|
|
|
 Re: دعونا نستريح قليلا (Re: إسماعيل حميم)
|
الأخ الفـاضـل م.سيد أحمـد قـدورة..
كـان ممكـن ان اجـاوبك علي سـؤالك ده لو كـانت عـنـدي معرفة حـتي ولو بسيطة..بس للأسـف مـاعنـدي ..وكمـان لم يحـدث علي الاطـلاق أن فـكـرت في هـذا المـوضـوع الخاص عـن اسـم خـوجـلي..لكـن قبـل شـهـور اخـبرني احـد الاصـدقاء بأن اسم خـوجـلي اسـم باكسـتاني!!
لم يخـبرني ابي كـثيرا عـن اصـل اسمـه ربمـا فعـل ولم استمع أنـا..عكس والـد ابنتي الذي يري انه مـن الواجـب علي اصـلاح اسـم جـد ابنتي ليصـل الي الجـد الخمستاشر او العشـرين لا ادري.. ليصـل أيضـاالي جبـل اللقمـة بـدلا مـن عبـد الرازق الزين اللـذان يتكـرران باسـتمرار يفصـلهما صـالح..
سـأنتظـر معك التعليق علي ذلك مـن مـداخـلات اخـري..
ولكـن بينمـا نحـن نفعـل ذلك سنستمـر في مناقشـة قضـايا انتهاكـات حـقـوق الانسـان السـوداني مثل قضـايا المغتربيـن ومثل الاعـدامـات ومثل اعتقـال وسجـن النسـاء والرجـال بدون حـق ..
لك التحايا..
مـني عـوض خـوجـلي
| |
 
|
|
|
|
|
|
|
|
Re: القصد أن تعم الفائدة الجميع (Re: م. سيد احمد قدورة)
|
Quote: الاخ الحميم اسماعيل حميم.
أنا أنشد الإخاء مع الجميع فقط وهذه مناسبة طيبة، فدعنا
نتعرف على بعض عن قرب. |
أخي الكريم/ محمد سيد أحمد قدورة .. .. .. فهل أصِبتُ نقلاً ؟؟؟
مرحباً بك أخ كريم
قول بسم الله . وقرّب تلقاني مآدي ليك الليد
عشان تصل المنشود . ولي خوتنا تبقي تزيد
باقي الدار ... فيها الصالح النهجو لينا مفيد
وفيها الطالح ... اسمع قولنا خليك منو بعيد
| Quote: ونمرة وخوجلى واظنها ليست من اصول عربية |
أما ما بداخل الكوت لازال قيد البحث تحت أيدي أمينة
إسماعيل حميم
| |
|
|
|
|
|
|
|
|
|
زين والله (Re: م. سيد احمد قدورة)
|
الأخ حميم
يبدو أنك فعلا حميم، لك التحية
ويا جماعة ماتشوفوا لينا كلمة نمرة دى جات من وين.
ويا منى خوجلى والله حقوا تتحمى وتدمى وتفتشى لينا عليها لأنو معضلة كلمة خوجلى دى أهو الحميم حلاها ليكى.
يلا ورينا شطارتك.
| |
|
|
|
|
|
|
|
|
|
Re: زين والله (Re: م. سيد احمد قدورة)
|
عـارف أنـا هأسـأل عمي عبـد المطـلب الفحـل في الخـرطـوم ..امكـن يكـون عارف اسم جـدنا الكبير ده اصـله شـنو..صـحي اسـم خـوجـلي ده شـكله غـريب يكـون جـه مـن وين ياربي??
علي فكـرة نحن مـن الزومـة وكـريمـة ولا تجمعنـا صـلة قرابة بالخـوجالاب
اصـحابك يا أخـي اسـماعيل حمـيم ..شـفت الحـيرة دي زادت كـيف?
