|
|
|
 Re: العميري 10 × 1 ... (Re: filan)
|
وابقى زولا ليهو قيمة
متابعين يا فلان
واربطنا بالبيان
وانت طيب
| Quote: رحمه الله , أضعاف عطائه |
آاااااااامييييييييييييييييـــــــــــــن
| |
 
|
|
|
|
|
|
|
 Re: العميري 10 × 1 ... (Re: rani)
|
السلام عليكم
فلان و د علان البعرفوا من زمان انت حي بالله
خيار موفق و بس ما عرفت احفظ الاغاني وريني كيف
و كل سنة و انت اطيب
| |
|
|
|
|
|
|
|
|
|
Re: العميري 10 × 1 ... (Re: sudania2000)
|
سعد الدين دمت بخير ومستمتع .
سودانية 2000 نرجعي بالسلامة وتلقينا منتظرين .
تمبس مستودع الدهشة ح ننتظرك مش بيقولوا : ( الحاري ولا المتعشي ) ؟
راني رجع لينا الصورة
| |
|
|
|
|
|
|
|
|
|
Re: العميري 10 × 1 ... (Re: filan)
|
فلان تحياتي
وشكرا للعميري المقيم فينا دائما ...
ياخي خلينا نحفظ على اجهزتنا الحاجات الجميلة دي
خاصة لناس نادرين واعمالهم قليلة على النت مثل العميري رحمه الله
والجمال زي الشمس
حق مشاع للجميع ...خلينانستمتع بالشمس معاك
دمت
| |
|
|
|
|
|
|
|
|
 Re: العميري 10 × 1 ... (Re: filan)
|
فلان
سلامات .. وكل سنة وانت طيب
وحتفضل ذكرى عميري فينا باقية
..
| Quote: و قبل ما أنسي فقد طلب مني أحد الأخوان دوبيت للراحل العميري فالرجاء من من يملك دوبيت للعميري يلحقنا بيهو .. |
احتمال اللاقي ليك دوبيت في شريط وادي ام سدر .. بس عايز شوية صبر ..
| |
|
|
|
|
|
|
|
|
 Re: العميري 10 × 1 ... (Re: sudania2000)
|
سلامات
بلدي يا حبوب أشكرك علي مرورك وليتنا نمـر بـ بلدتا الحبوب
العمدة قرشو تحياتي ليك ومرورك يضوع المكان بذكريات الايام الخوالي
سودانية وين وصل بيك التسفار ؟ ترجعي بالسلامة إن شاء الله
و منتظرين أستاذنا تمبس ...
| |
|
|
|
|
|
|
|
|
|
Re: العميري 10 × 1 ... (Re: filan)
|
عبدالعزيز ...
في الممشي العريض
عُمق غريب في حنجرة الولد ...
تعرف يافلان ...
لم يحدث أن احببت صوتاً كصوت هذا
المغني الرسالي ...
شكراً علي هذا المتكأة الرحيب ...
فعميري ، صديقينا الودود
والبحبو كلو كريم...
| |
|
|
|
|
|
|
|
|
|
Re: العميري 10 × 1 ... (Re: Ibrahim Algrefwi)
|
الاخ العزيز فلان ...
شكرا كثيرا علي هذا الموقع و علي ال10 درر
أبراهيم الجريفاوي ...
Quote: عبدالعزيز ...
في الممشي العريض
عُمق غريب في حنجرة الولد ...
.] |
حيرتني في نفس اللحظه بسمع في المشي العريض بصوت مصطفي سيد أحمد قرأت مداخلتك
وجريت جري لللنك عشان اسمعها بصوت العميري و كانت خيبه امل فبالله لو عندك ولو ممكن تنزلها هنا
تكون أبدا ما قصرت...
وكمان عاوزه أقول ليك مش الحنجره بس لكن كدي شوف الكلمات زاتها
Quote: مكتوبة في الممشى العريض ...
شيلة خطوتك للبنية .. مرسومة بالخط العنيد
في ذمة الحاضر وصية ... شاهدة التواريخ والسير والإنتظار
أدوني من قبلك مناديل الوصول .. وفردت أجنحة العشم
في ساحة الوطن البتول ..
وضحكت ما هماني شئ .. وبكيت ولا هماني شئ
عندك وقفت من المشي .. وغرقت في ضوء النهار
D D D D D
كانوا بتمنوك لو ترتاحي لحظة على الدرب ..
حبوك حب قدر الحروف الحائمة في بطن الكتب ..
