كتب الكاتب الفاتح جبرا المتوفرة بمعرض الدوحة
|
|
 Re: 13 يوم في الخرطوم (Re: أبو ساندرا)
|
ودقاسم:
__________
يعني العملتو رشيدة ده كان {تفكيك} ! وحكاية التفكيك {صامولة صامولة } دي عايزه ليها حسبة غير على زعمات ناس جدة ،الجماعة منتشرين كالسرطان في جسد الوطن ،نعم هم قلة لكنهم مستوعبين معهم إنتهازيين كتار ‘ويومك مطين لو مشيت-غصبآ عنك- لمنسقية الخدمة الإلزامية حاتكره اليوم الولدوك فيهو.
لابد من تنقية الوطن والخدمة المدنية والعسكرية من شوائب بل أدران الجبهة الإسلامية ، ما حا يكون في أي معنى أو فائدة للتحول الديمقراطي إذا كانت أجهزة الدولة وإمكانياتها حا تستمر في قبضة السلطة الدمار
وشكرآ جزيلآ على تلفونك الطويل الممتع في الخرطوم ، اللذي أسعدنا جدآ
ود عقاب:
_________
الجايات اكتر من الرايحات يا عزيزي وحضر مشاعرك في فبراير القادم ، وعاصم الحزين كتر خيرو ماقصر معاي تب وساعدني جدآ ،لكنه في نفس الوقت تآمر وأخفى عني بعض الملفات الطازجة، ما ينفعو!
OutCast
_______
وفي فبراير 2005 ماشي السودان أصلو العطشة الدخلت فيني بسبب غياب عن الخرطوم لعشر سنوات متوالية لليلة ما مرقت ولا نجحت الزيارات المتكررة في ريها.
مشاعر الغياب عن الوطن أعرفها تمامآ وإكتويت بنيرانها وربنا يكون في عونكم وكان لي حق التذاكر ده تب ما مشكلة بس إنتو أنو الحج للوطن المقدس.
وشكرآ جزيلآ على مشاعرك الطيبة وأنا ذاتي مرات قاعد أحسد نفسي على ما حباني به الله من زوجة خبيبة نادرة المثال وبنات زي العسل ، وقولوا ماشاء الله تبارك الله والخمس!
راشد يحيي مدلل:
___________
الفتى الهميم ، كيفنك
حا أحكي ليك الحكاية دي وهي من أيام الخرطوم الجميلة:
ساقتني خالتك رشيدة مشوار لأمدرمان أنجزنا بعض الواجبات المعلقة وفي طريق العودة غشينا أحد أحياء الخرطوم القديمة ، وقفت أمام بقالة لشراء حاجة باردة للست المتعطشة التي تجلس جواري ، ومناديل ورقية لرشح أنتابني فجأة ، لعله من عطرها الفاغم ، في طريقي للبقالة كان جاي من عندها شاب في مقتبل العمر بين 19-22 سنة كان يردد شعرآ قصيدة { دق المطر دق .. فانوس هواك بق } وكنت قد سمعتها ملحنة بي صوت عاطف أنيس ، أوقفته وسألته : ياولد جبت الكلام السمح ده من وين ؟ قال: هذه قصيدة لمحجوب شريق . زغرد فرح جواي وسألته مرة أخرى : هل حصل سمعتها ملحنة؟ ولما أجاب بلا ، أسمعته مقطعها الأول بصوتي النشاز ، إندهش وإتسعت عيناه ، صديقه اللذي لم أره في الأول ويبدو أصغر منه ، قال ليهو : يا فلان عمك ده بيكون زميل!
يا للعظمة ، وما أصدق من قال أن هذا الحزب غير قابل للموت ، ولن ينكسر أبدآ ، في الوقت ده كانت رشيدة قد إقتربت وسمعت الجزء الأخير من الحور الممتع مع الشابين ، قلت ليهم : يا أولاد ياتو زمالة دي البتتكلموا عنها؟ ولما حاولوا أن يعيدوا تأمينهم ببعض المراوغات ، قلت لهم مباشرة : مش غريب أكون أنا زميل لكن الغريب أن تكونوا إنتو زملاء ! وإستطردت قائلآ : ظننت أن هذه الفئة العمرية لم تعد تلتحق بالحزب بأعداد يمكن أن تصادفها في الشارع! قالو لي :نحن سعيدين أن نتعرف اليك ، وأسمح لينا أن نناديك يا زميل بدل يا عم ، وحكوا لي عنهم وعن حرص جيل من الشباب في عمرهم ،زملائهم وو جهوا لي دعوة لحضور ركن في جامعتهم وحددوا لي المكان والزمان ، إعتذرت لهم موضحآ أسبابي وقلت لهم جتمآ سوف نلتقي في الإنتخابات القادمة.
