|
|
 خستكات ود بركات
|
قبل شوية دخلت طالعت المتواجدون الآن وجدت 106 ، 3 أعضاء هم انا وريم وطلال عفيفي و103 متفرج ، قعدت من بعيد أراقب ومغتاظ من الخلوة وفي سري تمتمت ، وفي نهار رمضان ، وقبل ما أواصل المراقبة إذا بطلال يختفي وبقيت أنا المتورط إتلفت جاي جاي وقلت يا فكيك وإتخارجت .
بعد مسافة كده قت النتاوق نشوف الحاصل شنو فإذا بي أصطدم ب 3 أعضاء قرجة و نذار حسين وفتحي الصديق وبيتفرج عليهم 106 لعنت حظي العاثر ، بيت عذابه ! وبرضو في نهار رمضان ، يا لسؤ حظك ياود بركات ، مش كان أحسن قبيل ؟ ، ومن الغيظ ، وخطرفات الصيام قررت ان أتسكع في هذا الفضاء على كيف كيفي ، والأسر والمحترمين والصائمين يمتنعون ، بس يجو هنا المطاميس ، الصعاليك المطاليق ، والعصاة على زعمات بولا نقلآ عن مصطفى محمد صالح مكسر الأصنام!
- و أول خستكة /خطرفة سببها قاتلتي الست حرمنا المصون رشيدة بنت المغيرة رضي الله عنها ، لقيتها عالقة في بورتسودان ما لاقية حجز على بواخر العمرة ومشلهته شلهة السيح والتماسيح ، إتكيفت جدآ وفي سري قلت ليها تستاهلي ، لأني بحنس فيها أسبوع بحالو عشان تفتح للعمرة وأنا أجيها في الخرطوم ، ركبت رأسه و ابت ، وحاولتني وبرضو ركبت رأسي وأبيت متحسرآ على 12 يوم كان فيها ممكن جدآ أزيد عدد سكان السودان ، ومن الغيظ قلت ليها :أنا لسع عندي ذنوب ومعاصي حلوة لم أرتكبها ، بعد ما أقضي وطري بمشي أمسح بالعمرة إستيكة الخطاة العصاة التائبون.
هسع ماعارف أقبل وين ،نفسي تراودني أمشي دبي وخايف أيام الحداد تقلل سعادتي وتسكعي ، ومرة أفكر أدخل في زواج متعة حلال في طهران أو تبريز لكن شبهة الحلال هذه لا تروقني ، وبالطبع الشبهة مقسومة بعدالة بين الحلال والحرام وفقآ لإختلاف المذاهب وفي إختلافها رحمة بالناس لو كانوا يعلمون ، والشبهة في الحالتين لا تروقني.
و واحد صاحبي من العصاة البررة ، يشبه العلاقة الزوجية بأكل المستشفيات صحي لكنه فاقد المذاق ، أما العلاقات المحرمة خارج المؤسسة الزوجية القابضة فهي تكتنفها أخطار شتى ولكنها طاااعمة ، ده طبعآ رأي صاحبي ، وكنت متوافق معه لحد ما وكنت بقول ليهو الأمر يتوقف على الشخص والطريقة صرف النظر عن الصحة والمذاق ، ولكن لما العالم أصبح مبتلى بإدريس أو السيدا حسب الفرنسيين جماعة بولا ، والسيدا في الأسيوية معناها عديل / مستقيم وللغات شئونها ، بعد ما تفشى { إدريس } في العالم فإن أكل المستشفيات أحسن ومضمون ومصان!!
