|
|
|
 Re: يا خال ود قاسم الناس دي بتجيبوها من وين ؟.. (Re: ودقاسم)
|
الخال ود قاسم
تحياتي و اشواقي
كل عام و انت بالف خير
و لا يهمك في التأخير في الرد على البوست لاني انا نزلته يوم الخميس بعد نهاية الدوام و باين كده اغلب الناس بتدخل النت من اماكن العمل و كمان تاني ما قدرت ادخل النت الا يوم السبت متاخر جدا زي ما تقول كده قريب صباح الاحد. على العموم ما فت شئ و اهو نحنا فيها لكن ولدك "ود دفع الله" جنني في راسي و اليوم كله معاي في التلفون و مرة مرة لما مايكون في القلقالة بيكون حايم في حلتنا مرة يقول عندنا عمنا ساكن جنبكم و مرة كمان خالتنا وكمان قريباً لينا ساكن حداكم "حسب قوله"
و من هنا و عبر هذا المنبر اناشد عموم بورداب الرياض للمساهمة في ارسال "احذية متينة" انه باين عليه زولكم ده حفى من المشاوير الطويلة و نحنا ما بناباه لكن الفيه اتعرفت.و كمان لو رسلته ليه يرجع الرياض يكون احسن لانه كل يوم و التاني هو مسافر القلقاله عندهم "وفاة" آخر حاجه الليلة بتصل عليه قال هو راجع من دفن ود جيرانهم هناك و حيرجع العاصمة بعد رفع الفراش و لو استمر بالمعدل ده العوض على الله في اهله و ربنا يهون عليه و علينا.
| Quote: بس عايز أطمئنك ،،، وأؤكد لك أن معتصم رغم غلاوته فهو من طرف شنطة بورداب الرياض |
يا ربي لو دخلت يدك لجوه شويه حتطلع لينا شنو؟!!!!!! بس حاول رسل لينا باقي الشنطه بسرعه قبل ما "مو" يستنفد كل مواردنا و م.........نا.رغم اني متاكده انه زي "مو" ده ما ليه مثيل الا اذا اثبت لي غير ذلك و ما تخلينا نزعل ناس "تامبا و حمزاوي و بقية العقد الفريد مننا.
بس الغريبة ما عاوز يجيب لي صلاح شتات معاه و كل ما اقول ليه اديني صلاح اتكلم معاه في التلفون يقول لي نايم، انا ما عارفه صلاح ده كان عندكم بشيل شنو؟!!!!!!!!!!!
و للحديث بقية ذات شجون
و دمت
| |
 
|
|
|
|
|
|
|
 Re: يا خال ود قاسم الناس دي بتجيبوها من وين ؟.. (Re: رانيا بابكر)
|
لك الله يا معتصم يا ولدي ، تسير حافي القدمين في شوارع الخرطوم ، تسعى بين الناس بالمودة ، تفرش لهم قلبك بساطا يمشون عليه ...
شنو يا معتصم أنا ما حذرتك من بوردابيات الخرطوم ؟؟ ومال بوردابيات الرياض ديل يتونسوا مع منو ؟ مع العجايز ؟ وللا مع حمزاوي ( طبعا حمزاوي ينتمي لفئة ما فوق العجائز يعني xxl ) ...
تعرف يا معتصم رسّلنا أحمد حنين للخرطوم ، قامت عبير خيري شالت قلبو ، ورسّلنا دكين للخرطوم بالله ما أدّوهو فرقة ! والحالة دي هو دكين ... ورسلنا معتصم خلّوهو يمشي حفيان ! يا جماعة سيبوا بورداب الرياض في حالهم ، برضو هنا في الرياض عندنا بوردابيات ،،،
| Quote: بس الغريبة ما عاوز يجيب لي صلاح شتات معاه و كل ما اقول ليه اديني صلاح اتكلم معاه في التلفون يقول لي نايم، انا ما عارفه صلاح ده كان عندكم بشيل شنو؟ |
رانيا
جالك كلامي ، حتى معتصم خايف من المنافسة ، أصلو صلاح شتات ده حاجة تانية ، وهو مش نايم ، بس هو بيسمع كلام خالو ، لأني أنا وصّيتو ونبّهتو لبوردابيات الخرطوم ، وقلت ليهو أوعى يختفوك من بوردابيات الرياض ،،، وطبعا معتصم عارف إنّو لو صلاح شتات ظهر في الصورة معناها حقّو راح ...
