|
كشف حساب شهري
|
بسم الله طبعا اليوم 25 /11 يعني شهر بالتمام والكمال وانا في المنبر ودا كشف حساب للشهر الفات واجمل مافي الشهر دا اني التقيت باخوه افاضل امثال الباشمهندس محمد السيد وناذر الخليفة وفيصل نوبي واوسلي وسعد الدين ودكتور عادل سجيمان وتمبس وصديق الموج وصديق رحمة النور وولد كسلا وبقال وكليل وايضا اخوات فضليات امثال لنا مهدي وبنت الاحفاد والقلب ونادية ونجود وايمان صالح وما انسى اشكر اخونا ابوريش استفدت كثيرا من بوستك بتاع كليات على الانترنت و في ناس تانية كويسة بس لسه ما تعرفت عليهم وان مد الله في الايام أكيد سوف نلتقي وان فات علي اسم واحد منكم فالمعذرة شكرا لكم كلكم يا ناس يا عسل
|
|
|
|
|
|
|
|
Re: كشف حساب شهري (Re: القلب النابض)
|
اختي انتي فعلا طبعا الواحد لمن يجي جديد في حتة ما بنسى اول ناس قابلته عشان كدا انا ما ناسي انك من الخمسة الكبار اللي رحبو بي من اول مشاركة وشكر خاص جدا ليك انتي بالذات انتي تسلمي من كل شر يا بنت بلدي
| |
|
|
|
|
|
|
Re: كشف حساب شهري (Re: الأمين عثمان صديق محمد)
|
تحياتي أخي الأمين نرحب بك مجددا وأنت تطفي شمعتك الأولي لقضائك(في هذا الفضاء السايبيري) كامل الشهر وقد عرفناك أخ كريم,والحمد لله علي المعرفة
وصلة: (عقبال شهر العسل)
ملحوظة. وجب التنبية بإنتهاء فترة الضمان والصيانة وهي شهر ..............................................................
"شهر" – تعني شهرا شمسيا وفقا للتقويم الغريجوري
| |
|
|
|
|
|
|
Re: كشف حساب شهري (Re: Eng. Mohammed al sayed)
|
الباشمهندس انت ما برضك من الخمسة تسلم تسلم انت يا غالي وعشمي اصلا ما ننقطع عن بعض ودائما فوق زي ما اصبع بوب مارلي مؤشر كدا وايه الدنيا غير لمه ناس في خير
شهر العسل الواحد دا انا ما بنفع معاي انا طماع عايز العمر كلو يبقى عسل
| |
|
|
|
|
|
|
Re: كشف حساب شهري (Re: فيصل نوبي)
|
انت اسمك مكتوب ونص وحروف اسمك باينه وسط الكل انت يا الحبيب حروف اسمِك جمال الفال وراحة البال وهجعة زول بعد ترحال وتنّية حلوة للشبال ودنيتنا ومشاويرنا وغنواتنا اللى ما بتِنقال حروف اسمِك نجوم ركّت على الياسمين فرح فى عين جمالها حزين أساور فى إيدين طفلة بتحفظ فى كتاب الدين زَفَافَ عاشقين بعد فرقه وسط باقات دُعَا الطيبين حروف إسمِك عقد منضوم بخيط النور وطلة وردة من السور ونغمة تنادى من طمبور وشُعلة فرحة فى الوادى تَشِع جَذلانه ليها شهور
ازيدك ولا كفاك
الاربعين مافي مفر منو لو سبنا في الرياض نلقى في الثورة
| |
|
|
|
|
|
|
Re: كشف حساب شهري (Re: الأمين عثمان صديق محمد)
|
اييييييييييييييييييق
الامين
اّ زول صلي علي النبي
ده كلام شنو ده
تهريجة
و زي ما قالولك خليك حليو كدي عشان ما تاخد لك انذار متلنا كد و تضحي بي يوزرك و باسورديك بدل خروف الضحية
| |
|
|
|
|
|
|
Re: كشف حساب شهري (Re: فيصل نوبي)
|
Quote: اييييييييييييييييييق |
النوبي الاصيل صدقني الكلام الفوق داك قليل عليك كدي عاين لي كلمة نوبي دي بس شوفها ماخدها مساحة قدر شنو من النيل وكم الف سنة من التاريخ ياخي حروف اسمك جمال الفال وراحة البال
Quote: و زي ما قالولك خليك حليو كدي عشان ما تاخد لك انذار متلنا |
ما تخاف علي انا حليو من ما قمت وفي الكورة ام كماجا سلام ملوك في الجو ما اخدت لي انذار اجي اخد لي واحد هنا ... انا اخو البنات لكن بالجد هنا في ناس تجيب الزار القايص سيبك منهم هسه ديل بعدين بكتبهم في بوست الاربعين انحنا هسه في حرم الجمال والناس الأناناس كدي شوف صورة ناذر تحت وهو بي لبس التخرج ما تقول الولد دا متخرج من هارفارد عديل مش من بنقلور سؤال انت البنت العسل المسخوتة الاسمها ايمان صالح دي وينها ؟ اصبر لي فيها ما تجي تبارك الشهر ياربي تكون لسه حايمه في باب شريف
| |
|
|
|
|
|
|
Re: كشف حساب شهري (Re: الأمين عثمان صديق محمد)
|
الأخ الفاضل الامين ..
Quote: واجمل مافي الشهر دا اني التقيت باخوه افاضل امثال الباشمهندس محمد السيد وناذر الخليفة |
وأنا سعيد جدا والله بالتعرف عليك عن قرب من خلال كتاباتك .. وأتمنى أن تحتفل قريبا بإكمالك الشمعة العاشرة أو العشرين في البورد
صنفرة :
طبعا دا لو ما بقيت مهذب زي ما إنت هسي .. أما لو حاولت تفرفر زينا كدة .. الشهر الجاي حا تحتفل في بيتكم برة المنبر
| |
|
|
|
|
|
|
Re: كشف حساب شهري (Re: ناذر محمد الخليفة)
|
يا لذيذ يارايق بي زيارتك الواحد طال سنتمترين في لحظة
Quote: صنفرة : طبعا دا لو ما بقيت مهذب زي ما إنت هسي .. أما لو حاولت تفرفر زينا كدة .. الشهر الجاي حا تحتفل في بيتكم برة المنبر |
ياخي انا الادب جبتو من كسلا وتميتو في الخرطوم تلاتة
اسمع هوي شد حيلك يا خوي وصنفر لي الحنجره مظبوط عشان خلاص انا انشاء الله جاي زول عصيرات وهمبرقرورات ساكت
| |
|
|
|
|
|
|
|