|
Re: يا دريمز إعتذارك مقبول قبل ما نسمعه،،وياناس الخرطوم سلام (Re: أبو ساندرا)
|
دريمز:
لمن يسافر بجيكم ، مش قلنا ليك ما تجتهدي في الأعذار ،غايتو المرة دي كان عملتيها ، تاني أصلو ما بنسألك
ملكة سبأ: والله انا العندي كتير ما الإجازة فقطن بلغة ألسناجك أهلك ، وانتي أظنك سايرة في طريق النايرة ، شايف سجلتي ليك فرد إعتذار ، واحد لكنه قاتل خاصة لمن عرفنا إنك كنت قريبة مننا في الزهور ، وماكان فيها حاجة لو طليتي دقائق نغيظ بها ودقاسم لكن صحوبيتك مع الشليقة بت عم عبدون ضيعتنا!
المهندس: نحن لو قلنا السبب الحمانا نوجه لك الدعوة حا نحرجك قدام الناس وهذا لا يليق بعمدة بورداب الخرطوم ، معقول يا هندسة ، طوالي { خارج الشبكة }
وإتصالات من أساتذة أفاضل تؤكد رغبتها في الحضور يوم الجمعة في حديقة الطفل الواقعة خلف عفراء مول جنوبآ في تمام الساعة السابعة مساءآ وشكرآ ل : -كانتونا { كباشي} الذي تلقينا منه هاتف حميم ونتشوق لي يوم لقاءه ، وفي الإتصال سألني ، هل انا ابوساندرا القادي البورداب بسيرة رشيدة والرسالة الخاصة التي تتحرش بالعام ،وأمطروها قصائد في يوم ميلادها ،وما كان مني إلا حولته لرشيدة وأظنه سوف يكتب البوست القادم عنها نيابة عني ، وذلك يوم 2/9 وانا ما عارفو قال ليها شنو لكن سامع ضحكات صادرة من القلب ، بيكون حكى ليها نكتة يا ربي؟! -مامون عجيمي ، الشاعر والأديب المؤدب ، كنا نرمقه بإعجاب مشوب بالحسد وبنات القاهرة الجميلات متحلقات حوله وهو مكتمل الوسامة وممتليء الجيب بالأخضر البلومي إذ هو قادم من الامارات محمل ومكمل ومجمل ، ومش بنات القاهرة الأوغلن بعيدآ في الشتات وإستوعبتهن المنافيء الباردة وفقآ {لسكلبة} رقية وراق ، بل وحتى ناس محمد محمد خير كانو ينتظرون مامون بفارغ الصبر والجيوب إني أخشى حضور مامون يوم الجمعة فهو منافس خطير ، ويا ماو ماتجي إلا طابق زوجتك معاك ،لو جيت براك ،أهو ده العذاب إتحملوا ، بنطردك عديييييل. -الإستاذ سيف عثمان : صاحب الصوت الجميل والقدرة العالية على التطريب الصافي -الإستاذ قرشي منصور: رفيق أفراحنا ، رحلات وجلسات إستماع وسهرات وحفلات والذي وعد ان يغني لي يوم عرسي القادم ، وعد كذلك ان يحمل عوده ويدلف به على الساحات الخضراء الممتدة في حديقة الطفل
بالمناسبة سوف نستغل دعوة الكريمة منى لتكون الدعوة بمثابة وداعية للمحتفية بنا ، منى وللأخ عادل عثمان ولحضرتنا حيث سوف أعود لمنفاي الإختياري بعد يومين ، وإنشاالله ناس ود قاسم يكفوا حسدهم عننا
|
|
|
|
|
|
|
العنوان |
الكاتب |
Date |
يا دريمز إعتذارك مقبول قبل ما نسمعه،،وياناس الخرطوم سلام | أبو ساندرا | 02-23-05, 03:08 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | أبو ساندرا | 02-23-05, 04:21 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | dreams | 02-23-05, 05:53 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | ملكة سبأ | 02-23-05, 07:18 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | almohndis | 02-23-05, 11:22 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | أبو ساندرا | 02-23-05, 02:41 PM |
Re: يا دريمز إعتذارك مقبول قبل ما نسمعه،،وياناس الخرطوم سلام | أبو ساندرا | 02-27-05, 04:24 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | أبو ساندرا | 02-28-05, 10:59 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | dreams | 03-06-05, 11:37 PM |
Re: يا دريمز إعتذارك مقبول قبل ما نسمعه،،وياناس الخرطوم سلام | أبو ساندرا | 03-07-05, 04:59 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | أحمد الشايقي | 03-08-05, 02:03 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | Hussein Mallasi | 03-08-05, 02:35 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | أبو ساندرا | 03-08-05, 03:06 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | معتصم الطاهر | 03-08-05, 04:52 AM |
Re: يا دريمز إعتذارك مقبول قبل ما نسمعه،،وياناس الخرطوم سلام | أحمد الشايقي | 03-08-05, 05:23 AM |
|
|
|