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: رانيا بابكر)
|
| Quote: وأؤكد لك أن معتصم رغم غلاوته فهو من طرف شنطة بورداب الرياض ،،، عندنا حاجات أحلى من كده بكتير ،،، لسة ياما حا تشوفوا حاجات ،،، |
الاستاذة رانيا
مسكاقمي
الخال يقصد واحد . . والحرف الاول من اسمه حمزاوي
بحاجات أحلى من كده بكتير
عرفتيه يا رنويا
عليك الله يا دكين
ما تجي جنب البوست دا
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: الخير محمد عوض)
|
الاخ الخير محمد عوض
مرحب بك بين جنبات المنبر الحر
مع الاستاذ وردي شفاه الله اذوب وجداً و حباً و التياعاً و اسبح في مفردات اغانيه المنتقاه فهو يتغنى بعصارة الشعر السوداني المنتقاه الذي يلمس الوتر الحساس في شعورنا و يجعل قلوبنا تدق حبا و يسكر عقولنا حتى الثمالة و كل مقطع من اغنياته هو عبارة عن قصة حب يعيشها معظمنا و نرقص لها فرحاً
و دمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: حمزاوي)
|
الاخ حمزاوي
تحية طيبة
و الله الخال ود قاسم حيرني معاه مرة يقول لينا رسلنا ليكم "نوارة" بورداب الرياض ومرة كمان يقول معتصم رغم غلاوته فهو من طرف الشنطه.و الله الا تكون شنطة الخال دي هي زي "جراب الحاوي الشايلة بلاوي" و عاوز اؤكد ليك انه بورداب الرياض ديل كلهم غلاوتهم علي ما بتتوصف و هم كمان عارفين كده.
Quote: عليك الله يا دكين
ما تجي جنب البوست دا |
دكين و الجماعه كلهم شايفاهم بتاوقوا للبوست من بعيد بعيد و خايفين يدخلوا و الفاس تقع في الراس.ههههههههه
و دمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: humida)
|
الاخ حميدة
سلام
ان شاء الله ما تفقد عزيز لكن قول لمعتصم يا حليلك لانه نهينا ليه اقامته في الرياض و غالباً ما يكون معانا على طول و عقبالك انت و بقية العقد الفريد اصله" الغريب عن بلده مهما طال غيابه مصيره يرجع لاهله و صحابه"
اما صلاح شتات فما زال يشاور نفسه في الامر لكن باين حنمسكهم الاثنين و انتم ليكم الله من الغربة و كسير التلج في صقيع الشتاء ده.
و دمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: إسماعيل وراق)
|
الاخ اسماعيل وراق
تحية طيبة
Quote: سلام رانيا
يبدو أنه، والعلم لله وحده، أن صديقي معتصم لم ينفك عنه ألم الضرس بعد.. |
انت صدقت حكاية وجع الضرس دي؟!!!!!!!!!!لا هو من الزمن داك عنده وجع قلب و خجل ما يقول ليكم و هسع جاء السودان يتعالج لكن باين حتنطبق عليه الاغنية البتقول " الدكاترة كشفوا القلب و لقوا قلبي زايد ضرب يا حبيبي انت تعلم قلبي بيك تألم" بالمناسبة الاغنية دي سمعتها من الاستاذ/حمد الريح عشان ما تقول ده غنا بنات هابط و تبقى الحكاية حكاية تانية.
و دمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: حمزاوي)
|
يا بت بي طريقتك دي الود ده تاني ما بجي قالب علينا جاي ..
وان جانا بجي مظلل ..
معتصم حقيقي زول رائع وشاب زينة ونفسو سمحة شديد..
فقدناهو هو والشفيف صلاح ..بس صلاح بنلقي في جريدة الخرطوم ..
اها زولك ده نلقاهووين كان خربتي طبعو بي الحاجة الباردة وونسة الجكس ..
والله يامعتصم بختك ..
لقيتا ياوغد..
طبعا في نص شنطة بورداب الرياض ديل بتلقي حماميزو ..
زول حبوب ورقاص وبتاع هجيج ..
وبعرف يدلع الجكس ..
قال رنويا قال ..
رنويا يا كبير ؟
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: DKEEN)
|
عزيزي دكين
التحيات النواضر
و منو هو القال ليك معتصم راجع ليكم تاني عليكم العوض فيه و فتشوا ليكم عن بديل
Quote: طبعا في نص شنطة بورداب الرياض ديل بتلقي حماميزو ..
زول حبوب ورقاص وبتاع هجيج ..
وبعرف يدلع الجكس ..
قال رنويا قال .. |
ان شاء الله موعودين بلقائكم جمعيغا يا بورداب الخارج لكن اعمل حسابك البيجي قاصنا من هناك تاني ما عنده طريقة يرجع
و دمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: صديق الموج)
|
صديق الموج
سلام
وينك يا راجل لينا زمن ما اتلاقينا
كل سنة و انت طيب و شكرا على رسالة الموبايل و انت كان الرقم حداك مالك ما بتتصل؟ و لأ مستني تهنئني بجائزة معرض الزهور و بالمناسبة معرض زهور الخريف حيبدأ يوم الجمعة 2/12 يعني بعد اقل من اسبوعين بس كسلانة من الاشتراك لاني و الله المعرض الفات تعبت خالص و فقدت معظم زهوري من اثار النقل و الترحيل.
Quote: والله كان كده الله لاجاب يوم شكرنا،،،
|
ما اصله ليكم يوم بس ان شاء ما يبقى عليك زي تكريم ناس الحكومه لاعلام البلد،ههههههههه انت براك عارف البحصل عليهم شنو!!!!!!!! لكن تبرأ و تستبرأ
و دمت
تزييله:
انت ما جاي السودان قريب؟
| |
|
|
|
|
|
|
|
|
 Re: يا خال ود قاسم الناس دي بتجيبوها من وين ؟.. (Re: ودقاسم)
|
| Quote: (عدل بواسطة ودقاسم on 21-11-2005, 01:53 ص) |
بلاي تاني .. مسحان .. مسحان ما معانا ..
يا اكتبو لينا طااااخ كدا مرة واحده ..
يا ما تتلاعبو بي مشاعرنــا..
.
.
الولد ولدك
والبنية بتك .. ونحن بنشجع اللعبة الحلوة .. وبناخد الحكمة من اعمامنما السبقونا بمراحل من السنين الضوئية..
.
.
كمان عامل الخبرة ليهو اثر
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: ودقاسم)
|
الخال ابو طلال
صباح الفل و الياسمين
يبدو انك ستدمن هذا البوست و تعشق الاطلاع عليه مع رشفه من فنجان قهوة الصباح.نحن في السودان اكيد احسن حالا من غربتكم التي اكره الانقياد لها مهما كانت الظروف و الملابسات التي تدعو الى هجران الوطن الاغر "رد الله غربتكم جميعا" شفت الدعوة الاصتبحت بيها دي كيف يا خال؟ و الله العظيم ادعو لكم بها من صميم قلبي.