اليومين ديا أوباري معلقة في روحي ، وكلما تجي سيرتها أتحسس قلبي ، بس خلوني بعدما أروي ظمئ] أعود ليكم لا أبلآ وثقت ولا يكفي القصيد روائعآ على زعمات ودالمكي
|
|
 
|
|
|
|
|
|
|
|
Re: خستكات ود بركات (Re: أبو ساندرا)
|
| Quote: ومرة أفكر أدخل في زواج متعة حلال في طهران أو تبريز لكن شبهة الحلال هذه لا تروقني ، وبالطبع الشبهة مقسومة بعدالة بين الحلال والحرام وفقآ لإختلاف المذاهب وفي إختلافها رحمة بالناس لو كانوا يعلمون ، والشبهة في الحالتين لا تروقني. |
أبوساندرا
الحجل في الرجل ،، عليك الله سوقني معاك ،،
بالمناسبة فوزية بقت ما عندها شغلة بالمنبر ،، عشان كده أنا سرحان ، بس شايفك لحقتني ، الحاصل شنو ؟
تحياتي للأسرة ،،
والله بهظر ، والزول ده أصلا بجيب الحكاوي دي من وين ما عارف ،،
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
1- حسين ملاسي
، العين بحسين يا حسين عايز تنجهنا! غايتو لو حصلت لي أي حاجة حأرجعك مع الغزاة إلى الأناضول مع غازي العتباني وعمر الجزلي ، كمان جاتنا عين الحلب الخضراء
عندي صاحبي {أتراكتيف } حلبي موطن أجداده في الأستانة ولا أزمير ماعارف لكنه يساري ويتحدث عن السودان كأن جده المهدي ، وعشان يؤكد إنتمائه ولرغبته أن يجنب أولاده الحمرة الأباها المهدي قام عرس ليهو جعلية كحلية ، لكن تخطيط صديقي باء بالفشل لأن جيناته كانت هي الغالبة على جينات الجعلية المكعكعة العيال كلهم طلعوا حماريط زيك كده ، مفسوخين ،، وعامر المودة ، وشكرآ على المرور وعلى العين يا حسين ، ويا عين ياعينية يا جاحدة يا حلبية أخرجي !
2-نذار حسين:
عشان التالت يكون شاهد أو حكم ، أما دخلتك التانية ما أظن في حد حايحسدك عليها ،إمكن ودقاسم بتاع بيوت العذابة
3-ودقاسم:
يا غبيان بت المغيرة مشغولة بالعمرة هي الآن في عرض البحر ، حفظها الله ، ولغاية بعد العيد ماحا تدخل الموقع ولمن ترجع بيكون هذا البوست غطس وغار في ستين داهية وراح في غياهب الجب وصاحبك حايكون قاعد وبرآة الذئب في عينيه
4-إشراقة مصطفى:
أمشي أسوي شنو ؟ رشيدة وأخدت معاها إتنين ، والباقيات الصالحات ، ساندرا في المرابيع في كوستي ضمن رحلة جامعية عملية ، وماهيتاب عندها إمتحانات نهائية بعد العيد ، وسارا متورطة في اللغات وهي أصلآ فارزة عيشتها ولا تتدخل فيما لا يعنيها
5-نادوس2000:
شايفك دفقت ثقتك في الرهاب ، هسع في ذمتك البتغرقك كان أحسن ليها انا ولا الجري حفيانة وطقيع الحصى وتقبيل الحجار ، وبعدين القصة ما خايله معاها ساقين طوال وشعر منكوش ،أها الفرق بين ده والجنون شنو؟!
6-أبوقصي:
{أداء كل المناسك }؟؟!! عديييل كده!! يازول ! غايتو قصر الملح في الملاح ، وحات الخوة ما بتبدل مناسكنا وأشواقنا بأي مناسك أخرى ولا شعائر ، بس هي زاغت لأنها خايفه أحملها المسئولية ، وانا ماشي في عيد الأضحى ،أها خليها كمان تقول ماشه الحج ! في هذه الحالة حا أشك إنك ساعدت في أداء المناسك ، مناسك آل
وبعدين يا حدق أجي جدة للفلاتة والحبش ولا أمشي لصبايا فارس اللآتي تنتفض نهودهن كرأس القط في الغسل زي ماقال الخبير مظفر النواب
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
خستكة تعددية ضد الجندرة:
عشنا وعايشنا حالة التعدد الزوجي في بيوتنا أوبيوت أقرب لنا جيرة أو قرابة ، في فترة ما من تطورنا الإجتماعي المنسجم مع ضرورة المسارعة بتغطية القدح و بقاء البنات عازبات بعد سن ال17 مؤذي لهن وللمجتمع لذلك كان التعدد لإعادة التوازن للنسب المختلة بين أعداد ذوات الثدي وذوي الأشناب ، وشفنا نجاح تلك الأسر المتعددة وتربى الأخوة لأب كما لو انهم أشقاء وقلما نسمع مشاكل نتيجة لذلك ، ولذلك كانت ظاهرة العنوسة محدودة وكذلك كانت الخيانات نادرة إن لم تكن معدومة.
