12, 2007 1:34 PM To : [email protected] Subject : عوض كيتا | | | Inbox - عبركم نعزي د. محمد في وفاة المغفور له الحاج عوض الشيخ، سائلين العلي القدير أن يتغمده بواسع رحمته وأن يلهم أهله الصبر وحسن العزاء ... إنا لله وإنا إليه راجعون. - عوض كيتا هو عوض ميرغني عِزّو. وسأعود ... أخوكم/عثمان علي

Quote: أسمحوا لى أن أتابع هنا ما إنقطع من بوست حكايا الديم ( الوطن ) فالحكاوى لا تخلص ولا تمل عن الديم الوطن . سأبدأ بصديق عمرى عبد الله

Quote: اكتبو عن ديم القنا ,,سوق الديم ,,الرعد ,,النصر,, البرنس,,الوطن,,النجم الاحمر,,العاصفة,,دكان جون,, مكتبة فقيرى

Quote: العزيز/ مدثر التحية والسلام والتقدير.. فأنا من عاشقي الموقع .. ولكن قدرة بكري ابو بكر نافذه. لذلك عبرك أدلف للمنبر بدافع غريزي من حجم العنوان (اليوم الشرقية). ذلك العلم الذي يظل في تاريخ السودان يشار إليه دوما ببنان الفخر والإعجاب .. الديم .... الديم. ومما إستوقفني (ناس علي آدم)... علم من أعلام الديم ... إذ بعد إنفاذ قرار الترحيل من الديوم القديمة (حيث كان موقع بيت ناس علي آدم) هو في أمية الكهرباء جنوب الحديقة التي تقع شمال مقابر فاروق حاليا. كان علي آدم قد إستبق الجميع فبدأ في حفر بئر في الموقع الذي حدد له (بيت ناس علي أدم حاليا). ولامن جابت المويه، ضرب الطوب. وبعد الساعة ثلاثة كان مع إخوانه وجيرانه يبنو طوبه طوبه .. وحينما حانت ساعة إنفاذ القرار كان البيت قد إكتمل كأول بيت في المنطقه. وكطيبة ناس ذلك الزمن، دفع وتنازل عن القطعة التانية – لأنو كل ناصية في الديم بي نمرتين .. آآآآآآآخ. شكرا مدثر ... أنا ما قدرت أجمع .. عايز أعرفك. لامن جو ناس الديوم القديمة في ديم تقلي والجوامعه، طلبوا منه عدم سقف البئر لتحويلها مرحاض حتى ناس الحكومه يوصلوا المويه. فإستجاب لهم فكانت هي مورد الماء إلى أن تم تركيب الماسورة في محطة التعاون والشروع في حفر بئر الديم بسوق القنا. شكرا .... شكرا .... شكرا مدثر، ولا تنسى من ناس الديم: ناس علي قيلاب، ناس باسبار، ناس علي بوب، خديجه الدايه، عم إبراهيم بلال، ناس جرقندي .... وبرجع ليك بعد ما أنشط الذاكره. تخريمه: على أحمد رجب (خلوة الفكي محمد أحمد ثم مدرسة النور خضر ثم الخرطوم جنوب الأميرية ثم الخرطوم الجديده ثم الفرع) قانوني فذ، جار عليه الزمن وضاع ... هل لك أن تتبنى حمله عبر المنبر للأخذ بيده وإنتشاله من وهدة الإدمان التي تردى فيها ؟ ... أرجو ذلك أخي مدثر، فالأستاذ علي رجب يستحق أن نأخذ بيده! وعبرك التحية والتجلة لأبو ساندرا لإتاحته هذه الفرصة النادرة. ولمولانا عادل سمير توفيق .. مع كل الود... أخوك/ عثمان علي آدم

Quote: أنا سكنت الديم . ديم سعد يا مدثر محمد ادم ما إسموا أرض الحيوان و فتح عينك معانا يا مدثر محمد ادم كنت بكل فخر جار الطيب آدم (أبو حديد) الحيطة بالحيطة يعنى ديامى واعى وولدى الهسه نسى العربي كان بتكلم الرندوك ما حأتكلم على الديم . سيادة كملوا الكلام أحييكم يأهلى بالديوم وأعزيكم فى أخوى وصديق عمري عبدالله أبو شيبة ولكم الود

Quote: العزيز أبوسـانــدرا من طــرائــف شُلل الديوم الغربية و بالأخــص في القــوز هاك دي: أذكـــر في سنــة 1986 على ما أعتقد عندما وقعــت الطـيارة الليبريــة في أركــويت .. .. في القــوز هناك عندنا واحــد إسمــو طيارة معروف و مشهور بخفة الدم و الفكاهة و من ثم (بالشربـة) ... و كان في ذلك اليوم يالليل في حفلة في القوز ... و كان صاحبنـا طيارة دة واقف لطططط .. و برقص جم النســوان ... اهـا في مــرة فصيحة كدي قالت ليهـو ... يا طيارة زح كدة ما تقوم تقع فوقي ... و بسرعة البديهة قال ليها أقـع فيك إنت أصلو أركــويت ... و طبعاً الحفلة كلها بقت تضحك هاهاهاهاهاها... و بجيـــك صـــادي مرة تانيــة كان بقينا من أهـل الدنيــا... هيثـــم القــوز

Quote: مدثر محمد آدم { تيف تيف } برضو نكرر ترحيبنا بعودتك ومداخلاتك حول أغنية مصطفى سيد أحمد { مابين زمن متمنيهو } أظن أن شاعرها صديقنا الشاعر محمد المهدي عبدالوهاب

Quote: العزيز ابوساندرا تحياتى لك وللديم العريق اشتهر الديم باسماء المحطات على الشارع حجازى الشجرة التعاون الغالى هل من توضيح لهذه الاسماء

Quote: حياك الله ابو ساندرا .. صنفرة : ليس الديامي هو من سكن الديم ولكن الديامي هو من احبها و (تسكع) فيها !!

Quote: الرائع ابو ساندرا سلامات بس انا كان ركزت علي القصة لانو كان حكاها لي العم جمة الله يفك كربتو وبعتزر للخطاء الفني والقصيدة انكتبت في الديم في بيت ناس ابراهيم حسين فرقة جاز الديم مع خالص مدي ولنا عودة

(عدل بواسطة مدثر محمد ادم on 06-28-2007, 10:50 AM)

Quote: أهلآ يا عامر ، بعد سنين ودنين نرد عليك

Quote: هذه صورة حديثة 2007 لمحطة باشدار فى الديم