و الله ولدك ده لسه في البلد و قال عديييييل كده ما جاي هسع الا يكمل ضوء القمره كله و لحدي ما يشوف هلال نهاية الشهر،باين الجماعه هناك عاملين ليه جلسات انس و سمر على ضوء القمر و نحن هنا ما عندنا مشكله يهل علينا "مو" من نهاية الشهر لحدي نص الشهر الجديد،طبعاً هو كده ما كفاية لكن ما نكون طماعين و نديهو فرصه شويه مع اهله مع انه امه و اخواته قاعدين الايام دي في العاصمه.
و هو بالمناسبه جاياه اخبار البوست ده اول باول قال الناس ساكينه بالتلفونات و الرسائل بس هو عامل فيها تقيييييييييل و ما فاضي. انا غايتو عاوزاه ينزل لي اغنية "يا بت النيل النيل احب النيل يا جميل" سامع الكلام ده يا "تامبا" وزير "مو" بالانابه
و لك فايق تقديري و احترامي
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: Sidig Rahama Elnour)
|
يا ارنيا..
كيفك ؟؟
غايتو قولي لي صلاح شتات دا ابقى مارق .. عوضنا صاحب العوض في معتصم..
..
.
يابورداب الرياض .. شوفو ليكم معتصم دفع الله تاني غير معتصم دفع الله البعرفو انا ..
معتصم ده تاني ما بيجي .. عامله لي كلها تصليح كمبيوترات ..
يارانيا..
الواحد كان جا قريبات دي كيف ؟؟
بيلقى التلج ده ..؟ والا كيسين تلاتة ( داردمه ) والا ح تدونا البرد ه بس ؟؟
وااااا معتصماهـ
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: tmbis)
|
| Quote: أصلو صلاح شتات ده حاجة تانية ، وهو مش نايم ، بس هو بيسمع كلام خالو ، لأني أنا وصّيتو ونبّهتو لبوردابيات الخرطوم ، وقلت ليهو أوعى يختفوك من بوردابيات الرياض |
| Quote: غايتو قولي لي صلاح شتات دا ابقى مارق .. عوضنا صاحب العوض في معتصم |
تمبس وامعتصماه ساكت 
وبعد نصائح الخال ود قاسم وفعايل معتصم شتات يتلبد خلف الأبواب البتمرقو على المطار ماعرفناها
غايتو يابورداب الرياض شكيت محنكم
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: ملكة سبأ)
|
الملكة الرزينة سلامات
مشتاقين و الله
و الله فعلاً الظاهر شتات سمع كلام خاله و يا بخت القابله في المطار،اما نحنا لينا الله من التلبد.هسع يا ربي البمرقه لينا شنو،عليك الله لو لميتي فيه اديه لينا دفره عشان نلاقيه و نسلم عليه
و "مو" ده خليهو ساي انا غايته شكيته للخال و شلت حاله الظاهر راسه قوي و ما بسمع الكلام و احسن ليه "قلقالته" هناك مافي زول جايب خبره لكن هو براه لسانه سليط و ما بتبل في خشممه فوله و بحته كله قبل ما يصل الايلة ماشي حفلة عند ناس فلانة و بكرة عازمني ناس علانه و انتو هنا تعملوا ليه في القعدات و هو فاتح ليكم و يعمل انه مسافر البلد لعزاء.
