نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: آداب الطــلاق (Re: أحمد الشايقي)
|
الاستاذ / احمد الشايقي
تحياتي
الطلاق علي من وجهت نظري كعذابي هو آخر الحلول واسوء خيراتها فعندما يصبح شر لابد منه فهذا يعني ان هناك إستفهام كبير بين الطرفين وإتساع شقة التفاهم بينهما ونحن كسودانيون نتردد حتي في قطع العلاقات العامة ناهيك عن حياة شخصية وارتباط روحي ... بحكم خبراتكم هناك عادات وتقاليد سودانية تتم في الطلاق اتمني ان تفرد لذك مساحة كذلك هل هنالك فرق في الطلاق بين السودانيين وغيرهم ( الطلاق هو الطلاق ) ؟؟ احسست هذا من خلال التمييز في الكلمات ... تمنياتي للجميع بالاتفاق والتوفيق دوماً ...
جمرالطلاق
جعفر السقيد
الدنيا كان نص النهار شمس الله فى كبد السماء
والتسمه نايمى فى الخدار خايفى الهجير لا يلثمه
لا قونى اطفالاً صغار فى حاله يائسه ومألمه
وقالوا لى بى كل انكسار الدنيا يا عم مظلمه
سألتا مالكم يا ولاد جرت الدموع متلاطمه
وجانى الصغير بى شويش وبى إلفه فى قلبى ارتمى
قالى بى خاطر حزين الدنيا صبحت ما بتطاق
امى وابوى بلا سبب يا عمى اعلنو للفراق
واخوانى خلو المدرسه كايسين دروب الإرتزاق
وياما كتير ناس زينا بعانو من جمر الطلاق
بادرنى بى أحرج شؤال يا عمى هوى غلطان منو
احترتا انا وحار بى الدليل كلمنى بس اعمل شنو
وقبال اجاوبلو السؤال بادرنى ياعمى هوالغلطان منو
غلطان ابوى الما قدر يفهم إحساس الصغار
ولا غلطانه امى المن زمن ماليها هم غير الشجار
ولا الغلط كان مشترك ياعمى سوء فى الإختيار
ولا الزمن اصبح صعب اسلوبوا ما بيعرف حوار
ياعمى هوى غلطان منو عيشتنا صبحت نار فى نار
خايف يجونا بعد زمن ويقولو امات للإجار
احسن لى اموت انا بس طفل قبال ما يتخذوا القرار
ما بتعرف الغلطان منو ماالاسره انقسمت خلاص
واحدين يأنبو فى ابوى ويبثوا فى أمى الحماس
حبوبه ام قلبا رهيف وقفت على خط التماس
غابت خلاص المعرفه والعقل امتلكوا النعاس
لازال بيحكيلى الطفل قال لى والموقف رهيب
الشئ المحيرنى وعجيب وخلانى فى موقف مهيب
خلق الله ليه يتخاصموا ماالمولى خلق الكون رحيب
والشئ البحير تشوف عدوك تلقاه كان اقرب حبيب
اقرب مثال امى وابوى الريده انقلبت نحيب
كان شفتا لى صورة العرس والبسمه من جوه القليب
تحلف بأنو الكون جميل انشوده من سحر المغيب
بالله مالكم يا بشر حيرتو للطب والطبيب
الليله شوف بسبب امى وابوى جانا الضياع صنقر قريب
واحتجنا كل يوم الصباح الشكله من اجل الحليب
خاصمنا كل المجتمع حتى اللعب بنشوفوا عيب
كل خوفنا من أخطر سؤال مشكلتو ما يلقى المجيب
مالم اهلكم يا ولاد صوتن بلا طير شافلو دبيب
فى شان ده نلعب فى الشمس وننضارا فى الركن القريب
وقبال يأذنو للعصر نتلمّ فى فد عنقريب
ونوم ونحلم بى زمن ما فيهو للأحزان نصيب
كان ردى ليهو خلاص كفى قطعتا قلبى انا بالعذاب
نوع ديلا قايلين العرس زغرودة عن ساعة الخضاب
نوع ديلا قايلين العرس طاقيه يلبسه كل شاب
نوع ديلا قايلين العرس زى نزهة فى مدن الضباب
لو ختوا بالم للأرض كيفن بتنتظر السحاب
يا دوبو كانوا بيعرفوا إنو المولى ما سدالو باب
ولا حتى ابليس اللعين وكل ولادو على الخراب .
|
|
 
|
|
|
|
|
| العنوان |
الكاتب |
Date |
| آداب الطــلاق | أحمد الشايقي | 12-20-05, 01:15 AM |
| Re: آداب الطــلاق | أحمد الشايقي | 12-20-05, 01:16 AM |
| Re: آداب الطــلاق | كمال مبارك | 12-20-05, 02:24 AM |
| Re: آداب الطــلاق | أحمد الشايقي | 12-20-05, 03:21 AM |
| Re: آداب الطــلاق | ELSUNNI | 12-20-05, 02:27 AM |
| Re: آداب الطــلاق | أحمد الشايقي | 12-21-05, 03:00 AM |
| Re: آداب الطــلاق | أحمد الشايقي | 12-21-05, 03:01 AM |
| Re: آداب الطــلاق | عبد المجيد محمود | 12-21-05, 03:08 AM |
| Re: آداب الطــلاق | أحمد الشايقي | 12-22-05, 06:21 AM |
| Re: آداب الطــلاق | أحمد الشايقي | 12-22-05, 07:14 AM |
| Re: آداب الطــلاق | انعام عبد الحفيظ | 12-22-05, 08:46 AM |
| Re: آداب الطــلاق | أحمد الشايقي | 12-24-05, 01:08 AM |
| Re: آداب الطــلاق | أحمد الشايقي | 12-25-05, 00:45 AM |
| Re: آداب الطــلاق | انعام عبد الحفيظ | 12-24-05, 08:53 AM |
| Re: آداب الطــلاق | أحمد الشايقي | 12-25-05, 01:05 AM |
|
| |
فيس بوك
تويتر
انستقرام
يوتيوب
بنتيريست