في وقت ما خضعنا لإبتزاز جندري ، بأحادية الأسرة ، ومشينا الموضوع تمشيآ مع الضائقات المعيشية وغيرها ، وفي رأي كانت المرأة منسجمة مع طبيعتها في رفض التعدد الزوجي حيث هي أحادية ولا يمكنها التعدد كما انه مخالف لطبيعتها،
والشاهد أن المرأة يكفيها رجل /زوج واحد ولا تتعدد إلا في حالة حدوث خلل في علاقتها الزوجية ، وفي هذه الحالة بيكون دافعها للتعدد الرجل نفسه ، إما الزوج المقصر ، أو الآخر اللذي نجح في دغدغة عواطفها ،وغالبآ تكون المرأة المتعددة المخالفة لطبيعتها غير مستقرة ودائمة القلق .
لكن اللذي يحيرني لماذا خضع الرجل للإبتزاز الجندري وتنكر لطبيعته ، فهو في الأصل تعددي هذا ماأكده الدين الإسلامي بتحليله الزواج مثنى ورباع بل وإلى عدد غير محدود لو كانت لديه جواري مما ملكت أيمانه وماأكدته الممارسات الجانبية خارج المؤسسة الزوجية وإتخاذ العشيقات
لو أنتزع الرجل حقه وتخلص من القهر الجندري فإن البشرية سوف تعيش في سلام حيث لا حرمان ولا عنوسة ويتاح لجميع ذوات الثدي فرصة زواج لو من ضل حيطة ، وتختفي الخيانات والعشيقات ويسود السلام الإجتماعي
يللا أفتحن علي أبواب جهنم ، لكن جاوبن بصدق ، هل ستتردد أي منكن في قبول راجل مرة لو بلغ سنها الأربعين؟؟!! وإنتو يا أبان شنبات جاوبو وبصدق خاصة للمستمتعين بحياة زوجية سعيدة هل حا ترفضوا زيادة الخير ومزيدآ من السعادة ، جاوبو وما تبرمو شنباتكم ، أنا شخصيآ حا أجاوب ، لو لقيت تاني تلاتة زي رشيدة دي حا أكون أسعد رجل في الدنيا وبالنسبة للسكري والقدرات الله يستر العلم والإكتشافات الجديدة التي تساعد في مشروعي التعددي وده رد على ودقاسم اللذي سيحكي حكاية هنا عن الرجل اللذي شرع في زواج تاني وكيف أثنته زوجته الأولى عن الفكرة المهببة
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
أسامه معاوية الطيب:
يا حبيب ألحق أخوك ! الحمى طالعة في الرأس ! وماناوي أجيبها البر حا أفتح في كل المسكوت عنه شمال ويمين ، عايز أتجدع بمزاج ونتونس في المكتوم ، الدين والإلحاد والجنس والصراع الطبقي ثالوث بوعلي يسن المحرم
طهران طبعآ المعادل الموضوعي لجده ، وقم المعادل الموضوعي لمكة ، ثنائية المذهب سني / شيعي وطبعآ في زول باغتني وقام مشى جدة/مكة وأنا لازم إتسده في مكان التوازن عندكم في فارس، ومافي حد أحسن من حد ،
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
أنا فقط أونلاين مع 102 متفرج ، ليس هذا البوست بل كل المنبر الحر ملكي الآن وحدي ، أفعل فيه ما أشاء ، وأمنية الوحيدة أن يدخل الآن فلان لأصفي حساباتي معه بالطريقة الوحيدة التي يفهمها ، وبعد داك حا أعيد تنسيق وترتيب المنبر وعضويته.