غايتو لينا و ليكم و ليه الله
و دمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: tmbis)
|
تامبا اللذيذ سلام
وينك انت من زمان مالك كنت متردد تخش البوست ده؟ كنت خايف نجرك معانا و لأ شنو؟ما تخاف اربط السلاسل قوي و ادخل لي جوه
http://www.sudanhosting.com/cgi-bin/bandwidth.pl?type=p...c&name=alaatmbis.jpg
و الله يا تمبس احسن تجي السودان قبل ما الجماعه يفضلوا ليك العقاب و ما تلقى الا تكسر الزلط بدل التلج
صحبك كل يوم يسألني تامبا ما دخل البوست اقول لا ما دخل الظاهر خايف من الورطة و الجهجهة ما يعرف يجي لاحقك و لا يجي يسوقك الرياض و لا كمان انتو الاتنين تقعدوا هنا و يجرك معاه في المعمعه
صدق كمبيوتري كان شغال بس من شفت "مو" دخل بيتنا مشيت فكفكت الجهاز و قلت ليه جهازي ما شغال عشان احبسه و ما يقول لي من بدري بدري خلاص انا ماشي البيت،ده كله عشان اضمنه على الاقل يقعد معاي ساعتين او تلاته و اجرجره ليك في الكلام
نحنا في انتظار جيتك
و دمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: Sidig Rahama Elnour)
|
ود رحمة سلام
كيف اخبارك
Quote: سومي الجميل وين انت وإن شاء الله عملت الوصية الإتفقنا عليها
بالله وصلي الجملة دي يارانيا |
يا زول اوصل شنو؟!!!!!!!!! احتمال هسع انت موصيهو يعمل لي عمل هو ناسيه اقوم كمان اوصل الوصيه يعملها فيني........ خليهو ناسي احسن كان حاجة في الصالح بيتذكرها براهو
بالمناسبه عندي كمية من الصور تاني غير المنشورة دي تدفعوا كم و انزلها ليكم..........؟
ودمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: رانيا بابكر)
|
| Quote: غايتو يابورداب الرياض شكيت محنكم |
ملكة سبا كيف حالك
ما قلت ليك انا احسن واحد فيهم!!وبعدى تمبس وبعدنا ود الباوقة والطيش دكين وتانى
الطيش حميدة وتالت الطيش محمد الشيخ ورابع الطيش حنين.
الله لاجاب ليكم كبيرهم الذى علمهم اى حاجة..واسالى تمبس عن اسمه
المهم ولده اسمه طلال وزوجته فوزية لكن ما بقول ليكم اسمه
وبعدين هو حاجز ليه شجرة..وبالمناسبة هو من مغتوق وخريج جامعة الخرطوم
لكن اسمه لا يمكن الفصح عنه لاسباب امنية،،
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: صديق الموج)
|
صديق الموج سلام
Quote: الله لاجاب ليكم كبيرهم الذى علمهم اى حاجة..واسالى تمبس عن اسمه
المهم ولده اسمه طلال وزوجته فوزية لكن ما بقول ليكم اسمه
وبعدين هو حاجز ليه شجرة..وبالمناسبة هو من مغتوق وخريج جامعة الخرطوم
لكن اسمه لا يمكن الفصح عنه لاسباب امنية،، |
ده ما اظنه يكون خالنا ود قاسم "ابو طلال"
يا ربي ده ما تكون انت زااااااااااااااااتك؟
ههههههههه
حالة صعبة اخير منها..............
دمت
| |
|
|
|
|
|
|
|
|
|
Re: يا خال ود قاسم الناس دي بتجيبوها من وين ؟.. (Re: رانيا بابكر)
|
Quote: لك الله يا معتصم يا ولدي ، تسير حافي القدمين في شوارع الخرطوم ، تسعى بين الناس
بالمودة ، تفرش لهم قلبك بساطا يمشون عليه ... |
آاااسف لم ادخل على هذا البوست ولو ان العنوان مر علي و "اكلتني" اصابعي نحوه
ولو رأيته لرفعته فوق اعمدة سيد الحوش و الأخبار ولحفظت الباندويدث والبان جديد
زااتا وحليل قعدات الخريف اب مطرتا متل معتصم.
شكرا رانيا
الخال ودقاسم
والأخ محمد الأمين أحمد الذي ربطني بهذه الطيبه والوجوه السمحه
و وا معتصماااااه يا تمبس
| |
|
|
|
|
|
|
| |
رانيا بابكر
معتصم دفع الله
ودقاسم
محمد امين مبروك
الخير محمد عوض
إسماعيل وراق
humida
صديق الموج
tmbis
Sidig Rahama Elnour
ملكة سبأ
mohamed elshiekh
saadeldin abdelrahman
garjah
فيس بوك
تويتر
انستقرام
يوتيوب
بنتيريست