تحـياتي
مـني
| |
|
|
|
|
|
|
|
|
|
Re: زين والله (Re: Muna Khugali)
|
Quote: الأخ حميم
يبدو أنك فعلا حميم، لك التحية |
يا أخوي م.سيد أحمد
بعد دا كللللللللو ولسه يبـدو؟
    
Quote: علي فكـرة نحن مـن الزومـة وكـريمـة ولا تجمعنـا صـلة قرابة بالخـوجالاب
اصـحابك يا أخـي اسـماعيل حمـيم ..شـفت الحـيرة دي زادت كـيف? |
بعد إذنك أخي م. سيد احمد
إخيتي مني
تحيات عاطرات
أنا الذي ( يبدو) سأحول مجري هذا البوست للتحدث عن نسب الخوجلاب
بس أدوني ( صنه وبجيكم )
سلمتِ وأدام الله الإخوة بيننا
مودتي لكما
إسماعيل حميم
| |
|
|
|
|
|
|
|
|
|
تعظيم سلام (Re: م. سيد احمد قدورة)
|
الاخت منى
تعظيم سلام لكل ناس الزومة الطيبين ، بس شوفى لينا كلمة النمرة دى بالله
الأخ حميم الحميم
لك التحية والود يلا فتش وورينا وماتنسى النمرة.
افتكر فى أغنية عربية بتقول . غلطان بالنمرة وبيتى بشارع الحمرة.
| |
|
|
|
|
|
|
|
|
 ولكم المزيد (Re: م. سيد احمد قدورة)
|
ما رأيكم أحبائى فى كلمة امضاء والتى نعنى بها توقيع فمن أين أتت وما أصلها وهل هى عربية ماذا
ويا حميم ومنى خوجلى والجميع زيدوا دى على النمرة
ونواصل
| |
|
|
|
|
|
|
|
|
|
Re: ولكم المزيد (Re: م. سيد احمد قدورة)
|
راجـاك يا حمـيم خـيي .. لا تتاخـر شـي!
ياسـلام يا سـيد احمـد قـدورة فعلا ناس الزومة ديل طـيبين خـلاص..
عشـان كـدة هم عملـوا مجـهـود كبير في البحث عـن اصـل كلمة نمرة..
ولم يجـدوا اجـابة وبالتالي بيسـألوك كـلمة نمـرة دي جـات مـن وين?
وبالمـرة كمان شـوف لينـا كـلمة امضاء
ولي بعـدين..
مـني
| |
|
|
|
|
|
|
|
|
|
فى رجاكم (Re: م. سيد احمد قدورة)
|
والله يا منى باين كلمة نمرة دى صعبة خلاص.
وبالمناسبة عندنا جدنا اسمو دلوبة. من زمان أنا بفتش على معناها.
وما تتخيلى فرحتى اليوم عندما عرفت المعنى والدلوب هو نوع من الاشجار.
ومصدر فرحتى ان هوايتى هى العناية بالاشجار واستزراعها وليس زراعتها فقط.
تخيلى أنا فى اجازة العيد ، الناس شايلين الحلويات والملابس للسودان، أنا كنت شايل شجرة توت وشتلات فراولة، والله خايف عليهم زى ولدى، والحمد لله وصلوا كويسين.
وفى انتظار حل معضلة النمرة ونواصل
| |
|
|
|
|
|
|
|
|
|
Re: فى رجاكم (Re: م. سيد احمد قدورة)
|
طـبعا مافي أجمـل مـن الزراعـة..أولا بتعـبر عـن حبنـا قي الجمال..
ثـانيا عملية المجـهـود والرعـاية والاهتمام مـنذ وضـع البـذرة او الشـتلة في الأرض وسـقايتها ومشاهـدتها وهي تنمـو وتمر بمراحـل مختلفـة هي عملية مـن الـسرور والفخـر العظـيم نشعر معه كـأننـا اشـتركنـا في عملية الخـلق..
ولقـد تخيلتك أخـي وانت تحمل شـتلات الفـواكـه بحـرص كما يحرص الوالـد عـلي ابنـائه .. ثم تـذكـرت حـالي قبـل ثلاثـة اشـهر عنـدمـا وجـدت شـتلة عنب جميلة يتـدلي منها عنقـودين صـغيرين..اشـتريتهـا وانـا احلم بأن ازرعـها في المسـاحة الصـغيرة الموجـودة بمنزلي..