تلك المقابلة يا راشد شحنتني بطاقة هائلة ، ورفعت معنوياتي في السماء ، وكانت دافع في بعض الإنجازات الهامة .
أباذر علي خليفة:
______________
مرة أخرى ، سعاد ما قابلتها لكن حا أحكي ليك عن سعاد أخرى ، وسعادات غمرتني
|
|
 
|
|
|
|
|
| العنوان |
الكاتب |
Date |
| 13 يوم في الخرطوم | أبو ساندرا | 12-16-04, 00:04 AM |
| Re: 13 يوم في الخرطوم | حمزاوي | 12-16-04, 00:22 AM |
| Re: 13 يوم في الخرطوم | abazar ali khalifa | 12-16-04, 00:23 AM |
| Re: 13 يوم في الخرطوم | ودقاسم | 12-16-04, 00:26 AM |
| Re: 13 يوم في الخرطوم | أبو ساندرا | 12-16-04, 02:28 AM |
| Re: 13 يوم في الخرطوم | ود عقاب | 12-16-04, 02:39 AM |
| Re: 13 يوم في الخرطوم | Outcast | 12-17-04, 07:19 PM |
| Re: 13 يوم في الخرطوم | راشد يحى مدلل | 12-17-04, 07:51 PM |
| Re: 13 يوم في الخرطوم | أبو ساندرا | 12-18-04, 02:18 AM |
| Re: 13 يوم في الخرطوم | أبو ساندرا | 12-19-04, 01:06 AM |
| Re: 13 يوم في الخرطوم | أبو ساندرا | 12-21-04, 09:37 AM |
| Re: 13 يوم في الخرطوم | Adil Isaac | 12-21-04, 11:49 AM |
| Re: 13 يوم في الخرطوم | Hussein Mallasi | 12-21-04, 03:34 PM |
| Re: 13 يوم في الخرطوم | راشد يحى مدلل | 12-21-04, 06:23 PM |
| Re: 13 يوم في الخرطوم | أبو ساندرا | 12-22-04, 06:22 AM |
| Re: 13 يوم في الخرطوم | منوت | 12-22-04, 07:32 AM |
| Re: 13 يوم في الخرطوم | عشة بت فاطنة | 12-22-04, 10:58 AM |
| Re: 13 يوم في الخرطوم | أبو ساندرا | 12-23-04, 00:50 AM |
| Re: 13 يوم في الخرطوم | Ishraga Mustafa | 12-23-04, 02:04 AM |
| Re: 13 يوم في الخرطوم | أبو ساندرا | 12-25-04, 03:07 AM |
| Re: 13 يوم في الخرطوم | معتصم ود الجمام | 12-25-04, 03:37 AM |
| Re: 13 يوم في الخرطوم | أبو ساندرا | 12-28-04, 02:04 AM |
| Re: 13 يوم في الخرطوم | أبو ساندرا | 12-28-04, 08:58 AM |
| Re: 13 يوم في الخرطوم | أبو ساندرا | 12-29-04, 02:09 AM |
| Re: 13 يوم في الخرطوم | محمد الامين احمد | 12-29-04, 04:46 AM |
| Re: 13 يوم في الخرطوم | أبو ساندرا | 12-30-04, 03:34 AM |
| Re: 13 يوم في الخرطوم | إسماعيل التاج | 12-30-04, 06:11 AM |
| Re: 13 يوم في الخرطوم | خضر عطا المنان | 12-30-04, 07:47 AM |
| Re: 13 يوم في الخرطوم | nadus2000 | 12-31-04, 01:32 PM |
|
| |
أبو ساندرا
فيس بوك
تويتر
انستقرام
يوتيوب
بنتيريست