-الرجال مقطوعي الطاريء
المشكلة ، بالاضافة لأن عددية الرجال قليلة بالنسبة للنساء بسبب كرري وحروب الخليفة ورعونة الجبهة الإسلامية والإستعداد الطبيعي للذكور في الرحيل المبكر ، حكمة ربنا ، فإن من بين أعداد الرجال القليلة هناك عدد من السواقط ، حيث لا يمكن إعتبارهم رجال بأي حال من الأحوال ، وهؤلاء أحذر النساء منهم ، لا يقبلن بهم أبدآ والعنوسة والحرمان أحسن ليهن وأكرم من التورط في الإقتران بهم ، وهم
1- الشكاك :
الرجل الشكاك سوف يحول حياة زوجته ومن ثم بناته إلى جحيم لا يطاق ، يحرم عليهن المرقة والضحكة ولو ضبط واحدة بتتكلم بالتلفون يجن جنونه ويتخيل أن على الطرف الآخر عاشق يراود ، أما إذا غلطت الزوجة ووضعت عطر عند الخروج فإنه يقيم الدنيا ولا يقعدها ويجبرها على البقاء في البيت متوهم انه طرشق لها موعد ويظل طيلة اليوم متوجس ، ولا يتردد هذا النوع من تسجيل زيارات مباغتة للبيت إذا كانت الزوجة عاطلة عن العمل وغالبآ ما تكون هكذا لأن المريض طلعها من العمل حيث الغوايات الكامنة ، ولو أجبرته ظروف المعيشة للموافقة على عملها فإنه يسجل زيارات مصطنعة لها في العمل ليتأكد من تواجدها وياويلها لو كانت متواجدة تلعلع مع زميل ، ويا جحيمها إذا لم يجدها يسارع في العودة إلى البيت وهاك يا تحقيق وشمشمة زي الكلب وبحث في شنطة اليد بحثآ عن دليل إدانة او مخلفات تسكع
هذا البائس يراجع الموبايل للمكالمات الواردة وياويلها لو إتصل بها أحدهم عن طريق الخطأ مافي شيء في الدنيا حا يقنعه انها بريئة ، ويراع فاتورة التلفون بحثآ عن المكالمات والأرقام المجهولة لديه ويشرع في الإتصال والتحقيق
والبائس دائمآ تجد خياله واسع ،وغالبآ يمارس الخيانات ويتخيل ان الجميع مثله
أعرف أحدهم من هذه الشاكلة كان يقطر زوجته عند خروجها دون أن تشعر به ، ويباريها وفي غرارة نفسه يتمنى أن يضبطها بالجرم المشهود ، عرفت ان الزوجة أدركت ذلك وفتعمدت الخروج مشيآ في مشاوير طويلة فأرغمته على الرياضة التي يكرهها
هذا النوع من الرجال إذا ما حسبناهم ضمننا تجاوزآ غالبآ مقصرين في واجباتهم الزوجية ولذلك يعتقد أنها تحاول أن تتم الناقصة بمجهودها الذاتي ، وغالبآ هو ضعيف الشخصية
هذا البلوى أخير منو الموت مش العنوسة
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
سلامات يا ابو ساندرا
ما دام الحكاية كلها خستكة في خستكة؛ فهاك القصة دي برضو عن الحلب:
الاسبوع الفات كنت راقد في الحوش بين نايم و صاحي؛ الساعة كانت زي اتنين صباحاً؛ و بسمع في الراديو>
كان هنالك لقاء مع لاعب المريخ السابق الاغا؛ و كان بيحكي فيهو عن ذكرياتو مع الرياضة و الكورة و كدا.
المهم قال انو كان بيلعب قبل تسجيلو للمريخ مع فريق اسمو الزهور
- او ربما الزهرة فقد كنت بين صاحي و نايم -
و قال انو كان عندهم مبارة مع فريق العلمين؛ و قال انو لو فريق العلمين اتهزم فيها فسوف يهبط للدرجة الادنى.
قال انو ادارة فريقه - الزهور و لا الزهرة ما عارف -
قررت ان تفتح للعلمين؛ للعلاقة المتميزة بين الفريقين؛
ليبقى العلمين؛ و قامت الادارة بتنوير - او بتضليم -
اللاعبين بهذا الامر.
قال انو فريقو لعب متهاون جداً تنفيذاً لرغبة الادارة؛
اها قال مرة جاتو الكورة كدا؛
فصاح فيه احد مشجعي العلمين و الملعب صاني:
"ما عندك كورة يا حلبي" ..... فسمعها كل من كان بالاستاد ....
ود الاغا قال؛ بعد الجملة دي مباشرة اتتهم ضربة حرة مباشرة من خارج التمنطاشر ؛ و قال :
توجهت للكرة؛ فتجمع حولي بقية الزملاء؛
لاثنائي عن تنفيذ الضربة - يبدو ان قدمه كانت كافرة -
فقد شعروا بما اضمرت. ...
و كان ان صوبت الكرة بحيث اخترقت شباك العلمين بهدف انتهت عليه المباراة.
و اختتم ود الاغا حديثه قائلاً : و كان ذلك اخر عهد
العلمين بتلك الدرجة؛
و منذ تلك المباراة
لم يستطع الصعود مرة اخرى .....