ضـحكت أمي وحـلفت انه الشـجرة دي ماممكـن تكـبر وكمـان زادت علي كـلامها
انه عناقيـد العنب ملصـقة!
انـا طـبعا اتغظـت جـدا لأنه كـنت متأكـدة انها حـقيقية واتخيلت نمـوها وكيف هاعمـل تحتها مكـان اقعـد فيه في الصـيف ..
لكـن مات احـلامي ياصـديقي بعـد ان زبلت الشجـرة ثـم ماتت..مـن زرعـها لم يحـفر لها بعمـق كـافي!
ياللا اضـحـك وماتفـول علي مستهبلة!
مسـاءك خـير...
مـني
وعـلي فكـرة انت لو كـنت سـألتني عـن اصـل اسـم جـدك 'دلوب'..كـنت وفـرت عليـك مشـوار البحـث..لأن (الدلوب هو نوع من الاشجار)
| |
|
|
|
|
|
|
|
|
|
ادينا التفاصيل (Re: م. سيد احمد قدورة)
|
طيب مادام انتى عارفة شجر الدلوب طيب ادينا شوية تفاصيل عنه ووفرى علينا مزيدا من البحث زى ما وفرنا عليك عناء البحث عن كلمة خوجلى اى المعلم على.
وبرضو ماناسين النمرة فمازالت مطروحة للبحث
| |
|
|
|
|
|
|
|
|
|
Re: ادينا التفاصيل (Re: م. سيد احمد قدورة)
|
كـيف يعني عايزني أكـلمك واشـرح ليك عـن جـدك??
ده جـدك انت وقطـعا لـن احرمك مـن متعة اكتشاف المتعة في اكتشـاف كـامل لمعني اسـمه..
اخبار شـجرة التوت وشـتلة الفراولة ايه? يارب تنجح زراعتك ليهم ومايحصـلوا العنبة بـتاعتي!
تحيـاتي..
مـني
| |
|
|
|
|
|
|
|
|
 آخر حلاوة (Re: م. سيد احمد قدورة)
|
تصدقى والله نجحو وآخر حلاوة بس منتظرين الثمار، وليك على لما يثمروا بنديك شوية.
والنمرة يا ههههههههههههههههههههههههههههههههههههو
| |
|
|
|
|
|
|
|
|
|
Re: 9 (Re: م. سيد احمد قدورة)
|
الاحباب
مني وم. سيد أحمد
| Quote: راجـاك يا حمـيم خـيي .. لا تتاخـر شـي! |
(الصنّـة قربت تنتهي)
أكيد بجيكم راجع
مودتي
إسماعيل حميم
| |
|
|
|
|
|
|
|
|
|
Re: 9 (Re: إسماعيل حميم)
|
الاخ سيداحمد
اهلا بك بالمنبر واول مرة اعرف انك مشترك فى الامم المتحدة دى والتى يراس امانتها اخونا بكرى ..
عندنا فى البلد الاسماء تطلق واحيانا يشتهر الناس بالاسم المحلى ويطغى على اسمه ..عندك البجوك ولو قلت .. لى اى واحد حسن بابكر لن يعرفه لك احد ..
ايضا كلمة ابكراوى نسبة لابكر منطقة تاريخية فى العفاض طغى اسم المنطقة على الاسم الاصلى ..اسم دلوبة قريب من اسماء كثيرة باللهجة النوبية شائعة فى منطقة دنقلا القديمة وعلى دلوبة ربما يكون اقرب للهجة النوبية من شجر الدليب المعروف لانه لايوجد فى المنطقة ..
وفيا يلى جزء مهم من مذكرات الاروتى التى نشرت على موقع السودان للجميع وممكن يكون خير معين لك وللقراء ..