قدر الخيال ما مد يدو على السحب .. كل خاطر قال بريدك
إلا ريدك كان رسول الدهشة في كل الديار .. وأنا زي عوائد الشعر فارس شد خيل الكلمة ليك .. مصلوب على ظهر البداية القالوا آخره بين يديك قلت يا مهون تهون شان أجيك كنت بريدك وبتشتيهك
أنكسر فيني الترجي ونلت من سفري الخسار .. بس دائر أقولك يا أصلية لو تعب فيني التمني وإنهتك وتر المغني ..
لو تسدي علينا طاقات البشائر وأنهزم يوم التجني
|
مع مودتي وتقديري
مهـــا
| |
|
|
|
|
|
|
|
|
|
Re: العميري 10 × 1 ... (Re: filan)
|
سلام عميري ولجهك النضر الوسيم ...
فلان ، تحفزني للكتابة في سودانيز أون لاين ، شكراً علي ربطي بالمكان...
مها بشير ، صباحك سُكر .
طبعاً عبدالعزيز ده كان عائش مع الأيام سحابة ، يهطل ويدي
الدُنيا بسمة ، أصلو أخونا شاعر وممثل ومغني وأذاعي وديمقراطي
وعاشق من طراز فريد، من الأبيض وودابروف ومعروف بحبه الشديد للمُدن
والبنات الجميلات، يحفظ من شعر البادية والريف والبطانة ما يكفي
لتأسيس حلة "حنين" بعدين يُحكي عنه انه من أجمل الاصحاب واخفهم علي
دم الناس ، بعدين صوته حبوب وأليف.
...
...
أنا ما حصل سمعت عميري بغني في الممشي العريض ، عرفت
هنا انو مصطفي سيدأحمد لقي النص ده صدفة في مفكرة بتاعة
تماضر شيخ الدين من خلال موصلي او شئ كهذا ...
وطلعت الغنية ، العجيبة دي..
...
...
لكن شائف فوق الناس "سودانية وفلان وتمبس بتكلم عن عميري ودوبييت وكدة
أنا عندي تسجيل "في كاسيت" فيهو عميري بدوبي ، بدوبي ذي المُغربية كدة ...
مشكلتي حديث عهد بالانترنيت وما بعرف احمل الاغاني وارفعها في صفحات الويب ...
لكن الزول ده بدوبي ذي القُمرية ،قمرية ماذا ، ذي سبعة قماري ومعاها عود...
وصوته اجمل من المركب ومن تطلوح فلقة ...
...
غايتو ، الحمدُ لله
كماكتب طلال يوماً
عميري غُصن ريحان قطفته الريح ...
| |
|
|
|
|
|
|
|
|
|
Re: العميري 10 × 1 ... (Re: Ibrahim Algrefwi)
|
أبراهيم الجريفــــاوي...
.Quote: مها بشير ، صباحك سُكر .
|
وانت صباحك و مساك أحلي من السُكر...
Quote:
طبعاً عبدالعزيز ده كان عائش مع الأيام سحابة ، يهطل ويدي
الدُنيا بسمة ، أصلو أخونا شاعر وممثل ومغني وأذاعي وديمقراطي
وعاشق من طراز فريد، من الأبيض وودابروف ومعروف بحبه الشديد للمُدن
والبنات الجميلات، يحفظ من شعر البادية والريف والبطانة ما يكفي
لتأسيس حلة "حنين" بعدين يُحكي عنه انه من أجمل الاصحاب واخفهم علي
دم الناس ، بعدين صوته حبوب وأليف.
|
تصور يا أبراهيم أنني كنت اكثر الناس حظا لأن عميري كان صديق لآصدقائي تعرفت عليه من خلالهم
وفعلا كان اجمل الاصحاب....
وايضا من حسن حظي انه غني لي في حفله دخولي الجامعه ويا حليل السودان وللعميري رحمة الله
Quote:
لكن الزول ده بدوبي ذي القُمرية ،قمرية ماذا ، ذي سبعة قماري ومعاها عود...
وصوته اجمل من المركب ومن تطلوح فلقة ...
...
|
فعلا يا ابراهيم بيدوبي زي سبعه قماري وسبعه بلابل...
وكماكتب طلال يوماً
عميري غُصن ريحان قطفته الريح ...
| |
|
|
|
|
|
|
| |
filan
saadeldin abdelrahman
rani
luai
tmbis
قرشـــو
بلدى يا حبوب
علوبه
Ibrahim Algrefwi
فيس بوك
تويتر
انستقرام
يوتيوب
بنتيريست