و عيني باردة يا ابو ساندرا
و كل سنة و انت طيب
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
ملاسي
أسامة يوسف عمر أغا !!! شخصيآ ؟؟ يا سلالالالام ، عادت دفعة واحدة ذكرى أيام مجيدة ، وأسامة لاعب موهوب وهلالابي ضل طريقه للصهاينة أصحاب نجمة داؤود وفعلآ قدمو كانت كافرة ، أما أخوه عمر فقد كان كافر عديل { رحمه الله وأحسن اليه } فقد كان برآ حفيآ بأصدقاءه وعابد متنسك في محراب الجمال ومتبتل في القعدات والليالي الملاح ، كان يبدو شيخآ وقورآ بشعره الأبيض { الكستنائي } دي معناها شنو وكان شعره مضفور على طريقة نور الجيلاني اللذي يبدو انه تأثر به ، كان وسيمآ وجميلآ وصاحب نوادر وحكايات
أها عشان خاطر ناس أغا عفونا عنك وما حا نرجعك الأناضول أو الأستانة مع الغازي صلاح الدين العتباني وعمر الجزلي ، بس لون لينا عيونك خضراء الدمن دي بالأسود النشوان نهي دي عيون ولا سيجارة بتاع ملفوف
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
المتواجدون الان بالمنبر الحر 111 شخص » (1 )عضو و (110) زائرا
»Ibrahim Adlan
هذه الصفحة يعاد تحديثها كل 120 ثانية.
المنبر الحر | أرشيف المنبر الحر 2003 | أرشيف المنبر الحر للنصف الاول لعام 2004 | مكتبة الراحل على المك | مواضيع توثيقية و متميزة
اراء حرة و مقالات سودانية | مواقع سودانية | اغاني سودانية | مكتبة الراحل مصطفى سيد احمد | دليل الخريجيين السودانيين | الاخبار اليومية عن السودان بالعربى|
جرائد سودانية |اجتماعيات سودانية |دليل الاصدقاء السودانى |
مع تحيات بيان للمعلوماتية
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
حبيبنا الديامى القح ابوساندرا..
وينك ياراجل ووين اراضيك وكيف بناتنا ساندرا وماهيتاب..
ان شاء الله ام ساندرا تكون اتخارجت بالسلامة وقول ليها دة مصير المابتسمع كلام زوجها.
بعدين قصتك دى ذكرتنى بى قصة اخونا الكويتى الطلع من البيت وقال لى زوجتو انه مسافر العمرة ,وقومك يااولاد الحلال اختطفوا الطائرة..وجاء فى الأنباء بأن هناك منظمة قد اختطفت الطائرة الكويتية المسماة الجابرية والمتجهة الى تايلاند ونزلوا بها فى مطار بانكوك مطالبين الحكومة التايلاندية بفك بعض الأسرى فى السجون التايلاندية يتبعون لتلك المنظمة..وما تنسى انه حبيبنا بتاع العمرة جوة الطيارة..وبعد ماالمسألة انتهت على خير,رجع صاحبنا الى بيته,وعينك ماتشوف الا النور.
مع تحياتى.
| |
|
|
|
|
|
|
|
|
|
Re: خستكات ود بركات (Re: أبو ساندرا)
|
1-فرح:
شكرآ يا متر ، وخليك معنا التقيل جاي وره
2- إبراهيم يا عدلان:
دي تلقاها عند الغافل {عدلان } مخطط لإغراق البوست وإرساله للنسيان بس بعد ما افك آخري وقبل ما ترجع الحاجة
هسع يا براهيم لمن كنت وحدك إتمنيت منو يجي داخل عليك ، قول الجد!
، قبل كم يوم تكلمت تلفونيآ مع عبدالرحمن بربر ، وجات سيرة القط
، بعد الإفطار ، إتصلت برشيدة لقيتها راجعة من العمر بعد ما أدتها ، وقالت راجعة بكرة تعمر واحدة تانية ، سألتها :ليش ، قالت لي دايره أهديها ليك ! شفت صاحبتك المخرفة!
3- قلقو:
وينك يا راجل ؟ ياخ لعبت الفار في عبي ، يعني إحتمال الزولة دي تكون مشت تعمر في دبي!
| |
|
|
|
|
|
|
| |
أبو ساندرا
Hussein Mallasi
nazar hussien
ودقاسم
nadus2000
Ishraga Mustafa
ABU QUSAI
أسامة معاوية الطيب
فرح
قلقو
فيس بوك
تويتر
انستقرام
يوتيوب
بنتيريست