اساء الافراد فى منطقتنا مثلها مثل اى منطقة اخرى توجد اسماء من البيئة مرادفة للاسم مثلا على بوب وكلمة بوب من اللهجة النوبية واحمد كنجة وكلمة كنجة لها معانى كثيرة فى لهجتنا وتعنى الشخص القصير احيانا واحيانا معانى اخرى ..
احيانا يضغم اسم بكامله فى اسم اخر مثل مد خير اى محمد خير عب على اى عبدالله على وهناك اسماء نوبية صرفة مثل يابنتود او ملكا تود او نرمو وكلها اسماء افراد فى منطقتنا ابناؤهم وبناتهم تسموا باسماء متجددة او زى مابيقولوا عصرية ..
هناك اسماء تنسب الى شخص وتعنى ال مثل حمامنجى اى ال حمامة ومثله قيلانجى اى ال ودقيلى وكلها لهجة نوبية اسماء النساء ايضا نجد فيها مثل خديجة يقال لها بالدارجى خجيجى ..هناك اسماء غريبة قد تكون لها جذور نوبية مثل اسم هوله او هولا او مثل اسم بنيش وتابتة والماهلى وفرحين وبت اسد واسم جارة ..
هناك اسم يتكون من اسمين وهذه انا بالذات اعانى منها مثل محمد طه اسم واحد ايضا اسم محمد خير واحمد شوك كلها اسم واحد تجدها فى اى قرية ايضا اسم على بوب ء النساء مثل ام الحسن وام الحسين وست النفر ..
معظم الاساء الباقية تقليدية محمد واحمد وعلى وعبدالله وحسن وحسين وفاطمة ومريم واسيا ونعمة وصفية وفوزية وفتحية وبثينة والروضة والشفاء ...
| |
|
|
|
|
|
|
|
|
|
اهلا بالعفاضى البديرى الدهمشى الحر (Re: م. سيد احمد قدورة)
|
اولا شكرا لك على هذه الداخلة المفيدة
ويا خويى انت منو البتعرف بت أسد واحمد شوك.
انا فى انتظار مكالمة تلفونية منك ولو ما عارف رقمى بتلقاهو عند حسن حموده ههههههههههههههههههههههههههههههههها.
ومازلنا منتظرين ابحاث النمــــــــــــــــــــــــــرة
| |
|
|
|
|
|
|
|
|
|
يا عفاضى (Re: م. سيد احمد قدورة)
|
يا الكيك بالله ريحنا وورينا انت منو ماتقعد تلف وتدوربينا البلد داك
وتصرفنا بالله عن النمرة.
ويا حميم ومنى خوجلى يعنى الحكاية غلبتكم ولا شنو.
ماتنسوا القصة بقى فيها فراولة وتوت سودانى مية المية.
| |
|
|
|
|
|
|
|
|
|
الشية (Re: م. سيد احمد قدورة)
|
طبعا يا حميم يا خوى انت الليلة ما فضى لى ومشمر جلابيتك للشية انشاء الله بالصحة والعافية
ويلا ورينا ابداعاتك بعد الشية دى.
وعلى فكرة انا جايى اعيد فى امدرمان عشان ما يفوتنى لحم الضحية الطاعم ، ابقا زاورنا حتى لو فى العيد.
وعلى فكرة اضفنا كلمة السيمت كمان للنمرة.
| |
|
|
|
|
|
|
|
|
|
Re: الشية (Re: م. سيد احمد قدورة)
|
خـلاص يااسـماعيل ..ننتظـر لغاية عيـد الضـحية مـا ينتهي ويجـينا أخـونا قـدورة بكـلمة او اسـم جـديـد يبحـث عـن أصـله و يثير اهتمامه اثنـاء 'لمة' العيـد الكـبير..
وزي ما انت يا سـيد أحمـد قـدورة منتظـر خـوجـلي ونمـرة..احـنا كمـان منتظـرين التـوت والفـراولة!
كـل سـنة وانت طـيب..
| |
|
|
|
|
|
|
| |
م. سيد احمد قدورة
إسماعيل حميم
Muna Khugali
الكيك
فيس بوك
تويتر
انستقرام
يوتيوب
بنتيريست